اون لم البنين ومانشف دمعي
اريد اقره الزياره وانحب وانعي

*
اون لم البنين الليله خلوني
ابجي بصوت بالمجلس دسمعوني
لياليها بحزن احييها بعيوني
ومابطل ونين عليج يدروني
تستاهل لطمنه وهشمه لبظلعي

تستاهل عزانه ودك الصدور
هاي ام البنين وام البدور
ضحت بالشباب وصاروا ٲنحور
لابن بت النبي وفتهم انذور
ياقدوة بحياتي وحصني ودرعي
****

ياشمعة حياتي شماطفت تضوي
ياام عباس دربج بالوفه يزهي
جربه وللوفه بدم لولد تروي
اصلج بالشرف والفخر هل يدوي
رفعة راس ياام عباس اسمعي
****
گطعتيه الوعد وفيتي للزهره
بدم الاربعه وفيتي للعتره
مايرجع ولد وبگلبج الجمره
مايبرد دليلج بالگلب حسره
ياحسره بدليلي والدمع ربعي
***

ماتشبه وفاءج بالخلگ نعمه
يااساس البطوله ومهبط الرحمه
ماصاحت لبو السجاد بس يمه
فداه الاربعه يرحون بس لسمه
تضحي باربعه مثل الشمع دمعي

✍ باقر جبار الشويلي

https://www.tg-me.com/lAfiteamoun

لام البنين عليها السلام

دك باب الحسين بيد ام البنين
ياباب المراد. رحمه اعله العباد
╌────═❁═────╌
دگ باب الحسين اتسمعك الحره
ياناس وعلي هيه اتعرف سره
يالعندك حوائج حلفه بالزهره
محتاره بعطائه الناس شنو امره
منها يلتريد
امرها شتريد
ياباب العماد ... رحمه اعله العباد

╌────═❁═────╌
مدينه يحره چفوف يم بابج
يا ام الوفه غطينه بحجابج
كرامه ومنزله من الباري بااعتابچ
حيرتي العقول بموقف اولادچ
خبزه الكل فقير
مولاتي تصير
انتي بلا هواد .... رحمه اعله العباد
╌────═❁═────╌
عنوان الوفه والزود نگصدهه
باب مجرب وموصوف من عدهه
اصيله وبالكرم تحجي ولاتردهه
اقره الفاتحه وللحره رددهه

غيره ومرضعه
ضحيتي اربعه
ايا بت الجواد. رحمه اعله العباد
╌────═❁═────╌
بين المشرعه وعباس وجفوفه
وبين عيونج وي حسين وطيوفه
سر كلش عميق ومحد يشوفه
ولا واحد فهم موضوعه وضروفه

انتي ام الامير
وحسين البشير

وبيوم المهاد ... رحمه اعله العباد
╌────═❁═────╌
الحوائج يالوفيه صعبت اعلينه
حرز اسم الگمر عباس خلينه
الج يم البنين جفوف مدينه
لديار البقيع الحاجه ودينه

بحسين العطاء
مفتوحه السماء
ياسبع الشداد ...رحمه اعله العباد
╌────═❁═────╌
✍باقر جبار الشويلي
https://www.tg-me.com/lAfiteamoun

شوط كربلائي لام البنين

وين ام الكمر عباس وين لتحظر الشده
ننخاها بگلب ملهوف بلدنا سالم ترده
✿────↻✿...✿↺────✿
✿────↻✿...✿↺────✿
نندبج يلوفيه شلون بدموع وگلب مجروح
نحلفج بالوگع بالطف وترس گلبچ عليه اجروح
تحضرينه العراق اليوم يبدويه وگلبنه ينوح


*بضـيم وقهر ظلينه*
*مـاتحظر يامهدينه*
*عجل صدك نادينه*
★وبآلندبه الك نقره صبرنه تعده عن حده★
✿────↻✿...✿↺────✿

يبدويه الوضع يدمي المگابر ترست الصحره
بيد الظالم احنه نموت شباب ومنگطع نحره
مثل عباس ابو الغيره وحيهم صاحت الحره

