#قصيده _للهلال
وزن البحر الطويل

هلالك محرم
طور اهوازي

لفه شهر الحزن والنوح وعلگنه بيارغنه
خدام ونضل لحسين يلي بخيمته يلمنه
                *---------------*---------------*
هلال الفاجعه من هل ونشرنه بيرغ الزهره
يهيج الحزن يازينب ابد ماتبرد الجمره
بسواد الكل تحضرنه دموع وتنزل بحسره
زناجيل ومواكبنا اجت تلطم لابو العتره

وحگ الطيح الچفين غير الخدمه ماعدنه
خدام ونضل لحسين يلي بخيمته يلمنه
                *---------------*---------------*
يهلال الگدر هليت وتذكرنه بحرگ لخيام
من نلطم نشم عطاب ونذكر حرمله واسهام
وحگ نحرك يبو اليمه نظل طول العمر خدام
منحيد اعله دربك دوم شما طالت بعد الايام
يشهر الأحزان والآلام هلالك  والله يهضمنه
خدام ونضل لحسين يلي بخيمته يلمنه          *---------------*---------------*               
  باجر ياهلال الضيم بيك اجم مصيبه نشوف
وباجر عالنهر عباس توگع من ادينه چفوف
وباجر زينب الحوراء بيديها الحبل ملفوف
وباجر بين خيل ونار وبگلوب العلاوي الخوف
ماعندك بخت يهلال بجيتك بس هضم شفنه
خدام ونضل لحسين يلي بخيمته يلمنه
                *---------------*---------------*
بيك جم مصيبه نشوف هلالك والذبح يفزع
بيك انذبح نحر حسين وراسه عالرمح يُرفع
بيك انسبه خدر الله  لجان خياله مايطلع
بيك جم گلب مكسور وعيون الحرم تدمع
من تجبل يشهر الشوم هيئات لتجمعنه
خدام ونضل لحسين يلي بخيمته يلمنه
                *---------------*---------------*
عاشور الحزن بين هلال النايبه من هل
تحزمنه بعزم عباس صوت من الگلب رتل
جم خادم رحل عنه لجان دموعه بس تهل
ليحضر كل سنه ويانه لوعه بنص گلبنه خل
خدام وعلينه اعزاز خذاهم والنجف منه
خدام ونضل لحسين يلي بخيمته يلمنه
                *---------------*---------------*
✍خادم السيده زينب
باقر جبار الشويلي
نسالكم الدعاء

https://www.tg-me.com/lAfiteamoun

يبويه حسين نيتكم تخلوني
عليلة وبالغرب هل خابت ضنوني
                *---------------*---------------*
اخذني وي الضعن ياريحه الهيل
اصيرلك ضوه لمن يجي الليل
اريد وياك بويه انسحك بالخيل
عليلة لوحدي وشلون عفتوني
                *---------------*---------------*
من دارك يبويه كلشي لميت
لچن بس ذكرياتك ليه خليت
بيت بلايه والي مخربط البيت
يوحشني النزل جاليش خلوني
                *---------------*---------------*
اخبرك يبو اليمه لمن تروح
اخلص بويه ليلي ويه الجروح
يا عذر الگلها وتقنع  الروح
اهلي من حدوا بس تدمع عيوني
                *---------------*---------------*
مثل ورده وگطفني بويه فلاح
هيج انه بغيابك والنفس راح
بمساية غروب تلتم بس الجراح
اريدن بالضعن وياكم اخذوني
                *---------------*---------------*
اضل بجفاك بويه مكابله الباب
وعيوني تضل يالوالي خنياب
اخذني الكربله وي ضعن الاحباب
بنص الليل وحدي ومانشدتوني
                *---------------*---------------*
خادم السيدة زينب ع
✍باقر جبار الشويلي
نسالكم الدعاء

https://www.tg-me.com/lAfiteamoun

بصوت المبدع سيد حسين الموسوي

بقلم الشاعر باقر جبار الشويلي

بصوت المبدع سيد حسين الموسوي
لحن _2_
بقلم الشاعر باقر جبار الشويلي

بصوت المبدع سيد حسين الموسوي
لحن _3_لحن باسمي
بقلم الشاعر باقر جبار الشويلي

#الليلة_الخامسة
#لمسلم+وحميده

انه حميده مسلم اريده
للگوفه رايح والدي مارد عليه
لاجن يروحي تيقنت راح منديه
╌────═❁═────╌
اه يبويه بدمع العتاب ارد اعاتب
اه يبويه حيرة وفراگ الحبايب
اه يبويه من غيابك گلبي ذايب
اه يبويه زغيره انه عالنوايب

