ابوذيات للانصار


(حوار بين حبيب بن مظاهر وبني هاشم)


حبيب يصيح هذا اليوم يومـــاي
وغده جف الاجل يحسين يوماي
شتريد السيف دم ايجيب يوماي
لمن تعطش اكلوب الفاطميه

(جواب الحسين(ع) لحبيب)

لمن شفت وجهك سطع ومـــهل
شطر دمعي على الوجنات ومهل
أصبر يبن ظاهر دوك ومـــــــهل
وخلني استشير الفاطمية
ـ
استشاره الحسين(ع)للعباس

إلي نار ابصحن جبدي ويتلي
ولساني بالصبر يلهج ويتلي
يعباس اعتنت كومي ويتلي
تريد اتخوض حرب الغاضريه

(جواب العباس للحسين(ع)
يخويه ابوكفة انصارك قبلنه
لجن مانرضه تستشهد قبلنه
الدهر وجيوشه لوصفت قبلنه
نكابلها ولانهـــــــــاب المنيه

جواب حبيب بن مظاهرللعباس(ع)

برايك هذا من كلبـــــــــي وتروي
اشتكول العرب من تحجي وتروي
العبيد اتأخرت تنــــــــــعم وتروي
ورمت ساداتها ابحــــــلك المنيه


(جواب العباس(ع)لحبيب)


حبال الموزمه سيفي فللها
واجيوش الكفرلو صفت فللها
احمول الزمل لوطاحت فللها
غير الأهل والتحمـــلها هيه

(جواب حبيب للعباس(ع)
وحياتك جدمي للميدان منكال

وزودي زاد ياعباس منكال
انتم بالحرب تبدون منكال
كبلكم احنه نتقدم ضحيه

خطاب حبيب مع مسلم بن عوسجه

يمسلم شاعت اخبارك وصيتك
ونداك ابمسمعي يدوي وصيتك
يبن عوسجه بينلي وصيتك
كبل لاتغفه بحجور المنيه


(وصية مسلم بن عوسجه لحبيب)
يهالتعرف عظم شاني وصيتي
هتافي مو لجل اهلي وصيتي
ببوالسجاد وعياله وصيتي
واريدك تحفظ حكوك الوصيه

(حوار جون مع الامام الحسين(ع)
يحسين المحن للكلب لمن
وايام العمر بس هظم لمن
يتحقق امل دنياي لــــمن
يسيلن دمك ودمي سويه

(جواب الحسين(ع)لجون)
وحك من طاف حول الحجر وساع
كظيم وجرحي من الهظم وساع
انكظه عمرك يجون اوياي وساع
اتركني ولاتظل محتار بيه
(جواب جون للحسين(ع)
وجهي انخطف لونه اعليك وشلون
النواظر من مسيل الدمع وشلون
ايام الرخه وياك وشلون
اعوفك بالشدد يصعب عليه

جابر الكاظمي

بشان شجاعه الاكبر
عليه السلام
🚩🚩🚩

حگه لو تباها حسين
بالاكبر وصولاته
___

حي الله علي حياه
من طب الحرب محلاه
هيبه وصارمه بيمناه
من هد محله هداته
___

هد وزلزل الحومه
بيهم شاعت اعلومه
ياشبه النبي رسومه
اتشع نور وجناته
__

منه الگوم مذهوله
ضل صوله بأثر صوله
واشحدهم يگربوله
مايخطيها طگاته
___

خط بالسيف عنوانه
داس الگوم بحصانه
دخلو حظر عدوانه
ارتعدو من هتافاته
___

الحومه يرتجز بيها
خله اسفلها عاليها
جيش العدى مبچيها
افتخرن بيه ياعماته
__

جهنم اصبح الميدان
حز ارقاب للعدوان
شبل المصطفى العدنان
يحمي بيده خيماته


ام اباذر السكيني
و عاشقة الولايه
نسالكم الدعاء


https://www.tg-me.com/khdmat

﷽

*بشان أبي الفضل عليه السلام*

🚩🚩🚩🚩

*الـعلم مايل....طـاح ابـو فـاضل*
*يزينب*
*مگطعه اچفوفه وعينه مخسوفه*
*يزينب*

&&&

نـادى والدمع يتجارى طـاح عـبـاس
انكسر ظهري العضيدي بشوفة الراس
بالعمد مفضوخ هامه خمدوا انفاس
وانـا تتشـمت عليـه گـوم الارجــاس
*الگلب جمره …زادت الحسره*
*يزينب*
*دمعه مذروفه..وعينه مخسوفه*
*يزينب*

