بقيت ماشة قصاد البوابة وانا بفكر في التغيير الحصل ف تعاملنا انا وعزو ، لو دا كان عزو القديم وجيته نازلة اني عايزة امشي المدرسة م كان حيخليني امشي لو كسرت رقبتي قلت اكيد متعاطف معاي ! لحدي م حسيت نفسي بطقش زول ..
..
" لم تعد ضحكتي متألقةً كما كانت، ولم يعد الحديث معي مُبهجاً، ولم تعد نظراتي جذابةً ومُلفتة .. أصبح هناك الكثير من الشُرود وعدم الرغبة في المُخالطة ، صرت أتلقى الأذى من الجميع، ، ربما يبدو كلامي ساذجاً ولاكن حتى بعض النظرات صارت تهز شيئاً مابداخلي، أصبحت أتجنبُ الكثير من الأمور فقط..
إنني حقاً لا أعلم ماهية الطريقِ الذي أسير فيه، فلم تعُد ملامحُ الكثير من الأشياء واضحةً لي. "💜
..
" لم تعد ضحكتي متألقةً كما كانت، ولم يعد الحديث معي مُبهجاً، ولم تعد نظراتي جذابةً ومُلفتة .. أصبح هناك الكثير من الشُرود وعدم الرغبة في المُخالطة ، صرت أتلقى الأذى من الجميع، ، ربما يبدو كلامي ساذجاً ولاكن حتى بعض النظرات صارت تهز شيئاً مابداخلي، أصبحت أتجنبُ الكثير من الأمور فقط..
إنني حقاً لا أعلم ماهية الطريقِ الذي أسير فيه، فلم تعُد ملامحُ الكثير من الأشياء واضحةً لي. "💜
#أميرتي_قاصرة2
بقلم امل الشيخ
رفعت راسي عاينت لقيتا ليلى قالت لي انتي عميانة م بتشوفي ؟ قلت ليها اسفة ، قلت امشي منها سريع عشان ليلى دي بتاعت مواضيع ، بس وقفتني قالت لي انتي قايلة العملتيهو دا ح يعدي بالساهل ! سكت خليتا جيت امشي مسكتني من يدي قالت لي انتي حيوانة دي شنو قلة الادب وعدم التربية انا بتكلم معاك كيف تمشي وتخليني ! ماعارفة بس فجأة لقيت نفسي واقعة فيها ضرب ، ضربتها ضرب اتفشيت فيها لانها غياظة وماعندها موضوع لحدي ماجو المشرفات وفكوني منها ، ساقونا مكتب المديرة ، مس سعاد قالت لي دا شنو العملتيو دا يا سحر ؟ سكت م رديت عليها ، قامت ليلى طوالي ردت وهي بتبكي قالت ليها يا مس البت دي منفسنة اصلا وانا م عملت ليها شي جات داخلة بدون سبب لقتني ف وشها وقعدت تضرب فيني مشكلتي شنو اذا امها اتوفت يعني وبقت يتيمة مفروض تفصل حياتا الشخصية عن المدرسة ناس كتار يتام.. م خليتها تتم جملتها ولحقتها كف انتي وحده كذابة ،المديرة قامت من مكانها قالت لي سحر !!! ليلى قالت ليها شفتي يا مس سعاد براكم اتاكدتو قلت ليها انتي كذابة انتي بتكذبي عليهم ، مس ندى المشرفة قالت لي طب الحقيقة شنو؟ قلت ليها كل الحصل وانا داخلة من البوابة م كنت منتبهه منزلة راسي اتطاقشت معاها بالغلط واعتذرت منها وكنت ح اتحرك جرتني من يدي وقالت لي الانتي عملتيهو دا ما حيعدي بالساهل برضو سكت خليتا وكنت ماشة قالت لي انتي حيوانه وقليلة ادب وم متربية كيف تمشي وتخليني ،قايلة نفسها امي يعني عشان توقفني ف نص المدرسة بالطريقه دي ؟ ليلى ردت لي انتي لو عندك ام كان اتادبتي اكتر من كده ، مس سعاد هنا وقفتها وقالت ليها البتقولي فيهو دا غلط تماما ، قالت لي مس ندى تسوقني من هنا ، طلعنا وسمعتها بتوعظ فيها .. مس ندى ساقتني مكتبها قالت لي م تشتغلي بيها اصلا ليلى دي دكتاتورية بس انتي م تستعملي العنف في تعاملاتك قلت ليها انا بعتذر على تصرفي دا بس انا جد اعصابي تعبانه شديد الفترة دي ! وانتي شفتي كيف بتتكلم عن امي هي لو امها او ابوها اتوفو كانت حترضى زول يتكلم معاها بالاسلوب دا ؟ ثم ثانيا انا م اخترت انهم يتوفوا ويسيبوني ! قالت لي هي غلطانه وانتي غلطانة لانو ردك كان عنيف ! وبعدين انتي مش مفروض عندك اجازه قلت ليها بقيت كويسة ، قعدت اتكلمت معاي كتير وبعداك قالت لي امشي حصلي الحصص وانا طالعه اتعاقبت مع ليلى تاني وهي طالعة من مكتب المديرة قالت لي انا حوريك العمرك ماشفتيه ياسحر ضحكت ليها قلت ليها انا م بتهدد ..
مشيت حصلت باقي الحصة التانية كانت رياضيات .. لمن جا وقت الفطور جات قعدت جمبي تبيان قالت لي انا طبعا كالعاده متاخرة وفايتاني كل الاكشنات قلت ليها ياريتك كنتي قاعده عشان نكسر وشها ! قالت لي البت دي من زمان عندها معاك مشاكل ! قلت ليها دي بت م عندها موضوع ساي فطرنا واتونسنا مسافة ، تبيان دي مش صحبتي وخلاص دي اختي عديل قرينا من سنة رابع اساس مع بعض ، لما خلصت الفسحة رجعنا الفصل انا ف الكنبة التانية وتبيان ف الرابعة فرقتنا مس ندى قالت عشان بنتونس مع بعض ، كان داخل لينا استاذ الدراسات الاسلامية عمر ودا معروف اصعب استاذ في المدرسة ! البت اليميني اسمها مها و البت على شمالي اسمها ريم وهم من شلة ليلى ، كانو بياكلو ف تسالي ونبق وانا مزعوجة منهم بس لو اتكلمت والاستاذ شافني حيدقني ، اخترت اسكت واتابع معاه وهو كان متلفت ع السبورة ، ريم قالت لي شيلي قلت ليها شكرا قالت لي عليك الله قلت ليها م عايزة قالت لي يخسي عليك ي سحر شيلي ف النهايه شلت منها كيس النبق وختيتو قدامي وركزت ف الكتاب منتظرة الاستاذ يكمل البكتب فيهو بعد شوية مها رمت فضلة النبق في رقبة الاستاذ ، اتلفت علينا وهو غضبان قالينا العملت كده فيكم منو بسرعه والا ح ادق الفصل كله ، مها وريم وليلى وزي ١٠ بنات تاني اشرو علي قالي انتي ! قومي تعالي طالعه بسرعه والزاد الطين بلة كيس النبق القدامي ! قامت تبيان وقفت على حيلها قالت ليو يا استاذ دي مها والله قاليها انتي زاتك اطلعي معاها عاملة فيها وزيرة الدفاع يعني ؟ طلعنا قدامه وانا ما حاولت ادافع عن نفسي قالي امشي جيبي لي السوط من استاذ حسن ، مشيت جبتو ليهو قال لي مدي يدك قلت ليو ابدا قالي شنو الابدا؟ قلت ليو م ح اتدقا على حاجه انا م عملتها قالي لاحتدقي قلت ليو مستحيل مشا نادى مس سعاد بسرعه جات وراهو وهو كان بقول البت دي اهلها م ربوها لازم تتربى هنا دا ويا ادقها يا اخلي المدرسة قلت ليهو خلي المدرسة بس انا م ح اتدق على حاجه انا م عملتها مس سعاد سالتني قلت ليها مها وريم ورا الحاجه دي قالي والبنات التانيين اشرو عليك ليه ؟ وكيس النبق القدامك ،قلت ليو هم ختوهو لي !لو م عايز تصدقني على كيفك ، استاذ عمر قال لالا البت دي نادو لي ولي امرها هسي دي نادو لي ابوها ، وهو متنرفذ كده وبقول ف كلام جارح دموعي بدت تنزل وانا بقيت م قادرة استحمل كلامه خلاص خليتهم واقفين ودموعي خذلتني وجريت اتجاه البوابة وانا ببكي ابوها
بقلم امل الشيخ
رفعت راسي عاينت لقيتا ليلى قالت لي انتي عميانة م بتشوفي ؟ قلت ليها اسفة ، قلت امشي منها سريع عشان ليلى دي بتاعت مواضيع ، بس وقفتني قالت لي انتي قايلة العملتيهو دا ح يعدي بالساهل ! سكت خليتا جيت امشي مسكتني من يدي قالت لي انتي حيوانة دي شنو قلة الادب وعدم التربية انا بتكلم معاك كيف تمشي وتخليني ! ماعارفة بس فجأة لقيت نفسي واقعة فيها ضرب ، ضربتها ضرب اتفشيت فيها لانها غياظة وماعندها موضوع لحدي ماجو المشرفات وفكوني منها ، ساقونا مكتب المديرة ، مس سعاد قالت لي دا شنو العملتيو دا يا سحر ؟ سكت م رديت عليها ، قامت ليلى طوالي ردت وهي بتبكي قالت ليها يا مس البت دي منفسنة اصلا وانا م عملت ليها شي جات داخلة بدون سبب لقتني ف وشها وقعدت تضرب فيني مشكلتي شنو اذا امها اتوفت يعني وبقت يتيمة مفروض تفصل حياتا الشخصية عن المدرسة ناس كتار يتام.. م خليتها تتم جملتها ولحقتها كف انتي وحده كذابة ،المديرة قامت من مكانها قالت لي سحر !!! ليلى قالت ليها شفتي يا مس سعاد براكم اتاكدتو قلت ليها انتي كذابة انتي بتكذبي عليهم ، مس ندى المشرفة قالت لي طب الحقيقة شنو؟ قلت ليها كل الحصل وانا داخلة من البوابة م كنت منتبهه منزلة راسي اتطاقشت معاها بالغلط واعتذرت منها وكنت ح اتحرك جرتني من يدي وقالت لي الانتي عملتيهو دا ما حيعدي بالساهل برضو سكت خليتا وكنت ماشة قالت لي انتي حيوانه وقليلة ادب وم متربية كيف تمشي وتخليني ،قايلة نفسها امي يعني عشان توقفني ف نص المدرسة بالطريقه دي ؟ ليلى ردت لي انتي لو عندك ام كان اتادبتي اكتر من كده ، مس سعاد هنا وقفتها وقالت ليها البتقولي فيهو دا غلط تماما ، قالت لي مس ندى تسوقني من هنا ، طلعنا وسمعتها بتوعظ فيها .. مس ندى ساقتني مكتبها قالت لي م تشتغلي بيها اصلا ليلى دي دكتاتورية بس انتي م تستعملي العنف في تعاملاتك قلت ليها انا بعتذر على تصرفي دا بس انا جد اعصابي تعبانه شديد الفترة دي ! وانتي شفتي كيف بتتكلم عن امي هي لو امها او ابوها اتوفو كانت حترضى زول يتكلم معاها بالاسلوب دا ؟ ثم ثانيا انا م اخترت انهم يتوفوا ويسيبوني ! قالت لي هي غلطانه وانتي غلطانة لانو ردك كان عنيف ! وبعدين انتي مش مفروض عندك اجازه قلت ليها بقيت كويسة ، قعدت اتكلمت معاي كتير وبعداك قالت لي امشي حصلي الحصص وانا طالعه اتعاقبت مع ليلى تاني وهي طالعة من مكتب المديرة قالت لي انا حوريك العمرك ماشفتيه ياسحر ضحكت ليها قلت ليها انا م بتهدد ..
مشيت حصلت باقي الحصة التانية كانت رياضيات .. لمن جا وقت الفطور جات قعدت جمبي تبيان قالت لي انا طبعا كالعاده متاخرة وفايتاني كل الاكشنات قلت ليها ياريتك كنتي قاعده عشان نكسر وشها ! قالت لي البت دي من زمان عندها معاك مشاكل ! قلت ليها دي بت م عندها موضوع ساي فطرنا واتونسنا مسافة ، تبيان دي مش صحبتي وخلاص دي اختي عديل قرينا من سنة رابع اساس مع بعض ، لما خلصت الفسحة رجعنا الفصل انا ف الكنبة التانية وتبيان ف الرابعة فرقتنا مس ندى قالت عشان بنتونس مع بعض ، كان داخل لينا استاذ الدراسات الاسلامية عمر ودا معروف اصعب استاذ في المدرسة ! البت اليميني اسمها مها و البت على شمالي اسمها ريم وهم من شلة ليلى ، كانو بياكلو ف تسالي ونبق وانا مزعوجة منهم بس لو اتكلمت والاستاذ شافني حيدقني ، اخترت اسكت واتابع معاه وهو كان متلفت ع السبورة ، ريم قالت لي شيلي قلت ليها شكرا قالت لي عليك الله قلت ليها م عايزة قالت لي يخسي عليك ي سحر شيلي ف النهايه شلت منها كيس النبق وختيتو قدامي وركزت ف الكتاب منتظرة الاستاذ يكمل البكتب فيهو بعد شوية مها رمت فضلة النبق في رقبة الاستاذ ، اتلفت علينا وهو غضبان قالينا العملت كده فيكم منو بسرعه والا ح ادق الفصل كله ، مها وريم وليلى وزي ١٠ بنات تاني اشرو علي قالي انتي ! قومي تعالي طالعه بسرعه والزاد الطين بلة كيس النبق القدامي ! قامت تبيان وقفت على حيلها قالت ليو يا استاذ دي مها والله قاليها انتي زاتك اطلعي معاها عاملة فيها وزيرة الدفاع يعني ؟ طلعنا قدامه وانا ما حاولت ادافع عن نفسي قالي امشي جيبي لي السوط من استاذ حسن ، مشيت جبتو ليهو قال لي مدي يدك قلت ليو ابدا قالي شنو الابدا؟ قلت ليو م ح اتدقا على حاجه انا م عملتها قالي لاحتدقي قلت ليو مستحيل مشا نادى مس سعاد بسرعه جات وراهو وهو كان بقول البت دي اهلها م ربوها لازم تتربى هنا دا ويا ادقها يا اخلي المدرسة قلت ليهو خلي المدرسة بس انا م ح اتدق على حاجه انا م عملتها مس سعاد سالتني قلت ليها مها وريم ورا الحاجه دي قالي والبنات التانيين اشرو عليك ليه ؟ وكيس النبق القدامك ،قلت ليو هم ختوهو لي !لو م عايز تصدقني على كيفك ، استاذ عمر قال لالا البت دي نادو لي ولي امرها هسي دي نادو لي ابوها ، وهو متنرفذ كده وبقول ف كلام جارح دموعي بدت تنزل وانا بقيت م قادرة استحمل كلامه خلاص خليتهم واقفين ودموعي خذلتني وجريت اتجاه البوابة وانا ببكي ابوها
اهلها امها م متربية ، هم قايلين نفسهم منو 💔
انا طلعت وانا بجري بس م عارفة ماشة وين كنت تحت تاثير زعلتي وم عرفت نفسي وين فجاة اتلفت لقيت نفسي ف شارع عمري كلو م اظن مر علي مسحت دموعي وبقيت واقفة دا وين دا ؟
__________________
كنت قاعد فاتح التلفزيون وكل شوية بعاين للساعه عشان م اتاخر على سحر والا حتزعل وتنقنق !
فجاة تلفوني رن استغربت لما لقيت رقم المديرة بتاعت مدرسة سحر رديت عليها ، قالت لي استاذ معتز حصلت مشكلة ف المدرسة ، وب بصراحة قلت ليها اتكلمي ف شنو؟ قالت لي سحر هربت ! ختيت قدامي الف تساؤل هربت ؟ قلت ليها وين ؟ قالت لي م عارفين جرت ومافي زول قدر يلحقها .. بعد كلامها دا انا بقيت ماسامع اي شي تاني رميت التلفون وقمت جاري على المدرسة نسيت مفاتيحي رجعت شلتهم واتحركت وكنت طاير بس عايز متين اصل المدرسة ، لمن وصلت لقيت المديرة والاستاذات برة ف الشارع واقفين وتبيان صحبتها جيت عليهم جاتني مشرفتها ندى قالت لي ممكن تهدى قلت ليها اهدى؟ حصل شنو وخلاها تعمل كده ، شنو؟ تبيان جات قالت لي معتز اصلا الحصل (..) .. الاستاذ كان واقف قدامي مشيت وانا عيوني زي الشرار وقفت قصادة قلت ليهو انت قايل نفسك استاذ ؟ انت عارف امها وين ابوها وين؟ ولا ساي بتتكلم؟ نزل راسه شكله الاستاذات فهمّوه ، قلت ليه والله والله والله سحر يحصل ليها شي اشيلك من حاجة اسمها وزارة التربية والتعليم ومشيت خليته واقف ركبت عربيتي وبقيت لافي حوالين المدرسة وف الشوارع الممكن تكون قد مشت بيها ..
_________________
حسيت بهول المصيبة الانا وقعت فيها ، عزو ما قاعد يخليني امشي اي مكان براي ، ودايما بنطلع معاه ف بالتالي م حصل ركزت ف الشوارع ولا اي شي ، هسي انا م قادرة احدد انا وين ، عزو لو عرف اني طلعت بالطريقة دي حيشاكلني ، الشارع كان فاضي شديد ومافيه لاناس ولاعربات ساي عشان اتطمن بقيت ماشة شوية شوية فجاة طلع ولد من اللفة اترددت الف مرة قبل امشي ليهو لمن وصلتو كان شكلو سكران ولا كيف كيف قلت ليو ممكن تلفونك؟ قالي عايزة تسرقيه؟ قلت ليهو لالا انا ضعتا وعايزة اتصل لاخوي قالي الجابك الحته دي شنو؟ قلت ليو عاوز تديني ولا لا ؟ مد لي تلفونو بقيت اتصل كتير في رقم معتز بس ماكان في رد اتصلت قريب ٧ مرات ،، ف النهايه اديتتو تلفونو قلت ليو شكرا قالي م تجي تمشي معاي بيتنا قريب لحدي م اهلك يردو ، ونظراتو كلها خباثة قلت ليهو شكرا مسكني من يدي قالي م بلاها شكرا بقيت راجعه منو لي ورا وهو ماسكني من يدي وفجاة بقا جاريني وانا بحاول افلت منو وبقيت اصرخ بس ، سمعت صوت عربية قريبة زدت ف صراخي عسى ولعل سيد العربية يسمعني ، وفعلا سيد العربية لما شافنا جا قصادنا نزل ، لقيتو عزو، عزو بقيت اكورك ياعزو الحقني عزو من غير م يتفاهم جا وفكاهو مني وبقا يضرب فيهو قاليهو يا عفن دا شنو البتعمل فيه بتجر ليك شافعه بقيت اكورك وعزو بضرب فيه لمن نزف بقيت اجر ف عزو حتقتلو ف يدك ي عزو فكو عزو الله يخليك فكوووووو بعد تعب حتى عزو فكاهو وجراني من يدي ووداني فتح لي الباب ركبت وقفلو بقوة ومشا ركب ، انا كنت ببكي وهو كان واضح انو حيطق من الزعل لحدي م وصلنا المدرسة المعلمات لمن شافوني جوني مس ندى فتحت الباب وبقت تقولي انتي كويسة ؟ كويسة ي بت انا بس كنت ببكي ! عزو قال لي تبيان امشي جيبي شنطتها جرت تجيبا ، استاذ عمر كان مافيش ، تبيان جابت الشنطه عزو شالها منها ، ووقف قدام مس سعاد قاليها انا م حسكت عن الحصل دا والاستاذ دا لازم يتحاسب والبنات العملو كده وعملوها ف سحر لازم يتعاقبو مس سعاد قالت ليه اكيد حيتحاسبو هسي انت طمنا عليها بس !
...
البت دي مسكينة ياخي من يوم امها اتوفت واتغيرت تغيير توتلي !
اي والله بقت تحنني لا ام لا ابو لو م ود خالتها دا والله م معروف كان حصل ليها شنو !
شايفاهو واقف ليهم كيف ؟ من زمن سمر اختها الكبيرة !
ربنا يحفظه ليهم يا ندى غايتو والله يصبرها البت دي !
حتعملي معاهم شنو يا مس سعاد انا سالت تبيان وقالت لي العملو الحركه دي شلة ليلى اكيد عايزة تنتقم منها بسبب الصباح!
اكيد حنعملل ليهم مجلس محاسبه كلهم ولازم يتفصلو كمان !
خير لي بكرة بنحل الموضوع دا !
___________________
عزو ما ساقني البيت مشينا حتة على النيل كده ووقف العربية قالي ممكن تبطلي بكا خلاص؟ قلت ليو بكاي دا واجعك يعني ؟ هسي لو كنت خليتني اموت كان بحصل شنو؟ قالي الموت م حل انتي ي بت كافرة ؟ كل م تحصل معاك مشكلة ولا زول يضايقك بكلمه تفكري ف الموت ؟ قلت ليهو انا حاسة اني من غير سند من غير ضهر الدنيا كلها بتضرب فيني وماف حاجز ! قالي وانا مشيت وين؟ انا ماعندي غيركم انتي وسمر انتو اخواتي ومستحيل اخلي شي يكسركم ! عاينت ليهو قلت ليهو انا زعل الدنيا كلو ف قلبي يا معتز ! سكت مسافة قالي فضفضي لي اعتبريني مرايتك انا حكون سندك قلت ليو حتى انت مصيرك تعرس وتسيبنا قالي مستحيل اسيبكم مرتي زاتا حجيبا تقعد معانا هنا ..
انا طلعت وانا بجري بس م عارفة ماشة وين كنت تحت تاثير زعلتي وم عرفت نفسي وين فجاة اتلفت لقيت نفسي ف شارع عمري كلو م اظن مر علي مسحت دموعي وبقيت واقفة دا وين دا ؟
__________________
كنت قاعد فاتح التلفزيون وكل شوية بعاين للساعه عشان م اتاخر على سحر والا حتزعل وتنقنق !