روحي تحن مشتاگه اشوفن طولك
ياريت احصل شبگه من امتونك

ياابويه مشتاقه الك شنهو السجيه
لاچن يروحي اتيقنت راح منديه

انه حميده.      مسلم اريده
╌────═❁═────╌
هايروحي. زيدي نوحج وي بواچي
هايروحي خلاف ابويه ياهو احاچي
هايروحي. ذكره ضلت لي التراچي
هايروحي وبحنيني لبن زاچي

يامحلى اسمي من ينادي الوالد
بأذني يظل طول العمر هالخالد

ضاع الدلال ومن رحت وسفه سبيه
لاچن يروحي اتيقنت راح منديه

انه حميده.       مسلم اريده
╌────═❁═────╌
بنيتك انه  وحدي ابقى بويه وينك
بنيتك انه شلون انام بلايه عينك
بنيتك انه  گلبي مشتاقه لحنينك
بنيتك انه يتمتني  وي سنينك


ريت الدهر يرجع واشوف عيونك
شلي بحياتي ياالابو من دونك

بفراگه هالگلب انچوى وناره سريه
لاچن يروحي اتيقنت راح منديه

انه حميده.      مسلم اريده
╌────═❁═────╌
انه اريده. يرجع بهايه المسيه
انه اريده. نكعد انه وياه سويه
انه اريده. أدري ابوي يحن عليه
انه اريده. كبل لا تلفي المنيه

اسمع يگولون الابو تچايه
هدتلي حيلي منلقهر الحچايه

فدوات انه العمرك يبو طاهر هديه
لاچن يروحي اتيقنت راح منديه

انه حميده.           مسلم اريده
╌────═❁═────╌
هذا حالي لغالي وينه وابچي سكته
هذا حالي لمرض سلني ونومي عفته
هذا حالي زغيره انه الوالي ردته
هذا حالي بلايه والي وميت انته

من والدي جابوا خبر هليله
كالوا صلاة الوحشه هم صليله

شدولي چفيني بحبل بالغاضريه
لاچن يروحي اتيقنت راح منديه

انه حميده.           مسلم اريده
╌────═❁═────╌
✍باقر جبار الشويلي
للتواصل والاستفسارللقصائد
@MolatyzeenabBBB1_bot
https://www.tg-me.com/lAfiteamoun

#الليلة_الخامسة
#لمسلم

حي ابو طاهر تگول
صول يابن الفحول
╌────═❁═────╌
بمتونه شدها الرايه تجدح شرار العين
يتمايل بحملاته ذكرهم بصفين
خيبر قلع بيبانه مسلم سفير حسين
يردم زلمها النبيه خله الجثث صوبين

*فدوة الك يبن الرسول*
*صول ياابن الفحول*
╌────═❁═────╌
حي الله مسلم كالت ينضر عليها الحيد
صاحت هلا بهالهيبه وتگله ماي تريد
المسلم تهوس طوعه خيبر عليهم عيد
تاهت زلم بالحومه وتگله عفيه زيد

*سيفه بيهم هل يجول*
*صول يافحل الفحول*
╌────═❁═────╌

شد العلم بزنوده وغار المهر خيال
رجفت يگاع الكوفه منشافت الرجال
عمه علي بصولاته ماخذها من كفال
خيبر يعيده بسيف مسلم يجفه الشال

*چنه حيدر من يصول*
*صول ياابن  الفحول*
╌────═❁═────╌
دخن لفاها لكوفه مسلم جدح نيران
تعبها والخياله بيهم يظل نيشان
شردهم بخزراته خلاها جن نسوان
مااگدروا اعله عيونه سيفه يظل لهفان

*يذبح الزلمه واگول*
*صول ياابن الفحول*
╌────═❁═────╌
عرگت جثث جفينه يشطر لمن يندار
يمركض الخياله مسلم غيور ونار
سيفه تجادح ناره خله الزلم طشار
بجفوفه شال زلمه چنه علي الفقار

*يسمي بسم ابن البتول*
*صول ياابن الفحول*
╌────═❁═────╌
✍باقر جبار الشويلي
للتواصل والاستفسارللقصائد
@MolatyzeenabBBB1_bot
https://www.tg-me.com/lAfiteamou

