استشهاد الامير
في ضربة امير المؤمنين
علي عليه السلام / 2 ____
ارتفعت الصيحات لمن طاح ابوحسين
شافوا ادمومه سايله والهامه نصين ____
1
كلمن يدگ الراس ويصيح الفجيعه
وزايد بچا اولاده وحالتهم وجيعه
والناس بالشارع وتتراكض سريعه
للجامع المگصد وشافوا مظهر الدين ____
2
لازم جرح راسه وينادي على اولاده
اعصاب لصوابي بعجل جيبوا يساده
وشدوه على جرحي وربي اللي اراده
للبيت ودوني بعجل ياحسن يحسين ____
3
للبيت وصلوني وطيبوا ضربة الراس
وربطوا صوابه بالعصابه وضجت الناس
وشالوه بنينه ونادت الحورا يعباس
من هالذي شالوه امطبر ياضوا العين _____
4
لحظوا الْشخصه وارتفع لصياح منهم
شافوه تتقاطر ادمومه وزاد همهم
وزينب تنادي تروح ياملجى يتمهم
وهامته معصوبه وشگ السيف لجبين _____
5
طرحوه وسط الدار وجت له كل بنينه
وداروا على بوهم عن اشماله ويمينه
العيد ايجي وانته بسلامه ياولينه
اتمم اصيامك ياعلي يامظهر الدين ______
6
گلهم وهو يجري دمع عينه يرجواى
ماينفع اعلاجي ولا ينفعني ترى ادواى
وسيف الرجس مسموم وسمه انمزج بدماي
وزينب تنادي يخلف الله مالي امعين ______
تمت بحمد الله وتوفيقه
الاثنين///12/6/2017
الحاج /// مكي العريبي
نسالكم الدعاء. م . ع. ك

استشهاد الامير
عليه السلام
لسان حال الكعبه 1 ____
نادت الكعبه وصرّحت للكل سويه
شگة اجداري للوصي وامه الزچيه ____
1
امن الصدف لتقولوا ابداً يامسلمين
من شرفتني فاطمه ابتوضع ابوحسين
امه لفتني وحلفت برب النبيين
مولودها امبارك وله فضلٍ عليه ____
2
كل الشرف من صرت أأدي الْهم الواجب
ضيوفي ثلتيام وبابي صار حاجب
والناس محتارة لحيرة ابوطالب
ماريد احد يدخل ويقطعها هالسريه ____
3
و معزز امكرم ومو مصيوب بالراس
ولا انفجرت ادمومه وليه تشهد الناس
والحسن ويه حسين ووديعة العباس
ما يتمتهم ولا جبت ليهم اي اذيه ____
4
ومن گصد لديارچ جرعتينه الفجيعه
خليتي بن ملجم وسيفه بالخديعه
راسه انگسم نصين معظمها فظيعه
وانفجرت ادمومه ابمحرابه جريه ____
5
وما اكتفيتي ابهالمصاب اللي جرى وصار
حتى من اولاده اخذتي للعدى الثار
ولجيوش منچ طلعوها ضد لطهار
لحسين جابوا راسه براس السمهريه _
6
وجبتي بناته عگب عينه لچ سبايا
والكل يتفرج عليها امن البرايا
ولا رحمتيها امن الشماته والبلايا
وابيوتهم منهم بگت تنعى وخليه __
تمت بحمد الله وتوفيقه
الجمعه/// 2/6/2017
الحاج ///مكي العريبي
نسالكم الدعاء .م .ع.ك

قصيدة امير المؤمنين ••||
ثگيل •الحسين يسولف ع



وكت الصلاة مطبور حيدر عالراس
مصابك يبويه  شيب اگلوب الناس

طايح يبوحسين شغلاتك
دم    بلحيتك.    وبعباتك

مصابك يبويه  شيب اگلوب الناس

•••••••••••••••••••••••••••••••••••••••••••••••

ياوسفه حيدر  ينغدر  بالدم  تخضب شيبه
گام الحسن كمل فرض حيدر ونينه مصيبه
جدام خلگ  الله  النذل  طابر  ولينه  الهيبه
ومنين  مثلك   ياأسد   قالع  الباب  انجيبه

ملچوم گلبي بطحيتك ضل ملچوم
توچه   عليه   بويه   لو رت  تگوم

مصابك حبيبي شكبره
شيب   حبيب  الزهره

مصابك يبويه  شيب اگلوب الناس

•••••••••••••••••••••••••••••••••••••••••••••••


غرگان من فيض  الدمه  بويه وتغير  لونك
كل عمري فدوه لشيبتك يالمانعيش بدونك
يمضيج انفوس العدو ياروحي گلي شلونك
من صيتك تخاف الزلم بجروحك يعينونك

ادري  الاالم  ماخذلي  كل  عافيتي
جرحك هدمني وهدم روحي وبيتي

لاتعوف گلبي الملچوم
تتشافه  وتگوم  اليوم

مصابك يبويه  شيب اگلوب الناس

•••••••••••••••••••••••••••••••••••••••••••••••

بمصابك لكون انصدم وختي تموت بصدمه
يالشيبت گلب الحسن  وحسين  مات بدمه
سولفلي شحچي لزينبك فگدك گلبهه يلچمه
مصبوغ راسك  بالدمه  وجسمك  تنگع همه

يابويه سولف بيش اصبرهه شلون
وذيچ اليتامى  التنتظر  منك عون

گلهم علي مطبور هامه
ادعوله يمكم  بالسلامه

مصابك يبويه  شيب اگلوب الناس

•••••••••••••••••••••••••••••••••••••••••••••••

يابويه حيلك منهدم  ولونك  ذبل  فد مره
ياخيمه ياكل مهجتي  كمل  ويانه  العشره
لا فينه بحزانه  الدهر  ولدك  تضل بحسره
ياگمرة  الساده  هضم  نفگد  حلاة  الگمره