فجاة تلفوني رن استغربت لما لقيت رقم المديرة بتاعت مدرسة سحر رديت عليها ، قالت لي استاذ معتز حصلت مشكلة ف المدرسة ، وب بصراحة قلت ليها اتكلمي ف شنو؟ قالت لي سحر هربت ! ختيت قدامي الف تساؤل هربت ؟ قلت ليها وين ؟ قالت لي م عارفين جرت ومافي زول قدر يلحقها .. بعد كلامها دا انا بقيت ماسامع اي شي تاني رميت التلفون وقمت جاري على المدرسة نسيت مفاتيحي رجعت شلتهم واتحركت وكنت طاير بس عايز متين اصل المدرسة ، لمن وصلت لقيت المديرة والاستاذات برة ف الشارع واقفين وتبيان صحبتها جيت عليهم جاتني مشرفتها ندى قالت لي ممكن تهدى قلت ليها اهدى؟ حصل شنو وخلاها تعمل كده ، شنو؟ تبيان جات قالت لي معتز اصلا الحصل (..) .. الاستاذ كان واقف قدامي مشيت وانا عيوني زي الشرار وقفت قصادة قلت ليهو انت قايل نفسك استاذ ؟ انت عارف امها وين ابوها وين؟ ولا ساي بتتكلم؟ نزل راسه شكله الاستاذات فهمّوه ، قلت ليه والله والله والله سحر يحصل ليها شي اشيلك من حاجة اسمها وزارة التربية والتعليم ومشيت خليته واقف ركبت عربيتي وبقيت لافي حوالين المدرسة وف الشوارع الممكن تكون قد مشت بيها ..
_________________
حسيت بهول المصيبة الانا وقعت فيها ، عزو ما قاعد يخليني امشي اي مكان براي ، ودايما بنطلع معاه ف بالتالي م حصل ركزت ف الشوارع ولا اي شي ، هسي انا م قادرة احدد انا وين ، عزو لو عرف اني طلعت بالطريقة دي حيشاكلني ، الشارع كان فاضي شديد ومافيه لاناس ولاعربات ساي عشان اتطمن بقيت ماشة شوية شوية فجاة طلع ولد من اللفة اترددت الف مرة قبل امشي ليهو لمن وصلتو كان شكلو سكران ولا كيف كيف قلت ليو ممكن تلفونك؟ قالي عايزة تسرقيه؟ قلت ليهو لالا انا ضعتا وعايزة اتصل لاخوي قالي الجابك الحته دي شنو؟ قلت ليو عاوز تديني ولا لا ؟ مد لي تلفونو بقيت اتصل كتير في رقم معتز بس ماكان في رد اتصلت قريب ٧ مرات ،، ف النهايه اديتتو تلفونو قلت ليو شكرا قالي م تجي تمشي معاي بيتنا قريب لحدي م اهلك يردو ، ونظراتو كلها خباثة قلت ليهو شكرا مسكني من يدي قالي م بلاها شكرا بقيت راجعه منو لي ورا وهو ماسكني من يدي وفجاة بقا جاريني وانا بحاول افلت منو وبقيت اصرخ بس ، سمعت صوت عربية قريبة زدت ف صراخي عسى ولعل سيد العربية يسمعني ، وفعلا سيد العربية لما شافنا جا قصادنا نزل ، لقيتو عزو، عزو بقيت اكورك ياعزو الحقني عزو من غير م يتفاهم جا وفكاهو مني وبقا يضرب فيهو قاليهو يا عفن دا شنو البتعمل فيه بتجر ليك شافعه بقيت اكورك وعزو بضرب فيه لمن نزف بقيت اجر ف عزو حتقتلو ف يدك ي عزو فكو عزو الله يخليك فكوووووو بعد تعب حتى عزو فكاهو وجراني من يدي ووداني فتح لي الباب ركبت وقفلو بقوة ومشا ركب ، انا كنت ببكي وهو كان واضح انو حيطق من الزعل لحدي م وصلنا المدرسة المعلمات لمن شافوني جوني مس ندى فتحت الباب وبقت تقولي انتي كويسة ؟ كويسة ي بت انا بس كنت ببكي ! عزو قال لي تبيان امشي جيبي شنطتها جرت تجيبا ، استاذ عمر كان مافيش ، تبيان جابت الشنطه عزو شالها منها ، ووقف قدام مس سعاد قاليها انا م حسكت عن الحصل دا والاستاذ دا لازم يتحاسب والبنات العملو كده وعملوها ف سحر لازم يتعاقبو مس سعاد قالت ليه اكيد حيتحاسبو هسي انت طمنا عليها بس !
...
البت دي مسكينة ياخي من يوم امها اتوفت واتغيرت تغيير توتلي !
اي والله بقت تحنني لا ام لا ابو لو م ود خالتها دا والله م معروف كان حصل ليها شنو !
شايفاهو واقف ليهم كيف ؟ من زمن سمر اختها الكبيرة !
ربنا يحفظه ليهم يا ندى غايتو والله يصبرها البت دي !
حتعملي معاهم شنو يا مس سعاد انا سالت تبيان وقالت لي العملو الحركه دي شلة ليلى اكيد عايزة تنتقم منها بسبب الصباح!
اكيد حنعملل ليهم مجلس محاسبه كلهم ولازم يتفصلو كمان !
خير لي بكرة بنحل الموضوع دا !
___________________
عزو ما ساقني البيت مشينا حتة على النيل كده ووقف العربية قالي ممكن تبطلي بكا خلاص؟ قلت ليو بكاي دا واجعك يعني ؟ هسي لو كنت خليتني اموت كان بحصل شنو؟ قالي الموت م حل انتي ي بت كافرة ؟ كل م تحصل معاك مشكلة ولا زول يضايقك بكلمه تفكري ف الموت ؟ قلت ليهو انا حاسة اني من غير سند من غير ضهر الدنيا كلها بتضرب فيني وماف حاجز ! قالي وانا مشيت وين؟ انا ماعندي غيركم انتي وسمر انتو اخواتي ومستحيل اخلي شي يكسركم ! عاينت ليهو قلت ليهو انا زعل الدنيا كلو ف قلبي يا معتز ! سكت مسافة قالي فضفضي لي اعتبريني مرايتك انا حكون سندك قلت ليو حتى انت مصيرك تعرس وتسيبنا قالي مستحيل اسيبكم مرتي زاتا حجيبا تقعد معانا هنا ..
ضحكت فجاة قلت ليو حشاكلا ليك حتقيف ف صف منو ؟ قالي انتي ! قلت ليهو اجي ! حتى لو انا غلطانة قالي حتى لو انتي غلطانة قمت ضحكت قالي ايوة لو كده ،مسحت دموعي زين وحسيت نفسي شوية احسن بعدها قالي ي ستي اجيب ليك شنو من ست الشاي؟ قلت ليو شاي بلبن ببسكويت ! عاين لي باستغراب مد لي ساعة يدو قالي الساعه كم قلت ليو الساعه ٢ وتلت قالي اها قلت ليو اها يعني شنو ؟ قالي دي م مواعيد شاي بلبن وبسكويت لسة الساعه ٨ م جات قلت ليو الشاي بلبن عندو مواعيد هو يعني؟ قالي معليش نسيت انك شافعة ، قلت ليو عزو عزو ، قالي اي قلت ليو عايزة فول وتسالي ولو عندو منقة بالشطة برضو عاين لي محل اشارتي لقا الاولاد الحايمين بالدرداقة ضحك وقفل الباب ..
انا محظوظة بعزو ود خالتي ! عزو الجديد م القديم طبعا .. حقيقي كل م اكون خايفة او زعلانة بلقاه اول زول معاي وبحاول دايما يجبر بخاطري ويحسسني اني م وحيده زي م انا دايما بقول ! يمكن احسن حاجه عملتها امي انو ربتو معانا وبقا لينا اخو انا بدونو لا اسوى ..!
جاب لي الشاي بلبن والبسكويت والفول والتسالي قلت ليو والمنقة بالشطة وين قالي حتاذيك قلت ليو اوووف منك قعدنا هو شرب قهوتو وانا شربت شاييني بس م عرفت اغمس البسكويت عشان خفت اوسخ ليهو العربية قالي م شايفك غمستي قلت ليو انت عارف مابعرف اشرب الشاي الا اغمس بس م عايزة اوسخ ليك العربية ! ضحك قالي شاطرة خليه للمسا ! بعد مسافة قاليي اييك تلفوني م معاي شكلي نسيتو ف البيت قلت ليهو عشان كده لمن اتصلت بتلفون الولد المتخلف داك م رديت لي قالي انتي زاتك بتبالغي اي زول بوقفوه؟ قلت ليو كنت عايزة اي حاجه بس عشان اطلع من الحتة الغريبة دي قالي تاني لو سمحتي م تتصرفي تصرف زي دا حاضر ؟ قلت ليو حاضر بديت احكي ليهو مواقفي من الصباح مع ليلى لحدي الحصل قالي انا مصدق انك مستحيل تعملي كده قلت ليو ايوة تربيتك قعد يضحك خلصنا ورجعنا البيت .. لمن رجعنا لقيت خالتي حنان مجهزة شنطتا وقاعده بتبكي !
لم يكن مثاليًا، خارقًا للعادة أو فائق اللطف والروعة، كان حقيقيًا فقط. حقيقي بشكل لا يسمح لدهشتي به أن تفقد بريقها ♥️
انا محظوظة بعزو ود خالتي ! عزو الجديد م القديم طبعا .. حقيقي كل م اكون خايفة او زعلانة بلقاه اول زول معاي وبحاول دايما يجبر بخاطري ويحسسني اني م وحيده زي م انا دايما بقول ! يمكن احسن حاجه عملتها امي انو ربتو معانا وبقا لينا اخو انا بدونو لا اسوى ..!
جاب لي الشاي بلبن والبسكويت والفول والتسالي قلت ليو والمنقة بالشطة وين قالي حتاذيك قلت ليو اوووف منك قعدنا هو شرب قهوتو وانا شربت شاييني بس م عرفت اغمس البسكويت عشان خفت اوسخ ليهو العربية قالي م شايفك غمستي قلت ليو انت عارف مابعرف اشرب الشاي الا اغمس بس م عايزة اوسخ ليك العربية ! ضحك قالي شاطرة خليه للمسا ! بعد مسافة قاليي اييك تلفوني م معاي شكلي نسيتو ف البيت قلت ليهو عشان كده لمن اتصلت بتلفون الولد المتخلف داك م رديت لي قالي انتي زاتك بتبالغي اي زول بوقفوه؟ قلت ليو كنت عايزة اي حاجه بس عشان اطلع من الحتة الغريبة دي قالي تاني لو سمحتي م تتصرفي تصرف زي دا حاضر ؟ قلت ليو حاضر بديت احكي ليهو مواقفي من الصباح مع ليلى لحدي الحصل قالي انا مصدق انك مستحيل تعملي كده قلت ليو ايوة تربيتك قعد يضحك خلصنا ورجعنا البيت .. لمن رجعنا لقيت خالتي حنان مجهزة شنطتا وقاعده بتبكي !
لم يكن مثاليًا، خارقًا للعادة أو فائق اللطف والروعة، كان حقيقيًا فقط. حقيقي بشكل لا يسمح لدهشتي به أن تفقد بريقها ♥️
في السابعة صباحاً من كل يوم
استغلوا لطف الصباح ، خذو من بهجته ترانيم الفرح ، كل صباح جديد يحمل في طياته زقزقة عصافير وشروق شمس !
لاتجعلوا الصباح عادياً ، اجعلو عبارات الصباح حقيقة ف صباح الخير قد تكون خيرا حقيقياً عند رؤية صديق ، او مراسلة المحبوب او حتى توزيع الابتسامات عند كل محطة !
لاتجعلوا الصباح يمر عادياً ، لطف البدايات يولد النهايات السعيدة 💜
اتمنى لكم صباح الخير حقااً ، لطفاً وحُباً 💜
#أمل_الشيخ
استغلوا لطف الصباح ، خذو من بهجته ترانيم الفرح ، كل صباح جديد يحمل في طياته زقزقة عصافير وشروق شمس !
لاتجعلوا الصباح عادياً ، اجعلو عبارات الصباح حقيقة ف صباح الخير قد تكون خيرا حقيقياً عند رؤية صديق ، او مراسلة المحبوب او حتى توزيع الابتسامات عند كل محطة !
لاتجعلوا الصباح يمر عادياً ، لطف البدايات يولد النهايات السعيدة 💜
اتمنى لكم صباح الخير حقااً ، لطفاً وحُباً 💜
#أمل_الشيخ
#أميرتي_قاصرة3
بقلم أمل الشيخ
عزو مشا عليها وقال ليها ف شنو؟
حمودي رد ليهو بابا قال الا نجيهو ! عزو ساق خالتي ومشينا قعدنا ف الجلوس ، قاليها الوضع لسة م مترتب واحنا محتاجين نرتبه ماينففع تمشي هسي ! قالت ليهو كلمته والله بس هو رفض وقالي ياتجي يا برمي عليك طلاق ! لمن قالت كده انا قلت ليها خلاص يا خالتو امشي م تشيلي همنا نحن كويسين مادام معتز معانا ، قالت لي خيلانك قالو ماصح تقعدو مع معتز براكم في النهايه هو ما محرم عليكم ! قلت ليها بس نحنا طول عمرنا قاعدين معاهو وماحصل فكرنا غير انو اخونا ، قالت لي بس ف الدين ماصاح ويمكن لانو نعمة كانت حية وموجوده بينكم ! بس هسي الوضع اختلف شديد سكت م عرفت اقول شنو قالت لينا ع العموم اسعد وربيع جايين بعد شوية ! معتز قاليها ليه ؟ قالت ليهو قالو حيحلو الموضوع دا ،انتظرناهم ..
قبل م يجو بشوية سمر جات داخلة من الجامعه لمن لقتنا اتخلعت ،، خير يخوانا مالكم ؟ حكيت ليها كل الحصل .. جات قعدت جمبي ، م قعدنا كتير خيلاني جو داخلين ومعاهم خالتي هدى وولدها وليد ، سلمنا عليهم وقعدو مشيت جبت ليهم ضيافة وجيت قعدت ، خالي ربيع قال اول حاجه الفاتحة لروح المرحومة ، قرينا الفاتحه ،، تاني واصل كلامه واكيد كلكم عارفين انو خلاص حنان لازم تسافر السعودية هزيت ليهو راسي ، وانتو بعد كده ماينفع تقعدو براكم ! قلت ليهو بس معانا معتز نحن م برانا ! قالي عارف بس معتز م محرم عليك عشان تكونو اتنين بنات قاعدين معاهو لا في السُنة ولا ف تقاليدنا سمر قالت ليهو طيب يا خالي الحل شنو ماعندنا حته نمشيها وماعندنا طريقة نقعد برانا ، قالينا انا لو علي اخدكم معاي بيتي بس انتو عارفين يعني الوضع المعيشي صعب كيف ! رديت ليهو مادام م حتقدر تسوقنا معاك بيتك ماينفع تسوق مننا معتز ! معتز طول عمرو شايفنا اخواتو ولايمكن يتصرف معانا تصرف غير لائق ، قالي قلت ليك الكلام دا شرعا لايجوز مابتفهمي انتي ؟ خالتي هدى قالت لي اهدي يا سحر نحن حاليا لقينا الحل واحنا هنا عشان نوريكم ليهو ! سمر قالت ليها ورونا طيب ! خالي ربيع قالي احنا قررنا انو معتز حيعرس سمر !!!!!
الخبر وقع علينا زي الصاعقة كده سمر قالت ليهو نعم؟ قاليها دا الخيار الامثل ف الحالة دي ! نحنا اتشاورنا وقلنا مافي زول اولى بيكم غير معتز ! رديت ليه انا بس انت م شاورتهم كيف تقرر قرار زي دا ؟ خالي ربيع قالينا اكيد م حيكون عندهم مانع دا طبعا اذا م حابين انو يمشي ويسيبكم ! سمر قالت ليهم م بقدر انا مابقدر طول عمري شايفة معتز اخوي ومابقدر اديهو مشاعر اكتر من كده ، خالتي هدى ردت ليها كلنا بنقول كده ف الاول لكن اصلا الحب بجي بعد الزواج يابتي ! طبعا في ظل دا كله معتز م فتح خشمه نهاائيا لحدي ما خالي اسعد وجه ليهو الكلام ! انت رايك شنو يا معتز ياولدي؟ معتز اتلفت علينا وبعدين اتلفت عليه ! قاليه والله ياخالي انا محترم قرارك للنهاية بس م بقدر اجبرها علي والبنات ديل انا شايفهم اخواتي بس
لمن قال كده بقا يتردد صدى صوتو وهو بقول هم اخواتي بس ..
خالي ربيع وقف على حيله وقالينا دا الكلام العندي ليكم !
لو رفضتوهو بعد كده ممكن نعرسك لي وليد او عبد العزيز او اي واحد من اولاد الاسرة بس احنا قلنا الاولى معتز ! قالينا فكرو وادوني رايكم ف ٣ يوم عشان بعدها م حسيبكم تعيشو مع بعض كده ! وفات ووراهو خالي اسعد خالتو هدى ودعتنا وساقت حمودي واتقدمت ، وليد شال لي خالتو حنان شنطتها ، وقفت مسافة و قعدت تعتذر مننا وعلى الحتة الختتنا فيها بسبب راجلها ، معتز قلليها م تخسري بيتك وامشي ونحن بنتصرف ان شاءالله ، فعلا ودعتنا وطلععت
قعدنا نعاين لي بعض ، سمر بدت تبكي فجاة ، معتز اتحسس وبقا يعاين ليها بس وهو ساكت
_______
معتز عايزة اقوليك كلام ! بس عليك الله ماتزعل ! انت اخوي وانا حابة اشاورك !
احكي ي ستي ماحزعل ..
في واحد دكتور معاي ف الجامعه صرح عن اعجابه بي وانو حابي يرتبط بي بس انا قلت ليهو انا عندي اهل عندهم باب بتدق ! فاجأني لما قالي اديني رقم ابوك ! وريتو انو ابوي متوفي بس عندي ود خالتي ف مقام اخوي وكده قالي م مشكلة شال مني رقمك بس انا قلت ليه خليني اكلمك انا اول !
مدام هو زول جادي ماعندي مشكلة حبابه .. بس هو كويس ي سمر ؟
كويس والله
خلاص ماعندي مشكلة !
معتز اتعرف على دكتور سمر وكده وقررو انو لمن تخلص سنة رابعه حيجي يطلبها رسمي !
____________________
بقيت اطبطب عليها ، معتز قالي امشي غرفتك خليني انا بتفاهم معاها لويت خشمي وشلت شنطتي ومشيت وانا مهمومه بالحاصل !
.........
-روقي ياسمر مافي مشكلة الا وليها حل !
=حل كيف يا عزو واحنا قلنا لأمجد بعد اخلص رابع وانا يداب ف بداية السمستر التاني !
بقلم أمل الشيخ
عزو مشا عليها وقال ليها ف شنو؟
حمودي رد ليهو بابا قال الا نجيهو ! عزو ساق خالتي ومشينا قعدنا ف الجلوس ، قاليها الوضع لسة م مترتب واحنا محتاجين نرتبه ماينففع تمشي هسي ! قالت ليهو كلمته والله بس هو رفض وقالي ياتجي يا برمي عليك طلاق ! لمن قالت كده انا قلت ليها خلاص يا خالتو امشي م تشيلي همنا نحن كويسين مادام معتز معانا ، قالت لي خيلانك قالو ماصح تقعدو مع معتز براكم في النهايه هو ما محرم عليكم ! قلت ليها بس نحنا طول عمرنا قاعدين معاهو وماحصل فكرنا غير انو اخونا ، قالت لي بس ف الدين ماصاح ويمكن لانو نعمة كانت حية وموجوده بينكم ! بس هسي الوضع اختلف شديد سكت م عرفت اقول شنو قالت لينا ع العموم اسعد وربيع جايين بعد شوية ! معتز قاليها ليه ؟ قالت ليهو قالو حيحلو الموضوع دا ،انتظرناهم ..
قبل م يجو بشوية سمر جات داخلة من الجامعه لمن لقتنا اتخلعت ،، خير يخوانا مالكم ؟ حكيت ليها كل الحصل .. جات قعدت جمبي ، م قعدنا كتير خيلاني جو داخلين ومعاهم خالتي هدى وولدها وليد ، سلمنا عليهم وقعدو مشيت جبت ليهم ضيافة وجيت قعدت ، خالي ربيع قال اول حاجه الفاتحة لروح المرحومة ، قرينا الفاتحه ،، تاني واصل كلامه واكيد كلكم عارفين انو خلاص حنان لازم تسافر السعودية هزيت ليهو راسي ، وانتو بعد كده ماينفع تقعدو براكم ! قلت ليهو بس معانا معتز نحن م برانا ! قالي عارف بس معتز م محرم عليك عشان تكونو اتنين بنات قاعدين معاهو لا في السُنة ولا ف تقاليدنا سمر قالت ليهو طيب يا خالي الحل شنو ماعندنا حته نمشيها وماعندنا طريقة نقعد برانا ، قالينا انا لو علي اخدكم معاي بيتي بس انتو عارفين يعني الوضع المعيشي صعب كيف ! رديت ليهو مادام م حتقدر تسوقنا معاك بيتك ماينفع تسوق مننا معتز ! معتز طول عمرو شايفنا اخواتو ولايمكن يتصرف معانا تصرف غير لائق ، قالي قلت ليك الكلام دا شرعا لايجوز مابتفهمي انتي ؟ خالتي هدى قالت لي اهدي يا سحر نحن حاليا لقينا الحل واحنا هنا عشان نوريكم ليهو ! سمر قالت ليها ورونا طيب ! خالي ربيع قالي احنا قررنا انو معتز حيعرس سمر !!!!!
الخبر وقع علينا زي الصاعقة كده سمر قالت ليهو نعم؟ قاليها دا الخيار الامثل ف الحالة دي ! نحنا اتشاورنا وقلنا مافي زول اولى بيكم غير معتز ! رديت ليه انا بس انت م شاورتهم كيف تقرر قرار زي دا ؟ خالي ربيع قالينا اكيد م حيكون عندهم مانع دا طبعا اذا م حابين انو يمشي ويسيبكم ! سمر قالت ليهم م بقدر انا مابقدر طول عمري شايفة معتز اخوي ومابقدر اديهو مشاعر اكتر من كده ، خالتي هدى ردت ليها كلنا بنقول كده ف الاول لكن اصلا الحب بجي بعد الزواج يابتي ! طبعا في ظل دا كله معتز م فتح خشمه نهاائيا لحدي ما خالي اسعد وجه ليهو الكلام ! انت رايك شنو يا معتز ياولدي؟ معتز اتلفت علينا وبعدين اتلفت عليه ! قاليه والله ياخالي انا محترم قرارك للنهاية بس م بقدر اجبرها علي والبنات ديل انا شايفهم اخواتي بس
لمن قال كده بقا يتردد صدى صوتو وهو بقول هم اخواتي بس ..
