قصيده نزلة في رثاء الإمام العباس عليه السلام

تصيح الهاشميه       يسبع الغاضريه
نريد الماي               نريد الماي
................

زينب تعنت لخوها تصيح يحماي
جابت الجربه بديها بديها تطلب الماي
خويه عطشانه اليتامه والحرم هاي
ماكو غيرك بالكلايف لخته وفاي
يبن حامي الحميه         يسبع الغاضريه
نريد الماي                    نريد الماي
...................

من سمع عباس صوت اخته الجليله
طلع منّ الخيمه مسرع للعقيله
ياهلا بأختي الأبيّة والأصيله
سهله هاي الطلّبه طلبي المستحيله
وفي وكلّك حميه          يسبع الغاضريه
نريد الماي                    نريد الماي
……………………

وسفه بوّجودي اخلّيكم تعطشون
راح اجيب الماي وانه بهاي ممنون
إلّا اگص الرّوس لجلج وفگس عيون
بسيفي راح افنيها كلها ومايظلون
جثثهم عالوطية.         يسبع الغاضريه
نريد الماي                  نريد الماي
……...................

والنّعم گالتله انت بهاي معروف
انت موت الزّلم منك يرجف الخوف
آل اميّة من تشوفك تزحف زحوف
من تجيها صفوف تبقه ادّوس بصفوف
تهابك آل اميه.           يسبع الغاضريه
نريد الماي                  نريد الماي
………………………

اغضب العباس وتعنّه عله مُهره
سيفه يلمع بالشمس والرايه خضره
تعنّه صوب النهر والجربه عله ظهره
سوّه من دم آل اميّه الگاع حمره
عذاب الناصبيه.          يسبع الغاضريه
نريد الماي                  نريد الماي
……………………………

هذا ابوالغيره فزع عالماي فزعه
منهو يگدر يوگف بوجهه ويمنعه
عجزت الفرسان كل فارس يصرعه
لو لزم راس العدو بيده يقلعه
يصگّار المنيه.          يسبع الغاضريه
نريد الماي               نريد الماي
…………………………

بزوده طب للماي والجربه بيمينه
يملي بيها وماشرب حامي الظعينه
تذكّر حسين وعطاشه امناطرينه
واليتامه تصيح عمنه الراح وينه
تناديلك رقيه.         يسبع الغاضريه
نريد الماي              نريد الماي
………………………

وفّه بعهوده ورجع يروي الضمايه
زينب تنادي هلا بصاحب الرايه
الماي جابه وشربت الاطفال مايه
گلها خلّيت الزلم تبچي ورايه
كفو گالتله هيه.         يسبع الغاضريه
نريد الماي                نريد الماي

سيد زيد الفحام
_____

يوم العباس
(فزّاعيه)

الـيـوم يـوم الـعـبـاس بـدر الـعـشـيـره  ٢
الـيـوم يـوم الـخِـدام والـعنـده غِـيـره

                                   *---------------*---------------*

الـيـوم مـرمـي الـعـبـاس بـيـن أل أميه
أيسيل دمـه وچـفـيـن طـاحـن سـويـه
الـطـاح حـيـد الميدان يـسـوه الـعَـزيـه

راح الكفلهه وأم عون حيرتهـه حـيـره

                                   *---------------*---------------*

انــريــد فـزّت خِـدام فـزّعـت نـشـامـه
والقصّر الراعي الـجـود يـشبـع نـدامـه
دمعه واللطم للعباس محله الـخِـدامـه

هـنـالـه كلمن بـالـنـوح حدد مـصـيـره

                                   *---------------*---------------*

ايـنـوح خالي الميدان طـايـح عَـمـيـده
هاي الـمـصـيبـه والـحـيـل ألمن نـريـده
الـيـوم مكسور حسين كـسـره العضيده

الـلـه يـعـيـن المظلوم مـاعـنـده غَـيـره

                                   *---------------*---------------*

المـا لطـم مـا مـعـذور شنهي اعـتـذآره
وكـون تلطـم عالراس كـلـهـه الـغَـيـاره
انـريــد گـلـب الـخِـدام مـثـل الـشـراره

الـمـا يواسي الحوراء ميّت ضـمـيـره

                                   *---------------*---------------*

هـاي المجالـس لـلـمـوت عـدكـم أمـانـه
ندري الـزچـيـه بعبرات تـحـضـر عَـزانـه
ننطـي الـعـهـد مـا ننساه حـامـل لـوآنـه

محفوظه من جيل الجيل هاي المسيره

                                   *---------------*---------------*

✍خادم العباس (ع)
الشاعر رعد الجريخي

بشان هلال محرم والخدمه
جديد
🚩🚩🚩🚩

نشرو اعلام السواد
هل اهلال الحداد
عاشور اعلينه عاد

بمصابه بمصابه
____

رفعوها رايات الحزن
وتحضروا للخدمه
نصبو صواووين العزا
وشدو يشيعه الهمه
واستقبلو الشهر بألم
عزا بهظم ابو اليمه
هذا العزيز المارخص
فدوه نروح الاسمه

