የማኅበረቅዱሳን ወልድያ ወረዳ ማእከል አዲስ ዓመትን ምክንያት በማድረግ ከተፈናቃይ ወገኖች ጋር የዘመን መለወጫ በዓል አከበረ፡፡

ማእከሉ በወልድያ ከተማ በሦስት ካምፕ ከሚገኙ ተፈናቃይ ወገኖች ጋር መስከረም 4 ቀን 2017 ዓ.ም የዘመን መለወጫን አክብሯል፡፡

በማኅበረ ቅዱሳን የወልድያ ማእከል ተወካይ አቶ ገደፋው ሙላው የመጣነው የከተማው በጎ አድራጊ ምእመናንና ተቋማትን መልእክት ይዘን ነው ካሉ በኋላ ትንሽም ቢሆን ያለንን ይዘን በዓልን ከእናንተ ጋር ለመዋል በመቻላችን ደስተኞች ነን፤ በቀጣይም መሰል ድጋፎችን የምናደርግ ይሆናል ብለዋል፡፡

በመርሐ ግብሩ ተገኝተው ትምህርተ ወንጌል የሰጡት የወልድያ ከተማ አስተዳደር ቤተ ክህነት ሥራ አስኪያጅ መጋቤ ጥበባት አክሊለ ብርሃን ተመስገን በበኩላቸው የተመረጠች የእግዚአብሔር ዓመት እንዲሆንልን ሁላችንም መጸለይ ይኖርብናል፡፡ ምንም እንኳን አሁን በችግር ውስጥ ብትሆኑም መንፈሰ ጠንካሮች መሆን አለባችሁ ሲሉ መልእክት አስተላልፈዋል፡፡

ሥራ እስኪያጁ አክለውም ማኅበረ ቅዱሳን የከተማውን ምእመናን አስተባብሮ ይህንን የመሰለ መርሐ ግብር ማዘጋጀቱ የሚያስመሰግን መንፈሳዊ ተግባር ነው ብለዋል፡፡

ተፈናቃይ ወገኖች በበኩላቸው እስካሁን የከተማው ሕዝብ ስለሚደግፈን ብዙ አልከፋንም፤ በዓላት ሲመጡም እንደቀደመው ጊዜ መጨነቅ አቁመናል ያሉ ሲሆን ችግሩ በዘላቂነት እንዲፈታላቸው የሚመለከታቸው አካላት ትኩረት እንዲሰጡት ጥሪ አቅርበዋል፡፡

በዘመን መለወጫ የበዓል መርሐ ግብሩ ላይ ከ371 በላይ ተፈናቃዮች መገኘታቸው ታውቋል።

በማኅበረ ቅዱሳን የባሕር ዳር ማእከል 30ኛ ጠቅላላ ጉባኤውን እያካሔደ ይገኛል፡፡

ማእከሉ ከ1,500 በላይ አባላት፣ 26 ግቢ ጉባኤያት፣ 3 የንዋየ ቅድሳት መሸጫ ሱቅ እና አንድ የዜማ መሣሪያዎች ማሠልጠኛ ተቋም፣ 2 ዘመናዊ ትምህርት ቤቶች እንዳሉት በዕለቱ በቀረበው ሪፖርት ተጠቅሷል፡፡

በዓመቱም 553 የግቢ ጉባኤ ተማሪዎችን የአብነት ትምህርት በማስተማር 9 ዲያቆናት ክህነት እንዲቀበሉ ያደረገ ሲሆን 334 በደረጃ 1 እና 64 በደረጃ 2 አዳዲስ አመራሮችን ማሠልጠኑም ተገልጿል፡፡

በተጨማሪም 5 ተማሪዎችን ማስጠመቅ መቻሉን፣ ለ18 ሰንበት ትምህርት ቤቶችና 86 መምህራነ ወንጌል እንዲሁም በ4 አጥቢያዎች ለሚገኙ ካህናትና ለቅድመ ግቢ ጉባኤ ተማሪዎች በተለያዩ ርዕሰ ጉዳዮች ሥልጠናዎች መሰጠታቸው ተነግሯል፡፡

በክልሉ ባለው ጦርነት ምክንያት በምእመናን እና ካህናት ላይ የደረሰውን ጥቃት መረጃ መሰብሰብ መቻሉንና በጦርነት ውስጥ የሚገኙ የወረዳ ማእከላት ሥራ አስፈጻሚዎችን ባሕር ዳር እንዲመጡ በማድረግ ልዩ ልዩ ሥልጠናዎች እንዲሰጣቸው ተደርጓልም ተብሏል፡፡