*شـبان شكثر راحت*
*چم ام لابن ناحت*
*بقلب دامي ووجع صاحت*
★ياباب الحوايج وين بختج والعده برِده★
✿────↻✿...✿↺────✿
ياباب الكرم والجود نندب احنه غيثينه
الوضع نفسه نشوفه اليوم طفج كربله وينه
حقدهم ماتغيره ازمان وجهلهم باقي وسنينه

*نرفض كل ظلم يحسين*
*عشاگ الشهاده سنين*
*مـنهد جف الفظل والعين*

★رفضنه الشرك وي دينه نفسه الظالم وجده★

✿────↻✿...✿↺────✿
نفس جيشه يزيد اليوم ونفس الطاغي يتجدد
وبَين حرمله وحشي وقنفذ بيينه يتوعد
يذبحونه ويذلووونه وكلام ابواحد نردد

*آبو الحسنين الي منهج*
*وعلى لساني عسل يلهج*
*وآحنه ننتظر مخرج*

★يبويه الفرج يمته آبونه ونكعد بسده★
✿────↻✿...✿↺────✿

الج نشرح مصيبتنه يم عباس اسمعينه
طحنه بوليت الظلام والمهدي بطه اعلينه
يكولون العجل بدعه ماتظهر يمهدينه

*نحلفج بالزجيه اليوم*
*گل ظالم ابد ميدوم*
*غركانه السفينه هموم*
★وآجينه باابچ ندگه جيش المهدي والعده★

✿────↻✿...✿↺────✿
✿────↻✿...✿↺────✿

✍بآقر جبآر آلشـويلي

https://www.tg-me.com/lAfiteamoun

#موشح {{ لمصاب مولاتنا أم البنين }}
#تقرأ موشح بالتراث الحسيني (النجفي) نزله.. زنجيل.. حيدريه.. ركضة طويريج من يمحيها..
وبعدة أطوار ثقيلة وسريعة وكذلك بنمط نعي

ردد بصوت الحزن وانعى بأنين
واطلب الحاجة بحق أم البنين
.....................................

تسمع بصوت اليناديها بشجن
تحضر ابساع وتجي عند المِحن
ومن تشاهد دمعته مثل المِزن
تگضي حاجات الأجاها عن يقين
⊰∽∽∽∽∽⊰✾⊱∽∽∽∽∽⊰

تگضي الحاجه ومن الله السداد
يلوگ لام الاربعه هذا الحداد
كعبه للعشاگ من رب العباد
وبگلبها من يدگ بس الحسين
⊰∽∽∽∽∽⊰✾⊱∽∽∽∽∽⊰

ياعلي انصيح ونشد لها اللطم
يالوفيه وحزنچ اعلينه انرسم
آه يا أم الگمر  كنز العلم
بكربله خيرچ ثمر ليث العرين
⊰∽∽∽∽∽⊰✾⊱∽∽∽∽∽⊰

نردد بصوت الحزن يافاطمه
اعليچ كل هاي العباد مألمه
انتي باب الله وانتي العالمه
للوفاء اليوم نبچي مخلصين
⊰∽∽∽∽∽⊰✾⊱∽∽∽∽∽⊰

نحَلفچ بحسين وانتي ام الوفه
ونخدمچ نبقى وهاي احلى صفه
وبونين اليوم نبچي وعاطفه
الچ يم الاربعه مدينه ادين
⊰∽∽∽∽∽⊰✾⊱∽∽∽∽∽⊰

للوفية الطاهرة قيم العزاء
خلي الها الصوت عالي بالبكاء
فاطمة بحسرات جر الها النداء
جيتچ بحاجاتي يل متخيبين
⊰∽∽∽∽∽⊰✾⊱∽∽∽∽∽⊰

تمت بأقلام خدام أهل البيت
✍🏻الملا احمد السالمي
✍🏻باقر جبار الشويلي
✍🏻ولائـية_وافتـخر (دعاء العامري)

