قصيدة للسبي مع رباطات


انوح وياج يازينب.. عله حسين

نشوف احوالها وشنو الجره عليهه
ثلث تيام ضل عالغبره واليهه
اجينه بهالمسه الزينب نواسيهه
وحيده اخت الگمر لا مانخليهه

يحره جينه نتعازه.. عله حسين

اجينه اليوم الج مولاتي عوانه
وجبنه دموعنه يم عون ويانه
ندك اصدور للكطعوا ذرعانه
نبجي وياج يازينب الحزنانه

ازلام وخيلهم دارت.. عله حسين

اجت هاي لمواكب ليج عنايه
نسوي اعله النهر يازينب قرايه
يم جسم الحسين وكافل الرايه
عهد يم عون كلنه وياج وفايه

اعله ضل عاري ومسلب ..عله حسين

ونواسي العقيله بدفن اهاليهه
عين لمابجتلج والله نعميهه
دموع ومن دمه لعيناج نجريهه
عهد والله عهد ذكراج نحيهه

النار البكلب تلهب ..عله حسين

لسه النار اضن مشتعله بخيامج
ولسه الجمر زينب ضال بجدامج
واشد وأصعب يحره ضربة ايتامج
عگب عباس صارت ضلمه ايامج

نصيح بصوت يازينب... عله حسين

✍باقر جبار الشويلي


https://www.tg-me.com/lAfiteamoun

للمشايه


جينه نمشي لكربله بالاربعين
يازينب يازينب يازينب يازينب


جينه نبجي وياج يم المشرعه
وين عباس وجفوفه مگطعه
ننصب قرايه ونون يم مصرعه
وحيل نصرخ اه ياام البنين

يازينب يازينب يازينب

جينه ننشد كربله وين الجفوف
وين تل الزينبي وين الطفوف
وين عباس لوكع بيها السيوف
ننشد اعله للماي ماعنده حنين

يازينب يازينب يازينب

ليش جسم حسين مرمي بالفله
جينه ننشد ليش هيج كربلا
بياذنب يسبون بت خير الملا
من دخلنه لكربله بعالي الونين

يازينب يازينب يازينب

جينه نعتب ليش هيجي يالفرات
تبجي اعله الماي ويلي هالبنات
كون مايك ينكطع مابيه حياة
ريت جف الماي كل هاي السنين

يازينب يازينب يازينب
 
شنهو حالك بلا وصفه يانهر
من شفت عباس مگطوع النحر
وعينه تربي للمخيم والخدر
گلها خويه تعذرج انه وحُسين
يازينب يازينب يازينب

✍احمد الشمري

فك باب الكبر ..واكعد يعباس


فك باب الكبر خليني اشوفنك
مشتاقه احضنك حيل اشمنك
واحط راسي عالصدرك ياابوفاضل
واعذرني يخي اخافن الجمنك
مللني الصبر...واكعد يعباس

اجينه من اليسر كعدوا يااهلينه
متحسره عالشوفك خويه ابو سكينه
يخوتي  فراككم يكسر خواطر
يهل الشيمه جاشنهو لبدينه
عاين يالكمر ..اكعد يعباس

رجعت لكم يخوتي واحمل اعتابي
واعاين عالكبر جاوينها احبابي
بقت بس ذكرياتك ياكفيلي
يانار الكلب ياجمرة صوابي
يخلص هالعمر..اكعد يعباس

ستر الله انه وتوجع شكوتي
اجيتك ياجفيلي انتم تجوتي
شوف متون زينبكم والجفوف
يخوتي الشام يهضمني يخوتي

ماضلي خدر..اكعد يعباس

رجعت وباربعينك مايضل حيل
اريد اشوف متني ومدمعي يسيل
وأثار الضرب ومشوهه جفوفي
لاوالي بقه عندي ولا كفيل
وانه بهل يسر..اكعد يعباس

✍باقر جبار الشويلي

لا تضن لحضه نسيتك
اسحل بروحي اجيتك..بالاربعين


اليوم ياااخويه اليوم اربعينك
البيت خالي وصار مده مضيعينك
وكل مسية غروب ولدك فاكدينك
عمت عين المگبره الدفنت سنينك
عالترب صارت لحيتك
اسحل بروحي اجيتك ..بالاربعين

بلهفة العطشان اجيناها المگابر
روحي ماعافت حزنها وگلبي حاير
الگبرك الساجد اجه ومكسور خاطر

عالدرب كاعد لگيتك
اسحل بروحي اجيتك .بالاربعين

حيل مشتاكتلك وداعت غلاتك
يالجنت خيمه وتغطيني بعباتك
رحت مني وباقيه بس ذكرياتك
فاطمه وسكنه تلكاهن بناتك
المنهن تلوذ بحميتك
اسحل بروحي اجيتك..بالاربعين

✍باقر جبار الشويلي

زينب جايه بياحال
جابت رووس اهاليها

متعوبه اجت ياناس
من الشام لبلايه احساس
اخيتكم تلكوها
اكعد شوفها عباس
جاياهو ليضل ليها


اجت بعيون ذبلانه
لشوفتهم وعطشانه
همهه تشوف ابو الغيره
دير العين حزنانه
تنشد وين واليها

تشكي لحال لخوتها
لجانوا همه تجوتها
ردت والدمع يحجي
ريت  اليوم  دفنتها
ردت من يحيههاا


رجعت والضعن خالي
لا رقيه ولا والي
صاحت وينها الخوان
غالي يفارك الغالي
وينه لينشد اعليها


ذبت روحه اعله حسين
تشكيله مرار البين
خويه الشام عذبني
مشيب راسها والعين
جاعدمن مخليها