خالي ربيع وقف على حيله وقالينا دا الكلام العندي ليكم !
لو رفضتوهو بعد كده ممكن نعرسك لي وليد او عبد العزيز او اي واحد من اولاد الاسرة بس احنا قلنا الاولى معتز ! قالينا فكرو وادوني رايكم ف ٣ يوم عشان بعدها م حسيبكم تعيشو مع بعض كده ! وفات ووراهو خالي اسعد خالتو هدى ودعتنا وساقت حمودي واتقدمت ، وليد شال لي خالتو حنان شنطتها ، وقفت مسافة و قعدت تعتذر مننا وعلى الحتة الختتنا فيها بسبب راجلها ، معتز قلليها م تخسري بيتك وامشي ونحن بنتصرف ان شاءالله ، فعلا ودعتنا وطلععت
قعدنا نعاين لي بعض ، سمر بدت تبكي فجاة ، معتز اتحسس وبقا يعاين ليها بس وهو ساكت
_______
معتز عايزة اقوليك كلام ! بس عليك الله ماتزعل ! انت اخوي وانا حابة اشاورك !
احكي ي ستي ماحزعل ..
في واحد دكتور معاي ف الجامعه صرح عن اعجابه بي وانو حابي يرتبط بي بس انا قلت ليهو انا عندي اهل عندهم باب بتدق ! فاجأني لما قالي اديني رقم ابوك ! وريتو انو ابوي متوفي بس عندي ود خالتي ف مقام اخوي وكده قالي م مشكلة شال مني رقمك بس انا قلت ليه خليني اكلمك انا اول !
مدام هو زول جادي ماعندي مشكلة حبابه .. بس هو كويس ي سمر ؟
كويس والله
خلاص ماعندي مشكلة !
معتز اتعرف على دكتور سمر وكده وقررو انو لمن تخلص سنة رابعه حيجي يطلبها رسمي !
____________________
بقيت اطبطب عليها ، معتز قالي امشي غرفتك خليني انا بتفاهم معاها لويت خشمي وشلت شنطتي ومشيت وانا مهمومه بالحاصل !
.........
-روقي ياسمر مافي مشكلة الا وليها حل !
=حل كيف يا عزو واحنا قلنا لأمجد بعد اخلص رابع وانا يداب ف بداية السمستر التاني !
-كل شي بختلف وهو اصلا شاريك فما حيكون عنده مشكلة يجي يعرسك !
=بس انا لسة بدري علي وعلى مسؤولية العرس وبعدين سحر اختي كيف اخليها براها؟ انا لو عرست امجد سحر م حترضى تعيش معاي وانت حتبعد مننا اكتر !
- كلامك صح ماعارف بس اكيد كل شي عنده حل مبدئيا بس نقوليهم انو انتي ف واحد كان اتقدم لي عشانك وانا قلت ليهو البت بتقرا لمن تخلص ! عشان كده ماعندي طريقة اعرسك !
= يحليلك يا امي يحليلك ..
-فرقتها مابتتسد والله 💔
......................
كنت سرحانه في السقف وبفكر ، هل عزو وسمر حيعرسو ؟ طب انا ليه زعلانة مايعرسو كان عرسو بس انا كنت عايزة معتز يعرسني ، لالا يمكن دي فترة المراهقة ، يمكن عشان حاسة بالوحده بس انا جد م عايزة راجل ف حياتي غيرو ، دي شنو الاوهام دي يا مستوهمه .. لقيت نفسي بتكلم مع نفسي لحدي ماباب غرفتي دق جو داخلين سمر وعزو قعدت ف نص السرير قلت ليهم وصلتو لي قرار؟ عزو قالي حابين ندخلك في امورنا ونشاورك بصوت ملهوف ونبرة خوف يعني حتعرسو !! سمر قالت ليي لالا استهدي بالله ، معتز واصل انتي بقيتي زولة كبيرة وواعية وحنوريك اي شي بحصل وحناخد رايك كمان قلت ليهو بالجد حتعمل كده ؟؟؟؟
وواضح الابتسامه حقتي من الاضان ل الاضان قالي مبسوطة كده ليه قلت ليهو نسيت انك كنت بتقولي في اي موضوع لا دا للكبار انتي صغيرة شي طبيعي اتبسط المهم ي سيدي حتلاقو معاكم اكتر زول بحل المشاكل احكو انا سامعه..
حكو لي بقصة دكتور سمر ، م انكر اتبسطت قدر شنو ! يمكن لانو حسيت انو ف فرصة اكبر معتز يكون لي براي ابتسمت ابتسامة عريضة ،
قلت ليهو طيب حلو انسب حل انها تعرسو قالت لي طيب وانتي ومعتز؟ قلت ليها مالنا؟ قالت لي حترضي تعيشي معاي؟ قلت ليها لا طبعا معتز قاطعنا قالينا انا اتصلت لابوي قالي برجع ليك .. عاينا ليهو باستفهامات كتير سمر قالت ليو ليه ؟ قاليها ح اطلب منو نمشي نعيش معاه ! قالت ليو بس ابوك عمرو ماعبرك قاليها اكيد ف حتة ف قلبو تجاهي حتكون معبراني ! سكتنا تلفونو اتصل قام رد عليه ..
.......
-كيفك ان شاءالله طيب ؟
=كويس الحمدلله انت كيفك؟
-الحمدلله
=ابوي انا عايز اطلب منك طلب !
-اتفضل
=انا عايز اعيش معاك !
-دا يوم المنى والله ماعندي مانع نهائيا ..
=بس حيكون معاي بت خالتي الصغيرة !
-كيف الكلام دا؟
=انت عارف خالتي اتوفت وخيلانا مصرين مانقعد برانا !
-خلاص حبابكم الف في اي وقت
=تسلم كتير
-الله يسلمك
....................
لما طلع ،، سمر قالت لي كانه استعجل ف موضوع ابوهو دا ؟ قلت ليها ماعارفة بس ياسمر خيلاني ديل انانيين شديد لاحيرحمونا ويسوقونا لا حيخلونا نقعد ف بيتنا ، قال عرس قال والله لو امي عايشة عرس واحد مافي ليك لو م خلصتي جامعه ، هسي دكتورك دا زول كويس؟ ردت لي ماعارفة يا سحر بس ظاهريا كدة لحدي هسي كويس ! فجاة معتز جا داخل بسرعه وقعد جمبي قلت ليو
ها قاليك شنو؟ قال ماعندو مانع ! سمر قالت ليه حلو طيب انا ح امشي اكلم امجد بالحصل وحيحصل ! وطلعت بقينا قاعدين انا ومعتز وكان سرحان ، قلت ليهو شايف الدنيا بدت تلعب معانا ضاغط كيف ؟ قالي دي اختبارات من ربنا ! واحنا قدرها قلت ليو انا اسفة اني حتقل عليك وبسببي حتكون مقيد !
قالي انتي عويرة ؟ قلت ليهو هسي لو علاقتنا باعمامي كويسة كان مشيت عندهم ديل حتى الوفاة م جو حسبي الله ونعم الوكيل ! قالي ياستي انتي حتخليني اكرر ليك كم مرة انك بتي ؟ وعمرو وجودك جمبي م حيكون تقييد ! انا بفتش على راحتك قبل راحتي ! قلت ليو طيب على كده ح احول المدرسة صح؟ قالي انتي عايزة كده ؟ قلت ليو يعني لو عايزة كده انت حتسمع كلامي؟ قالي اي لو م مرتاحه فيها بغيرك منها قلت ليو كل همي م عايزة اشوف ليلى ولاصحباتها تاني قالي لو دا سببك ما حغيرك قلت ليو لالالالا دا م سببي سببي يعني ابوك ساكن امدرمان واحنا هنا نهايه الخرطوم يعني صعب تجيبني الصباح وترجعني وبعدين حتكون شغال يعني ! قالي لو دا السبب ف اي ح اتقبله ، الحمدلله قررت اخد شهر اجازة ، عشان اقدر ارتب فيها دا كله اهم شي انتي بس م تخافي وم تيأسي حتلاقينا مصاعب كتيرة بس انا جنبك تمام ؟كنت بس بعاين ليهو جوة عيونو وكاني اتبكمت .. تلفونو دق، حتى انتبهت بس هو شاله وطلع من الغرفة !
.....
تاني يوم صحيت بدري قعدت اجهز ، وسمر برضو كانت محاضرتها ٧ ، خلصت لبس ومشيت المطبخ لقيت معتز بعمل لينا ف الشاي وبتكلم مكالمه شكلها حقت شغل اخر كلامه معاه ، عليك الله يا مجذوب تاني م تتصل لي انا ماخد اجازة من الشغل دا م عشان تجي وتصدعني بالمكالمات انا وكلت احمد شيخ الدين اتواصل معاه وشوف هو عايز شنو وقدر شنو ! تمام وقفل ..
قلت ليو صباح النور قالي صباح الورد قلت ليو شغل من الصباح؟ قالي ناس اغبيا كيف الزول ف اجازتو م عايزين يعتقوه ..
=بس انا لسة بدري علي وعلى مسؤولية العرس وبعدين سحر اختي كيف اخليها براها؟ انا لو عرست امجد سحر م حترضى تعيش معاي وانت حتبعد مننا اكتر !
- كلامك صح ماعارف بس اكيد كل شي عنده حل مبدئيا بس نقوليهم انو انتي ف واحد كان اتقدم لي عشانك وانا قلت ليهو البت بتقرا لمن تخلص ! عشان كده ماعندي طريقة اعرسك !
= يحليلك يا امي يحليلك ..
-فرقتها مابتتسد والله 💔
......................
كنت سرحانه في السقف وبفكر ، هل عزو وسمر حيعرسو ؟ طب انا ليه زعلانة مايعرسو كان عرسو بس انا كنت عايزة معتز يعرسني ، لالا يمكن دي فترة المراهقة ، يمكن عشان حاسة بالوحده بس انا جد م عايزة راجل ف حياتي غيرو ، دي شنو الاوهام دي يا مستوهمه .. لقيت نفسي بتكلم مع نفسي لحدي ماباب غرفتي دق جو داخلين سمر وعزو قعدت ف نص السرير قلت ليهم وصلتو لي قرار؟ عزو قالي حابين ندخلك في امورنا ونشاورك بصوت ملهوف ونبرة خوف يعني حتعرسو !! سمر قالت ليي لالا استهدي بالله ، معتز واصل انتي بقيتي زولة كبيرة وواعية وحنوريك اي شي بحصل وحناخد رايك كمان قلت ليهو بالجد حتعمل كده ؟؟؟؟
وواضح الابتسامه حقتي من الاضان ل الاضان قالي مبسوطة كده ليه قلت ليهو نسيت انك كنت بتقولي في اي موضوع لا دا للكبار انتي صغيرة شي طبيعي اتبسط المهم ي سيدي حتلاقو معاكم اكتر زول بحل المشاكل احكو انا سامعه..
حكو لي بقصة دكتور سمر ، م انكر اتبسطت قدر شنو ! يمكن لانو حسيت انو ف فرصة اكبر معتز يكون لي براي ابتسمت ابتسامة عريضة ،
قلت ليهو طيب حلو انسب حل انها تعرسو قالت لي طيب وانتي ومعتز؟ قلت ليها مالنا؟ قالت لي حترضي تعيشي معاي؟ قلت ليها لا طبعا معتز قاطعنا قالينا انا اتصلت لابوي قالي برجع ليك .. عاينا ليهو باستفهامات كتير سمر قالت ليو ليه ؟ قاليها ح اطلب منو نمشي نعيش معاه ! قالت ليو بس ابوك عمرو ماعبرك قاليها اكيد ف حتة ف قلبو تجاهي حتكون معبراني ! سكتنا تلفونو اتصل قام رد عليه ..
.......
-كيفك ان شاءالله طيب ؟
=كويس الحمدلله انت كيفك؟
-الحمدلله
=ابوي انا عايز اطلب منك طلب !
-اتفضل
=انا عايز اعيش معاك !
-دا يوم المنى والله ماعندي مانع نهائيا ..
=بس حيكون معاي بت خالتي الصغيرة !
-كيف الكلام دا؟
=انت عارف خالتي اتوفت وخيلانا مصرين مانقعد برانا !
-خلاص حبابكم الف في اي وقت
=تسلم كتير
-الله يسلمك
....................
لما طلع ،، سمر قالت لي كانه استعجل ف موضوع ابوهو دا ؟ قلت ليها ماعارفة بس ياسمر خيلاني ديل انانيين شديد لاحيرحمونا ويسوقونا لا حيخلونا نقعد ف بيتنا ، قال عرس قال والله لو امي عايشة عرس واحد مافي ليك لو م خلصتي جامعه ، هسي دكتورك دا زول كويس؟ ردت لي ماعارفة يا سحر بس ظاهريا كدة لحدي هسي كويس ! فجاة معتز جا داخل بسرعه وقعد جمبي قلت ليو
ها قاليك شنو؟ قال ماعندو مانع ! سمر قالت ليه حلو طيب انا ح امشي اكلم امجد بالحصل وحيحصل ! وطلعت بقينا قاعدين انا ومعتز وكان سرحان ، قلت ليهو شايف الدنيا بدت تلعب معانا ضاغط كيف ؟ قالي دي اختبارات من ربنا ! واحنا قدرها قلت ليو انا اسفة اني حتقل عليك وبسببي حتكون مقيد !
قالي انتي عويرة ؟ قلت ليهو هسي لو علاقتنا باعمامي كويسة كان مشيت عندهم ديل حتى الوفاة م جو حسبي الله ونعم الوكيل ! قالي ياستي انتي حتخليني اكرر ليك كم مرة انك بتي ؟ وعمرو وجودك جمبي م حيكون تقييد ! انا بفتش على راحتك قبل راحتي ! قلت ليو طيب على كده ح احول المدرسة صح؟ قالي انتي عايزة كده ؟ قلت ليو يعني لو عايزة كده انت حتسمع كلامي؟ قالي اي لو م مرتاحه فيها بغيرك منها قلت ليو كل همي م عايزة اشوف ليلى ولاصحباتها تاني قالي لو دا سببك ما حغيرك قلت ليو لالالالا دا م سببي سببي يعني ابوك ساكن امدرمان واحنا هنا نهايه الخرطوم يعني صعب تجيبني الصباح وترجعني وبعدين حتكون شغال يعني ! قالي لو دا السبب ف اي ح اتقبله ، الحمدلله قررت اخد شهر اجازة ، عشان اقدر ارتب فيها دا كله اهم شي انتي بس م تخافي وم تيأسي حتلاقينا مصاعب كتيرة بس انا جنبك تمام ؟كنت بس بعاين ليهو جوة عيونو وكاني اتبكمت .. تلفونو دق، حتى انتبهت بس هو شاله وطلع من الغرفة !
.....
تاني يوم صحيت بدري قعدت اجهز ، وسمر برضو كانت محاضرتها ٧ ، خلصت لبس ومشيت المطبخ لقيت معتز بعمل لينا ف الشاي وبتكلم مكالمه شكلها حقت شغل اخر كلامه معاه ، عليك الله يا مجذوب تاني م تتصل لي انا ماخد اجازة من الشغل دا م عشان تجي وتصدعني بالمكالمات انا وكلت احمد شيخ الدين اتواصل معاه وشوف هو عايز شنو وقدر شنو ! تمام وقفل ..
قلت ليو صباح النور قالي صباح الورد قلت ليو شغل من الصباح؟ قالي ناس اغبيا كيف الزول ف اجازتو م عايزين يعتقوه ..
قالي سمر وين ؟ الساعه ٦ مفروض تشرب الشاب سريع عشان نطلع جات وهي بتلبس ف طرحتها قالت انا جاهزة خلاص ، كب لينا الشاي شربنا واتحركنا ، ف العربية سمر قالت لينا اتكلمت مع امجد امبارح وقالي حيكلم اهله وح يديني خبر ان شاءالله قلنا ليها ان شاءالله ! وصلناها الجامعه ، ووصلني المدرسة ، بس بركن العربية قلت ليو مالك ؟ قالي الحصل م حيعدي بسهولة ! انا كنا نسيته اصلا بعد الحصل امبارح ف البيت !
نزلنا ووصلنا جيت امشي الفصل جراني من يدي على اتجاه المكتب لقينا مس ندى سلمت علينا قالت لينا ٥ دقايق والجرس حيضرب ! احنا كلمنا الطالباات ال ١٥ م يجو من غير اولياء امورهم ..
قعدنا مسافة اول وحده جات مها وامها بعدين ريم واخوها ، واي بت جابت معاها زول ، اخر زول وصل ليلى وجات براها !
مس سعاد قالت ليها ولي امرك وين ؟ قالت ليها مافاضين للفراغ دا ! مس سعاد قالت ليها خلاص ارجعي ليهم لما يفضو للفراغ حقنا دا تعالي وطلعت معاها سريع وجات ..
استاذ عمر جا ومس ندى شرحت ليهم الحصل كله ف واحدين شاكله بناتهم وواحدين قالو دي حاجه عادية بتحصل ! ومامفروض يتفصلو اسبوع عشان حاجه تافهه زي دي ! مس سعاد قالت ليهم انا المشكلة دي وصلتها لي مدير المدرسة الكبير ودا قرارو ،انا عاينت لي معتز م كنت قايلة الموضوع حيجيب فصل كمان .. اخو ريم قعد يجوط نحنا دافعين قروش عشان تفصلو بتنا وكان رافع صوتو على مس سعاد ، ابو وحده تانيه رد قال البت تجيب الاحترام من وين واخوها كده ؟ قرب يتضارب معاه لحدي م جا مدير المدرسة كلها انا من الخوف مسكت يد معتز ! مس سعاد قامت ليهو من مكتبها وجا قعد !
اول حاجه السلام عليكم ،ردو ليهو السلام
طوالي قال انا لابتهمني قروش ؟ ولابتهمني انت دافع كم؟ في قواعد عندي للمدرسة اي طالبة م تلتزم بيها تتفصل ! عارفين بناتكم عملو شنو ؟ انتو حاسين بعظمة المصيبة ولا لا؟ عشان ينتقمو من طالبة بريئة اتفقو على باطل؟ ورمو الاستاذ بالنبق؟ ولمن سال منو عمل كده كذبو وقالو دي البت دي ؟ دي كم غلطه؟ انت ك ابو او ام متعاطفين مع اولادكم دا برجع ليكم بس اي طالب او طالبة بغلط عندي لازم يتعاقب ولازم يحس بهول الغلط العمله اوعك تحسس ولدك انو م غلط وهو غلطان وانو يدافع عن نفسه و هو غلطان ، ولدك غلط يقول انا غلط ياخد عقابه ويعمل حسابه تاني ! القرار ف المدرسة دي قراري لا قرار مس سعاد ولا مس ندى عشان انتو تجوطو فيهم !
ووليلى كمان دي انا البت دي لو م وصلوني اهلها تعتبر نفسها م معانا ! اما بالنسبة الطالبة دي ، واشر علي امها وابوها متوفين ! كيف تعايرها بحاجه هي م عندها فيها ذنب في زول بختار انو اهلو يموتو يعني ؟ وانا لو م درست الموضوع وعرفت انو البنات فعلا غلطو ما كنت فصلتهم ، ردت ليه ام واحدة يا استاذ الفصل م حل كنت تدقهم وتصالحهم وخلاص !رد ليها هم اصلا حيتدقو ! اول حاجه وح اتكلم معاهم براهم بعدكم هسي ويتفصلو اسبوع عشان الوحده تاني قبل م تكذب او تعمل غلط تراجعه الف مرة ، اخو ريم قاليهو دا ظلم والله قاليه خلاص وانت م بنفع معاك الظلم سوق اختك وديها مدرسة احسن من هنا ! سكت مسااافة .. اتلفت علي وابتسم لمن خلعني قال للاستاذ يعتذر لي قدام البنات واهلهم ،شوف يا استاذ عمر ماعندك شغلة بتربية اي وحدة انت جاي تدرس حصتك وتطلع اي تربية اي سلوك مسؤولة منو ندى كلمها وقع ليك؟ هز ليهو راسو بمعنى اي ، الاستاذ اعتذر لي فعلا .. بعداك المدير قالي المدرسة زاتا بتعتذر ليك بالنيابة عن البنات واهاليهم وان شاءالله مافي زول حيتعرض ليك تاني ، مد لي يدو مشيت سلمت عليه قالي تقدري تتفضلي عشان م تضيعي حصصك .. معتز وقف وجا سلم على المدير قاليهو بنعتذر معتز قاليهو تسلم والله يديك العافيه وطلع معاي اول م طلعنا حضنت معتز شديييييييييييييد ....
- لا تفعل آلاف المسكّنات ماتفعله كلمة حنونة
أثناء التعب ..💜
نزلنا ووصلنا جيت امشي الفصل جراني من يدي على اتجاه المكتب لقينا مس ندى سلمت علينا قالت لينا ٥ دقايق والجرس حيضرب ! احنا كلمنا الطالباات ال ١٥ م يجو من غير اولياء امورهم ..
قعدنا مسافة اول وحده جات مها وامها بعدين ريم واخوها ، واي بت جابت معاها زول ، اخر زول وصل ليلى وجات براها !
مس سعاد قالت ليها ولي امرك وين ؟ قالت ليها مافاضين للفراغ دا ! مس سعاد قالت ليها خلاص ارجعي ليهم لما يفضو للفراغ حقنا دا تعالي وطلعت معاها سريع وجات ..
استاذ عمر جا ومس ندى شرحت ليهم الحصل كله ف واحدين شاكله بناتهم وواحدين قالو دي حاجه عادية بتحصل ! ومامفروض يتفصلو اسبوع عشان حاجه تافهه زي دي ! مس سعاد قالت ليهم انا المشكلة دي وصلتها لي مدير المدرسة الكبير ودا قرارو ،انا عاينت لي معتز م كنت قايلة الموضوع حيجيب فصل كمان .. اخو ريم قعد يجوط نحنا دافعين قروش عشان تفصلو بتنا وكان رافع صوتو على مس سعاد ، ابو وحده تانيه رد قال البت تجيب الاحترام من وين واخوها كده ؟ قرب يتضارب معاه لحدي م جا مدير المدرسة كلها انا من الخوف مسكت يد معتز ! مس سعاد قامت ليهو من مكتبها وجا قعد !
