انا زاتي بحس كدة ! نتكلم معاه؟
ما هي المشكلة اني اتكلمت معاه وهو اتكلم معاها بس هي صدتو!
يبقى نتكلم معاها هي !
والله ي جمان م عارفة ! لكن العارفاهو يلا قدامي ح اتصل لي معتز او وليد الاقرب يجي يودينا السوق !
خلاص اديك فكرة نضرب لي معتز ونسوق معانا دي ينزلونا ف السوق ويرجعو مع بعض ووقت الرجعه احنا نضرب لي وليد !
خلاص فكرة حلوة والله تمام
-الووو معتز  كيفك تعال لينا هسي ضروري ! ماشين السوق نشتري شوية حاجات !
=انا قريب من البيت خليكم جاهزين !
...
جريت لي سحر فوق لقيتا مسترخية وبتعاين للسقف ..
دقيت الباب ..
- استاذة سحر ، اجهزي ارح معانا !
=مماشة !
-وين هو؟
=محل ماشين انتو!
-لازم تمشي معاي السوق والا حزعل منك وم ح اتكلم معاك لحدي م اطلع من البيت دا ، انا م عارفة انتي عندك كم اخت مارقة من كل تفاصيلي كتر خير جمان!
=مش معاك جمان ؟ دايرة بي شنو؟
-ياخ ان شاءالله امشي معانا وارجعي مع معتز او وليد!
=اضربو ل وليد !
- وليد قال بعيد غالبا حنمشي مع معتز !
=معناها حنزل معاكم!
- ارح طيب ..
معتز جانا ، ومشينا معاه طول السكة انا وجمان م بطلنا كلام ونقة ! اما معتز وسحر كانو ساكتين !
التغيير الحصل عليهم دا مزعلني شديد واي زول اتكلم معاهو بطنشني م عرفت اعمل ليهم شنو !
لمن وصلنا السوق ! 
واااااي نسيت شنطة القروش حقتي  واااي اعمل شنو هسي ، سحر ماف حل غير ترجعي تجيبيها لي ف دولابي هي !
سحر حمرت لي وانتي حتتفرجي من غير قروش؟ ارح جيبيها ..
قلت ليها لالا حنشتري من محلات جملة مسافة نختار حتكونو جبتو القروش يلا يلا ،
وجريت جمان من يدها ومشينا ..!
جمان قالت لي عملتيها واضحة وقعدت تضحك !
__________
رجعنا انا ومعتز برانا ، قالي سحر قلت ليو نعم ؟ قالي حنفضل كدة لمتين؟ حتسامحيني متين؟
م رديت ليه كان بعاين لي وبتكلم قلت ليو ركز ف طريقك م تتكلم معاي !
بس هو مصر يتكلم معاي وم يركز ف شارعو ، اتلفت علي قالي ياخي انا بحبك بحبك يا بت الحلال افهمك كيييف ؟
م عارفة بس شفت شاحنة جاااية من ناحيتو بسرعة صرخت ! !!!!!!!!!!!!!!!!!!!!!!!
بس .........