هذا مسلم بن عقيل غيرته من الكفيل
من دخلها الكوفه.•.•.محله ذيچ جفوفه
✿────↻✿...✿↺────✿
✿────↻✿...✿↺────✿
رسول الكم اجه رسايلكم غدر
ولازلمه حظر  شعدكم من  عذر
مراجلكم جذب ولاچلمة نصر
لوفه منكم بَطَل ومرسومه صدر
ظلت الكوفه عبيد.•.•.نار صارت وليزيد
عين فدوه تشوفه.•.•محله ذيج جفوفه
✿────↻✿...✿↺────✿
يمسلم رتلت قرأيين الحرب
ولاجيش ليظل ولاهاب الصعب
يكوفه تحضري ولايبقى درب
من صال البطل عالجيش انرعب
ينزل بحرب ويصول.•.•طوعه شوفي من يجول
خله بيهم خوفه.•.•محله ذيچ چفوفه
✿────↻✿...✿↺────✿
يطب اعله الحرب الموت بيمنتهه
الچيمان انرعب يوم الشافتهه
يحصد بالزلم هيبه بوگفتهه
لٱ راااايه علت الا راااايته
بيده يضرب بيها نار.•.•الجيش كله منه فار
يابحر وجروفه.•.•محله ذيچ جفوفه
✿────↻✿...✿↺────✿
اخذ شمرت علي وبسيفه ضرب
سواهم جثث ضهضب بالحرب
بالحومه حمل مااااضنه تعب
يحچي بكل فخر ولايرجف گلب
عالكفر لامايهيد.•.•هو عد ربه شهيد
بهدته المعروفه.•.•محله ذيچ چفوفه
✿────↻✿...✿↺────✿
مسلم من زعل زلزال ونزل
محد گابله مثل عمه الفحل
طبعه لوغضب بركان اشتعل
مسلم من حضر زوده من الكفل
يرجف وبيده علم.•.•سوه طشار الزلم
غيرته الموصوفه.•.•محله ذيج جفوفه

✿────↻✿...✿↺────✿
✿────↻✿...✿↺────✿
✍باقر جبار الشويلي

قصيده {مسلم بن عقيل}
#نزله_عگيلي

مسلم حيرهم بافعاله
تتراجف كله الخياله
✿────↻✿...✿↺────✿
✿────↻✿...✿↺────✿
مسلم ياشيعه تعرفونه
تتجادح نار من عيونه
بالغيره همه يوصفونه
من عمه الغيره وتحلاله
✿────↻✿...✿↺────✿
مسلم واطباعه المعروفه
من حيدر ماخذ موصوفه
بالسيف يلاعبها الكوفه
ويطيح راسه اليدناله
✿────↻✿...✿↺────✿
صاحو منهو هذآ لجانه
هز الجيش وهد اركانه
والقاده بمسلم حيرانه
تتراجف لْـۆ مر اِخياله
✿────↻✿...✿↺────✿
مسلم لدين ارخص دمه
منك حيدر ماخذ عزمه
سيفه بچفه وصال بهمه
لدين الله اتگطع اوصاله
✿────↻✿...✿↺────✿
من طب عالجيش ولامهرب
عباس الثاني من ضهضب
بالرووس ويشطر چم مرحب
قدمها سيوفهه اعله دلاله
✿────↻✿...✿↺────✿
من دون الجيش انته اختارك
ڱڵـه. اعداك وانته تعارك
قائد للكوفه بفقاااارك
جيش ابن زياد شخلاله
✿────↻✿...✿↺────✿
✿────↻✿...✿↺────✿
✍باقر جبار الشويلي

#قصيده_للانصار
#شجاعة حبيب

تقرأ شور او ثقيل

حي الله انصار حسين
حي الله زلم البيده
╌────═❁═────╌
للخيم لن هم مشوله ضهر ويطك بضهر
الك يحسين احنه جينه وياك حد كطع النحر
تريساها ابن مُظاهر شيخ لنصاره حضر
اليمس اخيام زينب صاحو شحده الگدر

ياحسين وياك خطينه العهد
فدوى لك ياابو علي كلنه وعد
احنه انصارك يغالي للابد 

بس اشر وعد عيناك
زلزال چنه رعيده
حي الله زلم البيده
╌────═❁═────╌
من تجمع بينه ابونه گال هايه كربله
انتم انصار الحسين وهسه وكت الغربله
وانت يالحر الرياحي صول صولة مرجله
يابرير اصل الرجوله ونافع لسيفه اعتله

ندگ صدرنه ام عون صوت ويعتلي
لاتخافين اعله خوتج هلهلي
برايه العباس انقسم تنجلي

ويانه هد العباس
يرف الوه وبجيده
حي الله زلم لبيده
╌────═❁═────╌
ياحسين وياك احنه والله نگطع كل درب
نگطف بروس الاعادي احنه مانعرف صعب
تاهت المشراده عنهم زماط صار وبالحرب
احنه تربات الحرايب فنون عدنه من نطب