مسموم سيفه الطبر راسك تدري
بويه ومصابك اخذ عشرة عمري

ولدك يبويه تشوف وضعك
بحسره وهضم رادة تودعك

مصابك يبويه  شيب اگلوب الناس

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء //1446ه‍

قصيدة جرح علي ع•••♕
نزال ••حزن زينب سولف


شلون  زينب  ينطبر  قرانهه
گوم يابوحسين ذل عدوانهه
•••••••••••••••••••••••••••••••••••••••••••••••

گوم   ياسلطان   ربك   بالارض
وسفه راسك منطبر وكت الفرض
ناحت اعليك السمه طول بعرض
انت دين الله علي وميزانهه

•••••••••••••••••••••••••••••••••••••••••••••••

طاح دمك عالاارض يابو الزلم
ليش  بالمحراب  راسك  ينثلم
وگلب زينب  يابو زينب  يلچم
ويلي دارك خاليه من اغصانهه

•••••••••••••••••••••••••••••••••••••••••••••••

لا  تضل   نايم    يبعد    الماغفن
مصاب هجرك يلچم بگلبي اليحن
ليش من دون الخلگ ضيم وحزن
نار  بجروحي وتشب  نيرانهه

•••••••••••••••••••••••••••••••••••••••••••••••

بويه  يابوحسين عذبنه الحچي
وطاح گلبي  بغيبتك نشبع بچي
بعد ياهو يصيح زينب من يجي
گوم زينب نادتك وخوانهه

•••••••••••••••••••••••••••••••••••••••••••••••

وينه حيلك يالمخوف كل سبع
والگلب  والعين فاضت بالدمع
ترضه بنتك  بالمصايب تنفجع
من  الدمع ماكفتلهه  اردانهه

•••••••••••••••••••••••••••••••••••••••••••••••

بعد  ماضل حيل عگبك لاسند
من شفت جسمك يشلونه الولد
وين  رايح   ياسبع  يابو الشدد
وسفه بحضان الترب سلطانهه

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء //1446ه‍

((أمنا خديجه))


يامن لكِ كل الــسلام
شكرا لكِ والاحــــترام
اسمچ عِله بعلو السماء
زوجٌ لكِ ســـــيدّ الأنام

ياخديجه انتي الحبيبه
للنــبي وصرتي طـبيبه
ياسرور الكـــل سوالف
يا شريكه بكل مصــيبه

عمــــــرچ ورد ونثر
مولاتي كلشـي اندثر
حسيتي بـــل ما يلي
حتى الجرح من عثر

يا امنا خديجه ...

"""""""""""""""""""""""""""""""""""''''''''''

عين الســــماء الباكيه
لَـــ ام البتــول الزاكيه
بعيني حداد المنهضم
ناداني قلبـــــي هاهيه

هذا جرچح والتفاني
هذا دمعچ والحـناني
انتي للاسلام نــــاصر
بيچ تحـــــتار المعاني

ضكتي مــرار وألم
گلولچ اعله الخيم
گلتلچ الطـــــاهره
ودَلتـچ اعله العلم

يا امنا خديجه ...
"""""""""""""""""""""""""""""""""""''''''''''

عشتي جروح القافله
ضكتي مـــرار العايله
عشگچ بحر مـا ينـعبر
باب وحطب يالحامله

باچر أمچيده النوايب
باچر عـــالــچ غرايب
عالهزل يمشن سـبايه
باچر ســياط وتـرايب

گلتيله چـــا والوطن
گلــــچ محمد ضـعن
بي زينب اعله الهزل
ذنـــــــي بناتچ هذن

يا امنا خديجه ...

"""""""""""""""""""""""""""""""""""''''''''''

گلچ مثــــل نار وشمع
مثل الورد من ينصدع
گلج خبر گلـــــبچ ذبل
گال انكسر منها الضلع

گلچ بضـــلم العصابه
نار دخــان والــــترابه
محسن يطيح وينادي
بابا الحگــــــنه يـــبابا

بچبدچ مصاب انتشه
مثــــل السبايه ومشه
يلــهب دليــــلچ جمر
ويچَوي حتــه الحشه

يا امنا خديجه ...
"""""""""""""""""""""""""""""""""""''''''''''

گلچ جرح فـــوگ الرمح
گلج دمه بـــوجـه الصبح
وانتي مثل نجــــم الهوى
طحتي بسمع بس منذبح

وعمرچ الّضَيع طريجه
اعمــــى ويدور رفيجه
بچفه يالفاضت حياتچ
ماتت الليـــله خـديجه

دمع النــــبي مغتسل
وبصدره صــار الاجل
والزهره تبچي بهمس
منتضره سطرت هبل

يا امنا خديجه ...


عبد زينب
محمد الابراهيمي

مثل شمـعه وتضـــوين بطريجه
(محمد) گـــالچ شكرا خديجه
الف شكراً على العشره
وشكــــراً جبتي الزهره .. خديجه
"""""""""""""""""""""""""""""""""""''''''''''

تحيات السمه وشـوگ ورساله
الچ مبعوثه مــــن رب الجلاله
چان یطيب جرحّ النبي وحاله
ابیتچ یاحـــلال الله وحــــلاله

روايات شكثر جانت عجيبه
وانتي ويه النـبي اول حبيبه
مـــــا قصرتي بالمره
وشكرا جبتي الزهره .. خديجه
"""""""""""""""""""""""""""""""""""''''''''''

على وجه النبــي صرتي ابتسامه
وامانه مــن الغدر صرتي وسلامه
بسجوده ساجـــده وقمتي بقيامه
واضن بالغار چنتي انتي الحمامه

گلبچ یوچعچ کلشي تِحّـسين
اذا طگوّ حجر بالبيت تبچين
صرتي الصبر من صبره
شكــــــرا جبتي الزهره .. خديجه
"""""""""""""""""""""""""""""""""""''''''''''