حتى رحيلها كان خلّاباً ، كما لو أنه غروب ♥️

#أميرتي_قاصرة19
بقلم امل الشيخ

وعيت على اصوات اجهزة وجمبي دكتورة واقفة ! بعد صعوبة فتحت كويس !
قالت لي حمدالله ع السلامة !
شوية شوية اتذكرت اخر شي حصل ، قلت ليها معتز وين معتز كويس قعدت ابكي قالت لي كويس بس م عايزين انفعالات حاليا !
ف كسر ف يدك الشمال وشوية رضوخ ، قلت ليها م مهم المهم معتز الله يرضى عليك طمنيني !
وزدت ف البكى كنت خايفة يكون حصل ليهو شي !
بس حسيت بيها بتديني حقنة ! بعدها شوية شوية بديت افقد الوعي ..°
__________
انا السبب في الحصل دا يا جمان انا السبب .. م تحملي نفسك المسؤولية انتي كان غرضك يتفاهمو مع بعض!
وليد ضماني عليه وببقا يهدي فيني روقي حبيبتي روقي الله يرضى عليك حيكونو بخير ان شاءالله !
جات دكتورة طالعة جرينا عليها !
ي دكتورة طمنينا !سحر ومعتز كويسين؟
سحر كويسة الحمدلله شوية رضوخ وكسر ف اليد الشمال وعلامات بس الحمدلله كويسة م عليها خوف ! بس معتز ادعو ليه لانو داخل ف غيبوبة وم حنعرف نتصرف لو م فاق منها دعواتكم !
مشت خلتنا محتارين في مصيبتنا ! ف ظرف ساعة المستشفى اتملا ب اصحاب معتز وخالي ربيع وخالي اسعد زاتو جا وخالتي هدى وعلي وناصر ..
....
ي بت م تبكي الحادث دا مكتوب ومقدر لو بيك لو من غيرك انتي مجرد سبب ، يا وليد سمر دي اعصابها تعبانة سوقها البيت !
جمان ووليد سندوني غصبا عني لحدي البيت !
طول السكة بكورك انا م عايزة اخلي اختي واخوي براهم رجعوووووووني !
_______
غيبوبة معتز وتعب سحر ونفسنتها خلوني احس بانو قدر شنو الحياة من دون اهل صعبة !
صح فقدنا امنا وابونا ، بس قدرنا مع بعض نكون اسرة صغيرة نحتوي بيها بعض دايما ، صح سحر صغيرة بس سحر واعية كانت ، معتز كانو اتجاهو واحد ولمن اتغير سحر ركبت راس
ف لحظة الدنيا غيرت الموازين !!!
قدر شنو الدنيا دي تافهه ف ثواني ممكن تكون برة منها !
ليه الناس تضيع زمنها ف البعد وركوب الراس ! سحر عنيدة شديد ودي حاجة معروفة بس كانت بتلين لمعتز الي بتغييررو عليها وكونو يخليها تحس بالذنب وتكرهو غيّر حاجات كتيرة ف حياتنا !
البيت بقا م بيت لمن اتغيرو ! والدفء الكنت بلقاهو معاهم بقا مافي ، البيت بي ناسو وضحكهم وونستهم ولمتهم ومساعدتهم لي بعض !
كان نفسي اقدر ارجع الحياة زي م كانت وامنع اللحظه ديك م تحصل ، بس احيانا تقبل الحاجة بخلينا نواجها !
بس كيف اتقبل حقيقة انو اختي تعبانة وراجلها او بالاصح اخوي ف غيبوبة !
__________
كل يوم بمر علي كان بمر زي النار ! كنت بتمشى ف المستشفى بس م كان هاين علي اشوف معتز كدة ومافي يدنا حاجة نعملها !
ياريت لو رجعت ليه وسامحته ، ياريت لو م ركبت راس وقلت ليو بحبك ! م كان اصر يعاندني ف العربية ونعمل حادث !
الندم م بنفع بس انا ندمانة شديد ، عايزة ارجع قبل الحادث بثواني واحكي ليه ! اني بحبو م بحب غيابو صح كنت عامله فيها بكرهو بس وجودو كان مطمني كيف اعيش دنيا هو م فيها !
يااااارب م تختبرني فيهو يااااارب ياااارب !
......
الليلة مر شهر على غيبوبة معتز !
نزلت المدرسة كان بوديني وليد ، بس انا اتعودت يوديني معتز اتعودت يسالني من يومي وسويت شنو ويشيل شنطتي ويفتحا !
ياريت لو ضربتي كانت قوية زيو كنت غبت عن الوعي زيو ولا اتحمل غيابو الفظيع دا !
جات ممرضة بي جنبي داخله ليه قلت ليها لو سمحتي ممكن اخش ليه؟ قالت لي ممكن بس م تطولي ، خشيت وانا قلبي ف يدي دخلت وقعدت وبقيت اعاين ليه ، نبضاته شغالة بس هو وين ؟ م نفسو يكلمني ؟ طيب م نفسو يسمع اني سامحته !
دموعي كانت شلال ! مسكت يده وقعدت ابكي ارجع لي ي معتز انا م قادرة بدونك ولا ح اقدر يوم تاني بدونك كفاية امي وابوي !
انت عوضتني غيابهم وبقيت لي ام واب م حستحمل تغيب زيهم ارجع لي !حسيت يدو اتحركت فرحت شديد بقيت اناديه وامسح ف دموعي معتز انت صاحي اصحى ي معتز ! رُد لي ! بس م رد لي ! طيب يدو ليه اتحركت معناها هو حاسيي بي !  قعدت اتأمل ف وشه البقا كله تشويه من الحادث ربنا يسامحني على اي كسرة نفس انا عملتها ليك ، انا بحبك شديد م تمشي ! حضنت يدو مسافة لمن حسيت اني م قادرة استحمل تاني اشوفو ساكت اكتر من كدة ! 
طلعت برة وقعدت ابكي جات مياس لقتني يعني صحي الحصل لاخوي ! ضمتني وزادت ف البكا ! ليه م كلمتوني ي سحر لي شهر بضرب ليه تلفونو مقفول لمن شفقت عليه مشيت فتحت بلاغ ، طلع وليد ود خالتكم ف القسم وكلمني ! واي ي سحر الحصل شنو قلت ليها حادث يا مياس حادث هي تبكي وانا ابكي !
بعد مرور ٥ ساعات :
وجودكم وعدمه واحد انا ببيت معاه انتو امشوا سمر ف البيت براها امشوا مع ناصر وامي يلا ، مشينا مع خالتو هدى ، ناصر وصلنا وساق خالتو !

