ياهو صله الوحشه يا زينب عليچ
ياهو غمض عينــچ وسبل اديـــچ
حسين مگطوع النحر
أبـــلايا چفين الگمـــر
**

يالعقيله منين ابدي آنه ابمصابــچ هالمسيه
يالعقيله وگبل يومــچ هــذا ضگتيها المنيــه
من مصاب الباب شفتي أول ممــاتچ
يالعقيله وبس محن خلصت حيــاتچ
چم منيـه بيها مذبوحــه امنيــاتـــچ
شگد رخيصه الدمعه يالماكو بغلاتچ

يالحياتــچ لـــوعــه وهمــــوم ونحيـــب
مـــن زغـــر دمعـــة يتم حــــدّ المشيب
حسره وهموم وقهر
أبـــلايا چفين الگمـر

*

چم منيه شفتي من ساعة كسر ضلع الزچيه
چم منيه آه يــا حـــره بمصــاب الغاضـــريه
چــم منيه شــاف يـا زينب دليلـچ
سهم گلب حسين وي طيحت كفيلچ
آه مــن ذيـــچ المنيه وحشــه ليلچ
لـــو رقيـــه النادت أبحسره دخيلچ

يــــا منيــه المـــرتــچ گـبــل الممــات
مــن نظرتي الحــرم وسفـه امسلبات
أندار شوفـــچ للنهــر
أبـــلايا چفين الگمـر
*

آه يزينب ادري اليموت الأهل تحضــر وفاته
آه يزينب وأنتــي دهــرچ عَــوّد أبكل ذكرياته
لا غمض عينچ اخــو آه يالغــريبه
ولا گمــر هاشــم يگلـــچ يالحبيـبه
گبل موتــچ بلله مــرت يــا مصيبه
حسين من طاح وبقت جثته سليبه

چـــانت امنيتـــچ يحضـــرون الابات
وعينـــچ أتصد الهم بحيــن المـمــات
ظلت ابالــچ صـــوّر
أبـــلايا چفين الگمر

*

دمعه تجري ادري عمرچ صار من اجل الحبايب
دمعه تجري وأنتي تدرين الدمع ميردله غايب
بــالمنيــه ومــرت ابالـــچ مــنـاحــر
بالمنيه وشفتي اخــوچ حسين حاير
بالمنيــه امنيتــچ اتشـــوفينه حاضر
بالمنيــه مــاتــت ويــاچ المشـاعـــر

چانــت امنيتــچ لــوّن كلهــم يجــون
وبــالمدامــع والنحيــب ايشيعـــون
لكن اشسوه القدر
أبلايا چفين الگمر
*

امنياتچ چانت ابطف كربلـه أتصير النهايه
امنياتچ من ضريح الگمر فوگچ تعله رايه
وما تمرلــچ ابـد لا يالحــره حيــره
ويم گمــر عــدنان گبــرچ يالاميره
وبعد مـا واحد يگول أنتـي أسيـره
لان وسفه الشام ظل ميت ضميره

تبقى زينــب صـــوت بالعــالم يصيــح
والها مبني بكــل گلب ثائـــر ضريــح
حتى لو صاح الدهر
أبـــلايا چفين الگمر

*
الشاعر
موسى البديري

زينب من اهله تريد زاتوت
تريد اخوان شيالة التابوت

تريد خوان دفانه ويدفنون
ويم نعش العقيله عليه يبجون
بلمغيسل سوه وگفوا يونون
شلون عليه دمع العين منعوت


تريد خوان يمها ورادت حسين
منگب والدمع تراس تره العين
موش بلا ولي ولامن دواوين
غريبه بين غربه وگطعت الصوت


غرببه بلا ولي جا وين عباس
اليوگف بالدفن بي رفعه الراس
وحشه جنازة اخته بگطع الانفاس

وبس جنازها شايلها ويفوت


وين ازلام هاشم صاحت بنخوه
ولا واحد حضرها وينها الخوه
ليش بلا زلم تتشيع التسوه
بغربه تندفن والگلب مفتوت