اول حاجه السلام عليكم ،ردو ليهو السلام
طوالي قال انا لابتهمني قروش ؟ ولابتهمني انت دافع كم؟ في قواعد عندي للمدرسة اي طالبة م تلتزم بيها تتفصل ! عارفين بناتكم عملو شنو ؟ انتو حاسين بعظمة المصيبة ولا لا؟ عشان ينتقمو من طالبة بريئة اتفقو على باطل؟ ورمو الاستاذ بالنبق؟ ولمن سال منو عمل كده كذبو وقالو دي البت دي ؟ دي كم غلطه؟ انت ك ابو او ام متعاطفين مع اولادكم دا برجع ليكم بس اي طالب او طالبة بغلط عندي لازم يتعاقب ولازم يحس بهول الغلط العمله اوعك تحسس ولدك انو م غلط وهو غلطان وانو يدافع عن نفسه و هو غلطان ، ولدك غلط يقول انا غلط ياخد عقابه ويعمل حسابه تاني ! القرار ف المدرسة دي قراري لا قرار مس سعاد ولا مس ندى عشان انتو تجوطو فيهم !
ووليلى كمان دي انا البت دي لو م وصلوني اهلها تعتبر نفسها م معانا ! اما بالنسبة الطالبة دي ، واشر علي امها وابوها متوفين ! كيف تعايرها بحاجه هي م عندها فيها ذنب في زول بختار انو اهلو يموتو يعني ؟ وانا لو م درست الموضوع وعرفت انو البنات فعلا غلطو ما كنت فصلتهم ، ردت ليه ام واحدة يا استاذ الفصل م حل كنت تدقهم وتصالحهم وخلاص !رد ليها هم اصلا حيتدقو ! اول حاجه وح اتكلم معاهم براهم بعدكم هسي ويتفصلو اسبوع عشان الوحده تاني قبل م تكذب او تعمل غلط تراجعه الف مرة ، اخو ريم قاليهو دا ظلم والله قاليه خلاص وانت م بنفع معاك الظلم سوق اختك وديها مدرسة احسن من هنا ! سكت مسااافة .. اتلفت علي وابتسم لمن خلعني قال للاستاذ يعتذر لي قدام البنات واهلهم ،شوف يا استاذ عمر ماعندك شغلة بتربية اي وحدة انت جاي تدرس حصتك وتطلع اي تربية اي سلوك مسؤولة منو ندى كلمها وقع ليك؟ هز ليهو راسو بمعنى اي ، الاستاذ اعتذر لي فعلا .. بعداك المدير قالي المدرسة زاتا بتعتذر ليك بالنيابة عن البنات واهاليهم وان شاءالله مافي زول حيتعرض ليك تاني ، مد لي يدو مشيت سلمت عليه قالي تقدري تتفضلي عشان م تضيعي حصصك .. معتز وقف وجا سلم على المدير قاليهو بنعتذر معتز قاليهو تسلم والله يديك العافيه وطلع معاي اول م طلعنا حضنت معتز شديييييييييييييد ....
- لا تفعل آلاف المسكّنات ماتفعله كلمة حنونة
أثناء التعب ..💜
#أميرتي_قاصرة4
بقلم امل الشيخ
معتز بقا مخلوع قالي مالك ! قلت ليهو حاسة باحساس الانتصار ، قالي دا حقك ورجع ليك قلت ليو شكرا يا معتز قالي شوفي طول ما انتي بتتعاملي بوعي كده وامور ناس كبار الدنيا حتديك حقك وانا كمان قلت ليو انا عمري م كنت شافعه على فكرة انت براك كنت ماخد عني فكرة سيئة ! قالي عليك الله خلاص اجري شوفي حصصك لي بعدين ودعني وفات ..
في فسحة الفطور تبيان جاتني قالت لي عجبني ليهم الوسخات قالت لي باقي اليوم داك كان شفتي مس ندى وعالية ونهاد جو دقوهم ال ١٥ قدامنا وليلى قالت م بتتدقا مسكوها دقوها دقة الكلاب قلت ليها الشماته كعبه ي تبيان بس انا شمتانة فيها تستاهل ، تبيان قالت لي ماعارفة كمية الحقد تجاهك دي جابتها من وين قلت ليها مريضة بس ، قالت لي يمكن عشان دايما بتجيبي دررجات احسن منها والمعلمات مميزنك عشان مستواك قلت ليها هي مالها م تجتهد وتبقا احسن مني تحقد علي لشنو؟
-ما عيب انو يكون في زول احسن منك
العيب بس انك تحاول تشوِّه صورتو عشان م قدرت تبقى زيوو 👌🏻.
قعدنا اتونسنا مسافة ، نهاية الفسحة جاتني مس ندى قالت لي ح اعمل ليك امتحاناتك نهاية الاسبوع دا ، قلت ليها بس قالت لي م بس لازم تلحقي عشان تاني عندنا امتحانات قريبة ! قلت ليها طيب .. تبيان قالت لي م قارية صح؟ قلت ليها اي قالت لي تعالي اقعدي معاي ف البيت انا بقرا معاك ، قلت ليها كلمي لي معتز ! قالت لي كلميهو انتي قلت ليها حيرفض قالت لي والضمني شنو م يرفض طلبي قالت لي يمكن يخجل منك ، قالت لي ويمكن م يخجل ! مشينا كملنا باقي الحصص نهاية اليوم بقينا نجر كرعينا وهي تقولي قوليه انتي وانا بقوليها قوليو انتي لحدي م وصلناه ، فتح القزاز عاين لينا تبيان قالت ليه كيفك ؟ قاليها تمام وانتي؟ ردت ليه الحمدلله ، تبيان واصلت طبعا زي م انت عارف انو الليله الاتنين قاليها اي قالت ليهو مس ندى حتعمل امتحاناات لي سحر يوم الاربعا تقريبا وسحر م قارية والحل الوحيد ... سكتت مسافة قاليها واصلي قالت ليهو الحل الوحيد تجي تقعد معاي اراجع معاها ! غمضت عيونا ونزلت راسها وانا بقيت اعاين ف الارض ، طلع الفريم حقه قاليها انا مقدر خوفك على صحبتك بس م تشيلي همها ، بيتان برة دا صعب قالت ليه ف بيتنا قاليها معليش ماعندي طريقة اوافق قلت ليهو بس ي معتز قالي الطلب مرفوض ! اركبي خلينا نمشي تبيان عاينت لي باسف قلت ليها م مشكلة نتلاقى بكرة ، وانا ف اللحظه ديك حلقي داير اقفل من الزعل ! طول الطريق م اتكلم معاي لحدي ما وصلنا البيت ، لمن جينا نازلين قلت ليو معتز قالي اها قلت ليو ليه رفضت ! قالي وانا بضمني شنو بيوت صحباتك؟ قلت ليو تبيان دي صحبتي من زمان يعني موثوق فيها قالي لالا الزمن دا مافي اي ثقة وانتي مالك بليده ولابليده اقعدي براك والبغلبك ناديني انا او سمر بنشرحو ليك ! قلت ليو انت م فاهمني ! قالي وف موضوع زي دا م ح افهمك زاتو ، دخلت قدامو البيت وخليته واقف دخلت غرفتي وقفلتها علي ، يعني مصر يدخل ف حياتي ياخي هو مالو ومالي ما ممكن الاسلوب دا لمتين حيقولي سوي م تسوي كرهني حياتي .
بالمسا كدة نزلت قلت اتغداا لقيتهم قاعدين ، عزو قاليها خليه يعقد وين المشكلة ! قالت ليهو كيف يعني خالي ربيع اقوليه خطوبة يقولي يعقد ويسوقك هسي امي ولا ابوي لو حيين حيعمل كده؟ ياخي زاتو امجد حيفتكر انو اهلي دايرين يتخلصو مني بعد وفاة اهلي ! عزو بصوت هادي قاليها سمر انا خايف تقعدي تعملي حركاتك دي خالي يقوليك زاتو عرس مافي ، وافقي اعقدي وحنعمل ليك جرتق ف الصالة وامشي مع راجلك ! قلت ليهم احم احم حتى انتبهو لي عزو قالي الاكل جاهز خشي اتغدي !م اشتغلت بيه جيت قعدت جمب سمر قلت ليها سمورة والله احسن ليك خالي ربيع دا حيوان خلاص عزو حمر لي قلت ليو م تحمر لي ، قلت ليها قاليك عقد اعقدي بس خلي الجمعه البعد الجايه عشان الجمعه دي حيكون عندي امتحانات حضنتني فجاة قالت لي انا خايفة شديد ، عزو قام خلانا قلت ليها م تخافي انتي زولة كبيرة وواعيه ماشاالله ولو دكتور امجد دا زول كويس م تشيلي هم تاني ، اخدت بكيتها وقامت قالت تتصل عليه توريه بكلام خيلاني ! مشيت المطبخ لقيت عزو قاعد بياكل قلت ليو ليه م انتظرتني قالي قلت يمكن تعملي حركاات وم تجي تاكلي قلت ليو القيمه دي عملتها انت قالي لا سمر قعدت اتغديت معاهو بعد انتهينا لميت العدة غسلتها وطلعت فوق طلعت كتبي قلت اقرا غلبني اقرا اشيل واحنس نفسي لحدي م نمت .
يوم اول امتحان الصباح ، مشيت وانا م قارية غير اول عشرة صفحات وكنت متوترة وخايفة ف العربية معتز قالي جاهزة ؟ قلت ليو لا ، قالي م قريتي ؟ قلت ليو اي قالي ليه ؟ قلت ليو لانك ابيت تخليني امشي لتبيان قالي م تخليني اطلع الحزام دا واضربك قلت ليو اووووف حركات زمان تاني؟ قالي مش قلت ليك طول م انتي بتتصرفي على انك زولة كبيرة حعاملك معاملة ناس كبار عايزة تعملي حركات الشفع ديك برجع للهرش والحزام ،قلت ليو على فكرة حزامك داك بتخوفني بيهو ساي م حصل دقيتني قالي ايوا خلاص
بقلم امل الشيخ
معتز بقا مخلوع قالي مالك ! قلت ليهو حاسة باحساس الانتصار ، قالي دا حقك ورجع ليك قلت ليو شكرا يا معتز قالي شوفي طول ما انتي بتتعاملي بوعي كده وامور ناس كبار الدنيا حتديك حقك وانا كمان قلت ليو انا عمري م كنت شافعه على فكرة انت براك كنت ماخد عني فكرة سيئة ! قالي عليك الله خلاص اجري شوفي حصصك لي بعدين ودعني وفات ..
في فسحة الفطور تبيان جاتني قالت لي عجبني ليهم الوسخات قالت لي باقي اليوم داك كان شفتي مس ندى وعالية ونهاد جو دقوهم ال ١٥ قدامنا وليلى قالت م بتتدقا مسكوها دقوها دقة الكلاب قلت ليها الشماته كعبه ي تبيان بس انا شمتانة فيها تستاهل ، تبيان قالت لي ماعارفة كمية الحقد تجاهك دي جابتها من وين قلت ليها مريضة بس ، قالت لي يمكن عشان دايما بتجيبي دررجات احسن منها والمعلمات مميزنك عشان مستواك قلت ليها هي مالها م تجتهد وتبقا احسن مني تحقد علي لشنو؟
-ما عيب انو يكون في زول احسن منك
العيب بس انك تحاول تشوِّه صورتو عشان م قدرت تبقى زيوو 👌🏻.
قعدنا اتونسنا مسافة ، نهاية الفسحة جاتني مس ندى قالت لي ح اعمل ليك امتحاناتك نهاية الاسبوع دا ، قلت ليها بس قالت لي م بس لازم تلحقي عشان تاني عندنا امتحانات قريبة ! قلت ليها طيب .. تبيان قالت لي م قارية صح؟ قلت ليها اي قالت لي تعالي اقعدي معاي ف البيت انا بقرا معاك ، قلت ليها كلمي لي معتز ! قالت لي كلميهو انتي قلت ليها حيرفض قالت لي والضمني شنو م يرفض طلبي قالت لي يمكن يخجل منك ، قالت لي ويمكن م يخجل ! مشينا كملنا باقي الحصص نهاية اليوم بقينا نجر كرعينا وهي تقولي قوليه انتي وانا بقوليها قوليو انتي لحدي م وصلناه ، فتح القزاز عاين لينا تبيان قالت ليه كيفك ؟ قاليها تمام وانتي؟ ردت ليه الحمدلله ، تبيان واصلت طبعا زي م انت عارف انو الليله الاتنين قاليها اي قالت ليهو مس ندى حتعمل امتحاناات لي سحر يوم الاربعا تقريبا وسحر م قارية والحل الوحيد ... سكتت مسافة قاليها واصلي قالت ليهو الحل الوحيد تجي تقعد معاي اراجع معاها ! غمضت عيونا ونزلت راسها وانا بقيت اعاين ف الارض ، طلع الفريم حقه قاليها انا مقدر خوفك على صحبتك بس م تشيلي همها ، بيتان برة دا صعب قالت ليه ف بيتنا قاليها معليش ماعندي طريقة اوافق قلت ليهو بس ي معتز قالي الطلب مرفوض ! اركبي خلينا نمشي تبيان عاينت لي باسف قلت ليها م مشكلة نتلاقى بكرة ، وانا ف اللحظه ديك حلقي داير اقفل من الزعل ! طول الطريق م اتكلم معاي لحدي ما وصلنا البيت ، لمن جينا نازلين قلت ليو معتز قالي اها قلت ليو ليه رفضت ! قالي وانا بضمني شنو بيوت صحباتك؟ قلت ليو تبيان دي صحبتي من زمان يعني موثوق فيها قالي لالا الزمن دا مافي اي ثقة وانتي مالك بليده ولابليده اقعدي براك والبغلبك ناديني انا او سمر بنشرحو ليك ! قلت ليو انت م فاهمني ! قالي وف موضوع زي دا م ح افهمك زاتو ، دخلت قدامو البيت وخليته واقف دخلت غرفتي وقفلتها علي ، يعني مصر يدخل ف حياتي ياخي هو مالو ومالي ما ممكن الاسلوب دا لمتين حيقولي سوي م تسوي كرهني حياتي .
بالمسا كدة نزلت قلت اتغداا لقيتهم قاعدين ، عزو قاليها خليه يعقد وين المشكلة ! قالت ليهو كيف يعني خالي ربيع اقوليه خطوبة يقولي يعقد ويسوقك هسي امي ولا ابوي لو حيين حيعمل كده؟ ياخي زاتو امجد حيفتكر انو اهلي دايرين يتخلصو مني بعد وفاة اهلي ! عزو بصوت هادي قاليها سمر انا خايف تقعدي تعملي حركاتك دي خالي يقوليك زاتو عرس مافي ، وافقي اعقدي وحنعمل ليك جرتق ف الصالة وامشي مع راجلك ! قلت ليهم احم احم حتى انتبهو لي عزو قالي الاكل جاهز خشي اتغدي !م اشتغلت بيه جيت قعدت جمب سمر قلت ليها سمورة والله احسن ليك خالي ربيع دا حيوان خلاص عزو حمر لي قلت ليو م تحمر لي ، قلت ليها قاليك عقد اعقدي بس خلي الجمعه البعد الجايه عشان الجمعه دي حيكون عندي امتحانات حضنتني فجاة قالت لي انا خايفة شديد ، عزو قام خلانا قلت ليها م تخافي انتي زولة كبيرة وواعيه ماشاالله ولو دكتور امجد دا زول كويس م تشيلي هم تاني ، اخدت بكيتها وقامت قالت تتصل عليه توريه بكلام خيلاني ! مشيت المطبخ لقيت عزو قاعد بياكل قلت ليو ليه م انتظرتني قالي قلت يمكن تعملي حركاات وم تجي تاكلي قلت ليو القيمه دي عملتها انت قالي لا سمر قعدت اتغديت معاهو بعد انتهينا لميت العدة غسلتها وطلعت فوق طلعت كتبي قلت اقرا غلبني اقرا اشيل واحنس نفسي لحدي م نمت .
يوم اول امتحان الصباح ، مشيت وانا م قارية غير اول عشرة صفحات وكنت متوترة وخايفة ف العربية معتز قالي جاهزة ؟ قلت ليو لا ، قالي م قريتي ؟ قلت ليو اي قالي ليه ؟ قلت ليو لانك ابيت تخليني امشي لتبيان قالي م تخليني اطلع الحزام دا واضربك قلت ليو اووووف حركات زمان تاني؟ قالي مش قلت ليك طول م انتي بتتصرفي على انك زولة كبيرة حعاملك معاملة ناس كبار عايزة تعملي حركات الشفع ديك برجع للهرش والحزام ،قلت ليو على فكرة حزامك داك بتخوفني بيهو ساي م حصل دقيتني قالي ايوا خلاص
لكن لو جبتي درجة كعبه ح ادقك ، سكت خليته وصلنا المدرسة امتحنت زي الزفت فعلا ، مس ندى وهي بتشيل الورقة وبتتفحص فيها قالت لي ليه مالك ؟ الورقه فاضية انتي ي دوبك كاتبة اسمك ! قلت ليها م قريت قالت لي نحنا مش اجلنا ليك عشان تبقي كويسة وتقدري تقري وتمتحني ! قلت ليها انا نفسيا م كويسة ! قالت لي الكلام دا م باكلك عيش ، وامك زاتا لو عرفت انو انتي بعد وفاتها بقيتي كده حتزعل منك ، انتي م شوفتيها وهي كانت بتتابع معدلاتك ومبسوطه بنجاحك وتفوقك هسي عشان هي مافي تزعلي وتغيري كل شي ؟ قلت ليها بس هي كانت منظمه لي كل شي هسي فرقت غيابها مخلياني م قادرة اتعود على البيت على القراية على الاكل كل شي بالنسبة لي كان مربوط بيها جرت كرسيها قالت لي دي سنة الحياة ، كلنا حنموت مافي زول عارف الدقيقة الجاية حيحصل فيها شنو! ماتوقفي حياتك ارفعي راس امك حية وميتة صدقيني حتتبسط منك لازم تبقي قوية ! قلت ليها ان شاءالله قامت قالت لي هسي انتي جاده دي اجمعها فاضيه كده قلت ليها ماعندي شي اكتبو ..
يوم ورا يوم وانا بمتحن كنت بحاول اقرا بقدر البقدر عليه عشان م اخلي الورق فاضي ، الاربعا البعده كنت خلصت ، وادوني بعض الورق ..
نهاية اليوم دخلت الورق ف شنطتي وركبت العربية معتز قالي امتحنتي كيف ؟ قلت ليو نص نص قالي م ادوك ورقة انا هنا اتصببت عرق بقيت اعاين لي شنطتي دايرة ارد ليهو لا ، بس خايفة يعرفني بكذب قالي اديني الشنطه جراها مني وفتحها طلع الفطور حمر لي قالي كويس كمان م فطرتي تاني طلع دفتر قالي دا شنو مذكراتي دا خطفته منو بسرعه ! عاين لي مسافة وتاني رجع فرفر ف الشنطه طلع قريب ٥ ورقات فتح اول ورقة قران لقاني جايبة صفر اتهجم انا بلعت ريقي قلت الليله حيرميني من الشباك ، الورقه التانيه كانت عربي وكنت جايبة ٥٠ من ١٠٠ قالي كتر خيرك ماسقطي ، البعدها كانت e واكتر وحده بترفع الراس ٦٥، والدراسات لقاني جايبة ٤٥ والاحياء جبت ١٠ قالي دا شنو ي سحر ؟ قالي راسبة ف ٤ مواد ؟ قلت ليو ٣ قالي انتي حاسبة ال ٥٠ بتاعت العربي دي م رسوب ؟ جدع الورق ف وشي قالي اعمل فيك شنو انا ؟ليه بتعملي كدة قلت ليو معتز قالي م تقولي معتز م عايزة قراية انتي قلت ليو م تكورك فيني عليك الله قالي صاح مفروض اصفق ليك لانك راسبة بشرف ! ي استاذة انتي نسيتي معدل اول امتحان انتي كنتي جايبة ٩٦% هسي انتي شكلو معدلك زاتو حيرسب سكت وقال اللهم طولك يا روح جيت اتكلم قالي م عاييز اسمع صوتك .. اتحركنا ،اول م وصلنا البيت قالي ختي الشنطه قدامي ختيتا وانا من الخوف رجليني بطاقشو مع بعض ، طلع الكتب كتاب كتاب قالي امشي بسرعه استحمي وغيري هدومك وتعالي اتسممي الاكل دا وحنبدا قراية قلت ليو معتز قالي طيري من وشي سريع واعملي القلتو ليك بعد جملتو دي م لقى الا غباري تاني
استحميت وقلت اطول شوية عشان زعلتو تخف جا خبط لي باب الحمام قالي ٥ دقايق والقاك خلصتي حمام والا م حيحصل كويس بسرعه ادوشت واظن م نضفت الصابون كويس زاتو اتوضيت وجيت مارقة لقيتو قاعد ف سريري وماسك مذكراتي جيت سحبتو منو اتخلع وانا كنت مخلوعه اكتر منو قلت ليو عيب تقرا خصوصياات الناس ،عاين لي م رد علي شلت الدفتر ختيتو ف الدولاب وقفلتو بالمفتاح جيت صليت سريع اول م قلت السلام عليكم قام على حيله ومسكني من يدي وجراني تحت بقيت انادي فيهو قالي حسك دا ابلعيهو نزلت تحت اداني السندوتش حقي وقالي اتسممي ، وفتح كتاب النحو وبدا يشرح لي قلت ليو اخلص قالي ماف زمن وبدا يشرح لي وانا باكل ومتابعه معاه ومابقدر انسى معلومه لانو بسالني فجاة وبخاف لو لقاني م عارفاها يسفرني المريخ استمرينا ٣ ساعات وشبه كملنا النحو ، لحدي م سمر جات خاشة قالت لي دا شنو بقرو فيك ؟ وقعدت تضحك عزو حمر ليها سكتت قاليها اتاخرتي وين قدر دا ؟ قالت ليهو خلصنا قبل ساعه قاليها تمام امشي غيري وتعالي نتغدا ، طلعت وهو كمل لي لمن انتهينا م صدقت لمن قدرت اخد نفس قالي اقعدي راجعي القريتي دا لحدي م نجهز الاكل قعدت اراجع لحدي م نادوني كانو بياكلو على راحتهم اتلفت علي قالي اكلي سريع لمن اتخلعت قلت ليو ليه ؟ قالي تاني م تساليني ليه دي نهائي انتي بس تسمعي الانا بقولو ليك وخلاص ! كملت عيشتي سريع قلت اغسل العده قالي خليها امشي احفظي لي سورة الحجرات ومعاني كلماتها واسباب النزول قالي والله يقدرك اجي القاك م حافظة قلت ليو م صليت المغرب قالي صلي وابدي وانا بعد العشا بجي بسالك مشيت صليت وجيت فتحت سورة الحجرات وقعدت احفظ ، سمر مشت نامت حظها انها كبيرة ف الجامعه وعزو م بيسالها ..
