*نعي الزهراء عليه السلام
تخاطب المحسن ع*

      🚩🚩🚩🚩🚩🚩

*ياسباح الگلب ياماي العيون*
*انوح اعليك والمدمع بالجفون*
*زغير والاعادي  مايرحمون*
&&&

*عندي حلم  وتمنيت اضمك*
   *اهز المهد ياوليدي وشمك*
*وبيتي يزدهر  وناغي باسمك*
&&&

*يبني المهد حضرته يغالي*
        *يلبيك السهر يحلى الليالي*
*ليش امخضب بدمك اگبالي*
&&&
*فطموك العدى گبل الرضاعه*
    *حتى الفجر ماشفت الشعاعه*
*من ايدي رحت ابفرد ساعه*

&&&

*طايح علترب عيني تنظرك*
   *وانه امكسره اضلاعي ابكترك*
*دمي جرى يايمه ويا دمك*
&&&



*عاشقة الولايه*

           *نسالكم الدعاء*

https://www.tg-me.com/khdmat

السان حال  عن مولاتي زينب ع
عندما رجع علي ع من الدفن


وين أمي وين أمي
يابويه راجع خالي
موفطرت دلالي
٠٠٠٠ ٠٠ ٠٠٠٠
زغيره بعدني عله اليتم وضيم اليتم شيحمله
يابويه اطلبنك طلب الباب كون تميله
مسمار كاسرله ضلع وشلون ذيج النبله
والمثلي امه تفارگه بهذا العمر موسهله

بعدني بسن طفوله وشابت عيوني
شفت منظر ذهلني ونخطف لوني
ياجلمت  يتيمه الخضرت بالبيت
اواسي اخوني لوهمه اليواسوني

الدمعات عالخد سالت
زهرة زماني انشالت
وين أمي وين أمي
٠٠٠٠ ٠٠ ٠٠٠٠
ابجي عله حالك ياعلي مدري  ابجي انه الحالي
الجناز ياخذ والگبر مايوم رجع غالي
فراگ الحنينه بكل وكت جتالك وجتالي
شمعت ليالينه نطفت من الدنيه راح هلالي

امي هاي يل ماكو بمحنتها
الله يعين روحي شلون شافتها
طاحت جنه ميته من عصرها الباب
ومحسن طاح من شوغات طيحتها

انشد واصيح شلونك
بويه الدمع بعيونك
وين أمي وين أمي
٠٠٠٠ ٠٠ ٠٠٠٠
شلون گلبك طاوعك بالحد فاطم تنزل
منها الضلوع مكسره الشيل الثره ماتحمل
يل جايني مصوب حجي وعينك وكلبك يهمل
شافوك شمات شكثر وعين الشماته التكتل

بظلام اليل ياحيدر تشيعه
وعن هاي البشر رادت تضيعه
الحارك دارهه وعاصرها عله الباب
تخاف من الحد باجر يطلعه

صاح الحسن بدموعه
زغير وحناها ظلوعه
وين أمي وين أمي
٠٠٠٠ ٠٠ ٠٠٠٠
بويه الورد مو للگبر ابستان كون وينشم
عطر النبي جوه الثره من هالظلم يتألم
وبياذنب من الزغر حسين وحسن يتيتم
بذهانه صورت جمر من عدها ابد مانسلم

دخيل الله ودخيلك بويه ياكرار
بدايتنه ظلع وحايط وبسمار
اخذني للحنينه وشلي بيها الروح
هاي النار باجر بويه نفس النار

باجر أصعب المنظر
اصيح وگلبي يتفطر
وين أمي وين أمي
٠٠٠٠ ٠٠ ٠٠٠٠
هوه الهضمني ياعلي راجع وضهرك محني
محتار من الفاجعه بيا فاجعه اتصبرني
كل خطوه بويه بمشيتك بيوم الطف تذكرني
هم مثلك ابقا الوحدي وخيل العده تعثرني

عله زينب ياعلي يتكرر المشهد
الهيب النار بخيامي حزن يصعد
افر من الخيم وركض الخوي حسين
وشوف حسين بخيول العده مفرهد