للتواصل والاستفسارللقصائد
@MolatyzeenabBBB1_bot
https://www.tg-me.com/lAfiteamoun

هوسات لام البنين عليها السلام

لام عباس اجينه اليوم متعنين
بهوسات وبيارغ جينه متحزمين
هاي ام الاربعه الراحو فده الحسين
حك شما عليهه اليوم حزنانين


يم بابج... شكايه اليوم


هاي ام البنين لما ترد انسان
بس انخاها انته بگلب لهفان
متقصر وحگ ذاك لگضه عطشان

يم بابج... مهموم وجيت


يم بابج اجينه اليوم شكايه
من الضيم الوكت عاصرني هوايه
احلفج بالكفل وبرفت الرايه

تگضيها الكلفه..اليوم

✍باقر جبار الشويلي


نمشي للبقيع نحيي الحرة
هاي الطاهرة الوافت الزهرة
ضحت بالولد وهي مفتخرة

لم الأربعة ...دكي ولا تبردين


يسلطانه وعليج النوح يحلالي
ومصابج الم جارح الدلالي
اقسم بالعزيز حسين ابو الغالي

علي الصوت ...واللطمة دعدلية

✍ام فاطمة الشويلي


للتواصل والاستفسارللقصائد
@MolatyzeenabBBB1_bot
https://www.tg-me.com/lAfiteamoun

الج بيرغ هيابه ....اليوم ينشال
وانتي ام الوفه ...والربت ارجال


تسجله البيارغ للوفه ساس
هاي ام الهيابة امك يعباس
يشيعوه بمواكب رفعة الراس
تستاهل لطمنه ام الابطال
====

تستاهل لطمنه ودگ المتون
وكل هيئاتنا اليوم ليشيعون
تستاهل عراضه فدوه لم عون
نمشي للبقيع نسوي زلزال
======

الج بيرغ هيابه اليوم يلحرة
وماجورة تره للوافت الزهرة
تستاهل لطمنه الخدمة العترة
تسوين النياحة والدمع سال
=====
الج هوسات نعرض بالمياديين
تستاهل عراضه لربت حسين
يرفعة راسنه هاي ام البنين
يم عباس نعمين وكفو الگال
====
انتي ام الوفه وضحيتي باولاد
فده لحسين كلهم ذوله الامجاد
يعلويةويساس الطيب الاجواد
الج بيرغ نشيله هسه بالحال

====

تمت باقلام خدمة الحسين عليه السلام
✍ باقر الشويلي
✍ام فاطمة الشويلي

https://www.tg-me.com/zaainab505

اون لم البنين ومانشف دمعي
اريد اقره الزياره وانحب وانعي

*
اون لم البنين الليله خلوني
ابجي بصوت بالمجلس دسمعوني
لياليها بحزن احييها بعيوني
ومابطل ونين عليج يدروني
تستاهل لطمنه وهشمه لبظلعي

تستاهل عزانه ودك الصدور
هاي ام البنين وام البدور
ضحت بالشباب وصاروا ٲنحور
لابن بت النبي وفتهم انذور
ياقدوة بحياتي وحصني ودرعي
****

ياشمعة حياتي شماطفت تضوي
ياام عباس دربج بالوفه يزهي
جربه وللوفه بدم لولد تروي
اصلج بالشرف والفخر هل يدوي
رفعة راس ياام عباس اسمعي
****
گطعتيه الوعد وفيتي للزهره
بدم الاربعه وفيتي للعتره
مايرجع ولد وبگلبج الجمره
مايبرد دليلج بالگلب حسره
ياحسره بدليلي والدمع ربعي
***

ماتشبه وفاءج بالخلگ نعمه
يااساس البطوله ومهبط الرحمه
ماصاحت لبو السجاد بس يمه
فداه الاربعه يرحون بس لسمه
تضحي باربعه مثل الشمع دمعي

