​🤯 INGLIZCHA GAPIRA OLMAYAPMAN NIMA QILAY?

🤦‍♂️ Juda ko’p ingliz tili o’rganuvchilar duch keladigan asosiy muammolardan biri bu ingliz tilida dadil gapira olmaslik. Aytaylik, ingliz tilini ancha vaqtdan buyon o’rganasiz, turli xil til kurslariga qatnagansiz, har kuni turli xil mavzuda inglizcha audiolar eshitasiz lekin hali ham ingliz tilida dadil gapira olmaysiz.

🗣 Ushbu maqolada qanday qilib speaking (gapirish)ni o’stirish haqida suhbatlashamiz. Deylik, siz ingliz tilini 3-yildan beri o’rganasizu lekin, ingliz tili ona til bo’lgan 3 yoshli bola sizdan yaxshiroq gapiradi. Chunki u kundalik hayotida faqat shu tildan foydalanadi. Ko’p gapiradi va ko’p eshitadi. Siz ham bir kunda soatlab ingliz tilida maqolalar o’qishingiz, audiolar eshitishingiz yoki yangi so’zlar yodlashingiz mumkin lekin qancha vaqtingizni speaking uchun sarflaysiz? Deyarli hechqancha! Shunday qilib, speakingni o’stirish uchun nimalar qilmoq kerak?

👥🇬🇧 1.Do’stlaringiz bilan faqat ingliz tilida so’zlashing.

Birga til o’rganadigan yoki ingliz tilini biladigan do’stlaringiz bo’lsa ular bilan bilan faqat ingliz tilida so’zlashing. Bu ikkingiz uchun ham foydali. Agar juda biror gapni tushuntirish qiyin bo’lsa o’zbekchada yozib berishingiz mumkin lekin so’zlashganda faqat ingliz tilidan foydalaning. O’zbek tili ishlatilganda qandaydir jarima joriy qilish ham mumkin. Muhimi biroz irodali bo’lsangiz natijasi tez ko’zga tashlanadi.

👨‍👩‍👧‍👦 2.So’zlashuv klublariga a’zo bo’ling

Hozirda deyarli har bir o’quv markazlarida tilga oid turli klublar tashkil qilingan. Siz u yerda klub a’zolari bilan turli mavzularda suhbat qurishingiz, bahs-munozaralarda ishtirok etishingiz, biror mavzu yuzasidan fikrlar bildirishingiz mumkin. Odatda bunday klublar bepul yoki juda ham arzon bo’ladi. Bu siz uchun yaxshi imkoniyat! U yerda ham ko’proq faol bo’lishga harakat qiling. Qiynalsangiz ham biror mavzuda o’z nuqtai nazaringizni bildirishga urining.

📲 3.Telegram orqali ingliz tilida so’zlashadigan suhbatdosh toping

Bu usul ham juda samarali. Bu orqali siz turli millat vakillaridan do’stlar orttirishingiz, ma’lumotlar almashishingiz va dunyo qarashingizni o’stirishingiz mumkin. Telegramda hozirda har xil inglizcha guruhlar mavjud. Aytgancha ENGLISH FOCUSning onlayn kurs o'quvchilari uchun ham yopiq onlayn guruh tashkil qilingan. U yerda sizni onlayn o'qituvchi nazorat qiladi.

🤳 4.Ko’zguga qarab so’zlang

Agar sizning ingliz tilini biladigan do’stlaringiz bo’lmasa yoki internetdan unchalik ko’p foydalana olmasangiz unda yana bir samarali usul ko’zguga qarab biror bir mavzuda gapirib og’zaki nutqingizni o’stirishingiz mumkin. Bu usul nafaqat og’zaki nutqingiz balki o’zingizga bo’lgan ishonchni, omma oldida dadil so’zlay olish va suhbatdoshni ko’ziga qarab gapira olish qobiliyatlarini ham o’stiradi. Buning uchun, har kuni kamida o’n daqiqa davomida biror bir mavzuda gaoirishga harakat qiling. O’sha kungi qiziqarli voqealarni so’zlashingiz, biror yoqtirgan mashg’ulotiz haqida yoki kelgusi rejalaringiz umuman hamma hamma narsa haqida so’zlashingiz mumkin.
Agar yana ham ko’proq shug’ullanmoqchi bo’lsangiz, tasavvur qiling shahringizga chet eldan turist kelgan. Siz unga hamrohlik qilyapsiz. Unga shahringiz haqida so’zlab bering. Nimalarni ko’rsangiz ularni ta’riflab berishga harakat qiling. Ushbu maslahatlarga amal qilsangiz, ingliz tilida gapirish ko’nikmangiz o’sadi. Va buning natijasini bilish uchun uzoq kutish shart emas.