لاخنصره ولانحره
واركض واصيح الزهره
وين أمي وين أمي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

للسيده زينب والزهراء عليها السلام


بيه الج حسره ...وكلمن وصبره
غربه صارت بالمدينه عيوني مخنوكات
توها جانت عافيتنه وماتت الكلمات
ياهو بعدج يبقه النه ذني هم حسرات   ذني هم حسرات
                             *

والله دارت... اي ييمه وجانت امالي اشكبرها
هسه صارت...الميته امه  يگضي عمره يم كبرها

جنت احسب يمه اشوفج فيء علينه
بسدج اكضي الليل كله يالحنينه
وينه حضنج يمه ذاكَ البي ربينه
والله مشتاكه لكعدتج وال حجينه

ضايع  ابعمره ...الفاكد الزهره
حزنج وفكدج ييمه بينه مرسومات
توها جانت عافيتنه وماتت الكلمات
ياهو بعدج يبقه النه ذني هم حسرات   ذني هم حسرات
____
شحجي يمه ... كلشي يكتل بينه صاير حتى فكدج
وكلشي ضلمه... منين اجيب الوان تشطب بينه حزنج

وحشه صارت كل محاچيها المضايف
الخنگة تفتر چنها واحد صوته خايف
ياهو مثلج من تعزبه تصب سوالف
حتى طير الله اليچهبج كلبه لاهف

بسمج السفره...حيرت فقره
ردت اضم اضلوعج النه تالي مكسورات
توها جانت عافيتنه وماتت الكلمات
ياهو بعدج يبقه النه  ذني هم حسرات   ذني هم حسرات
___
بنيه وحده ...وماتت امها تخيل بهاي المصيبه
ياهو انشده... يكلي اعضم يوم الج يوم الغريبه

يبدي دمعي ،بروحي اسافر كلبي شارد
بيمن التم شنهي اصيرن، وانه واحد
حيره من تكبر، صفنتي ،والمشاهد
ياهو بيكم شاف موته وهو كاعد

ينحفر كبره...المختنك صدره
الحيره تكبر بينه باجر وحنا علويات
توه جانت عافيتنه وماتت الكلمات
ياهو بعدج يبقه النه وذني هم حسرات.   ذني هم حسرات
___

يبدي فكري...من الحزن ياخذ مراحل انتصاره
منهو يدري...الواكف ابحيلين طالع من خساره

بهيبه توكف من يحصدوها السنابل
ماتنزل راس اذا شافت مناجل
زينب انه وهذا حالي بكل مراحل
من حزن امي وهضمها للمحامل

الينكطع عطره...روحه متأسره
باجر التاريخه يكتب ،هيبه، متأسرات
توهه جانت عافيتنه وماتت الكلمات
ياهو بعدج يبقه النه ذني هم حسرات.  ذني هم حسرات




ليث كريم جحالي

*بمناسبة مولد العسكري عليه السلام*

          🍃🕊🍃🕊

*مبروك مبروك.... ياشيعه هلهلو*
    *مبروك مبروك.... ياشيعه هلهلو*

🍃🕊🍃🕊

هالليله نور العسكري أشرق علينه
وراث كرامه من علي وهيبة نبينه
لجل ميلاده للحفل كلنه اعتنينه
امغيم اعلينه الفرح نصفگ بدينه
 
*نور الگمر بان … ياشيعه هلهلو*

🍃🕊🍃🕊

حجة الباري عالبشر هالليله مولود
هذا ابن خير العمل او سر الوجود
والشيعه نصبتله فرح طشت للورد
رسلت تهاني معطره الصاحب الجود

*نور الگمر بان … ياشيعه هلهلو*

🍃🕊🍃🕊

محلا ميلاده  هالليله هبت  نسايم
ونـور القداسـه ابـقرتـه ابن الاكارم
حامل صفات المصطفى وكل العلايم
الشيعه كلها استبشرت والگلب هايم

*نور الگمر بان … ياشيعه هلهلو*

🍃🕊🍃🕊

لمـلاك كلها امعيده وارض وسمانـه
اليوم بالبشرى نولد ركن  الديانه
حتى البلابل غردت فرحت اويـانه
اتهني سلطان العصر مهدي مولانه

