بين الزهراء والمعصومه عليهما السلام

طور : عبد الزچيه

https://youtu.be/uqU1DmoLaiQ?si=Hft40NPUOvSS8WoB



انا بنت الزجيه مهجتي فاطميه
وانفاسي أنين
اعيش ووني ونها ولا ننسى حزنها
على مر السنين

واويلا يا زهراء واويلا يازهراء
————-
يزهره حنيني ونيني الج يم الوجود
بمصابي اذكره مصابج وسطرات الخدود

غريبه وبالغرب يايمه شفناها المنيه
يزهره ظلمج الباب الفتح كل الاذيه
ولولا العصره بابوابج ولا شفنه الاسيه
ليالينه العمر كله ليالي فاطميه

أيا لوعة مصابج وناري يشبها بابج
ولوعات الحنين

اعيش ووني ونها ولا ننسى حزنها
على مر السنين
واويلا يا زهراء واويلا يزهرا
————
انادي يزهره غريبه ييمه اعليج اصيح
تعالي وضمي دليلي يزهره الظل جريح

على امصابي وهضم روحي تعالي وساعديني
الكسر ضلعج يلوعني ويلوع كل سنيني
حرگ بابج وسد بابي ولا گفى ونيني
جمر دوه ابوسط قلبي وهضم بچاها عيني

قريبه وادري يمي وتعينيني اعله همي وتمدين الادين

اعيش ووني ونها ولا ننسى حزنها
على مر السنين

واويلا يا زهراء واويلا يازهراء

———
السطرها عيونج ييمه فتح باب الجروح

ونينج اسمعه ويونله هوانه وكلِ روح

اغمضها العيون وبالغرب ابقى وحيده
وهمج مهجتي ابموتي تردد بيه تعيده

بعد ضلعج تجي ابنينج ومحنتها الشديده
ذبيح الغالي ما مثله وحزن قلبي اشيهيده
ذبيح وظل رميه تدوسه الاعوجيه
وجرحه ما يلين

اعيش ووني ونها ولا ننسى حزنها
على مر السنين

واويلا يا زهراء واويلا يازهراء

————
اخيي وجيته احن له واله دلالي ذاب
ولكن زماني حياتي طفاها بالهمصاب

انا بنتج ودمعاتي تغذيها دموعج
ومن حزنج حزنًا يبتدي ابكسرة ضلوعج
تروعنا الليالي والقصد الها تروعج
يا روح الهادي وايْهِدْهم يظل لله خضوعج

عزاج ابكل عزيه ننصبه إلهاشميه
ونقيمه للحسين

اعيش ووني ونها ولا ننسى حزنها
على مر السنين

وااويلا يا زهراء واويلا يازهراء

————
✍️ #بنت_الشمري
ليالي الانين الاولى

https://www.tg-me.com/laeileealaneen

ليالي الانين الثانيه
https://www.tg-me.com/laeileialanin2

مكتبة بنت الشمري

https://www.tg-me.com/+INNbAljAHK42MTI8

في #استشهاد السيده#المعصومه عليها السلام

#وزن النصاري

طور :مايحاجيها
للملا حيدر البياتي
او طور لطم نسوان
للملا :خضر عباس
بعض من الاطوار النسائيه
بقفلة الهوسه





معصومه حلمها الليله مذبوح
على اعتاب المنيه تون واتنوح
اتريد ابشوفته اترجّعها هالروح
وتطيب ابنظرة الغالي لها اجروح
ماتمهّلها ياوسفه المنيه)
__
وافاها الاجل ياوسفه واشلون
ماشافت علي وغمضّت لعيون
عن دار الاهل بيها يبعدون
وابساعة منيه مايحضرون
(ما يحضروها بديار الغريبه)
_
ايغمض عينها رادتّه الإحنين
وويّاها تشوفه ابساعة البين
ياوسفه الدهر قاسي ولا ايلين
خلاها وحيده اتجر بلونين
گوم يالغالي ماهزك ونيني
———-
ملهوفه اجيت وقلبي ملهوف
وحسبالي ياغالي وجهك انشوف
ماادري عليّه تسبگ احتوف
لا وجهك اشوفه ولا لك اطيوف
(عاد احضرني يالغالي المسيه )
————
مشت بديار غربه تجري الدموع
تون يا زهره آه وكسر الضلوع
ييمه اعليج گلبي حيل موجوع
مثل قلبج ييمه رحت مفجوع
(كسرة اضلوعج فتْحت كل رزيه )
————
✍️ #بنت_الشمري