✍باقر جبار الشويلي


https://www.tg-me.com/lAfiteamoun

كلمات الشاعر باقر جبار الشويلي
https://fb.watch/mSXGf1-ddX/?mibextid=2Rb1fB

بصوت الملا احمد الحسناوي
الشاعر باقر جبار الشويلي
رابط القصيده👇
https://www.tg-me.com/lAfiteamoun/17602

غدر السقيفه… من اول خليفه
لا للغرابه…... ماهم صحابه

باعو الدين بسهوله بيوم گالوا للرسول
يهجر وهجمو سويه وطبوا لبيت البتول
شلون اكدر راح افهم للتساوي وشرد اكول
هيه وادمنه غشيمه ساوت بين العقول

فعلا عصابه... ماهم صحابه

العاشروا طاها وعترته بساع باعوها الذمم
يدعون اصحاب وسفه حرفوا هذا العلم
من عهد يوم السقيفه خطوا الحقد بقلم
كسروا ضلوع الزجيه هاي اولها النقم
ووين القرابه.... ماهم صحابه



منين صحبتهم بعيده الشاهد بحرب الجمل
حاربو حيدر علينا المحد الحده وصل
جان اخو هوه الرسوله وفده نفسه بكل محل
الصار ضد حيدر فعلهم وعاشو بذاك الامل

وضاع انتخابه….. ماهم صحابه

ذوله مو اصحاب اقصد راح اعدلك بالاسم
من عمر ذاك اللعين وصاحب الغار القسم
غيروا كل الشريعه وشرعوا دين الرجم
حللوا دمها الزجيه ولعلي شدوا حزم

لدفعوله بابه.... ماهم صحابه


لايزال الحقد قائم والمخطط بي اثر
المامشه بمنهج عمرهم عنه كالو شو كفر
حللوا دمنه يوادم والذبح عدهم فخر
هذا منهجهم نعرفه الخله ابو اليمه وذر

لكشر نيابه.... ماهم صحابه

✍ابو سلام الجابري
✍باقر جبار الشويلي


https://www.tg-me.com/lAfiteamoun

بويه وينك...ابقه وعيوني تصب
بويه وينك...نار وبگلبي تشب
بويه وينك...حرگوا الباب الغرب
بويه وينك ........بويه وينك


بويه بفراكك يتيمه وبالحزن
ياأبو فاطم دار وياي الزمن
لجانوا اصحابك اهل فتنه ومحن
ماروعني ودفعوا الباب بعلن

*يابو فاطم...خدي بعدك ينسطر*
*يابو فاطم...ظلع مني وينكسر*
*يابو فاطم...اعلنوهه هل الحرب*


انته رايح وانه بعدك بالهظم
ابيت احزاني يبوية وي الالم
عمامه باحظاني واشمن بالهدم
تدمع عيوني واصيحن چن حلم

*وداعت الله...وانه بعدك انولي*
*وداعت الله...لاخديجة ولا هلي*
*وداعت الله ...عيوني تربي عالدرب


ماروعني وانه بتك فاطمه
وايد هل الثاني عليه لاطمه
نابت البسمار واصرخ للسمه
ذوله اصحاب السقيفه الظالمه

*عذبوني...بيه ريحة م‌ـــِْن محمد*
*عذبوني...ينسطر كلساعه ياخد*
*عذبوني...زرگه عيني من الضرب*

انه مـِْن ريحة محمد ياخلگ
ليش باب الجنه هاليوم احترگ
انه فاطم والظلع مني انطبگ
ياخليفه يصير يوليني ويطگ

*ارد انشدك...بنية وبعازة ابو*
*ارد انشدك..ترضى يسطرهه لعدو*
*ارد انشدك.. ونايم انته بالترب*

الحرمة من تنهظم تعتاز الولي
دارت العدوان واندب ياعلي
مقيد بحبل الوصيه يالولي
انه فاطم بقت دمعاتي تهلي

*وانه وحدي... ابقة مكسورة ظلع*
*وانة وحدي.... جفهه عالخد انطبع*
*وانة وحدي... بروحي جمرة وانتحب*


✍باقر جبار الشويلي

#وزن التجليبه

المستهل من احدى خادمات الحسين ع
اثر رؤيا في المنام
وبالسان حال مولاتنا زينب وهي تقول بعد مقتل اخوتها💔

عذبني الزمان شلون عذبني
أوحاربني عله الوليان حاربني

╌────═❁═────╌
حرمه تحيرت بامري تحاچوني
محتاره بحرم واطفال خلوني
اخت عباس وبسوط ليضربوني
ياوسفه زماني بهاي دولبني
╌────═❁═────╌
دولبني زماني وتيهت الراي
اروح لمشرعه بس ياهووياي
اخوتي مچتله وماعدهم فياي
اصيحن وين عفتونه يخال ابني
╌────═❁═────╌
ركاض اعله نهر عباس اشوفنك
صدك ميت يخو زينب واگلبنك
جبت سكنه ورقيه وياي حاجنك
اشكيلك هظم والضيم كاتلني
╌────═❁═────╌

زامطت الزلم بيكم يخواني
وعفتوني غريبه ودهري ذلاني
فزعت شكثر بيكم ولا جاني
اخوتي عالثره ونيران تلهبني
╌────═❁═────╌
لماعدها اخوبيمن تشيل لراس
تضل محيره ومجروح الاحساس
يحزام الظهر ياخويه ياعباس
نوليت وداعت عيونك يسلبني
╌────═❁═────╌
✍باقر جبار الشويلي
https://www.tg-me.com/lAfiteamoun

https://youtu.be/5S5nhbxawSM?si=uc1vGYbSAPr05Lht
الشاعر باقر جبار