مياس نزلت عندنا ، طول الليل كنا قاعدين بنبكي بس سمر قالت لينا البكا م بفيد ارح نصلي وندعي بس معتز بين يدين رب العالمين ، مشينا اتوضينا وقعدنا نصلي وندعي معتز يبقى كويس !
________
ممكن اقعد جمبك؟ قلت ليها اكيد اتفضلي ! قالت لي انتي مالك بالجد م كويسة؟ قلت ليها شوية ظروف بس يا ليلى قالت لي مش احنا صحبات ؟ قلت ليها اكيد صحبات ! قالت لي طيب احكي لي !
كنت وقتها عايزة اي زول افضفض معاه ، تبيان زهجت من نكدي وزهجي البي استمرار ، بقت م بتقعد معاي كتير  !  بقولو الصاحب بتعرفو وقت المصايب بس تبيان صدمتني اتوقعت كل الناس تتغير الا هي !
....
حكيت ليها عن تغيير تبيان وكان الكلام عادي لحدي م وصلت ليها انو معتز اخوي عمل حادث بي سببي !قعدت ابكي كل م اتذكر صورتو او شكلو ببكي الاجهزة المركبنها ليهو الكدمات الفي جسمو والعلامات ، انا ندمانة شديد !
قالت لي ربنا كاتب كده وان شاءالله لي خير اخوكم حيقوم بالف هير وسلامة م تبكي انتي ! ضمتني ليها شوية كدة وبعدها استاذنت مشيت قعدت براي لحدي نهاية الدوام ..
وليد لما جاني سلم علي وكدة قالي نمشي المستشفى قلت ليو م حابة امشي الليله قلبي تعب من المشهد البشوفو يومي ومعتز لا سامعنا لاشايفنا !
قالي الله سامع و الله شايف
قلت ليو ونعمه بالله بس وديني بيتنا حاسة اني تعبانة شديد عايزة ارتاح قالي سمح ..°
اتحركنا مسافة بس هو لف بي لفة المستشفى قلت ليو دا شنو؟ قالي لازم تمشي المستشفى تشوفيه اول انتي زولة مرتو ! يعني هو م محتاج الناس دي زي م محتاجك انتي ! ساقني لحدي م وصلنا كنت ساكتة ونفسياتي تعبانة وعيوني واجعاني من البكى اول م وصلنا باب المستشفى لاقتني نهى بت خالي ربيع سلمت علي وكانت عابسة برضو ! دخلنا مع بعض ، بس م مشينا على الغرفة الفيها معتز مشينا طابق تاني وغرفة تانية كان جواي تساؤولات كتيرة بس م قادرة اطلعها زاتو  ، وليد فتح الباب وقالي سبرايز !!
بقيت اتلفت مرة اعاين ليهو مرة اعاين لي نهى ؟
سبرايز شنو؟
قالي خشي خشيت لقيت سمر بتأكل ف معتز وهو مبتسم !
كانو روحي اتردت لي والله حسبت بصدمة فجائية الي هو دا شنو كيف ومتين ؟ بقا يعاين لي وبعاين ليه ! دموعي كانت بتتسابق عشان تنزل !
قالي ماف حمدلله ع السلامة ؟ ماعارفة بس ساقني قلبي م رجليني والله !
جريت لحدي عنده وبقيت اقوليه انت كويس؟ مش يمة؟ مافيك شي ؟
سمر قالت لي سبحان الله ربنا الحافظ سليم مافيه شي غير الكدمات الفي وشوو دي ! .
لقيت نفسي بحضنه وببكيي ببكي من دون صوت ، كنت حاسة اني ح اكسر حاجه فيه ضلوعو ولا اكتافه كنت حاسة بشوق مبالغة ! كنت فرحانة انو ربنا اداني فرصة تانية ف انو يكون معاي عشان احترمه واوريه قدر شنو بحبو وانو روحي !
بعد مسافة زحيت منو ! قلت ليو حمدالله ع السلامة يا معتز ، مسحت دموعي قلت ليو م عارفة ال45 يوم دي مرت كيف بدونك ، اصعب 45 يوم في حياتي كلها °
وليد وسمر ونهى طلعو براحة خلونا برانا  !
حضنتو تاني وهو ضماني بيدينو م كان عندي اي كلام اقولو او ابررو
كانو الحضن اختصر الكلام ..°♡
________
دا اخر دلعي وتعبي فيك يا جمان؟ ليه بتعملي كدة انتي؟ حرمتك من شنو انا ؟ عشان تكسري كلامي وتستغفليني !
ياخي انتي عارفة اني قاطع علاقتي بيهم ؟ بتصغري ابوك انتي يعني؟
_ لا والله يا ابوي حاشا وكلا م كان الهدف !
طيب اشرحي لي الهدف شنو ؟ اقوليك م تمشي ليهم تمشي ليهم !
_يا ابوي انت ليه عايز تعلمنا الكعوبية ! ديل اهلنا واقرب ناس ورحم وربنا بسالنا منهم بعدين انا سمر صحبتي ومعتز اخوي زاتو !
يعني هسي حادث معتز الفظيع ورقادو ف غيبوبة 45 يوم م صحوك من الغفلة دي؟
يا ابوي الموت قريب والله نتلوم ليه ؟
عشان عزيز ، انت عارف عزيز م عندو شي لي سحر ، انتي فرقتو اولاد خالتي !
ربتهم التلاتة مع بعض ومافرقت بيينهم انتو بكل بساكة تجي تقوليهم م صح تقعدو معاه ، ياخي فرضا م صح ! لموهم انتو !
ديل ايتام ي ابوي لا ام لا اب بنقسى عليهم ونقاطعهم ولا نلمهم ونحتويهم !
عزيز بتاع الفتنة دا ي ابوي كان باريتو بتخسر الناس كلها !
صدقني ي ابوي والله لو بقيت زول كويس م بنبذوك بيها لكن لو بقيت كعب بقولوها ليك ف وشك ديل اولاد اختك يعني دمك ولحمك ي ابوي !
هسي امبارح المسا الحمدلله معتز فتح من الغيبوبة بس عندو مشكلة فرجله الشمال حتتعمل ليه عملية !
م حتمشي تزوره ياخ اعتبره زول غريب زوره واكسب اجر !انتو م عايزينهم م تلزموني معاكم انا الناس ديل اهلي واخواني وم بقاطعهم !
....
جمان اها انتو جاهزين؟
لالا م جاهزين اصبر شوية ، انت عارف معتز لسة حيعمل عملية والوضع جايط شوية ! وابوي لسة معاقبني وحاميني الطلعة كل شي لما يتظبط بكلمك حاضر؟
حاضر ي ست البنات °♡