بقراية حسين تلفي الزچيه
اتنوح ياناس ابكل عزيه

تجري له الدموع
محنيت الضلوع
تذكر رض الضلوع

بمصابه بمصابه
____

محفوظ  اسمه بالسجل
كلمن حظر القرايه
ويه الحجه اتحزمو
بذلو المهج وفايه
باچر تبين اهل الكرم
ابكل فرع  وولايه
الخدمة موصيت وصور
منها رضى الله الغاية

عاشور ياناس موشهر الإعلام
يجسد رسالة مبعوث الاسلام

مو موكب وعزاء
مونوح وياالبكاء
بل تضحيه وفداء

بمصابه بمصابه
___

اعظم تجاره محبته
والفوز يوم المحشر
الخدمه وسام وشرف
ابدربه ابد مانعثر
محفور اسمه بالقلب
امي سقتني واثمر
رافضي ابقى رافضي
لحد الممات انا افخر

بعمري اضحي ياسيد الناس
والعهد انطي برفعة الراس

لوجسمي يرتجف
ازحف له لو زحف
بيدي الرايه ترف

بمصابه بمصابه
_

خسران دنيا واخره
من خسر هاي الخدمه
لن النبي بيه انفجع
وعليه زايد همه
حسين طاح بكربـلا
خضبو نحره بدمه
منصاب جسمه بكل كتر
وبالثرى غايب نجمه

الصدر مخسوف ابرضة الخيل
وزينب تناديه ياخويه ادخيل

مصابه ماجرى
محد منه احضره
والعيله مطشره

بمصابه بمصابه


بقلم الاخوات
  ام اباذر السكيني
و__عاشقه الولايه
        نسالكم الدعاء


بهذا الطور 👇🏻👇🏻

https://youtu.be/ZAw8lUlMGBg?si=l9pmMv0soXQYacV3

نعي مفجع
السيده زينب تشكو الى اباء الفضل


راح وكـتـي الـبـيـه چـنـت ام الـخـدر
هـذا وكـتـي الـسـوط والـنـار ويـسـر
خـويـه مـنـك رايـحـه وأطـلـب عـذر
بـاچـر اچفوفي تـره ايـصـيـرن سـتـر

بـاچـر اعـرف زيـن ينـشـاف الـخـيـال
وماضي هذا ايصيـر يـاخـويـه الدلال
ادري صعبه اعـلـيـك مـا گـلـك تـعـال
وهذا حـالـك يالـنـمـت فـوگ الـرمـال

نـام نـوم العافيه وخـلـنـي انـسـبـي
لاچـن اعذرنـي اذا جـرنـي أجـنـبـي
كلشي حرگوا يـبـن ابـوي الـطـالـبـي
زيـن يـا عـبـاس مــن ضـلـت عِـبـي

تـدري بـيّهـه الـصـار يالغـالـي وجـره
بـيـن نـار وخــيــل زيـنـب حــايـرّه
گبلي مـا طـلعـت تره الـهـاشـم مـره
ولا سبوهه الجيش مثلـي امـخَـدّره

                                    *---------------*---------------*

خادم زينب (ع)
✍الشاعر رعد الجريخي

قصیدة:أربع نشامه
في حق ام البنین س
ـــــــــــــــــــــــــــــــــــــــــــــ
خل یسمع المیدان..مني البشاره
ربـیت أله شـجعان..کلـهم غیـاره

أربع نشامه و فُرّاس
ودّت الک أم عباس
کلهم غیاره
ــــــــــــــــــــــــــــــــــــــــــــــــــ
خل یسکت اگبالي الصوت
بأولادي گــلبـي مـبـخـوت
عندي أربـعه احیـود الیوم
مـتنـسیـه  بیـهم  بـالمـوت
مـن  الـزغــر  هـالـفــرسـان
یـمها الهـوه ایخاف ایفوت
بـیهـم عــزم داحــي الـباب
گـول  و  فـعلـهم  مـنعـوت

ذوله أربعه و سوح الحرب.. تعرف نوایه البیهم
وگفـتهم اتسـجل أسم..بالحومه عن ماضیهم

بنت أبدوي والراد...یعرف قراري
خـل ینـظر الأولاد...بیـهم وقـاري

نبراس و یتبع نبراس
ودّت  الک  أم عـباس
کلهم غیاره
ــــــــــــــــــــــــــــــــــــــــــــــــــ
مـا خـلّفت مــثلي النـاس
هیچ اربعه و شالت راس
یکــفیني لـو کلهـا اتـگول
خــیعـونـچ  أم  الـعبـاس
آنـه أم الما عـاف السـیف
من زغره و یمـلک نوماس
من حگی و لو افـخر دوم
اتـزامـط  بـأبني  الـفَراس

