#قصيده_للعليلة

آهات العليلة

يالتحملون بضعنكم يالتحملون
لاتشيلون بضعنكم لاتشيلون
                *---------------*---------------*
وين اروحن والدمع يشرح مصابي
وانه بتكم ياهلي وهذا عتابي
انكسر گلبي يبويه من مشيتوا
اخذوني ويالضعن كسبواثوابي

بويه والفرگه طويله تعمه العيون
لاتشيلون بضعنكم لاتشيلون
                *---------------*---------------*
ليش عفتوني وحيده من بعدكم
فدوه ولخاطر محمد وانه بتكم
لا تحملون الضعينه وحدي ابقه
اه ياروحي العليله تنعي الكم
ابقئ ومناطر دربكم ليتردون
لا تشيلون بضعنكم لاتشيلون
                *---------------*---------------*
ابگه روح بلا جسم انه بچفاهم
گلبي من ضلوعي يطلع من وراهم
ليش عفتوني وحيده المرض سلني
گليبي ويدور عليهم مالگاهم

شلون يالعفتوا عليله بيه شلون
لاتشيلون بضعنكم لاتشيلون
                *---------------*---------------*
اه يفراك الحبايب يلچم جروح
بحرگة ابجي وين اهلي تطلع الروح
تكتل الفرگه يوادم واعتب انه
واليعيش بلايه اهله يرافگ النوح
وانه ماعندي حبايب وليواسون
لاتشيلون بضعنكم لاتشيلون
                *---------------*---------------*
الهاجرا منج يروحي مايردون
حملو كل ذكرياتي ويه الضعون
بحسره وتناطر دربهم ضاله العين
اأيسي ياروحي الحزينه مايرجعون
ودعي اهلج بالبواجي ودعي ام عون
لاتشيلون بضعنكم لاتشيلون
                 *---------------*---------------
خادم السيدة زينب ع
✍باقر جبار الشويلي
نسالكم الدعاء

https://www.tg-me.com/lAfiteamoun

#موشح {{ لمصاب مولاتنا أم البنين }}
#تقرأ موشح بالتراث الحسيني (النجفي) نزله.. زنجيل.. حيدريه.. ركضة طويريج من يمحيها..
وبعدة أطوار ثقيلة وسريعة وكذلك بنمط نعي

ردد بصوت الحزن وانعى بأنين
واطلب الحاجة بحق أم البنين
.....................................

تسمع بصوت اليناديها بشجن
تحضر ابساع وتجي عند المِحن
ومن تشاهد دمعته مثل المِزن
تگضي حاجات الأجاها عن يقين
⊰∽∽∽∽∽⊰✾⊱∽∽∽∽∽⊰

تگضي الحاجه ومن الله السداد
يلوگ لام الاربعه هذا الحداد
كعبه للعشاگ من رب العباد
وبگلبها من يدگ بس الحسين
⊰∽∽∽∽∽⊰✾⊱∽∽∽∽∽⊰

ياعلي انصيح ونشد لها اللطم
يالوفيه وحزنچ اعلينه انرسم
آه يا أم الگمر  كنز العلم
بكربله خيرچ ثمر ليث العرين
⊰∽∽∽∽∽⊰✾⊱∽∽∽∽∽⊰

نردد بصوت الحزن يافاطمه
اعليچ كل هاي العباد مألمه
انتي باب الله وانتي العالمه
للوفاء اليوم نبچي مخلصين
⊰∽∽∽∽∽⊰✾⊱∽∽∽∽∽⊰

نحَلفچ بحسين وانتي ام الوفه
ونخدمچ نبقى وهاي احلى صفه
وبونين اليوم نبچي وعاطفه
الچ يم الاربعه مدينه ادين
⊰∽∽∽∽∽⊰✾⊱∽∽∽∽∽⊰

