*نرفع عزيه*

● لطميه جديدة للامام الحسن المجتبى عليه السلام

● طور : عذابي ياشهر منك عذابي

.
.
.

*بحزن هالليله نقصدها الزجيه*
*ابونين وللحسن نرفع عزيه*
*نهل دمعه .. عليه ننعه*
*بدمع جاري*
_________

على ابن الطاهره البضعه دمعنا انسيل
مصابه ايفطر احبابه ويهد الحيل
عزانا نرفعه لاجله بلطم واعويل
يموطن للصبر اعلن وجوده ارحيل

*نعزي هالشرع ننعى اصوله*
*يكوكب فاطمه الأعلن افوله*
*صعب جرحه .. من انشرحه*
*بدمع جاري*

_________

يباب وللكرم مثلك ابد ماصار
برحيلك هالفلك ناح وعليك اندار
يشمعة فاطمه بصبرك دليلي احتار
وعليك الليله أهلنه الدمع مدرار

*يسيد للشباب وكل املنه*
*مصابك زيّد لاجلك ألمنه*
*تجي احبابك .. على بابك*
*بدمع جاري*
_________

مصابك جَرّح حسين وهدم له الحيل
وعقيلة حيدره اتنوح ودمعها تسيل
يبو محمد عن احبابك نويت اتشيل
جرعت السم يبعد اختك غديت انحيل

*عساني ماشفت جرحك عساني*
*يضنوة والدي وشمعة زماني*
*ومن شفتك .. يبعد اختك*
بدمع جاري*
_________

ابطشت تقذف جبدتك وانظر ابعيني
واجرن يبن ابويه صوتي وونيني
احسن بالالم يملاني يكسيني
يضنوة والدي راحل عن اسنيني

*ياريحة والدي وعطر الزچيه*
*مصابك زود اهمومي عليه*
*اشوفنك .. و وادعنك*
*بدمع جاري*
_________

بعد سم الجبد ويلي انخطف لونه
شيطلبونه النعش ويلي ويضربونه
ابْسِهَام وقلب ابو الزهرا يشعبونه
يجرحك يالحسن خويه شيوصفونه

*اروحن للرسول واشتكيله*
*عزيزك يالنبي لَوْعَوا دليله*
*قضى وعده .. ونظل بعده*
*بدمع جاري*
_________

تمت بحمد الله
بقلم :بنت الشمري
الكويت
.
.
🔊 *طور القصيده* :

https://youtu.be/WTl1jfsNEqs

.
.
.القنوات الرسميه
ليالي الانين الاولى

‏https://www.tg-me.com/laeileealaneen

ليالي الانين الثانيه
‏https://www.tg-me.com/laeileialanin2

مكتبة بنت الشمري

‏https://www.tg-me.com/+INNbAljAHK42MTI8

🏴مايشيلون🏴

لطميه لفراق الاحباب
واحوال الهاشميات في فقد الامام الحسن عليه السلام




كون كل اللي نحبهم مايشيلون
ريت ويّانه العمر كله يظلون
كون مانفگد حنين
اويانه ايعيش السنين
مايشيلون مايشيلون
——————-
ياوداع الغالي كسره وغربه للروح
والله بفراكه يفرفر گلبي مذبوح
ماتطيب ولا اتشافه كل الجروح
وين عن لوعة حنينه وشوگه انروح
انگضّي العمر بونين
اويانه ايعيش السنين
مايشيلون مايشيلون
—————
آه يالوعة وداعه جنها جمرات
تجوي دلاّل اليفارگ كلها شوغات
لا يظل حيل وحياته تگضي لوعات
حاير وروحه اتّنَفس والله ونات
الله بفراگه اليعين
اويانه ايعيش السنين
مايشيلون مايشيلون
—————-
اشلون لو هاج الحنين وبينه دوّه
والله هاي الروح والحال ايتلوه
وين راح الغالي عنه ووين نوّه
ماتهيد ارواحنه ابنار اتجوّه
كلشي ايون وحزين
اويانه ايعيش السنين
مايشلون مايشيلون
—————
والله احنان وعلينه ومايهونون
يا زماني اويّه الغوالي بالله بالهون
اشلون طماهم تراب وعنه يرحون
وبينه ظل حسره لگاهم ما يرجعون
جرح مايهدا ويلين
اويانه ايعيش السنين
مايشيلون مايشيلون
————
آه يا ذكرى الأحبه اتهدّم الحيل
يشتعل جمر الدليل ويدوي بالليل
لاسنه وننطر يجونه وينتهي الويل
حفنة اسنين الفراگ وعمره اطويل
فطروا بينه الوتين
اويانه ايعيش وحزين
ما يشيلون مايشيلون
————-
تمت بحمد الله تعالى
بقلم :#بنت_الشمري