انتـــــي بكلشي مولاتي جبيره
انطيتي المــــال وبحبه اسيره
قبلتي تعيشي لو ماكو حصيره
المهم ويّ النبي وصرتي اميره

اميره اعله الجنان اهــناك نلگاچ
كون اهناك اشوفچ واحچي وياچ
اگلچ یاغصن شجره
شكرا جبتي الزهـره .. خديجه
"""""""""""""""""""""""""""""""""""''''''''''

اكيد وماكو شك چـنتي تحبين
علي الكرار وتحبــــين الحسين
النبي سولف وياچ بدمعةّ العين
وعرفتي السالفه وصرتي تونين

عرفتي السالفه وشنهي الرزيه
على مولاتي الـــــزهره الزجيه
سمعتي بقصة السطره
شكـــــرا جبتي الزهره .. خديجه
"""""""""""""""""""""""""""""""""""''''''''''

يـــــــا ام البــــتوله گلبچ احتام
سولفلـــــچ عــــدد ايتام الخيام
بذيچ الليله هم جفنچ رضا ينام
مـــن گـــــلچ تـــوذر وذر جسام

هم گلچ خدر ویـــــــرکبن النوگ
شکثر صَرَختي من گلالچ السوگ
گلچ مانشف نحره
شكرا جبتي الزهره .. خديجه


عبد زينب
محمد الابراهيمي

((آنه خديجه))


تمنيت آنــه يمــــچ بـالمصيبه
حتى وياچ اصيرن هم غريبه
آنــه خديجه جـدتچ
اتمنى امسح دمعتچ .. آنه خديجه
   
                """""""""""""""""""""""""""""""""""''''''''''''

بده يوم المصيبه وريــت يمچ
تحســــرنه وبچينه آنـــه وامچ
شفنه وداعچ ويه حسين حيره
وتعله أعله الخيم يـــايمه همچ

بچت حـــــــتى الليالي .. آه زينب
وبچه حالي أعله حالي .. آه زينب

ونزلت دمعــتي تصــرخ هضــــيمه
وأطفي بروحي چن بروحي خيمه
وسالت مدامع خيمتچ
اتمـــنى امسح دمعتچ .. آنه خديجه
   
                """""""""""""""""""""""""""""""""""''''''''''''

وصار العاشــر وگطع المناحر
وضلينه بعــــذاب شـگد نكابر
آنه وجـــدچ وامــچ نون حيل
من شفنه على حسين الحوافر

شفنه الخيل عشره .. آه زينب
تمر ودوس صــدره .. آه زينب

جدچ بالجرح ضـــل بدمعته
صاح حسين يابويه بحسرته
ويّصيح زينب محنتچ
اتمنـــى امسح دمعتچ .. آنه خديجه
   
                """""""""""""""""""""""""""""""""""''''''''''''

بده ليل اهدعـش والنار بينه
وضلــينه بــ ألم نعـصر بدينه
لا واحـــد يعينچ لا كـو خيمه
وندري هواي عطشانه سكينه

رقيه تگول اريـده .. آه زينب
وتون يمها حميده .. آه زينب

وماتت عاتكه ومحد سمعها
نار الخيمه چَـــواها ولسعها
وملتهيه انتي بركضتچ
اتمنى امســــح دمعتچ .. آنه خديجه
   
                """""""""""""""""""""""""""""""""""''''''''''''

ومن طـــر الفجر يمــه العقـيله
صاحــــو بيچ مو هودج هـزيله
وحبال وقــــهر ياسوط المّتون
اليطيح شلون چا ياهو اليشيله

اليطيح شلون كلفه .. آه زينب
يزينب وانتـي عفه .. آه زينب

وتعثر ناگتچ وانتـــي بحبالچ
وعليچ اتباوع بحسره عيالچ
يايمه سوده مصيبتچ
اتمنى امــسح دمعتچ .. آنه خديجه
   
                """""""""""""""""""""""""""""""""""''''''''''''

الّحَد قصـــورهم ضعنچ تـعنه
وأحنه نعيش بالونه أعله ونـه
من ضعنچ تعده وتفرح الناس
قصــــر الكوفه أذانه ونحــبنه

وذاك الشام بلوه .. آه زينب
متنه ويــاچ گوه .. آه زينب

وياسوگ الملامه أسوه بيكم
سوگ وبالحجر تمـطر عليكم
بياحيره تطلع ونتـچ
اتمنى امسح دمعتچ .. آنه خديجه
   

عبد زينب
محمد الابراهيمي

#وفاة_السيدة_خديجة
#(١٠)_شهر_رمضان
#رداء_النبي


*يا فاطمـــة يا فاطمــة قربت منيتـي*
*كفنوني ابثوب النبي هاذي وصيتي*

--------
(١)

لمن دنى وگــت الأجـل بأم الزچــيه
نادت يا طه استمــع منـي الوصيه
آخر ليالي بالعمــر هــاذي المسـيه
*وباچر اكون موسده آنا ابحفرتي*

--------
(٢)
أول وصـــية بالعفـــــــو آنا طلــــبتك
خوفي اكون امگصره ابحگ خدمتك
لا مــال ينفــع لا ولد كــان بنصــرتك
*الا تكون ابهالفعل تقبل خدمتي*

---------
(٣)
ثاني وصــية فاطمــة عــندك وديعـــة
خوفي عليها اتضيق ارحاب الوسيعة
و بعدك يا طــه  تبتلي بزمره وضـيعه
*واللي يأذي فاطمـــة قــرر أذيتي*

-----
(٤)

و ثالث وصية الـ فاطمة يختص كلامي
وبس بنتي اهيا الـ تستمع دون الأنامي
قـربي لي يا بنت النبي طـــه التهـامــي
*و بإذنچ أهمس يا طهر سمعي طلبتي*

----
(٥)
بنتي يا بنت المصطفى الـ عالي سماءه
عندي طلب حـگ گبري الـ ضــيگ فناءه
و اخجل يـ بنتي امن النبي اطلب رداءه
*عـندي عقيدة هــالردا يسكـن روعتــي*