✍ باقر جبار الشويلي

https://www.tg-me.com/lAfiteamoun

ادگ بابچ ييمه وحيل مشتاگة
ناري لبلگلب تسـعر تره فرآگة
★غريبة اباب دارچ.•.•شي طفيها نارج★
✿────↻✿...✿↺────✿
✿────↻✿...✿↺────✿

ادك باب الحنينه وتسعر النار
اطلعي لي ييمه وفكري احتار
من عكبج ييمه محزن الدار
تذوب الروح مني والعقل طار

*يازهرة بحياتي يمته نتلاگة*
*نار لبلگب تسـعر تره فرآگة*

★انوح وهلدمع سال★
★يمه والعده عال★
✿────↻✿...✿↺────✿

حطيلي وعد نتلاكه يايوم
ييمه بشوفتج تنزاح الهموم
اصيح بصوت يمه وگلبي ملچوم
عل فراگج هجرت الناس والنوم

*فراگ الموت حطم گلبي واشواگه*
*ناري البلگلب تسعر تره فراگه *

★اصيح وما تردين★
★آهنايم گلب الحنين★
✿────↻✿...✿↺────✿

خذاج الموت مني والدمع سال
ياجمرة غيابچ تسعر الحال
ياشفجة وعزيزة هلگلب گال
يم البيت ردي له الدهر عال

*طروة الموت نار بعيني حراگه*
*نار البگلب تسعر ترة فراگه*

★يحالي اعليج من دم★
★واسوي اعليج مأتم★
✿────↻✿...✿↺────✿

يوحشـني مـچآنج لون طبيت
ترآولي وگفتچ يمـه بآلبيت
يآسـبحة صـلآتج بيهآ شـمـيت
آصـيحن يآدهر يآوسـفه ظـليت

*عفتيني يتيمه بحسره خناگه*
*نار البلگلب تسعر تره فراگه *

★حالي الظيم حالي★
★ غالي يعوف غالي★

✿────↻✿...✿↺────✿

عفتيني وحيده وتهمـل آلعين
نصـيح بصـوت يمـة ومـآتردين
لفآني آلمـوت وسـفة وعمـلة آلبين
غفيتي وبآلحد مـآاظـن تسـمـعين

* مشيتي لدار ربچ يمته لملاگه*
*نار البگلب تسعر تره افراگه*

★من الفركه صحت اه★
★جمره بكلبي چواها★
✿────↻✿...✿↺────✿
✿────↻✿...✿↺────✿
✍باقر جبار الشويلي
#لااجيز_حذف_اسم_الشاعر



https://www.tg-me.com/lAfiteamoun

#قصيده _لام البنين ع
فزاعيه..
باب العطاء

بس انخاهه بالشدات.. ام عباس تگظيهه
                *---------------*---------------*
تگضيها الكلافه بساع
ام الاربعه السباع
عدها من الزجيه اطباع
بس نحلفج بيهه. ام عباس تگضيهه
                *---------------*---------------*
وسيلتنا وعرفناها
نقسم بالنبي طاها
ماخاب الذي جاها
ابداً ماتخليهه... . ام عباس تگظيهه
                *---------------*---------------*
بابج للوفه عنوان
وانتي شگد عضيمة شان
نحلفج بالگضه عطشان
مشاكلنا تخلصيهه... ام عباس تگظيهه
                *---------------*---------------*
باب الحاجه يابابج
ابد ماخاب طلابج
صاحت كلها احبابج
شگد انحبه طاريهه.. ام عباس تگظيهه
                *---------------*---------------*
چريمه الجابت العباس
هاي ام الوفه ياناس
تبقه تاج فوك الراس
جرحنا حيل ياذيهه... ام عباس تگضيهه
               *---------------*---------------*
خادم السيدة زينب ع
✍باقر جبار الشويلي
نسالكم الدعاء

https://www.tg-me.com/lAfiteamoun

ياراس السنه..راسي اعله الرمح
من هذا الوضع..كل عام انذبح
حتى عيسى.. بالكنيسه.. يندب وآ حسيناه
...
أمن اجلكم آنه راضي اتدوس بيه الخيل
وتجازوني بفرح وبسهر تالي الليل
تقفلون المواكب كل سنه التندار
وموعد مجلسي اتسوون بي تأجيل