قعدت اقرا واحفظ لحدي م هو صلى العشا وقعد معاي سمع لي لمن لقاني حفظتهم قالي بعد كده ممكن تنومي بس بكرة الصحيان من ٣ قلت ليو لالالا الا النوم قالي بعد درجاتك دي انا بخجل ليك قام على حيلو طفا النور قالي تصبحي على خير !
يوم ورا يوم وانا بمتحن كنت بحاول اقرا بقدر البقدر عليه عشان م اخلي الورق فاضي ، الاربعا البعده كنت خلصت ، وادوني بعض الورق ..
نهاية اليوم دخلت الورق ف شنطتي وركبت العربية معتز قالي امتحنتي كيف ؟ قلت ليو نص نص قالي م ادوك ورقة انا هنا اتصببت عرق بقيت اعاين لي شنطتي دايرة ارد ليهو لا ، بس خايفة يعرفني بكذب قالي اديني الشنطه جراها مني وفتحها طلع الفطور حمر لي قالي كويس كمان م فطرتي تاني طلع دفتر قالي دا شنو مذكراتي دا خطفته منو بسرعه ! عاين لي مسافة وتاني رجع فرفر ف الشنطه طلع قريب ٥ ورقات فتح اول ورقة قران لقاني جايبة صفر اتهجم انا بلعت ريقي قلت الليله حيرميني من الشباك ، الورقه التانيه كانت عربي وكنت جايبة ٥٠ من ١٠٠ قالي كتر خيرك ماسقطي ، البعدها كانت e واكتر وحده بترفع الراس ٦٥، والدراسات لقاني جايبة ٤٥ والاحياء جبت ١٠ قالي دا شنو ي سحر ؟ قالي راسبة ف ٤ مواد ؟ قلت ليو ٣ قالي انتي حاسبة ال ٥٠ بتاعت العربي دي م رسوب ؟ جدع الورق ف وشي قالي اعمل فيك شنو انا ؟ليه بتعملي كدة قلت ليو معتز قالي م تقولي معتز م عايزة قراية انتي قلت ليو م تكورك فيني عليك الله قالي صاح مفروض اصفق ليك لانك راسبة بشرف ! ي استاذة انتي نسيتي معدل اول امتحان انتي كنتي جايبة ٩٦% هسي انتي شكلو معدلك زاتو حيرسب سكت وقال اللهم طولك يا روح جيت اتكلم قالي م عاييز اسمع صوتك .. اتحركنا ،اول م وصلنا البيت قالي ختي الشنطه قدامي ختيتا وانا من الخوف رجليني بطاقشو مع بعض ، طلع الكتب كتاب كتاب قالي امشي بسرعه استحمي وغيري هدومك وتعالي اتسممي الاكل دا وحنبدا قراية قلت ليو معتز قالي طيري من وشي سريع واعملي القلتو ليك بعد جملتو دي م لقى الا غباري تاني
استحميت وقلت اطول شوية عشان زعلتو تخف جا خبط لي باب الحمام قالي ٥ دقايق والقاك خلصتي حمام والا م حيحصل كويس بسرعه ادوشت واظن م نضفت الصابون كويس زاتو اتوضيت وجيت مارقة لقيتو قاعد ف سريري وماسك مذكراتي جيت سحبتو منو اتخلع وانا كنت مخلوعه اكتر منو قلت ليو عيب تقرا خصوصياات الناس ،عاين لي م رد علي شلت الدفتر ختيتو ف الدولاب وقفلتو بالمفتاح جيت صليت سريع اول م قلت السلام عليكم قام على حيله ومسكني من يدي وجراني تحت بقيت انادي فيهو قالي حسك دا ابلعيهو نزلت تحت اداني السندوتش حقي وقالي اتسممي ، وفتح كتاب النحو وبدا يشرح لي قلت ليو اخلص قالي ماف زمن وبدا يشرح لي وانا باكل ومتابعه معاه ومابقدر انسى معلومه لانو بسالني فجاة وبخاف لو لقاني م عارفاها يسفرني المريخ استمرينا ٣ ساعات وشبه كملنا النحو ، لحدي م سمر جات خاشة قالت لي دا شنو بقرو فيك ؟ وقعدت تضحك عزو حمر ليها سكتت قاليها اتاخرتي وين قدر دا ؟ قالت ليهو خلصنا قبل ساعه قاليها تمام امشي غيري وتعالي نتغدا ، طلعت وهو كمل لي لمن انتهينا م صدقت لمن قدرت اخد نفس قالي اقعدي راجعي القريتي دا لحدي م نجهز الاكل قعدت اراجع لحدي م نادوني كانو بياكلو على راحتهم اتلفت علي قالي اكلي سريع لمن اتخلعت قلت ليو ليه ؟ قالي تاني م تساليني ليه دي نهائي انتي بس تسمعي الانا بقولو ليك وخلاص ! كملت عيشتي سريع قلت اغسل العده قالي خليها امشي احفظي لي سورة الحجرات ومعاني كلماتها واسباب النزول قالي والله يقدرك اجي القاك م حافظة قلت ليو م صليت المغرب قالي صلي وابدي وانا بعد العشا بجي بسالك مشيت صليت وجيت فتحت سورة الحجرات وقعدت احفظ ، سمر مشت نامت حظها انها كبيرة ف الجامعه وعزو م بيسالها ..
قعدت اقرا واحفظ لحدي م هو صلى العشا وقعد معاي سمع لي لمن لقاني حفظتهم قالي بعد كده ممكن تنومي بس بكرة الصحيان من ٣ قلت ليو لالالا الا النوم قالي بعد درجاتك دي انا بخجل ليك قام على حيلو طفا النور قالي تصبحي على خير !
في يوم وليلة عزو رجع عزو الحقار داك المابحبو ، مابحب اسلوبو بتاع النهي والامر دا ياخي بيعمل العايز يعملو وبيجبرك غصبا عنك ..
كنت غاطسة ف النوم ، حسيت بزول بصحي فيني بقيت افتح عيوني بصعوبة لمن شفتو اتخلعت وقعدت ف نص السرير قالي الساعه ٣ اصحي ، صحيت اتسوكت وجيت لقيتو بصلي ف ركعتين قعدت ف السرير وانا نعسانه لسة قالي جيبي البلاغة وتعالي جبت ليو البلاغه وجيت قعدنا ف المصلاية ف الارض شرح لي لحدي وقت صلاة الصبح قالي اتوضي مشيت اتوضيت وصليت وهو مشا المسجد لمن جا راجع قالي جيبي كتابك وحصليني ف المطبخ وقبل دا امشي صحي سمر مشيت اصحيها لقيتا صاحيه ، مشيت المطبخ وهو بدا يعمل ف الشاي وف نفس الوقت انا ماسكة ليه الكتاب وهو بشرح لي الاستعارة والدروس الماحلوة دي ! لمن انتهينا مشيت لبست وجيت شربت الشاي وسمر معانا ، سمر قالت م مصدقة انو بكره عقدي احساس غريب ، قلت ليها حظك حتتخارجي من عزو دا عاين لي ورفع حاجبه واتلفت مني قالت لي انتي ساي بتقولي عزو حقار بس عزو حنين علينا شديد ! بكره حتكبري وتفهمي وتشوفي خوفو وزعلو دا كله من حبه ليكي انتي اخته سواء الدنيا قالت اي ولا لا ،حتحسي بفرقتو لمن يختفي يوم بس من حياتك ياسحر وحتقولي سمر قالت قلت ليها انن اننن انن هو كان مشغول ف تلفونو تاتي قلت ليها صحي ي سمر كيف خالي ربيع خلاهو يقعد معانا الفترة دي كلها قالت لي ماعارفة عزو مشا اتفاهم معاه ، قلت ليها نحن ماعندنا اهل ابو زي الناس ولا اهل ام زي الناس قالت لي البركة ف معتز دا وهو طبعا ساكت ساي ! جيت اتكلم معاه قالي خلي النقة الكتيرة عشان م تنسي القريناهو شميته شمة ، بعداك وقف على حيله قالينا يلا مشى قدامنا قلت ل سمر دا حينزل شغله متين قالت لي غلطان هو العايز يقريك ! قلت ليها انا م شافعه عشان يقريني قالت لي صاح والدليل درجاتك اسكتي ي ماما اسكتي ! ك العادة وصلنا سمر ووداني المدرسة قالي حذاري اجي راجع بعدين اسالك اي سؤال من القريتو ليك القاك ناسياه قلت ليو حاضر قالي يلا مع السلامة !
بقيت ماشية وانا بتكلم مع نفسي ، انا استاهل برضو عزو لمن بقا يعاملني كويس انا بسبب درجاتي رجعتو لنقطه الصفر اصلو م ازعل !
لمن جيت داخله لقيت البنات كلهم بعاينو لي استغربت ديل مالهم بقيت افتش على تبيان ، لمن لقيتا قاعده ف الدرج حزينه قلت ليها تبيان مالك ف شنو ؟ وديل مالهم ؟ جات وحده ماشة بجمبي قعدت تقول عاملة فيها اهلها ميتين وهي م صدقت اهلها يموتو عشان تقل ادبها ! بقيت اكرر الكلام ف مخي سبعميه مرة عشان استوعبه قلت ليها دي قاصداني انا ؟ هزت لي راسها اي ..
كل يوم أقتنع أكثر أن الصديق يأتي كهِبة إلهية، لم أبذل مجهودًا عظيمًا لأحصل على قلب يحبني بهذا القدر. ♥️
كنت غاطسة ف النوم ، حسيت بزول بصحي فيني بقيت افتح عيوني بصعوبة لمن شفتو اتخلعت وقعدت ف نص السرير قالي الساعه ٣ اصحي ، صحيت اتسوكت وجيت لقيتو بصلي ف ركعتين قعدت ف السرير وانا نعسانه لسة قالي جيبي البلاغة وتعالي جبت ليو البلاغه وجيت قعدنا ف المصلاية ف الارض شرح لي لحدي وقت صلاة الصبح قالي اتوضي مشيت اتوضيت وصليت وهو مشا المسجد لمن جا راجع قالي جيبي كتابك وحصليني ف المطبخ وقبل دا امشي صحي سمر مشيت اصحيها لقيتا صاحيه ، مشيت المطبخ وهو بدا يعمل ف الشاي وف نفس الوقت انا ماسكة ليه الكتاب وهو بشرح لي الاستعارة والدروس الماحلوة دي ! لمن انتهينا مشيت لبست وجيت شربت الشاي وسمر معانا ، سمر قالت م مصدقة انو بكره عقدي احساس غريب ، قلت ليها حظك حتتخارجي من عزو دا عاين لي ورفع حاجبه واتلفت مني قالت لي انتي ساي بتقولي عزو حقار بس عزو حنين علينا شديد ! بكره حتكبري وتفهمي وتشوفي خوفو وزعلو دا كله من حبه ليكي انتي اخته سواء الدنيا قالت اي ولا لا ،حتحسي بفرقتو لمن يختفي يوم بس من حياتك ياسحر وحتقولي سمر قالت قلت ليها انن اننن انن هو كان مشغول ف تلفونو تاتي قلت ليها صحي ي سمر كيف خالي ربيع خلاهو يقعد معانا الفترة دي كلها قالت لي ماعارفة عزو مشا اتفاهم معاه ، قلت ليها نحن ماعندنا اهل ابو زي الناس ولا اهل ام زي الناس قالت لي البركة ف معتز دا وهو طبعا ساكت ساي ! جيت اتكلم معاه قالي خلي النقة الكتيرة عشان م تنسي القريناهو شميته شمة ، بعداك وقف على حيله قالينا يلا مشى قدامنا قلت ل سمر دا حينزل شغله متين قالت لي غلطان هو العايز يقريك ! قلت ليها انا م شافعه عشان يقريني قالت لي صاح والدليل درجاتك اسكتي ي ماما اسكتي ! ك العادة وصلنا سمر ووداني المدرسة قالي حذاري اجي راجع بعدين اسالك اي سؤال من القريتو ليك القاك ناسياه قلت ليو حاضر قالي يلا مع السلامة !
بقيت ماشية وانا بتكلم مع نفسي ، انا استاهل برضو عزو لمن بقا يعاملني كويس انا بسبب درجاتي رجعتو لنقطه الصفر اصلو م ازعل !
لمن جيت داخله لقيت البنات كلهم بعاينو لي استغربت ديل مالهم بقيت افتش على تبيان ، لمن لقيتا قاعده ف الدرج حزينه قلت ليها تبيان مالك ف شنو ؟ وديل مالهم ؟ جات وحده ماشة بجمبي قعدت تقول عاملة فيها اهلها ميتين وهي م صدقت اهلها يموتو عشان تقل ادبها ! بقيت اكرر الكلام ف مخي سبعميه مرة عشان استوعبه قلت ليها دي قاصداني انا ؟ هزت لي راسها اي ..
كل يوم أقتنع أكثر أن الصديق يأتي كهِبة إلهية، لم أبذل مجهودًا عظيمًا لأحصل على قلب يحبني بهذا القدر. ♥️
#أميرتي_قاصرة5
بقلم امل الشيخ
قلت ليها ف شنو حاصل ؟ قالت لي اتنشر ليك فيديو ف التكتوك وانتي بتحضني عزو قريبك ف المدرسة ! قلت ليهاااااا نعم؟؟؟؟؟
_______________
وديت سمر وسحر على دوامهم وجيت راجع بفكر اني م مفروض اتعامل مع سحر كده عشان هي حاليا حتحس انها براها ومحتاجه لزول يسندها بس ف نفس الوقت سحر لما حست اني اتغيرت معاها وبقيت اعاملها كويس بقت تعمل حركات كيف يعني ترسب؟ زول شاطر وجاب 277 واول امتحانات ف الثانوي جاب ٩٦% انا عارف انو هي لسة م اتقبلت الحصل بس لازم توعى على نفسها شوية !
قعدت مسافة فتحت تلفوني قلت احضر شوية تكتوك ، فيديو ورا فيديو لحدي ما لقيت واحدة بتحضن واحد مشيت فيه بس فجاة رجعت ! دا شنو؟ دي سحر وانا ؟ بس كيف ومتين دا ومنو صوره ورفعه ! عاينت ف بروفايل الزول النشرو مكتوب user بس شكلو دا حساب جديد ومافيه ولا منشورات ولا اعجابات بس الفيديو دا وعامل ٥ الف مشاهده .... ايا كان بس دا عدد كبير جدا
_____________
تبيان قالت لي عادي ي زولة ولاتزعلي هو ف مقام اخوك اصلا وسندك ومنقذك ف ظل الظروف الحصلت ليك دي ، هم يمكن م عارفين هو شنو بالنسبة ليك ! بس انتي عارفة ، دموعي نزلت قلت ليها بس انتي سمعتي البت قالت لي شنو؟ قالت لي م تقول كان قالت كلام نبي يعني ! ضمتني عليها مسافة ، طول اليوم م سلمت من كمية التعاليق بتاعت البنات ،
نهاية اليوم كنت ماشة على مكتب مس ندى ، لاقوني ليلى وريم واقفين ليلى قالت لي بت م عندها شغلة غير الشكاوي ، ريم قالت لي وقت بتعرفي تحضني م تزعلي يا استاذة يا محترمة ، ليلى واصلت انا م عارفة بقبلو الاشكال دي عندنا ف المدرسة ليه ، شفتيها رسبت ف القران دي دين م عندها وقعدو يضحكه ! الكلام اكل معاي جمبة المره دي جد جد ! زعلت زعل وواصلت لحدي المكتب دخلت و سلمت عليها قالت لي اتفضلي ! قلت ليها عايزة احكي ليك حاجه ! ..
قعدت احكي ليها عن علاقتي ب معتز او بالاصح علاقته بينا !
قالت لي الاخو دا م الا اخو من ام واب معتز دا اخوك غصبا عن اي بت ف المدرسة ، بعد شوية دموعي نزلت قلت ليها اخر يوم لما المدير انصفني وطلعنا قمت حضنته من الفرحه واصلا دا طبيعي بيحضنا دايما وبيحضن امي وامي بتحضنا التلاته مع بعض بغض النظر عن اي حاجه يعني قالت لي طيب م فهمت وين المشكلة قلت ليها وحده من البنات وغالبا ليلى صورونا ونزلو تكتوك قالت لي نعمممم؟؟؟؟؟ قلت ليها ومن الصباح البنات شغالين يهينو فيني وف تربيتي قالت لي انتي متاكده دي ليلى؟ قلت ليها ايوة اكيد مافي غيرها ودا شي غير قانوني ولو مشيت اشتكيتها ف المحكمه المحكمه حتتصرف معاها قالت لالا اهدي المواضيع البين الطلبة حنحلها ف المدرسة هنا ! قلت ليها الموضوع دا كبير شديد وم ممكن تسكتو عنو قالت لي مافي زول حيسكت ساقتني ومشينا الفصل استاذنت من استاذة الحصة وجابت السوط قالت ليلى وريم تعالوني ! طلعو وقفو جمبها على شمالها وانا على يمينها ، بعد شوية قالت لي منو تاني اساء ليك ؟ طلعتهم ليها وحده ورا التانيه السمعوني الكلام ف اضاني ! استاذة العربي قالت ليها ف شنو ؟ قالت ليها انتي اكيد عارفة قبل كم يوم موضوع استاذ عمر الحصل ردت ليها اي قالت ليها كان مع سحر اخوها ، ليلى قالت ليها اخوها لكن ، استاذة العربي رشا هرشتها ، قالت ليها لمن طلعت من المكتب ضمتو لانو هو الاصر انو الموضوع م يمشي عادي ! المهم خصوصيات اهل ! وحده ف البنات وهي شاكه ف ليلى وصحباتها صوروهم ونشروهم ف تكتوك استاذة رشا شهقت قالت ليها دي مصيبة لو فعلا عملو كده ، مس ندى قالت ليها المصيبة الاولى انو ف بنات بتجيب تلفوناتهم المدرسة اصلا ! ، مس ندى اتلفتت على ليلى انتي مشكلتك شنو مع سحر؟ قالت ليها انا ليلى دي ؟ عندي مشكلة مع سحر؟ ياخي انا من ارضها ماشايلاها قالت ليها لو كنت فعلا كده م كنتي حتتلحيها وكل يوم عامله ليها موضوع !قالت لي مس ندى عليك الله خلو الحركات دي انا م عملت ليها شي والصورت تكتوك دي شوفوها دي م انا ! قالت ليها يمين بالله المابتعترف تقول دي منو الموضوع تاني يكبر ويصل المدير والمره دي حتتفصلو كلكم ! ف وحده اسمها نهلة كانت منزلة راسها وواضح انها متوترة ، استاذة رشا قالت ليه بتجيبو تلفوناتكم مش ممنوع ؟ وحده اسمها عبير قالت ليها انا بعرف ٣ بنات بجيبو تلفوناتهم مس ندى قالت ليها منو؟ قالت ليها نهلة وليلى واريج حاتم مس ندى اتلفتت لقت التلاته قاعدين جمبها برة ، ايوا بعد كده عندي تصرف تاني ، ادت السوط لي رشا قالت ليها دقي لي ديل وساقت معاها اريج وليلى ونهلة ، مشينا المكتب ونادت المديرة وجات شكلها ورتها المديرة جات هايجه وشالت السوط بقت تضرب فيهم ف يدينهم ، ضرب حار قالت لي ليلى انتي شكلك م حترتاحي م لم نفصلك ! سريع الصورت الفيديو ونشرتو منو بسرعه وقسما بالله م تتكلمو السوط دا ياباكم ! نهلة كانت اكتر وحده خايفة فجاة اتكلمت و قالت ليها الصورتو ليلى وقالت لي انزله ليها ف تكتوك عملنا حساب جديد ونزلنا الفيديو فيه ! مس سعاد قالت
بقلم امل الشيخ
قلت ليها ف شنو حاصل ؟ قالت لي اتنشر ليك فيديو ف التكتوك وانتي بتحضني عزو قريبك ف المدرسة ! قلت ليهاااااا نعم؟؟؟؟؟
_______________
وديت سمر وسحر على دوامهم وجيت راجع بفكر اني م مفروض اتعامل مع سحر كده عشان هي حاليا حتحس انها براها ومحتاجه لزول يسندها بس ف نفس الوقت سحر لما حست اني اتغيرت معاها وبقيت اعاملها كويس بقت تعمل حركات كيف يعني ترسب؟ زول شاطر وجاب 277 واول امتحانات ف الثانوي جاب ٩٦% انا عارف انو هي لسة م اتقبلت الحصل بس لازم توعى على نفسها شوية !
قعدت مسافة فتحت تلفوني قلت احضر شوية تكتوك ، فيديو ورا فيديو لحدي ما لقيت واحدة بتحضن واحد مشيت فيه بس فجاة رجعت ! دا شنو؟ دي سحر وانا ؟ بس كيف ومتين دا ومنو صوره ورفعه ! عاينت ف بروفايل الزول النشرو مكتوب user بس شكلو دا حساب جديد ومافيه ولا منشورات ولا اعجابات بس الفيديو دا وعامل ٥ الف مشاهده .... ايا كان بس دا عدد كبير جدا
_____________
تبيان قالت لي عادي ي زولة ولاتزعلي هو ف مقام اخوك اصلا وسندك ومنقذك ف ظل الظروف الحصلت ليك دي ، هم يمكن م عارفين هو شنو بالنسبة ليك ! بس انتي عارفة ، دموعي نزلت قلت ليها بس انتي سمعتي البت قالت لي شنو؟ قالت لي م تقول كان قالت كلام نبي يعني ! ضمتني عليها مسافة ، طول اليوم م سلمت من كمية التعاليق بتاعت البنات ،
نهاية اليوم كنت ماشة على مكتب مس ندى ، لاقوني ليلى وريم واقفين ليلى قالت لي بت م عندها شغلة غير الشكاوي ، ريم قالت لي وقت بتعرفي تحضني م تزعلي يا استاذة يا محترمة ، ليلى واصلت انا م عارفة بقبلو الاشكال دي عندنا ف المدرسة ليه ، شفتيها رسبت ف القران دي دين م عندها وقعدو يضحكه ! الكلام اكل معاي جمبة المره دي جد جد ! زعلت زعل وواصلت لحدي المكتب دخلت و سلمت عليها قالت لي اتفضلي ! قلت ليها عايزة احكي ليك حاجه ! ..
قعدت احكي ليها عن علاقتي ب معتز او بالاصح علاقته بينا !