&&&

جاله بواليمه وگعد يم راس الحنين
ينظر لعينه وجرحها وگطع الايدين
شال راسه من ترابه وشم الاجبين
وسده بحـضنه الشفيه وگلبه نصين
*رفض عباسه.. يسمع انفاسه*
*يزينب*
*روحه مخطوفه...وعينه مخسوفه*
*يزينب*

&&&

يگله حضنك چنه بس ماريد احضان
ارد اواسي مصيبتك انت اعله تربان
لو طحـت وسط المعاره بين عدوان
خويه راسك من يشيله مالك اخوان
*طايح امخضب..الوضع يصعب*
*يزينب*
*القصه معروفه ..وعينه مخسوفه*
*يزينب*

&&&

راد شـيلـه للمخـيم گـال ما اروح
خويه مااگدر اشوفن سكنه اتنوح
واليتامه بالعويل والدمع مسفوح
بالعطش دلال طفلك گلبه مجروح
*دالع لسانـه.. وامه حـيرانه*
*يزينب*
*لجله ملهوفه ..وعينه مخسوفه*
*يزينب*

&&&

بعد عينك يالاخو الروح راحت
الف وسفه ياعضدي الرگبه مالت
بعدك العدوان من كل جهه دارت
اختك تعاين غربتي حيل ناحت

*ريت مهدينه..يحضر حسينه*
*يزينب*
*للولي يشوفه...وعينه مخسوفه*
*يزينب*

&&&

بالحزن نـادت الحـره يابن الأطـهار
گوم يبن الحسن ونهض عجل الثار
تصيح وينـك ما تجـينه تطفي النار.
وادرك لـزينب گبـل لا تـصعد اكـوار
*مهدي يالغايب... الحشى ذايب*
*يزينب*
*تمشي للكوفه .. وعينه مخسوفه*
*يزينب*


*بقلم الاخوات*
*ام محمد الطعان*
*و عاشقه الولايه*


*نسالكم الدعاء*


*بطور* 👇🏻👇🏻
*ناذر اسنيني*

https://youtu.be/ShtDY6GGHfs

*في شان الانصار عليهم السلام*

🚩🚩🚩🚩

*ضجه صارت بالطفوف*
*يحسين انصارك*
*احنه لك درع وسيوف*
*يحسين انصارك*
*بدم المناحر 2 نحيي الشعائر*
*يحسين انصارك*

&&&

بلهفه جينه نصيح يبن الصميده
انصار إلك عالدوم نهتف نشيده
انضحي بالارواح و مجدك نعيده
واعله النهج باقين نحمي العقيده

*بدم المناحر 2 نحيي الشعائر*
*يحسين انصارك*

&&&

الانـصار انجمعت والگلب لـهـاب
بالمرجله صاحو احنالك اصحـاب
عفنا الاهل والمال جينه بالخضاب
عن دربك لامنحيد لوعفنه الاحباب

*بدم المناحر 2 نحيي الشعائر*
*يحسين انصارك*

&&&

صاحو بعد مانهاب لو يذبحونـه
نرخص لك الاعمار لو گطعونـه
ثـوار إلـك ثـوار خـل يـسمعونـه
مانعوف ابو الاحرار مايمنعونه

*بدم المناحر 2 نحيي الشعائر*
*يحسين انصارك*

&&&

انموت لجل الدين بس انته تسلم
جندك يبو اليمه انضحي بالدم
انثبت الاقـوال بأفعال تترجم
والحزم شدينه منهاب اليهجم

*بدم المناحر 2 نحيي الشعائر*
*يحسين انصارك*

&&&

لبينه يـازهراء ونهتف يـامظلوم
انواسي للعتره وننصر الجيدوم
اعله الصدر نلطم ابحرگه لليوم
فدوه الك يحسين يابحر العلوم

*بدم المناحر 2 نحيي الشعائر*
*يحسين انصارك*

*عاشقة الولايه*

*نسالكم الدعاء*




https://www.tg-me.com/khdmat

ابوذيات ونواعي بشان
العباس عليه السلام

🚩🚩🚩

ابوذيه

شفت چفين عالتربه ورايه
وعگلي تـاه بـفكاره ورايه
حسافه شلون اعوفنك ورايه
وانته مخضب ابدم المنيه