🏴شال اخوها🏴

فزاعيه لاستشهاد الامام الحسن عليه السلام


الهاشميه الليله ونت
شال اخوها

شال هالليله ضمدها
سور هالبيت وعمدها
شال ويّا كل سعدها
ياجبير البيت يا ريحة ابوها
————-
شال مدلول الزجيه
ابو محمد يالشفيه
شال بسموم المنيه
ويلي مسموم وجَبِدْته فطروها
————-
شافت يلوج الحزينه
فطّر المهجه بونينه
شافته سبّل ايدينه
اشلون لوعه وابوليها لوعوها
————-
ياجبير اخواني صاحت
دارنه بالحزن ناحت
فرگته ابعيوني لاحت
راح ياويلي جبير الدللوها
————-
اعليها ليله اشلون ليله
والگلب ودع خليله
راح وامفطَّر دليله
ومهجته ومهمجتها والله عذبوها
————
تمت بحمد الله تعالى
بقلم :#بنت_الشمري

▪️مظلمة اشلون▪️

في مصاب الامام الحسن عليه السلام

.


تعمي العيون يدارك تعمي العيون
مظلمهِ اشلون بدونك مظلمه اشلون

مـرمرتـني وعذبـتني
والله يالغالي عِمَتني

تعمي العيون يدارك تعمي العيون
————
خويه ريضلي يبو الروح الحنينه
تدري بفراگك جَمِرْته تدوي بينه
أبد ماتطفى ولا هينه علينه
لكن اسهام المنيه مو بدينه

شايل العود أخونه شايل العود(٢)

والله عذبني زماني
ابسهم فرگاگم رماني

تعمي العيون يدارك تعمي العيون
———-
تشلع افادي إذا أنظر عليها
اشلون من بعدك أطبْ وأجي ليها
ظلمه من دونك واحس النوح بيها
تنادي ليتام ومتى خويه تجيها

من ينشدون شگلهم من ينشدون(٢)

خويه عنك ينشدوني
صاحوا وبجوا عيوني

تعمي العيون يدارك تعمي العيون
————-
جنت بالباب امن اسَيّر خويه تنطر
خطوه خطوه وعينك لزينبك تنظر
اشبيك انشدك ليش عينك ليّه تفتر
تقول يا زينب أخاف الخطوه تعثر

آيا لِحْنين يغالي آيالحنين(٢)

روحي ممروده يغالي
عفت زينب ليش تالي

تعمي العيون يدارك تعمي العيون
———-
تقول شيلوا الطشت عني لاتشوفه
خاف گلب اختي ايتروع بيها خوفه
فدوه زينب لاسمك انت وكل حروفه
اشلون اشوف املوع وعينك ذروفه

بان الفراگ يا ويلي بان الفراگ (٢)

اشلون احملنّه غيابك
تروح عني اتسد بابك

تعمي العيون يدارك تعمي العيون
—————
والله وابشوغة منيه اعلينه عينك
نوبه ليّه تبجي نوبه على احسينك
توصي بالضامي بناتك وي بنينك
اهناك اريدك والله وانده خويه وينك

ابلايه وليان تراني ابلايه وليان (٢)