من حگی افخر بالولد..و آنه اربعه اولادي
ما جابن و لا ینجبن..مثلي أمّـهات الوادي

هیچ انجبت آیات...فنّه الوصلهم
ذوله اربعه و هیهات..اربع مثلهم

اشرف ضیاغم بالناس
ودّت  الک  أم  عـباس
کلهم غیاره
ــــــــــــــــــــــــــــــــــــــــــــــــــ
آنــه ابــرباهــم تـعـبیـت
یامـا ســهـرت و حنّیــت
بـس الحــمد لله الــیـوم
شفـت الـثمر مـن ربــیت
لا  تـعــتـقد  یـالـمــیـدان
راح انـحـنیلک لو جــیت
أبعبدالله وعون و عـباس
وأبـجـعفر صـوبک هدّیت

ما تنحني العدها ظهر..متحزْم ابفرسانه
بأربع حزم متحزّمه...بأبني الگمر واخوانه

سوح الحرب عنوان...تعرف زلمنه
بالطــف گـمر عدنان...رافـع عـلمنه

های اربعه و ماتنقاس
ودّت  الک  أم  عباس
کلهم غیاره
ــــــــــــــــــــــــــــــــــــــــــــــــــ
کل واحـد البــیهـم حیـد
ما بیهــم شــک و تـردید
راحــوا یخــلّون الگــوم
یم خیـمة لحسین اعبید
لـو زیــنب اتــرید الــمای
بس تحچی یمهم شترید
اولادي و أنعــم مـن گال
مایصــعب یمهــم لبـعـید

بس کافي زینب بالخیم.. تطلب نهر من عدهم
ایشیلون کل المشرعه... و فنه الي یوصل حدهم

ماي النهر مـلزوم...مایحچي حاشه
اربع سقایه الیـوم...تروي العطاشه

بیهم شجاعه و نوماس
ودّت  الک  أم  عبــاس
کلهم غیاره
ــــــــــــــــــــــــــــــــــــــــــــــــــ
خل نفرض اصواب البیـن
مـن عــندي یاخـذ لحنیـن
فـدوه أربعــتهـم مقــبـول
بس ســالم أیـرد لحـسـین
آنــه أم الـوصــیت ابــهاي
عالحـاجب ما تـعله العـین
یــولیــدي لعـضیدک کـون
یـم الــشط تگــطع چفیـن

وصْیته یبني ابکربله...توفي الوعد بوریدک
أنسه الحیات ابلا أخو..ولاتنسه یوم اعضیدک

کلشي و لا مذبوح...اسمع حبیبي
والنایحه و النوح...تصبح نصیبي

اربع وِلد رفعة راس
ودّت الک أم عباس
کلهم غیاره
ــــــــــــــــــــــــــــــــــــــــــــــــــ
خـل تنــذبح هــالأبـطال
وبیـهــم تمــوت الآمــال
بس لا أشــوفن بالــعین
زینــب تچــتفها أحبــال
بت حیدر و ستر الکـون
تهظـمني لـو بـین ارجال
دگلــها صــدره الــعبـاس
والرایــه الزیـنب تفـصال

رایة علي ابچف الگمر...لا ما تطیح الرایه
یاخذها چف المنتظر...واترفرف ابهالثایه

غیرة علـي الکـرار...ابدمهم سریّه
زینب تضل عتبار...حامي الحمیه

حد الشرف ماینداس
ودّت الـک أم  عـباس
کلهم غیاره
ــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري

*حزن العقيله زينب عليها السلام*

🚩🚩🚩🚩

*بويه جاني محرم … بالحزن ليلي خيم*
*بهلاله فجعوني وأذوني ابذبح اخوتي*
*عالناگه ركبوني سبوني شوف الحالتي*
&&&

ياشهر عاشور سهمك غير احلام
بجِيتك عيني جفنها بعد ماينام
ريت لا طر الفجر وانهظم بالشام
اندبك يابطل خيبر اضرب الهام
*بويه لاحگ عليه*
*بنتك أخذوها سبيه*
*من بيّن اهلاله والحاله تصعب عالغيور*
*حسين ورجاله وعياله أبـدم الـنحـور*
*احرگوها المخيم والزلم بويه تهجم*
&&&

ياشهر كل يوم يمضي گلبي يسعر
المصايب اجرحتني وجفني احمر
روحـي تـعرج للنجف مااقدر اصبر
اشكي افعالك ابهلـي شلـون بـالـبر
*والـحـرم سلـبوها*
*بالسياط اضربوها*
*احبال بيدينه تدرينه وينك حيدره*
*ابذمته جينه والينه سبع الگنطره*
*الحرب بويه حتم عالنهر چفين اسلم*
،&&&