للوفية الطاهرة قيم العزاء
خلي الها الصوت عالي بالبكاء
فاطمة بحسرات جر الها النداء
جيتچ بحاجاتي يل متخيبين
⊰∽∽∽∽∽⊰✾⊱∽∽∽∽∽⊰

تمت بأقلام خدام أهل البيت
✍🏻الملا احمد السالمي
✍🏻باقر جبار الشويلي
✍🏻ولائـية_وافتـخر (دعاء العامري)

للتواصل والاستفسارللقصائد
@MolatyzeenabBBB1_bot
https://www.tg-me.com/lAfiteamoun

صحنه وينه الشمر وينه.. احنه ولد الجعفرية
...
بيوم عاشر نلبس اسود والدمع عدنه مطر
نعزي مولانه ابو صالح نلعن اولاد الشمر
هذا ابن فاطم نحرته هو ابن سيد البشر
حيدر الكرار ابوهم وامهم الظلع انكسر
والله توجعنه سياطه.. شلون يسبي الفاطميه
.....
الف شاب وشاب واگف والدمع منه جره
يذكر مصاب الحسين بگلبه جمره اموجره
حرگه عنده عالفواطم مثل سبع الگنطره
جنه ابو فاظل خبطهه بس سمع سبي لمره
ابعد ايدك عن رحلهن.. عدنه ابو فاظل هويه
....
احنه ننصبهه المأتم شيعي محد علمه
بالگلب بايت جمرهن هاي عدنه مؤلمه
من يدگ زنجيل بيده يذكر امه فاطمه
شيعي يحملها الهويه ويدري ربه ايسلمه
الدنيا مادامت لحاكم شلون تأخذها سبيه
....

باللطم اذكر مصابك واندب الشيب الخضيب
عندي صوره وابخيالي راسم الخد التريب
ياحسين شلون حالك شفت والمنضر رهيب
بلا جفوف وناده خويه انه عباس الحبيب

شلون تتجرأ يضالم عالنساء الهاشمية
.....
كل حرب بيها خساره كربله صارت ربح
ماتدحرج راسه ناصي اول الصعده رمح
هو حي وانت ميت ماتصوب بس جرح
هاي معروفه القضيه حتى ماحاجه شرح
كل طفل عدنه ينادي يذكر اولاد الزجيه
....
هاي أطفال الهواشم تاهت بارض الحزن
والدموع انهار تجري والسمه شالت مزن
وين مااروحن أشاهد طفله عالغبره تون
انت لو مسلم حقيقي الميت كرامه دفن
صعدت الحره تدور فوگ تله الزينبيه
✍جبار عبد الزهرة الشويلي

زينب هل اجت يحسين كوم اكعد وحاجيهه
....
اجتك بيهه الف الوعه.. كوم اكعد وحاجيهه
من يومك ومفجوعه..كوم اكعد وحاجيهه
اخوها لكسروا ظلوعه ..كوم اكعد وحاجيهه
تون بونه مسموعه..كوم اكعد وحاجيهه
وهذا الصاير عليهه ..زينب هل اجت يحسين
.....
غيرك من يناشدها..كوم اكعد وحاجيهه
جاياهو لبعد عدها..كوم اكعد وحاجيهه
ياهو لجابها وردها..كوم اكعد وحاجيهه
يالحاضر شدايدها..كوم اكعد وحاجيهه
جاعدمن مخليهه.. زينب هل اجت يحسين
.....
اجتك تشكي محتاره ..اكوم اكعد وحاجيهه
تكلك مابقت جاره..كوم اگعد وحاجيهه
وكلبي ماطفت ناره..كوم اگعد وحاجيهه
لخيي لضاعت اخباره..كوم اگعد وحاجيهه
وسفه وهيج تاليهه..زينب هل اجت يحسين
  .....
ردت والهظم بالعين ..كوم اكعد وحاجيهه
حاجيها يخوها حسين..كوم اكعد وحاجيهه
وانشد عن رقيه وين..كوم اكعد وحاجيهه
ماتت لو هضمها البين..كوم اكعد وحاجيهه
وبيد الشمر يسبيهه..كوم اكعد وحاجيهه
.....
ردت محد وياها..كوم اكعد وحاجيهه
وحيده الدهر خلاها..كوم اكعد وحاجيهه
تشكيلك من عداها..كوم اكعد وحاجيهه
احبال السبي بيمناها..كوم اكعد وحاجيهه
واهل الجور تحديهه..زينب هل اجت يحسين