القنوات الرسميه
ليالي الانين الاولى

https://www.tg-me.com/laeileealaneen

ليالي الانين الثانيه
https://www.tg-me.com/laeileialanin2

مكتبة بنت الشمري

https://www.tg-me.com/+INNbAljAHK42MTI8

▪️ابو طلبه قصدناه▪️

في التوسل بالامام الكاظم عليه السلام

#نخوه


والكاظم ابو طلبه قصدناه
جينه المجلسه هالليله ننخاه
——-
هذا الهاشمي البشده مندوب
يقضيها الحوايج ينهي الكروب
هالليله اطلبه ايبرد القلوب
ويعطنه المراد ابكرم يمناه
——-
جيت المجلسه منه اطلب امراد
يعطيني ابيميني ايبرد الفاد
ابجاه الغريبه القطعت اوهاد
الماتت واخيها ابحسره تنعاه
———
منك هالمسيه امرادنه انريد
وانريد الليالي ابفرحه اتعيد
ندريبك تحط الحاجه بالايد
وانزيد العطايا والطلبناه
——-
مقضيه الحوايج عندك ودوم
وندري ماتخلي قلب مهموم
ننخاك المسيه ابدمع مسچوم
منك سيدي كل طلب ردناه
——-
انت المايخييب اللي تعناك
هايبن الزجيه ابعجل ننخاك
تقضيها الحوايج كلها ردناك
انت الماتردنه ابد يمناه
——-
#بنت_الشمري


القنوات الرسميه
ليالي الانين الاولى

‏https://www.tg-me.com/laeileealaneen

ليالي الانين الثانيه
‏https://www.tg-me.com/laeileialanin2

مكتبة بنت الشمري

‏https://www.tg-me.com/+INNbAljAHK42MTI8

شكرا يم عباس

#عگيلي

في الشكر لمولاتي ام البنين عليها السلام


شكرا شكرا يم عباس
ياتاج ويا رفعة راس
——
شكرا يم الفزعه الحلوه
يَحلى ذكر واحلى طروه
مولاتي طارييج نهوه
يم الفضل والنوماس
——-
شكرا مولاتي ولا انوفي
مهما نسوي لاما يكفي
وامرادي حطيتي ابجفي
كلج حنيه واحساس
———
جيتج محزون وفزعيتي
وافادي ابعطفج سريتي
كل حاجه ابجودج اگضيتي
يا باب الحاجه للناس
——-
شكرا ماانوفي معروفج
نحتار اتحيرنه اوصوفج
شلال وما جف بچفوفج
انت للمعروف الساس
——-
انت للحيران المرسه
ياجود انذكره وماننسه
كافي العباس انت غرسه
غيره وحنيه وهم باس
——
✍️#بنت_الشمري

القنوات الرسميه
ليالي الانين الاولى

https://www.tg-me.com/laeileealaneen

ليالي الانين الثانيه
https://www.tg-me.com/laeileialanin2

مكتبة بنت الشمري

https://www.tg-me.com/+INNbAljAHK42MTI8

▪️بنت الحسن▪️
نخوه وتوسل بمولاتي السيده نفسيه عليها السلام
او السيده شريفه بنت الحسن عليهما السلام


يم بنت الحسن الحاجه مقضيه
هذي الماترد طلابها هيه
——-
جينه اضيوف ومجربيها سفرتها
ام الخير كله ابزود مدتها
محبوبه ونحب انزور حضرتها
والها كل كرامه ابزود مرويه
——-
يابنت الحسن المايسد داره
واحنه اليوم خطارج وخطاره
تضوي بالقلب تدرينها انواره
من بحر الحسن دره ياعلويه
——-
دره امن الحسن هالليله ننخاها
تعطينه ابعجل تعطينه يمناها
بنت المجتبى ومنه عطاياها
طاريها نحبه ونهوى طاريه
——-
بنت الزاچيه اتعرفوها زهرتنه
معروفه ابكرم مايوم ردتنه
منهو غيرهم يجبرها كسرتنه
وانطيب العلل واجروح مخفيه
———
ورده من غصن فاطم ومولانه
اتشوف ابعينها مولاتي بلوانه
تفزع للنشامه اتصفي دنيانه
اعيوني اعله الدرب للغايب اربيه
——-
✍️ #بنت_الشمري