*نور الگمر بان … ياشيعه هلهلو*




*بقلم الاخوات*

      *ام اباذر السكيني*

         *و__ عاشقة الولايه*

                    *نسالكم الدعاء*








https://www.tg-me.com/khdmat

🌹 *بشان مولد العسكري* 🌹
*عليه السلام*

*تـهانـيـنـه نزفـها للمديـنـه*
*عله جناح الفرح بسمك ولينه*
&&&
على درب الـولاء جـينه نهـني
هاك اسمع الفؤاد بسمك يغني
يـامحـور للفلك يانـور عـينـي
*يابدراً بالسمه يضوي علينه*
&&&
مولدك يالحسن اعظم هديه
يانبراس الشريعه الاحمديـه
يـاميزان العدل يبن الزچيـه
*شيعتك بالفرح تهتف ولينـه*
&&&
عقدنا هالحفل بسمك يامولاي
عزفنا هاللحن لجلك يارجواي
يـمنبع للوفى يـانـور دنـيـاي
*ياخـلقـا يـاخـلـق طـه نبينه*
&&&
شيعتك يالحسن كلها بمسره
يـانسمـة كـل امل انته اثــرها
يـامـام الـورى ونـوره وبــدرها
*يـامنهاج الحـياه انته هادينه*
&&&
يـامعشوگ الگلب يانور العيون
يـامنـار الهدى يـالبيك مفتون
ياانجم بالسمه ولينه يزهرون
*ياسادات الملاء عترة ولينه*

*عاشقة الولايه*

*نسالكم الدعاء*

https://www.tg-me.com/khdmat

الى اللقاء يافاطمه
الى اللقاء يافاطمه
،،،،،،،،،،،،،،،،،،،،،،،،،،،،،،،،،،،،،،
امسيتُ وحدي ..  يازهرتي بعدَ الفراق
والحزنُ يبدي  .. لاشيءَ يروي الأشتياق
قطعتي جبدي  .. والقلبُ عاش الأختناق

والله دنيه الفارگتنه وضيعج مني الوكت
متي بس موته يفاطم وانه الف موته متت
امعلعله بضلعج يروحي  وانه بيج تعلعلت
شلت خيبر من جذرها وهسه روحي ماشلت

والله ياريت    متنه يالزهره سوه
اضلم البيت    لأن مدفون الضوه
يم الحسين    گلبي بالفرگه نجوه
الى اللقاء يافاطمه
الى اللقاء يافاطمه
،،،،،،،،،،،،،،،،،،،،،،،،،،،،،،،،،،،،،،
لايُشفى جرحاً .. من بعدَكِ يافاطمه
ايتمتي صبحاً  .. والروح امست مضلمه
اهدمتي صرحاً .. يانور عيني الهايمه

خلصت قصت عشگنه  والعمر ضل مختنگ
خدج البس انه اوصله  شلون يوصله الحرگ
امن السواك اعليج اغار  وعايش وياج العشگ
يضمج اشلون التراب  ويبقه عمري ونفترگ

خلصت شلون   قصت الحب يانبع
ضلت اعيون     بيها مرسوم الضلع
والله ماضن     ماترجعيلي اقتنع
الى اللقاء يافاطمه
الى اللقاء يافاطمه
،،،،،،،،،،،،،،،،،،،،،،،،،،،،،،،،،،،،،،
العين تنعى .. فيها الدُموعْ الهاملهْ
حزناً ودمْعا .. كيفَ اليالي المقبلهْ
كسراً لضلعا .. صارَ اختيالُ البسْمَلهْ

يالحنينه اشلون ادفنج گلبي مايقبل تره
والله ماترهم يزهره نشتلج بنص مگبره
يامره الترهملي بعدج  هيه مثلج يامره
ابعالم الذر انعقدنه  الزهره درة حيدره

