جانم بە بەهای ماچی لەبت حازرە قوربان
مەنواڕە کەم و زۆریی، کەمی مە و کەرەمی تۆ!

•ئەدەب•

به سەروم گوت که ڕاسته سەرکەش و بەرزی، کەچی لەرزی!
که فەرقیشم بگاته ئاسمان بەندەی قەدی یارم :)

•نالی•

بۆ؟

بڵێم وەک چی دەچی؟ هەر گوڵ دەزانم!
لە گوڵ ناسکترە ناسک لەشی تۆ...

•هەژار•

تاوەکوو ساقیی ئەجەل نەمداتێ تاڵاوی نەمان
چاوەبڕکێ، دەست‌بزێوی، ماچی شیرینم دەوێ

•هێمن•

پێم وتی:
بێ تۆیی مردنە!
جێ هێشتن،
توندترین شێوازی کوشتنە...

•ڕەفیق سابیر•

Bê te nabe, bê te nabe
Bê te nabe yar...

خۆشم دەوێی و لە بابیشت ناترسم =)

#دیوارنووس

دوو دڵداری جێژوانێ لە بانەدا
سوێندیان بۆ یەکتری دەخوارد
سوێندەکەیان،
بە جامانە و بە کڵاوی "قاسملوو" بوو!
دوو زیندانی، لە ناو ژووری سێدارەدا
بە دەنگی بەرز، گاڵتەیان بە مەرگ ئەکرد
ھەرە دیاری ئەو گاڵتەیە
نوکتەیەکی بەجێماوی "قاسملوو" بوو...

•شێرکۆ بێکەس•

قەهر و لوتفی یاری مە بۆ ئێمە یەکسانە بەڵام
گاهگاهێکیش بە خەڵوەت میهرەبانیی خۆشترە :)

•ئەدەب•

من هەتا ئەبەد لە لاتم
هەتا ئەبەد مانگت بۆ ئەکەم بە دیاری،
ڕووبارت بۆ ئەکەم بە قەسیدەی درێژ،
گۆرانیت بۆ ئەهێنمە ماڵێ!
بەڵام ئەوەی تا ئەبەد ترسم لێی هەیە؛
بەیانییەکی سارد، لەسەر تەمی پەنجەرەکەم بنووسیت:
لەبیرم کە ئازیزی من!
لەبیرم کە...
ئەم حیکایەتەی من و تۆ
چنگێ خۆڵەمێشی خەم بوو، لە پشکۆی دڵتەنگی جێ ما
مۆمێک بوو، تەنیایی دایگیرساند و بێهودەیی کوژاندیەوە
لەبیرم کە ئازیزی من! لەبیرم کە...

•جەماڵ غەمبار•

دەمێکە لای خۆتی
وەرە کەمێکیش لای من بە!

#دیوارنووس

دڵت پۆڵایه یا بێ دڵ دەژی تۆ؟

‏من قسەم گەر دڵ‌خەراشە، تۆ نیگاهت جان‌خەراش!

•مەحوی•

لێرە خۆ ڕۆحی ڕەوانی
بۆ لەوێی؟

#دیوارنووس

قوربانی جەوابی شەکرئامێزی عیتابت
من چم، کە موقابیل بە خیتابی سوخەنت بم!

•ئەدەب•

با سەر و ماڵم لە ڕێگەی خۆشەویستیدا بچێ!
خاڵی تۆم دی و لەو شتە وردانە دەستم شوشتووە

•هێدی•

گه‌ر تۆ بمریت،
منیش ده‌بمه‌ کچی مردن!
شه‌وه‌کانم له‌گه‌ڵ ئه‌و پیاوانه‌دا به‌سه‌ر ده‌به‌م،
که‌ شه‌ڕ له‌گه‌ڵ ته‌نیاییدا
ده‌یانخزێنێته‌ باوه‌شی من...