القنوات الرسميه
ليالي الانين الاولى

https://www.tg-me.com/laeileealaneen

ليالي الانين الثانيه
https://www.tg-me.com/laeileialanin2

مكتبة بنت الشمري

https://www.tg-me.com/+INNbAljAHK42MTI8

نخوه للخضر عليه السلام



جيت المجلسك وادموعي اجريها
اريدن حاجتي يالخضر تقضيها
——-
جيت المجلسك واعيوني سجابه
وجمرات القلب تدريها لهابه
انخاك بولينه وحسرة اغيابه
تطفيها جمرتي ابگلبي تطفيها
—————
مجروح الدليل وجيت اندبنك
مولاي الخضر هالليله اطلبنك
كل ونه ابدليلي جيت اسمعنك
وامروتك ياوالي قاصدك بيها
————
معروفه يميننك ماترد طلبه
والجاك ابونينه حاشه متخيبه
تفرجها عليه وتسعده گلبه
والحاجه ابيمينه ابعجل تعطيها
—————
احلفك بالزچيه ولوعة المذبوح
اجيتك والدليل ايون هضم مجروح
مد ايدك اليه ورد هضم هالروح
تراني امروتك هالليله ناخيها
————-
ابسبايا المصطفى وابدخلة الديوان
افزع هلمسيه واكشف الاحزان
مكروب ودليلي للفرح عطشان
وادري فزعتك روحي ترويها
————-
✍️ #بنت_الشمري


القنوات الرسميه
ليالي الانين الاولى

https://www.tg-me.com/laeileealaneen

ليالي الانين الثانيه
https://www.tg-me.com/laeileialanin2

مكتبة بنت الشمري

https://www.tg-me.com/+INNbAljAHK42MTI8

▪️يمرَجْف الزلم ▪️

نخوه للامام العباس عليه السلام


ياعباس يمْرَجّف الزلم والخيل
آنه ابشاربك هاي المسيه ادخيل
———
ها يبن الصميده المكرم الخطار
ضيف ابمجلسك حاشا ارد محتار
نار وفزعتك تطفيها هاي النار
واضواك الينور بينه هذا الليل
——-
يمرجف زلمها رجف الاحزان
بحْليب الوفيه ودافي الاحضان
ابو الغيره اعرفك ماترد انسان
انخاك ودمعتي ابمجلسك اتسيل
——-
يا باب الحوايج صاحب الشاره
گضاي الكلايف رايده بشاره
جيت ودمعتي عالخدِ نثاره
طاح الحيل مني ردلي كل الحيل
——-
كفال العقيله عالي كل صيته
بجفوف الوفيه بابه دگيته
بامه الطاهره والزهره حلفيته
يفزعلي ابعجل عني الهموم ايشيل
———
✍️ #بنت_الشمري

القنوات الرسميه
ليالي الانين الاولى

https://www.tg-me.com/laeileealaneen

ليالي الانين الثانيه
https://www.tg-me.com/laeileialanin2

مكتبة بنت الشمري

https://www.tg-me.com/+INNbAljAHK42MTI8

عگيلي

نخوه لسبع الدجيل عليه السلام



للمجلس متعني الليله
واهموم ابدلالي اشكيله
——
ياالسبع الماتطفى انواره
يابو الاسرار اويه الشاره
روحي اعله الباب ومحتاره
ودمع الحاجه ليك اتسيله
——
لابن الهادي الليله اتعنه
وادريبه يسمعها الونه
يعطي ابلا نقص ولا منّه
وايشدّن للطايح حيله
——-
اتعنيته والدمعه ابعيني
يسمعني ويدري بونيني
امراد الليله اطلب يعطيني
وكل هم ابدلالي ايشيله
———
مدينه الايد وناخينه
النه ايصد ابنظرة عينه
بالمجلس كلنه راجينه
ناخذ منه امراد الليله
——-
ننخاه بضلوع المرضيه
وعمته اعله النوگ المسبيه
ابدمعاته اعليهن مجريه
ايبرّد للينخاه ادليله
——-
✍️ #بنت_الشمري