قالت لي الاخو دا م الا اخو من ام واب معتز دا اخوك غصبا عن اي بت ف المدرسة ، بعد شوية دموعي نزلت قلت ليها اخر يوم لما المدير انصفني وطلعنا قمت حضنته من الفرحه واصلا دا طبيعي بيحضنا دايما وبيحضن امي وامي بتحضنا التلاته مع بعض بغض النظر عن اي حاجه يعني قالت لي طيب م فهمت وين المشكلة قلت ليها وحده من البنات وغالبا ليلى صورونا ونزلو تكتوك قالت لي نعمممم؟؟؟؟؟ قلت ليها ومن الصباح البنات شغالين يهينو فيني وف تربيتي قالت لي انتي متاكده دي ليلى؟ قلت ليها ايوة اكيد مافي غيرها ودا شي غير قانوني ولو مشيت اشتكيتها ف المحكمه المحكمه حتتصرف معاها قالت لالا اهدي المواضيع البين الطلبة حنحلها ف المدرسة هنا ! قلت ليها الموضوع دا كبير شديد وم ممكن تسكتو عنو قالت لي مافي زول حيسكت ساقتني ومشينا الفصل استاذنت من استاذة الحصة وجابت السوط قالت ليلى وريم تعالوني ! طلعو وقفو جمبها على شمالها وانا على يمينها ، بعد شوية قالت لي منو تاني اساء ليك ؟ طلعتهم ليها وحده ورا التانيه السمعوني الكلام ف اضاني ! استاذة العربي قالت ليها ف شنو ؟ قالت ليها انتي اكيد عارفة قبل كم يوم موضوع استاذ عمر الحصل ردت ليها اي قالت ليها كان مع سحر اخوها ، ليلى قالت ليها اخوها لكن ، استاذة العربي رشا هرشتها ، قالت ليها لمن طلعت من المكتب ضمتو لانو هو الاصر انو الموضوع م يمشي عادي ! المهم خصوصيات اهل ! وحده ف البنات وهي شاكه ف ليلى وصحباتها صوروهم ونشروهم ف تكتوك استاذة رشا شهقت قالت ليها دي مصيبة لو فعلا عملو كده ، مس ندى قالت ليها المصيبة الاولى انو ف بنات بتجيب تلفوناتهم المدرسة اصلا ! ، مس ندى اتلفتت على ليلى انتي مشكلتك شنو مع سحر؟ قالت ليها انا ليلى دي ؟ عندي مشكلة مع سحر؟ ياخي انا من ارضها ماشايلاها قالت ليها لو كنت فعلا كده م كنتي حتتلحيها وكل يوم عامله ليها موضوع !قالت لي مس ندى عليك الله خلو الحركات دي انا م عملت ليها شي والصورت تكتوك دي شوفوها دي م انا ! قالت ليها يمين بالله المابتعترف تقول دي منو الموضوع تاني يكبر ويصل المدير والمره دي حتتفصلو كلكم ! ف وحده اسمها نهلة كانت منزلة راسها وواضح انها متوترة ، استاذة رشا قالت ليه بتجيبو تلفوناتكم مش ممنوع ؟ وحده اسمها عبير قالت ليها انا بعرف ٣ بنات بجيبو تلفوناتهم مس ندى قالت ليها منو؟ قالت ليها نهلة وليلى واريج حاتم مس ندى اتلفتت لقت التلاته قاعدين جمبها برة ، ايوا بعد كده عندي تصرف تاني ، ادت السوط لي رشا قالت ليها دقي لي ديل وساقت معاها اريج وليلى ونهلة ، مشينا المكتب ونادت المديرة وجات شكلها ورتها المديرة جات هايجه وشالت السوط بقت تضرب فيهم ف يدينهم ، ضرب حار قالت لي ليلى انتي شكلك م حترتاحي م لم نفصلك ! سريع الصورت الفيديو ونشرتو منو بسرعه وقسما بالله م تتكلمو السوط دا ياباكم ! نهلة كانت اكتر وحده خايفة فجاة اتكلمت و قالت ليها الصورتو ليلى وقالت لي انزله ليها ف تكتوك عملنا حساب جديد ونزلنا الفيديو فيه ! مس سعاد قالت
ليها انا مصدومه فيك ي نهلة ليلى دي خليها امورها كلها وسخه لكن انتي ؟ حصل سحر دي شاكلتك ولا ضايقتك قالت ليها لا قالت ليها طيب عملتي فيها كده ليه قالت ليها ليلى واريج هددوني قالت ليهم اوبااااا يعني اريج زاتا داخلة ف الموضوع ! سلموني التلفونات دي سريع وبسرعه تعالو امسحو الفيديو ، مشو جابو التلفونات ومسحو الفيديو وبقو واقفين ، المديرة قالت يوقفو البنات طابور هسي ، جابو المدرسة كلها وجات مس سعاد اتكلمت وهاجت قدرتها بعدين نادت بتين كبار من ٣ ثانوي خلتهم يمسكو ليلى اول وجات دقتها قدام المدرسة ١٠ سيطان ومس ندى دقتها ١٠ سيطان ومس رشا برضو ١٠ سيطان ودقو اريج برضو ٣٠ سوط اما نهلة عشان اعترفت ف دقوها ٢٠ سوط بس ، قلعت منهم التلفونات وقالت ليهم يشيلو شنطهم وهم مفصولين شهر !
سبحان الله كنت بتددبر ف القدرة الالهيه الي هي لا عندي ام ولا ابو يدافعو عني بس ربنا مسخر لي الناس ، وبالاخص مس سعاد ومس ندي عشان ياخدو لي حقي ! كنت مبسوطة بالعقااب الاتعاقبوهو ، لانهم بنات كعبات كعبات من جوة شديد ، وقتها كنت اتاخرت شديد واتاريهو عزو كان مستني برة بعداك نزل جايي داخل واتفاجئ بالطابور صادفته طالعه وانا مبسوطه قالي مالك ؟ قلت ليهو قصة طوووووووويلة !ساقني العربية قالي الي هي شنو قلت ليو قبل احكيها ليك انا اسفة ! قالي على شنو ؟ قلت ليو لانك انت دايما عايز مصلحتي قالي دا اكيد قلت ليوحتى لو انا بتعبك استحملني قالي حاضر تاني قالي ثواني فتح تكتوك عايز يوريني حاجه بس شكلو م لقى العايز يوريني ليه قلت ليو بتفتش على الفيديو؟ قالي اي عرفتي كيف ! قلت ليو اتمسح خلاص الحمدلله قالي الحصل شنو؟ قعدت احكي ليه (....)، قالي قسما بللله لمن شفت الفيديو جاني هبوط لانووشك ظاهر شديد الحمدلله الاتعاقبو ياخي ديل بنات فقر ديل وهم ١٤ سنه بعملو كده ٤٠ سنة حيسوو شنو ربنا يهديهم بس ، طول الطريق كنت ساكتة ومبتسمة عاين لي قالي خير قلت ليهو زولة بكره عقد اختها قالي على قولك والله ربنا يسعدها ي رب ، صحي بمناسبة العقد انا امجد جاب لي الريحه وديتا لمرة تشتغلا لينا قالت لي اجيها زي ٣ عصر ، غشيناها وشلنا منها الريحه وكانت بخور وحاجات العروسات ديك مشينا البيت اول م وصلنا لقينا وعد بت خالتي هدى وصحبة سمر لجين دايرة امشي اسلم عليهم مسكني من شنطتي قالي اوعى تتاخري انا ح اصلي العصر واجي القاك استحميتي وجهزتي عشان نجي نواصل قراية ! قلت ليو حتى ف يوم عرس اختي قالي العرس بكره م هسي ، بكرة م بسالك قلت ليو امري لله ، مشيت سلمت عليهم وهو طلع ، وعد جات علي م عارفاها ظهرت من وين قالت لي عافية منو عزو مقطعك النفس قلت ليها وانتي وليد برضو مقطعك النفس قالت لي داك اخوي قلت ليها ودا اخوي على فكرة قالت لي ااا اخوكي ومشت خلتني ، مشيت فوق دخلت لي سمر لقيت شنط كتيرة قلت ليها سمر دا شنو قالت لي دي الشيله قلت ليها دي شنو البهدلة دي وجابها منو؟ قالت لي الزمن ضيق خليت امجد يشتريها قعدت اعاين قلت ليها ذوقو م بطال والله لجين كبت لي عصير قعدت اشرب فيه فجاة سمعت عزو بقول سحححححر جدعت الكباية وجريت ! قالي م غيرتي ؟ قلت ليو هوا جريت غيرت سريع وجبت ليو كتاب العربي قرا معاي الاناشيد وقعد يشرح لي وسمع لي قريب المغرب كده لما لقاني كل شوية بنتبه مع صوت البنات ، قالي لحدي هنا كفاية امشي اتونسي مع البنات قلت ليو قول والله قالي قبل اغير رايي قلت ليو شكرا شكرا يا احلى اخو ف الدنيا قالي حنكيني كويس ختيت الكتاب ومشيت ليهم . قعدنا نرقص ونغني ونرتب لي سمر شنطتها ونبخرها ..
لي بليل كده جونا خالتو هدى ووليد واولاد خالو اسعد عبد العزيز و جمان ،وبنات خالو ربيع نهى ونجوى ، بس م كنت شايفة اولاده ناصر وعلي ..
عبدالعزيز ود خالي اسعد كان قاعد ف الصالة انا جيت نازلة بفتش على عزو اقوليه برنامج العشاء قالي اوو بت عمتي السكرة ازيك مشيت سلمت عليه قالي سوي لي قهوة عليك الله راسي ضارب وكان ماسك يدي قالي كبرتي والله ، عزو جا داخل لقاهو ماسك يدي وبقول لي الناس لما تكبر بتبقا حلوة كده ؟ بنهرة قالي سحر ! قلت ليو ايوة بخلعه قالي بتعملي هنا ف شنو امشي اقعدي مع البنات فوق قلت ليو عايزة اعمل ليهو قهوة ! قالي بلاقهوة بلا زفت هسي ماشين القهوة عبدالعزيز سكت ساي وقمت مشيت خليته ، وانا طالعه ف السلم حصلني قالي اول شي البسي طرحتك وليد وعبدالعزيز والشباب كلهم تحت تاني شي اصلا سبب يجيبك تحت مافي فاهمه ولا لا ؟ قلت ليو فاهمه ونسيت كلامي العايزة اقولو عيوني رقرقت من اسلوبو ،جيت امشي مسكني من يدي قالي م تبكي ! قلت ليو م بكيت قالي لكن قربتي قلت ليو بتهرشني وبتقولي م تبكي ؟ قالي معليش حقك علي وبعدين انتي بكرة عرس اختك ؟ م حتطلعي سمحه لو بكيتي ! سامعه وليد بنادي فيهو قاليو جاييك ! قالي لو م بكيتي هسي وانا جاي بجيب ليك معاي كيت كات قلت ليو احلف كانو م زعلني هسي ضحك قالي والله قلت ليو خلاص م حبكي يلا عشان م تتاخر وتجيبا لي ، مشا فعلا وانا طلعت فوق ! ...
سبحان الله كنت بتددبر ف القدرة الالهيه الي هي لا عندي ام ولا ابو يدافعو عني بس ربنا مسخر لي الناس ، وبالاخص مس سعاد ومس ندي عشان ياخدو لي حقي ! كنت مبسوطة بالعقااب الاتعاقبوهو ، لانهم بنات كعبات كعبات من جوة شديد ، وقتها كنت اتاخرت شديد واتاريهو عزو كان مستني برة بعداك نزل جايي داخل واتفاجئ بالطابور صادفته طالعه وانا مبسوطه قالي مالك ؟ قلت ليهو قصة طوووووووويلة !ساقني العربية قالي الي هي شنو قلت ليو قبل احكيها ليك انا اسفة ! قالي على شنو ؟ قلت ليو لانك انت دايما عايز مصلحتي قالي دا اكيد قلت ليوحتى لو انا بتعبك استحملني قالي حاضر تاني قالي ثواني فتح تكتوك عايز يوريني حاجه بس شكلو م لقى العايز يوريني ليه قلت ليو بتفتش على الفيديو؟ قالي اي عرفتي كيف ! قلت ليو اتمسح خلاص الحمدلله قالي الحصل شنو؟ قعدت احكي ليه (....)، قالي قسما بللله لمن شفت الفيديو جاني هبوط لانووشك ظاهر شديد الحمدلله الاتعاقبو ياخي ديل بنات فقر ديل وهم ١٤ سنه بعملو كده ٤٠ سنة حيسوو شنو ربنا يهديهم بس ، طول الطريق كنت ساكتة ومبتسمة عاين لي قالي خير قلت ليهو زولة بكره عقد اختها قالي على قولك والله ربنا يسعدها ي رب ، صحي بمناسبة العقد انا امجد جاب لي الريحه وديتا لمرة تشتغلا لينا قالت لي اجيها زي ٣ عصر ، غشيناها وشلنا منها الريحه وكانت بخور وحاجات العروسات ديك مشينا البيت اول م وصلنا لقينا وعد بت خالتي هدى وصحبة سمر لجين دايرة امشي اسلم عليهم مسكني من شنطتي قالي اوعى تتاخري انا ح اصلي العصر واجي القاك استحميتي وجهزتي عشان نجي نواصل قراية ! قلت ليو حتى ف يوم عرس اختي قالي العرس بكره م هسي ، بكرة م بسالك قلت ليو امري لله ، مشيت سلمت عليهم وهو طلع ، وعد جات علي م عارفاها ظهرت من وين قالت لي عافية منو عزو مقطعك النفس قلت ليها وانتي وليد برضو مقطعك النفس قالت لي داك اخوي قلت ليها ودا اخوي على فكرة قالت لي ااا اخوكي ومشت خلتني ، مشيت فوق دخلت لي سمر لقيت شنط كتيرة قلت ليها سمر دا شنو قالت لي دي الشيله قلت ليها دي شنو البهدلة دي وجابها منو؟ قالت لي الزمن ضيق خليت امجد يشتريها قعدت اعاين قلت ليها ذوقو م بطال والله لجين كبت لي عصير قعدت اشرب فيه فجاة سمعت عزو بقول سحححححر جدعت الكباية وجريت ! قالي م غيرتي ؟ قلت ليو هوا جريت غيرت سريع وجبت ليو كتاب العربي قرا معاي الاناشيد وقعد يشرح لي وسمع لي قريب المغرب كده لما لقاني كل شوية بنتبه مع صوت البنات ، قالي لحدي هنا كفاية امشي اتونسي مع البنات قلت ليو قول والله قالي قبل اغير رايي قلت ليو شكرا شكرا يا احلى اخو ف الدنيا قالي حنكيني كويس ختيت الكتاب ومشيت ليهم . قعدنا نرقص ونغني ونرتب لي سمر شنطتها ونبخرها ..
لي بليل كده جونا خالتو هدى ووليد واولاد خالو اسعد عبد العزيز و جمان ،وبنات خالو ربيع نهى ونجوى ، بس م كنت شايفة اولاده ناصر وعلي ..
عبدالعزيز ود خالي اسعد كان قاعد ف الصالة انا جيت نازلة بفتش على عزو اقوليه برنامج العشاء قالي اوو بت عمتي السكرة ازيك مشيت سلمت عليه قالي سوي لي قهوة عليك الله راسي ضارب وكان ماسك يدي قالي كبرتي والله ، عزو جا داخل لقاهو ماسك يدي وبقول لي الناس لما تكبر بتبقا حلوة كده ؟ بنهرة قالي سحر ! قلت ليو ايوة بخلعه قالي بتعملي هنا ف شنو امشي اقعدي مع البنات فوق قلت ليو عايزة اعمل ليهو قهوة ! قالي بلاقهوة بلا زفت هسي ماشين القهوة عبدالعزيز سكت ساي وقمت مشيت خليته ، وانا طالعه ف السلم حصلني قالي اول شي البسي طرحتك وليد وعبدالعزيز والشباب كلهم تحت تاني شي اصلا سبب يجيبك تحت مافي فاهمه ولا لا ؟ قلت ليو فاهمه ونسيت كلامي العايزة اقولو عيوني رقرقت من اسلوبو ،جيت امشي مسكني من يدي قالي م تبكي ! قلت ليو م بكيت قالي لكن قربتي قلت ليو بتهرشني وبتقولي م تبكي ؟ قالي معليش حقك علي وبعدين انتي بكرة عرس اختك ؟ م حتطلعي سمحه لو بكيتي ! سامعه وليد بنادي فيهو قاليو جاييك ! قالي لو م بكيتي هسي وانا جاي بجيب ليك معاي كيت كات قلت ليو احلف كانو م زعلني هسي ضحك قالي والله قلت ليو خلاص م حبكي يلا عشان م تتاخر وتجيبا لي ، مشا فعلا وانا طلعت فوق ! ...
لاقيت وعد قالت لي اخوكي مش؟ قلت ليها من وانا صغيرة لمن يزعلني بغشني بالشوكلاته وبعدين انتي مركزه معانا كده ليه عاجبك؟ قالت لي شديد قلت ليها طوالي بكلمو ليك قالت لي لالا خليه بجيبه براي ومشت سريع سريع .. سمر سالتني من العشا نهى ونجوى قالو لي نحنا بنظبطه ونزلو تحت معاهم لجين وجمان ،
وعد كانت ماسكة تلفونا ، جيت جمب سمر وهي كانت متوترة باين عليها حضنتها بس ! شدت علي الضمه اتذكرنا امي وبكينااا ! البحصل دا كله سببه غياب امي بس ربنا القادر ..
____________
عليك الله ي عزو هسي سمر دي مش انت اولى بيها شنو دكتورها وبتاع !
البنات ديل اخواتي واي حاجه عايزنها بعملها ليهم يا عزيز!
وليد قاليهو انت زعلان ليه ي عزيز قاليو والله ياخ انا م زعلان مجرد راي وعاين لي شديد بنظرة غريبة بصراحه انا عايز سحر وومستنيها تكبر شوية ! لمن قال كده انا راسي بقا يلف عشرة مرات ،سحر منو العايزها؟
قالي سحر حسام كيف يعني سحر منو ؟
قلت ليهو بس سحر لسة صغيرة وانا عايزها تقرا الجامعه ! قالي انت عايزها تقرا الجامعه انت منو؟ بصفتك شنو مافاهم؟
وليد قاليهو كيف يعني ؟ بصفتو اخوها وفي مقام ابوها!
عزيز قالي انت زيك زينا ود خالتها ..
قلت ليهو كضب انا البنات ديل ربيتهم على يدي وبالاخص سحر ، وبعد كلامك دا سحر تشمها !
ماعلى كيفك يا اخينا !
لاعلى كيفي وانا المسؤول منها بامارة اني حتى ف المدرسة ولي امرها ..
وليد قالينا ي شباب م بتتحل كده !
قلت ليهو وعي ود عمك عليك الله تلفون وليد دق رد قاليهو اي ي علي رفعت ليك يدي شايفني !
بعد شوية عزيز دق التربيزة .. الموضوع دا لازم يتحسم هسي وانا بمشي لابوي هسي وبششوف ح اخدها ولا لا ..
سحر حتحلم بيها حلم يا عزيز ..
"مذهلٌ كيف يشعر المرء بجرأة، عندما يكون متأكدًا أنه محبوب "
وعد كانت ماسكة تلفونا ، جيت جمب سمر وهي كانت متوترة باين عليها حضنتها بس ! شدت علي الضمه اتذكرنا امي وبكينااا ! البحصل دا كله سببه غياب امي بس ربنا القادر ..
____________
عليك الله ي عزو هسي سمر دي مش انت اولى بيها شنو دكتورها وبتاع !
البنات ديل اخواتي واي حاجه عايزنها بعملها ليهم يا عزيز!
وليد قاليهو انت زعلان ليه ي عزيز قاليو والله ياخ انا م زعلان مجرد راي وعاين لي شديد بنظرة غريبة بصراحه انا عايز سحر وومستنيها تكبر شوية ! لمن قال كده انا راسي بقا يلف عشرة مرات ،سحر منو العايزها؟
قالي سحر حسام كيف يعني سحر منو ؟
قلت ليهو بس سحر لسة صغيرة وانا عايزها تقرا الجامعه ! قالي انت عايزها تقرا الجامعه انت منو؟ بصفتك شنو مافاهم؟
وليد قاليهو كيف يعني ؟ بصفتو اخوها وفي مقام ابوها!
عزيز قالي انت زيك زينا ود خالتها ..
قلت ليهو كضب انا البنات ديل ربيتهم على يدي وبالاخص سحر ، وبعد كلامك دا سحر تشمها !
ماعلى كيفك يا اخينا !
لاعلى كيفي وانا المسؤول منها بامارة اني حتى ف المدرسة ولي امرها ..
وليد قالينا ي شباب م بتتحل كده !
قلت ليهو وعي ود عمك عليك الله تلفون وليد دق رد قاليهو اي ي علي رفعت ليك يدي شايفني !
بعد شوية عزيز دق التربيزة .. الموضوع دا لازم يتحسم هسي وانا بمشي لابوي هسي وبششوف ح اخدها ولا لا ..
سحر حتحلم بيها حلم يا عزيز ..
"مذهلٌ كيف يشعر المرء بجرأة، عندما يكون متأكدًا أنه محبوب "
#أميرتي_قاصرة6
بقلم امل الشيخ
سحر حتحلم بيها ياعزيز !
قلت كلامي دا وقمت منهم ، اتلقوني علي وناصر ياشاب ماشي وين؟ من الغضب م كنت شايف قدامي نفضتهم مني ومشيت ..
..
وليد حصلني قالي عليك الله م تشتغل ب عزيز دا قلت ليو والله كان مات م يعرسا سحر بت متين هي ! ومافي زول حياخد سحر مني انا وبرضاي ورضاها ولمن تجي تقولي ي عزو انا دايرة فلان حتى ممكن اعرسو ليها !
قالي صلي ع لنبي ، هسي هو فات لي عمي لكن م تخاف انا معاك !
علي وناصر حصلونا ف شنو يخوانا كراعنا حارة ولاشنو؟ وليد قاليهو لالا يخ حاجه بسيطه بين عزيز وعزو ، رجعنا قعدنا وعزيز كان فات وانا طول القعدة كنت شارد ..
. مستحيل ياخد مني سحر سحر دي بتي ولو فكر يقرب منها ساي ممكن اخسرو انا م عارف شعوري تجاها شنو بس كل العارفو انها بتي وحقتي انا ولو الظروف حتمت علي اعرسها ح اعرسها !
