يفز الليل لامرّيت به ساري
يسايرك القمر ويخف من ضيه .

‏حظوظنا كنّها على زند وزناد
‏بنادقٍ ترمى وتخطي هدفها .

هبوب الذاكرة سَاقت مخايِيل التوجّد سوق
ونشت فوق الأطلال القديمه داخل أعماقي .

عسى رفيقي راعي الطيب والصيت
يبقى على طول الدهر صاحبٍ لي

‏المحبة من الله ماهي بكثر السنين.

‏يا شذى روح المولع يا دوا الكبد النضيج
‏يا ابتسّامه وجهي اللي من زمان موادعه .

غزالٍ تقود الغيد ماهيب تنقادي

‏ محمد السكران يوصف شعوره بطريقته الخاصه
‏ ماجاب لي علم؟ ماسولف لكم عنّي؟
‏ما شفتو الحزن في وجهه وناصيته؟

ثم يعلمنا الكبرياء يوم قال:

‏" لا يدري إنّي نشدت وجبت له طاري
‏ولا يدري إني ذكرت اسمه وخصّيته ".

لازعلنا الوقت نبي رضَاوة مثل مَدغم لما قال :
‏ اذا ماجازت لك الدنيا عادي ندور لك غيرهّا.

____

‏العز للنفس واجب والحيا سنّه
‏و انا يديني من الثنتين مليانه

‏ورزقي على اللي ليّا اعطى شي مامنه
‏والا يدين العرب تعطي ومنانه

‏وان شحوا الناس ربك يعطي الجنه
‏مايغني الا كريم الوجه سبحانـه .

‏ندري ان اللي حصل مكتوب والمكتوب جاري
‏من ظروف الوقت مامعنا ولامعكم حصانه

‏كل من يجري على الاقدام يجري له جواري
‏ماسلم حتى الفطين اللي معه عرف وذهانه

‏من ضحك لابد له من ساعه يهل العباري
‏ومن بكا لابد له من ساعةٍ تضحك ثمانه .

‏خدودها فيها حمار وضوح نور
‏خذت من ألوان النهار أواخره

‏اعطيتها قلبي ولاحقني قصور
‏لو فوق قلبي شيّ ماني ذاخره

‏من ابسط حقوق الجميلات الغرور
‏ما لومها يوم انها متفاخره

‏حاجب ونظره فاتنه وعيون حور
‏وضحكه وثغر وجيد الى آخره .

‏عقب الهنوف وزينها اللي ما وراه
‏ماعاد لي في الغيد عين ألدها

‏وين الوجيه اللي تشد الانتباه
‏عن عينها عن ثغرها عن خدها

‏ماتذرف الدمعه على ضيم الحياه
‏غروٍ توكّلها الحياه بـ يدها

‏متوارث ابوها من ابوه الوصاه
‏إن لحدٍ يزعّل حبيبة جدها .

‏وقدني الى مريت بالشارع العام
‏لديت من ما في الضمير ودعيتك
‏‌⠀⠀⠀⠀
‏ادري ان صوتي ماقطع عشرة اقدام
‏وادري بي اعود الى من نصيتك
‏‌⠀⠀⠀⠀
‏ياشينها يامحنيٍ راس الابهام
‏ماقدر على شوفك وانا عند بيتك .