بـويه طعناتي چـبيره تـنزف ادمـوم
حگي لو ابچي لخويه حسين مظلوم
الـدمع يصبغ اهدومي بكثر الـهموم
عالـثرى جـسمه رميه الـگلـب مالـوم
*للشمر باوعت عيني*
*واني انحب بونيني*
*من جرد البتار ياستار حز المنحره*
*عرش الله الجبار للابرار ينعه للورى*
*من هلالك توسم سور للدين تهدم*
&&&

اه يـهـلال الـشـهر شـگد مصيبه
خذت روحي ويالاخو الفارگ حبيبه
يـاعلي بس انـدبـك بنـتك غـريـبـه
بالطفوف اتصيح بويه منين اجيبه
*بويه احضر هالمسيه*
خوتي راحو من ايديه*
*بجروحي حيرانه سهرانه من زود الالم*
*النار بحشانه لـمولانـه حسين انهشم*
*ممتلي گلبي بالهم لشوفتي حرگ المخيم*
&&&

بـويـه مكسورة گلـب ياهو اليجبره
ريت لاهـل الـشهر وانـي انـظره
صعبه صعبه شوفته اجذب الحسره
الـف ونـه والـف اه لـبـنـچ يـازهـره
*سحگته خيل الاعادي*
*وانــا ذايـب فـؤادي*
*كل طعنه تاذيني وونيني لجلك ياحسين*
*اضحي بسنيني الديني الرب العالمين*
*يقبله وهو يعلم لجله ضحينه بالدم*


*الخلود الحسيني*

*نسالكم الدعاء*


بهذا الطور👇🏻

https://youtu.be/VsxYo8jLMwQ?si=8-aF4JIbD7sB0H4H

https://www.tg-me.com/khdmat

ி┈┈••☆✿🌹🌿🌹✿☆••┈┈┈ி


🕊☆~`` الملا علي المياحي ``~☆🕊


ஜ••("🕯 @alimaeahe 🕯")••ஜ

((يدنيا))

بــيــن الــدمــع بــيــن الألـم
مـاتـطـفـه نـيــران الـخـيّــم

يـدنـيـا      **     يـدنـيـا

*----------------------*---------------------*

اذكـر البـِعـدو عـليّـه ويـقـتـرب مـوتـي احس
تـركـو ابـالي صـورهـم  الضلوا بـحـر الشمس
مــرت ايــام ولـيـالـي والـصـور چـنـهـه امـس
اسكت وتحچي المدامع وگوه اصبرهه النفس

فـوگ الـتـرب عـفـتِ الاهـل
بـكـل دمـعـه اردد مـستـهـل

*---------------------*---------------------*

آنـه يادنـيـا الـعـقـيلـه أتحمليت اشكـم جرح
يالخذيتي اعزاز عـمـري وراحه منچ ماتصح
أبـتـدّت رحـلـت عـذابـي بـيـن سلّاب ورمح
ليلي أخلصنه بواچي ودمعي يـنـزف للصبح

منــچ تـره حـصـتـي السهر
عـمـري خـلـص نـوح وقهر

*---------------------*---------------------*

ماشـفـت غـيـر المدامع الـجـرن فـوگ الجفن
كـربلـه سـلـبت حياتي وخـلـت اثياب الحزن
تطبگ اعيوني وافـزّن وحنّـت الـثَكـلـه أحـن
اليـنـدفـن مـره ابمماته وآنـه يـومـيـه أنـدفن

أصعب جرح جرح  الـغـرب
مـنـه احـس شـاب الـگـلـب

*-----------------------*--------------------*

الغـابـوا احـبابـه يويَلـه غـيـر مـوتـه أشينتظر
ايـكـابـر ويحسب ثواني وعايش ابـنـار الهجر
بظلمت اسنينه وجروحه ايدوّر الساعت فجر
الينكسر گـلبـه وشـعـوره هـذا شيفيده الصبر

مـن الـصـبـر بـس الـتـعـب
الـگلبـه على احبابـه التهب

*------------------------*------------------*

ابساعت العفتِ الغوالي والشمر حادي الضعن
مـابـقـه كلشي بـحـيـاتـي الـبـقـن بـس المحن
اسـرح بـعالـم صفنتي وأذكـر اسـنـيـن المضن
وحـدي عـافـنّي الليالي وشمعة اعيوني خذن

عمري انـتـهه اشعندي بعـد
وشـمـل الأهـل عني أبتعـد

*-----------------------*--------------------*

كلشي سلّبّتي يـدنـيـا روحي عـفـتيهه أشعجب
راحوا أحبابي بشملهم  ومارحت شنهي السبب
اشـبـعـد خليتي عـنـدي كـافـي ما احـمـل تعب
شوفي خلصّتة ابعذابچ والـگـلب جرحه التهب