___

يبو فاضل سندنه انته وخيمه
العواقب باچر اخلافك وخيمه
منعندك طلب ردنه وخيمه (وخي ما)
شربة ماي لاطفال الزچيه

___


بعد مقتل العباس واقف الحسين على مصرعه
وكاني بالسان الحال
يقول

👇🏻👇🏻
طور الفراق (مالي غيرك)

ياعضيدي… ليش نايم عالشريعه
ياعضيدي… ليش چفينك گطيعه
ياعضيدي… جثتك بالدم صريعه

ياعضيدي… بالعمد الراس نصين
ياعضيدي…بالسهم انصابت العين
ياعضيدي…اظل لاناصر ولا معين

ياعضيدي… بالغدر رحت منديه
ياعضيدي… منذبح فوق الوطيه
ياعضيدي…ظامي ميت ياشفيه


(طور فائزي)

قلي ياخويه شلعذر انطي العقيله
مرمي عله جرف النهر دمك تسيله
ظهري نكسر اعليك ولونه ثجيله
مخنوقه عيني بالدمع يبن الشفيه
___

شمات بيه اشمتت يانور العيون
بعدك الدنيا مظلمه القلب محزون
مدري شگل لوخيتي من تنشد ام عون
راح الذخر من والدي بالغاضريه
___

راح الاخو يمدللـه لطمي عله الراس
فاضت ابيدي ارويحته خمد الانفاس
عالگاع عفته منذبح كافلچ عباس
مفضوخ هامه بالعمد يالهاشميه



بقلم الخلود الحسيني
و__ام اباذر السكيني
نسالكم الدعاء

https://www.tg-me.com/khdmat

*نعي لزفة للقاسم
ابن الحسن عليه السلام*

🚩🚩🚩🚩

*رمله بدمع عيناها رمله بدمع عيناها*
*تزف الولد ورباها رمله بدمع عيناها*
&&&

عندي آمل واتـنطر طولك اشوفه يكبر
بثوب العرس تتبختر
وكل الاحـبه تحضر
اشتم عطر وجـناتك
جنك ورده والعنبر
*تصبح هلاهل زفتك يبن الوصي وي طاها*

&&&
انده ثمر دلالي حنه اعجنت يالغالي
بيدي الشمع علگته يــا امنـيتي وآمـالـي
چني بحلم وشوفك بين الشبـاب اگبـالـي
*كل الهواشم تفزع وتـمد إلـك يـمنـاهـا*

&&&
بعمر الورد يايمه محلاك طير بجـنـه
بيدي اشد احزامك اخفي الالم والونه
بدال الفرحه والزفه لسوح الحرب تتعنه
*يـبني وهذا يـومك بيدك رفع الواها*

&&&
بوداعة الله يبني جاهد وانصر دينك
عد اهلك انته باچر بيهم تـگر العينـك
يم الحسن والكرار تطفي الضمه وحنينك
*وانه السبي تاليها ومصيبتي مسلاها*


الخلود الحسيني
نسالكم الدعاء

بهذا الطور👇🏻
عاشور هل اهلاله
عاشور هل اهلاله

https://youtu.be/iAySg6ihfC0

نعي بشان الاكبر. عليه السلام
بوزن الفائزي


بالنوح صاحت ياعلي گلبي تفطر
عوف الترب يمدللي يبني يالاكبر
ونظر الحالي ونتي للصخر فسر
من شفت جثتك بالثرى مدد اگبالي
__

يازهرة اسنين العمر گلبي تچوه
الجرح ينزف بالدمه ماظنِ يبره
اخلاف عينك دنيتي والله ماتسوه
مثل الحمامه من انوح يالولد غالي
___

امصيبتك والله عظيمه اتهد الجبال
توك شباب وجثتك امقطعه اوصال
ومخضب بدم المنيه والدمع سال
بعدك انا ظهري انكسر او تاه بالي
____

ماظل الي غير البچي يانور العيون
حلمي انذبح وشيبت مني هالجفون
ذابت مهجتي كالشمع الفرگه متهون
بالهظم قلبي ينتحب وخابت امالي

الخلود الحسيني
نسالكم الدعاء

*ابـوذيـه* 🚩

*شبيدي والعمر مابيه راحات*
*وحق رب العرش الروح راحات*
*من شفت الولد اصفجله راحات*
*وتجري دمعتي ونـاري سريه*



