▪️ننصب مأتمه▪️
في مصاب الحمزه بن عبد المطلب عليه السلام

طور يا فاطمه يم الحسن
رابط الطور: https://youtu.be/G1ZRW110664?si=-3I1VcbcYsQgov0Z


والحمزه ننصب ماتمه
امصابه نبينه ايألمه
لاكت جبدته الفاجره
واعضاءه ماهي سالمه
———
هالليله للحمزه نون نساعد نبينه ابونته
نقيم المآتم والحزن وننصب عزا لمصيبته
للدين قدم هالحياة باع العمر لمحبته
بارماح غيله وغدر هاي الهواشم فگدته

وحشي رمى ارماح الغدر
قصد ه يضربه ب الظهر
ما كفى موته عد هند
شگتله بطنه والصدر
————
قلبه بيديها تعصره والجبده لاكتها ابحقد
ولا كفاها السوته اذانه سوتهن عقد
معضد واساور قطعت شبتها جمرات الفقد
واشلون مُثله مثّلت ماهمها ميت من رقد
قلب الهواشم فجعته
وقلب اخته جمره وجته
ماهزها ميت منذبح
من جسمه زينه خلته
———
قلبك ياهادينه انفجع من شفت عمك عالثره
مقطوع من عنده الجسد صعبه عيونك تنظره
وشلون لو شفت السبط جثه ياهادي اموذره
اخيول عشره داسته صدره انطبگ مع اظهره
ميت عطش يم النهر
منه انحرم ولامه المهر
باكتاره اخوان وبنين
قلب اخته لمصابه انكسر
———
اشلون شوفه شافته بيديها رفْعَتّه وتنوح
قرباني ربي اتقبله وصبرني من عنه اروح
بيد الاعادي اميسره وامشي تراني ابلايا روح
لاجرح واحد واحمله نيران تلهب بالجروح

ياكربلا ياكربلا
يم المصايب والبله
واتصيح ماخليتي الي
كلهم ضحايا بالفله
———
بنت الشمري
٢٠٢٤

▪️بارماح الغدر▪️
في مصاب الحمزه عليه السلام


مفجوعه الهواشم بالجره إلعمها
وعالحمزه يزيد الليله كل ونها
————-
مفجوعه الهواشم والنبي الليله
ودمع الفاجعه عالحمزه اتسيله
من شافه النبي هدمله كل حيله
ابجثته امثله هند وشفت غلها
———-
ياارماح الغدر بالظهر مغروسه
وياحقد ابنفسها هند متروسه
ليش ابهالحقد بت عتبه محبوسه
لاكت جبدته يا ويلي ماهمها
———

لبست من اذانه اقلاده واسواره
وياحقد القلب تلهب عليه ناره
ميت ماتشوفه تسطع انواره
ليث الله ورسوله وجبدِته ابفمها
————
مفجوعه الهواشم والله بمصابه
وتنصبله العزيه الليله احبابه
وبجاه النبي توقف على بابه
يزيح النايبه ويكشف بعد غمها
————
نبجيله المسيه ونسعد الهادي
ننصبله العزيه وباسمه انّادي
ليث الله ورسوله وجمره وگادي
وابجاهه نريد الحضره انشمها
————
بنت الشمري
٢٠٢٤

فزاعيه

في مصاب الحمزه عم النبي عليه السلام


نواسي المصطفى ابعمه حمزه شايل الليله

شايل يااسد هالدين
للهادي تسيل العين
نار امصيبته نارين
هِدْمت للنبي حيله
——-
نار امصيبته تجوي
جمره بالقلب تدوي
حقد وكل الم تروي
ويل ابوالحقد ويله
——
وين اليبجي ويانه
واينوح اعله بلوانه
تسعر بينه احزانه
ودمع الفرقه انسيله
——
وين اليبجي لمصابه
يفجع والله اصوابه
احباب النبي احبابه
بسمه العزا تسويله
———
سرّنه النبي ابدمعه
الغالي حاله ايفجعه
خل نلطم واله ننعه
وكلنه الليله ادخيله
——-
بنت الشمري
٢٠٢٤

💔 يا أبا عبــــــــــــــــــدالله 💔
🏴 #أرشيف ليالي محرم الحرام من العام ٢٠١٨ إلى العام ٢٠٢٢ م 🏴


