كوم ياعباس رد بيه ال هلي
راح تحمل ضيم بتك ياعلي
▣========▣◈▣========▣
▣========▣◈▣========▣
انته دگيت الصدر لم البنين
انه اضل كفال لـٍهآ وي الحسين
والچفوف طيح منك يالحنين
اصرخ اصيحن وين يمه كافلي
▣========▣◈▣========▣
يبوفاظل انته انطيت العهد
والكفيل تگول يايمه وسند
لچنت ازامط بيه شو عني ابتعد
من حملت الظيم گتلي دللي
▣========▣◈▣========▣
عالمشه اعتابي وبدار الغرب
ليش عايفني وحيده بهل درب
راح كفالي بعامود انضرب
طمتني كون الگاع ماواحد الي
▣========▣◈▣========▣
احنه وي الغرب مانمشي بلواك
بالاسر ياخويه طحنا مـِْن وراك
ليش عايفني سبيه وبرجاك
بالدموع اعتابي واعتب يلولي
▣========▣◈▣========▣
ياكفيلي گوم من نوم الرمح
موصرت فرجه راس وبي جرح
من عگب عباس تاليها انذبح
گوم صعدني يخويه لمحملي
▣========▣◈▣========▣
▣========▣◈▣========▣
#لا_اجيز_حذف_اسم_الشاعر
✍باقر جبار الشويلي
للاستفسار والتواصل عِبر البوت
@Molatyzeenabb_bot
https://www.tg-me.com/lAfiteamoun

عباس لمن طحت مسبيه عنك رحت
وينك يراعي الشيم
حرگوها خويه الخيم
يعباس... يعباس

افزعلي جرني الشمر لمن حرگ خيمتي
طفرن بنات الحسن وين اهلي وين اخوتي
شافتني خويه الغرب لمن يجر شيلتي
بنضراته حيل انوجع يالشامت بغربتي

افتر من ديره الديره
وحدي وضليت بحيره
وناس لما بيهم غيره .. بهذا الموقف

وين اخوانج ياروحي
مرهم جانوا لجروحي
عافوني وكثروا نوحي... لما يتوصف

كل عثره اندب هلي وامشي بلا كافلي
محد بقئ للحرم
حرگوها خويه الخيم


بالغربه هاي الحرم محد فزع يلولي
فرفح گلبها البجي ماتنحمل ياهلي
صيواني راح احترگ وانه اندبك كافلي
لا فزعه تحضر تجي ولانضره منك الي

طشن كلهن بالهيمه
لمن حركوها الخيمه
ياعمه الحر وضيمه.. تصيح رقيه

خويه ترضه بهالحاله
تشوف الدمعه الهماله
اندهه بالعاف عياله.. يكعد ليه
ضعني مشه بلا كفل عالنهر مات الامل
انه بحلم لو حلم
حرگوها خويه الخيم



شدونه كلنه بحبل وسبوا بنات النبي
من عيون هاي الزلم سترت علينا العبي
ولتعثر اعله لمتن يضربها جف اجنبي
صاح الدلال انتهئ ووتحضرن للسبي

ينشد وينه الكافلهن
مات وبيدي لعايفهن
خله اليوم يشاهدهن... جفي ليسطر

توجع چلمة جاوينه
اكعد خويه وحاجينه
الشامت عگبك يحدينه... ياابن حيدر

خلص دربنه بقهر يالنايم اعله النهر

طاحن جفوفه العلم
حرگوها خويه الخيم


اخر محطه الي بمجلس يزيد انهضم
توجعني جلمة سبي جن فاس كاسر عظم
جابولي رووس اخوتي للدمعه لازم اضم
غيضي وحملت الهجر للغيض ثاري طعم


ياخويه صاير بيه
تجرح جلمة مسبيه
حاجيني ورد أعليه... ياكفالي

ياريت تشوف بعينك
من شالو راس حسينك
ردتك خويه وجفينك.. باوع حالي
عيني تشرح بس دمع الصوت ابد منسمع
ا
كل شهگة حسره والم
حرگوها خويه الخيم

✍باقر جبار الشويلي


https://www.tg-me.com/lAfiteamoun

قصيدة للسبي مع رباطات


انوح وياج يازينب.. عله حسين

نشوف احوالها وشنو الجره عليهه
ثلث تيام ضل عالغبره واليهه
اجينه بهالمسه الزينب نواسيهه
وحيده اخت الگمر لا مانخليهه