___________________
كنت قاعدة ومحتارة البس ياتو فستان وعد جاتني قالت لي انتي باي فستان شينة على فكره قلت ليها م طلبت رايك ! لجين قالت لينا لاحظت ليكم من الصباح بتتناقرو مالكم ! قلت ليها وعد دي طايرة ليها ساي قالت لي انا طايرة لي ساي ؟ قلت ليها اي طايرة ليك ولو سمحتي اختيني طوالي قعدت بالركن وقعدت تبكي لجين وسمر قالي اعتذر منها حتى خالتو هدى قلت ليهم م بعتذر والبحصل يحصل ! سمر جات همست لي قالت لي عيب هي ضيفة عندنا قلت ليها بصوت عالي ضيفة عندنا تحترم نفسها يعني شنو تقولي انتي ب اي فستان شينه انا سالتها ؟ وكل شوية تجي تقولي انتي وعزو م اخوان ، خالتو هدى قالت شكلو م مرحب بينا ، سمر قالت ليها العفو ي خالتو ماف كلام زي دا انتي عارفه سحر دي شافعه ساي وم تاخدي بكلامها ! وعد جرت امها قالت ليها انا قلت بنات خالتي وامهم متوفية اجي اقعد معاهم يقومو يشاكلوني وقعدت تبكي ونزلت وقالت لامها ح اسبقك !طلعت وامها لحقتها لجين وسمر يشيلو ويحنسو فيني امشي اعتذر منها .. قلت خلاص ابقى احسن منها مع انو اصلا الكلام عادي م بزعل ، نزلت تحت لقيت ناس وليد وعلي وناصر وعزو تحت في شنو مافي شنو قالت ليهم سحر طردتني !!!!! بقيت منططة عيوني ! وخالتي بدل تقول ليهم بتها كذابة قالت ليهم نعمة اختي ربنا يرحمها ويغفرليها لكن البنات ديل م ربتهن ،، دي حتى سمر القالت اعتذر طلعوها مربية؟ قعدت ف السلم وكنت منتظرة اشوف نهاية الدراما عزو بقا يناديني وكان جاي لما لقاني ف السلم قالي تعالي نازلة جيتو قالي اعتذري منها سريع كيف تطرديها علمناك كده نحن ؟ مسك وعد من يدها وقفها قصادي وهي تشيل وتبكي ! بعداك نهى وجمان ونجوى جو طالعين من المطبخ .. نهى قالت لينا عادي ي بنات م حصل شي ، علي قالينا يخوانا دا بحصل بين الاخوات دايما وانتو اخوات اتصالحو خلاص ! قلت ليهو انا جيت من فوق بالمناسبة عشان اصالحها رغم انها غلطت علي بس بعد القالتو عني وانا م قلتو معليش م بعتذر والبيت بيت خالتك يا وعد وانا م عندي فيو شي دايرة تقعدي اقعدي دايرة تمشي امشي ! ناصر قالي عيب يا سحر قلت ليو م عيب انا م طردتها ! هي جات قالت لي ... قاطعتني قالت لي كذابة انا قلت ليك اختار معاك ياتو فستان قلتي لي م شغلتك فيني قلت ليك احنا بنات خالات واخوات جطي وقلتي لي اختي سمر بس قاطعتها قلت ليها انتي وحده كذابة ومنافقة وم اتربيتي ... لقيت كف ف وشي اتلفت لقيت عزو هو الاداني ليه .. وقفت مسافة بجمع ختيت يدي ف مكان الكف هي نزلت راسها تحت وخالتي كذلك وليد جا قاليهو ماصاح ياعزو تديها كف قدامنا كده قال لمن يبقى عندها اسلوب ف الكلام تعال اتكلم معاي وقول كلامك دا ! اتلفت لي خالتي قاليها انا اسف شديد والله بدلها اعفي لينا هسي ارجعو خشو مافي زول حيطلع من البيت دا ، خالتي جات تتكلم وليد ولدها سكتها قاليها خلاص ي امي مافي داعي للمشاكل اصلا والجو جو عرس ! خالتي ووعد رجعو طلعو فوق ناصر قالي معليش ما تزعلي منهم وفات وعلي لحقو ، وليد سكت وطلع لي برة بقينا واقفين انا وعزو ودموعي م راضية تقيف قالي سحر قلت ليهو م تتكلم معاي نهرني وقالي احترمي نفسك قلت ليو م بحترم وتاني اوعك تتكلم معاي انا بكرهك بكرهك يا معتز بكره التسلط الانت فيه دا ، من الليله انت م مسؤول مني فاهم ولا لا انا المسؤولين مني ربنا يرحمهم مافي زول عندو علي كلمه غير سمر انا لمن كنت بحترمك بحترمك عشان انت زول قاعد معانا وشايفاك بتحترم الناس الكبار ، بس لما انت تضربني كف وتنصر وعد علي ووتصدق الكذب الكذبوهو دا يبقى ماف فايده منك ومن احترامي ليك امي حتكون قايلة نفسها امنت بناتها ليي زول موثوق منو وبحمي بناتها من الناس والدنيا بس للاسف و من الليلة انت م عندك كلمه علي وقع ليك ؟ ومشيت خليته واقف قالي اقيفي انا م خلصت كلامي قلت ليو م عندك كلمه تاني بتتسمع عندي عشان كده م تتعب نفسك انا بكرهك يا معتز بكره اليوم القعدت فيهو معانا جيت راجعه خطوتين قلت ليه امشي لابوك براك انا ح امشي مع سمر ومستحيل اقعد مع زول متسلط زيك ! الله ياخدك يا معتز الله ياخدك !
بقلم امل الشيخ
سحر حتحلم بيها ياعزيز !
قلت كلامي دا وقمت منهم ، اتلقوني علي وناصر ياشاب ماشي وين؟ من الغضب م كنت شايف قدامي نفضتهم مني ومشيت ..
..
وليد حصلني قالي عليك الله م تشتغل ب عزيز دا قلت ليو والله كان مات م يعرسا سحر بت متين هي ! ومافي زول حياخد سحر مني انا وبرضاي ورضاها ولمن تجي تقولي ي عزو انا دايرة فلان حتى ممكن اعرسو ليها !
قالي صلي ع لنبي ، هسي هو فات لي عمي لكن م تخاف انا معاك !
علي وناصر حصلونا ف شنو يخوانا كراعنا حارة ولاشنو؟ وليد قاليهو لالا يخ حاجه بسيطه بين عزيز وعزو ، رجعنا قعدنا وعزيز كان فات وانا طول القعدة كنت شارد ..
. مستحيل ياخد مني سحر سحر دي بتي ولو فكر يقرب منها ساي ممكن اخسرو انا م عارف شعوري تجاها شنو بس كل العارفو انها بتي وحقتي انا ولو الظروف حتمت علي اعرسها ح اعرسها !
___________________
كنت قاعدة ومحتارة البس ياتو فستان وعد جاتني قالت لي انتي باي فستان شينة على فكره قلت ليها م طلبت رايك ! لجين قالت لينا لاحظت ليكم من الصباح بتتناقرو مالكم ! قلت ليها وعد دي طايرة ليها ساي قالت لي انا طايرة لي ساي ؟ قلت ليها اي طايرة ليك ولو سمحتي اختيني طوالي قعدت بالركن وقعدت تبكي لجين وسمر قالي اعتذر منها حتى خالتو هدى قلت ليهم م بعتذر والبحصل يحصل ! سمر جات همست لي قالت لي عيب هي ضيفة عندنا قلت ليها بصوت عالي ضيفة عندنا تحترم نفسها يعني شنو تقولي انتي ب اي فستان شينه انا سالتها ؟ وكل شوية تجي تقولي انتي وعزو م اخوان ، خالتو هدى قالت شكلو م مرحب بينا ، سمر قالت ليها العفو ي خالتو ماف كلام زي دا انتي عارفه سحر دي شافعه ساي وم تاخدي بكلامها ! وعد جرت امها قالت ليها انا قلت بنات خالتي وامهم متوفية اجي اقعد معاهم يقومو يشاكلوني وقعدت تبكي ونزلت وقالت لامها ح اسبقك !طلعت وامها لحقتها لجين وسمر يشيلو ويحنسو فيني امشي اعتذر منها .. قلت خلاص ابقى احسن منها مع انو اصلا الكلام عادي م بزعل ، نزلت تحت لقيت ناس وليد وعلي وناصر وعزو تحت في شنو مافي شنو قالت ليهم سحر طردتني !!!!! بقيت منططة عيوني ! وخالتي بدل تقول ليهم بتها كذابة قالت ليهم نعمة اختي ربنا يرحمها ويغفرليها لكن البنات ديل م ربتهن ،، دي حتى سمر القالت اعتذر طلعوها مربية؟ قعدت ف السلم وكنت منتظرة اشوف نهاية الدراما عزو بقا يناديني وكان جاي لما لقاني ف السلم قالي تعالي نازلة جيتو قالي اعتذري منها سريع كيف تطرديها علمناك كده نحن ؟ مسك وعد من يدها وقفها قصادي وهي تشيل وتبكي ! بعداك نهى وجمان ونجوى جو طالعين من المطبخ .. نهى قالت لينا عادي ي بنات م حصل شي ، علي قالينا يخوانا دا بحصل بين الاخوات دايما وانتو اخوات اتصالحو خلاص ! قلت ليهو انا جيت من فوق بالمناسبة عشان اصالحها رغم انها غلطت علي بس بعد القالتو عني وانا م قلتو معليش م بعتذر والبيت بيت خالتك يا وعد وانا م عندي فيو شي دايرة تقعدي اقعدي دايرة تمشي امشي ! ناصر قالي عيب يا سحر قلت ليو م عيب انا م طردتها ! هي جات قالت لي ... قاطعتني قالت لي كذابة انا قلت ليك اختار معاك ياتو فستان قلتي لي م شغلتك فيني قلت ليك احنا بنات خالات واخوات جطي وقلتي لي اختي سمر بس قاطعتها قلت ليها انتي وحده كذابة ومنافقة وم اتربيتي ... لقيت كف ف وشي اتلفت لقيت عزو هو الاداني ليه .. وقفت مسافة بجمع ختيت يدي ف مكان الكف هي نزلت راسها تحت وخالتي كذلك وليد جا قاليهو ماصاح ياعزو تديها كف قدامنا كده قال لمن يبقى عندها اسلوب ف الكلام تعال اتكلم معاي وقول كلامك دا ! اتلفت لي خالتي قاليها انا اسف شديد والله بدلها اعفي لينا هسي ارجعو خشو مافي زول حيطلع من البيت دا ، خالتي جات تتكلم وليد ولدها سكتها قاليها خلاص ي امي مافي داعي للمشاكل اصلا والجو جو عرس ! خالتي ووعد رجعو طلعو فوق ناصر قالي معليش ما تزعلي منهم وفات وعلي لحقو ، وليد سكت وطلع لي برة بقينا واقفين انا وعزو ودموعي م راضية تقيف قالي سحر قلت ليهو م تتكلم معاي نهرني وقالي احترمي نفسك قلت ليو م بحترم وتاني اوعك تتكلم معاي انا بكرهك بكرهك يا معتز بكره التسلط الانت فيه دا ، من الليله انت م مسؤول مني فاهم ولا لا انا المسؤولين مني ربنا يرحمهم مافي زول عندو علي كلمه غير سمر انا لمن كنت بحترمك بحترمك عشان انت زول قاعد معانا وشايفاك بتحترم الناس الكبار ، بس لما انت تضربني كف وتنصر وعد علي ووتصدق الكذب الكذبوهو دا يبقى ماف فايده منك ومن احترامي ليك امي حتكون قايلة نفسها امنت بناتها ليي زول موثوق منو وبحمي بناتها من الناس والدنيا بس للاسف و من الليلة انت م عندك كلمه علي وقع ليك ؟ ومشيت خليته واقف قالي اقيفي انا م خلصت كلامي قلت ليو م عندك كلمه تاني بتتسمع عندي عشان كده م تتعب نفسك انا بكرهك يا معتز بكره اليوم القعدت فيهو معانا جيت راجعه خطوتين قلت ليه امشي لابوك براك انا ح امشي مع سمر ومستحيل اقعد مع زول متسلط زيك ! الله ياخدك يا معتز الله ياخدك !
_____________
مشت وخلت صدى كلمة بكرهك في راسي ليه انفعلت فيني كده ! انا عارف انو وعد ممكن تكون كذابة بس خالتي برضو حتمشي بتها ف كذبتها؟ لكن زعل سحر ف النهاية خلاني اتاكد انها م عملت شي سحر لمن تغلط بتسكت ..
وليد جا لقاني واقف قالي غصبا عني سمعت الكلام بس انت ي معتز بالغت م كان تضربها قدامهم وتحسسها انها ضعيفه سحر ماليها غيرك في الدنيا ، ومش دي اختي ودي امي لكن ابصم ليك بالعشرة ممكن تكون دي تمثيلية منهم ! سكت لمن وليد قاالي كده ربت على كتفي ! قالي سحر دي تعتبر يتيمه عاملها احسن من كدة .. ومشا دخل الصالون ..
قعدت مسافة مشيت وجيت ف الصالة يدي جات ف جيبي اتذكرت الكيت كات ، طلعت فوق دقيت غرفة البنات ، فتحت لي وعد ! قلت ليها سمر وين قالت لي نايمه قلت ليها وسحر؟ قالت لي سحر جات شاكلتنا كلنا وقالت مافي زول يجيها ف غرفتها !شبه م صدقتها واتحركت منها مشيت تجاه غرفتها حاولت افتح الباب لقيتو مقفول ناديتها ي سحر ! م ردت تاني ناديت قالت لي انت غبي ولا م بتفهم م عندك بي طريقة تاني ! قلت ليها انا جبت ليك الكيت كات البتحبيها ! قالت لي م عايزة منك اي شي تاني واختاني ي ود الناس وعد كانت واقفه بتعاين لي ، لمن عاينت ليها دخلت وقفلت البااب ، قلت ليها انا قبيل كنت مصدقك بس اسلوبك كان كعب م ردت علي واصلت قلت ليها افتحي لي خلينا نتفاهم ! قالت لي م عايزة اشوف وشك تاني ! بعد كلامها داك وقفت مسافة بعداك مشيت نمت ..
بكرة من الصباح زي الساعه ٩ البيت كان جايط شوية وجونا باقي الاهل والطباخين والجيران ، مشيت المطبخ لقيت كبايتها نضيفة ومافي اثر لورق البسكويت ، عرفتها بتكون م شربت الشاي ، ضربت تلفون لي سمر قلت ليها ف البيت؟ قالت لي لا مشيت هسي مع وليد الكوفير ومعاي لجين صحبتي قلت ليها وسحر؟ قالت لي سحر قالت مماشة حنستها كده قفلت الباب في وشي ، بالغت ي معتز ف الحصل امس دا وعلى فكرة خالتي وبتها كذابات قلت ليها والله اسلوبها ف اللحظه ديك كان غلط ورفعت صوتها عشان كده ضربتها بس م قصدت ااخ منك يا عزو ، طيب اسمعيني وعد وين ؟ قالت لي وعد رجعت بيتهم تجهز هناك قلت ليها تمام قفلت منها وانا بسب في نفسي ، جات مسكتني شافعة صغيرة عمر ٩ سنوات ككده من قميصي قلت ليها ازيك ي حلوة قالت لي انت عزو؟ قلت ليها اي قالت لي انا كنت بلعب فوق ف بت نادتني قالت لي نادي لي عزو ؟ قلت ليها بت قالت لي اي قلت ليها عاملة كيف ؟ قالت لي م عارفة بس كانت م كويسة، خليت البت وطلعت فوق جري لقيت غرفة سحر فاتحه مشيت باتجاه الغرفة لقيتا واقعة ! اتخلعت ! بسرعه مشيت عليها لقيتا سخنه نار واليوم جمعه وم عرفت اوديها وين ، شلتها نزلت بيها تحت لمن شافوني التحت جو جارين علي قلت ليهم خليكم زي م انتو جاني ناصر قالي مالها ف شنو ؟ قلت ليو م عارف قلت ل ناصر ارجع خلي العقد يتم مافي اي شي سحر حتكون كويسة بسرعه طلعت وليد شكلو شافني جا جاري علي وركب معاي وصلنا مستشفى (..) نزلناها الطوارئ طوالي بعد مسافة ف دكتور جا طالع منها وقالينا عندها هبوط ف الدورة الدموية حاد هاك عايزين الادويه دي بسرعه جريت الصيدلية بتاعت المستشفى جبت منهم الادوية ورجعت اديتها ليهم ، بقيت بس منتظر ، وليد واقف جمبي وشغال يستغفر قريب الضهر كده تلفوني دق ديي سمر قالت لي اختي مالها ي عزو ؟ قلت ليها اختك كويسة مافيها شي انتي كملي العرس بس ! قالت لي كلمتني جمان هسي وغلبتني القعده انا دايرة اشوف اختي ! قلت ليها يا سمر عليك الله روقي اختك كويسة والله العقد قرب قالت لي يعني م حتحضر العقد؟ قلت ليها وكيلك خالي ربيع ! قالت لي كيف يعني لا انت ولاسحر حتحضررو م عايزة خلي ناجله قلت ليها ماف طريقه ، روقي ي سمر كل شي حيكون كويس حاليا م تشغلي بالك وانا ح اطمنك اول باول ، طمنتها وقفلت الخط اتصلت ل ناصر قالي العقد هسي بعد الصلاه ! قلت ليهو خير ، قفلت منه لقيت عزيز وخالي اسعد جو ، عزيز قالي سحر مالها ، قلت ليو هبوط حاد قال لاحول ولاقوة الا بالله وقعد خالي قالي مالها والحصل ليها شنو؟ قلت ليو مشيت اشوفها لانها م نزلت لقيتا واقعه بس !الدكتور بعد مسافة جا طالع لمن سالناهو منها قالينا منتظرنها تصحى ونحدد ، هسي حالتها شبه مستقرة ربنا يتم عافيتها ! وفاات ..
بعد الضهر ناصر ضرب لي وقالي عقدو فرحت فرح ! بارك لي وقفل بعداك خالي قال القعاد م منه فايده احسن نمشي ونجي بعد تفتح ! عزيز قاليهو انا م ماشي لو م جبتها ف يدي ورجعت خالي اتلفت لي وليد قاليه ارح انت قال ليو بقعد مع الشباب ارجع انت ! فعلا خالي رجع ! وقعدنا قريب المغرب الدكتور قالينا فتحت وحالتها كويسة دي روشتة فيها الادوية تستعملها وان شاءالله م بتجيها عوجه ! ااا دمها كعب شديد حاولو اشتغلو معاها بليلة ولحوم حمرا وكده قلت ليو طيب ، ممكن اخش ليها قالي اي اتفضل ، عزيز قال انا ح اخش قبلك قلت ليو ليه ان شاءالله؟ وليد قاليو بالله عليك ي عزيز م دايرين مشاكل ! قاليو يا ابني انا خطيب الزولة دي !!!!!!!!!!!!!!
مشت وخلت صدى كلمة بكرهك في راسي ليه انفعلت فيني كده ! انا عارف انو وعد ممكن تكون كذابة بس خالتي برضو حتمشي بتها ف كذبتها؟ لكن زعل سحر ف النهاية خلاني اتاكد انها م عملت شي سحر لمن تغلط بتسكت ..
وليد جا لقاني واقف قالي غصبا عني سمعت الكلام بس انت ي معتز بالغت م كان تضربها قدامهم وتحسسها انها ضعيفه سحر ماليها غيرك في الدنيا ، ومش دي اختي ودي امي لكن ابصم ليك بالعشرة ممكن تكون دي تمثيلية منهم ! سكت لمن وليد قاالي كده ربت على كتفي ! قالي سحر دي تعتبر يتيمه عاملها احسن من كدة .. ومشا دخل الصالون ..
قعدت مسافة مشيت وجيت ف الصالة يدي جات ف جيبي اتذكرت الكيت كات ، طلعت فوق دقيت غرفة البنات ، فتحت لي وعد ! قلت ليها سمر وين قالت لي نايمه قلت ليها وسحر؟ قالت لي سحر جات شاكلتنا كلنا وقالت مافي زول يجيها ف غرفتها !شبه م صدقتها واتحركت منها مشيت تجاه غرفتها حاولت افتح الباب لقيتو مقفول ناديتها ي سحر ! م ردت تاني ناديت قالت لي انت غبي ولا م بتفهم م عندك بي طريقة تاني ! قلت ليها انا جبت ليك الكيت كات البتحبيها ! قالت لي م عايزة منك اي شي تاني واختاني ي ود الناس وعد كانت واقفه بتعاين لي ، لمن عاينت ليها دخلت وقفلت البااب ، قلت ليها انا قبيل كنت مصدقك بس اسلوبك كان كعب م ردت علي واصلت قلت ليها افتحي لي خلينا نتفاهم ! قالت لي م عايزة اشوف وشك تاني ! بعد كلامها داك وقفت مسافة بعداك مشيت نمت ..
بكرة من الصباح زي الساعه ٩ البيت كان جايط شوية وجونا باقي الاهل والطباخين والجيران ، مشيت المطبخ لقيت كبايتها نضيفة ومافي اثر لورق البسكويت ، عرفتها بتكون م شربت الشاي ، ضربت تلفون لي سمر قلت ليها ف البيت؟ قالت لي لا مشيت هسي مع وليد الكوفير ومعاي لجين صحبتي قلت ليها وسحر؟ قالت لي سحر قالت مماشة حنستها كده قفلت الباب في وشي ، بالغت ي معتز ف الحصل امس دا وعلى فكرة خالتي وبتها كذابات قلت ليها والله اسلوبها ف اللحظه ديك كان غلط ورفعت صوتها عشان كده ضربتها بس م قصدت ااخ منك يا عزو ، طيب اسمعيني وعد وين ؟ قالت لي وعد رجعت بيتهم تجهز هناك قلت ليها تمام قفلت منها وانا بسب في نفسي ، جات مسكتني شافعة صغيرة عمر ٩ سنوات ككده من قميصي قلت ليها ازيك ي حلوة قالت لي انت عزو؟ قلت ليها اي قالت لي انا كنت بلعب فوق ف بت نادتني قالت لي نادي لي عزو ؟ قلت ليها بت قالت لي اي قلت ليها عاملة كيف ؟ قالت لي م عارفة بس كانت م كويسة، خليت البت وطلعت فوق جري لقيت غرفة سحر فاتحه مشيت باتجاه الغرفة لقيتا واقعة ! اتخلعت ! بسرعه مشيت عليها لقيتا سخنه نار واليوم جمعه وم عرفت اوديها وين ، شلتها نزلت بيها تحت لمن شافوني التحت جو جارين علي قلت ليهم خليكم زي م انتو جاني ناصر قالي مالها ف شنو ؟ قلت ليو م عارف قلت ل ناصر ارجع خلي العقد يتم مافي اي شي سحر حتكون كويسة بسرعه طلعت وليد شكلو شافني جا جاري علي وركب معاي وصلنا مستشفى (..) نزلناها الطوارئ طوالي بعد مسافة ف دكتور جا طالع منها وقالينا عندها هبوط ف الدورة الدموية حاد هاك عايزين الادويه دي بسرعه جريت الصيدلية بتاعت المستشفى جبت منهم الادوية ورجعت اديتها ليهم ، بقيت بس منتظر ، وليد واقف جمبي وشغال يستغفر قريب الضهر كده تلفوني دق ديي سمر قالت لي اختي مالها ي عزو ؟ قلت ليها اختك كويسة مافيها شي انتي كملي العرس بس ! قالت لي كلمتني جمان هسي وغلبتني القعده انا دايرة اشوف اختي ! قلت ليها يا سمر عليك الله روقي اختك كويسة والله العقد قرب قالت لي يعني م حتحضر العقد؟ قلت ليها وكيلك خالي ربيع ! قالت لي كيف يعني لا انت ولاسحر حتحضررو م عايزة خلي ناجله قلت ليها ماف طريقه ، روقي ي سمر كل شي حيكون كويس حاليا م تشغلي بالك وانا ح اطمنك اول باول ، طمنتها وقفلت الخط اتصلت ل ناصر قالي العقد هسي بعد الصلاه ! قلت ليهو خير ، قفلت منه لقيت عزيز وخالي اسعد جو ، عزيز قالي سحر مالها ، قلت ليو هبوط حاد قال لاحول ولاقوة الا بالله وقعد خالي قالي مالها والحصل ليها شنو؟ قلت ليو مشيت اشوفها لانها م نزلت لقيتا واقعه بس !الدكتور بعد مسافة جا طالع لمن سالناهو منها قالينا منتظرنها تصحى ونحدد ، هسي حالتها شبه مستقرة ربنا يتم عافيتها ! وفاات ..
