‏أولاً : تراقب أوقات الصلاة ، قبل الأذان يأذن أمشي أتوضى ، ده براهو ثواب أصلاً .. بالإضافة لـ أنه لما يأذن وتكون جاهز وعلى وضوء ح تتشجع أكتر بكتير من إنك تصلي طوالي 💛

‏ثانياً : ماتصليها كدا وخلاص ، خلي الصلاة ميعاد فضفضتك مع الله سبحانه وتعالي
‏قسم السجدات :

‏- أول سجدة : مثلا أشتكي لربنا من حاجة حصلت معاك في يومك فضفض ليهو .. ح اترتاح والله وجائز فضفضتك دي تكون هي سبب في الحل اللي ربنا حيرسلو ليك بعدها 💛

‏تاني سجدة : أشكر ربنا علي حاجة حصلت في يومك ، خلي أحداث يومك مرتبطة بكلامك مع ربنا في الصلاة علشان تبقى دايماً متجددة فاتبقى أنت دايماً مشتاق لي إنك تصلي وتتكلم وتحكي وتفضفض 💛

‏- تالت سجدة : أدعي لنفسك بكل اللي تتمناه وبكل اللي بتحلم بيه في يومك ، وأختم دعائك بحاجات تتمناها في آخرتك .من رضا ربنا عليك والدخول جنته بلا حساب أو سابقة عذاب وأن ربنا يهديك ويهدي بيك ويرزقك الأخلاص والقبول ويتقبل منك ويجعل كل عمل خالص لوجه الكريم وأن لا يجعل فيه رياء ويعينك علي الطاعة‏ ويبعدك عن المعصية ويوفقك فيما يحبه ويرضاه 💛

‏رابع سجدة والأخيرة :- خليها دعوات لأهلك ولحبايبك وأصحابك ، شوفت واحد صاحبك الليلة مهموم مثلاً أدعي ليهو بتفريج الهم ، شوفت صاحبك التاني بيغلط أدعي ليهو بالهداية ، وهكذا .. حتي الدعوات لما تخليها مرتبطة بتفاصيل يومك حاتساعدك تشتاق للصلاة أكتر وتستناها علشان تدعي بيها وتتحل أمور يومك كلها من خلالها 💛🌼

‏ح تستني الصلوات علشان تسمّع فيهم ف بالتالي الصلاة نفسها حتكون ليك مجلس لحفظ القرآن الكريم وطبعاً طول ماأنت بتحفظ كل يوم 5 آيات دا بيساعدك أنك تختم القرآن بسهولة، ‏وطبعاً حفظ القرآن مشكلة بيعاني منها ناس كتير جداً فأنت حتكون حافظت علي صلاتك وحافظت كمان علي قرآءتك وحفظك للقرآن 💛

قالت لي :
لما اتوفى ابوي ، أول ما سمعت الخبر مسكت تلفوني و رسلت ليها ، ما جا في بالي غيرها ، ولا حسيت إنو ممكن إحساشي يصل لأي زول في العالم دا غير لصحبتي القريبه ، و عمره إحساسي بيها ما خاب ..

قالت :
لما اتقدم لي عريس ، جريت رسلت في قروب صحباتي و لميتهم عشان أحكي ليهم القصة ، و كانو بوجّهوني ، و كنت بحس الفرح واصلني في مكاني رغم المسافات البيننا ..
ما بنسى كم مشوار مشوه معاي ، و كم زهجة أيام توتر العرس روحوها ، و كم ضيق اتحمّلوه ، ولما شافوني بالأبيض ، كان المشهد محاصراه الدموع ، كإننا طلعنا من رحم واحد ..

قالت :
اتقاسمنا كل شي ، أي شي حتى الفطور و حق المواصلات ، دولابي في بيتهم و بيتهم عندي ، اتعدو مرحلة الاستئذان لما يجوني ، و بقيت برجع من برا بلقاهم قاعدين مع أمي بطبخو أو بساعدوها في نضافة البيت ..