أرشيــــف الليلة الأولى ( الهلال + الخدمة )
https://www.tg-me.com/laeileealaneen/6112

https://www.tg-me.com/laeileealaneen/6619


أرشيف الليلة الثانية ( الخروج من المدينة )

https://www.tg-me.com/laeileealaneen/6182

https://www.tg-me.com/laeileealaneen/6627



أرشيف الليلة الثالثة ( النزول بكربلاء )

https://www.tg-me.com/laeileealaneen/6203

https://www.tg-me.com/laeileealaneen/6630


أرشيف الليلة الرابعة ( العليلة عليها السلام )

https://www.tg-me.com/laeileealaneen/6227

https://www.tg-me.com/laeileealaneen/6634

أرشيف الليلة الخامسة ( مسلم بن عقيل عليه السلام )

https://www.tg-me.com/laeileealaneen/6283

https://www.tg-me.com/laeileealaneen/6373

https://www.tg-me.com/laeileealaneen/6643



أرشيف الليلة السادسة ( الأنصار )

https://www.tg-me.com/laeileealaneen/6405

https://www.tg-me.com/laeileealaneen/6653

https://www.tg-me.com/laeileealaneen/6668

أرشيف الليلة السابعة ( العباس عليه السلام )

https://www.tg-me.com/laeileealaneen/6423

https://www.tg-me.com/laeileealaneen/6658

https://www.tg-me.com/laeileealaneen/6674


أرشيف الليلة الثامنة ( القاسم عليه السلام )

https://www.tg-me.com/laeileealaneen/6472

https://www.tg-me.com/laeileealaneen/6672

https://www.tg-me.com/laeileealaneen/6678




أرشيف الليلة التاسعة ( علي الأكبر عليه السلام )

https://www.tg-me.com/laeileealaneen/6504

https://www.tg-me.com/laeileealaneen/6681



أرشيف الليلة العاشرة ( عبدالله الرضيع عليه السلام )

https://www.tg-me.com/laeileealaneen/6538

قصائد التطبير

https://www.tg-me.com/laeileealaneen/6686


أرشيف اليوم العاشر من محرم ( الإمام الحسين عليه السلام )

https://www.tg-me.com/laeileealaneen/6549

https://www.tg-me.com/laeileealaneen/6689


أرشيف الليلة الحادية عشر ( ليلة الوحشة )

https://www.tg-me.com/laeileealaneen/6589

أرشيف الليلة الثانية عشر ( نزول الزهراء عليها السلام )

https://www.tg-me.com/laeileealaneen/6597

https://www.tg-me.com/laeileealaneen/6609

https://www.tg-me.com/laeileealaneen/6691



أرشيف الليلة الثالثة عشر ( دفن الأجساد )

https://www.tg-me.com/laeileealaneen/6600

https://www.tg-me.com/laeileealaneen/6612

https://www.tg-me.com/laeileealaneen/6693

سيتم نشر أرشيف العام ٢٠٢٣ م باذن الله

في دخول محرم
الحرام)





هاي الزچيه وشدت احزام
وشو جنها المآسي ابعينها اتلوح

من هل الشهر واتغيّر اللون
تنصب ب المآتم تبجي وتنوح

وشو يمها قميص ولونه مصبوغ
احمر والدما بالفاجعه تبوح

تنظر للقلوب اتشوفها اشلون
وتسمع لليصيح حسين مذبوح

جمرات القلب تشعلها ونات
والينعى تصدله ابدمع مسفوح

ياجرح التون له ويامصاب اتصيح
موكلهن ملح بفاد مجروح

يا ونه النونها ويادمع نجريه
محفوظ ابسجل بيديها مفتوح

اجروه الدمع ولخاطر حسين
واسوها الزجيه الحزن ممدوح

لاغسل الحصّله ولا چفن غطاه
وابذاري السموم امگطح ومطروح

بعيون القلب ام وفاقده اشلون
مابين المآتم ترد واتروح
————-
تمت بحمد الله تعالى
بقلم:#بنت_الشمري

في استهلال محرم الحرام



ابهلمسيه نشرت الزهره السواد
ويّه أم لبنين علْننّه الحداد
————
فتْحت الزهره كتاب اليخدمون
اتوزّع الاهات وادموع العيون
ابحيلها اتشد العزاها ينصبون
وهيّ لِتْعين الخدم والهم سناد
—————
كل اساميهم خدمها مسجلين
تسمع الحنات واصوات الونين
واللي جر الحسره لمصاب الحسين
اتحطه وسط العين تشكرله الوداد
—————
اتگابل الينعه وتون ونة ذبيح
اتصيح يامذبوح بالغبره طريح
يمه نبض افادي لمصابك جريح
تشهد الارضين والسبع الشداد
————-
للعزا تدخل وبيديها الثياب
حمره مصبوغه ابدمه سيد الشباب
ولليواسي تفتح الزهره حساب
هناك تلگى دمعتك يوم المعاد
————
بالله شدوا حزامكم هذا الشهر
نريد منها بالله مولاتي النظر
اتشد عزمنه ونبگى ننعاه الدهر
هيّ النه سناد مولاتي وعماد
—————
#بنت_الشمري