يحره جينه نتعازه.. عله حسين

اجينه اليوم الج مولاتي عوانه
وجبنه دموعنه يم عون ويانه
ندك اصدور للكطعوا ذرعانه
نبجي وياج يازينب الحزنانه

ازلام وخيلهم دارت.. عله حسين

اجت هاي لمواكب ليج عنايه
نسوي اعله النهر يازينب قرايه
يم جسم الحسين وكافل الرايه
عهد يم عون كلنه وياج وفايه

اعله ضل عاري ومسلب ..عله حسين

ونواسي العقيله بدفن اهاليهه
عين لمابجتلج والله نعميهه
دموع ومن دمه لعيناج نجريهه
عهد والله عهد ذكراج نحيهه

النار البكلب تلهب ..عله حسين

لسه النار اضن مشتعله بخيامج
ولسه الجمر زينب ضال بجدامج
واشد وأصعب يحره ضربة ايتامج
عگب عباس صارت ضلمه ايامج

نصيح بصوت يازينب... عله حسين

✍باقر جبار الشويلي


https://www.tg-me.com/lAfiteamoun

على لحن امنيتي لولد عريس اشوفنه

ردت من سبيهه اليوم محتاره
وتنشد عن ابو السجاد واخباره

تنشد عن اخوهه وياهو دفانه
تگله خلاف شخصك محد ويانه
بس هم وحزن بجفاك غطانه

يگلبي خلافكم ماتطفه ابد ناره

گلب الفاجده الوليان وشلونه
الماعرفوا مصابه ولا يلومنه
تتمنه سوه وياهم يخلونه

ولا تگعد وحيده حسين وبداره

ولاتگعد وحيده مفاركه الوليان
وتذكر من اهلهه الخيمه والدخان
ولظل للغرب ويحشم الخوان

ومحد من اهلهه الياخذ بثاره


ام عون  الاجت والرووس وياها
لا واحد فزع ليها وتلاگها
تصيح ام الحزن بالضيم خلاها
وكون الموت الي وموش لكم اختاره

الرؤوس وياي انعه وابجي بعبره
يبو السجاد جيتك بالگلب حسره
اشوف اگبوركم ياخويه بالغبره
ياحيد الحرب مسلوب بتاره

وبيوم أربعينك جيت مشايه
صحت عباس ترضئ بحالتي هايه
لموش ازلام تقبل دگوا الرايه
واحير خلاف شخصك مابقت جاره

✍ابو سلام الجابري
✍باقر جبار الشويلي

@MolatyzeenabBBB1_bot
https://www.tg-me.com/lAfiteamoun

قصيدة للسبي
شورر

راح نروح مسبيات
وينك ياگمر هاشم
تدري والضعن بجفاك
صرنه وفرجه للوادم

گوم اگعد يبو الغيره
خلافك حيرتي حيره
مسبيه واطب الشام
وغربه خلافك الديره

غربه ومحد ويانه
لا عباس وخوانه
خالي اليوم ميدانه

راح  اليوم والينه

گوم اگعد وحاجيني
ضعنكم ياهو لمسيره
ترضه بهضمة النسوان
وعگبك روحي متحيره

طبت الشام توجعنه
عيون الزلم تاكلنه
سبايا يصيح ضربوهن
ولا واحد فزع لنه

سبايه وراح واليهن
وسوطه يلعب اعليهن
جاياهو يحضر ليهن

راح اليوم والينه

نخيتك ياگمر عدنان
اگعد شوف حالتنه
بحبال السبي والظيم
وغربه اليوم غربتنه

غربه ومن طب السوگ
وعلينه ماضنها تلوگ
راسك قدموا جدام
اسيره وچدم محروگ

هيجي وهمه يرمونه
بحجر راسك يصيبونه
حسين تباوع عيونه

راح اليوم والينه



اجينه ويالضعن مهيوب
وردت بس نسه وايتام
طرينه زلم والسوگ
وفرجه صرنه للظلام

صحت وينك يكفالي
اكعد عاين لحالي
نضرات الزلم تكتل
لحرمه ومالي والي

صاحوا وينه كفالج
يالماشافوا خيالج
يجي عاين على حالج

راح اليوم والينه

✍ابو سلام الجابري
✍باقر جبار الشويلي

https://www.tg-me.com/lAfiteamoun

يابعد العيون انه اختك ام عون
الكربله جيت بحميتك ياابو الغيره

اتسولف الدمعه ضعنك منو يرجعه تضل بالكلب لسعه بنار الخيم

يحتركن خيامي يل عالنهر ضامي
وتزيد ألالامي… يابو الشيم

ابچيلك هواي يمعطش الماي
الحرم يا أبو فاضل ضاله بحيره



خويه يكفالي يلجنك خيالي
بكل لحظه تبرالي.. وينك يخيي
بنص الزلم امشي يالشيبت رمشي
ذله وهضم بلشي تصعب عليي