- قالت لي :
كتيرين بشاركونا الفرح ، بس تخيلي صحبتي ما كانت بتنوم عشان أنا مكسورة ، كنت أنا صاحبة الوجع بنوم أخليها بتقرأ لي في قرآن ، مسكت يدّي وقت فكتها الدنيا ، و طمّنتني وقت هزّت روحي الانكسارات ، و قالت لي ما تخافي الله معاك لما حسيت بالنهاية ..

- في صحبتين بعملو مينشن لبعض في كل بوست بكتبه ، و كل وحدة بتقول للتانية ، تعالي أضحكي ، تعالي أقري ، تعالي نفسني أو أي مسمى بس الفكرة إنهم عايزين يكونو مع بعض حتى ولو بي بوست على الفيسبوك .

- الأصحاب :
شركاء الفرح و العتمة و الليل الطويل ، الحيطة العمرها ما بتميّل بينا و الحضن الآمِن البسمع حكاياتنا ، حكاياتنا المُعادة ، و تفاصيلنا المملة ، و انزعاجاتنا البسيطة
أصحابنا الشاركونا نفس الكرسي ، نفس الدفتر ، نفس الشيت و حتى الأغاني و السمّاعات ..
يمكن مرات كتيرة بنختار أصحاب غلط ، و بطلعو أقل من كل توقعاتنا الكبيرة تجاههُم ، بس حيبقى في صاحِب بوابة عبورك للفرَح ، صاحب ما حصل خلاك في طريق براك ، صاحب ولو بعدتكم المسافات فجواك ليه ألف ذكرى و موقف ما حيطلعو من بالك ..
كلنا مرّ في حياتنا " رفيق " خلى الحياة الصعبة قابلة للاحتمال ، و الظروف السيئة ضحكة اتقاسمناها سوا ، و الامتحانات العسيرة صبُر بدعاء ما بفارق لسانو ، كلنا عندنا رفيق ولو اختلفنا ، و زعلنا ، و قبّلنا من بعض بنرجع بنفس القلب الأول ، و بنفس الحُب بنكمل الدرب و بنسنِد بعض و بنقدر وهو جنبنا نشيل حِمل كل العالم .. كأننا كتفه و أول ما نتذكره بيجي على بالنا زي النسمة و بنقول ؛
" يا محطّات الأمان ، و الخطاوي الشايلة نور " 💙

#رغد_عبدالرحمن

-انا لستُ كما تظنُ انت ، أنا سيئة جداً ،، لا انكر بأنني اتحول الى شخصية مرحة عندما اكون معك ،، لكن هذا لن يغير الواقع 💔🚶
-ربما انتي لم تفهمِي بعد ،، معنى ان نعشق عيوب من نحب ،،لو كنتِ شوكاً في يدي لا اتركك ،، ولو كنت جمرا لا ارميكِ ،، لن اكذب واقول أن حياتي كانت قبلك كاملة كما يفعل الاخرون ،، ف والله م اكتملت الا عندما اصبحتي حبيبتي ،،💜🔐 رأيتُ فيكِ جمالا استثنائي ،، جمالا داخلي يشبه حكايا الجدات ،، يشبه امطار الصيف ،، الغيوم الداكنة ،، لحظات الغروب ،، 🖤
والكثير الكثير الذي اصبح له معنى بوجودك ،،🔐💜
الان هل م زلتي تودين الرحيل ..؟؟💔

#لين_نزار

* أنا جميلة جدا 🌸: من أهم الامور التي يجب ان تسمعيها في كل صباح ، كلمة "أنت جميلة" فقوليها لنفسك.
لا تقارني نفسك بالأخريات، افتخري بداخلك وتصالحي مع شكلك الخارجي.

أسستحق الاهتمام 👌🏻: تستحقّين الحياة، تستحقين النجاح، تستحقين السعادة، وتستحقين الحبّ!

- أحبك ✨: قبل أن تغسلي وجهك، انهضي من فراشك، انظري الى المرآة وقولي لها "أحبّك". ستستغربين الأمر في المره الاولى، ولكن لهذه الكلمة سحر غير اعتيادي، صدّقيني!