نادت ياهلي جاوين الاخوان
زحمة جنازتي بس يبره دفان
اميره ولكفلها مشمر الذرعان
لاجن ماحضرها بساعة الموت



وين اليوم اهلهه وين جسام
الي سبل جفوفهه و يصير جدام
يشيع عمته ويتحزم حزام
ولا ظم الدمع لو يبجي بسكوت


✍ابو سلام الجابري
✍باقر جبار الشويلي


للتواصل والاستفسارللقصائد
@MolatyzeenabBBB1_bot
https://www.tg-me.com/lAfiteamoun

ترحلين كتبوا علگبر زينب ترحيلن
يبو حسين زينبكم غريبه ودمعت العين
الكفل وين وحيده بدون خواني الكفل وين
✿────↻✿...✿↺────✿
✿────↻✿...✿↺────✿
ردت الاخو يحضر الي بالشام ويشوف لجره
يكتب عليه الاجنبي شيلي غريبه هالمره
ياكافلي واندب علي بويه وحيده مرمره
بين الغرب مالي ولي حرب النواصب مسعره

*يصيحون* مايبقى الگبر زينب يصيحون*
*والعيون* جن تصيح ابو فاضل والعيون*
*الكفل وين* وحيدة بغير خواني الكفل وين*

✿────↻✿...✿↺────✿

ياابو الفضل جيش العده ماتبقى كتبوا عالگبر
مابيه حيل اعله السبي هم يرد يسبيني الشمر
ماشايف اخيالي اجنبي زينب انه وام الخدر
ياوسفه حاطوا مرقدي فزعوا علي اهل الكفر

*ياالخوان*مهومه واناديكم يالخوان*
*يالحنان*زينبكم تره بشده يالحنان*
*الكفل وين*وحيدة بغير خواني الكفل وين*
✿────↻✿...✿↺────✿
نفس الحرگ بابك علي يكتب عليهه الناصبي
ينهدم گبري وماله اثر جبت العمر كله سبي
ياوجعة الشام لبقت برجليه جمرات العبي
مكتوب ولحالي اظل زينب انه وبت النبي

*يالحسين*شفت الحيد واگفلي يالحسين*
*تردين* مثل الاول بحظرة. تردين*
*الكفل وين*وحيدة بغير خواني الكفل وين*

✿────↻✿...✿↺────✿
ابقى انتظر منك تمر عباس ياخويه صحت
خدر العقيله والگبر بيد النواصب هل طحت
بس للاسف مابينت وجفوف ماعدك شفت
ترضاها انه بلا ولي وعيوني بدروبك عمت

*والطفوف*خويه اليوم ردوها والطفوف*
*بالجفوف*خويه احمي لي هالمرقد بالجفوف*
*الكفل وين*وحيدة بغير خواني الكفل وين*
✿────↻✿...✿↺────✿

مايفرغ المرقد ابد وشبان تقره بالعهد
عجل يبو صالح اجت يالشام جيناج بوعد
ثورة ضماير شيعتي مثل الزلازل والرعد
ردوها كلها محسره ضالم فلا يوصل ابد

*علي وياج*وينه الگال يدنالچ علي وياچ*
*مننساچ عاهدنه الزجيه احنه مننساچ*
*الكفل وين*وحيده بغير خواني الكفل وين*

✿────↻✿...✿↺────✿
✿────↻✿...✿↺────✿
✍باقر جبار الشويلي


https://www.tg-me.com/lAfiteamoun

(لحن يافاطمه يم الحسن)

صوت اعتلى من المشرعه
نعش اختي ياهو الشيعه
حسين انهشم منه الصدر
وانه جفوفي امكَطعه
▣========▣◈▣========▣



وكت المنيه ام الخدر ضلت تدير عيونها
لرض الغري والكربله تريد الذي يحضرونها
ماتت وسف يم الغرب والغربه اليشيعونها
ولو نزلوها بالگبر خافن يأذي امتونها
وجفها ومتنها امن اليسر
باقي اثر سوط الشمر
وراحت اسيره بت علي
عگب المعزه والخدر
▣========▣◈▣========▣