شوف عدوانك سبوني
خويه للشام وخذوني

تعمي العيون يدارك تعمي العيون

➖➖➖➖➖➖➖
بقــ✒️ــلم بنت الشمري


القنوات الرسميه
ليالي الانين الاولى

https://www.tg-me.com/laeileealaneen

ليالي الانين الثانيه
https://www.tg-me.com/laeileialanin2

مكتبة بنت الشمري

https://www.tg-me.com/+INNbAljAHK42MTI8

▪️شايل اخوج العود▪️
في استشهاد الامام الحسن عليه السلام

طور شال الشهيد احسين
الملا مسلم الوائلي

رابط الطور

https://youtu.be/5iwhLfU5Kgg?si=oYXHVUnnGXZR39ZH



ودعي الحسن هليوم نصبيها احزانه
شايل اخوج العود خالي المسا امچانه
———
شايل اخونه العود غمضهن اعيونه
اخر مسا هليوم وكلهم يودعونه
شبعي يا زينب شوف باجر يشيعونه
باجر حزينه الدار وتنعى ويّانه
——

باجر تفگده الدار وانت تفگدينه
بعد الحنين اشلون گولي تلاگينه
شايل ضوه هالدار ومظلمه اعلينه
بعده ابحزنها اتظل احبابه واخوانه
——
شال الحسن مسموم والسمّته اجعيده
ماخافت امن الله شنهو الذي اتريده
سبط النبي تدري واوصيه ووليده
تدري إمام الدين وواحد من اركانه
———
بحضن النبي اينام متعود ابصغره
ونوم القبر ويّاه ايريده كل دهره
وسفه يبعدونه عنّه وعن الحضره
صابوا النعش بسهام يا خيه اعدانه
———
شايل اخونه العود ومايرجع الغالي
نوره طفى امن البيت وحاله شده بالي
ليش الحسن بسهام يشيعونه يالوالي
ومنعوا يدفنونه يم النبي العدنان
———
#بنت_الشمري

القنوات الرسميه
ليالي الانين الاولى

https://www.tg-me.com/laeileealaneen

ليالي الانين الثانيه
https://www.tg-me.com/laeileialanin2

مكتبة بنت الشمري

https://www.tg-me.com/+INNbAljAHK42MTI8

جديد القصائد 👆🏻

🏴 عظم الله أجوركم بشهادة البحر الذي لا ينزف مستودع سر آل محمد عليهم السلام وحواري رسول الله صلى الله عليه وآله سلمان المحمدي عليه السلام 🏴

أرشيف قصائد استشهاد الامام الرضا عليه السلام

https://www.tg-me.com/laeileealaneen/6816

▪️ردت اليوم ▪️

في اربعين الامام الحسين عليه السلام ورجوع الرؤوس

طور :بروس اهل زينب يهوسون
الملا : حسام الكريزي

طور القصيده

https://youtu.be/RL1aCKks_7o?si=sAGnDqnXUpHAoTKN


ام عون ابروس اهلها ردت اليوم
ام عون ابروس اهلها ردت اليوم
ام عون ابروس اهلها ردت اليوم
ام عون ابروس اهلها ردت اليوم
——-
امن الشامات زينب ردت اردود
متغيره الوصوف القلب ممرود
ردت كربله والحيل مهدود
مشتاگه تريد اتشوف الحيود
(اتلگاها يحسين اختك اتلگاها)
ام عون بروس اهلها ردت اليوم
———-