✍ابو سلام الجابري
✍باقر جبار الشويلي

https://www.tg-me.com/lAfiteamoun

اجيتك ياأخو زينب
شايل رايتي الخضره
▣========▣◈▣========▣
▣========▣◈▣========▣
جايك معتني مشاي
جدمي يسابگ لوياي
لهفة ظامي وللماي
وگلبي مابرد جمره
▣========▣◈▣========▣
جيتك شايل الرايه
ماشي ودربك الغايه
اوصل مرقدك ثايه
لودربك صفه غبره
▣========▣◈▣========▣
جيتك معتني يحسين
مااهاب المنايه اسنين
لهفة تايب وي البين
عمري موخلص صبره
▣========▣◈▣========▣
حجايه بابك احجيها
عهد زيارة وامشيها
روحي لجلك افديها
لمايمشي شلهه بعمره
▣========▣◈▣========▣
لمايمشي تمنه الموت
خسران ويعلي الصوت
دربك لْـۆ جمر ويفوت
يلطم صدره عليجره
▣========▣◈▣========▣
دربك راية الاحرار
نعلنها ونقر انصار
ل ابن لمرتضى الكرار
ويمنه حاضره الزهره
▣========▣◈▣========▣
▣========▣◈▣========▣
#لا_اجيز_حذف_أسم_الشاعر
✍باقر جبار الشويلي