☄ @learnenglish_uz

So'zlashuv uchun: Lug'at
⚡️ Kunlik muloqot so'zlari

🎯 May I ask you a question? – Savol bersam maylimi?

🎯 Say it again, please – Iltimos, qaytarvoring

🎯 That's where the trouble lies – Mana gap nimada

🎯 What do you mean by saying it? – Bu bilan nima demoqchisiz?

🎯 What is the matter? – Nima bo’ldi?

🎯 Where were we? – Qayerda to’xtagandik?

🎯 You were saying? – Biror narsa dedingizmi?

🎯 Please, call for help! - Iltimos yordamga chaqiring!

🎯 Call the police! - Politsiyani chaqiring!

🎯 Call for a doctor! - Doktorni chaqiring!

☄ @learnenglish_uz

❓Savol so'zlar/ Question words (1-qism)

🔷 Kim? - Who?
(Who are you? Sen kimsan)

🔷 Nima? - What?
(What this guy is doing now? Bu kimsa hozir nima qilyapti?)

🔷 Kimniki bu?  - Whose is it?

🔷 U nima? - What is it?

🔷 Qayerda? - Where?
(Where is your money? Puling qayerda)

🔷 Qanday qilib? - How?
(How do you work? Qanday qilib ishlaysan)

🔷 Qancha? Nechta? - How much? How many?
(How many members we have? Qancha a'zolar bor bizda?)

🔷 Qachon? - When?
(When will you graduate your university?)

🔷 Nima uchun? - Why?
(Why do you love her? Nima uchun uni sevasan?)

🔷 Qaysi? - Which?
(Which one do you choose? Qaysi birini tanlaysan?)

🔷 Qancha uzoqlikda? - How far?
(How far is your house? Sening uying qancha uzoqlikda?)

🔷 Qancha muddat? - How long?
(How long have you been learning english? Qancha muddatdan beri ingliz tilini o'rganyapsan?)

☄ @learnenglish_uz

​​​🤷‍♂ GRAMMATIKA MENDA MUAMMO NIMA QILAY?
(...davomi)

Azizlar! Bugun sizlarga yuqoridagi postni davomini ulashishga qaror qildik. Foydali ma'lumotlarni ulashishda davom etamiz.

👥 5. Do’stingiz bilan birga o’rganing.

Yolg’iz o’rganishga nisbatan kim bilandir raqobatlashib, yoki fikrni o’rtoqlashga yolda o’rganish ancha samaralidir. Imkon qadar ingliz tili grammatikasini o’rganayotgan do’stingiz bilan ko’proq aloqada bo’lib turing. U bilan grammatik mavzu yuzasidan tez-tez savol-javoblar o’tkazib turing. Agar ingliz tili grammatikasini birga o’rganish uchun yaqin tanishingiz yoki do’stingiz bo’lmasa, bunday sherikni mahalliy til markazlarida o’qiyotgan tengdoshlaringiz, Siz o’qiyotgan ilm dargohidagi talabalar, eng qiyin hollarda esa internet orqali ingliz tilini o’rganish saytlari foydlanuvchilari, masalan odnoklassniki saytidagi ingliz tilini o’rganish guruhlari a’zolari orasidan tilni birga o’rganish uchun sherik topishingiz mumkin. Izlangan har doim imkon topadi!

👌 6. Xato qilishdan qo’rqmang!

Grammatikani o’rganish doimiy xatolar qilib, ularni tuzatish orqali tushuncha olishdan iborat ekanligini bilasizmi? Agar bilmasangiz, grammatikani o’rganish davrida u yoki bu mavzu yuzasidan mashq bajarganda xatolarga yo’l qo’yishingiz natijasida o’zingizni yomon his qilishingiz, o’rganishga bo’lgan shijoatingiz tushib ketishi va natijada ko’proq kuchingizni o’rganishga emas, xatolaringizdan hafa bo’lishga sarflab qo’yishingiz mumkin. Xatolar qilish orqali o’rganish qiziq, foydali va esda qolarli ekanligini bilganingizda esa yuqoridagi yomon hissiyotlar Sizni hech qachon to’xtatib qola olmaydi! Hech qachon ingliz tili grammatikasini o’rganishda xato qilishdan qo’rqmang. Xato bo’lishi mumkin bo’lsa ham mavzuga oid fikringizni aytishga harakat qiling.