من الشام واسمع بس عتب ياخويه هيج الخوه
بيد الغرب تالي اندفن معقوله هاي النخوه
ربيتك وذاك الربه غيرة علي يالتسوه
يازينب شبيدي انه قدر الله هذا وبلوه

من النعش اسمع همس
زينب انه بااخر نفس
أدفني خويه بكربلاء
وهناك أأمن من احس
▣========▣◈▣========▣


اتمنى يابت حيدره جفي الزمان ايرجعه
للشام اجي واتعنى الج واترك يخويه المشرعه
وجسام اجيبه وي علي وحسين امر المصرعه
وبارض البقيع المجتبى يحضر ونعشج نرفعه
نصيحج يبت سيد البشر
نعشج ترى انشال بفخر
لجن يزينب محضرت
وجف يمنتي ضل عالنهر
▣========▣◈▣========▣


الطيبه منهو الي يصل يگلهم ترى ضلت مره
بالشام وبديره غرب بت فاطمه وبت حيدره
ونعش العقيله ام الخدرخافن غريب الينضره
يازينب اعتابج وصل ومنج اريد المعذره

ريت احضرج واوفي الوعد
لاجني مصيوب بعمد
تدريني ناذر هامتي
وجفي الج من المهد
▣========▣◈▣========▣


أنفض تراب المگبره مابيه حيل معاتبج
هدم دليلي ياخلگ نار العتب وي اخوتج
جايج انه ويه علي نحضر يخويه دفنتج
حسين انقهر صاح بألم جابتني زينب كلمتج

لمن وصلنه للگبر
شفنه علي متمم حفر
لحد يگول بيد الغرب
اندفنت أخيتي ام الخدر
▣========▣◈▣========▣


✍باقر جبار الشويلي

✍نور الولايه الفاطميه


https://www.tg-me.com/lAfiteamoun

اجينه لمرقدج زوار
يازينب تلگينه

بينه ريحة حسينج
نشف دمع لبعينج
نقره ونسمع ونينج
يامولاتي شوفينه
جينه لمرقد زوار... يازينب تلگينه


علگ جبنالج وتربه
من العلگمي وجربه
عينج عالدرب تربه
كل زاير فده عينه
جينه لمرقدج زوار... يازينب تلگينه

من جفين ابو فاضل
نعدل كل حمل مايل
وعينج مايضل عايل
نضحي العمر وسنينه
جينه لمرقدج زوار... يازينب تلگينه

جينه لكبرج انزوره
ندعي لباري لضهوره
مهدينه ويهل نوره
نرفع جفنه وادعينه
جينه لمرقدج زوار... يازينب تلگينه

بينه ريحة الخوة
وعباسج ابو النخوه
غيرة علي يالتسوه
وينه ضالمج وينه
جينه لمرقدج زوار... يازينب تلگينه

جبنالج سلام الحار
من المرتضئ الكرار
نبلغج والدمع مدرار
يامولاتي سمعينه
جينه لمرقدج زوار... يازينب تلگينه

✍باقر جبار الشويلي

https://www.tg-me.com/lAfiteamoun

بهيده ادفن يدفان ..غربه وماكو اخوان
★مدفونه الغريبه..
★بديار السليبه...
*غربه وماكو دفان*
✿────↻✿...✿↺────✿
✿────↻✿...✿↺────✿
وحشه الجنازه بلا اهل شيعوها
عباس كافل والغرب يحدوها
جاوين وعدك يلكفل زتوها
بنت الزجيه ويالغرب عافوها
★ناده يالمصيبه...
★ عباس شيجيبه...
*غربه وماكو خوان*
✿────↻✿...✿↺────✿
شلون تقبل غيرتك دفنتها
بيد الغرب ام الخدر جنازتها
زحمه على هاشم تره غربتها
وين الولد عباس وين اخوتها