-----
(٦)

كفــنوني ابهــذا الردا لو حــــن مماتــي
خوفــي أنا يا فاطمـــــة تذبـــل رفــــاتي
يمكن أشـم عطــر النبـــي و ترد حـياتي
*و ارجع لبوچ المصطفى اجدد نصرتي*

-----
(٧)

نادت و حنت فاطمة يا يمه مگدر
لا تنعي حالچ يا طهر گلبي تفطر
يومــي قبل يومــچ يَـ ريته يتقــرر
*ولا اشوف گبرچ وأجري بقربه دمعتي*

---------
(٨)
أمرچ يـا يمه والحــــزن عالرآس شلته
و أدري أبوي المصطفـــى مَــيرد بنتــه
لكن علي گاسي الأمر لو بيدي جبتــه
*يمكن اموت ابحسرتي وگبلچ منيتي*

الفائزي - رباعي



الشاعر مُفضل_حبيب


ليلة استشهاد السيده
خديجه الكبرى
عليها السلام
١٠/رمضان /١٤٤٥هج
الخميس 21\3 \2024

في ذكرى وفاة السيدة خديجة (ع)

نور بيتك غاب يا طه الأمين
من كِضَت هاليوم (أمِّ المؤمنين)

و اللي يدفن بالتراب اَحبابه
اينام او يصحه ابدَمْعِته السجّابه

& & & & &

يا محمد دَمْعِتك عـ الوجنه طاحت
لَن خديجه ابحسره هذا اليوم راحت
فوكـ راسك غيمةِ الأحزان لاحت
و الزجيه ابـ حِركه وينِج يُمَّه صاحت

اليوم يا بو الزهره وَدّعْت الحَنان
او بالتراب انته ادْفَنِت سِرِّ الأمان

و اللي ما تِرجَع عليْه غِيّابه
اينام او يصحه ابدَمْعِته السجّابه

& & & & &

ذِبْلَت ابـ بُستان عُمرك أغله ورده
او عالوِطيه ماي أحلامك تِبَدَّه
إبوجود الحُرَّه جانت ماكو شِدَّه
و الكلب .. مو مال .. لك جانت تِمِدَّه

الـ كلبك الطاهر خديجه اَغله حبيب
او من جُروحك تِدِّي جانت لك طبيب

هسه كلبك من عَظيم اِصْوابه
اينام او يصحه ابدَمْعِته السجّابه

& & & & &

البيت من دون الغوالي ايصير ظَلْمه
و الـ يِفاركـ له عزيز الهم يِضُمَّه
باكـ منِّ اشفاك دهرك أحله بَسمه
او خله كلبك يِطفَح ابـ رُوجات هَضْمه

تاكل ابـ روحك يطه الذكريات
من بعد غيبةْ أيادي الحانيات

او كلمن الدنيه اِحْرِكت له اَطنابه
اينام او يصحه ابدَمْعِته السجّابه

& & & & &

هذي أم الزهره تستاهل وِنينك
من ترد تعبان تمسح لك جِبينك
يا محمد هيه روحك هيه عينك
او من قبل مَتْطِيْح هِيْ جانت تِعِينك

جانت الملجأ إذا ضاكـ الدِّليل
هسه من غابت .. حياتك كلها ليل

و اللي فَكْد الغالي مو بِحْسابه
اينام او يصحه ابدَمْعِته السجّابه

& & & & &

إحنه ندري او إنته تدري يا محمد
و الضَمير اللي يدكِّـ ابـ غِيره يشهد
لولا سيف الوالي دينك ما تِعَبَّد
او لولا مال الحُرَّه دينك ما تِشَيَّد

بِذْلَت الـ عيناك كِل غالي او نَفِيس
و اللي ما يِهْوَاها خَسران او تَعِيس

لاجن الـ بسِّ الحِزِن دَكـ بابه
اينام او يصحه ابدَمْعِته السجّابه

& & & & &

يا محمد يا رسول الله او نبيه
هَم خديجه سيدي صارت ضَحِيه
أبو طالب ذنبه جاب الحيدريه
او هيه كل المُشكله بـ الفاطميه

يا رسول الله يِهَمِّشْها العَذول
لنها أم الزهره فاطمْةِ البتول

بس غداً هذا العَذول اِحْسابه
اينام او يصحه ابدَمْعِته السجّابه

& & & & &
الشاعر إبراهيم



ليلة استشهاد السيده
خديجه الكبرى عليها السلام
١٠/رمضان /١٤٤٥هج
الخميس 21\3 \2024

لسان حال يتيم


وداعـــاً يــاعــلـي وداعـــاً يــاعــلـي
________

يتـيم انه وحياتي اورود مــغروسه
اولـو مابيــها انتـه اهموم متـروسه
يـفـرح بــاب بـيــتي لــمن اتــدوسه
واحـس ابقيمتي من راسي اتبوسه
أبو انته إلي وداعاً ياعلي
___

الك يومين الي شـو ما اجـيـت انته
والـِتـكفــلتـه لا مــاينــعـقل عــفــتـه
وتره اعليك ابصلاتي الباري ناشدته
ابــكـل تسبيـحه اسمـك انــي دورته
دليلي مبتلي** وداعاً ياعلي

___

فـقير انـه واحبك چـيه تحــب فقري
تـابــوتك لمــن شــفتـه كــسر ظـهري
اتلــت تــيام هـيه الــفاتحـه وتــدري
وراح انصبها الك بعيوني كـل عـمري
انه بحاجة ولي** وداعاً ياعلي

__

اشـگد مابيه هـم لــن الـيتم قاسي
اصير اسعد بشر من تمسح ابراسي
أســمحلي اگــلــك يـــا اعـــز نـاسي
العيشه اوياك حلوه والهـا مانــاسي
علي وانته هلي** وداعاً ياعلي
___