ياخويه عباس لماعدهم احساس
يهضم بگلبي حجيهم صعب تفسيره



يامعنئ للخوه يالكلك مروه
يل بسمك اتگوه يبو الفضل
يالعايش بروحي شيهيد جروحي
عگبك يضل نوحي ودمعي يهل
جيت انه بحماك وامشي اعله ممشاك
باجر يفرون ضعنك ديره من ديره


لو بيدي اجي يمك خويه والم جسمك
وبهداي اجر سهمك بلكي ترد

ياريت اودعنك وبانفاسي اشمنك
خاافن الجمنك حيلي ركد
اعذرني مااجيت حيلي انته هديت
حسيني ضل حاير خطيه صعبه وجبيره

✍باقر جبار الشويلي

https://www.tg-me.com/lAfiteamoun

ذكرياته…يشيب من عدها الگلب
ذكرياته …كلها صارت بالغرب
عمته زينب طلعوها...لمن الخيمه احرگوها
╌────═❁═────╌
ابو الباقر شاف بعيونه العجايب
عمته زينب وسفه گعدوها بخرايب
هواي هنه هواي ياناس المصايب
الطفل لو حاضر هناك يصير شايب
يا حسرته …يذوب من عدها الصخر
ياحسرته …دمعه واهات وقهر
الگوم عماته ولوها…لمن الخيمه احرگوها
╌────═❁═────╌
شائت الاقدار عمته بهلفجيعه
حسره صارت بگلب يم الشريعه
چفوف ابو فاضل بقن يمه گطيعه
بلايه كافل ضلت الحره الوديعه
في خياله …سوط وصياح وزجر
في خياله …سكنه ويعتها الشمر
وسفه والخدر سبوها… لمن الخيمه حرگوها
╌────═❁═────╌
لسه اثار السلاسل حد رگبته
ابو الباقر ابد ما فارگ دمعته
لاتلچلمونه بجروحه وبوجعته
ابهيده يادفان نزلوه بحفرته
يا عذابه …حافر خدوده الدمع
ياعذابه… يذوب چن مثل الشمع
حيل روحه روعوها …لمن الخيم احرگوها

╌────═❁═────╌
الليله ابو الباقر صريع وگلبه دامي
الليله بفعال العده مسموم امامي
ويه جنحان الحمام ابعث سلامي
انت يا زين العباد اخر كلامي

يعينك الله …عله الشفته بكربله
يعينك الله… تمشي ويه العايله
عمامة حسينك خذوها… لمن الخيمه احرگوها
╌────═❁═────╌
عادة من الله وكرامه يجري دمه
وسفه بفراش المنايا الملك سمه
بنياحه جاب عمره وكبر همه
كبرت بروحه الطفوف وجرح عمه

وداعت الله… العين تبچيلك مزن
وداعت الله …ساجد الامه بحزن
عيالك وحرمه اضربوها …لمن الخيمه احرگوها
╌────═❁═────╌
✍باقر جبار الشويلي


للتواصل والاستفسار على القصائد

@MolatyzeenabBBB1_bot
https://www.tg-me.com/lAfiteamoun

عگيلي للسجاد

هالليله الزهره نعزيها
هالليله الزهره نعزيها
╌────═❁═────╌
بمصاب السجاد الليله
الخادم بالمجلس شد حيله
يلطم راسه ودمعه يسيله
والخادم ونته يعليها
╌────═❁═────╌
يوم العاشر ضل باله
جدامه وچتفوها عياله
من عدهن يذكر ياحاله
وزينب عالنوگ مرچبيها
╌────═❁═────╌

الله يعينك يابو الباقر
اعله حسينك تكسر خاطر
شفت بعينك رضه الحافر
والجثه بهيمه مطشريها
╌────═❁═────╌

مغدور بسمك ياويلي
يالعابد يومك هد حيلي
لمصابك دمعاتي تسيلي
وبصدري لطمه مخليها
╌────═❁═────╌

هليله نعزي مولانه
والمهدي مفرع ويانه
ذبلان ومتغيره الوانه
يلطم عالراس يخليها
╌────═❁═────╌

