هسّه بهذي الفَترة خَلوا عدكُم طموح انو تزورون الإمام وخاصة هسّه بالأربعينية لأن الطيارة كُلش رخيصة وتوصل لأقل مِن 25 الف النفر
احجوا وي اهلكُم وفكروا بهالموضوع بجدية وروحوا والله هناك جنة لا تُستبدل بكنوز الدنيا
كعدة لحظة بضريحة تسوى العُمر كُله
وتدرون شِنو الإمام ابدًا بعَد مايعوف اليزوره
دائمًا راح تحِسّ أنك برعاية الإمام
وروحك تتعلق بيه بصورة غَير طبيعية

يا غَالي ضريحَك بيتي
اطبلك شي بَس واطلع مِنك ثاني ♥️.

ما ناقص ضريحَك هيبةة
صدك ما ناقص بَس رايات ومشاية

- الرساله ؛ عن ابي عبدالله (عليه السلام) : ان الميت ينفعه كل عمل صالح حتى انه يكون في ضيق فيوسع عليه فيقال ان هذا بعمل إبنك فلان وبعمل أخيك فلان.

لكل من لا يستدعي ان يقوم بختم القرآن الكريم لأمواته، سنقوم بختم القرآن الكريم نيابة عنكم لأمواتكم مقابل مبلغ زهيد جدا نتصدق بجزء منه نيابه عن الميت....


لمن يرغب بذالك مراسلة الرقم:
07725828954

الأنسانة محتاجة
اللي يكدر ليقصر
اللي يسهل حاجة المؤمن الله يسهله حاجاته
وهالفعل عَند الله عظيم ♥️

- الرساله ؛ شلونچ مريوم، اريد شي يلهيني علمود ابتعد عن الاغاني هواي حاولت بس ما گدرت

بعد عَيني هلا بيـﭻ داده
بدلي الأغاني بالقرآن لأن الگلب مايتحمل حُبّ الأضداد "كلام الله وكلام الشيطان"
الگلب بالفطرة يحِبّ القرآن يميل إله لكن احنة اللي مفرقين بينهُم
كُل اللّي نسويه نجمعهُم ونكثر مِن قرأءة القرآن
لتگولون احنة نقرأ قرآن ونسمع الأغاني
انو تقرأ قرآن مُجرد لقلقة لسان
مو مِثل من تقرأ قرآن وانتَ تحِسّ الكلام موجه إلك مِن يعاتب الأقوام السابقة تحِس هالعتاب موجه إلك مِن يذكر اهل النار والكفار والمُخطئين والعاصين تحِسّين هالكلام الـﭻ تخشعين
مِن يوصف اهل الجنة والفائزون تحاولين تنتبهين لصفاتهُم واتكونين مِنهُم
تستأنسين بكلامه
الخَطوة الثانيةة اليوم بالليل افرشي سجادتـﭻ
وأطلبي مِن الله العَون
أطلبي مِنه انو يمدله ايدﭺ ويسحبـﭻ لطريقه
گوليله اني واكفة بِبابك
مااعوفه الا تعينني عَلى نفسي
مغريات الدنيا ههوايّ، اصدقاء السوء تارسة الدنيا، نفسي الأمارة قوية، والشيطان مامقصر وكُلهُم عليه بَس گلبي رافض معصيتك
گلبي يريدك اسحبني لطريقك، لحُبك، لقربك
اني راغبة قربك
طلع الأغاني وحُبّ الدنيا وشهواتي مِن گلبي وامليه حُبًا إلك وخشية مِنك
اجعل عُمري لخدمتك وطاعتك وعبادتك
لتشغلني بأي شي ثاني مِن مغريات الدنيا
كُل يوم كعدي هالكعدة وسولفي وياه
بَس لازم منـﭻ اصرار واتكونين شجاعة
طريق الله للشجعان
لذلك يتطلب الشجاعة والإرادة
امسحيهها شكو اغنية بجهازﭺ
حَتّى لو كان بِمقطع صغير
من حساباتـﭻ كذلك
مِن محادثات الشخصية
شكو شخِص بحياتـﭻ
متابعته، مصادقته، مرافقته يسمع اغاني ويشاركج اغاني ياما تحجين وياه
ياما تهجريه، وتغادريه، وتبتعدين عَنه
قُربًا لله، وحُبًا لله
والله يوفقـﭻ ويبعد عَنـﭻ وسوسة الشيطان وكلام الشيطان وكُلشي يبعدﭺ عَن الله