للاستفسار والتواصل عِ
@Molatyzeenabb6_bot
https://www.tg-me.com/lAfiteamoun

على_لحن_اسرني_شوﮔج_وارفع_الرايه



بعيد الغدير نجدد ولايه

بعيد الغدير نجدد ولايه

يااباحسن كل احنه وفايه

🌺______🌺

ياابالحسن… من وصل تفسيرك

قران ناطق سوره والايه

بعيد الغدير نجدد ولايه2

يااابالحسن كل احنه وفايه
🌺_____🌺

ياحيدره… النه السراط ومايعبرونه

واحنه الروافض نحمل الرايه

بعيد الغدير نجدد ولايه2

ياابالحسن كل احنه وفايه
🌺 __🌺

ياابو الحسن ..من الله تتويجك

اول خليفه واخر وصايه

بعيد الغدير نجدد ولايه2

يااابالحسن كل احنه وفايه
🌺______🌺

ياعالم ..وللعلم ابوابه

هيبة محمد بيك الكفايه

بعيد الغدير نجدد ولايه2

ياالحسن كل احنه وفايه

🌺______🌺

يازلزله ..وصفين تشهد لك

روؤس الاعادي بسيفك دمايه

عيد الغدير نجدد ولايه

ياابالحسن كل احنه وفايه

🌺______🌺

✍باقر جبار الشويلي

للاستفسار والتواصل
@MolatyzeenabbbB_bot
https://www.tg-me.com/lAfiteamoun

ب الافراح ب الافراح…. هليله نبدي المستهل
حضر نور علئ النور…. حته العرش بيه احتفل

🌺••_____🌺


ٱمر نازل للنبي… هليله تنصيب الولي

ماكو ولي الا علي…يادنيا كومي وهلهلي

الله مختاره وصي… كرسي الخلافه الاولي

شعاع نوره عله .... زال الظلام وجله


علي ياخير العمل ..حته العرش بيه احتفل
🌺______🌺



علي ياخير البشر… وبنور وجهك ابتشر

الدين من يومه انتشر…لبايعك مامسه شر

فزنا ورب العشر… لموعد بيوم الحشر

اول خليفه وياكم ..والخير كله اجاكم

للباري احنه نبتهل.. حته العرش بيه احتفل

🌺______🌺


بالباري احنه نتصل ..نجدد عهدنا ونبتهل

شيعه علي قول وفعل..نفدي له كل روح و عقل

وليرفض لبيعه جهل.. عيوب كله وعلل

ياابو الحسن انته الامل.. فدوه الك كل الاهل

اليوم الدين •اللّـہ‌‌ اكتمل… حته العرش بيه احتفل
🌺______🌺


اليوم هل هلاله….عل نبي صلي واله

اسم الوصي يحلاله… بفراشه ضحه بحاله

بالكون ماكو امثاله… فدوه العده لنعاله

مجنون ﮔال الرابع…الما يفتهم يتراجع

العن ابو بكر وجهل… حته العرش بيه احتفل
🌺______🌺



العن ابو بكر وعمر… وليتبع لهم ضل خسر

اعمى ومقصور النظر… ولنور من عينه طفر

باالدين ماخذ صفر …والنار لهم مستقر

حصل اجر من تلعنه… تنول الرضه من فاطمه

حي على خير العمل… حته العرش بيه احتفل
🌺______🌺

باقر جبار الشويلي


🌺🌺🌺🌺🌺🌺🌺🌺🌺🌺🌺

https://www.tg-me.com/lAfiteamoun

عيد الولاية


بعيد الغدير نجدد البيعه
بعيد الغدير وحيدر نطيعه
اللهم والي من والاه اللهم عادي من عاداه
جينه نبايع حيدره الليله
طه أمرنا وجفه يشيله
اول خليفه وندري مو رابع
السبعين نادوا عدل الميله
حيدر أمير والي عالشيعه
اللهم والي من والاه. اللهم عادي من عاداه

بهاي الشعيره نصبه العالي
حيدر ولينه ويبقه للتالي
اسمك يضل لشيعي عنوانه
ضد النواصب حيدره الغالي
ناده يحيدر هاي الوديعه
اللهم والي من والاه. . اللهم عادي من عاداه

ياعشگ مثلك علي مولانه
اسمك طلاسم يمشي بدمانه
بايعنه شخصك بالمهد احنه
انته الهويه العالي بسمانه
نجدد عهدنه وابد منبيعه
اللهم والي من والاه.. اللهم عادي من عاداه

بسم الروافض نفتخر احنه
طه نبينه وعلي قائدنه
فازليوالي حيدره وولده
بالحشر باجر اسمه يرفعنه
اللعن عمرهم بهاي السويعه
اللهم والي من والاه.. اللهم عادي من عاداه

بايعت حيدر قبل تكويني
سر الإله وبيده يهديني
قبل الخليقه حيدره اسمه
بعالم الذره وهو يحميني
ياعشگ گلبي الغالي وريعه
اللهم والي من والاه اللهم عادي من عاداه

✍باقر جبار الشويلي



https://www.tg-me.com/lAfiteamoun

#لتبديل الرايه
موشح
كوم بدل الرايه يا مهدينه
ويانه تحضر فاطمه تعزينه
╌────═❁═────╌
كوم بدل رايتك يبن الحسن
ليله حتى السمه تبچيلك مزن
وياك تحضر فاطمه تنعى بحزن
ياحسين الصرخه الك علينه
╌────═❁═────╌
بكل سنه نجدد يمهدينه العهد
وداعت العباس ما نخلف وعد
ولو نعه الناعي وعالمنبر صعد
احنه الك رايه وعلم تلگينه
╌────═❁═────╌
نلطم احنا وياك يالمهدي بألم
ونذكر العباس شيال العلم
ايا صدر حسين حافرهم ثلم
شمالطمنه ابد ماووفينه
╌────═❁═────╌
يابوصالح الليله تكصد كربلاء
تبدل الرايات حي اعله العزاء
الليله فطرس والملائك بالسماء
تنصب المجلس تعزي حسينه
╌────═❁═────╌
ليله يلمهدي ودموعه هلجرن
ليله يرسم سوط واحبال ومتن
والاميره شلون من راحت تون
اه ياهذا الوضع يچوينه
╌────═❁═────╌
وبضريحه المهدي متوشح بسواد
يلطم عله راس ياخير العباد
يبو الاكبر فاطمه جابت ضماد
خل تضمد جرحه وجفينه
╌────═❁═────╌
حسين ثوبك رايه وبارض الطفوف
بي رسم عباس وسهام وجفوف
جن نشوفه ثوبه مزگه السيوف
والحوافر صدرك موذرينه

