وش قالت الريح للجدران
‏ليه الشبابيك مجروحه
‏من مر من ذوب الوجدان
‏من جاء و من هم بالروحه
‏ليلٍ تثنى على البيبان
‏برد تعرى من سفوحه
‏ذكرى على شفة النسيان
‏عبره يتيمه ومذبوحه
‏شوقٍ لفح خاطرٍ ولهان
‏قلبٍ تبرا من جروحه
‏صمت تثرثربه الوديان
‏خوف وزفرات مبحوحه
‏ياقاتلي و السيوف احزان

لك شاعرٍ يندهك بوحه
‏دوبك على الودّ مهما كان
‏زلات الاقدار مسموحه
‏"باكر يجي للحديث اشجان
‏و أحلام سمرا و مملوحه
‏و ان هبّ ريح المساء نشوان
‏ينثر غناويه … و مزوحه
‏مرّ الغلا و انشد الجدران
‏ليه الشبابيك مجروحه "

مارضيت أكون هامش ولا أرضى بالقليل
‏وإن وطيت الجمر عادي.. ولا اطى في وحل

أنا ماجيت ابي منك حياه ولا علي خلاف
‏أنا جيت وحياتي
‏في يدّي تستأمن كفوفك

ولكنّي تركتُ زِمام أمري
لِمن تدبيرهُ فينا عجيبُ
.