اغلـط باليتم مــن احسب احـسابي
چي ماعندي شي تركوني اصحابي
وچفـك چــان حيدر مـن يـدگ بابي
احس بالدنيه كــلها صارت احـبابي
نحيبي يعتلي** وداعاً ياعلي
___

اليـتــم ويـــاك ماحـس ابمــأسـيه
عـليك اتعـودت تطـرگنــي يـوميه
چـنت اتـگــودني وتنطــيني حنيه
عـطر چـفك يحيدر لـــسه بيــديه
ولهسه ابمنزلي** وداعاً ياعلي
___

الـناس اتـشـَيـَعك وانــه اعـتـله نوحي
واحس يابا الحسن چن شيعت روحي
جـرح بـــيه وحيد وهـــَدم اصــروحي
بيــه اشلون هــسـه وزادت اجــروحي
ودليلي منملي وداعاً ياعلي
___

دفــانك نظــرلي وانــه حــاچيته
يـبـويــه ياعلــي يـامــا تـرجــيته
يــريت اويــاك يــدفنــي تمــنيته
بدونك عمري لا مايـسوه حسيته
الحزن ماينجلي وداعاً ياعلي
___
حيدر تركي الكربلائي

لشهادة امير المؤمنين ع
.
.
.

كافـي مـوكـسرتي الظلوع
بـويه زينب بـسـچ ادمـوع
دمعتچ چنها نـهـر .. خلـت ابخـدچ أثــر
بـويـه زينــب
_____

اشـبيـچ يابـويـه يـزينـب ليـش عيـنـچ حـمره
ليش كل هذي البواچي ابراسي بس هالطبره
شلـون لـو شفتـي اخـوچ حسين فوگ الغبره
وبذنـچ اتسـمعين مـن الـخيل تطـحن صـدره

گلبچ ابهالساعه شـيگول
لـَمن اتشـوفين الخــيول
اتساوي صدره اويه الظهر .. خلـت ابخـدچ أثـر
بويه زينب

_____

ليـش كل هـذي البواچي وانـه يمـچ گـاعد
آلمـتـني ادمـوع عيـنچ بـويـه الله الـشـاهد
ارد انصحچ بويه زينب ابچي بس الـواحد
الشمر لوشفتيه يبويه فـوگ صـدره صاعد

حتــى لـو تعــمين العــيون
للحـسين اعـيـونـچ اتهــون
ادري دمعات النظر .. خلـت ابـخــدچ أثـر
بويه زينب

_____

جرحي بس واحـد يزينب بـويه لا مو ميه
وحرگت اخدودچ دموعچ بالبواچي اعليه
اشلون اخوچ اتشـوفه عينچ جثته مرميه
من يصـيح الشـمر بسمـچ يالله يالمـسبـيه

وانتـي مـوبـيـدچ تظـلين
اويه الشمر لازم تـروحين
اتمَوت اجروح الدهر .. خـلـت ابـخـدچ أثـر
بويه زينب

_____

انــه للــعبــاس گتــلــه بـويــه لـَـتخلـــيها
اختك امن اتريد ماي امن العيون ارويها
بـويـه زينب والـشريعـه بالـچ اتگـصديها
رايحـه العباس اگـعـده فــدوه لتـگـوليها

يستحي مگطوع الچـفوف
عالشريعه طـولچ ايــشوف
وظهره الحسين انكسر .. خلــت ابخـدچ أثـر
بويه زينب

_____

جرحي بس من صوب واحد ينزف اتشوفينه
ولجـل جـرحي دمــع عـينچ من دمــه اتهلـينه
حســـين باچــر عالتــراب امطــبر اتعــوفـينه
اچفــوفــچ امـربطه بويـه وبـيمـن اتــداوينه

عـلى جسـمه من تمـرين
مــا الومــچ لوتمــوتــين
الظعن من ابجسمه مر .. خــلـت ابخـدچ أثـر
بويه زينب

_____

اخوانچ ومن تغفه عيني جسمي ميتركونه
ابـچـي عالـيـبقه ثــلاث ايــام ميــدفــنـونه
عــادت الميـت يبــويــه بـچــفــن ايلـــفونه
وبـس الحسين ابحــصيـره لـَمـن ايچفنونه

يختلف عالمـوته الحسين
لاغـسل وبـلايه تچـــفين
ابدفنته جاچ الخبر .. خــلت ابخــدچ أثـر
بويه زينب
______
تمت والحمد لله في ١٤ / ٦ / ٢٠١٧
حيدر تركي الكربلائي

صوت جبرائيل وحزن العقيله زينب (س) وليلة طبرة ابوها امير المؤمنين (ع) 19


*سمعيت صوت ابآخر الليل*
*صاح وندب ياحامي الدْخيل*
(*وّنيـت ونّـه اتهدّم الـحـيل*)2


(((((((((((1)))))))))))
فـزّيـت بس مــن غـيـر اواني؟
والصوت اسمعه ترس اذاني.
وطلـعـيـت مـن داري ذهيله.
مـحـمـول لـن حـيـدر اجاني.

*صدّيت ابوي وصحت ويلاه*
*وبدموع عيني گمت انعاه*
*مطبور راسه والدم ايسيل*
*ونّيت ونّه اتهدم الحيل*


(((((((((((2))))))))))
صاحوا يزينب زيــدي الونـيـن.
والصوت من الحسن وحسين.
يـّم المصايب هـذا المصاب.
مطبور ابـونـه وراسه نصين.