🏴كل النوح لحسين▪️




هاي الزهره صبت دمعة العين
كل النوح والونه على احسين


هاي الزهره تبجي ابدمع مسفوح
آيحسين يبني المات مذبوح
جرحك يمه غطى كل الجروح
للمحشر ييمه انجر بلونين
———
يشيعه ابكربلايه راح عطشان
يجري الماي يَمه وگلبه لهفان
حرموا عيلته وحرموا الرضعان
ما رحموا اطفاله وزغر إلسنين
———-
آيبني تصيح إلْوَذْرِتَه اسيوف
ياويلي اعلى اخيته ابعينها تشوف
راح اعليها واعله ابناته ملهوف
ابلا والي تركها والله لمعين
————
آًيبني الذبيح ابكل الالوان
مسموم وطعين وبعد عطشان
ولخيول الاعادي صدره ميدان
ويلي الله ُ أكبر يا مسلمين
————-
مذبوح ورميه ابحر الشموس
وفوق ارماح مرفوعه ترى الروس
يايمه واخيته ترافق ارجوس
مجتوفه ابحبال اشمال وايمين
————
يا هم ورزيه انعاه وأبچيه
اذكر يا مُصاب وياهو أخليه
يمه كل مجلس اطبه نوحي أعلّيه
واصيح ابصوت كل النوح لحسين
————-
#بنت_الشمري

▪️يهلال المصايب▪️


اليوم الاول من محرم


يهلال المصايب
بالك عالحبايب
شايل چنك احزان
منها افادي ذايب
يهلال المصايب
——————
يهلال المنايا بالك عالصبايا اعزاز ونور الفاد
يامحله العمايم حلوين الجهايم
لروحي همّ لسعاد
والله امن انظر الهم ترد روحي صورهم وهمي يرتحل غاد
نورك ذوّب الروح چنه ايسولف اجروح
غربه عني وابعاد
يهلال اعله هونك
اتسولف هم عيونك
لونك ذوّب الروح
و منها افادي ذايب
———————
عندي خبر يهلال ابلونك شدْهَت البال خوفي ابشهرك انصاب
گُربت ظني إلوعود ودهري ماظن ايعود
كلهم ظني غياب
بيك التمت اسهام اشلون اعيوني تنام ودهري حد الانياب
خوفي اعله الغوالي ياعزي ودلالي اتظل ابكربله اغراب
گلبي ابهذي موعود
بيك الوالي مفقود
ياهم ومصيبه
منها افادي ذايب
——————-

اشلون انظر للحسين عميه يالولي العين أيام وتفارگ
بيك اهمومي اتلوح عيني اتشوفه مذبوح اشلون ابدمه غارگ
صدره اترضه لخيول وين الشايل احمول بدري النوره شارگ
اينام ابلايه إچفوف افاده لگطره ملهوف اميّه ماهو ضايگ
عطشى يم إلفرات
واحنه يمهم انبات
جتني كربله منين
منها افادي اذايب
————-
جيت اتسولف احزان امصايب شايل الوان تنعالي الغوالي
روس وفوگ إلرماح جنها البدر لو لاح وامشي ابلايه والي
امشي ابولية ارجاس فرجه انصير للناس خويه ويله حالي
ندخل للدواوين اطفال ونساوين والله اشدهت بالي

لاتطلع عليْ غيب
ابنورك اقرا اعاجيب
موعوده بمصايب
منها افادي ذايب
يهلال المصايب
————
#بنت_الشمري

▪️العشره گضت▪️

في مسير الامام الحسين عليه السلام وعائلته الى كربلاء

طور نشفت عيني الليالي
الملا محمد الجنامي


سرنه واتسير المنيه
ومااظن نرجع سويه
بعيني اشوفن هالغوالي
بس جثث بالبر رميه
———-
ظني هاي اخر ليالي اوياهم العشره گضت
اشلون ايامي الهنيه مرت ابسرعه ومضت
امشي بيهم للمنيه اشلون روحي بس رضت
وجنها لجمات الرزايا ليّه لاحت واعرضت

عميه عيني اشلون بيّه
كلهم افگدهم سويه
ما تشوف اعيوني منهم
بس جثث بالبر رميه
——————
محله رفجتهم ياقلبي احنان والمبسم دوه
والله يا محله السوالف عذبه لگليبي روه
اوياهم وعطشانه إلهم والنبض جمره دوى
هم صدق اخر ليالي وبعد ما نلتم سوه

اسمله بيهم روحي صاحت
ودمعتي جن جمره طاحت
وني ياروحي عليهم
بس جثث بالبر رميه
————-
علّي ياروحي ونينج بس ليالي ويرحلون
شبعي شبعي شوف منهم گبل لا يِتٌوَذّرون
حلوه ايامي بسمرهم ودنيتي من يضحكون
والله ليت الروح فدوه ولو بدّل يتبدلون