إن أقصى طموح المرء أن يُنظرَ إليه برقة، وأن يُحَبَّ كما هو ."❄💜

#أميرتي_قاصرة20
والاخيرة
بقلم امل الشيخ

- كنت ماشة وجاية ف الممر رد لي وليد بتموتي هم ي بت تعالي حيطلع كويس ! ابتسمت ليه بس كنت مقلقة شديد وم قادرة اتفاهم مستنياه يطلع بسرعة ، بالرغم من انو الدكتور قالينا انو العملية سهلة بس كنت خايفة شديد!
العملية استمرت 3 ساعات ، 3 ساعات حرب اعصاب وتنشنة ، كانو كلهم قاعدين مياس ووليد وسمر وجمان وخالي ربيع وخالتي هدى واتنين اصحابه بس م حاسة بيهم شايفاهم بتحركو وبدعو وخلاص !
بعد ال3 ساعات ، جانا الدكتور طالع قالينا حمدالله ع السلامة وقف معاه وليد وورانا انو العملية الحمدلله تمت ومافي خوف على المريض ، كم يوم بس والمريض يواصل علاج طبيعي وحيبقى احسن !
الدكتور فات ، بس انا بقيت مبسوطة ومنتظرة متين اشوفو ! بعد ربع ساعه كدة طلعوهو من غرفة العمليات بسرير نقال كان مخدر م كان شايفنا ولا واعي بينا وصلوهو لحدي الغرفة ! وقالو ممنوع الزيارة ومافي زول يخش ليه الا المرافق !
وحدة من الممررضات سالتنا المرافق منو؟ كلهم عاينو لي انا !
جات قالت لي تعالي ، مياس قدر م اصرت تشوفو م خلوها !
ساقتني لحدي عنده بقيت قاعده ف الكرسي الجنبه ، كانت بتركب ليهو ف درب قالت لي انا برة لمن الدرب يقرب ناديني !
قعدت مسافة بعداك سمعت صوتو مبحوح سسسححر جيت قريب منو قلت ليو جمبك قالي انا وين ؟ قلت ليو عملت العملية وطلعت ! قالي نجحت قلت ليو الحمدلله قالي اديني موية ! قلت ليو م بتتعبك طوالي كده؟ قالي خلاص اديني قهوة مصدع شديد قلت ليو طيب ، الغرفة كانت مكتملة فيها دولاب وتلاجة وفوق التلاجه خاتين صبارة قهوة واكل مغلفينه ناس المستشفى   كبيت ليهو شوية جيت حاولت اشربه ، بقا يجيب خارجيات غايتو ومرات يقولي تعبان ومرات يقولي ح اموت متين !
مرت ٣ ساعات تاني حتى هو فتح كويس وبقا بيتكلم عديل ، بعد فتح حتى ناس المستشفى خلو باقي الاهل خشو ليه ، دخلت مياس وحضنته شديد وبكت قدرتها قالت ليهو بركة الخفيت حمدلله ع سلامتك يا غالي ! قعدو اتونسو معاه شوية !
وطلعو مشو فضلت انا ومياس وناصر جانا قعد معانا للمسا كدة ، بتنا معاه والصباح ناصر ومياس مشو بقيت معاهو براي !
قالي الحمدلله انو الليلة جمعه عشان م تمشي المدرسة ! قلت ليو ايوة الحمدلله
جيت قعدت جمبه ف سريره وهبشت ليو راسو لقيتو دافي ! ضميته علي قلت ليو ماما زمان لمن واحد يكون عيان بتقرا ليهو ! قعدت اقرا ليهو واحصن فيهو لمن نام !
م حبيت اتحرك عشان م يصحى !
او بامانة انا الماكنت عايزاه يبعد عني !
___
اخدت اجازة من المدرسة اسبوع وبقيت قاعده معاه ! قلنا لي وليد وسمر خلاص يبدو يجهزو ف حاجات عرسهم !
يوم كنت قاعده معاه بونس فيه باب الغرفه دق مشيت فتحتو للقيت جمان وخالي اسعد لبست طرحتي وسلمت عليه  !
قالينا حمدلله ع السلامة معتز قاليه الله يسلمك ! ضيفتو ، بس كان ساكت طول القعدة كاتت بتتكلم جمان وتسال من اخبار معتز وناس سمرر !
بعدين قالت طبعا يا معتز ابوي جاي يتكلم معاك ! وعاينت لابوها !
ابوها قام من محله ومشى تجاه معتز اشرت لي عشان نطلع ، بس كنت ميتة افهم البحصل شنو وحيقوليه شنو زاتو!
مشينا جنب الغرفة وقعدت تونسني وتسالني عن شيلة سمر ومتين حيكون سد المال والكلام دا كله ،
بعد ظرف ربع ساعه فتحت الباب لقتهم بضحكو قالت لي تعالي !
دخلنا ، خالي مسكني وحب لي ف راسي ! العفو يابتي لو يوم قصرنا ف حقك بعد وفاة الوالدة °
قلت ليهو العفو والعافية ياخالي مافي شي !
طول القعدة بقا مقعدني جنبو ويضحك ويتونس سبحان الله بالجد الدنيا دي فانية مافيها شي عشان الناس تتلوم!
انا كنت فاكرة انو حتى لو خالي جانا بعد العملو هو وعزيز ولدو مستحيل اسامحهم بس لقيت نفسي مسامحاهم وم شايله حاجة تجاهم!
مافي احلى من انو نفسك تكون نضيفة  تجاه اي زول ، الغلطان يعتذر والغلطانين ف حقه يسامح °
اتنين م عندهم حل تالت ♡♡♡
___
وليد وسمر من السوق جو نازلين عندنا ! سلمو علينا وقعدو اتونسوا !
ف ممرضة ورتنا انو من بكرة حيبدا العلاج الطبيعي ل معتز !
وهي طالعة معتز قاليها م ممكن نطلع البيت خلاص ومن هناك نمشي نشوف العلاج دا قالت ليه خلاص الدكتور المتابع حيمر عليكم شوية كمان كلمو !
مشت .. وناس وليد استاذنو !
سمر وهي طالعه طبعا انا الليله حمشي عن ناس جمان ح ابدا اتحبس عندها يعني حترجعو حتلقو البيت فاضي !
وغمزت لينا ! انا عملت م شفت ولاسمعت !
معتز قاليها الليلة منو معانا ؟ قالت ليهو اظن علي عشان ناصر  عندو عرس الليلة ! وودعتنا ومشت !
اول م فاتت قالي تعالي مشيت جمبه ! جراني من يدي قعدني ف السرير !
مرتي ! سكت بقيت اعاين ليه قالي بحبك °♡
نزلت راسي قلت ليو انا كمان ! بيدو رفع لي راسي قالي انتي كمان شنو؟

