Ba‘zan qo‘shiq aytib turaman. Hobby.
Sezan Aksu. Kaybolan yıllar
www.tg-me.com/khurshida_ergashevna

Ғазаб

Ғазаб мисли овчи ит,
Тарбияга муҳтождир.
Ғазаб ошса меъёрдан,
У қурт еган оғочдир.

Ғазаб тушса эгардан,
Қўрқув минар ўрнига.
Демак шиддатни ғазаб,
Бўйсундургай ўзига.

Асли кибр ва ғараз,
Ғазабни оширгайдир,
Аммо ғазабни енгган,
Хунобин яширгайдир.

Ғазаб ўтдир - ўт шайтон,
Ақлингни енгиб кетар.
Қалбга берур ғалаён,
Сўнгра келгай пушаймон.

Ғазаб зулм илдизи,
Яширин жиноятдир,
Ғазабни енгмоқ асли,
Жасорат, шижоатдир.

Яратгандан ўзимга,
Шундай журъат сўрайман.
Ирода ва хушфеъллик,
Барчангизга тилайман!

Хуршида Намазбаева шеъри

www.tg-me.com/khurshida_ergashevna

Хуршида Намазбаева шеъри
Ижро: Бахтиёр Рахмонкулов

www.tg-me.com/khurshida_ergashevna

"Bahorni sog‘inib". OHANGARON adirlari. Moybo’yoq. Mato. Rassom Xurshida Namazbaeva.
www.tg-me.com/khurshida_ergashevna

Хуршида Намазбаева шеъри
www.tg-me.com/khurshida_ergashevna

Учаяпман

Учаяпман хорижга,
Орамизда сахро бор.
Оёқ тортмас боришга,
Қолишдан не маъно бор?!

Булутларга юз босдим,
Юрагимни муз босди,
Севгини оёқ ости,
Қилганга ҳам жазо бор!

Учдим учар гиламда,
Будурдек сархуш дамда,
Лайлилигим аламда,
Мажнун йўғу даъво бор!

Мен самода, сен ерда,
Юрагим ёнар шеърда,
Кўнглимни қайтиб берда,
На вафо, на садо бор!

Юлдуздаман, ойдаман,
Қайтсам менга қайтаман,
Мудом шукр айтаман,
Ўртамизда Худо бор!

Хуршида Намазбаева шеъри

t.m/khurshida_ergashevna

She'rlarimni qirg'iz tiliga o‘qirishib "Qirg'iziston yozuvchilar uyushmasi"ga a‘zo qilishibdi. Qirg'iz qardosh do‘stlarimizdan minnatdorman.
www.tg-me.com/khurshida_ergashevna

УМИД

Номардлар юксалди, мен-чи, ер бўлдим,
Ўзин баланд билди юраги кирлар.
Азиз ҳисларимни масхара қилди,
Кўнглимни тупроқ-ла савдо қилурлар.

Нокас олиб-сотар кўнглимни билмас,
Ғараздан семирган, ёлғондан ўсган.
Муҳаббат сеҳрининг тилини билмас,
Кўнгил кўзларини наҳс кунлар тўсган.

Онажон, мен дилни асрадим фақат,
Ҳеч ким тиндиролмас қалбим булоғин.
Умидим гуллари сўлмагай асло,
Бир кун ўпажакман бахтнинг ёноғин.

Ўзин соясига маҳлиё бўлган,
Нокаслар пойида бўлмагайман хор.
Онажон, кўзёшим дарё бўлса гар,
Ундан яшнаб кетар умидли гулзор.

Хуршида Намазбаева шеъри

www.tg-me.com/khurshida_ergashevna

АЙРИЛИҚ

Кет!”, дейди, аламим. “Етар, кет!” дейди,
“Қол!”, дейди юрагим шивирлаб, ёниб.
“Барча ғамларингни,
унутгин!”, дейди,
Кўксимда нимадир бўзлар ўртаниб.

Кечдим муҳаббатдан, Орим деб кечдим,
Армонларим ғолиб, умид енгилди.
Сен-ла ўтган кунни ўчирдим, ўчдим,
Юракдаги оташ сўнмагай энди.

Кундан-кун ўзгардинг, бегона мисол,
Бардошим мўл эди, иродам қаттиқ.
Хуш қол бағритошим, ишқсизлик энди,
Бизга мукофотдир, аламли тортиқ.

“Кет!”, дейди, аламим. “Етар, кет!” дейди,
Кўнглим – кўзёшини кўрсатмаган қуш.
Сени дунё...! Мени ҳижронинг ейди,
Бошланиб келяпти бир аламли туш.

Хуршида Намазбаева шеъри
www.tg-me.com/khurshida_ergashevna

Aktrisa Xolida Aliyeva mening qizimligini ko'pchilik bilmasa kerak. Ko‘pgina filmlarda bosh rollarni ijro etib kelmoqda. Chunki farzandlarim xaqida ma'lumot bemaganman. Qizimning navbatdagi roligi. Marhamat. Xurshida Namazbaeva.

www.tg-me.com/khurshida_ergashevna

Кўнглим

Осмон аза тутди, ҳолимга бугун,
Намиққан ҳисларга ўт қўйдим осон.
Эҳ кўнглим, фарёдим сезмайсан нечун?
Икки жаҳонимни қилурсан вайрон!