* نعم، أستطيع👏🏻: وجهي هذه الجملة، لكل من يخال أنك لن تصلي الى أهدافك ولمن يتوقع لك الفشل.

* سيكون يوما موفقا 💗: ضعي الخير أمامك كي تجديه. حين تقولين لنفسك هذه الجملة سيثق عقلك بكلامك، وسيواجه كل التحديات بإيجابية مفرطة.

* أنا ممتنة لك يا رب 🙌🏼: اشكري ربك على كل التجارب التي خضتها، سلبية كانت أم إيجابية لأنها تعلّمك وتزودك بالخبرة التي تحتاجين لها 💗.

#توكيدات_ايجابية
#لكل_أنثى

انا م هـ قدر افك يدها ابدآ ،، ببساطة هي استحملتني كتير ،، اتحملت الانسان السغيل البارد ،، استحملت نوبات العصبية البتطلع فجأة ،، استحملت عدم مبالاتي ،، استحملت كونها تدق لي اكتر من عشرين مرة وانا ارجع ليها مكالمه واحده الساعه 3 صباحا لاني عارف انها هـ تكون نايمة وما هـترد ،،💔 استحملت الكلام القاسي البقولو ليها لمن اكون زهجان ،، 💔 كل تصرف مني كانو كان بقوليها امشي وخليني بس م مشت ،،💔
لحدي م لقيت نفسي واقع في حبها ومابقدر اعيش من غيرها💔 ومابقدر افك يدها لانو لو لفيت العالم دا كلو زول هـ يستحملني زيها ماف ،، ابسط حاجة اقدمها ليها دبلة 💍💄 تدبل ريدتي ليها 💕
هي بتستاهل كل خير ،، 💕

يلا معاي نقوم ندعي ليها ربنا يرحمها 💔

#لين_نزار

يعني شنو يقوليك فلان دا قلبو ميت ؟ يعني مثلا لو شافع متعود يدقا ويتهرش ويتهزأ ،، بعد شوية ببقى ليه عادي وتاني م بهمو !
نفس الشي مشاعرنا ،، الليلة نتخذل وبكره نتخذل لمن نتعود على الخذلان دا تاني ببقى لينا عادي لدرجه بنكون منتظرنو 👌

#لين_نزار

يجماعه ليه السذاجه دي؟🙂
ليه كلنا بقينا مظلومين في العلاقات سواء صحبة او حب..🚶‍♀️
عارفين ليه؟☝️❤️
انتو عارفين..😪
يجماعه في زول جاري وراك وانت م شغال بيه☝️ و انت جاري ورا زول تاني وهو م شغال بيك..💕
تقريبا دا كلام ربنا..
كما تدين تدان..♥️♥️
زي م انت زعلان من الزول السافهك وبتجي تكتب عن حزنك ومأساتك وجروح قلبك 💔
في المسكين الانت سفهتو برضو بيتكلم عن الحزن والظلم وكسر القلوب..
معادله ربانية موزونة💕
خلونا نفضى شويه، نرتب نفسنا، نطلع من دور المظلومين الاحنا متقمصنو دا 🙏
نركز مع الحاجات المتبادلة..
حاول م تعشم زول فيك.. م تديهو مساحه يقرب منك بعدين تسفهو او تختفي منو. ♥️
بطل تجري ورا زول انت زاتك وبطل تعلق قلبك ب اي زول ♥️
البريدك في وشو ظاهر ♥️
و المابريدك برضو ظاهر ♥️
خلونا نتعامل بعقولنا شويه، القلب دا م بنلقى منو غير المشاكل 💕♥️

#لين_نزار

وحدة قالت جات فتره وكنا متشاكلين انا وراجلي وقاعدين مع بعض زي الضيوف، بس قايمه بواجبي تجاه بيتي ومطبخي على أكمل وجه 💕 الحاجة اللينت قلبي وخلتني امشي اعتذر انو كان كل م اعمل شي واتعب يقولي م تتعبي نفسك،، تسلم يدك،، الاكل طعمو حلو الليله،، ماشاء الله فستانك حلو 💜 كان بطيب خاطري رغم مشاكلنا عشان كده كان لازم اصالحه حتى لو هو الغلطان 💜