قلت ليو بحبك وغطيت عيوني قعد يضحك وضماني عليه وبقينا نتونس ! زي اي اتنين بحبو بعض !
كانت ليلة مليانة بالحب والضحك والسعادة ، حاسة اني مرتاحة وفي المكان الصح ومع الزول الصح !
....
لما جا الدكتور وكشف عليه وعمل الفحوصات قالينا بعد كدة م مشكلة ممكن اكتب ليكم على خروج !
اول م علي جا داخل معتز قالي نطلع الليله قدر م حنسناه بكره قال لا الليلة !
عملنا اجراءات الخروج الحمدلله .. اضطرينا نشتري ليهو مقعد متحرك !
قعدناه فيه وووصلناه لحدي العربية !
لحدي م وصلنا البيت ! علي سندو معاي ! ووصلناه جوة !
قالي احسن شي غرفتي تحت ! ، علي فات وقالينا بجينا بدري ان شاءالله  !دخلتو غرفتو ، وشوية شوية قعد ف السرير ، هو مشكلته رجله الشمال بس ! جيت عايزة امشي قالي لو احتجت حاجة اناديك كيف م تمشي؟ قلت ليو طيب بس انا عايزة اجيب ليك موية وحاجة تاكلها قالي ممكن موية بس م جعان ، مشيت عملت ليه عصير ليمون وجبت ليه موية شرب وبقيت قاعدة جنبو وبتونس وبحكي ليه عن اامدرسة وعن ليلى وتغيير تبيان ، بعدها سكت فجاة تاني قالي م ملاحظه ؟ قلت ليو شنو؟
قالي بالرغم من اني كنت بقول صغيرة بس الانتي عملتيه معاي ولا زول كبير م عمله ! انتي فعلا زولة كبيرة وانا م كنت شايف الحاجة دي !
قالي اول مرة احس زول بعاملني بحنية بعد وفاة خالتي نعمة ! بحسك بتهتمي مش عشان انا عيان لا عشان انتي خايفة علي بالجد ! قلت ليو انا بخاف عليك من الهوا الطاير بالمناسبة قالي احلفي قلت ليو وحياتك  ضحك قالي م ملاحظة برضو؟ قلت ليهو شنو؟ قالي انو الحادث رغم فظاعتو بس هو القربنا لي بعض !  قلت ليو بالجد سبحان الله مقولة كل شي لي خير دي حقيقية قالي اكيد حقيقيقة ..
عاين لي شوية قالي مالك قاعده ارقدي نططت ليو عيوني قالي م حعمل ليك شي نومي ° قالي م حعمل ليك شي رفعت رجولي ونمت جنبو لقيتو ضاميني عليه قلت ليو مش قلت م حتعمل شي قالي الحضن دا م شي ، انا محتاجو بس ! اول مرة اطلق العنان لي نفسي ضميته علي اكتر ! قلت ليو انا كمان محتاجة احضنك !..........♡
________
فضل 4 يوم على عرس سمر ووليد والترتيبات والجوطة ، عزو بقا كويس وبيمشي على رجوله
سمر اصرت انها م عايزة شي كتير !
عملنا عزومة تاني للناس القريبة شديد ، لبست زفاف اتصورت بيه وخلاص ! عملت الجرتق ف البيت كان زي الساعه 8 .. كنت شايفة ضحكة سمر من الاضان لي الاضان كل شوية تهمس لي وليد وهو ماسك يدها قوي وانا متأكدة المرة دي سمر اختارت الزول الصح.
مرات كتيرة الحب بيكون قدام عيونا بس م بنلاحظ لي وجوده !او ممكن نتعمد م نشوفه او نحاول نخفيه !
بس القسمة بتلف وبتلف وبترجعك للبستاهلك♡♡°
______
تاني يوم طوالي المسا كانت خطوبة جمان وعمرو !
جمان اكتر وحدة تستاهل خير ف الدنيا اكتر وحدة وقفت معانا ف الحلوة والمرة ، سبحان الله عمرو دا كلنا اول م شفناه اغلبيتنا حبيناه ، كان حبه ظاهر ف عيونه !
...
هسي عليك الله جمان الفقرية دي كان خلتنا مشينا شهر العسل كان بتموت ..
يخسي عليك والله بسببنا اجلت الموضوع دا كتير بعدين بس اليوم دا °
انتي عارفة انا زعلان انك م عملتي الصالة والحنة وم لبستي الزفاف !
انت عايز تكون معاي ولا حاجة تانية؟
عايز اكون معاك بس برضو عايز اعزك واعمل ليك اي شي سمح بعملو ♡
مدام انت معاي عارفة نفسي ح القى عزة وحب وسعادة واستقرار محصلوشي ، دي شكليات مواضيع يا حبيبي ، بدل نتملي ذنوب من بداية حياتنا خلي نوفر قروشنا لاي حاجه سمحة بترضينا وبترضي ربنا ..
مسك كفة يدي باسها ، انا بالجد محظوظ مااتحرم منك يا السمحة ياستهم ..♡
_______
بتي !!
عيونيي انا ..♡
رايك شنو نعمل زيهم ! خطوبة وعقد وعرس وجوطة انا حرمتك من الحاجات دي كلها !
دي حاجات م اساسية المهم انت معاي سندي وحبيب عيوني !
م تنسي وابو شهد وخالد .. غطيت عيوني بيدي مسكهم قالي ولاعايزة تنطي قعدت اضضحك قلت ليهو شهد وخالد وانت زاتك ..♡
قالي م كنت قايل الشافعة اللسانها اطول منها ف يوم حتبقى لي أم ..♡
قلت ليو واحلى ام كمان !
احلى ام واحلى زوجة واحلى بنوتة في الدنيا  ..♡
انت بالمناسبة مياس وين ؟
شايفة ناصر قلت ليو اي قالي بحنك معاها قعدنا نضحك ..♡
...
يُقال أن كانَ لها من الحواسِ سَبع ، فـ كانَ حياؤها يُسمع ويُرى فـ هيَ لم تؤتِ من كيدِ النِساء شيء ، مَلائكيه الروح مُرهفة الأحساس ، تكبر فَتيات جيلها بعقود من التفكير ، يُحكى أنها كانت بحق الله أُنثى ..♡°°
......
العز اهل ديل كلمتين م بختلفو فيهم اتنين ، والماعندو اهل يقع البحر فعلا ..♡
ما ح اقدر اتخيل اسرتي من دون معتز ولا من دون سمر ولا من دون وليد ، اللي دايما اول م نحتاجه بنلقاه قدامنا ، ولا حتى من دون جمان !

