🎤قصائد خالده مكتوبه🎤 20901

محرم ١٤٤٤هـــ #نزال

لسادتي الاكبر والقاسم عليهم السلام

🔻(البحر الطويل)

عد جثّة علي اْو جسَّام ليلى گابلت رمله
هم شايف گبل هاليوم ثكله اْو تسعِد الثكله
--
امْگابل گِعدَن النسوان و التِسْعِد طبعها اتْهِيج
بالوَنْ و اللّطم و النوح و الويلا اْو شگِّ الزِّيج
اشما يوسع اِبْرَحبه الكون اِبْعين امِّ الفِجِيد ايْضيج
مصاب الوِلَد چايدها
اِعْله فگده الله يساعدها
تِنادي او تخمش ابخدها
سلاني الروحي ما تسلاه اْو صرِت بالنوح اتسلَّه
--
الگلب چانون وجِّ ابنار اِشما چَيَّمِت, گلَّك زِيد
اْوعله اللّي راح من الإيد بعَد مَيْفِيد صفْج الإيد
لچَن الفاجده المدلول تريد اِمْعين عالتعديد
تريد عله الوِلد لَمه
وحده التنتحب يمه
او وحده التنعه ويْ امّه
وحده التلطم اعله الراس, وحده المدمع اتهلَّه
--
ليلى اتعنَّت ام جسَّام تگلها ابنِچ مثل إبني
او مثِل ما فَتْني فگْد إبني فگد إبنچ بعَد فتني
شِبَـيِّـب ما بلغ حلمه و لنَّه ابدمَّه متحنِّي
ما اْخْضَر شارِبه بعده
ولا دَبْ عارضه ابخدَّه
او تاليها ذِبَل ورده
زين ايْظل عگل بيها التفگِد بالوِلَد مثله !
--
رمله لأم علي اتگِلها عله الونَّات مشكوره
گبلچ ما شفِت لليوم تجبُر وهْيَه مكسوره
أريد أوَّل اِنَّوح اوياچ او تالي إبني يجي دوره
تعاي اِنّوح لوليدچ
شباب او راح من ايدچ
عله اللّي عافچ اوْحيدچ
حِله وكت اللطم هالساع اْو عله مثله اللطم يِحله
--
أفا يمْ جاسم اتگلها عليچ او عالوَلد وَسفه
ردنا ابعرسه نوگفلچ نجيم الحوفه و اِنزِفَّه
ما چان الرِّجه تالي تصير ابماتمه الوگفه
يعظَم النايبه العَمَّت
عليْه و الصايحه التمَّت
يفرحه البِـيْه ما تمَّت
آ يَـمْـفارگ العِرِّيـس الخِلَّة فرْگِته خِلَّه
--
اهناك اْو زينب الحُرَّه إجَتْهِن و الفِكِر مبهوت
تنادي ابساع يالنسوان گومن لا يفوت الفوت
بالله للرباب اوْياي دَلِحْگَـنْـهَـا گبل لا اتموت
خوفي اعله المَهَد تِهْلَك
امْگابِلْته اْو مَتِتْحرَّك
لا تبچي ولا تضحَك !
عگلها امن المصايب طار و امْن الصار منذَهْله
--
إذا للنوح بيچَن حيل خلّو النوح ويّاها
بلچي اتهيج عبرتها اْو تجرِّ امن الصدر آهَه
تره سكتة المفجوعه تصير أكلف من اِبچاها !
عينَـنها ابدمِع و انياح
تره المنها ضناها راح
إذا ما تبچي ما ترتاح
حزنها البالگلب مدفون يا گلب الذي ايحمله!؟