الله وياج    يابعد عيني الطفت
لازم حذاج   تندفن روحي الگضت
اخر اوداع    سنيني فوگاج انجفن
الى اللقاء يافاطمه
الى اللقاء يافاطمه
،،،،،،،،،،،،،،،،،،،،،،،،،،،،،،،،،،،،،،
ياليتَ ضلعي .. في دفعتِ الباب انكسرْ
لايحصى دمعي .. منْ يحصي حباتُ المطرْ
في هاذ وضعي .. يازهره ابكيتُ الحجرْ

طحنت الحنطه برحاها گلبي يالزهره انطحن
ياهو اليصدگها حيدر  يبقه بعد ام الحسن
ذوبليتي اعيوني والله  ومن بواجيها انعمن
الزمن لو مارجعاج  ابسيفي اذبحنه الزمن

گلبي مهموم    ينزف وضل مبتلي
الميت اليوم    انته لو ميت علي
خذيني وياج     يابعد ناسي وهلي
الى اللقاء يافاطمه
الى اللقاء يافاطمه
،،،،،،،،،،،،،،،،،،،،،،،،،،،،،،،،،،،،،،،،
يانبضُ قلبي .. اهاتَ قلبي تَنسمع
امليتُ دربي .. من ادمُعي الا تنقطع
الله حسبي  .. هُوَ السَّمِيعُ المُرتفع

اليدفن ام بيته ابگبرها  انهيبه كلش ينهب
وانه منهوب ابوداعج عمري يم گلب العذب
البيت  مايسوه  بدونج   فارغ  وماينجهب
ميت وبالدنيه هايه  صرت عايش بالغصب

انه  حيدر     عمري بعدج ماسلم
امشي واعثر   بعتبت الباب ابألم
ماهو حيلي    كلشي البيه انهدم
الى اللقاء يافاطمه
الى اللقاء يافاطمه

العبد ابوفايز الرافضي
الفاتحه على روح والدي

قصيدة بحق الزهراء عليها السلام


برد حضنچ ... سكن ونچ..   دحاچيني.. دحاچيني

انة بنيتچ ... بعد وكتچ ... تجافينة
الحسن ينحب... علي امترب... تشوفينة
بچة حسينچ ... اعله رجلينچ ... تهل عينة
ابهجر چنچ ... سكن ونچ ... دحاچيني.. دحاچيني
=============================
ثگل همي ... فگدت امي...  صعب وضعي
بعد عينچ ... صحت وينچ... يهل دمعي
البعُد يجرح ... الهجر يذبح ... صحت رجعي
ابزغر سنچ ... سكن ونچ.. دحاچيني..دحاچيني
=============================
صعب حالي... بعد مالي... جفن غافي
تحن روحي... من اجروحي... لحضن دافي
افز وانشد....علية ايرد... الصدى كافي
غمض جفنچ... سكن ونچ... دحاچيني.. دحاچيني
==========================
اجي لگبرچ... واشم عطرچ... اجر حسرة
ارد داري... بدمع جاري... على الزهرة
ادير العين... اصد لاوين... الچ ذكرة
ثگل حزنچ... سكن ونچ... دحاچيني.. دحاچيني
==========================
ذبل جسمي... نحل عضمي... من غيابچ
يضل نوحي ... بعد روحي... على بابچ
بعد شصبر... دمع يمطر... على مصابچ
الجرح منچ... سكن ونچ... دحاچيني دحاچيني
========================

أسالكم الدعاء رائد الاسدي
ملاعمارالديباجي الحسيني

استشهاد مولاتي فاطمه ع


                    الــبقاء ابعمــرك ايعـازون بيه
                    وأنه عمري شايله ويّا الزچيه
           مــا خــــذه للـمكبـــره..ابروحي ادفن مو مره 
                          ويّا الزجيه..ويّا الزچيه
====================================١
        البقاء ابعمرك يكولون وجوابي ابدمعه لو حسره
        يـاعمـــر الـبقــه عنــدي وآنـه امفــارگ الــزهـره

                 شنـو نفع الـعمر واعزازي مدفونين
                 ابن فاگـد ازغيـر وفاگد ام احسين
                 أسَكّت ونّي واتسولف دموع العين
                 تكتب عله اخدودي فاگدين اثنين