جمان بالنسبة لي م بت خالي وخلاص جمان اختنا وحتة مننا !
حتى ناصر الدنيا م بتحلى من دونه البني ادم البخلق جو محل م يمشي ولا اخوهو علي ! م دايما بكون معانا ولا بحب الونسة زول كده الله خلقو بكلمة وغطاها !
نهى الاجتماعية الانطوائية مرة معاك مرة م معاك !
خالتي حنان الحنية كلها ، ولاهدى المتسلطة ،او بتها وعد الحقارة !
الخيلان الخالات اولاهم بناتهم ، بدونهم م بكتمل العز !
...
بالرغم من انو اهل ابوي قاسين وجافين قررنا انا وسمر بعد السنين دي كلها نمشي ليهم ونبقى احسن منهم !
الدنيا دي ضل ضحى م تغشنا بالسرمدية !
كونو الاحسن كونو المصلحين كونو الاحبة !
ماتفرطو ف اهلكم الكعب فيهم والكويس !
_______________
بعد 6 سنوات :
- انا م عارف جمان دي مافضل ليك الا تبيتي معاها !
=يخسي عليك حامل ومحتاجاني جمبها يا وليد !
-محسساني انها حامل ب اول ولد ! دا التالت !
=حتوديني بعد النقة دي كلها ولا امشي انوم احمد وسحر ؟
- خلاص امرقي طيب !
شال مفاتيحه وومسكته احمد واتقدم !
اتصلت لي سحر اها وصلتو ؟ قالت لي م مرقنا من البيت اسبقونا !
___________
- عارفة يا جمان انتي عندك اهل ماشاءالله تبارك الله ، بس الحمدلله اني بقيت فرد منكم كنت بحس اني مقطوع من شجرة والله لمن اشوفكم!
= حبيبي هسي انت مننا وفينا حقنا ياخ
قعدت اضحك وحضنته ! بقا يشاغل ف ولدو الفي بطني !
اكتر حاجة مبسوطة منها اختياري ل عمرو لو رجع بي الزمن مرة واتنين وتلاته ح اختارو هو ..♡
_____
شوفي ي مياس طلعتي طلعتي م طلعتي! انا بمشي الاجتماع!
خلاص خلاص سوق خالد ف يدك وانا هدا وراك يا ناصر ماف داعي للجوطة ..
معليش والله بس الاجتماع مهم !
خلاص طيب ارح نتقدم !
م ندمت على اني عرست ناصر رغم انو مررات سخيف واخلاقه ضيقة بس  بفضل مغرقني حب لمن مخليني م اركز مع اي عيب فيهو !
ناصر اتقبلني زي م انا اتقبل كعوبية امي ! وحركات نور اختي واتقبلني بنفسنتي وبي كل شي م حلو فيني !
ف دا اقل شي اصبر عليه وعلى عصبيته وعلى اي شي بسببه ليهو ضعط الشغل ..
ناصر بفضل الحبيب الاول والاخير ف عيوني ..♡
______
واااااااي دا البحث حقي ؟؟؟
قعدت ف نص السرير ابكي ! معتز جا ساق شهد وخالد مني ونزل ليهم العابهم !
واي ي معتز انت عارف اني كملتو بعد صعوبة انا م عارفة اعمل مع الاولاد ديل شنو ! حضني عليه معليش انتي عارفاهم لسة صغار ، انا غلطان لما شفتو كان ارفعو من هنا م تزعلي عليك الله انا بلقى طريقة وبتصرف وبحلها طيب ؟ زحاني شوية قالي امسحي دموعك الليله الناس كلها لامة يشوفو دموعك؟ حضنته تاني معليش لاني مهما كبرت برجع شافعه وم قادرة اعتمد على نفسي !
منو قال انك م قادرة تعتمدي على نفسك ، البحث دا مش عملتيه براك ؟ لا بمساعدتك ! ضحك قالي ياخي برضو بحبك واكتر شي عاجبني فيك انك لسة شافعة ! قومني براحة مشيت غسلت وشي ، وجيت بوستهم ف خدودهم ، مع انكم كلاب ومشاغبين وخربتو لي البحث حقي بس برضو بحبكم زي م بحب ابوكم واكتر♡♡♡♡ قالي سااامعكك انااا اوعععاااا ...°°
..
كنا لامين كلنا وبنضحك وبنتذكر ايام زمان وحركات كل زول فينا ، الضحكة الكنت شايفاها ف عيونهم خلتني افرح ب اني جزء من العيلة دي!
#حاجة اخيرة :
في الزمن البقينا فيهو دا ، التعليم والتجارب سلاح المرأة ..
زمان المرأة عشان تتعلم بزوجوها ! لكن حاليا الوضع اختلف والمرأة اصبح مسموح ليها التعليم وشهادتها البتحمي بيها نفسها من الغدر والرجال !
زمان حبوباتنا واجدادنا كانو واعين ومسؤولين من صغار ،  بس كل جيل بسلم جيل بجي اقل وعي عشان كدة صعب تتزوج وحدة لسة بتفكر في اللعب مع اولاد الحلة ..♡
بس ماف شي بمنع لو كان الزوج ود حلال داعم !
ادعو ي بنات بالزوج الصالح الهدي الرضي الساند والداعم °°
باقي الحاجات هينة والله ❄
نتلاقى في رواية تانية ..♡
...
أن يجد كل منا جليسه ومخبأ أحاديثه ورفيق أيامه، ألا يساور الشك أي واحد في حب قرينه، وأن تنام العيون الساهرة وهي مطمئنه بأنها ستصبح علي خير..🙇‍♀🤍💙