اخوان ارادة ارادة ارادة
لكُلشي ماتكدرون تبتعدون عَنه او تسوونه
الشي ماتكدرون بدونه اكدروله
المكان الماتكدرون تغادرونه غادروه
الشخِص الماتكدرون تبتعدون عَنه عوفوا
كٌلشي تعوفه وتغادره قُربًا لله وحُبًا إله
هنا حتكون الفايز
ماكِو شي تقدمه وتسويه لأجل الله يخليك خسران
بِكُل الأحوال انتَ الفايز مو بدنيتك بأخرتك

يعني هوَ الله مِن يحرم شغَلة مو اعتباطًا حاشا لله
اكيد يعرّف هالشي ياذينا
انا كنت اسمع شعر شعبي
ﭼـنت احس بروحي كئيبة، حزينة، ﭼـنت احِسّني ضحية، ﭼـنت اشوف الدنيا رمادية
حَتّى وبالرغُم مِن انو ﭼـنت اگول العكس وابين العكس
وعَلى الرغُم الشعر مو حَرام
ولكن الروح كُلشي بعيد عَن الله يأثر عليها
تتلوث، تتظلم، تتعب، تنملي حزن، تتكئب
واكِو آيه بالقرآن تنص عَلى هالشي
وَمَنۡ أَعۡرَضَ عَن ذِكۡرِي فَإِنَّ لَهُۥ مَعِيشَةٗ ضَنكٗا وَنَحۡشُرُهُۥ يَوۡمَ ٱلۡقِيَٰمَةِ أَعۡمَىٰ 
آيه صريحة جدًا
كُلشي مابيه ذكر الله
كُل عمل مو لله
كُل مكان ماينذكر بيه الله
فَهو ظلام في ظلام في ظلام
الله هوَ الخالقنة وهوَ اعلم بينه
لذلك حلاله وحرامه مو اعتباط
اكيد يعرّف شِنو الزين والمو زَين إلنه

الأرواح تتلوث
والروح مِن تتلوث تمرض
ودواء هالمرض هوَ القرآن الكريم
وهمّ هذا مو كلامي وإنما كلام الله
وَلَوۡ جَعَلۡنَٰهُ قُرۡءَانًا أَعۡجَمِيّٗا لَّقَالُواْ لَوۡلَا فُصِّلَتۡ ءَايَٰتُهُۥٓۖ ءَا۬عۡجَمِيّٞ وَعَرَبِيّٞۗ قُلۡ هُوَ لِلَّذِينَ ءَامَنُواْ هُدٗى وَشِفَآءٞۚ وَٱلَّذِينَ لَا يُؤۡمِنُونَ فِيٓ ءَاذَانِهِمۡ وَقۡرٞ وَهُوَ عَلَيۡهِمۡ عَمًىۚ أُوْلَٰٓئِكَ يُنَادَوۡنَ مِن مَّكَانِۭ بَعِيدٖ

آيات الله واضحة بوضوح الشمس
كُل اللّي يريده مِننا هوَ نلتزم بالحرام والحلال
لصالحنه مو إله
جعل الصلاة 5 مرات باليوم
لترويض انفسنا وجعلها صالحة للحياة
لحتى نتخلص مِن الكُبرياء والغرور والخ مِن الأمراض النفسية والصفات المذمومة
كُل حرام بهالدنيا هوَ تلوث لأرواحنا
يمكِن احنة مانعرف ولا نشوف هالضرر والتلوث
مِثل الطفل اللي من تمنعه مِن قابس الكهرباء مايخاف لان مايشوف الضرر
لكن من تمنعه من النار يخاف لان يشوف الضرر بعينه
لذلك اكِو اشياء تضر انشوفها وندركها
واكِو اشياء مخفية إلنا لحكمة عند ربنا اكيد

لذلك الله جل جلاله ايگوللنا خليكُم قريبين مِني واني احافظ عليكُم بَس اسمعوا كلامي اني ادرى بيكُم مِن انفسكُم انا خلقتكُم انتوا صنع ﭼـفوفي خايف عليكُم مِن الشيطان ووسوسته تراه دياخذكُم لتهلكة ياخذكم للنار وبعدها يتبرأ مِنكُم
كَمَثَلِ ٱلشَّيۡطَٰنِ إِذۡ قَالَ لِلۡإِنسَٰنِ ٱكۡفُرۡ فَلَمَّا كَفَرَ قَالَ إِنِّي بَرِيٓءٞ مِّنكَ إِنِّيٓ أَخَافُ ٱللَّهَ رَبَّ ٱلۡعَٰلَمِينَ 
بَس انا احبكُم انتوا عبادي ما مُمكِن اتبرأ مِنكُم
بالعكس كُلما تخطئون وتعصون اني موجود حَتّى اغفرلكُم وانساها الكُم واطيحها هم وحَتّى معاصيك القبل هم اطيحها
قُلۡ يَٰعِبَادِيَ ٱلَّذِينَ أَسۡرَفُواْ عَلَىٰٓ أَنفُسِهِمۡ لَا تَقۡنَطُواْ مِن رَّحۡمَةِ ٱللَّهِۚ إِنَّ ٱللَّهَ يَغۡفِرُ ٱلذُّنُوبَ جَمِيعًاۚ إِنَّهُۥ هُوَ ٱلۡغَفُورُ ٱلرَّحِيمُ 