مـثـل الـشـمـع آنـه أحـتـرگ
مــن اذكــر امـتـونــي الـزرگ

*----------------------*---------------------*

✍خادم زينب ((ع))
الشاعر رعد الجريخي

اتانيكم  تجون وعيني عالباب
ليالي فراگكم ما حاسبه حساب 
       يمه   يمه

النص الاول

يمه يالولد اذيتني هواي
ما تدري العفتها شارگه بماي
ولا تكسرلي خاطر كلي الج جاي
گلبي حسين يمه صار عطاب

النص الثاني

امشي عليك ابوك تردلي ابساع
صرت عگبك حصيره انمدت بگاع
يريت اشريكم آنه وروحي تنباع
وابيعنها بعجل لعيون الاحباب

النص الثالث

عجل من سفرتك وترس البيت  
موش اجسام عدله موته خليت
من كد انتظارك يبني مليت
عليك الزهره امك كافي الغياب

النص الرابع

كافي وهل عليه شوفتك عيد
وبس ترجع اليه كلشي ما ريد
توئم روحي انت موش تعويد
ولا زاد الهنه بعدك ولا طاب   

النص الخامس

أبن ما ادري ياهو منك اشراد
وگلبي ام البنين عليك ما هاد
جزع مني الصبر والصبر ما فاد
وچم مرسال الك وديت وعتاب

النص السادس

وديت العتب والدمع مرسال
الك بيد الهوى ويشرحلك الحال
وهواي البقه وموكلشي ينگال
حالي اويه العليله صاير تراب


بحمد الله تمت
الشاعر عباس الشويلي
3/7/2024 ميلادي1446 هجري

جديد


بشان مسلم بن عقيل
عليه السلام

🚩🚩🚩🚩

شد العزم مسلم وطب الميدان
صوته زئر وبسيفه ذل العدوان
_
الحومه تشهد للبطل من ينزل
عاليها يگلب والشمال يزلزل
بيده الصارم مايخاف اليجبل
الخائن يصفي وي زمرة الشيطان
____
الزلم ترجف من خزرة اعيونه
نادى بجمعهم والله ماتفنونه
لان الثقل موجود وتعرفونه
ينبض بااسمه الگلب والشريان
_
هذا الذي گال النبي ابشانه
حسين مني وآيته وقرانه
اليخذله خسران يوم ميزانه
حجة الباري وحكمته والبرهان
____
انا السفير وروحي فدوه الدمه
ماعوف اميري هو خير ورحمه
لو انذبح ويطشر جسمي لحمه
انسحب بالاسواگ وابقى بتربان


الخلود الحسيني
نسالكم الدعاء

https://www.tg-me.com/khdmat

ابوذيه

اهلال النايبه هليوم هلهل
هلاهل حزن للعريس هلهل
غدت دار العليله ابغير هلهل
وغدت مسلوبه ترچيه رقيه

ام اباذر السكيني

.


#مقدمة_مجلس_الليلة_الخامسة

     ( سفير الحسين مسلم )


.           آه  اشــلــون هـــاي الـلـيـلــه
            آه  اشــلــون هـــاي الـلـيـلــه

                                *---------------*---------------*

مـنـعـوفـه مـهـديـنــه ابـجـمــر مــنــعــوفــه
إنّـــوح لــغــيـــابـــه ولـغـريـب الـــكـــوفـــه
وقّــعــنــه بــدمــانــه الـعـــهـــد وحـــروفــه

يـــمـــتـــه نــشــوفـــه والـجـرح نـشـكـيـلــه

                                *---------------*---------------*

إيـــهـــل الــدمـــوع لــمــســلــم ٱوْ آلامــــــه
يــتــنــطــر ٱتــعــيـــنـــه ٱبــلـطـم خـــدامـــه
ابـــــــن الـــحـــــســـــن ٱتــعــذب بـــأيـــامه

شـنـحـچـيلـه عـن الـفـاجـعـه شـنـحـچــيـلـه

                                *---------------*---------------*

بـــيـــن الـــجـــروح الـدامـيـه والـــغـــربـــه
والـحــســره ظـلــت لـلــغـريـــب ابــگــلــبــه
شـاف الـعـجـايـب والـلــيــالــي الــصــعــبــه

نــطـلــب يــربـــي هــالــفــرج تــعــجــيــلــه

                                *---------------*---------------*

✍️خادم الحسين ع
الشاعر رعد الچريخي

قصيده وزن الفايزي
حوار بين مسلم عليه السلام
والسيده طوعه رضوان الله ع
============================
مسلم يمسلم للحرب شد حيلك وگوم
روايهه معناة الـــزلم وشعندك اعلوم
========================
سل سيفك اعله اهل الرده طشر زلمهه
وخلي الچثث فوگ الثره  محد يلمهه
شد عزمك وروحك فخر يشتد عزمهه