وحده قالت امي وابوي سافرو شهر ام ابوي كانت عيانه وخلوني مع اخواني الاربعه،، كنت خايفه وشايله هم لاني امسك بيت كامل زي دا براي وانا م عندي اخت َامي كانت شايله عني حمل كبير،، كنت بعمل ليهم فطور غدا وعشا دايما مهما كان الاكل كعب بقولوا لي تسلم يدك،، مع انها كيف كيف لكن عشانك ي ستي.. 💜وأحيانا كتيره بساعدوني ف نضافة البيت ♥️ ومن وقتها حتى لمن امي جات بقيت رسمي ماسكه البيت ومبسوطه💗

-الكلمه الطيبة، البنات م عندهم مشكله يتعبوا ويشتغلو ويقيفو بالساعات عشان خاطر راحه اخوانها او راجلها، كل هي المحتاجاهو منك كلمه طيبه والكلمه الطيبه دي قادره تزيل جبال من الهموم من على كتفها والله💜

رفقا باخواتنا وأمهاتنا وزوجاتنا💜

#لين_نزار

(كاتب 00:06)💜

السلام عليكم ومساء الخير للجميع
زي ما عرفنا نوعية مواهبنا 😍❤️ الليلة حنكون معاكم في فقرة (مسابقة كتابه ) للكتاب القصص القصيرة والنصوص وحرية المشاركة للجميع والعدد محدود ..
بنتمنى الكل يشارك معانا ويدخل منافسة افضل كاتب في القناة


اذا احببت مشارك معانا اضغط💜

للاستفسار او التواصل من اجل الفقرة
@HO_alRawi

عليكِ أن تكوني فتاة ‏تستحق عبور مطارين وركوب ثلاث قطارات للقاءها🌿💜

شريك العمر او شريك الروح او زي م بقولو شريك الحياة.. 💜
الزول دا قادر وف يدو إنو بيديك شجاعة أبدية ل مواجهة أي شي ،
أو كمان بيديك كسرة قلب تعيشك باقي عمرك خايف وجبان لأنو ثقتك بنفسك اتهزت ..

العلاقة بين أي تنين ، "اصحاب ، أخوات ، أو متزوجين" لازم تكون قائمة ع أساس "أنا وراك ف ضهرك وحواليك" ، اللي هو أنا معاك لو مهما عملت والبصيبك بصيبني عشرة اضعاف ، و ودا بيبقى شي مُطمن جدا ..
وأي علاقة ما فيها الشعور دا لا يعوّل عليها ! 💜
#لين_نزار

ايام معدودات 😢
اللهم لا تخرجنا من هذة الايام الا وقد غفرت لنا وفرجت همومنا وفتحت لنا ابواب الرزق والسعادة،واللهم اشفي مرضانا وارحم موتانا برحمتك يا أرحم الراحمين 💜

-لما بت تجي تقوليك انا م قادره اكمل بزعل، هي بتكون جاية وقاصده انها تطمن ❤️
جاية وخوفها في اللحظه ديك سابقها ❤️
هي بتحبك وبتكون متأكده انك بتحبها، لكن البنات بطبعهم خوافات بفكرو كتير في أقل تفصيل وأقل تصرف وبتفسرو على كيفها،، نتيجه التفكير الكتير بتسبب ليها قلق وخوف ❤️ وبتجيك عشان
انت الوحيد القادر تطمن حبيبتك ❤️ الوحيد القادر انك تبعد كل خوفها وتخت محلو أمان ❤️
وتقريبا هي زاتا لو ما حست معاك بالأمان ما كان ربطت معاك ❤️
المستقبل بكون مجهول لأي اتنين بحبو بعض بصدق ❤️
لكن عشمهم في بكره كبير وعشمهم في ربنا اكبر،
حبة صبر مع شوية دعوات ان شاء الله ربنا بستجيب ❤️
البحبك بدعي ربنا عشانك كتير ❤️ بعافر عشان يشق الطريق ويوصل ليك ❤️
البحبك بحفظك وبصونك وبخاف عليك حتى من نفسو ❤️
البحبك بكون جُل تفكيرو وشغلو وتعبو عشان يلمك عليه وتنوري بيتو وحياتو ❤️
عشان كده ماعندو وقت للفارغة وقلة ادب الشباب المعروفة ديك❤️
مايغشك بي قلة الأدب!
البونسك مابعرسك ❤️
اثبتي وخليكي دغرية واصبري معاه..
وربنا ان شاء الله يخلي نهاية صبركم.. دبلة وبيت وشفع حلوين بشبهوكم ❤️
وربنا يجمع اي اتنين عايزين بعض بالحلال❤️
#لين_نزار