╌────═❁═────╌
✍باقر جبار الشويلي

للتواصل والاستفسار على القصائد

@MolatyzeenabBBB1_bot
https://www.tg-me.com/lAfiteamoun

#الليلة_الاولى
#للهلال
هلال السنه.... مكسور كلب الخدام
هلال السنه.... مو مثل كل الاعوام
غايب علينه اهلاله.. الخادم تخيب اماله
نضره يحسين... نضره يحسين
╌────═❁═────╌
هلال السنه يبجي ويحن للمنبر
اشكيله لو يشكيلي وانه اتحسر
شهر الحزن لمن يهل واتنطر
انصب عزه لام الخدر والاكبر

هلال حزنج هلسنه شو مختلف
خاف ماانصب عزه وعيني تجف
بغير مجلس روحي مدفونه بنجف


فكره يتغير حاله الخادم تخيب اماله
نضره يحسين. نضره يحسين
╌────═❁═────╌
هلال لحزن يبجي ويون بعبره
مكسورخاطر للعزيزه الزهره
خيل ال اميه حسين رضت صدره
اشلون لوماكوعزاء وطبره

هلشهر فشلان منج بت علي
من يهل هلاله مامش كل ولي
كل سنه تلطمين راحوا ياهلي

الدمع من دم ساله الخادم تخيب اماله
نضره يحسين. نضرة يحسين
╌────═❁═────╌
بهاي السنه اعله حسين ماكو قرايه
شهر الحزن مابي لطم لا رايه
يامحنتي يحسين شنهي الغايه
كلهه القليل وانت بس لهوايه

اهلال حزن النايبه اعلينا يهل
صحنه يابوحسين ياخير العمل
احنه منتضريين نضرة من الكفل

وي دمعته الهماله. الخادم تخيب اماله
نضرة يحسين. نضره يحسين
╌────═❁═────╌
اهلالك محرم ننتضر وبلهفه
خايف انه هاي السنه مختلفه
لاشوف ماتم للحبيب وولفه
شلي بحياتي وبالعزاء مااغفى


هلال حزني هالسنه ينزف دمه
ليش منقيم العزاء لفاطمه
مايهمنه هالوضع ورب السمه

يفدي الولد وي ماله الخادم تخيب اماله
╌────═❁═────╌
تمر السنه وانتضر انه هلاله
ونعزي زينب بالگطع اوصاله
نذر الدموع وبالحزن هماله
لمجلس ابونه ونعم افعاله

اندب انه العسكري وابن الحسن
ريت وترد لمجالس والمزن
ياهلال اعليك ظلع ام المحن

يحسين يريح باله. الخادم تخيب اماله

نضرة. يحسين. نضرة يحسين

✍باقر جبار الشويلي

╌────═❁═────╌
للتواصل والاستفسارللقصائد
@MolatyzeenabBBB1_bot
https://www.tg-me.com/lAfiteamoun

#قصيده _للهلال
وزن البحر الطويل

هلالك محرم
طور اهوازي

لفه شهر الحزن والنوح وعلگنه بيارغنه
خدام ونضل لحسين يلي بخيمته يلمنه
                *---------------*---------------*
هلال الفاجعه من هل ونشرنه بيرغ الزهره
يهيج الحزن يازينب ابد ماتبرد الجمره
بسواد الكل تحضرنه دموع وتنزل بحسره
زناجيل ومواكبنا اجت تلطم لابو العتره