لو شفتك اگبالي تهد تنزاح الهموم
روايهه معناة الزلم وشعندك اعلوم
============================
شمره المراجل من علي مختلطه بينه
شحده اليفكر يدنه الي اگطع يمينه
مثل ابن أبي العاص ارد احط بصمه بجبينه

وخليهم ابسوح الوغى كل لايم ايلوم
روايهه   معناة. الزلم  وشعندك اعلوم
=============================
والله ونعم منك وفي ماتخلف اوعود
ابكلشي للحسين بعزم وبنفسك اجود
سيفك يطشر بالرگب يربات الحيود

افني الجموع الرادته راسك يمظلوم
روايه   معناة  الزلم  وشعندك اعلوم
===============================
ابزودي يطوعه تتبشري راح أعلن إنذار
شنهو  المراجل من اهد توصلج اخبار
نار انه  وبسيفي  غدت  تتلاهب  النار

واله اخلي كل گلب من سيفي مالوم
روايهه  معناة  الزلم  وشعندك اعلوم
=================================
بيت المراجل  والفخر  بيتك يصنديد
صيت. وملاحم   حيدره  اتنطر  تعيد
متحزمه عدوانك اجت ولراسك تريد

محتاطتك من كل كتر ولچتلك اتحوم
روايهه  معناة  الزلم  وشعندك  اعلوم
=================================
دگيته صدري واؤعدج والجيش ابيده
انه  ابن  ابوي  وماهم  وعمي الصميده
يوم  الاحزاب  وخيبره  قررت  اعيده

دمهم اوصله للسمه وتمطره الغيوم
روايهه معناة الزلم وشعندك اعلوم
============================
الشاعر احسان الحميداوي

مــسلم رخص دمــه ،، لحسسن ابو اليمه
رخص شكو عده،، ماخان ابد عهده
&&&&&&&&&&&&&&&&&&&&&&&&&&&&&
موقفك لحسين ظل موقف شرف
يــاشهيد ودمـــك الطاهر نزف
انــت اول صوت عل ظالم هتف
رجفتهم  وانت  گلبك  مارجف

يلرخصتك دمك. ،، لحسين ابن عمك
وفه وكفه ابوعده،، ماخان ابد عهده
&&&&&&&&&&&&&&&&&&&&&&&&&&&&&

مـــوقف لـــطوعه نــظل نذكره
يـوم دمـــك سال بالكوفه وجره
مــوقف الـــعد الزلم قـل ناظره
تنعد  بسبعين  فارس مو  مره

مكتوب الچ موقف،، ياطوعه ويشرف
ونذكره كل مده،، ماخان ابد عهده
&&&&&&&&&&&&&&&&&&&&&&&&&&&&&

قــاتل اسلاف الــظلاله والـعبيد
للـحسين ودينه صار اول شهيد
اهون الموت ولا اصــافح يزيد
باجر يصير الخصم يوم الوعيد

واگف جبل ويصيح،، ماذلن ولا اطيح
رخص شكو عنده،، ماخان ابد عهده
&&&&&&&&&&&&&&&&&&&&&&&&&&&&&

قاتل ورخص لابـو الاكبر دماه
موقفه خالد يظل محد نساه
باع كلشي ودين الحسين اشتراه
مــسلم التاريخ ظل لايذ وراه

وبــموقفه الخالد،، بالكوفه ظل شاهد
كل زاير ايوده،، ماخان ابد عهده
&&&&&&&&&&&&&&&&&&&&&&&&&&&&&

الـما وگف وياك يا مسلم  خسر
كـل ذكـــر مـــايبقه عـنده ولا اثر
يبقه مـــلعون بحياته وي الـــدهر
باجر  بيوم الحشر  يشبــع قـــهر


والــما وگف وياه،، كل ذكره خل ينساه
والمارضه ايسنده،، ماخان ابد عهده
$$$$$$$$$$$$$$$$$$$$$$$$$$$$$$$$$
الشاعر احسان الحميداوي

قصيدة  إلى مسلم بن عقيل ع ألسلام
خادمكم عبدالهادي العريفاوي

راية حرب مرفوعه   وكل الطرق ممنوعه
شكرا الج ياطوعه    ضيفني مسلم بالدار
---------------------------------
شكرا الج ياطوعه من وجداني
مسلم يطوعه والحرب عنواني
محد وكفلي من العرب بس هاني
واعجز اوصفه موقفج بلساني

والجنه لج مضمونه   وبكل زمن يقرونه
شكرا الج ياطوعه    ضيفتي مسلم بالدار
------------------------
خانوا عهدهم والعهد ماينخان
زمرة غدر ومطاوعه للشيطان
باجر اذا طر الفجر بالميدان
والماسلك درب الإمامه خسران