زي مافي ناس عندهم مرض الرد السريع!
في ناس عندهم مرض انا حاسي نفسي تقيل!
دا كائن ممكن يتحسس من نفسو لأتفه الأمور،، ممكن لو انشغلت عنو دقيقه من غير م ترد خلاص بالنسبه ليه هو تقيل وممكن تاني م يقدر يتكلم معاك زي الناس 💕
هو ما مرض هو اشبه بحاجه بنفسية الزول دا انسان محتاج زول يطمنو 26 ساعة على وجه الدوام ب جمل " صدقني انا بفرح لما تكلمني،، مابزهج من الكلام معاك،، وين يااا طولت منك كلمني وغيرها"
لو فقد الجمل التحفيزيه دي ممكن تفقدو ببساطه!
ولمن تسألو حيقوليك ياخ والله حسيت نفسي تقيل عليك وحسيت نفسي بكلمك كتير وممكن تزهج مني وغيرو 💔
طبعا في ناس معاهم حق لانو ممكن انت تكون بالنسبه لي اكتر من صاحب وانا بالنسبه ليك ولا اي شي.. ف اقوم اتراسل معاك 24 ساعه واضرب ليك واحكي ليك حتى لو الباب ضرب اصبع رجلي الصغير يلا انت اكيد حتضايق مني.. ف زول عندو مرض انا حاسي نفسي تقيل حيتحسس خصوصا لو ردودك كانت بايخه ومختصرة وحيفضل يأكد لي نفسو لحدي م يفصلك من حياتو فصلة واحده 💜
المهم حاولو اجبرو خواطر الناس 💜 جبر الخاطر اجرو عظيم لو تعرفو❤️
اي زول بجي على نفسو كتير ويسأل منك ياخي اقلاها تقوم تبادلو لهفتو وسؤالو بنفس القدر او اكبر لكن ب اقل حتخسر انت 💜
المهم عارفه الكلام جاط وكده لكن لمن تعرف انو صحبك عندو الحاجه دي اتعامل معاه بحذر عليك الله 💜💜💜 اوعى تحسس زول ب كده لانو انتت زاتك ح تتخت ف نفس الموقف يوما ما،،
عليكم الله زول م نفع معاكم من البدايه م تصاحبو من البدايه اكسرو مجاديفو لكن تدخلوهم حياتكم وتتغيرو؟؟ عليكم الله خلو الحركات ذي💜
#لين_نزار