اسألكُم بالله منو اليستاهل تمشي وراه
الشيطان؟
لو الله جل جلاله؟

مِثل ما يگولون اهلنا
امشي وره اليبجيك ولتمشي وره اليضحكك

هُوَ ٱلَّذِيٓ أَخۡرَجَ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ مِن دِيَٰرِهِمۡ لِأَوَّلِ ٱلۡحَشۡرِۚ مَا ظَنَنتُمۡ أَن يَخۡرُجُواْۖ وَظَنُّوٓاْ أَنَّهُم مَّانِعَتُهُمۡ حُصُونُهُم مِّنَ ٱللَّهِ فَأَتَىٰهُمُ ٱللَّهُ مِنۡ حَيۡثُ لَمۡ يَحۡتَسِبُواْۖ وَقَذَفَ فِي قُلُوبِهِمُ ٱلرُّعۡبَۚ يُخۡرِبُونَ بُيُوتَهُم بِأَيۡدِيهِمۡ وَأَيۡدِي ٱلۡمُؤۡمِنِينَ فَٱعۡتَبِرُواْ يَٰٓأُوْلِي ٱلۡأَبۡصَٰرِ 
هنا الله يقصد المهاجرين والأنصار
ولكن بهذا وقتنه ما يقصد المهاجرين والأنصار
هنا يقصدنا احنة
اللي انگول بأنو نبجي عَلى الحُسين وندخل الجنة
لو احنة شيعة
احنة مِن امة محمد
احنة عدنا اهل البيت
اكيد ندخل الجنة
خلي نطغي ونكثر معاصي واكيد همَّ يشفعولنا
الإمام الباقر يجاوبنه
ليسَ لنا مَعَ الله قرابة
انما شيعتنا مِن أطاع الله
وكذلك الأمام الصادق بآخر لحظات حياته
النـَّاس منتظرة وصيته
وطلععت الوصية
كُلها تسأل شِنو
ﭼـان ايكِون مضمونها
"لا ينال شفاعتنا مُستخفًا بصلاته"
كيف اللي تاركها؟

هذي الآيه خلوها نصب أعينكُم
كُل يوم قَبل لتنامون اقروا سّورة الحشر
لأنها تنور الگلب وتزيده بصيره
البصيره اللي أغلبنا فاقديها بِحياتنا
البصيرة اللي اكثِر شي نحتاجها
البصيرة اللي كُل العُلماء والفقهاء يطلبوها مِن الله
لذلك أطلبوا مِن الله البصيرة
بأي ضريح تدخلوله
كُل يوم بالصلاة الصُبح خلي ايدك عَلى گلبك وگول يا بصير 70 مرّة
اتوسل بالله بأنو يهلمك البصيرة وما يجعلك مِن الغافلين
نحتاج للبصيرة تدرون ليش؟
لان كُلنا نؤمن بالحساب
كُلنا نؤمن انو حَيجي يوم ونوكف كدام الله
كُلنا نعرف بأنو احنة غَلط واكِو شخِص جواتنا ديأشرنه عَلى الغَلط بَس احنة ما دنلتفت إله
كُلنا نعرف بأنو نتحاسب عَلى اقل شي نسويه وبانو اكِو ملكين عَلى يسارنه ويمينه يكتب شكو صغير وﭼـبيرة نسويها
لكن رغُم كُلشي نؤمن بيه احنة نستبعِد هالشي
نأجل هالفكرة نأجل توبتنه ورجوعنه لله
او نوهم أنفسنا بأنو الوعي والصح هوَ اللي نشوفه عند الغرب برواياتهُم بافكارهُم باعتقاداتهٌم بكلامهُم بالاشياء اللي ديروجوها تحت "الحرية" و "الأنسانية"
اللي هوَ نفسه اللي ديهتف بيه ديننا الإسلام
مِن يگلك لتاخذ غيبة فلان
لتسب فلان، لتعيب المخلوق "تتنمر"، لا تاخذ وتنطي بالكلام وتسوي فِتنة "نميمة"، لتاذي جارك، لتزني لان هذا يسبب امراض، أقرا القرآن لان شفاء وهدى إلك والخخ .....
اذا مو هذي الأنسانية والحُرية كيف اتكِون بعد
نفسهُم الغرب اللي يهتفون بالحرية والأنسانية
عدهُم تفكك أسري، وانحلال اخلاقي، وانتشار للامراض النفسية، ماكِو ثقة، ماكِو احترام الاهل
والمُجتمع عَلى حافة الأنهيار
لتنغرون بالافلام والمسلسلات لان حياتهُم مُزيفة
الدين انوجد لترتيب حياتك لو بَس تنتبه اكثِر