طور الفائزي👇🏻

https://youtu.be/NTDU6kO9zp0?feature=shared

‏مقطع صوتي من صوت الحسين

نعي ليلى ام علي الاكبر
*
چنت بالبيت يامدلول شمعة
طفت واليوم بس ظليت دمعة
لون كَلبي تشوف شلون وضعة
يكسر خاطرك بالبيت حالي
****
افرشلك فراش ابجية الليل
وهدومك اشمها يالولد حيل
اغطيها بعباتي ودمعتي تسيل
اخاف من الهوه تبرد يغالي
*
الله ايعين من فكَدت ابنها
شباب وبالكَبر وبعيد عنها
يبعد امك نحل امك بدنها
لا هادت نهار ولا ليالي
***
أسالكم الدعاء رائد الاسدي

نعي مفجع
الحسين(ع) يرجع بعلي الأكبر ع
للمخيم ويخاطب السيدة زينب (ع)


زيـنـب يـخــويــه اظـلــم الــكـون
ابـعـيني وتـهـل دمـعـات الـعـيـون
جـبـتـه واجـيـتـچ لاچـن اشـلــون
مــاچـن عــلــي مـتـغـيّـــر الـلـون


ظـهـري انـكـسـر يـخـتـي تـعـالـي
غــالـي الــولــد تــدريــن غــالــي
الأكـبـر مــشــه وألـهــم بـقــالــي
وأنظـر على ايـمـيـنـي وشـمـالـي


هـذا الـعــزيــز الــجــبــتــه ويـاي
دامـي اشــوفــه اگـبــال عـيـنـاي
بــيّــه يـزيــنـب شـمـتـت اعـداي
ظهري انـحـنـه ونـگـطـع رجـواي

                                        *---------------*---------------*

✍خادم الحسين (ع)
الشاعر رعد الجريخي

قصائد محرم ١٤٤٦ هجري
بسمه تعالى...


صبري يزينب من يجي العاشر
لحسين   اخيچ  ينذبح  باچر
     بعينچ تشوفي جثته
    والخيل فوگه وداسته
لحسين   اخيچ  ينذبح  باچر

..............................

من الصبح باجر يزينب تحضر رجال
تتحاوطون وتمطر اعليكم تره  نبال
لا يبقى الحسين وهله ولا يبقى كفال
شبانكم  هم  تنذبح  وتتيتم اطفال

صدر الحسين ايدوسه الحافر
لحسين   اخيچ  ينذبح  باچر
وحدچ تعانين الالم
من تحترگ حتى الخيم
لحسين   اخيچ  ينذبح  باچر

......................

حضريلج دموع وخلك عالرايح ايصير
باچر رؤوس اشرف بشر امن رگابها اتطير
ما يسلم امن المذبحة الطفل الزغير
عقولكم من البله يا زينب اتحير

وعيونكم بس تبچي واتناضر
لحسين   اخيچ  ينذبح  باچر
يذبحون زهرة فاطمه
الگاع تحزن والسمه
لحسين   اخيچ  ينذبح  باچر

.....................

شلون بيچ ابكربله يا زينب شلون
اگبال عينچ اخوتچ باچر يطيحون
ومن يحرگ الجيش الخيم وانتم تفرون
امن النار ابخوف وفزع كلكم تصيحون

وانتي وحيده وما الچ ناصر
لحسين   اخيچ  ينذبح  باچر
ومن يقترب وكت العصر
يا زينب  ايروح  الخدر
لحسين   اخيچ  ينذبح  باچر

......................

يذبحون گبل حسينكم الاكبر وجسام
والكافل اعله المشرعه يعمنه السهام
من يهجم اعليچ العدو ويحرگهه الخيام
اتصيرين انتي الكافله وانتي ام الايتام

يا قسمتچ يا حضچ العاثر
لحسين   اخيچ  ينذبح  باچر
الاطفال حولچ  تجتمع
اسگي العطاشى بالدمع
لحسين   اخيچ  ينذبح  باچر

........................

