يـبـنـي الـضـيـعـتني بضيعتك مني
دوهني زماني بيك دوهني
ـــــ
دوهـنـي زماني وتاه مني الراي
يلب حشاي يالمنگطع من حشاي
يـماي  العين عگبك نزل بيها الماي
ظني چان بيك وخيبت ظني
ــــــــــــــــــــــــــــــــــــــ
ظني  خاب يوليدي وگطعت الياس
يعصابة الراس البيك رفعة الراس
يـنوماس  الچسب  بالغانمه النوماس
إغتنمتك والمنايه إغتنمتك مني
ــــــــــــــــــــــــــــــــــــــ
مـنايه إغتنمتك مني وبعد هيهات
ترد يبني ويرد ليّه زماني الفات
يـسـبـاح الچبد عودك تلوى ومات
 وساعات المنايه بيك چادني
ــــــــــــــــــــــــــــــــــــــ
چادتني المنايه ومالي حيل الچود
حيلي ويـاك راح ومن تعـود يعود
يـعگل الـراس ويـاك العگل مفگود
سودني هوى فرگاك سودني
ــــــــــــــــــــــــــــــــــــــ
سودني  هوى فــرگــاك واختليت
على فراگك يجاسم دم دمع هليت
الـعمد لو طاح من البيت طاح البيت
وانا بيتي إنهدم واعله العمد وني
ــــــــــــــــــــــــــــــــــــــ
اونن  وانتحب وشجي حمام الدوح
وعلمت الورگ والدلم فن النوح
روحـي ويـاك راحت درد ليّه الروح
لمك آه يروحي شبعدك عني
ــــــــــــــــــــــــــــــــــــــ
عـنـي شـبعدك يلبالچبد مرعاك
بايام الحمل گلبي شكثر باراك
يجاسم من عگب حملك ليالي رباك
حاربت الرغد والنوم خَلني
ــــــــــــــــــــــــــــــــــــــ
حـــاربت الرغد يبني ولذيذ النوم
واهز مهدك يجاسم وارجى بيك علوم
وادور   بـيـك یوم و صدگ هذه اليوم
صابني النوايب بيه صابني
ــــــــــــــــــــــــــــــــــــــ
صـابتني  النوايب  والسهم جراح
لوى هرش الگلب وتگطع السباح
ردت  يرتاح گلبي بيك خوش ارتاح
وخوش اذخرتك العازة كبر سني
ــــــــــــــــــــــــــــــــــــــ
الـكـبر سني ذخرتك يولدي وارجاك
من تطلع تجيب الموزمه وياك
تـسلاني النوايب يولدي ومَاسلاك
شلون اسلاك وايامك يذچرني
........
ایامک تذکرنی او سهمها ایجیس
یشطبة بان يلتتلوه بلرسريس
حسبت احساب اشوفك يولدي عريس
او ليالي عرسك ابعرسك يهنني
............
تتهنه النفس والعين تتمثل
اوطولك بين زفافتك يتمايل
او تتسدر ابديوانك اوتتبهلل
لضيوف التجيك أو بيها متهني
................
نتهنه ابشبابك ردت يامرتوب
ماظنيت يندار  الفلک مگلوب
واشوفنک یجاسم منصرع مصیوب
واصاویبک ابفیض ادماک حنننی
.............
اتحنیت ابنجیع ادماک اه یبنی
شیبنی حریج ارباک شیبنی
علی افراش الولم ردتک تمددنی
اتوسع حغرتی او بیدک تنزلنی
.................
تنزلنی ابگبری والدمع همال
او علی تربان گبری ابیمنتک تنهال
یجاسم کربله ماچانت اعلی البال
فنی بطل بیها والنحب فنی
..............
فنی النوح یبنی اوماتگلی اشلون
گلب لمک یضل یبنی او تضل اعیون
تصد وتشاهد الشبان یتمشون
فاتنی اللیالی البیض فاتنی
تمممممممممممتتتتت

للشاعر المرحوم
كاظم المنظور الكربلائي
#نسالكم_الدعاء

أســأل مــن الــمــعــبـود لا عـذّب أمـي رضــعــتــنــي مــن حــب الــوصـي و حـــــب الــــوصـــي غـذانـــي ****