                  تكتب مات ابنهه ابعصرت الباب
                  مـاتت فاطمـه والـضلع منصـاب
          مــر عليهـه الـما جـــره..ابروحي ادفن مو مره
                          ويّا الزچيه..ويّا الزچيه
===================================٢
          چدامـي الگبـل تطـوي الگاع مـا گـدرن يشيلنّي
          واديـــه الــقـالـعــه الـبيبـان احفّـــر مـا يعيننـي

                  الفاگـدلـه عـزيـزه ابمشيـه يتعثـر
                  عله نگلت اجـدامـي بعد ما اگـدر
                  ياهو المثلي يگدر عالحزن يصبر
                  يـوادم للزچيـه گبـر بيـدي احفـر

                   الـم حيلـي گبــر احفــر وطمّــه
                   اخاف امن التراب الضلع الچمه
            فــوگـي اذبـن بـالثـره..ابروحي ادفن مو مره
                           ويّا الزچيه..ويّا الزچيه
===================================٣
          الـورد مـا ينـدفـن ياناس بـس مجبـور ادفننـه
          الـتـراب اشچم جـرح يلچم عليهه مـن اهيلنـه

                  گبرهه ابدمعي مو بالماي رشيته
                  يلجم فاطمه من يطيح حسيتـه
                  عليهه ابچفـي مـن ينزل تلگيتـه
                  الـمـوت وياهـه چم مـره تمنيتـه

                  اصبــّر گلبـي بيــش وعينــي تغفـه
                  واشوف السطر خدهه اگبالي چفه
         مـن رفستــه امكســره..ابروحي ادفن مو مره
                        ويّا الزچيه..ويّا الزچيه
===================================٤
          رجعت امن الدفن تعبان عفت الحيل والفرحه
          يحس بيه الفگدله اعزاز العليهم ماشفه جرحه

                والـفوگاهــه كلهــه وزيـدت همــي
                شگل لحسين مـن يگلي اريد امـي
                يعيني الخاطر الله ابدمعتچ ضمي
                ابو الاحزان مو ابتراب صار اسمي

                  گَعدت ويَـه الايتام وصرنه لمّه
                  حسين يريد يغفه ابحظن امّـه
          عيـونـه ضلت ساهـره..ابروحي ادفن مو مره
                        ويّا الزچيه..ويّا الزچيه
===================================٥
         شله ابعمره الفگدله اعزاز يتمنه الموت والكعبه
         ابفـرد بيت الـيعيش وياك والله فـرگتـه صعبـه

                    وين اگعد تصير گبالي صورتهه
                    اشـم ابكل كتر بالبيت ريحتهـه
                    انه دافن حنينه وصعبه فرگتهه
                    اخـذ عمري يربي وفاطمه ردهه

                     ابَـدل فاطمه ابـروحي تمنيت
                     تَسَكت اطفالهه من ترد للبيت
          شفــت زينـب حـايـره..ابروحي ادفن مو مره
                         ويّا الزچيه..ويّا الزچيه
===================================٦
           اشبقالي من حياتي ابنوح والدمعات اخلصنه
           ليليـه اوشــــل الـعين گبــرهـــه مــن ازورنــه

                طفت شمعت شبابي وماتت احلامي
                افـز بـالليل وشبـــه بچيــت ايتامــي
                مـابيهن فـــرح عـالـزهـــــره ايـامــي
                مـو للماي گلبـي لـم حســن ضـامــي

                   شكثر مشتاگ للكسروا ضلعهه
                   العليهه اعيوني مابطل دمعهه
           نلتقــــي بــالاخــــــره..ابروحي ادفن مو مره
                         ويّا الزچيه..ويّا الزچيه 
====================================
✍حيدر الشغانبي

ما اوصيج    والعوض بيج
شدي حيلج عالمصاب انتي خيمه وانه باب
*
انه اعرف هاي لحضاتي الأخيره
يمه زينب شدتج شده جبيره
راح اعوفج وحدج والحيره حيره
باجر اتضلين راح ابلا عشيره

اه ياليل الصبر      باجر ايروح الخدر  وانتي تبجين
بكربله باجر حرك   وراح من كثر السحك   ايموت الحسين