سلام ي شبوبةةة💜💜💜
ممكن ي بنات لايك وكومنت
هنا ف البوست دا
https://m.facebook.com/groups/195404780952451/permalink/1487343751758541/

واستوصوا بذوات باللونِ الاسمرِ غَزلا..🖤

ﻣﺸﺎﻛﻞ ﻭﺧﻼﻓﺎﺕ ﻛﺎﻥ ﻣﻤﻜﻦ ﺑﻜﻞ ﺑﺴﺎﻃﺔ ﺍﻟﻐﻠﻄﺎﻥ ﻳﻌﺘﺰﺭ ﻭﺍﻟﺘﺎﻧﻲ ﻳﺴﺎﻣﺢ ﻋﺸﺎﻥ ﺍﻟﺪﻧﻴﺎ ﺑﻴﻨﺎ ﺗﻤﺸﻲ ♡

ﻫﻤﻮﻡ ﻛﺘﻴﺮﺓ ﻣﻤﻜﻦ ﻛﺎﻥ ﻧﺸﻴﻼ ﻋﻦ ﺑﻌﺾ ﺑﻲ ﺍﺑﺘﺴﺎﻣﺔ ﻭﻣﺴﺤﺔ ﻋﻠﻰ ﺍﻟﺮﺍﺱ ﻭﻭﻗﻔﺔ ﺻﺎﺩﻗﺔ

ﺗﻌﻘﻴﺪﺍﺕ ﻛﺘﻴﺮﺓ ﻣﻤﻜﻦ ﺗﺒﻌﺪ ﻋﻦ ﺩﻧﻴﺘﻨﺎ ، ﻟﻮ ﺑﺲ ﺑﻘﻴﻨﺎ ﺑﺴﻴﻄﻴﻦ ﻭﻣﺎ ﻣﺘﻜﻠﻔﻴﻦ ، ﻭﺑﻨﺘﻌﺎﻣﻞ ﺑﺎﻟﻨﻴﻪ ﺍﻟﺒﻴﻀﺎ ﻭﻧﺨﻠﻲ ﺍﻟﻮﺷﻮﺵ ﺍﻟﻔﻚ ﻭﺗﺮﻛﻴﺐ !

ﺣﻘﻴﻘﺔ ﻧﺤﻨﺎ ﺑﻨﺴﺘﺎﻫﻞ ﻭﺍﻗﻌﻨﺎ ﻣﺎ ﺩﺍﻡ ﺩﻱ ﺍﻟﺤﻴﺎﺓ ﺑﻴﻨﺎﺗﻨﺎ ،

ﺧﺎﻟﻴﺔ ﻣﻦ ﺍﻻﺣﺎﺳﻴﺲ ﻭﻣﺮﺍﻋﺎﺓ ﺍﻟﻨﺎﺱ ﺍﻟﺤﻮﻟﻨﺎ !