**×**


#الشاعر كاظم منظـور الكربلائي
#الرادود حمزة الزغير


ــــــــــــــــــــــــــــــــــ

ملا باسم الكربلائي
#نسالكم_الدعاء

صارت دنياي ضلمه بلا لون
شدت عيناي بيديهه ام عون
🔹🔹🔹🔹🔹🔹🔹🔹
على الناكه اصعدت كوه بجيت وجلبت بيه
وسألت الناكه ياناكه مشيتج وين تاليهه
ساعه وشدتلي عيوني عمتي وضلمت كل دنياي
ماشوف السوط اليضرب متني ويلسعني بيمناي
عطشانه وكلبي مكطع الشوك البيه مو للماي
كل همي حسين انضرله بس بيش وشدوا عيناي
وبهاذه الحال انضرله اشلون
شدت عيناي بيدهه ام عون
🔹🔹🔹🔹🔹🔹🔹🔹
صحت ياعمه حضنيني المثلي اتريده والده
يزينب شدت اعيوني شنهو الغايه من عدهه
هاذه الليل البي احنه لو يازينب هذه غروب
فتحيلي عيوني شويه خاف يمر يمي المحبوب
خوفي ايمر مايعرفني واشلون ابهالحاله انوب
تدريني امجوه اجدامي بالطف ومحروك الثوب
كليله الكوم مني شيردون
شدت عيناي بيده ام عون
🔹🔹🔹🔹🔹🔹🔹🔹
اخافن ناكتي تعثر ضلام ودربي ماشوفه
صحت ياوالدي وينك إدي بحبال مجتوفه
يمدللني وماتقبل اذرف دمعه اعله الخدين
وينك مو كلبي تلوع بس انشد وينك يحسين
حادي النوك ايطك بيه اشكف وازغار الجفين
وأسالت الناكه وحنت ماكالت ماشين الوين
والسوط أجبير وجفي ازغيرون
شدت عيناي بيده ام عون
🔹🔹🔹🔹🔹🔹🔹🔹 
جديده اعله السبي ودربه ومن امتوني كوه اندار
ادور عن عزيز الروح وعفت برض العطش تذكار
جنت اشتم عطر الغالي بس ما اعرف وين الكاه
بالطف لو ضل ويانه يمشي ويه الناس اليمشون
بس لاكلت حسين ابدا مايقبل بيه يضرون
واله احتاريت بأمري مسبيه ومعميه عيون
واسمع عذال بيه ايشتمون
شدت عيناي بيديه ام عون
🔹🔹🔹🔹🔹🔹🔹🔹
اسألت نفسي وجرت عيني بس أنه اعله هالحاله
لو كل البنات وياي تبجي بدمعه هماله
ياعمه اعرفت الغايه من اعيوني المشدودات
ماتردين انضر فوكي شبيهه ارماح المرفوعات
الرواحد كل الواحد وانه أسمعهم كلهم شمات
جيب ارماحك والبيهن قربهن للمسبيات
صرت ابجي ادموم عكس اليبجون
شدت عيناي بيده ام عون
🔹🔹🔹🔹🔹🔹🔹🔹
الرادود     ضرغام  اللامي
الشاعر      علي الابراهيمي  
بقلم   خادم  سيد الشهداء  عادل  الوائلي

سمعي يمي فاطمة ⧪ سمعي يا مظلومة
من وصل ضعن الحسين ⧪ لأرض الطفوف
أرد أسولف قصتي ⧪ قسمتي المرسومه
آنه گلبي بالطفوف وعينج تشوف
⊱----------⊰✾⊱-----------⊰
خل أسولفلچ يايمه شلون چانت جيتي
احيود بكتار الضعينه بزود حفت ناكتي
من وصلنه لكربلا انرسمت مناقب عصمتي
بيد ابو فاضل عضيدي بنه ستار لخيمتي

يوم دگ إلها الوتد ⧪ علگ إلها الرايه
هذا أبو فاضل عضيدي وزوده موصوف
⊱----------⊰✾⊱-----------⊰
من صبح عاشر الأكشر ريت صبحه ما طلع
بيه ظل وحيد أخويه وستر صيواني انگشع
تناخت على إبنچ كتايب ليش ما طخ وخضع
جابل الكون بصحف وثبت جدمة وماركع
تناخت اعليه العده فزعت جيمانه

ضلت تميد الطفوف ⧪ بذيج الصفوف
ولمح برك بهالندة ⧪ مرعد بميدانه
⊱----------⊰✾⊱-----------⊰
جابل الكون بعضيدة وبيده رفت رايته
نطمت خيوط الشمل ومن طفت من خزرته
ماتحمل حالة اختة عطس جبد وديعته
رجع للخيمة وتج. منه يطلب رخصته

وانه أنضر للحسين ⧪ منحني بوداعه
خاف يهوة على الشريعة الكمر مخسوف
⊱----------⊰✾⊱-----------⊰
دخنت نيران سيفه مدلهمه وتعمي عمي
لبس دلال اعله درعه عفيه أخويه الهاشمي
تناخت أرباب الخديعه ووسع ميدان الرمي
و آنه أحس گلبي تگطّع طاح يم العلگمي

طاح مرمي إعله النهر ⧪ والعمود براسه
حسين رد محني الظهر ⧪ من فگد عباسه
رايته والجربه طاحت بين الچفوف
⊱----------⊰✾⊱-----------⊰
رجع طب خيمة عضيده وشلع من عدها العمد
يعني زينب راح أخوج وإختفه بدر السعد
لمي أطفالي وعيالي حان الوداع الوعد
وآنه حسيت بوداعه يروح ما يرجع بعد

أدري أظل محيّره ⧪ بهالاعيال خلافه
نوب أقبّل منحره. ⧪نوب أشم شفافه
عانقيت وشابگيت بكلب ملهوف
⊱----------⊰✾⊱-----------⊰
راح وحده إبن الزچيه راح جابلهم وحيد
صاحت أهل الكفر كلها يالثارات الوليد
شفت هاي الدنية كلها ضلت تميل وتميد
مدري راس حسين هذا مدري قرآن المجيد

نزلت حشود المله ⧪ توضت من دمومه
لبست احرام اعله جسمه كامت تطوف
⊱----------⊰✾⊱-----------⊰
اه من شفت الشمر صاعد على صدر الحسين
تربع إعلى الصدر بيده يريد حز الودجين
شفت راموه بحجاره وصابته بوسط الجبين
موضع السجده مثل طبرة أمير المؤمنين

دمه خظب شيبته ⧪ سلبوا العمامه
شفت لمعه بركبته ⧪ نجمة تضوي الهامه
دمه من راسه يسيل ومن الزلوف
⊱----------⊰✾⊱-----------⊰
رحت للحومة وادور درب صوب المشرعة
وصلت والعباس لن جثته وهيه موزعه
كلي شجابج يختي وين هيه المقنعة
كتله جرها الصاب عينك والجفوف مكطعة

كلي ردي الخيمتج ⧪ ياوديعه تكفلي
بالاعيال وسكني عالرعب والخوف
⊱----------⊰✾⊱-----------⊰