يلطم علراس مگابلنه
والونه يعليها الونه
يعظم اجرك وبساجدنه
والصرخه حيل يعليها

✍باقر جبار الشويلي


للتواصل والاستفسار على القصائد

ختام مجلس. سريعه

يوم لحرگوا الخيمه. واويلي على السجاد
خواته طرن الهيمه. واويلي على السجاد
حار الگلب وبضيمه. واويلي على السجاد
ماتلحگ يبو الشيمه. واويلي على السجاد

زينب صاحت بهمه. واويلي على السجاد
ماتلحگ علي عمه. واويلي على السجاد
متني سايح بدمه. واويلي على السجاد
ضعني ياهو ليلمه. واويلي على السجاد


دمعه يجري ابو الباقر. واويلي على السجاد
حيله يكسر لخاطر. واويلي على السجاد
يشكي حاله لجابر. واويلي على السجاد
ماتت روحه بالعاشر. واويلي على السجاد


يحمل جم كسر بالروح. واويلي على السجاد
لا هود ونين وونوح. واويلي على السجاد
يلجمنه شكثر الجروح. واويلي على السجاد
من يذكر ابوه مذبوح. واويلي على السجاد


بروحه عاشت اللوعات. واويلي على السجاد
من شاف الحوافر مات. واويلي على السجاد
بيوم الحرگوا لخيمات. واويلي على السجاد
وشاف ضعونه مسبيات. واويلي على السجاد

✍باقر جبار الشويلي


https://www.tg-me.com/lAfiteamoun

اختك سبيه گوم وين الوصيه
وين الكفاله تصير ياالغاضريه
▣========▣◈▣========▣
▣========▣◈▣========▣
ياباالفظل چاوين وصاك حيدر
ليش العقيله تعوف وياهه خدر
مسبيه هالنسوان والشمر يفتر
تموت الكفاله حيف حامي الحميه
▣========▣◈▣========▣
علناكه ريت تشوف من ركبوهن
سكنه ورقيه تصيح من جتفوهن
لاحاضر انت هناك جاوين ابوهن
يشوف العزيزه شلون تمشي سبيه
▣========▣◈▣========▣
نمشي سبايه حيف وين الكفاله
وين الوعد عباس صعبت االحاله
ياعمه اخيج وين صرخت عياله
بعينك يريت تشوف اكبر رزيه
▣========▣◈▣========▣
بلكوفه خويه هناك ردتك تجينه
من دخلونه اعداك ومجتفينه
ريت الكمر عباس سيفه بيمينه
يشيل الحبل من ايد سكنه ورقيه
▣========▣◈▣========▣
ريتك تشوف الگوم تومي علينه
ذني سبايه يزيد مشدوده ادينه
ردتك چفيلي الًيَوُمًِ تسمع ونينه
يحاچيني السجاد والطم ب أديه
▣========▣◈▣========▣
▣========▣◈▣========▣
#مولاتي_زينب(ام باقر الشويلي)
#نور_الولاية_الفاطميه
{نجيز_للاخوه_قراءة_القصيدة_دون_ذكر_اسماء_الشاعرات}
للاستفسار والتواصل عِبر البوت
@Molatyzeenabb_bot
https://www.tg-me.com/lAfiteamoun

لمولاتي رقيه

تعنت رقيه ااعله النهر
گصدت لعد عمها الگمر
ترچيه ماضلت ااالي
عالغبره طايح والدي
✿────↻✿...✿↺────✿
✿────↻✿...✿↺────✿
دمعة رقيه والهظم
بيوم السبي صارت شجن
ياخويه ترجيه يجر
واسمعها من گامت تون
جروها والخدر بچت
حبال الشماته اتحظرن
ضلت رقيه محيره
وسياط اميه اعله المتن

*يابالحسن يشتم نذل*
*چفيني شدوها بحبل*
*چاوينه كافلها بعد*
*ظلت تنادي عالكفل*
✿────↻✿...✿↺────✿

الحگ علي ياابوالفظل
تندب رقيه ياعلي
ياوالدي ليك اشتكي
عالوجنه دمعاتي تهلي
يابويه وين اوصيتك
سكِينه ورقيه ومحملي
عالناگه اصيحن ياهظم
لٱ اخوتي يمي ولا هلي