صحبتي اتزوجت عن حب ستة سنوات وكانت طايرة من الفرحة كاانت بتجينيي دايما وتقولي "ي لين انا عرست البحبو انتي قادره تتخيلي؟ عرست الما حهون عليه ابدا" ♥️
حرفيا كنت بشوف في عيونا لمعة الحب البقولوها ديك.. ♥️ يمكن وقتها فعلا انا كنت طايره ليها من الفرحة.. ♥️ لكن بعدها..
عدت السنة الأولى وماحصل حمل.. 💔 صحبتي اتوترت وتشيل وتخت اللوم عليها ♥️ بقوليها انتو امشو افحصو اتأكدو تقولي لا م ماشه خايفه لو طلع العيب مني حيطلقني ي لين اكيد ♥️ كنت بقوليها لو بحبك م حيطلقك،، بس كمان من حقو يعرس تاني.. ♥️
عدت السنه التانيه عليهم ونفس الشي.. هو كان بحنسا تمشي بس هي كانت بترفض 💔
و التالتة والرابعه والتاسعةة...
في يوم جاها هو ومعاهو امو واخواتو اتنين..
امو بادرت بالكلام الشين..
عايني ي عاقر انتي شكلك عارفه المشكله منك وبتتغاتتي عشان ولدي م يعرس فيكي.. بس احب اقوليك شايفه الحنه البتلمع فف يدي دي؟ انا الليله عقدت لي ولدي ♥️ عشان يملا لي البيت عيال ولو كان عليك ف احنا ي ستي مستغنيين عن واحده عاقر وفوق ليها أنانية.. 💔💔💔
صحبتي وقتها دموعا حكت عن ألف صبر وعن الف ليله م نامتهم.. 💔
لما امو واخواتو مرقو،، قالت ليه..
انا م كنت حرفض تعرس تاني عشان دا حقك الشرعي،، وانا افتكرت الحب هو المخليك صابر علي لانو لو كنت انت المابتولد كنت صبرت معاك لاني قايله الريد بفوز على اي شي..
رد ليها الريد م بفوز على كلمه بابا الحرمتيني منها 💔 ورمى عليها الطلاق ومشى.. 💔💔
يومها كانت حالتها يُرثى لها.. اتصلت لي م اتصلت لي ناس بيتهم لأنهم كانو مغتربين.. 💔
جات قعدت معاي فتررة ♥️ وكانت كئيبه ولا كأنها الوردة المفتحة ديك💔
امي ألحت علينا اننا نمشي نفحص وبالفعل مشينا وكنا مستنيين النتيجة على أحر من الجمر.. 💔
كانت خايفه،، قلت ليها م تخافي،، لأنو السبب الخلاك م تجي تفحصي حصل،، هسي الصدمه حتكون اخف لو طلعتي م بتجيبي اطفال♥️ بس ان شاء الله ي رب يكون م عندك مشكله..
وطلعت النتيجه وقعدنا مع الدكتور.. صحبتي كانت منزله راسها،، الدكتور سألنا العيانه فيكم منو؟ صحبتي م ردت قلت ليه صحبتي دي.. قال لي ومالها حزينه قرت النتيجه ولاشنو؟ قلت ليه لا،، طمنا؟ قال لي الأوراق دي نضيفه وكل شي سليم صحبتي عاينت للدكتور؟ بالجد ي دكتور؟ يعني انا كويسه وبقدر اجيب أطفال؟ اتكلم ي دكتور.. وكانت بتتكلم بلهفه وابتسامه وحاجات غريبة كده 😂 الدكتور اتخلع وبقا يضحك قاليها واحلى أطفال كمان♥️صحبتي حضنتني شديد عليها واتلفتت مدت ليو يدها وسلمت عليه شكرا ي دكتور شكرا من قلبي الحمدلله بالجد انت أشطر دكتور لاقاني.. ♥️😂صراحة رد فعلها كان طبيعي جدا لفرحتها في اللحظه ديك.. ♥️

-صحبتي عرست نفس الدكتور 😂♥️ وجابت منو احلى ولد في الدنيا كلها ♥️
اما راجلها الأول ف عرفنا انو مرتو اتطلقت منو وفضحتو في حلتهم كلها لانو م بيولد 💔😢♥️♥️ وتقريبا هو وأهله كلهم ندموا♥️♥️♥️♥️♥️
#الخلاصة:
انك م تعاير زول بحاجه هو م عندو يد فيها ♥️ بالاضافه لأي اتنين بحبو بعض وعرسوا عن حب اتمسكوا ببعض♥️ صح كلمه ماما وبابا احن كلمتين في الدنيا،، بس الكلمه دي م حتبقى حلوه غير لما تكون اويكون معاك سيد الريد ♥️
م تخلي اهلك يعايرو مرتك ♥️م تتسرعوا للكلام الشين ي نااااااس♥️ لانو م بتنسي ♥️ والشعور الكعب البتزرعه في نفس الزول بمشي وبرجع فيك ♥️♥️♥️♥️

#لين_نزار