Қара ҳаёлларим бўйсунмас менга
Юрагим дупури амрингга муштоқ.
Гул эдим дўл каби тўкдинг-ку ерга
Тупроқ бўлдим раҳминг келмагай бироқ.

Киприкларим тешар тош болишларни,
Қора зулфим аждар то тонгга қадар.
Қаламлар синади дард, нолишлардан
Тиғлари битмаган ярамга ботар.

Осмон аза тутди, ҳолимга бугун,
Намиққан ҳисларга ўт қўйдим осон.

Хуршида Намазбаева шеъри
*
Asiman yas tutdu halıma bu gün
Nəm çəkmiş hislərə od qoydum asan
Ah, könlüm ahımı duymursan neçün
Hər iki dünyamı edirsən viran

Bir bax xəyallarım baş əymir mənə
Qəlbim döyüntüsü əmrinə müştaq
Gül idim dolutək tökdün sən yerə
Torpağa çevrildim rəhmin yox ancaq

Kirpiklərim deşər daş balışları
Zülfüm əjdahadır səhərə qədər
Qələmlər qırıldı dərddən nalədən
Oxları sağalmaz yarımı deşər

Asiman yas tutdu halıma bu gün
Nəm çəkmiş hislərə od qoydum asan
Şahməmməd Dağlaroğlu tarjimasi

www.tg-me.com/khurshida_ergashevna

Хуршида Намазбаева шеъри
Ижро: Feride.
www.tg-me.com/khurshida_ergashevna
Instagram: Oceancoral_2020

Ижро: Хуршида Намазбаева
Сўз: Хуршида Намазбаева
https://www.tg-me.com/khurshida_ergashevna

AsSalamu Alaykum! Aziz muhlislarim. Aynı vaqtda Misr davlatidaman. Sizlar bilan fotolarimni bo‘lishaman.
www.tg-me.com/khurshida_ergashevna

Бу фоний дунёда мен учун вақт тушунчаси йўқ, ҳудди абадий дунёда бўлмагани каби. Ҳар қараган соатларим кўрсаткичи Сен томонни кўрсатади Роббим!

Хуршида Намазбаева.
www.tg-me.com/khurshida_ergashevna

Misr

***
Ҳаёт кўлмагида қолмагин, эй, дўст!
Сен дарё оқими, шиддатлида бўл.
Дунё деб кўнглингни бузмагин эй, дўст!
Севги ва муҳаббат иззатида бўл!

Аҳир садоқатсиз ҳикмат бўлмагай,
Тангрим яратмишин сев ва ардоқла!
Бу олам андуҳ ва дарддан қолмагай,
Бахт-у ишққа интил, ғамдан йироқла!

Эзгу ўзанига қилма тўсқинлик,
Бундан-да дилинг ҳун, вайрон бўлмасин!
Сендан қолганида кўҳна беш кунлик,
Сендан кўнгли қолган инсон бўлмасин!

Хуршида Намазбаева шеъри
Миср.

Ushbu linkni bosing va ijodiy kanalimga ulaning 👇
www.tg-me.com/khurshida_ergashevna

Олам бордир...

Юрагимда сирли бир олам бордир,
Юлдузлари ўхшар сенинг кўзингга.
Қахратон ёндирар, саратон қордир,
Бу олам бўйсунар сенинг измингга!

Юрагимда сирли бир олам бордир,
Унда ишқдан бўлак ҳислар бегона.
Унда иккимизга бахт интизордир,
Унда иккимизда юрак ягона!

Юрагимда сирли бир олам бордир,
Бу сир Яратганим ва менга аён.
Унда хақиқатга муҳаббат ёрдир,
Унда армонда ҳам қолмагай армон!

Юрагимда сирли бир олам бордир,
Маликалар унда изимга маҳтал.
Мен учун ҳар нега бўлолсанг қодир,
Юрагимдан ўшал оламни аҳтар!

Юрагимда сирли бир олам бордир,
Ахир олам номи сенинг отингда!!!

Хуршида Намазбаева Эргашевна шеъри

15.10.2021.    00:42 Миср. Египт.

Ijodiy kanalimga ulanish uchun ushbu linkni bosing 👇
www.tg-me.com/khurshida_ergashevna

***
Келдим кеча,
Хайратда неча.
Яшайман бугун,
Эрта не бўлар
Ризқим ёзилган
Қай кунгача?

Кейинги бекат
Дунё оҳири,
Мана елкамда
Амаллар зоҳирин
Ортиб боргайман
Маҳшаргача.

Яхшиямки
Ўтгай замонлар,
Дардлар кетгай,
Келгай ҳуш онлар.
Гар дунёда
Бўлмаса ўлим
Меҳр нелигин
Билмас инсонлар!

Кибрга берилиб
Кетгай инсонлар.

Хуршида Намазбаева шеъри

www.tg-me.com/khurshida_ergashevna