يالغريبه   اشهل المصيبه
حسين نايم عالتراب    انتي خيمه وانه باب
****
اشلون بيج بكربله لو شبت النار
رايح اتحيرين باجر يمه بزغار
انتي والله جروح كلبج كلش اكبار
باجر اتركضين وحدج والرمل حار

بكربله راح الزلم    زينب تشبعج شتم   عكب اخوتج
شحجي واهواي الحجي   ويمه راح امن البجي  ايروح صوتج

واليحركون   ما يرحمون
بدنيتي شفت العذاب    انتي خيمه وانه باب
**
باجر اتصفنين والصفنه طويله
ايساعد الله اهناك كلبج يالعقيله
ميت العباس ياهو التشتكيله
امن ايده لو طاح العلم ياهو اليشيله

بعينه لو صابه السهم   ما يردلج للخيم   صاحب الجود
تحترك راح العبي   حضري روحج للسبي   بكطع الزنود

صيحي عباس    ايدخن الراس
عالنهر يحله العتاب   انتي خيمه وانه باب
*
يمه زينب هاي اخر ليله اليه
ادري رايح ينكسر كلبج عليه
راح اودعنج تره ومو هاي هيه
يمه باجر نلتقي بالغاضريه

لو بقيتي بغربتج   انه اجيج الخيمتج  واحمي الايتام
عالترب نومه اخوتج   وانتي حاله حالتج   وبصدري الآلام

امج اوياج    وصعبه تنساج
احنه ربات الحجاب   انتي خيمه وانه باب

بضلعي لتهمين بس الشده باجر
اضلوع اخوج اتروح من كثر الحوافر
رايح اعله حسين تلتم العساجر
حسين ما ينزف دمه ينزف مشاعر

باجر ايذبحه الشمر   ويرفس بصدره اشكثر   وينك ايصيح
منه لو خلص ذبح   ايشيل راسه اعله الرمح  وكلبج ايطيح

ودمعتج راح    اتهز الارماح
هذا مسلوب الثياب   انتي خيمه وانه باب
***


تمت
الشاعر تحسين الخفاجي

▪︎▪︎▪︎

*نخوه لام البنين عليه السلام*

         🚩🚩🚩🚩

*بحزاني بحزاني*
           *حضريني بحزاني*
*يم البنين اتوسلچ*
        *حضريني بحزاني*
&&&
يارحمه الله انتِ وسره المكنون
      غاية رجائي   (   يمه )

يم المعاجز جيتچ گلبي محزون
     دمعة ودعائي    (   يمه )

بجاهچ العالي انتخي بيچ اظنون
    رحمي بكائي     (   يمه )

*بشجاني بشجاني  ناديتچ بشجاني*

*ليلي ونهاري اندبچ*
             *حضريني بحزاني*
&&&
يالحره يالباب الكرم من عدچ
    حني عليه   (   يمه )

انتِ الوسيله للجليل ابحـبچ
    لبن الزچيه    (   يمه )

سهلـي الـشده والـعسر ابربچ
   هاي المسيه   (   يمه )

*خلاني خلاني  هالهظم خلاني*

*اشكي مصابي بالالم*
            *حضريني بحزاني*
&&&
خطار جينه نقسم بطفل حسين
    ياام الابرار    (   يمه )

هذا يـريد الـعافـيه هـذا ابنـيـن
   الدمع نثار    (   يمه )

هذا سجين يريد يگضي الدين
     تايه بالافكار   (   يمه )

*بچاني بچاني الحاله بچاني*

*رافع اچفوفي وندعي*
         *حضريني بحزاني*
&&&
كلمن ابضيقه ايصيح يم البنين
    ما تخيبينه     ( يمه)

طبعچ وفيه الگاصدچ ماتردين
ابدمع عينه  (يمه)

من ينتخي باسمچ ياحره تجبرين
     اتفرحينه   (يمه)

*اذاني اذاني  هم كلبي اذاني*

*انتِ التحلي المعضله*
            *حضريني بحزاني*
&&&
جيتج يطيبه والفكر مني احتار 
مل مني صبري   (يمه)

ابابج الوذن دهري بيه لو جار
اشكيلج امري     (يمه)