ردت بالضعن وي روس اهاليها
من دار اليسر رد بيها حاديها
وصلت كربله وكل حيل مابيها
مهضومه وتريد اتشوف واليها
(دليني اگبور اخواني دليني )
ام عون ابروس اهلها ردت اليوم
———
گعدت عالقبر واتصيح يالغالي
شوف امصايبك وشخلت ابحالي
لا حيه ترى ولاميته يالوالي
من بعد المعزه اميسره تالي
(ابديوانه دخلني ايزيد ابديوانه)
ام عون بروس اهلها ردت اليوم
———
مدري نشتكيلك نار الفراگ
وتدري وشكثر دلّالي مشتاگ
لو عزي البعدكم خويه انباگ
زينب ماشفت داروها بأسواگ
يالغالي اگعد شوف اختك يالغالي
ام عون ابروس اهلها ردت اليوم
———
عاد انهض يخويه وانفض تراب
لو قبرك يغالي افتحلي بيه باب
يا جرح شوّفني بالجسد طاب
وسولفلي اعله حالك حال الاحباب
(حاجيني ياضي اعيوني حاجيني)
ام عون ابروس اهلها ردت اليوم
——-
وينك يبن ابويه يا هوا الروح
واعليك القلب كل وگته اينوح
بوجه اختك تشوفه ضيمها ايلوح
ردت بيها كل شي والله مجروح
(شيداويها اجروح اختك شيداويها )
ام عون ابروس اهلها ردت اليوم
————
✍️ #بنت_الشمري

القنوات الرسميه
ليالي الانين الاولى

https://www.tg-me.com/laeileealaneen

ليالي الانين الثانيه
https://www.tg-me.com/laeileialanin2

مكتبة بنت الشمري

https://www.tg-me.com/+INNbAljAHK42MTI8

هوسات لاربعينية الامام الحسين عليه السلام



*زوار وقصدنه احسين ويّه ام عون مشايه


*جينه الكربله وانريد لام عون انتلگاها


*زينب جايه امن الشام وهاي الروس وياها


*مشايه اعله درب ام عون لحسين ونواسيها


*منذور العمر لحسين كل العمر خِدامه


*خدام ونظل خدام إقبلنا يبو اسكينه
———
✍️ #بنت_الشمري

فزاعيه

في استشهاد الامام الرضا عليه السلام




معصومه على ابن امها
اتون وتنحب الليله
——
اتون الليله معصومه
اخيها روحه مالومه
مات الوالي بسمومه
ابغربه وانهدم حيله
(انعزيها بمصابه الليله )
——-
وحده غمض اعيونه
ابغربه ويلي تدرونه
شمسوي ويسمونه
ياهو دمعه ايسيله
(بالغربه غمضها اعيونه )
——-
ابغربه منهو يبراله
ومنهو اتحنن الحاله
اغريّب منهو بس شاله
وياهو اترابه ايهيله
( ابهيده دفانه ابهيده)
——
مثل احسين ما اظنه
كلها غربت عنه
ولا ونه شبه ونه
والله امصايبه اثقيله
( خياله تسحگ باعظامه)
——
عاقوه جثه متوذره
كل اعظامه متكسره
وكل احبابه ابكتره
ما صح واحد ايشيله
(بالهيمه اموذر خليته )
——
✍️ #بنت_الشمري

▪️مسموم الرضا ▪️

في مصاب أنيس النفوس الامام الرضا عليه السلام




مسموم الرضا وايدير بالعين
چا وين الهواشم عنه جا وين

مسموم الرضا بديار الاغراب
لايمه حنين ولا اكو احباب
من سمه دليله چن جمر شاب
ايلوج ومنفطر دلاله نصين
———-
ياويلي عليه وزاد الهموم
بديار الغريبه وحده مسموم
ينصبله عزيه اوليده هليوم
ومعصومه تون اعليه إلحنين
———
ضامي من رحل دلاله عطشان
متغيره الوصوف ووجهه الوان
من يمه گعد حضرله الاجفان
ومن وصى وصاته ابساعة البين
——-
لا شاف الحنينه ولا اجا اخوان
واغريّب نزل ويلي ابتربان
لامثل الذبيح ولا ابد كان
واغريب اللحد مو مثل الحسين
———
مو مثله توذر والله بسيوف
واخيول التدوسه واخته اتشوف
جثه عافته وابحر الطفوف
محرومه البجي ومحرومه إلونين
———
✍️ #بنت_الشمري