ليالي الأنين الأولى 7902

This media is not supported in your browser

2.7K views20:30

#جديد
#مسلم بن عقيل عليه السلام 💔
طور : يا يمه اشلون ، مرتضى حرب

يا بويه اشلون .. امن السطح تنشمر .. يا بويه اشلون
وتالي ايجرون .. جسمك او تعتفر .. تالي ايجرون
____
يا بويه يمسلم يا عمت عيني اعله حالك
ابديــرة غربه يا بويه وتِيتمهم عِيـــالك
اوحيـد وبالغدر تالي العدو راد اغتيالك
ومو وجه ابگفه يا بو حميده من إجالك

تنزف بدماك .. وبالك اعله الطهر .. تنزف بدماك
تبچي لمولاك .. لو وصل ينغدر .. تبچي لمولاك
____
تالي اعله السطح يا بويه والظالم يغدرك
ابدمعك عالولي من سلّمت گص ويلي نحرك
ومن فـــوگ الگصــر تاليها يا بويه يِشمرك
بسوگ الكوفه من بعد الذبح ويلي يجرك

جسمك بحبال .. تاليها ينسحب .. جسمك بحبال
وتبكه ابهالحال .. يا بويه اعله الترب .. تبكه بهالحال
____
بويه الميت اكرامه الدفن لمن يغسلوه
محمول بجنازه ابهيده يا بويه ينزلوه
ليش ابلا دفن جسمك يضي عيني يخلوه
وراسك يا حبيبي بالدمه للشام ايودوه

واهناك ألگاه .. بالسبي من أجي .. واهناك ألگاه
امعلگ بدماه .. وابفيّه ألتجي .. امعلگ بدماه
___
تنطرني المصايب بويه يا مسلم والأعظم
خالي لو رجع مهر الولي وامخضب ابدم
اهنا يعني علينه ينحرگ بويــه المخيـــم
وما بين الحـوافر ( عاتِكه* ) بويه مَتِسْـــلم

وبهدومي النار .. امن الخيم من أفر .. بهدومي النار
وابحالي احتار .. واسحگ اعله الجمر .. وابحالي احتار
___
تمت ببركات مولاتي حميده عليها السلام
#فاطمة_كريم
٢٠٢٤ م

* " عاتكة بنت مسلم بن عقيل وكان لها من العمر سبع سنين وهي التي سحقت يوم الطف بعد شهادة الحسين – عليه السلام – لما هجم القوم على المخيم للسلب " .

* وبعدما قُتِلَ الإمام الحسين عليه السّلام بمدّة قصيرة، هجم جيش الأعداء بكلّ وحشيّة على خيام الإمام الحسين عليه السّلام، وهم على خيولهم حتّى سُحِقَ سبعة من الأطفال تحت حوافر الخيل ساعة الهجوم، وقد سجّل التاريخ أسماء خمسة منهم، وهم:

* بنتان للإمام الحسن المجتبى عليه السّلام.
* طفلان لعبد الرحمن بن عقيل بن أبي طالب، واسمهما: سعد وعقيل.
* عاتكة بنت مسلم بن عقيل، وكان عمرها سبع سنوات.
* محمّد بن أبي سعيد بن عقيل بن أبي طالب، وكان له من العمر سبع سنوات.

📚 معالي السبطين ج ٢ ، ص ١٣٥.

https://www.tg-me.com/qasaidfk128

📚 مكتبة قصائد فاطمة كريم 📚

كل حرفٍ هو من مددهم ، من فيضهم ، من توفيقهم وخيرهم
وكل حرفٍ .. وقفاً لتعجيل الطالب بثأرهم
بكل الجرى بالعاشر وصار 💔
عجل إلهي لصاحب الثار
المكتبة
www.tg-me.com/qasaidfk128
ليالي الأنين ( القصائد)
https://www.tg-me.com/laeileealaneen
(النواعي)
https://www.tg-me.com/laeileialanin

3.1K views20:30