وحسين ابد لا ميريد   وميطاوع لأمر ايزيد   شكرا الج ياطوعه  
------'-‐---------------
ياطوعه عمي المرتضى والكرار
موقف شرف عندج اطب هاي الدار
ياطوعه عندج هالمسيه خطار
ميهمني عده ولا عدد هالاشرار

كررة عيوني اني   وسوح الوغى عنواني
شكرا الج ياطوعه   ضيفتي مسلم خطار


---------------------------
والكوفه خانت بالعهد غداره
وماادري بو اليمه بعد شخباره
وسفه الجمع لمن يطيع اشراره
ياطوعه باجر من اشن الغاره

والكوفه بيدي اطويها   ومن الزلم امحيها

شكرا الج ياطوعه   ضيفتي مسلم بالدار
--------------------------
طر الفجر وسيوف اجتك ورماح
قائد العسكر بالكتايب من صاح
مسلم وحيد العسكر كباله انزاح
حفروا حفيره لمسلم وبيها طاح

خطة غدر معروفه    ماكدروا اهل الكوفه  شكرا الج ياطوعه   ضيفتي مسلم خطار

نزله إلى مولاي مسلم بن عقيل


الكوفه مسلم بيده كضهه وشالهه
جيوش اميه من الركض شل حالهه
.....

زلم تردم بالزلم ماصح مفر
والهوى البالريه بالكوفه انحصر
الشارد من الخوف بخياله عثر
ابن عم حسين سل سيفه وظهر

الجيش من شافه برز
سبحه ونكطعت خرز

الخيل گامت تسحگ بخيالهه
جيوش اميه من الركض شل حالهه
.......

الجيش صافن ما يحارب منذهل
واحد وي الثاني ينشد ينسأل
هذا مسلم لو علي راجع عدل
هل شجاعه لو علي لو ابو الفضل

خلصانه وما تعب
نار  وگباله حطب

الشجاعه مو عدد  بفعالهه
جيوش اميه من الركض شل حالهه
.......

جدحت عيونه غضب لمن نزل
رَجّع السيف اعله الكراب وزعل
باوع اعله الجيش كال ابن الفحل
على  هذا  العدد  ما أبرز  فشل

ما احارب هل عدد
مستواي أكثر بعد

الكوفه جيبولي جميع ارجالهه
جيوش اميه من الركض شل حالهه
.......

كون اريد الكوفه متروسه زلم
دوم ما اقبل بعطوه ولا سلم
الخايف من الحرب ليگابل شهم
مسلم انه اكبالكم عدكم علم

عمي قتال العرب
اليوم اخلصهه الرگب

حالف اعله الكوفه اشل احوالهه
جيوش اميه من الركض شل حالهه
.......

جيوش اميه اتجمعت صار الأمر
رايه بيضه انرفعت وصاح الشمر
خلصيت الزلم مسلم نعتذر
صاح مسلم دوم ما اقبل عذر

غضب من ربكم نزل
شلون اصالحكم فشل

الكوفه ربكم يعرف شودالهه
جيوش اميه من الركض شل حالهه
.......
الخادم موسى البطلي

مسلم ناده بالميدان            وين القاده والشجعان
٠٠٠٠ ٠٠ ٠٠٠٠
مسلم من نزل عالكوم       جان اليحجي بتاره
من لمعت بريجه عداه       غاره تردم بغاره
سواهه الزلم طشار           وهل الكوفه محتاره
ويتنخه بكمر عدنان          وين القاده والشجعان
---------------------
وحده وما يهاب الموت       من حسين تكليفه
صكر وعله الطريد يحوم      وضل يتخير بكيفه
الغدرو من كبل حيدر         من عدهم اخذ حيفه
بزوده شهدت العدوان      وين القاده والشجعان           
--------------------
يكًلبه يمين ايسار            الكوفه وبيه يتحده
طوفان انهد عليه             وياهو اليكدر يصده
ويتنخه بعلي الكرار          وتاهت بيهم الشرده
انصبغت بالدمه التربان       وين القاده والشجعان
٠٠٠٠ ٠٠ ٠٠٠٠
خل يسجل التاريخ         وبيهم يعلن امجاده
من طبو بني هاشم        كلهم بالحرب قاده
مادارو ضهر والله         وبيهم تفخر الساده
خطو للمجد عنوان       وين القاده والشجعان
------------------------------------------------
ياثايت فخر مسلم
وحده وزلزل الكوفه
اليشرد مالحگ يشرد
گام ايموت من خوفه
من صعدو الگو ازلام
فوگ اصطوح مگطوفه