اي وحگ سكنه ورقيه استريح
حدر جدم الخيل واحدهم يطيح
باجر تشوفون خيرهم يصيح

بهلحرب صحنه وياك
والموت احنه نريده
حي الله زلم البيده
╌────═❁═────╌
ياخوتي حزام ضهري زامطت بيكم زلم
جنت احاجي ام عون خويه وينهم اهل الشيم
ماكو ناصر يالعقيله وينهم قسموا قسم
والله ماخابت ضنوني من كصدتوني بعزم

ابن ضاهر صوت ناده ياحسين
امشي بزماطك تره ميهمنه بين
والله لنقرلك عيونك يالحنين

زلمك تره حد الموت
ميهمنه كطعت ايده
حي الله زلم البيده
╌────═❁═────╌
زماط عدنه من نزامط ابد مانخلف عهد
من دخلناها المعاره حلوگ شگينه وعد
طلابه عدنه مانهدها الكافل يصيح المدد
شيب شبان وهتفنه گلنه للموت استعد

رگاب ترخصلك يبو الاكبر هتف
من نطبه الحومه نخسفها خسف
بينه فزعه من الگمر واهل الشرف

انضحي لاجلك بالروح
خيبر علي ونعيده
حي الله زلم البيده
╌────═❁═───
خادم السيدة زينب ع
✍باقر جبار الشويلي
نسالكم الدعاء

https://www.tg-me.com/lAfiteamoun

★«الابوذيه »★

لانصارك اريد اكصد.•.•وحيهم
واطوفن ريت ميتهم.•.•وحيهم
صار الطف نزل الهم.•.•وحيهم
*وتزوره الناس كل صبح ومسيه*
#نور_الولايه_الفاطميه
#لااجيز_حذف_اسم_الشاعره

▣========▣◈▣========▣

★قصيدة الانصار★

رايه تتبع رايه بكل عزم وفايه
احنه انصار الحسين ومانبدل رايه
✿────↻✿...✿↺────✿
✿────↻✿...✿↺────✿
احنه انصارك مانرجع ابد
ياحُسين وياك بالعده وعدد
للمنيه نصيح انصااارك وعد
مانخالف شرعك ودربك عهد
احنه الك تچايه نصيركلنه دمايه
احنه انصار الحسين ومانبدل رايه
✿────↻✿...✿↺────✿
ماتغرنه الدنيا لو حتى يزيد
مانريد نعيش بعدك كالعبيد
مانعوفك انته بلطف ووحيد
عهد هل صغناه مـِْن دم الوريد
ماتهمنه سوايه انته والله الغايه
احنه انصار الحسين ومانبدل رايه
✿────↻✿...✿↺────✿
واحد وسبعين بس بينه عزم
ه‌‌َـَْـُذآ شيخ انصارك وبيده لزلم
يقسم لزينب بالنصر وجزم
مانهاااب الموت گدامه نهم 
ديني هو ولايه الموت عندي حچايه
احنه انصار الحسين ومانبدل رايه
✿────↻✿...✿↺────✿
لايهمك جيش واسهام وسيوف
رجفت الگاع بسيوف اهل الطفوف 
نعيد حربك ياجمل هسه وتشوف
سيوفنا تلهم لهم شوف الجفوف
الموت عدنه سايه بيهه دگ الثايه
احنه انصار الحسين ومانبدل رايه
✿────↻✿...✿↺────✿
ياحلات الموت وياك بفخر
مانريد الموت والموته غدر
احنه انصارك وانصار الخدر
شمايطول الوكت ويطول الدهر
انصار شالت رايه بكربله الحمايه
احنه انصار الحسين ومانبدل رايه

✿────↻✿...✿↺────✿
✿────↻✿...✿↺────✿
#مولاتي_زينب {ام باقر الشويلي}
#لايسمح_تغير_اسم_الشاعره
#اجيز_للاخوه_خدام_الحسين_بقراءة_القصيده_دون_ذكر_اسمي_وذكر_الاسم(باقر جبار الشويلي)


★هوسات للانصار★

هوينه احنه المنايا وصرنا انصارك
بدمانه ثبت هالتاريخ تسمينه احرارك
يبن حيدر علي وينه لوصل دارك
نشلع اعيون منهم ناخذه بثارك
★{ياگاع ...وسجلي بتاريخي}★

النصر بجفوفنه مرفوعه له رايات
نحير كل خلگ يكتب شعارااات
نحبك يالولي ماعدنه كل غايات
واحنه بالطفوف اهناك دگينه ثايات
★{وبدمنه... نسگيها لخوه}★

#مولاتي_زينب(ام باقر الشويلي)

https://www.tg-me.com/lAfiteamoun