🔂 7. O’rganganlaringizni tez-tez takrorlab turing.

Bir marta o’rgangan grammatik qoidangizni bir haftada bir marta 3 soat vaqt sarflab takrorlashga nisbatan har kuni 3 minutdan vaqt sarflab takrorlab turishingiz yaxshiroq samara beradi. Takrorlash jarayonini qanchalik uzoq vaqt davom etishiga emas, balki takrorlashingizning qanchalik tez-tez amalga oshirilib turishiga asosiy e’tiboringizni qarating! O’rgangan bilimingizni takrorlamay qo’ysangiz tez fursat ichida bu bilimingizdan ajralib qolishingiz mumkinligini unutmang! Faqat takrorlab tursangizgina bilimingiz mustahkamlanadi. Sizda mavjud bilimlarni takrorlab turishni ingliz tili grammatikasida oid mashqlar to’plamidagi grammatik mashqlarni bajarish, grammatika qoidalarni o’qish yoki do’stingiz bilan grammatikaga oid savol-javoblar o’tkazib turish orqali amalga oshirishingiz mumkin.

👩‍🏫 8. O’rgatish orqali o’rganing.

Balki siz hali ingliz tili grammatikasini to’liq o’zlashtirmagandirsiz, ammo undagi eng kichik, sodda tushunchalarni yaxshi yodlab olgan bo’lishingiz mumkin. Bu holda ingliz tilini o’rganishga qiziqayotgan Sizdan kichik ukangiz, tanishingiz yoki butunlab begona biror kishiga Siz yaxshi bilgan grammatik qoidani yaxshilab tushuntirib berishingiz, boshqa kishiga o’rgatishingiz o’zingizning o’rganishingizda juda katta ahamiyatga ega. Kimgadir biror narsani o’rgatish uchun mazkur bilimni qayta-qayta takrorlash, izlanish va yaxshiroq tushuntirishning osonroq yo’llarini izlashga to’g’ri keladi. Bu esa o’z-o’zidan mavzuni takrolashingiz hamda mustahkam o’rganishingizni anglatadi. Kimgadir ingliz tilini o’rgatish uchun katta o’qituvchi bo’lishingiz, ingliz tilini professional darajada bilishingiz umuman shart emas. Sizda bor bilimlarni bugundan boshlab yana kimgadir o’rgatishga kirishing!

Ingliz tilini o’rganishga doir yuqoridagi tavsiyalar o’rganishning minglab usullaridan ba’zilari xolos. Bulardan tashqari ingliz tilini oson o’rganishning juda ko’p usullari mavjud. Ularni topish Sizdan izlanish, sabr va harakat talab etadi.

Ingliz tilini o’rganish juda oson. Siz o’ylaganingizdan ham osonroq! Sizga aytishganidan ham osonroq! Muhimi bunga Siz ishoning. Siz ingliz tilini to’liq o’rganishni uddalaysiz.

☄ @learnenglish_uz

​📚INGLIZ TILINI MUSTAQIL O'RGANISH MUMKIN BO'LGAN KITOBLAR KETMA KETLIGI

📒1. Round Up
Bu kitobni barcha darajadagi o'quvchilar uchun nusxalari mavjud. Har bir darajada mavzular oson qilib tushuntirilgan. Hattoki ushbu kitobni jajji bolakaylar ham chuna oladilar. Round Upda ingliz tili grammatikasi, yangi so'zlar, listening, reading, writing va hattoki speaking uchun ham alohida mashqlar mavjud.

📘2. Raymond Murphy
Ushbu kitob asosan grammatikani tez va oson o'zlashtirish uchun qo'l keladi. Kitob o'rtacha 120-125 unitlardan iborat. Boshlang'ich va o'rtadan yuqori o'quvchilar uchun mo'ljallangan ikki nusxasi mavjud. Hozirgi kunda ko'pgina abiturinetlar, talabar va mustaqil o'rganuvchilar ushbu kitobdan foydalanishadi.