*أندب اصيحن حيدره*
*چاوينه سبع الگنطره*
*يابويه ولهجمت زلم*
*سبعين الف وانه مره*
✿────↻✿...✿↺────✿
يافاطمه شوفي لحصل
خواني نومه اعله الثره
يم الحسن ديرة غرب
نار بدليلي موجره
كفالي طايح عاالنهر
وچفوفه يمه مشمره
وحسيني بحر الشمس
يازهره گطعوا خنصره


*يذبح نحر جف الشمر*
*ياااا يمه وبحر الظهر*
*شبعوا طعن شبعوا رفس*
*وبصدري محبوس القهر*
✿────↻✿...✿↺────✿

نادت رقيه اعله الكفل
ياعمي ترچيه وهظم
ازغيره مومالت سبي
اگليبي مايحمل يتم
لاعندي عم ولا ابو
استاحش بنگل الجدم
راسك اشاهد عالرمح
فوك الرمح چنهه علم
يدير النظر يهمل دمع
تمشي رقيه وي الظلم

*حرگوا عبايه بالسبي*
*وبأيده جرني الاجنبي*
*تراضاها عباس الغرب*
*جرت اذاني يالولي*

✿────↻✿...✿↺────✿
بعدك بقينا بلا كفل
انه الكفيله لهن صرت
احجيلك بقصة سبي
بالحرم انه تحيرت
طبينا وبسوگ الهظم
والحرم. كلهه تكدرت
عيون الزلم تاكل مره
ياخويه كلهه تحظرت

*من النحر اسمع همس*
*صوت ابو فاظل والنفس*
*بالحرم هاي وصيتي*
*أنتي الكفيله والحرس*

✿────↻✿...✿↺────✿
✿────↻✿...✿↺────✿
#لايسمح_تغير_اسم_الشاعر
✍باقر جبار الشويلي

قصيدة للإمام الحسن عليه السلام


للحسن هليوم ملجوم الگلب
گبره عنه بعيد وبعيد الدرب
ريت نوصله ونزور
وعالضريح احنه ندور

معزب الخطار وينه ليش گلي بلا ضريح
گبره كون يلمنه كلنه هناك نقراله ونصيح
نترس الدنيه مواكب نذكر مصاب الذبيح
ويعتلي صوت الموالي يلحسن عالي ويصيح

محد يزورك يوالي الحيره صعبه
بعيد گبرك عدنه غالي وحشه دربه
.ظايع بين القصور… ريت نوصله ونزور

للحسن دمعاتي تجري وانه اتمنه اروح
ريت كون احضر لگبره واكعد هناك وانوح
هناك اشم ريحة الزهره وينترس گلبي بجروح
وبيدي احط راية محمد وحيل اعليها الصروح

كون رايتها الزياره تعتلي
هناك ونگلهم ابو محمد ولي
نعلك بگبره بخور… ريت نوصله ونزور


للحسن كون المواكب توصل ويمه تطوف
جان مشايتنه تمشي وبلبقيع اصبح خسوف
وننعئ يمه عله الزجيه ونذكر مصاب الجفوف
ونذكر مصاب العقيله والخيم وشبيه خوف

لو صلنه الحضرته ونزوره
الطاغي يمه ماتظل قصوره

وعلگبر نبنيله سور… ريت نوصله ونزور


يمته اشوفلك مناره يالحسن باارض البقيع
نطالب بدمك نگلهم دمه غالي ومايضيع
يابن طه المصايب وصلت النحر الرضيع
كون يمنه انته ونزورك ليش وحدك يلشفيع

باب نعمه انته والكرامه وطيبه
كون نگدر گبرك لنا نجيبه

يانبع للدنيه نور… ريت نوصله ونزور

ليش ممنوعه الزياره عنك وماكو اربعين
مايعرفونك نواصب بيك واحنه محزمين
بلشدايد ونته تحضر يابن طه الامين
لازم نعلي المناره شما گصت بينه السنين