فدوه ايامي وسنيني
نبضي كله وكل بنيني
وابسلامه يرجعون
بس جثث بالبر رميه
———-
انظر إلنور ابواسكينه وروحي من عندي تفر
عيني تشبح لابو فاضل ويشتعل گلبي جمر
خويه وافگدكم سويه منين اجيبن هالصبر
يمه شبان الهواشم نسمة اعذيبي التمر

آه ياروحي الچويه
عدي كم باقي مسيه
وعيني اتشوف الغوالي
بس جثث بالبر رميه
———-
تمت بحمد الله تعالى
#بنت_الشمري

في المسير الى كربلاء ووداع ام البنين عليها السلام





ياعلي ابهاي المسيه حمل احسين
اخذ وياه الغوالي وكل ضوى العين
ماشي جنه الكربله
خوفي منها ام البله
اخذ ويّاه الغوالي وكل ضوه العين
—————-
ماشي بضعونه ودليلي جن دوى نار
ودمعي من شالوا عليهم يجري مدرار
هاي هيه وظني دهري اعليّه يندار
لا أكحّل عيني بيهم وتظلم الدار

ماشي وافادي اشلعه
اشلون بس انودّعه
اخذ وياه الغوالي وكل ضوه العين
—————-
اسمالله يمه حسين منك خاليه الدور
روحي ونت من وداعك طافي النور
بيدي الوّح للهواشم كلهم ابدور
يمه لحسين وخواته انتم السور

حسين ياروح الهدى
حزني من هسه بدى
اخذ ويّاه الغوالي وكل ضوه العين
————
يمه تربي اعيوني الكم اتوّن إلجروح
شبعي ياعيني ابرسمهم عليّ النوح
يازمن وگف عليّه بعد لاتروح
هاي اخر ساعه منهم تاخذ الروح

حملوا وآنه اون
وبيتي غطاه الحزن
أخذ وياه الغوالي وكل ضوه حسين
————
اوداعة الله وروحي ونت ماتردون
هم ترد النه الليالي وهم ترجعون
هم ترد الضحكه ليّه والله اظنون
مودعين الله وسفركم طفى العيون

بعد ماظني لگه
من بعدكم شل بگه
اخذ وياه الغوالي وكل ضوه العين
————
#بنت_الشمري

#فزاعيه
في مسير الامام الحسين عليه السلام
لسان حال مولاتي ام البنين عليها السلام



حمّل إضعونه ولينه
ماشي لارض الغاضريه
___
ابعيلته مسافر ولينه
والله فيّه في علينه
خوفي ما يرجع إلينه
اوياه هاي آخر مسيه
———-
ماخذ اولاده وشبابه
عميه عيني وسدّبابه
خلّه بس هم وكآبه
اخلافه دنيانه خليّه
———-
والمدينه اخلافه ظلمه
صحنه يا ربي تسَلْمه
الزمن خوفي يأَ لمه
هوّ يايمه الوصيه
———
الله يدري بحالي عالم
بيه اوصي گمر هاشم
موتوا يمه ويِظَل سالم
هذا مدلول الزچيه
———-
شال والله وروحي راحت
ونت اعليكم وصاحت
ومن مشيتوا مسْتراحت
تظل دمعتنه جريه
——-
خوفي لارض الموت شايل
عليكم انشدمن واسايل
من بعدكم حملي مايل
اظنون هم ايرد اليه
———
#بنت_الشمري

▪️ردتلي الحياة▪️


خدمتك يحسين ردتلي الحيات
آنه حي بالخدمه ولبعد الممات
—————
خدمتك يحسين كل حلم العمر
اشلون هالايام من دونك تمر
والله بس ذكرك يطفي كل جمر
وبس جمرتك تبگه بفادي وتبات
————-
خدمتك يحسين كل حلم السنين
وبس الك اگضيها ايامي ونين
اشصار گلي بيك مولاي الحنين
من صرت زاد السيوف المرهفات
————-
والله بس ويّاك كل عمري يطيب
وبس الك مولاي يحلالي النحيب
الطم الراس وانادي يالغريب
هاي الك دمعاتي اشربها فرات
————
بس خدمتك يا حسين اهيّ المراد
تشفي العلات واتداوي الفؤاد
وهيّ كل الزاد في يوم المعاد
وآنه لولاها ابد ما ليّه ذات
———-
يالعبرت اهمومي مولاي ابدفاك
تضما ايامي ويروّها هواك
اشما اسوي گطره ما اوفي لدماك
والْتِدِرْكه رحمتك حاز النجات
————-
#بنت_الشمري