ﺧﻠﻮﻧﺎ ﻧﻜﺒﺮ ﻗﻠﻮﺑﻨﺎ ﻗﺒﻞ ﻣﺎ ﻧﻜﺒﺮ ﻋﻘﻮﻟﻨﺎ ♡

#ممكن

ما لَك؟
تؤخر الفروض، تضيع الأوقات، تنام عن صلاة الفجر، جفَّ لسانك عن الذكر، تناسيتَ ركعتي الليل، وغطَّى الغُبار مُصحفك🧡🦋
ما لَك؟
من المُباح فوقعت في الحرام، رأيت الحرام فلم تُنكر ولو بقلبك فبدأت تألفه، نسيت ربك في خلواتك، ونسيت نفسك فظلمتها🤎

عُد لله، رتّب الأمور من جديد، جدّد العهد مع الله، واستعذ بالله من العجز والكسل، وعَجل في الرجوع إلى الله💙

صباح مّليان بالحُب .. 🌍❤️

في الوقت البتحس فيهو إنك ما كويس !

أجري على الناس البتحبهم صدقني أحزانك حـ تتبدل أفراح !))

كل حاجة في وجود الناس البنحبهم بتبقى حلوة وهينة ومريحة شديد !

أنا وحدة من الناس لما أحس إني ما كويسة بمشي الاقي صحباتي.

فكرة إنك تلقى إنسان يسمعك بس حتى لو ما اداك حلول دي فكرة مريحة شديد وبتهون عليك شديد !

وأنا معاهم ببقى رغاية شديد بقول كل إحساس مكبوت فيني وبلاقيهم بسمعوني كويس شديد ونظرات التركيز حقتهم للحكاوي حقتي دي براها بتخليني أتكلم أكتر !

حتى التنمر حقهم والضحك البضحكوهو فيني لما احكي ليهم مشاكلي بضحكني معاهم وبخفف علي شديد.

في يوم قال لي :

ارمي همومك كلها علي وأنا مُستعد أشيلها عنك.

وفي مرة تانية قلت ليهو :

أنا حاسة إني جايطة شديد ومليانة كلام !

قال لي : أنا هنا حأفضل أسمعك بس أنتِ طلعي كل الجواك.

الفكرة ما في إنك تبقى مع الحولينك !

-الفكرة في منو من الحولينك بحسسك إنو وجودك عندو مُهم وزعلك فارق !

-ومنو من الحولينك بيفرش ليك بساط الأمان وبيفتح ليك قلبو عشان أنت تجي وتحكي ليهو !

ما ينفع أي زول نشاركو حاجاتنا الخاصة !

في ناس من كتر المحبة الشايلنها ليهم جوانا بنلقى خطواتنا ساقتنا ليهم من غير ما نحس ! ❤️

#على_عتبة_النهاية

-في فرق بين إني أشاركك حاجاتي العادية !

-وفي فرق بين إني احكي ليك تفاصيل الحاجات العادية دي !

وبالمحبة الخيار التاني حيتعمل !)) ❤️

#الـزّيـتُّـونـة

#Abeer_Ibrahim

توقفو عن التصفيق للوحدة ، الإنسان يحتاج إلى الإنسان .. ولا أقصد بذلك الإتكاء المفرط على الآخرين ، بل القُرب المريح ، الذي وجوده يبث الدفء في الروح ، ولا أذى في زواله ❤️

‏ثُم تُحلَّق لأن أحدهم قال : أفهمك ❤️.

يُشاركني الحلوَة ، ويُحلّي لي المُرة🤍.

إن العين لتدمع و إن القلب ليحزن و إنا على فراقك لمحزونون 💔😭 عزائنا انك شهيد بإذن الله 💔 أحياء ولكن لا تشعرون 💔 ح تفضل حي في قلوبنا 💔ربنا يجعلك من الذين قال الله تعالى عنهم ( فرحين بما اتاهم الله من فضله) ربنا يجمعنا بيك في جناته بإذن الله

ابن خالي في ذمة الله
ادعوا له بالرحمة والمغفرة

-ياجماعة نتفق على حاجة الا وهي اننا بشر ما ملاك ..
بنزعل ونبكي ونضحك ونفرح ونشتم ونحس بالضيق وننفعل ياخي ...الخ

-فما ممكن انت تتصرف معاي تصرف شيطاني وتتوقع مني رد ملائكي مابتجي والله

-اي نعم ف زول اخلاقه بتسمح ليه يمشيك ويمشيك ويمشيك لكن لكل زول حد ، متى م يصل الحد ردة فعلو م حتعجبك !

-فمن البداية يخوانا نتعامل ب أصلنا
انسان قصاد انسان

#أمل_الشيخ

وإن زادَت هُمومك
فَاستشعِر ﴿ فَإِنِّي قَرِيب ﴾ " 🦋💛.!

عزيزتي التي هي أنا /

أتمنى لكِ بعد بِضع سنواتٍ من الآن، أن تكوني في حالٍ أفضل، وأن تكون أيامك بِخفة الفراشات مِثل قلبك الجميل، خالية من القَلق والخَوف والانتظار ..
أن تُصبح جميع أحلامك حقيقة، وكُل دعواتك مُجابة
ألا يعرف الحُزن لكِ بابًا، ولا تشعر روحك بالذبول يومًا
ألا تُصيبك لَـعنة الفَقد، ولا ينقص من أحبابِك أحد
أتمنى ألا تبكي عيناكِ مرة أخرى، أعلم أنها بكت كثيرًا ..
أتمنى لكِ مُستقبلًا مليئًا بالسلام والأمان والكثير من الحُب♡.

- تَضحَكِينَ . .
فَيُصبِحُ العَالمُ مَدِين لكِ بالمَزِيدِ مِنْ الشُعَراءِ ..🩷