بعون حيدر والعقيله وجالها
الشيعه تبنيها المناره لحالها

يمته نشتم هلعطور… ريت نوصله ونزور

✍ابو سلام الجابري
✍باقر جبار الشويلي

رقيه حسين ضاعت بين الخيول
وانه امشي سبيه وانته مكتول
....
رقيه حسين خافت من الخيام
من صارن رماد وجون جدام
فزعتلك وجتك شافت سهام
بصدرك نايمه وفراكك يطول
....
تفرفح من عطشها دير العيون
بس اسمع شحيح لصوت يم عون
ياعمه الحكي شوفي شلون
ابوي بصدره تلعب هاي وتصول
....
ماتدري رقيه بحالك شصار
بجت تفزع واجتك تشكي النار
مشبهه بيك اخويه وتسمع اخبار
حوافر خيل فوك الصدر وتجول
....
رقيه شلون حارت بين الثنين
العبدالله تروح ترد للحسين
ماكدرت تسولف بس بجي العين
اليسليهه بعدكم ونته شتكول
....
ضلت حايره وضايع أملها
احترت يحسين مدري شنهو اكلها
اعزيها بمصابك لو بأهلها
وعنهه السوط منك كايم يحول
....
✍ابو سلام الجابري
✍باقر جبار الشويلي
https://www.tg-me.com/lAfiteamoun

بويه وينك...ابقه وعيوني تصب
بويه وينك...نار وبگلبي تشب
بويه وينك...حرگوا الباب الغرب
بويه وينك ........بويه وينك


بويه بفراكك يتيمه وبالحزن
ياأبو فاطم دار وياي الزمن
لجانوا اصحابك اهل فتنه ومحن
ماروعني ودفعوا الباب بعلن

*يابو فاطم...خدي بعدك ينسطر*
*يابو فاطم...ظلع مني وينكسر*
*يابو فاطم...اعلنوهه هل الحرب*


انته رايح وانه بعدك بالهظم
ابيت احزاني يبوية وي الالم
عمامه باحظاني واشمن بالهدم
تدمع عيوني واصيحن چن حلم

*وداعت الله...وانه بعدك انولي*
*وداعت الله...لاخديجة ولا هلي*
*وداعت الله ...عيوني تربي عالدرب


ماروعني وانه بتك فاطمه
وايد هل الثاني عليه لاطمه
نابت البسمار واصرخ للسمه
ذوله اصحاب السقيفه الظالمه

*عذبوني...بيه ريحة م‌ـــِْن محمد*
*عذبوني...ينسطر كلساعه ياخد*
*عذبوني...زرگه عيني من الضرب*

انه مـِْن ريحة محمد ياخلگ
ليش باب الجنه هاليوم احترگ
انه فاطم والظلع مني انطبگ
ياخليفه يصير يوليني ويطگ

*ارد انشدك...بنية وبعازة ابو*
*ارد انشدك..ترضى يسطرهه لعدو*
*ارد انشدك.. ونايم انته بالترب*

الحرمة من تنهظم تعتاز الولي
دارت العدوان واندب ياعلي
مقيد بحبل الوصيه يالولي
انه فاطم بقت دمعاتي تهلي

*وانه وحدي... ابقة مكسورة ظلع*
*وانة وحدي.... جفهه عالخد انطبع*
*وانة وحدي... بروحي جمرة وانتحب*


✍باقر جبار الشويلي

غدر السقيفه… من اول خليفه
لا للغرابه…... ماهم صحابه

باعو الدين بسهوله بيوم گالوا للرسول
يهجر وهجمو سويه وطبوا لبيت البتول
شلون اكدر راح افهم للتساوي وشرد اكول
هيه وادمنه غشيمه ساوت بين العقول

فعلا عصابه... ماهم صحابه

العاشروا طاها وعترته بساع باعوها الذمم
يدعون اصحاب وسفه حرفوا هذا العلم
من عهد يوم السقيفه خطوا الحقد بقلم
كسروا ضلوع الزجيه هاي اولها النقم
ووين القرابه.... ماهم صحابه



منين صحبتهم بعيده الشاهد بحرب الجمل
حاربو حيدر علينا المحد الحده وصل
جان اخو هوه الرسوله وفده نفسه بكل محل
الصار ضد حيدر فعلهم وعاشو بذاك الامل

وضاع انتخابه….. ماهم صحابه

ذوله مو اصحاب اقصد راح اعدلك بالاسم
من عمر ذاك اللعين وصاحب الغار القسم
غيروا كل الشريعه وشرعوا دين الرجم
حللوا دمها الزجيه ولعلي شدوا حزم

لدفعوله بابه.... ماهم صحابه


لايزال الحقد قائم والمخطط بي اثر
المامشه بمنهج عمرهم عنه كالو شو كفر
حللوا دمنه يوادم والذبح عدهم فخر
هذا منهجهم نعرفه الخله ابو اليمه وذر

لكشر نيابه.... ماهم صحابه

✍ابو سلام الجابري
✍باقر جبار الشويلي


https://www.tg-me.com/lAfiteamoun