*ويلاه صـحـت لا لا يكرار*
*مذهول فكري وگلبي محتار*
*ليش الدهر وي بنتك ايعيل؟*
*ونّيت ونّـه اتهدّم الحيل*


((((((((((((3))))))))))
صـار الحزن يــا زينب الـيـوم.
ونبْضات گلبي اتحاچي الهموم.
هالطبره يـمـكـن بـيـهـا الفراگ.
ويـم المصايب هالحزن دوم؟

*حاچيت گلبي خايب اشبيك*
*ليش المصايب گوطرت ليك؟*
*گالالي هذا الينعه جبريل*
*ونّـيـت ونـّه اتهدّم الحيل*


(((((((((((4))))))))))
جــابــوا ابــوي الــداره مجروح.
واحبابه كـلـهـا تـبـچـي وتـنـوح.
ياعلي صاحوا لا يـبـو احسين.
بس لا يحيدر نـاوي اتروح؟

*يابو اليتامه صاحت الناس؟*
*طبروا اگلوب ابطبرت الراس*
*وصار اليتم يابو البهاليل*
*ونّيت ونّـه اتهدّم الحيل*

((((((((((((5)))))))))))
وگـالــوا عـلـي رايــد اعـيـالـه؟
وطبينه بس اشلون حــالــه.
شفنه ولينه امعصّب الراس.
ايّـسـنـه مـنـّه ومـــن دلاله.

*ندري ابولينه اصوابه چتال*
*والدمع فوگ الوجنه دم سال*
*امفارگنه حيدر يا دمع سيل*
*ونّـيـت ونّه اتهدّم الحيل*


السيد عباس الموسوي العگداوي.

قصيده......... (17)
(يا حامي الدين)

*حيدر يوالي..حيدر يوالي*
*ويلاه يبو احسين.. حيدر يوالي*

(((((((((((1)))))))))
ويلاه يبو احسين... الله اكــبــر.
ويا لـلـمـصـيـبـه.... نندب يحيدر؟
ركـن الـعـقـيـده... بفگدك تكدّر.
يصعب وداعك... لا لا منگدر.
*ظلمه الليالي.. ظلمه الليالي*
*ياحامي الدين.. ظلمه الليالي*

(((((((((((2))))))))))
يا حامي الديـن... فگدك مصيبه؟
طبره اعله هامك... والله عجيبه؟
وگـالـوا ولـيـكـم؟... أيّس طبيبه؟
وصوت اليتامه ... زايـد نحيبه.

*گلب الموالي... گلب الموالي*
*ذايب بالوْنين... گلب الموالي*


((((((((((((3)))))))))))
ذايب بالوْنين... گـلـب اليحبك.
والله يحيدر... ما ننسه تعبك.
لا يـا ابـونه... من يگضي نحبك.
حگنه يحيدر... بسمك نندبك؟

*عالوجنه هالي... عالوجنه هالي*
*دمع المحبين... عالوجنه هالي*


((((((((((((4))))))))))
دمع المحبين... يرسم عـزيّـه.
ويشكي المصيبه... لله ونبيّه.
خـانـوا محمد... وغدروا وصيّه.
والشيعه صاحت... اكـبـر رزيّه.

*يا اغله غالي... يا اغله غالي*
*عند الـمـوالـيـن... يا اغله غالي*


((((((((((((5))))))))))عند الموالين... هالليله صعبه.
يكلف مصابه... فـگـد الاحـبـه.
حيدر ولينه... ونبگه نـنـدبـه.
نمشي اعله نهجه... ما ننسه دربه.

*لا مـا نُبالي.. لا مـا نُبالي*
*وبنهجه ماشين... لا ما نبالي*


السيد عباس الموسوي العگداوي.

نعي على لسان العقيله زينب ليلة وداع امير المؤمنين ع (17)

*اويلي اعليك ياحيدر اويلي*
*اون ومـحّـد ايسكن عويلي*

(1)
اَنه زينب يـبـويـه اودّعتني.
چبيره محنتي لمن عفتني.
اصيح ابصوت ها يلدّلّلتني.
*وعلى فرگاك هلذايب دليلي*

(2)
على فرگاك بـويـه الگلب ملچوم.
وحزني ما يفل لا ساعه لا يوم؟
يابويه ودليلي امحمّل اهموم.
*وادري اشما نحت ما تعتنيلي*

(3)
صحت ابصوت ها حامي جارك.
اريـدك ياعلي تـعـتّـنـي الدارك.
وسفه ياعلي ضاعت اخبارك؟
*العزيز النادتك ريتك تجيلي*

(4)
اريدنك تجي وتشوف حالي؟
وتصد الزينبك وينك يغالي.
بس الدمع فوگ الوجن هالي.
*وگل العين لجله دمه سيلي*

(5)
آه ياعين كـونـچ دمـه تبچين؟
تصدين الحسن يبچي والحسين.
سيلي الدمع لـجـلـه لا تبطلين؟
*ونهاري يشهد اعليه اويه ليلي*

السيد عباس الموسوي العگداوي.

شور ثگيل...... (16)

ليلة (21) رمضان استشهاد امير المؤمنين. لسان العقيله س

*يتّمتني ياعلي...بويه بويه ياعلي*

((((((((((((1))))))))))
آنـا مـن زغـري يـبـويـه اتيتّميت.
فارگيت امي وگلت انت البقيت.
بويه يا كرار حگي لــو نعيت.
ما دريت ابظيم حالي ما دريت؟

*فارگتني ياعلي... بويه بويه ياعلي*

(((((((((((2)))))))))))
حگي لو ابچي وزيدن ونّـتـي؟
ياعلي اكبر مصيبه امصيبتي.
گبل هامك ريت طبروا هامتي.
وگبل موتك ريت حانت موتتي.

*ضيّعتني ياعلي... بويه بويه ياعلي*

(((((((((((((3))))))))))
يالعفتني ابحزني يا حامي الدخيل.
وتدري بيه الدهر يا حيدر يعيل.
وآنا من بعدك تراني دمعي سيل.
ومستحيل انساك بويه مستحيل.

*من عفتني ياعلي... بويه بويه ياعلي*


(((((((((((4))))))))))
ياعلي بعدك احـس عمري عذاب.
والمصايب گوطرت والگلب ذاب.
وادري لـو اعتب فلا ينفع عتاب.
وحتى من اسأل فلا يوجد جواب.