أجلتو البكاء..ورحتو اعله الغلط
شبان بنساء..صارو مختلط

وعفتو نحري.. وعفتو صدري يندب وآحسيناه
...
آنه العلمتكم عالعشگ والحب
فاتح باب بيتي وياهو جاي ايطب
شو سديتو بيبان الحسينيات
ومااسمع مناحه ولادموع اتصب

عادت محنتي..وصرت الوحدي
وكل راس السنه..يفرغ مرقدي

عالحوافر..ماكو زائر..يندب وآ حسيناه
...
زينب بالخرابه وعيد عد الشام
وضل ينعاد هذا الموقف بكل عام
اتلترباعكم يمشون عكس الريح
رديتو الوره يالچنتو ليگدام

شو بعض البشر.. عالنص وتزل
باطنهم شكل..ظاهرهم شكل

العمره غربه..حته گلبه..يندب وآ حسيناه
...
يالتلطم عليه وعله العلويات
تره اچفوفك حرام اعليهن الصفگات
الراسم كربله اباله يضل مفجوع
يشعر بالحبل والسوط والعثرات

فاتحة السبي..ماتوگع ابد
زينب تنهدي..من بلد البلد

خل هيامك..وي امامك..يندب وآ حسيناه
...
مامرجيه منكم ليش تتلونون
تعالو المجلسي واجمل عشگ تلگون
تلكون اعله باب المجلس امي اتصيح
يوجعني السبي ويوميه ابجي اعيون

وعباس الوفي..بعيونه السهم
انشگت جربته..والراس انهشم

عالشريعه..بالفجيعه....يندب وآ حسيناه
...
ألف عالخير گولو للمسحيين
من باب الاخوه ومايضر بالدين
بس انتم خلقكم الله مو للعيد
خلقكم للمجالس والبچي اعله احسين

آنه احجي ابحزن.. مو لهل الجزع
رمح البالچبد..من ضهري طلع

العنده غيره..عالشعيره..يندب وآ حسيناه
....
علمو أولاكم تسمع حچي المنبر
خلو ازغاركم وي اللطم تكبر
ثقفوهم ثقافة حبنه أهل البيت
تره الخادم الصدگي ينحسب قنبر

ابحب آل النبي.. حُسن العاقبه
والصلّه الفجر..يصعد مرتبه

اشگد احبكم..لو گلبكم..يندب وآ حسيناه
....
محمد الجماسي

على لحن_اسرني_شوﮔج_وارفع_الرايه



ضوت علينه لزهره هليله /2
وسورة الكوثر اجت تحجيله
🌸🌸🌸🌸🌸
يافاطمه.. واصلج من الجنه
سر الامامه وقوتهه وحيله
ضوت علينه لزهره هليله/2
وسورة الكوثر اجت تحجيله
🌸🌸🌸🌸🌸
بيوم الولاده حضرتج ساره
جابت ضوه وشعت قناديله
ضوت علينه الزهره هليله/2
وسورة الكوثر اجت تحجيله
🌸🌸🌸🌸🌸
فرحان ابوها اليوم بالزهره
جابت خديجه ليله هنوا ڵـهٍ
ضوت علينه الزهره هليله /2
وسورة الكوثر اجت تحجيله
🌸🌸🌸🌸🌸