وحگ الطيح الچفين غير الخدمه ماعدنه
خدام ونضل لحسين يلي بخيمته يلمنه
                *---------------*---------------*
يهلال الگدر هليت وتذكرنه بحرگ لخيام
من نلطم نشم عطاب ونذكر حرمله واسهام
وحگ نحرك يبو اليمه نظل طول العمر خدام
منحيد اعله دربك دوم شما طالت بعد الايام
يشهر الأحزان والآلام هلالك  والله يهضمنه
خدام ونضل لحسين يلي بخيمته يلمنه          *---------------*---------------*               
  باجر ياهلال الضيم بيك اجم مصيبه نشوف
وباجر عالنهر عباس توگع من ادينه چفوف
وباجر زينب الحوراء بيديها الحبل ملفوف
وباجر بين خيل ونار وبگلوب العلاوي الخوف
ماعندك بخت يهلال بجيتك بس هضم شفنه
خدام ونضل لحسين يلي بخيمته يلمنه
                *---------------*---------------*
بيك جم مصيبه نشوف هلالك والذبح يفزع
بيك انذبح نحر حسين وراسه عالرمح يُرفع
بيك انسبه خدر الله  لجان خياله مايطلع
بيك جم گلب مكسور وعيون الحرم تدمع
من تجبل يشهر الشوم هيئات لتجمعنه
خدام ونضل لحسين يلي بخيمته يلمنه
                *---------------*---------------*
عاشور الحزن بين هلال النايبه من هل
تحزمنه بعزم عباس صوت من الگلب رتل
جم خادم رحل عنه لجان دموعه بس تهل
ليحضر كل سنه ويانه لوعه بنص گلبنه خل
خدام وعلينه اعزاز خذاهم والنجف منه
خدام ونضل لحسين يلي بخيمته يلمنه
                *---------------*---------------*
✍خادم السيده زينب
باقر جبار الشويلي
نسالكم الدعاء

https://www.tg-me.com/lAfiteamoun

يبويه حسين نيتكم تخلوني
عليلة وبالغرب هل خابت ضنوني
                *---------------*---------------*
اخذني وي الضعن ياريحه الهيل
اصيرلك ضوه لمن يجي الليل
اريد وياك بويه انسحك بالخيل
عليلة لوحدي وشلون عفتوني
                *---------------*---------------*
من دارك يبويه كلشي لميت
لچن بس ذكرياتك ليه خليت
بيت بلايه والي مخربط البيت
يوحشني النزل جاليش خلوني
                *---------------*---------------*
اخبرك يبو اليمه لمن تروح
اخلص بويه ليلي ويه الجروح
يا عذر الگلها وتقنع  الروح
اهلي من حدوا بس تدمع عيوني
                *---------------*---------------*
مثل ورده وگطفني بويه فلاح
هيج انه بغيابك والنفس راح
بمساية غروب تلتم بس الجراح
اريدن بالضعن وياكم اخذوني
                *---------------*---------------*
اضل بجفاك بويه مكابله الباب
وعيوني تضل يالوالي خنياب
اخذني الكربله وي ضعن الاحباب
بنص الليل وحدي ومانشدتوني
                *---------------*---------------*
خادم السيدة زينب ع
✍باقر جبار الشويلي
نسالكم الدعاء

https://www.tg-me.com/lAfiteamoun

بصوت المبدع سيد حسين الموسوي

بقلم الشاعر باقر جبار الشويلي

بصوت المبدع سيد حسين الموسوي
لحن _2_
بقلم الشاعر باقر جبار الشويلي

بصوت المبدع سيد حسين الموسوي
لحن _3_لحن باسمي
بقلم الشاعر باقر جبار الشويلي