وسواهه الزلم نسوان
وين القاده والشجعان

#فلاح #طالب #الماجدي

مسلم ع

طب ليها مسلم وحده طب ليها
والگوفه كضها وراد يچفيـــــهــــا
،،،،،،،
تربات حيدر ونعم منّــــــــــــــــــه
وابّيته رابي من زغر سنـــــــــــــــه
جيش بكماله وحدّه چنـــــــــــــــه
وبسيفه كسّر كل موضيهـــــــــــــا
،،،،،
مملوح رمحه ويگطر املوحــــــــه
روس الزلم سواها مرجوحـــــــــــه
يكثر عزم من تكثر اجروحــــــــــه
جال وگلب سافلها عاليهــــــــــــــا
،،،،،
طب ليها مسلم ولهوه تغيــــــــــر
وصاحت إجانه من النجف حيـــــدر
چفّه مثل چف القلع خيبـــــــــــــــر
وچفوفه ياچف اليلاويهـــــــــــــــــا
،،،،،
شبه الجنايز بس نفسم بيهــــــــــــم
من سرفن اذراعه ودخل ليهـــــــــــم
يبچون كلما صوّل اعليهــــــــــــــــــم
ذيچ العساجر راد يفنيهــــــــــــــــــــــا
،،،،،
رسوم الجنود اگباله مخطوفــــــــــه
تهلهله طوعه وتسطر چفوفــــــــــــه
وتگله ادب وادم الكوفــــــــــــــــــــه
ياطوعه بشري ضل يحاچيهـــــــــــا
،،،،،،
بالسيف مسلم طگ طرف طاســـــه
من الصوت بيهم خمدت انفاســــــه
دنگ قصرهم ما رفع راســـــــــــه
چا وينكم ناده بأساميهــــــــــــــــــا
،،،،،،
جيش بكماله عدد والعــــــــــــــــده
والد حميده عالمهر وحــــــــــــــــده
حط بيده كلمن طينته بخـــــــــــده
وذگّر الكوفه شچان ماضيهــــــــــــا
،،،،،
لخادم الحسين ع
#محمد #الفهداوي

(( نزله حماسيه)) جديد 2023

الكـــوفه وأهــــل الـكــــوفه.   
مـنــــي تبـــقـــه بـــــخــوفه

___
راح اطــب  الكوفه أنه بجلمت الياويله
ويله ويله  الراد يفزع مابقه كل حيله
مااسولف أنه بـيهم صـولت التحجيله

مســــلم أنه مـن أطـــب
اغلـــب ومـًـا انغـــــــلـب
بيــــهم يـــضيك الـــدرب

والــزلم مجتـــــوفـــه   مني تبقـــــة بخوفـــــه
___
هلهلت طـوعه وتكله ياله كــوم  ع الزلم
يابوطاهر بالبسأله أسحك ودوس الخـشم
شما كثر مسلم عددهـم بالعـدد لا لاتــهــم 

مـــوزلم شبـــه الزلم
من تطب البسو هدم
بسيفك أعدمهم عدم


ضــربـتـــك مـــوصوفه    مني تبقـــــة بخـوفـــــه
___
والله ياطوعه أريد اليوم أســوي الـمجزه
سيفي يكطف بالمناحر والرءؤس مطشره
الكوفه أزلزلها بــيميني وجنه يوم الاخره


الكوفه أطحنها طحن
وأذبــح إكبار الفتـــن
ذكره تبقــى بكل زمن

صولتي المعــــروفه.       منـــي تبــقى بخــوفه
__
وكفو منك يابو طاهر انته صنديد الحرب
ياله روك الكوفه بيدك ياله وكـلبها كلـــب
لا تخلي شرده اليهم بصولتك سده الدرب

والشــرد أين المفــر
لا تخــــلي اي نفــــر
سيفك أنته المستـقر

ماتــــخوف. أسـيـــوفه    مني تبقـــــة بخـوفـــــه
___
نكرو البيعه يــطوعه وحدي انه بهل الديار
مالي ناصـر لا مـحـامي راح أوضح بالقرار
سيفي ينصرني يطوعه اله أدوس ع الكبار

سيفي يكطف بالركاب
ونزل عـــليهم عـــذاب
واليـهد يسمع جـــواب


بسيفي أكــطع جفــوفه.  منـــي تبــــقه بخوفـــه
___
وكطـعت روس الجنادل وجتـفت خيالهـم.
سيفي يذبح بالمـناحر  وصـبحت جتـالهـم
طوعه صاحت بابي اقلعه يله أمـرد حالهم

طـوعه وبطـرف الهدم.  
هــــوسـت إليه بعـــزم
ياأبـــو طــاهر ياشــهم. 

واليـــظل لا تــــــعوفـــه   منـــي تبــــقه بخوفـــه

كلمات الشاعر الحسيني

مرتضى آل مكطوف