*مرمرتني ياعلي... بويه بويه ياعلي*


(((((((((((((5))))))))))
آنـا بـفـراگـك يــضــل گلبي ينوح.
ياعلي وما يبره حالي امن الجروح.
وين اروحن بعد عينك وين اروح؟
ومني يتعلّم يـونّ صاحب الدوح.

*حيّرتني ياعلي... بويه بويه ياعلي*

السيد عباس الموسوي العگداوي.

شور ثگيل...... (16)

ليلة (21) رمضان استشهاد امير المؤمنين. لسان العقيله س

*يتّمتني ياعلي...بويه بويه ياعلي*

((((((((((((1))))))))))
آنـا مـن زغـري يـبـويـه اتيتّميت.
فارگيت امي وگلت انت البقيت.
بويه يا كرار حگي لــو نعيت.
ما دريت ابظيم حالي ما دريت؟

*فارگتني ياعلي... بويه بويه ياعلي*

(((((((((((2)))))))))))
حگي لو ابچي وزيدن ونّـتـي؟
ياعلي اكبر مصيبه امصيبتي.
گبل هامك ريت طبروا هامتي.
وگبل موتك ريت حانت موتتي.

*ضيّعتني ياعلي... بويه بويه ياعلي*

(((((((((((((3))))))))))
يالعفتني ابحزني يا حامي الدخيل.
وتدري بيه الدهر يا حيدر يعيل.
وآنا من بعدك تراني دمعي سيل.
ومستحيل انساك بويه مستحيل.

*من عفتني ياعلي... بويه بويه ياعلي*


(((((((((((4))))))))))
ياعلي بعدك احـس عمري عذاب.
والمصايب گوطرت والگلب ذاب.
وادري لـو اعتب فلا ينفع عتاب.
وحتى من اسأل فلا يوجد جواب.

*مرمرتني ياعلي... بويه بويه ياعلي*


(((((((((((((5))))))))))
آنـا بـفـراگـك يــضــل گلبي ينوح.
ياعلي وما يبره حالي امن الجروح.
وين اروحن بعد عينك وين اروح؟
ومني يتعلّم يـونّ صاحب الدوح.

*حيّرتني ياعلي... بويه بويه ياعلي*

السيد عباس الموسوي العگداوي.

مقدمه قريض..... السلام (16)

*السلام عليكَ يا علي*
*السلامُ عليكَ يا علي*

(((((((((((1)))))))))))
السلامُ عليكَ يا امامَ المتقين.
السلامُ عليكَ يا اميرَ المؤمنين.
السلامُ عليكَ يا محامِ خيرَ دين.

*السلامُ على نعمَ الولي*
*السـلامُ عليكَ يا علي*

((((((((((((2)))))))))))
السلامُ عليكَ يا فروعٌ يا اصـول.
السلامُ عليكَ يا مـنـاراً للعقول.
السلامُ عليكَ وعلى بنت الرسول.
*السلام على صهر النبي*
*السـلام عليك يا علي*

((((((((((((3)))))))))))
السلام عليك يا شفيعاً في الحساب.
السلام عليك يا نـجـاةً من عذاب.
السلام عليك يا سـؤالً يا جواب.

*السلامُ على الفضل الجلي*
*السلامُ عليك يا علي*


(((((((((((4))))))))))
السلامُ عليكَ ياعلياً في الـعُـلـى.
السلامُ عليكَ يا ملاذاً يا رجاء.
السلامُ عليكَ يا مناراَ بالسماء.
*السلامُ على المولى التقي*
*السلامُ عليكَ يا علي*

السيد عباس الموسوي العگداوي.

(يا حامي الحمه) 15

*آه وا ويلاه ياحامي الحمه*

(((((((((((((1))))))))))
آه وا ويـلاه يا فـارس بدر.
راسك المهيوب وسفه ينطبر.
وي فرض الصبح في ليلة قدر.
*سالت ادموع المحب لجلك دمه*

((((((((((((2))))))))))
سالت ادموع المحب يابو الحسن.
والنوايب ياعلي بينه مضن.
آه وا ويـلاه من جور الزمن.
*والمصايب على احبابك عازمه*

(((((((((((3)))))))))))
عازمه اعلينه المصايب ياعلي.
والدمع فوگ الوجن دم ايهلي.
ياهو من بعدك يبو الحمله ولي؟
*آه لمصابك يراعي الغانمه*

(((((((((((4))))))))))
آه لمصابك تـنـادي شيعتك.
والايتام اتصيح آ يا عازتك.
ياعلي والله چبيره امصيبتك.
*وحتى جبرائيل ناده بالسمه*

((((((((((((5))))))))))
نـاده جبرائيل طـاح المرتضى.
والحزن وسط الگلب كلش مضه.
رافضه الغيرك يحيدر رافضه.
*شيعتك لهموم فگدك نادمه*

(((((((((((6))))))))))
حيل مـهموم اليحب ياحيدره.
والگلوب لعظم فگدك حايره.
مسعره نـار النـوايـب مسعره.
*وجمرت امصابك يحيدر مؤلمه*

السيد عباس الموسوي العگداوي.

نعي مع القصيده الرئيسيه لمجلس عزاء ليلة 21 رمضان.

