الحُسين بِهذي الايّام يدور عَلى نفسه بِأعمالنا
فَ ههوايّ اهدوله وسوا مجالس لوحدك واقرا زيارة عَاشوراء وأقرا سورة الفَجر واهديها ٳله وأقرأ القرآن وأهديله ولتسيء لأي شعَيرة ولا تنتقد اي خادم وأي زاير ديربالك ولتسكت مِن تشوف واحِد يحجي خَلي عقيدتك قويّة وبيّن للنَّاس انو قضية الأمام الحُسين خطنا الأحمر

وصاحِب الزَمان بهالايّام گلبه متأذي ومجروح
لتبخل عليه دائمًا اتصدق بأسمه
حَتّى بِكلاص المي اللي تنطي لواحد مِن أهلك
وكذلك اقروا ههوايّ سورة الشمس وخلوها صدقة
وخلونا نحاول انو مانرتكب معاصي قدر الأمكان
لنصير جرح جديد مِن جروحه
هوَ أمامنا وهاي مسؤوليتنا
خَلونا انصيرله ضَماد مو جرح إله

وهالله هالله بِمجالس الحُسين
وهالله هالله بأحياء الشعائر
وهالله هالله بِخدمة الحُسين
وهالله هالله بِزيارة عَاشوراء
وهالله هالله بالبُكاء عَلى الحُسين
وهالله هالله بالثقافة الحُسينية
وهالله هالله بِمواساة صاحِب الزَمان

أقروا واسمعوا ودوروا وخصصوا اوقاتكُم لكٌلشي يخص الحُسين تسلحوا بقضيته، ولتصيرون جرح مِن جروحه
وهذا واجبك وأقل شي تسويه
شما بجيت وحضرت مجالس وخدمت ولطمت وطبرت وقريت وأحييت الشعائر فَ انتَ ما مقدم الا القَليل وما يجيب جرح رجِل طفلّة بالشوك بيوم العاشر

وخلونا نسعى ههواي بأنو نجعل أنفسنا وأعمالنا قَبل مُحرم مو مِثل قَبل مُحرم

وطهروا أرواحكُم ونفوسكُم بالحُسين

وكُل ليلة احييوها للحُسين وبالحُسين
وديروا بالكُم تستحون تبجون كدام أهلكُم عَلى الحُسين
وديروبالكُم تضيعون أوقاتكُم عَلى اللاشي
هذا شهر لتطهير الأرواح ووصولها للكمالات وتهذيب النفوس

وخَلوا بداياتكُم وي الحُسين وبالحُسين وللحُسين
وهناك بالقيامة وبالقبر وبالحشر هوَ شفيعكُم

أن شئت النجاة فَزر حُسينا
لكي تلقى الآله قَرير العَين
فأن النار ليس تمس جسمًا
عليه غَبار زوار الحُسين

أبحثوا عَن قصة هذي الأبيات
وانتوا حَتعرفون شِنو يعني الحُسين

وهسّه نصوا صَوت العَالم وأسمعوا بَس صوت الحُسين

أستعدُ لشهر الحُسين 💔 ..

والفاتحة فتحتنا
والمَقتول أمامنا وأهل بيته
والمفجوع بيه رسولنا وأهل بيته
وعَظم الله أجرنا وأجركُم بهذي المُصيبة اللّي بجت عليها السموات والأرض والمخلوقات وحَتّى الجمادات
وعَظم الله أجرك يا مولاي ياصاحِب الزمان 💔.

وبِقلب صادق گول ياحُسين تقبل مِنا هالقَليل

يلا انروح نحيي ليالينا بأسم الحُسين

آهاتي إله
حِزني وعَذابي كربلاء 💔.

الصلاة اليوم لتنسوها .

مِن قَبل فَترة ومِن بديت أمشي بهالطريق وبديت اتغيّر لطريق الحَق والحُبّ ههوايّ مِن أصدقائي أبتعَدوا واكِو حَتّى اللّي قَطع عَلاقته بيّه الله يعينهُم عَلى الغَفلة اللّي همَّ بيهُم لكن بديت احِسّ بِغربة الأنبياء وبغُربة الرسول اللّي ﭼـان كُل يوم يصعد عَلى مرتفع ويدعو النـَّاس لله ويرجَع لبيته وهوَ مدمه وﭼـانت فاطمة الزهراء تنتظره وره الباب حَتّى تضمد جراحه
حَسيت بِغُربة الأمام عَلي وره وفاة الرسول وعرّفت ليش ﭼـان حافر حفرة ويبث ٳلها شكوته وحزنه
حَسيت بِغُربة الأمام الحسن اللّي خَلته يعقد صلح وي معاوية
حَسيت بِغُربة الأمام الحُسين بِيوم العَاشر مِن صاح "ألا مِن ناصرًا ينصرنا؟ "
حَسيت بِغُربتة بِليلة العَاشر مِن كعَد بخيمته وهوَ ينعى نفسه وگال
يا دهر أفٌ لكَ مِن خَليل‏ِ
كم لكَ بِالاشراق وَ الأصيل‏
مِن صاحِب و طَالب قتيل‏ِ
و الدُهر لا يقنعُ بِالبديل‏ِ
و إنما الأمر إلى الجليل‏ِ
و كُل حيٌّ سالِك سبيلي
ونفسها غُربة غَريب الطوس وبباقي الائمة
ونفسها غُربة صاحِب الزَمان وكيف هوَ مُغيب وخاصة بالدول الغَربية
رغُم اني ما اذوني ولا سمعوني كلام جارح
ولا اساءوا اليه وحاشا مِن انو اتكون غربتي ذرة مِن غربتهُم فَ اني وين وهمّ وَين
لكِن الشغَلة شوية تحز بالخَاطر
والحَمد لله بأنو أني عَلى طَريق الحَق
وهم دام السالفة هيـﭻ فَ أني هم مااتشرف بأنو ايكونون أصدقائي وهمّ يبغضون أهل البيت بِباطنهُم
احنة نـَّاس يومية نقرأ بِزيارة عَاشوراء
"اِنّي سِلْمٌ لِمَنْ سالَمَكُمْ وَحَرْبٌ لِمَنْ حارَبَكُمْ وَوَلِىٌّ لِمَنْ والاكُمْ وَعَدُوٌّ لِمَنْ عاداكُمْ "
وكُل يوم نلعن كُل ظالم ظلم حَق مُحمد وآل مُحمد سرًا وظاهرًا
"اَللّـهُمَّ الْعَنْ اَوَّلَ ظالِم ظَلَمَ حَقَّ مُحَمَّد وَآلِ مُحَمَّد وَآخِرَ تابِع لَهُ عَلى ذلِكَ"
والحَمد لله بيوم الحشر ووجوهنا بيضه كدام الرسول وأهل بيته

قَمِصُك المَنْشُور فِي السَّمَاء
مُنَادِيًّا حَيّ عَلى العَزَاء 💔.