بعد اليصير ابكربله واتموت الابطال
واجسادهم فوگ الثرى تتگطع اوصال
يا وسفة يا بنت الطهر تحديچ الانذال
تمشين غصبن لليسر امگيده بحبال

خصمچ خسيس وحاقد وكافر
لحسين   اخيچ  ينذبح  باچر
وروس اخوتچ فوگ العمد
تشكين  الواحد   أحد
لحسين   اخيچ  ينذبح  باچر


تم بحمد الله 

رائد محمود العامري 

١٢-٧-٢٠٢٤ 

هوسات يوم العاشر

هوسات للعاشر من محرم

الحره تناشد أبدمعـــات وتهل مدمع من العين
وين الوالي ما اجانه تأخر ما رجع الحسين
وحيد أبين عـدوانــــه واندارت عليه صوبين

أرد أنشــــدچ كـــــربلــــــه وينــــــه ولينـــــه هلله هلله حسين وينه بالسيوف مگطعينه
وين أخوي حسين طايح كربلــه ردي علينــه هلله هلله حسين وينه بالسيوف مگطعينه
هاي سكنه تريد ابوها تصرخ اتنادي الحزينه هلله هلله حسين وينه بالسيوف مگطعينه

*
وين أبيا كاتـــر طايــــح ابواليمه علـى الغبره
صدگ فوگچ على التربان حزو يا وسف نحره
صدگ يا كـــربله الوالي داسـت خيلهم صـدره

جـــاوبينــي كـــربله بدمعــــه حـــــزينـه هلله هلله حسين وينه بالسيوف مگطعينه
حسين فـــــوگ الغبــره مــا نسمع ونينه هلله هلله حسين وينه بالسيوف مگطعينه
صدگ خيـل ا ل أميه بالحوافر ساحگينه هلله هلله حسين وينه بالسيوف مگطعينه

*

وين حسين ابـو اليمه الي ويـــاچ الـــف عتبـــه
صــدگ يــــا كــربله الــوالي نـار أحشاه ملتهبه
وگلبه البيِه محّنه شلون صاب السهم نص گلبه

وين جــــده المصطفــــى يگصد يجينـــه هلله هلله حسين وينه بالسيوف مگطعينه
ينظر بيا حاله طايح عالترب والد سكينه هلله هلله حسين وينه بالسيوف مگطعينه
لا أهــــل يمّـــــه ولا أخــــــوه التعينــــه هلله هلله حسين وينه بالسيوف مگطعينه

**
الشاعر
موسى البديري

نعي
الليله العاشره
للرضيع ع


ذهـيـلـه ابـكـربلـه ومشدوه بالي
ألـولـي لـلـمـهـد والـمـهـد خـالـي
فـجـئـه وخـبــر عبدالله اجـالـي
فــت الـدلـيــل وشــاب حــالــي



ضـاع الامـل والـگـلـب مجروح
وضـلـيـت اونـن ونّـت الـدوح
ورده الرضيع وريحته اتـفـوح
جـابـاه ألـيـه حـسيـن مـذبـوح



شـفـت الـسـهـم حـافـر رگبتـه
وراح الـتـعـب كـلـه الـتـعـبـتـه
مـثـل الـحـلـم غـابـت ضحكتـه
مـادارت بـعـدهـه ايـام سَـنـتــه


                           *---------------*---------------*

ابوذيات

اســولــف بـأسـم عـبـد الـلـه.. ورد بيه
واشـمـن مـهـده چــن ريـحـة.. ورد بيه
خــــذاه حـسـيـن لـلـحـومــه.. ورد بيه

ابـوسـط نـحـره السـهـم جـابـاه الـيـــه
                             
                           *---------------*---------------*

شــوفــي بـحـزن لـولـيـدي.. دريته
وسـالـم بـعـد مـــــــايـرجـع.. دريته
مـــو درّي دمـــع عـــيــنــي.. دريته

خــذاه الـمـوت مـنـي وگـطـع بـيــه
                                                             
                                                                                     *---------------*---------------*

✍خـادم الـحسيـن (ع)
الشاعر رعد الجريخي

نعي عبدالله الرضيع

عاالناگه من ابعيد الوليك
مجبوره راح امشي واخليك
ليه التفت امك وحاچيك
يابعد عيني اشبيك مابيك
اتمنيت كون انزل واغطيك
وگابلك مگبل وناغيك
**
ليش المهد خالي تركته
يزغير گلب امك كسرته
من بين اديه تروح سكته
چا والسهر ذاك السهرته
**

الگلب زيدت همه  ماهونته
ون ونه ثكيله ماهونته
اجي للمهد لكن ماهونته
اهزنه ويرد فارغ عليه

سعدالعبودي

ابوذيات الليله العاشره

الليله للوداع التم ....        شملهم
ابعباته احسين كل اهله .. شملهم
واحد واحد اعياله .....     شملهم
وشبگ ابنه الطفل . ويحب رقيه

زينب يا گلبها الصبر ...    گل بي
تگله احسين مو گطّعت .. گلبي
يگلها جسمي خويه الظهر .. گلبيه
واذا سالم كتر عتبي عليه ..