*اشعندك ياحزن مجبل عليه؟*
*وبعدني ما نسيت امي الزچيه*

(1)
گلي ياحزن من عندي شتريد؟
اخافن يالأبو لمصابي اتعيد؟
انه المهضوم گلبي ومجبل العيد.
*وشوفك جايني ابهاي المسيه؟*

(2)
اشوفك جايني ياحزن معلوم؟
زينب آنا زينب گلبي ملچوم.
ما يخلص مصابي بساعه لايوم.
*وبعدها دمعتي بخدّي جريه*

(3)
بعدها دمعتي تشرح مصايب؟
وما ادري الليله شنهي جايب؟
كافي ياحـزن دلالي ذايب؟
*ياخذني الدهر ويجيب بيه*

(4)
ياخذني الدهر يوميه لچمه.
ويردني الدمع وعيوني تعمه.
وبعده ما نساها الفاگده امه.
*ويشوف الابوه تدنه المنيه*

(5)
ونيت ابـألـم يا علي يـابـه.
گلبي اعليك ما يخلص عذابه.
وسفه الدهر بيه غرس نابه.
*واضل بالنوح ياحامي الحميه*

الابوذيات:
(1)
عليه الـدهـر حزني *يابه*
ولا ساعه يمرني الفرح *يأبه*
اصيح ابصوت ياكرار *يابه*
*انه بنتك عليش اگطعت بيه؟*

(2)
كثره اهموم فوگ اهموم *تنلّام*
ودمعتي فوگ خدي صعب *تلّم*
التفگد مثل ابوي اشلون *تنلام*
*اذا ناحت عليه ابكل عزيّه*

السيد عباس الموسوي العگدوي.

القصيده...........

*يا ناعي المصيبه گول شتريد؟*
*حيدر ما نودعه مجبل الـعـيـد؟*
آ يــا طـبـرت الهام.
صاحت كل الايتام؟
*حيدر.....................*

((((((((((((1)))))))))
يا ناعي الحزن لا تدخل الدار؟
*لا تگرب علينا*

من فگد الوديعه وتعلم اشصار؟
*امي ما نسينه؟*

وهاي العين تهمل دمع مدرار.
*ونمسحها بدينه*

شلون ايغيب عنه حامي الجار؟
*ومن يبگه ولينه؟*

*ما نحمل غيابه صاحت الروح؟*
*من يوم الوديعه الگلب مجروح*
يصعب عمر الآلام.
صاحت كل الايتام.
*حيدر ما نودّعه مجبل العيد؟*


((((((((((((2)))))))))))
زينب يابو زينب گلبي هالصاح؟
*هاي آنا العقيله؟*

گبل العيد بويه والحزن لاح؟
*وي دمعي ومسيله*

اسأل والصدى ايردلي الابو راح.
*ياهو الاشتكيله؟*

ابديلك عتابي حتى ارتـاح؟
*يا حامي دخيله؟*

*ادري من اعاتب تقبل اعتاب*
*اسأل وبسؤالي رايده اجواب*
جرحي بيش يلتام؟
صاحت كل الايتام؟
*حيدر.....................*


((((((((((((3))))))))))
جاوبني يبويه گلبي ناداك؟
*آنـا الـهـاشـمـيـه؟*

سيف الغدر گلي اشلون يدناك؟
*لـتْـگـلـي الـمـنـيـه؟*

آنا ادريك سيفك طوع يمناك؟
*يا حامي الحميه؟*

شلون ابن الدعي ابسيفه ارداك؟
*وخلانه ابـعـزيـه*

*راسك يبو الحمله شلون ينصاب*
*يمكلم اليوث البـيـد والغاب؟*
يا وسفه يضرغام؟
صاحت كل الايتام؟
*حيدر ما نودعه مجبل العيد*


((((((((((((4))))))))))
يا وسفه يبويه ناوي الفراگ؟
*ودلالي اشيصبره؟*

وتدريني يحيدر الك اشتاگ؟
*وانت ابحالي ادرى*

آنا ام المصايب والحزن لاگ؟
*من عصرة الزهره*

افرح والفرح من عيني ينباگ.
*باب وبعده طبره*

*ما شفت الفرح بس دمعت العين*
*محتاره وصدن حسن وحسين*
كل خوفي امن الايام.
صاحت كل الايتام؟
*حيدر ما نودعه مجبل العيد؟*


(((((((((((5))))))))))
كل خوفي يبويه دهري لو مال.
*وانت ابعيد عنّي؟*

ونعشك بالألم من يمي ينشال؟
*ادري ايزيد همّي*

يا كرار ريتك تنظر الـحـال.
*وكون اتشوف حزني*

حزني ما تحمله حتى الجبال؟
*وآنـا ابزغر سني*

*بويه امودّع الله ابسفرتك هاي*
*وحبابك تصيح ابحسره وياي*
راحل سيف الاسلام.
صاحت كل الايتام؟
*حيدر ما نودعه مجبل العيد*

السيد عباس الموسوي العگداوي.

علي ياعلي (14)

الموشح.....
*على نهجك سارت احشود الرجال*
*وتلهج ابأسمك علي بيوم القتال*
(*ياعليٌ ياعلي... ياعلي ياعلي*)

((((((((((((1)))))))))))
على نهجك سارت ونعم الـزلـم.
ما تهاب الموت لا تغشى الخصم.
والنعم مـنـهـم يحيدر والنعم.
*ما يهمهم بالحرب قيلٌ وقال*

(((((((((((((2))))))))))
ما يهمهم بالحرب كل ما جرى.
ثابتين اعله العهد ياحيدره.
حبّك ابشريانهم لـمّـن سرى.
*بالشجاعه سطروا اروع مثال*

(((((((((((3)))))))))
سطروا اروع مثال وملحمه.
وشمرتك بيها يحماي الحمه.
احنه حشد الله صاحوا بالسمه.
*ومنهج الكرار علمنه النزال*

((((((((((((4)))))))))))
منهج الكرار بينه وشمرته.
وعالسواتر دوم تشهد رايته.
جيش ابو الحسنين احنه وشيعته.
*احنه مالك ميثم وجون هلال*

(((((((((((5))))))))))
احنه اصحاب الوصي والحق نريد.
وخيبر وكرارها عادت جديد.
اليوم كل ماضينه وسلافه نعيد.
*وريح داعش ما تهز هاي الرجال*

((((((((((6))))))))))
ريح داعش ما تهزنه وكل كفر.
رفرفت راياتنه خضر وحُـمـر.
راية الكرار وحسين النصر.
*وما يصل لحدودنه داعش مُحال*

السيد عباس الموسوي العگداوي.