يم الحسن.. هل الشيعه فرحانه
انتي السراط ودربه اودليله
ضوت علينه لزهره هليله /2
وسورة الكوثر اجت تحجيله
🌸🌸🌸🌸🌸🌸
بمولد العصمه كلها محتفله
مثل الگمر اونجمه اوسهيله
ضوت علينه الزهره هليله/2
وسورة الكوثر اجت تحجيله
____
✍باقر جبار الشويلي

https://www.tg-me.com/lAfiteamoun

عن جعفر بن محمد عليه السلام قال إذا كان يوم القيامة نادى مناد من بطنان العرش: أين الرجبيون؟ فيقوم أناس يضئ وجوههم لأهل الجمع، على رؤوسهم تيجان الملك، - وذكر ثوابا جزيلا إلى أن قال: - هذا لمن صام من رجب شيئا ولو يوما من أوله أو وسطه أو آخره

ياهو صله الوحشه يا زينب عليچ
ياهو غمض عينــچ وسبل اديـــچ
حسين مگطوع النحر
أبـــلايا چفين الگمـــر
**

يالعقيله منين ابدي آنه ابمصابــچ هالمسيه
يالعقيله وگبل يومــچ هــذا ضگتيها المنيــه
من مصاب الباب شفتي أول ممــاتچ
يالعقيله وبس محن خلصت حيــاتچ
چم منيـه بيها مذبوحــه امنيــاتـــچ
شگد رخيصه الدمعه يالماكو بغلاتچ

يالحياتــچ لـــوعــه وهمــــوم ونحيـــب
مـــن زغـــر دمعـــة يتم حــــدّ المشيب
حسره وهموم وقهر
أبـــلايا چفين الگمـر

*

چم منيه شفتي من ساعة كسر ضلع الزچيه
چم منيه آه يــا حـــره بمصــاب الغاضـــريه
چــم منيه شــاف يـا زينب دليلـچ
سهم گلب حسين وي طيحت كفيلچ
آه مــن ذيـــچ المنيه وحشــه ليلچ
لـــو رقيـــه النادت أبحسره دخيلچ

يــــا منيــه المـــرتــچ گـبــل الممــات
مــن نظرتي الحــرم وسفـه امسلبات
أندار شوفـــچ للنهــر
أبـــلايا چفين الگمـر
*

آه يزينب ادري اليموت الأهل تحضــر وفاته
آه يزينب وأنتــي دهــرچ عَــوّد أبكل ذكرياته
لا غمض عينچ اخــو آه يالغــريبه
ولا گمــر هاشــم يگلـــچ يالحبيـبه
گبل موتــچ بلله مــرت يــا مصيبه
حسين من طاح وبقت جثته سليبه

چـــانت امنيتـــچ يحضـــرون الابات
وعينـــچ أتصد الهم بحيــن المـمــات
ظلت ابالــچ صـــوّر
أبـــلايا چفين الگمر

*

دمعه تجري ادري عمرچ صار من اجل الحبايب
دمعه تجري وأنتي تدرين الدمع ميردله غايب
بــالمنيــه ومــرت ابالـــچ مــنـاحــر
بالمنيه وشفتي اخــوچ حسين حاير
بالمنيــه امنيتــچ اتشـــوفينه حاضر
بالمنيــه مــاتــت ويــاچ المشـاعـــر

چانــت امنيتــچ لــوّن كلهــم يجــون
وبــالمدامــع والنحيــب ايشيعـــون
لكن اشسوه القدر
أبلايا چفين الگمر
*

امنياتچ چانت ابطف كربلـه أتصير النهايه
امنياتچ من ضريح الگمر فوگچ تعله رايه
وما تمرلــچ ابـد لا يالحــره حيــره
ويم گمــر عــدنان گبــرچ يالاميره
وبعد مـا واحد يگول أنتـي أسيـره
لان وسفه الشام ظل ميت ضميره

تبقى زينــب صـــوت بالعــالم يصيــح
والها مبني بكــل گلب ثائـــر ضريــح
حتى لو صاح الدهر
أبـــلايا چفين الگمر

*
الشاعر
موسى البديري

زينب من اهله تريد زاتوت
تريد اخوان شيالة التابوت

تريد خوان دفانه ويدفنون
ويم نعش العقيله عليه يبجون
بلمغيسل سوه وگفوا يونون
شلون عليه دمع العين منعوت