★ناده وين لحنان...
★بزينب والدهر خان...
*غريبه وماكو خوان*
✿────↻✿...✿↺────✿
چفنها بيدك انته لامتعذرك
زينب تره رغم السبي تنتظرك
من حضرتك جيب الروايا تعذرك
انته تره العباس تعرف قدرك

★تندب ياكفيلي...
★ياويلي وعويلي...
*غربه وماكو خوان*
✿────↻✿...✿↺────✿
وصت وصيه بالدفن مكتوبه
مو اسمي تكتب عالگبر منكوبه
ماعدها خوان وصفت مسلوبه
زينب اختكم للكفر مطلوبه

★مامش اخو والناس...
★تندب وينه لعباس...
*غربه وماكو دفان*
✿────↻✿...✿↺────✿
ريت الگبر وبكربله مرقدها
بين الكفل وحسين يامسعدها
الزوار كلها وبالسمه فرقدها
هنيال يلحصل علگ من عدها

★نندب يالاميره...
★شو رحتي اسيره...
*غربة وماكو دفان*
✿────↻✿...✿↺────✿
✿────↻✿...✿↺────✿
✍باقر جبار الشويلي

للاستفسار والتواصل
@MolatyzeenabbbB_bot
https://www.tg-me.com/lAfiteamoun

قصيدة شلون للكاظم ع

شلون بينه لو يسدون الضريح
احنه عدمن نشتكي ويمن نصيح

شلون بينه والذنب كلَش جبير
نشكي من دنيه مجهولة مصير
ياهو يحمينه بعد وينه السفير
وينه حلال المشاكل من تطيح
****
شلون بينه والعمل كَلش قليل
ما يوصلنه لعد باب الجليل
خاف باجر نصرخ بصوت العويل
مثل نار وعاصفه اشتعلت بريح
****
ربي يدري بالذنب كلش عظيم
وانته خير الناس ياموسى الكليم
توكَف النه هناك يم رب عليم
انته يامصل الحياة لكل جريح
****
شلون بينه من انكطع حته الجسر
والطريق اليمشي بيه حته البشر
كلهه تصرخ ياعلي وين المفر
انته ميزان ألعمل كلش صريح
****
ش. جبار عبد الزهرة الشويلي

الكاظم مايرد طلاب
تگضي الكلفه يم بابه
••••••__________________••••••

يبو طلبه اسد بغداد
اجيت لحضرتك گصاد
هذا الكاظم ابن اجواد
هامت روحي بأعتابه
•••••_____________________•••••

اجيتك والدمع سالي
نخيتك عاين لحالي
تلهب نار دلالي
يمه العين سچابه
•••••_____________________•••••

جاي ومعتني ديارك
مترد الذي زارك
طبيب تسولف اخبارك
يلما عايف احبابه
•••••_____________________•••••
ابو طلبه نخيته اليوم
عليل وگلبي مهموم
گلبي لشوفته ملجوم
جينه أنعزي بمصابه
•••••____________________•••••