بعد الضهر ناصر ضرب لي وقالي عقدو فرحت فرح ! بارك لي وقفل بعداك خالي قال القعاد م منه فايده احسن نمشي ونجي بعد تفتح ! عزيز قاليهو انا م ماشي لو م جبتها ف يدي ورجعت خالي اتلفت لي وليد قاليه ارح انت قال ليو بقعد مع الشباب ارجع انت ! فعلا خالي رجع ! وقعدنا قريب المغرب الدكتور قالينا فتحت وحالتها كويسة دي روشتة فيها الادوية تستعملها وان شاءالله م بتجيها عوجه ! ااا دمها كعب شديد حاولو اشتغلو معاها بليلة ولحوم حمرا وكده قلت ليو طيب ، ممكن اخش ليها قالي اي اتفضل ، عزيز قال انا ح اخش قبلك قلت ليو ليه ان شاءالله؟ وليد قاليو بالله عليك ي عزيز م دايرين مشاكل ! قاليو يا ابني انا خطيب الزولة دي !!!!!!!!!!!!!!
قلت ليو مافي زول خطبها مني ! وجيت داير اخش مسكني من يدي اتنفضت منو وكان داير يتشاكل معاي الا وليد وقف بيني وبينو ! ي زول دي مستشفى !
دخلت وم اشتغلت بيه ..
قعدت جمبها ، كنت بعاين ليها والدرب في يدها كانت مغمضة عيونها وباين على ملامحها الارهاق .
سحر انا اسف ، عارف انو انتي رقدتي الرقدة دي بي سببي وهسي انا ندمان شديد والله مستحيل تاني اشاكلك او ازعلك بس انتي قومي معاي هسي نمشي ! انا ممكن اقيف قصاد الدنيا دي كلها عشانك انتي اغلى حاجه في دنيتي ! انتي مش بس بتي انتي روحي والله البصيبك بصيبني اضعافه ! ربنا يقومك بالسلامة يا غالية .. حسيت بيدها بتتحرك .. بدت تفتح شوية شوية ختت يدها فوق يدي قالت لي عزو قلت ليها عيون عزو انا ليه حاسة نفسي فترانه كده ، قلت ليها حمدالله ع السلامة قالت لي انا ف مستشفى ولاشنو؟ قلت ليها اي قالت لي بس الليله عرس سمر قلت ليها اي تم قلت ليو بس انا م كنت معاها قالي الجاي اكتر وحتكوني معاها ! انا اسف !
عاينت لي بنظرات بتعني دا شنو؟ قلت ليها انتي بسببي حاليا ف الحالة دي ! قالت لي انت زعلتني شديد والليل كلو م نمت من البكا قلت مدام انت بتعمل لي كده العالم حيعمل لي شنو ! قلت ليها انا اسف شديد انتي م بتستاهلي مني كده قالت لي انا اسفة برضو على القلتتو ليك قالي ماحصل شي ! قالت لي حنطلع متين ؟ قلت ليها الدرب الفي يدك دا يخلص بس ! قعدت معاها لمن قرب يخلص الممرضة جات وفكتو ! بعدها عزيز ووليد جو داخلين ، عزيز قاليها حمدالله ع السلامه ي ست البنات قالت ليو الله يسلمك وليد قاليها حاسة نفسك احسن؟ قالت ليو اي ، براحه نزلت ليها رجولها وسندتها وعزيز دا عايز يخش ف النار ماسكه وليد بس !
لحدي م وصلنا البيت خيلاني وخالتي هدى جو حمدلو لي السلامة واولادهم وبناتهم كذلك !
جات سمر وراجلها امجد ، عزو قاليها دا شنو انتي م مشيتي ؟ قالت ليه امشي من غير م اشوف اختي ؟ قعدت وحضنتني وبكت وانا كمان بكيت شديد لانو سمر برضو حتمشي وتسيبني راجلها قالي م تخافي بجيبا ليك كل يوم ! سلمت عليه وقلت ليه ان شاءالله ..
عزو قاليهم خلاص حندخلها غرفتها لانها تعبانة لسه وداني عزو وسمر وصلوني الغرفة ونزلو ..
بعد ساعتين او اكتر جاني خالي اسعد فوق ، قالي بقيتي كيف قلت ليو كويسة قالي عزيز دا عايزك وطبعا لانو م عندك زول نتقدم ليهو ف ح اعتبر نفسي وليك وانا م عندي مشكلة انتي رايك شنو؟
-
" أنت مدين للخيبة الأولى ، الصدمة الأولى ، أنت مدين لكل الأشياء التي امتصت منك شعور الألم في البداية ، ثم صنعت فيك اللامبالاة ببقية الهزائم"💜
دخلت وم اشتغلت بيه ..
قعدت جمبها ، كنت بعاين ليها والدرب في يدها كانت مغمضة عيونها وباين على ملامحها الارهاق .
سحر انا اسف ، عارف انو انتي رقدتي الرقدة دي بي سببي وهسي انا ندمان شديد والله مستحيل تاني اشاكلك او ازعلك بس انتي قومي معاي هسي نمشي ! انا ممكن اقيف قصاد الدنيا دي كلها عشانك انتي اغلى حاجه في دنيتي ! انتي مش بس بتي انتي روحي والله البصيبك بصيبني اضعافه ! ربنا يقومك بالسلامة يا غالية .. حسيت بيدها بتتحرك .. بدت تفتح شوية شوية ختت يدها فوق يدي قالت لي عزو قلت ليها عيون عزو انا ليه حاسة نفسي فترانه كده ، قلت ليها حمدالله ع السلامة قالت لي انا ف مستشفى ولاشنو؟ قلت ليها اي قالت لي بس الليله عرس سمر قلت ليها اي تم قلت ليو بس انا م كنت معاها قالي الجاي اكتر وحتكوني معاها ! انا اسف !
عاينت لي بنظرات بتعني دا شنو؟ قلت ليها انتي بسببي حاليا ف الحالة دي ! قالت لي انت زعلتني شديد والليل كلو م نمت من البكا قلت مدام انت بتعمل لي كده العالم حيعمل لي شنو ! قلت ليها انا اسف شديد انتي م بتستاهلي مني كده قالت لي انا اسفة برضو على القلتتو ليك قالي ماحصل شي ! قالت لي حنطلع متين ؟ قلت ليها الدرب الفي يدك دا يخلص بس ! قعدت معاها لمن قرب يخلص الممرضة جات وفكتو ! بعدها عزيز ووليد جو داخلين ، عزيز قاليها حمدالله ع السلامه ي ست البنات قالت ليو الله يسلمك وليد قاليها حاسة نفسك احسن؟ قالت ليو اي ، براحه نزلت ليها رجولها وسندتها وعزيز دا عايز يخش ف النار ماسكه وليد بس !
لحدي م وصلنا البيت خيلاني وخالتي هدى جو حمدلو لي السلامة واولادهم وبناتهم كذلك !
جات سمر وراجلها امجد ، عزو قاليها دا شنو انتي م مشيتي ؟ قالت ليه امشي من غير م اشوف اختي ؟ قعدت وحضنتني وبكت وانا كمان بكيت شديد لانو سمر برضو حتمشي وتسيبني راجلها قالي م تخافي بجيبا ليك كل يوم ! سلمت عليه وقلت ليه ان شاءالله ..
عزو قاليهم خلاص حندخلها غرفتها لانها تعبانة لسه وداني عزو وسمر وصلوني الغرفة ونزلو ..
بعد ساعتين او اكتر جاني خالي اسعد فوق ، قالي بقيتي كيف قلت ليو كويسة قالي عزيز دا عايزك وطبعا لانو م عندك زول نتقدم ليهو ف ح اعتبر نفسي وليك وانا م عندي مشكلة انتي رايك شنو؟
-
" أنت مدين للخيبة الأولى ، الصدمة الأولى ، أنت مدين لكل الأشياء التي امتصت منك شعور الألم في البداية ، ثم صنعت فيك اللامبالاة ببقية الهزائم"💜
#أميرتي_قاصرة7
بقلم امل الشيخ
كلام خالي بالنسبة لي كان صدمة عمر واللحظة الفاتحني فيها م كانت اللحظة المناسبة ، قلت ليهو بس انا لسة صغيرة ، قالي انتي م حتقدري على الشلهته مع عزو وم حينفع تقعدي معاه كده ، انتو بتقولو عزو اخوكم بس الحقيقة غير ، قلت ليو طيب انت كلمت عزو؟ قالي عزو م حيكون عندو مانع بل بالعكس حيكون سعيد انو قدر يطمن عليكم !
قلت ليو كدي خلاص انا بتشاور معاهو وبكلممك قالي تمام وطلع ،
الليلة ديك اول مرة تمر علي تكون بالصعوبية دي ! غلبني فيها التفكير ، عزو لمن يكون براهو حيقدر يتصرف بس لو انا بقيت معاه حركتو ح تتقيد ، بس كمان عزيز ود خالي عمري ما حسيت اني مايلة ليهو ،كنت بحس انو حقار وصعب وبعمل الفي هواه هو وبس من غير يراعي لاي زول .
الصباح بدري جهزت للمدرسة ونزلت كنت ساكته على غير عادتي قالي مالك قلت ليو خالي كلمك قالي بشنو قلت ليو عزيز قالي دا حيوان ساي انتي متين بقيتي للعرس قلت ليو بس كلامه صح انا ح اجهجهك قالي انا شكيت ليك ؟ انا عايز اتجهجه ! قلت ليو لو ابوك م رضى اني اقعد معاك قالي حيرضى ولاعلى كيفه ! سكت خت لي الشاي قدامي قالي اشربي سريع عشان م تتاخري ! شربت الشاي قالي البسكويت قلت ليو م نفسي ، خلصت الشاي وطلعنا المدرسة ، وصلت المدرسة لاقيت تبيان قالت لي ياخي اخيرا الفقريات ديل م حيجو والمدرسة حتروق قلت ليها اي فعلا ح ارتاح من مشاكلهم ! نهايه اليوم قلت لي تبيان عايزاك ف موضوع ! قالت لي احكي ، قلت ليها عزيز ود خالي اتقدم لي ! وكلمني خالي وم عارفه قالت لي انتي هبلة دايرة تسيبي معتز عشان عزيز قلت ليها عزو دا اخوي وم اظن يفكر فيني غير كده ، قالت لي بغض النظر انتي لسه صغيرة ي سحر م تفكري ف المواضيع دي ! وانا شايفه موضوع عزيز دا يتقفل سنه سنتين لي قدام لو زنو عليك عرسي ، بس هسي عرس شنو ليك اصلا معتز م حيرضى قلت ليها هو فعلا م راضي قالت لي يا بتي عزو دا الوحيد العايز مصلحتك بلا عزيز بلا خالك اوعي ! قلت ليها بس ح اقيدو لانو ماف زول حيخلينا نقعد مع بعض ! قالت لي هو بتصرف م تشغلي بالك ..
لمن طلعت لقيتو منتظرني ركبت من سكات ، قالي اوعى تكوني بتفكري توافقي ! قلت ليهو انا بفكر كيف م اجهجهك قالي عنيدة طول عمرك ، وصلنا البيت لقيتو مجهز شنط وكراتين قالي خشي جهزي حاجاتك قلت ليو حنمشي وين ؟ قالي ناس ابوي !
قلت ليو معتز طيب انا عندي فكرة قالي اللي هي ؟ زي م انت شايف بيتنا كبير ماشاءالله ليه سمر وراجلها م يجو يقعدو معانا قالي قلت ليهم الفكره دي بس راجلها رفض ! سكت ومشيت غرفتي وبديت اجهز ف حاجاتي ، معقول ح افارق بيتنا لي حته جديدة انا م بعرفها لي المسا كده كنت انتهيت ، جاني عزو فوق ! قالي خلصتي قلت ليو اي ، دموعي كانت عشرة عشرة فجاة ضماني عليه بس فضلت ابكي وابكي لو قلت ليكم نص ساعه اكون قصرت !
طلعنا الشنط ورفعناهم مع بعض ف العربية ، قلت ليو حتعمل شنو ف البيت؟ قالي م عارف لسة ! قلت ليو مافي مكان حيكون مريح اكتر من البيت دا قالي ان شاءالله حتجي راجعه ليهو يوم !
وصلنا بيت ابو معتز ، اسمه خالد ، استقبلنا هو ومرته وبته ووبت مرتو ، سلمنا عليهم وفضلونا لي جوة !
قالينا طبعا البيت كبير زي م شايفين وبشيلكم براحه ! معتز قاليه بالنسبة لي اهم حاجه سحر تقدر تاخد راحتها ردت ليه اختو قالت ليه اكيد حتاخد راحتها ، قالت لي انا مياس وانتي ؟ قلت ليها سحر قالت لي دي نور بت امي مدت لي يدها ، بعد شوية استاذنو يسوقوني معاهم ، مشيت معاهم الغرفه ، مياس قالت لي بالجد شكرا انكم جيتو تقعدو معانا من زمان نفسي معتز يجي يقعد معانا عشان احس باحساس الاخو الكبير دا ، نور قالت لينا والله الولد طلع مز شديد قلت ليها اي سمح شديد ماشاءالله قالت لي اها ي سحر بتقري ف كم ووين ؟ قلت ليها بقرا ف اولى ثانوي ف مدرسة (..) نور قالت ليك اييييك دي بعيده عليك من هنا قلت ليها اي .. للامانه ونسوني لحدي زمن متاخر ..
تاني يوم الصباح لبست اتجهزت ومشيت الصالة لقيت عزو منتظرني ، جات وراي نور سلمت على عزو وقالت ماشة الجامعه مستعجلة قاليها لو بتصبري شوية بنسوقك معانا قالت ليهو طيب ، سالني قالي شربتي الشاي ! ردت ليو هي قالت ليهو نحنا م بنشرب شاي هنا قاليها ايوا قالي خلاص ارح مشينا على مسافة قريبة كده لقى ست شاي ، سال نور تاخد شنو؟ قالت ليهو ولاشي جاب لي وليهو شاي بلبن شربنا حتى اتحركنا وصلنا نور جامعتها كانت ف امدرمان زاتا حتى وداني مدرستي ف الخرطوم ، قلت ليو انت مش قلت حتحول لي؟ قالي لقيت انو مافي داعي اصلا شغلي ف الخرطوم بسوقك وبرجعك معاي ، نزلت المدرسة قعدت خلصت حصصي ، تبيان قالت لي علقو جدول الامتحانات الشهرية قلت ليها م جاده قالت لي امشي شوفيهو مشيت شوفتو وكتبتو ، انتظرت شوية وطلعت لقيت عزو واقف ركبت ومشينا
بقلم امل الشيخ
كلام خالي بالنسبة لي كان صدمة عمر واللحظة الفاتحني فيها م كانت اللحظة المناسبة ، قلت ليهو بس انا لسة صغيرة ، قالي انتي م حتقدري على الشلهته مع عزو وم حينفع تقعدي معاه كده ، انتو بتقولو عزو اخوكم بس الحقيقة غير ، قلت ليو طيب انت كلمت عزو؟ قالي عزو م حيكون عندو مانع بل بالعكس حيكون سعيد انو قدر يطمن عليكم !
قلت ليو كدي خلاص انا بتشاور معاهو وبكلممك قالي تمام وطلع ،
الليلة ديك اول مرة تمر علي تكون بالصعوبية دي ! غلبني فيها التفكير ، عزو لمن يكون براهو حيقدر يتصرف بس لو انا بقيت معاه حركتو ح تتقيد ، بس كمان عزيز ود خالي عمري ما حسيت اني مايلة ليهو ،كنت بحس انو حقار وصعب وبعمل الفي هواه هو وبس من غير يراعي لاي زول .
الصباح بدري جهزت للمدرسة ونزلت كنت ساكته على غير عادتي قالي مالك قلت ليو خالي كلمك قالي بشنو قلت ليو عزيز قالي دا حيوان ساي انتي متين بقيتي للعرس قلت ليو بس كلامه صح انا ح اجهجهك قالي انا شكيت ليك ؟ انا عايز اتجهجه ! قلت ليو لو ابوك م رضى اني اقعد معاك قالي حيرضى ولاعلى كيفه ! سكت خت لي الشاي قدامي قالي اشربي سريع عشان م تتاخري ! شربت الشاي قالي البسكويت قلت ليو م نفسي ، خلصت الشاي وطلعنا المدرسة ، وصلت المدرسة لاقيت تبيان قالت لي ياخي اخيرا الفقريات ديل م حيجو والمدرسة حتروق قلت ليها اي فعلا ح ارتاح من مشاكلهم ! نهايه اليوم قلت لي تبيان عايزاك ف موضوع ! قالت لي احكي ، قلت ليها عزيز ود خالي اتقدم لي ! وكلمني خالي وم عارفه قالت لي انتي هبلة دايرة تسيبي معتز عشان عزيز قلت ليها عزو دا اخوي وم اظن يفكر فيني غير كده ، قالت لي بغض النظر انتي لسه صغيرة ي سحر م تفكري ف المواضيع دي ! وانا شايفه موضوع عزيز دا يتقفل سنه سنتين لي قدام لو زنو عليك عرسي ، بس هسي عرس شنو ليك اصلا معتز م حيرضى قلت ليها هو فعلا م راضي قالت لي يا بتي عزو دا الوحيد العايز مصلحتك بلا عزيز بلا خالك اوعي ! قلت ليها بس ح اقيدو لانو ماف زول حيخلينا نقعد مع بعض ! قالت لي هو بتصرف م تشغلي بالك ..
لمن طلعت لقيتو منتظرني ركبت من سكات ، قالي اوعى تكوني بتفكري توافقي ! قلت ليهو انا بفكر كيف م اجهجهك قالي عنيدة طول عمرك ، وصلنا البيت لقيتو مجهز شنط وكراتين قالي خشي جهزي حاجاتك قلت ليو حنمشي وين ؟ قالي ناس ابوي !
قلت ليو معتز طيب انا عندي فكرة قالي اللي هي ؟ زي م انت شايف بيتنا كبير ماشاءالله ليه سمر وراجلها م يجو يقعدو معانا قالي قلت ليهم الفكره دي بس راجلها رفض ! سكت ومشيت غرفتي وبديت اجهز ف حاجاتي ، معقول ح افارق بيتنا لي حته جديدة انا م بعرفها لي المسا كده كنت انتهيت ، جاني عزو فوق ! قالي خلصتي قلت ليو اي ، دموعي كانت عشرة عشرة فجاة ضماني عليه بس فضلت ابكي وابكي لو قلت ليكم نص ساعه اكون قصرت !
طلعنا الشنط ورفعناهم مع بعض ف العربية ، قلت ليو حتعمل شنو ف البيت؟ قالي م عارف لسة ! قلت ليو مافي مكان حيكون مريح اكتر من البيت دا قالي ان شاءالله حتجي راجعه ليهو يوم !
وصلنا بيت ابو معتز ، اسمه خالد ، استقبلنا هو ومرته وبته ووبت مرتو ، سلمنا عليهم وفضلونا لي جوة !
قالينا طبعا البيت كبير زي م شايفين وبشيلكم براحه ! معتز قاليه بالنسبة لي اهم حاجه سحر تقدر تاخد راحتها ردت ليه اختو قالت ليه اكيد حتاخد راحتها ، قالت لي انا مياس وانتي ؟ قلت ليها سحر قالت لي دي نور بت امي مدت لي يدها ، بعد شوية استاذنو يسوقوني معاهم ، مشيت معاهم الغرفه ، مياس قالت لي بالجد شكرا انكم جيتو تقعدو معانا من زمان نفسي معتز يجي يقعد معانا عشان احس باحساس الاخو الكبير دا ، نور قالت لينا والله الولد طلع مز شديد قلت ليها اي سمح شديد ماشاءالله قالت لي اها ي سحر بتقري ف كم ووين ؟ قلت ليها بقرا ف اولى ثانوي ف مدرسة (..) نور قالت ليك اييييك دي بعيده عليك من هنا قلت ليها اي .. للامانه ونسوني لحدي زمن متاخر ..
تاني يوم الصباح لبست اتجهزت ومشيت الصالة لقيت عزو منتظرني ، جات وراي نور سلمت على عزو وقالت ماشة الجامعه مستعجلة قاليها لو بتصبري شوية بنسوقك معانا قالت ليهو طيب ، سالني قالي شربتي الشاي ! ردت ليو هي قالت ليهو نحنا م بنشرب شاي هنا قاليها ايوا قالي خلاص ارح مشينا على مسافة قريبة كده لقى ست شاي ، سال نور تاخد شنو؟ قالت ليهو ولاشي جاب لي وليهو شاي بلبن شربنا حتى اتحركنا وصلنا نور جامعتها كانت ف امدرمان زاتا حتى وداني مدرستي ف الخرطوم ، قلت ليو انت مش قلت حتحول لي؟ قالي لقيت انو مافي داعي اصلا شغلي ف الخرطوم بسوقك وبرجعك معاي ، نزلت المدرسة قعدت خلصت حصصي ، تبيان قالت لي علقو جدول الامتحانات الشهرية قلت ليها م جاده قالت لي امشي شوفيهو مشيت شوفتو وكتبتو ، انتظرت شوية وطلعت لقيت عزو واقف ركبت ومشينا