ليالي الأنين الأولى 8245

This media is not supported in your browser

1.8K views14:20

#جديد
في التوسل بمولاتنا باب الحوائج عزيزة الزهراء السيدة أم البنين عليها السلام
وزن : البحر الطويل
طور : أماه يا زهراء
.
.
کل حاجه تگضیها .. کل حاجه تگضیها

هاي أم البنين المــا .. عليها تصعب الحاجه
سَنَد للي يحبها دوم .. شَمِعْته هِيّه واسراجه
الگصدها كلشي تنطي له .. ويِلاگي كلشي يحتاجه
الحزين اتفرّج اهمومه .. المريض ايِلاگي اعلاجه

کل حاجه تگضیها .. کل حاجه تگضیها

تِضيگ الدنيا وأگصدها .. ومِنِ اهمومي أجي ليها
ملاذي هِيّــه وأسألــها .. وروحي اتســولف البيها
وعلى حسين أبچيِ وعباس .. حزنها اعليهم أدريها
وأگلها لخاطر احسينـــچ .. أمــوري بالله سهليـــها

کل حاجه تگضیها .. کل حاجه تگضیها

إلي حِلِّيـــها يم عباس .. خاطــر يمنتــه وعينه
وحگ اعيونه مولاتي .. تراها ضاگــت اعليـــنه
صعب أمري لَچــن أدري .. يباب الحاجه تگضینه
وجرح بِفّــادي مــن مُدّه .. أريـــدنــچ تِشوفيـــنه

کل حاجه تگضیها .. کل حاجه تگضیها

أمــوري وِگْفـت وحگـچ .. ابدليلي الكسره عالكسره
وصِرِت من دنيتي مخنوگ .. وأصب العبره عالعبره
أعالج بالصبـــر جرحــي .. وأگولن تِفْــرج ابنظـــره
دخیلچ نظــره هالليله .. عليّــه لخـــاطر الزهـــره

کل حاجه تگضیها .. کل حاجه تگضیها

عزيـزة فاطمــه إنتي .. وإنتي خيـــمة الخِــدّام
وإنتي قِبـــلة اجروحي .. ودوائي اليشفيِ الآلام
دخيلچ لا أظل محتار .. وإنتي البيــچ أشد احزام
نخيتــچ لا تِــخليــني .. وحگ اللي انسبت للشــام

کل حاجه تگضیها .. کل حاجه تگضیها
______
تمت ببركات مولاتي باب الحوائج أم البنين عليها السلام
#فاطمة_كريم
٢٠٢٤ م

مكتبة القصائد الشاملة :
https://www.tg-me.com/qasaidfk128

📚 مكتبة قصائد فاطمة كريم 📚

كل حرفٍ هو من مددهم ، من فيضهم ، من توفيقهم وخيرهم
وكل حرفٍ .. وقفاً لتعجيل الطالب بثأرهم
بكل الجرى بالعاشر وصار 💔
عجل إلهي لصاحب الثار
المكتبة
www.tg-me.com/qasaidfk128
ليالي الأنين ( القصائد)
https://www.tg-me.com/laeileealaneen
(النواعي)
https://www.tg-me.com/laeileialanin

2.0K views14:20