ميرزا عادل الاشكناني
#نسالكم_الدعاء

826 views00:21

🎤قصائد خالده مكتوبه🎤

Audio

746 views00:21

692 views00:21

شوط كربلائي
#نسالكم_الدعاء 3

663 views00:21

🎤قصائد خالده مكتوبه🎤

Forwarded from 🎤قصائد خالده مكتوبه🎤

#فــقره_قصيده_تراثيه

أمـسـى راس الـحـسـين ويا الجسم أمسى
والـراس يـشـكي لحاله.... للسحگته الخياله
أمـسـى راس الـحـسـين ويا الجسم أمسى
1
عـن لـسـان الحال أبين خبر عن راس الحسين
مـن  تـلاگه  ويـا الجسم بالگبر يوم الأربعين
حـين  شاف الجسم راسه انعطف وابداله الحنين
واظــهــر الـصـوت مـن الـنـحـر
يــاراس بــن ســيــد الــبـشـر
عگبــك  عــلــي تـدري شـصـدر
لـعـبـت الخيل على صدري وبالحوافر رضته
دمـي......  غـسـلـني  وادي كربلا بدمي
مـتـوسـد عـلى رماله.... للسحگته الخياله
امـسـى راس الـحـسـين ويا الجسم أمسى
2
وبـالـشمر  تخبر  بيوم اللي على صدري إعتله
وافـرزك عـنـي يـراس حسين بن عقد الوله
وارفـعـك  عـالرمح وآنه بگيت مرمي بالفله
دمــي  مــن  جــروحــي يـكـت
ومــن  دم وريــدي تــغــسـلـت
بــذاري  الــوطــيــه تچفــنـت
الـراس  ناده النوب أخبرك حالي واجرت دمعته
راسـك...  يـا جـسم تدري بالگطع راسك
عـالـرمـح لـمن شاله..... للسحگته الخياله
أمـسـى راس الـحـسـين ويا الجسم أمسى
3
هـنا  ياجسمي انچان ذاري الريح سوالك چفن
راسـك بـديـرة الـكوفه ابطن تنور إنسجن
تـشـهـد بهاي الحواري النولت ويا أم الحسن
بــهــودج الــنـور مـن الـسـمـه
يــاجــســم  وأمــي فــاطـمـه
مــنــهــا الــمـدامـع سـاجـمـه
ومـاتـم بـدار الـخـوله على مصابي نصبته
مـصـابـي.... وأمي الزهره تحن على مصابي
وعـيـونـهـا هـمـاله.... للسحگته الخياله
أمـسـى راس الـحـسـين ويا الجسم أمسى
4
الجسم  ناده هنا ياراسي من الضمه چبدي إنفطر
وسـهـم  المثلث  بگلبي مضى ومطلاعه الظهر
ومـابگى  مفصل صحيح وعظم سالم ما انكسر
وتــعـلـم الـجـمـّـال اشـصـنـع
بــالــخــاتــم إغــتـر وطـمـع
وبــخــنــجــره الچفـّـي گطـع
حـتـى نـور الـلـي عـليّه آل أميه سلبته
ظـامـي....  يـاراس مـنـهو المنچتل ظامي
ومـثـلـي إنـفـطر دلاله والسحگته الخياله
أمـسـى راس الـحـسـين ويا الجسم أمسى
5
إمـّوذر بـحـد الـمواضي مهشم بحافر الخيل
ومـن  بنى سد لعد دفني اگصدت وتعين العليل
بـيـن  إديـهـا تـشيل مني كتر والثاني يميل
ومــن بــنــى ســد شــاهـدت
حــالــي عـلـى مـصـابـي جـرت
ومــن  عـلـي الـسـجـاد إنـشـدت
هـالـشـهـيد  إشچان  ذنبه وطاحنيها الجثته
دمـه... مـالـه عـشـيـره الـتطلب بدمه
وتـنـشـد  عـلى چتاله... للسحگته الخياله
أمـسـى راس الـحـسـين ويا الجسم أمسى
6
الـراس  ناده  هنا ياجسمي يهون البحالك سدر
لاچن  الـلـي  جرى بحالي يفسر الصم الصخر
آنـه بـاريـت الـعـيال الدرب كله بهالسفر
وآنــه الــمـشـيـت ويـالـضـعـن
وجــرعــت چاســات الــمــحـن
وانــظــر خــواتــي تــلـوعـن
بـالـعصي وشفت العليل الطوگ جرح رگبته
عـيـالـه ..... شـحال اليشوف بعينه عياله
تـحـمـل عصى الجماله..... للسحگته الخياله
أمـسـى راس الـحـسـيـن ويالجسم أمسى
7
يـاجـسم واللي هظمني وخله دمعي يكت حمر
مـن شـفت متن إختي من السوط صاير بيه أثر
وكل عصي اللوعت زينب لچمت صواب الحجر
وعــيـنـي عـلـى اطـفـالـي تـرب
ودمــعــي عــلـيـهـا مـنـسچب
آنــه  انــضــرب مـن تـنـضـرب
والـطـفـل مـن يـضـربونه يستجير بعمته
راسـك....  يـاجسم من فوگ الرمح راسك
يـجـري الـدمع لطفاله.... للسحگته الخياله
أمـسـى راس الـحـسـيـن ويالجسم أمسى
8
وشـفت  بالكوفه مصايب لاچن الأعظم الشام
مـدري  الـفرجة  الوادم اصد لو ارعى الأيتام
شـفـت بـالـمجلس حريمي واجفه بين اللئام
وزيـنـب الـحـره مـچـتــتــفـه
مــهــبــطــه  الــراس واجـفـه
حــارت بــنــات الـمـصـطـفـى
وگام  إبـن هـنـد يتخطى يعرف زينب رادته
زيـنـب....  ياجسم  ما تدري شجرى بزينب
مـن الـهـر واهـواله ..... للسحگته الخياله
أمـسـى راس الـحـسـيـن ويالجسم أمسى
9
الـجـسـم نـاده بهالمصيبه كل مصيبه هونت
لاچن اخـبـرنـي عيالك كلها وياك ارجعت؟
وبـعـد  مـنـها يابو السجاد بالشام اعگبت
نــاداه يــتــيــمــه تــعگبـت
مــوعــدلــه لاچنــهــا گضـت
مــاتــت  غـصـب  مـن شـاهـدت
شـبـيـدي...  ياجسم حگك لاچن شبيدي
عـلـيّـه  دنـت آجاله.... للسحگته الخياله
أمـسـى راس الـحـسـيـن ويالجسم امسى

التراث الحسيني
للمرحوم كاظم منظور الكربلائي
#نسالكم_الدعاء

750 views00:21

🎤قصائد خالده مكتوبه🎤

Forwarded from 🎤قصائد خالده مكتوبه🎤

مشاهدة "أمسى راس الحسين ll المرحوم حمزة الزغير" على YouTube
https://youtu.be/XiP8BP02R9w

YouTube

أمسى راس الحسين ll المرحوم حمزة الزغير

أمسى راس الحسين ll المرحوم حمزة الزغير
الشاعر المرحوم الشيخ كاظم منظور الكربلائي

أمـسـى راس الـحـسـين ويا الجسم أمسى
والـراس يـشـكي لحاله.... للسحگته الخياله
أمـسـى راس الـحـسـين ويا الجسم أمسى

عـن لـسـان الحال أبين خبر عن راس الحسين
مـن تـلاگه ويـا…

840 views00:21

2024/09/28 17:21:33
Back to Top

HTML Embed Code:

<iframe width="100%" src="https://www.bootg.com/buyppe/web?embed=1" title="Telegram Web" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>