تگلها حچيك الروحي ... يلمها
باچر زينبك منهو .......  يلمها
روحي لو گضت محد .. يلمها
اذا باچر شمر حارس عليه ...

واتگول

العمر گضيته بس ابهم .. بعد  هم
اخوتي اشلون ياروحي .. بعدهم
الشمر والموت  لو عني ...بعدهم
اروح الوين . من ينغر عليه ...

ابو فاطمة الطائي

احنه خدام عشگنه احنه خدام
******
مثل عابس كلنه ننجن .....
..والعشك بينه تسودن......
.................حسين علمنه الغرام

احنه  نتنفس  مجالس..
...صرنه للعالم مدارس
............. ...مركز الحب والهيام

امنين   ما  تلكانه  ديره......
حسين خيمتنه الچبيره
...............واجب ايكون احترام

انشد الاحزام.....وفانه انشد الاحزام
احنه خدام........ عشگنه احنه خدام
*******
اشما تلوم الناس بينه
خدم والرايه ..ابدينه..
................اشما تكول المغرضه

بحر    حبك  صار مرسه
مثل فجر امتاني شمسه
..................شفنه شوك الرافضه

من هوانه.......الله شاهد
برسمه مجنونه القصايد
.....................رايه دكت بالفضه

نرفع اعلام......جرحنه نرفع اعلام
احنه خدام ...عشگنه احنه خدام
*******
الله  خله  بكل   عزيه
تحضر الزهره الزجيه
................تحسب شگد الخدم

تنطني   للمؤمن علامه
هاك اخذ صك السلامه
..................هيه دستور  القيم 

والصدك  شيعي  يتمنه
كون راضي حسين عنه
..............بيده جمره من الخيم

نهج الاسلام......دربنه نهج الاسلام
احنه خدام..... عشكنه احنه خدام
*******
كل محب لو كسره يبره
حسين  يوفيله ويجبره..
.....................شكد يحب الخادم

امدلل  اتشوفه ابحياته
حسين.... وقعله بنجاته
.....................رضت عنه  فاطم

واشكبر باب  الخدامه
بيده   مفتاح  الكرامه
...................كاشخ اعله الوادم

اجمل احلام ...توصفه  اجمل احلام
احنه خدام .......عشكنه احنه خدام
*******
ايسجل احسين اليريده
من الخدم ينطيله ايده..
..................يحضى بشرف منزله

يصير جاهك والله عالي
اهوايه عند الناس غالي.
....................فخر  هاي المسأله

ظل..... دمعنه بلا  اجازه
ايوزع  احسين ابجوازه
......................من جوارح  كربله

نلطم الهام..........حزنه نلطم الهام
احنه خدام ...عشكنه احنه خدام
*******
والدمع  حسره يتجاره
حسين منهاج الصداره
......................عالي ظلت رايته

وياك نستعرض عشگنه
والله   ما نترك   دربنه
..................صك نجاة بخدمته

عالهعد  نبصم  اجينه
وياك مبدئنه وحچينه
..................نريد نحضه بنظرته

طعم الايام........خدمته طعم الايام
احنه خدام .....عشكنه احنه خدام
*******
عشك....... مرسانه تعله
من نخدمك والله تحله....
........................بينه  ايام  العشك

شرط بالخدمه نواضب
كل سنه نقيم المواكب
.................شرط نخدم من صدك

خلي  نترك   كل  زعلنه
حسين خيمتنه وشملنه
.....................بحبه لازم  نحترك

انعوف الاوهام...ترانه  انعوف الأوهام
احنه خدام............عشگنه احنه خدام
*******
تمت بعون الله تعالى
#خادمكم...... يوسف الفتلاوي

رفقا   بالغريب
توديع الحبيب
.........ياخويه الوداع
مخنوكه  اليتام
محروكه الخيام
..........ياخويه الوداع
*******1
صعبه اخرهه وداع   بهل المسيه
شلون قدمت  الفرس بثنين اديه
خويه  ما ينطيني كلبي بهالرزيه
شلون نتوادع يبن حامي الحميه