📙3.Destination
Agar sizda yangi so'zlarni va gaplarni to'g'ri ishlatishda muammo bo'lsa sizga ushbu kitob ayni muddao. Ushbu kitobning darajadagi (A1,A2,B1,B2,C1,C2) til o'rganuvchilar uchun maxsus nusxalari mavjud. Grammatika va so'z boyligini rivojlantirish uchun qo'l keladigan kitobdir.

📓4.Headway
Bu kitobni bilmaydiganlar bo'lmasa kerak. Sababi ushbu kitobda bemalol ingliz tilini noldan boshlab to oxirgi darajagacha o'rganish mumkin. Ingliz tilini grammatikasi va har bir qobiliyatlari alohida moslashtirilgan. Lekin bu kitobni siz o'qituvchingiz bilan birga shug'ullansangiz maqsadga muvofiq bo'ladi.

📖5.Betty Azar
Agar siz grammatikangiz uchun qiyinroq mashqlarni izlayotgan bo'lsangiz, ushbu kitob sizga qo'l keladi. Chunki bu kitobda grammatikani rivojlantirish mumkin bo'lgan mashqlar ketma ketligi va grammatik mavzular mavjud.

☄ @learnenglish_uz

​​​🔥 TIL O‘RGANISHGA BO‘LGAN MOTIVATSIYANI UYG‘OTISH UCHUN 3 QADAM

Qachonki siz tilni nega o‘rganayotganingizni sababini aniq bilsangiz, siz o‘zingizni ruhlangandek his qilasiz, motivatsiyani saqlab qolasiz va bu sizga ingliz tilini o‘rganishdagi mashaqqatni yengishga turtki bo‘la oladi. Lekin qanday qilib doimiy motivatsiyani saqlab qolsa bo‘ladi? Quyida 3ta qadamda sizlarga batafsil tushuntiramiz, postni ohirigacha o‘qing.

☝️ 1-qadam. Qiziqarli materialni izlash
O‘zingiz uchun ma'noli bo‘lgan materiallarni tanlang! Ba'zi kitoblar sizni asabingizni buzadigan darajada zerikarli bo‘lishi mumkin. Ular asosan grammatika va til qoidalariga diqqatni jamlaydi. O‘zingiz uchun qiziqarli yoki qiziqishingizni doimiy ushlab turadigan mavzularni izlang! Bu sizni darslardan zerikmasligingizni oldini oladi.
Eng muhimi o‘zingizning amaliyotingizga qulay bo‘lgan qo‘llanmalardan foydalaning, lekin baribr ulardan foydalanish mashaqqatli bo‘ladi. Osonidan boshlang va harakatda davom eting! Darsliklar unchalik sizni ruhlantiruvchi bo‘lmagani sababli ham, ular sizda doimiy qiziqishni uyg‘otmasligi mumkin.

🕵‍♂ 2-qadam. Odatlaringizni to‘g‘irlash.
Aniq maqsad qo‘ying! Chunki maqsad qo‘yish sizni ruhlantiruvchi asosiy vosita bo‘la oladi. O‘z maqsadingizga yetkazuvchi parametrlar va cheklovlarni o‘rnating. Hech bo‘lmaganda bir oylik kichik maqsad qo‘ying, misol uchun: 30kunda 50ta matn va 500ta so‘z yodlash. Mana shu kabi maqsadni amalga oshiring va keyingi oylik maqsad qo‘ying. Bu kichik qadamlar sizni manzil tomon yetaklaydi. Bora bora bu bir oylik harakat odatga aylanadi va avtomat tarzda natijadan ruhlanib, harakatda davom etasiz.

🧠 3-qadam. Bir qobiliyatingizni ikkinchisini rivojlantirish uchun ishlating!
Misol uchun siz inglizcha audiolar va kinolarni ko‘rishni yaxshi ko‘rasiz, ya'ni sizda listening (eshitish) yaxshi rivojlangan. Mana shu eshitish orqali tezroq sizga yangi bo‘lgan so‘zlarni kinolar va audiolar ko‘rish jarayonida yodlang. Shunda siz ikki taraflama yutasiz birinchidan eshitib tushunish sizga yangi lug‘at boyligini beradi, ikkinchidan esa talafuzingiz va ravon gapirishingizni rivojlantirishga imkon yaratadi. Nimani kutyabsiz? Darhol harakatni boshlang!

☄ @learnenglish_uz