ومرّة ثانية مِن تسمعَون بأنو هالشي حَرام عَوفوا
لأن الله ادرى بِمصلحتنا
احنة صنع ﭼـفوفه اكيد يعرّف شِنو الزين والموزين إلنه
وهمّ ابقوا اتعمقوا بِدينكُم لأن حِلوو
وقُرب الله يؤنس فعلًا
ما تلاحظون هالشي بِسُرعة
وإنما ينراد صبر وبصيرة
يحتاج الأنسان يتقرب بِگلبه مو بَس بأفعاله
واذا طولت عَليكُم المُدة حَتّى تشوفون هالأُنس
كُل يوم بصلاة الليل خصص جزء مِن وقتك هوَ بَس للدُعاء والسوالف انتَ ورب الاكوان
لأن يحِبّ سوالف عباده
يحِبّ يشوفهُم وهمّ يتملقون إله
يحِبّ اصواتنا
يحِبّ مُناجاة عَباده
يخَوان الله يحِبّنا ههوايّ
لتعوفوه، لتبتعدون عَنه، لتديرون وجهكُم عليه
اتعمقوا بالدين وحَتلمسون هالكلام
اتعلموا العقائد والفقهه وتفاسير آيات القُرآن وأقروا عَن فلسفة الصلاة بكتاب أدب الصلاة للشيخ عَلي رضا بناهيان تلگونه بالقناة
أقروا كتاب "ثلاث دقائق بالبرزخ" همَّ موجود بالقناة حَيزيد خشوعكُم وهيـﭻ حَتلتزمون بالحلال والحرام اكثِر
اقروا كتاب "لحظات عَشق" حَيخليكُم تحِبّون الله وتعرفونه معرفة كافية لحُبّه
اقروا عَن أهل البيت عليهُم السّلام لان حَتحبّونهُم اكثِر وانتوا تقرأون سيرتهُم وهيـﭻ ايصيرون قدوة إلك وتتخلق باخلاقهُم
اسمعوا للشيخ علي المياحي حَيخليك ترجع لله اكثِر
واسمعوا الشيخ عَلي رضا بناهيان حَيشوفك فلسفة الدين شگد حِلوة وتبقون مستمتعين وهم يسههللكُم الدين جدًا
اسمعوا للشيخ ياسين الجمري عَنده معلومات عَن اهل البيت وخاصة عَن الإمام الحُسين والإمام المهدي كُلش حِلوة وغريبة وماسامعيها
كُل المحاضرات والكُتب موجودة بالقناة
وابدًا لتگول بعدين مُمكِن ماكِو بعدين
لتنتظر اتصير كبير بالسن وعظامك تاذيك وذاكرتك تضعف وجسمك يصير وهن وسمعك وبصرك يتلفون يلا ترجع
مِن هسّه ابد توبتك وارجع لله واتقربله واعمل لأخرتك حَتّى تنال شفاعة اهل البيت عليهُم السّلام
مِن هسّه روح احفظ القُرآن وخلي عندك هالطموح وابدا ولتگول ماعندي وقت يكفي باليوم نص ساعة تقرا بيها 5 او 6 آيات ولتگول مو هسّه مو وقته، هذا وقته وانتَ بالعشرين روح احفظ القُرآن
مِن هسّه اتفقه بدينك واتعلم العقائد
واقرا تفاسير القرآن ولتصير جاهل بدينك زحمة يظهر الإمام الحجَّة ويسألك سؤال وانتَ ماتعرف تجاوبه بسبب معلوماتك الضعيفة والقليلة
روح اتعلم وابحث لتبقى واكف
يابَعد عَيوني شمنتظر بعَد؟

كُل معصية تصدر مِن شخِص تُحزن
قلبهُ الشريف "عَجل الله فرجهُ الشريف "
وكُل بلاءٍ يحصل لشيعي يكدّر قَلبهُ
لذا فِي طَول هذا الزَمن لا يعَلم
مصائِب إمام الزمان أحدٌ إلّا الله تعَالى 💔.

_ الشيخ الوحَيد الخَراساني دَام ظُلّه .

تأملوها والله تكسر الگلب
فَوك حزنه نزيده حزن سودة عليه يا حَبيبي يا إمامي ريت الحِزن بِگلوبنا ولا بيك