ماخاب لگصد داره
اجينه اليوم خطاره
لكاظم يحمي زواره
طاهر هو وانسابه

~~~~~~~~~~~~~~~~~~~

باقر جبار الشويلي





#مولاتﮰ_زينب (ام باقر الشويلي)
https://www.tg-me.com/lAfiteamoun

اكصد للكاظم هل الليله
نوح ابدمعاتك واشكيله
*
يازاير اكصد للكاظم
وبجيتك تتحده الظالم
شوف اشسوت بيه العالم
زواره وطلعت تشكيله
*
ميهمنه الارهاب وجينه
الآلاف الشبان انطينه
وياك اولنه وتالينه
نتعنه لدربك نمشيله
*
تفداك المهجه والعين
ونجاهدلك ع الصوبين
نزورك يالكاظم ماشين
بس انته تعدلها الميله
*
بلمجلس نادينه ادخيل
دمعتنه تجري واتسيل
عشنه وشفنه بس الويل
يجري المدمع هاي الليله

يالكاظم نندب مهدينه
ونكله وعدك جا وينه
ملينه وجدك ملينه
ننتظره بدمعه وننعيله
*
باقر جبار الشويلي


https://www.tg-me.com/lAfiteamoun

يالكاظم يمسموم… يالكاظم يمظلوم
*گضه عمره بلسجن… شيعته ضلت تون*
يالكاظم يمسموم… يالكاظم يمظلوم
____

گضه كل عمره بسجون الطاغيه
نحل جسمه ومابقت بيه عافيه
بالسجن ظلمه وشمسنه طافيه
بكل صلاته يدعي رب الغاشيه
*الشيعه غطاها الحزن… للجسر كلها تحن*
يالكاظم يمسموم… يالكاظم يمظلوم
_

علجسر شفنه الجنازه مدده
ينعي ناعيها وبصوته ويمجده
هذا ابن جعفر واسمه يردده
ياأسد بغداد جثته هامده
*احنه اذانه الزمن….جور حكام ومحن*
يالكاظم يمسموم... يالكاظم يمظلوم
_

بالمحن موسئ گظاها ايامه
ساجد وقائم اتم صيامه
يدعي ربه للفرج بقيامه
ينتضر مولانه يوم اعدامه
*غمض مولانه لجفن… ياغريب بلاكفن*
يالكاظم يمسموم… يالكاظم يمظلوم
_

ياغريب بلا وطن وبلا اهل
الشيعه اجت تصيح ياخير العمل
تلطم اعله راس وتواسي الاجل
هايه اجت مشايه وتنادي العجل
*والسجن اصبح وطن.. هي ايام الفتن*
يالكاظم يمسموم… يالكاظم يامظلوم

باقر جبار الشويلي

https://www.tg-me.com/lAfiteamoun

قصيدة شالو نعش

شالو نعش للدين..يمكن ولد لحسين
خلص حياته هموم ..هارون سمه اليوم

موسى بن جعفر يشيعه ع الجسر اموسدينه
جثه محموله وثجيله واربعه هل شايلينه
لمن ينادي المنادي رافضي و مسممينه
الموعد الجمعه يدجله ع الجتف هل حاملينه

بين اثر بالايد… من سنسله ومن قيد
خلص حياته دوم..هارون سمه اليوم

يانعش حامل همومه خلي ننهل من علومه
مدرسه بكل شي وتمييز بالحلم ويه خصومه
ما شفت بالدنيا مثله ولاشبه يحمل رسومه
الجسد ناحل وضمه وحطله بالتمره سمومه

دمعه نزل صوبين ..شايل اصول الدين
بالسندي ظل مضموم...هارون سمه اليوم

بالسجن ظلمه وسناسل والعمل كله تقيه
موسى كظاها حياته بالزهد عاش البقيه
ولايفيد الكرسي حاكم العمل هو الوصيه
ينسجن موسى بن جعفر بالغياهب والوطيه
يمته يصيح الثار ...وينادي ياجبار
يگضي العمر بالصوم..هارون سمه اليوم

هايه ثارات الخلافه والحروب الهاشميه
من فجر نورك محمد والسلاله الفاطميه
هذا عنوان الجهاله من الحقد والجاهليه
يبقه رسك انته اميه ويبقه اصلي الزينبيه

يبقى الحقد اصلاب..من فاطمه والباب
مارحمته هالكوم..هارون سمه اليوم


لاعهد عنده الخليفه ولاضمير الباقي عنده
من اصل يوم السقيفه بايعوا شيخه وجده