በሙያና ማኅበራዊ አገልግሎት ዘርፍም ማእከሉ በደብረ ሰላም ወረዳ ማእከል በችግር ዉስጥ የሚገኙ የሀቢታት ነዋሪዎች ከ900,000 ብር በላይ፤ በጣና ወረዳ ማእከል ዝግባ የአረጋዉያንና የሕጻናት ማእከልና በጊዮን ወረዳ ማእከል ለጎልማሶች ማገገሚያ የትንሳኤ በዓልን ለማክበር ከ200,000 ብር በላይ ወጭ በማድረግ ድጋፍ ማድረጉ ተገልጿል፡፡

የዋና ማእከል የብሮድካስት አገልግሎትን የሚያግዝ የሚድያ ክፍል ግብዓት አሟልቶ ወደ ሥራ ለማስገባት ጥረት እየተደረገ መሆኑም ተጠቁሟል፡፡

የማኅበረ ቅዱሳን ደብረ ማርቆስ ማእከል 29ኛ ዓመት ጠቅላላ ጉባኤዉን ማካሄድ ጀመረ።

በጉባኤው የምሥራቅ ጎጃም ሀገረ ስብከት ዋና ሥራ አስኪያጅ ቆሞስ መ/ር አባ ኤልያስ ታደሰ፣ የሀገረ ስብከቱ የየመምሪያ ኀላፊዎች ፣ የአድባራት አስተዳዳሪዎች፣ መነኮሳትና መምህራን፣ የሰንበት ት/ቤትና የኦርቶዶክሳዊያን ወጣቶች ኅብረት አመራሮች፣አጋር አካላትና የክብር እንግዶች እንዲሁም የማኅበሩ አባላት በተገኙበት በሀገረ ስብከቱ አዳራሽ እየተከናወነ ይገኛል፡፡

በማኅበረ ቅዱሳን የደብረ ማርቆስ ማእከል ሰብሳቢ አቶ ድረስ እንዳላማው በእንኳን ደህና መጣችሁ መልእክታቸው ይህ ጉባኤ 5ኛው ዙር ሥልታዊ ዕቅድ 2016 ዓ.ም ሪፖርት የሚቀርብበትና የ2017 ዓ.ም ዕቅድ ከመዋቅራዊ ለውጡ አንጻር የምንተገብርበት ነው ብለዋል፡፡

በማኅበረ ቅዱሳን የባሕር ዳር ማእከል 30ኛ ጠቅላላ ጉባኤውን እያካሄደ ይገኛል፡፡

ማእከሉ ከ1,500 በላይ አባላት፣ 26 ግቢ ጉባኤያት፣ 3 የንዋየ ቅድሳት መሸጫ ሱቅ እና አንድ የዜማ መሣሪያዎች ማሠልጠኛ ተቋም፣ 2 ዘመናዊ ትምህርት ቤቶች እንዳሉት በዕለቱ በቀረበው ሪፖርት ተጠቅሷል፡፡

በዓመቱም 553 የግቢ ጉባኤ ተማሪዎችን የአብነት ትምህርት በማስተማር 9 ዲያቆናት ክህነት እንዲቀበሉ ያደረገ ሲሆን 334 በደረጃ 1 እና 64 በደረጃ 2 አዳዲስ አመራሮችን ማሠልጠኑም ተገልጿል፡፡

በተጨማሪም 5 ተማሪዎችን ማስጠመቅ መቻሉን፣ ለ18 ሰንበት ትምህርት ቤቶችና 86 መምህራነ ወንጌል እንዲሁም በ4 አጥቢያዎች ለሚገኙ ካህናትና ለቅድመ ግቢ ጉባኤ ተማሪዎች በተለያዩ ርዕሰ ጉዳዮች ሥልጠናዎች መሰጠታቸው ተነግሯል፡፡

በክልሉ ባለው ጦርነት ምክንያት በምእመናን እና ካህናት ላይ የደረሰውን ጥቃት መረጃ መሰብሰብ መቻሉንና በጦርነት ውስጥ የሚገኙ የወረዳ ማእከላት ሥራ አስፈጻሚዎችን ባሕር ዳር እንዲመጡ በማድረግ ልዩ ልዩ ሥልጠናዎች እንዲሰጣቸው ተደርጓልም ተብሏል፡፡

በሙያና ማኅበራዊ አገልግሎት ዘርፍም ማእከሉ በደብረ ሰላም ወረዳ ማእከል በችግር ዉስጥ የሚገኙ የሀቢታት ነዋሪዎች ከ900,000 ብር በላይ፤ በጣና ወረዳ ማእከል ዝግባ የአረጋዉያንና የሕጻናት ማእከልና በጊዮን ወረዳ ማእከል ለጎልማሶች ማገገሚያ የትንሳኤ በዓልን ለማክበር ከ200,000 ብር በላይ ወጭ በማድረግ ድጋፍ ማድረጉ ተገልጿል፡፡

የዋና ማእከል የብሮድካስት አገልግሎትን የሚያግዝ የሚድያ ክፍል ግብዓት አሟልቶ ወደ ሥራ ለማስገባት ጥረት እየተደረገ መሆኑም ተጠቁሟል፡፡