تريد خوان يمها ورادت حسين
منگب والدمع تراس تره العين
موش بلا ولي ولامن دواوين
غريبه بين غربه وگطعت الصوت


غرببه بلا ولي جا وين عباس
اليوگف بالدفن بي رفعه الراس
وحشه جنازة اخته بگطع الانفاس

وبس جنازها شايلها ويفوت


وين ازلام هاشم صاحت بنخوه
ولا واحد حضرها وينها الخوه
ليش بلا زلم تتشيع التسوه
بغربه تندفن والگلب مفتوت


نادت ياهلي جاوين الاخوان
زحمة جنازتي بس يبره دفان
اميره ولكفلها مشمر الذرعان
لاجن ماحضرها بساعة الموت



وين اليوم اهلهه وين جسام
الي سبل جفوفهه و يصير جدام
يشيع عمته ويتحزم حزام
ولا ظم الدمع لو يبجي بسكوت


✍ابو سلام الجابري
✍باقر جبار الشويلي


للتواصل والاستفسارللقصائد
@MolatyzeenabBBB1_bot
https://www.tg-me.com/lAfiteamoun

ترحلين كتبوا علگبر زينب ترحيلن
يبو حسين زينبكم غريبه ودمعت العين
الكفل وين وحيده بدون خواني الكفل وين
✿────↻✿...✿↺────✿
✿────↻✿...✿↺────✿
ردت الاخو يحضر الي بالشام ويشوف لجره
يكتب عليه الاجنبي شيلي غريبه هالمره
ياكافلي واندب علي بويه وحيده مرمره
بين الغرب مالي ولي حرب النواصب مسعره

*يصيحون* مايبقى الگبر زينب يصيحون*
*والعيون* جن تصيح ابو فاضل والعيون*
*الكفل وين* وحيدة بغير خواني الكفل وين*

✿────↻✿...✿↺────✿

ياابو الفضل جيش العده ماتبقى كتبوا عالگبر
مابيه حيل اعله السبي هم يرد يسبيني الشمر
ماشايف اخيالي اجنبي زينب انه وام الخدر
ياوسفه حاطوا مرقدي فزعوا علي اهل الكفر

*ياالخوان*مهومه واناديكم يالخوان*
*يالحنان*زينبكم تره بشده يالحنان*
*الكفل وين*وحيدة بغير خواني الكفل وين*
✿────↻✿...✿↺────✿
نفس الحرگ بابك علي يكتب عليهه الناصبي
ينهدم گبري وماله اثر جبت العمر كله سبي
ياوجعة الشام لبقت برجليه جمرات العبي
مكتوب ولحالي اظل زينب انه وبت النبي

*يالحسين*شفت الحيد واگفلي يالحسين*
*تردين* مثل الاول بحظرة. تردين*
*الكفل وين*وحيدة بغير خواني الكفل وين*

✿────↻✿...✿↺────✿
ابقى انتظر منك تمر عباس ياخويه صحت
خدر العقيله والگبر بيد النواصب هل طحت
بس للاسف مابينت وجفوف ماعدك شفت
ترضاها انه بلا ولي وعيوني بدروبك عمت

*والطفوف*خويه اليوم ردوها والطفوف*
*بالجفوف*خويه احمي لي هالمرقد بالجفوف*
*الكفل وين*وحيدة بغير خواني الكفل وين*
✿────↻✿...✿↺────✿

مايفرغ المرقد ابد وشبان تقره بالعهد
عجل يبو صالح اجت يالشام جيناج بوعد
ثورة ضماير شيعتي مثل الزلازل والرعد
ردوها كلها محسره ضالم فلا يوصل ابد

*علي وياج*وينه الگال يدنالچ علي وياچ*
*مننساچ عاهدنه الزجيه احنه مننساچ*
*الكفل وين*وحيده بغير خواني الكفل وين*

✿────↻✿...✿↺────✿
✿────↻✿...✿↺────✿
✍باقر جبار الشويلي


https://www.tg-me.com/lAfiteamoun