مقسومه الدموع
محنيه   الظلوع
.......ياخويه الوداع
بعيوني   الكلام
محروكه الخيام
*******2
هاي   اخر    ليله   جمعتنه   سويه
خلي اشبع   شوف   ياروح  الزجيه
اسم الله ياعطشان من طاري المنيه
خلي    اسولفلك  جرح بنتك رقيه

كاتلهه  الحنين
بنتك   بالونين
......ياخويه الوداع
ما   ترضه  تنام.
*******3
خويه عندي من الزجيه آخر وصيه
شمي صدر  حسين  يوم  الغاظريه
مات  بيه  الحيل    ساعات  المنيه
حسين  لا ترحل  دخيلك  رد عليه
جرحي والزمان
مفگود   الحنان
....ياخويه الوداع
ترميني   بسهام
*******4
خويه جاني المهر بس عالي صهيله
جاوب  الميمون  بس  دمعه يسيله
يكول  يازينب  تره  ساعة   رحيله
حضري روحج  لليسر  قصه طويله

مصيوب لامام
يا دنيا  حرام
......ياخويه الوداع
دمعات   الحمام
محروكه الخيام
*******5
شفته كام وطاح بس شومحني
ظهره
لازم  الخنصر  يويلي وذاب صبره
وجهه ماينشاف والطبره عله طبره
ونخسف مهشوم يمه ليش صدره

متروس الجبين
دمك يا حسين
.....ياخويه الوداع
مذبوح  السلام
محروكه الخيام
******6
كام يزحفلي زحف وينادي صوته
بساع يا زينب كرب لحظة  سكوته
واني فوك  التل وشاهد ليش موته
كون  طه  يصير ينسج  عنكبوته

ساعات الرحيل
ياجرح   الدليل
.....ياخويه الوداع
يا اصعب ختام
محروكه الخيام
********
تمت بعون الله
خادمكم ....يوسف الفتلاوي

وداع زينب والحسين ع


وداع اليله وباجر. منيه
بين الهاشمي والهاشميه
باجر حرك الخيام.
شلون بحال اليتام
بين الهاشمي والهاشميه

------------------
سولفو عدهم سوالف بس سوالفهم دمع
والعيون اعتاب عده. بس اسف ما ينسمع
الظوه منهم خذه نوره وطفو انوار الشمع
هاي اخر ليله. كالو. بعد. ماظن ننجمع

يصبح الشوم باجر لاتجيهم
ليله موادع وسمع بجيهم
كلام ادموع يحجون.
تفسره تشرحه العيون
بين الهاشمي والهاشميه

------------------
اه. ياليلت العاشر. بيه حسرات. شكثر
حسين وصه. زينب اخته يكله يامحله الصبر
باجر يحزون نحري وخيل تسحك عل صدر
ونتي جدمج يالعقيله ينجوي من. الجمر

يزينب خلي عينج عل يتامه
ويدري باجر ابحركت خيامه
بهونج من تركظين
يزينب لا. تطيحين
بين الهاشمي والهاشميه

-------------------
اليل ضل مستحي منهم من سمع عدهم عتاب
ألتمو وكعدو سويه والكمر عن نوره. غاب
ياحسافه الدنيه وكحه تلملم عليهم مصاب
من بعد عز. الفواطم هسه كعده عله التراب

لرض الشام لو رحتي سبيه
يختي بذمتج هايه روقيه
زغيره وحافي الجدام.
ماتحمل تره. الام
بين الهاشمي والهاشم

-------------------
باجر اتشوفيني دامي وجبدي نابت بيه سهم
حتئ هدمج يالعقيله تحركه نيران. الخيم
تحزمي لهاي المصايب وعوفي الهم والندم
كلهم. كبالج. شماته. وماكو رايه. ولا علم

تظل اصياطهم توجع بلمتون
شماته الكوم وبحيدر يشتمون
وانه عله الوطيه.
شكثر طعنات بيه
بين الهاشمي الهاشميه

-------------------
الشمر بيده يحز راسي يسيل دمي منل النحر
ديري عينج يالعقيله وعايني. الصوب. النهر
ادري ماعندج محامي لو. دنه ليج. الخطر
لليسر تمشين وحدج تستحين منل. الكمر

الشامت لو حجه يجرح كلامه
بس نسوان وبرفجت يتامه
بيدج شدو احبال
انتي وياج العيال
بين الهاشمي والهاشميه

-----------------
الخادم
رحيم. الصالحي