هذا عهد الخان حيدر هسه ايسمم له ولده
منهم الحزوا وريده منهم المگطوع زنده

خان العهد ايزيد...كل يوم اله صنديد
شو باقي بس اهدوم..هارون سمه اليوم
**
ش/جبار عبد الزهره الشويلي

عله الكاظم تره الدمعات.. صبن
الك جمرات وسط الگلب.. صبن
اجيتك معتني مشاي… ..صبن
اموت واعتني للكاظميه
باقر جبار الشويلي

امشونه نشيع لمسموم
والدمعات نجريها
**
امشونه انشيع الكاظم
اويلي اعله الجسر نايم
غريب وسمه هل ظالم
اعيوني اعليك لعميها



الابو طلبه تعنينه
ويمشي ويانه مهدينه
تلطم حيل جفينه
اقرايه اليوم نحييها

ندري حاضره الزهره
تبجي وبالگلب جمره
ويلي عالگضه عمره
مانشفت بواجيها

نمشي ونطلب الليله
واحدنه نهدم حيله
نريد مراد نحجيله
ومعصوصه نعازيها

والله ومايرد كلفه
بظلع الطاهره نحلفه
بشباجه كتب وصفه
ندري اليوم يگضيها

✍باقر جبار الشويلي


للتواصل والاستفسارللقصائد
@MolatyzeenabBBB1_bot
https://www.tg-me.com/lAfiteamoun

بصلاة اعله النبي لساني. ترطب
لمريض بحضرة الكاظم. ترى يطيب
بخشوع ولو دخل زاير. ترى يطب
بيت ال النبي ولزهره الزجيه

باقر جبار الشويلي

وبحمده تتم الصالحات..

الحمد لله الذي من علينا حافظة القرآن..معصومه علي

#ابوذيات_للولادات_المباركه_
🌸🌸🌸🌸🌸🌸

هلا بالجاي لينه وهلا ..شعبان
ينور الشمس بي واضح . ..يشع بان
الگلب بفراحكم هلهل .. يشعبان
شعاع من السمه بنور الزجيه

★★★🌸🌸🌸🌸★★★

الحوائج سيدي بابك .. نسلها
يبن الطاهره الطيب .. نسلها
بهذا المعتقد احنه… نسلها
ونسل كبارهم زمرة اميه
★★★🌸🌸🌸🌸★★★

حسين بجيته للكون ..منهاج
الگلب تابع ذليل وياك ..منهاج
بسم حسين صاح البحر ..منهاج
الجبال تزول من ابن الزجيه
★★★🌸🌸🌸🌸★★★

#متباركين_بمولد_الغيره_العباسيه_
✍باقر جبار الشويلي

https://www.tg-me.com/lAfiteamoun

##هوسات_للامام_العباس_ع
★★🌸🌸🌸🌸🌸🌸★★




اذا تصعب الحاجه ويصعب المنوال
يم باب الحوايج نشكي الاحوال
مطلعها القصيده يغرد المهوال

★★والحاجه االكافل يكضيها★★

🌸🌸🌸🌸🌸🌸🌸🌸
وكفوا من ام البنين لجابت العباس
ومن اذكر اسمها احني ليها الراس
يامنبع وفة بغيرتها دگ الساس

★★ والهوسه باسمه شمحلاهه★★

🌸🌸🌸🌸🌸🌸🌸
هلا بجيتك ضوانه ومنبع الغيره
يمتعب العده وما وصل تفسيره
يتمرجل عليهم حطهم بحيره

★★فرحانه الدنيا بجيته★★
🌸🌸🌸🌸🌸🌸🌸🌸


#متباركين_بمولد_الغيره_العباسيه_
✍ باقر جبار الشويلي

عباس**** ياعباس
★★★------🌸🌸-------★★★

بميلادك احنه نبارك
بالحفل كلنا نشارك
عباس حامي جارك
تشهدجميع الناس
★★★-------🌸🌸-----★★★
ام البنين ام الوفه
طلگت وجابت عاصفه
يلخذت من حيدر صفه
يا سبع هز الارجاس
★★★------🌸🌸-----★★★

فاطمه جابت مفخره
عباس سبع الكنطره
بالسيف ظالم شاطره
للخوه دگ الساس
★★★------🌸🌸-------★★★

بميلاده سوره نازله
للغيره هو الزلزله
نمشي مسيره راجله
للگمر اسمه عباس
★★★------🌸🌸-------★★★

نورت ياغيرة علي
يلبيك همي ينجلي
تفداك ناسي وكل هلي
العباس يا رفعة راس

★★★---------🌸🌸------★★★

✍باقر جبار الشويلي
https://www.tg-me.com/lAfiteamoun