مجلس اقيمه بالبچي للاطهار
  الدمع يجري     (يمه)

*الساني الساني  يلهج بيچ الساني*
 
*حجاتي ابابج اسألج*
                *حضريني بحزاني*


*بقلم الاخوات*
          *عاشقة الولايه*
*ام اباذر السكيني*

             *نسالكم الدعاء*

بهذا الطور👇🏻

https://youtu.be/Dxqk9X2-NaU

ி┈┈••☆✿🌹🌿🌹✿☆••┈┈┈ி


🕊☆~`` الملا علي المياحي ``~☆🕊


ஜ••("🕯 @alimaeahe 🕯")••ஜ

لاستشهاد الزهراء عليها السلام. موشح

اليوم ياشيعة  رحيل أم الحسن
الشافت أنواع المصايب والمحن
★★★★★
الأرض ملچومه تنوح ومظلمه
ومومثل كل يوم حالتها السمه
ابيا گلب حيدر يودع فاطمه
بنار گلبه من  دفن جنة عدن
★★★★★
بگلب حيدر تحرگ الدنيا حرگ
وبحوافر خيلها تسحگ سحگ
موأكيد عيونه تغفه. وتنطبگ
ولاكفيل اجروحه يمحيها الزمن
★★★★★
ينظر الزينب وگلبه منكسر
حايره بالدار تنظر كل كتر
يكتل أفراگ الحنينه من صغر
ايام موعلبال يم زينب لفن
★★★★★
داهم البيت الزمن حين الهجم
بيت من جور النوايب ماسلم
فوگ لچماته علي شگد انلچم
الدين كله شلون لفاه ابچفن
★★★★★
انگطعت انفاس الزچيه وهودت
اتلوعت من الظلم واتروعت
بموحشات الليل لمن غربت
مشه الموت وراح يحدي بالظعن
★★★★★
اليوم ياشيعه صدگ وكت الحزن
والمدامع تصب.  للزهره ونون
مهشمه اظلوع الزچيه والمتن
والسبب يرجع لأصحاب الفتن

الشاعر حسن لعيبي الحريشاوي

موسهله روحت فاطمه  عليه
محد عرف حجم المصيبه البيه
مهموم اباوع للسمه
كتلتني فرگت فاطمه
-------------
متت من سكتت شفتهه وماتحجيني
  صحت ياموت الخذته وياهه خليني
والله اموتن الف موته من تجافيني
العمر كله مااريده و طاح من عيني

يم الحسن يل فرگتچ مو حلوه
والدنيه من دونچ بعد ما تسوه
شنهي الايام القادمه
كتلتني فركت فاطمه
-----------
انتي ام الدنيه كلهه ونتي ام بيتي
اندفن وياج حلمي واخر أمنيتي
جوه گبرج من دموعي كاتب اوصيتي
صار فتره متاني شوفج ونتي ماجيتي

يمسافره اليمته اشوكت نتلاگه
والروح ميته چي الچ مشتاگه
فراگچ الحيلي يهدمه
كتلتني فرگت فاطمه
---------------
علي وين وياچ چان وين من بعدچ
اضلوعه تتكسر يحسهه لوذكر ضلعچ
الشيب ماخله مچان ابراسه من هجرچ
وگضت عافيته الدموع هناكه يم گبرچ
اليوجعن كلهن تمرمر بيهن
حته النسنه بلچمته يدليهن
چنه الجرح نتقاسمه
كتلتني فرگت فاطه
-------------
كلشي يتحسر يفاطم حته چلماتي
ولو ردت امشي اخاف اطيح شيباتي
وين رحتي اشلون رحتي مگضي حسراتي
وبس ا گول اسمچ يزهره اطيح دمعاتي

تكتلني زينب من تگلي اشلونك
ليش اعله باب البيت بويه اعيونك
ريتچ بدارچ سالمه
كتلتني فرگت فاطمه
-----------
اطفالچ ايگولون امنه اشلون ننساهه
بويه دلينه عليهه بلكي نلگاهه
بلكت انجبر ضلعهه ونبچي لبچاهه
حته اذا ماگعدت النه ادفنه وياهه

جروح الهجر بعدج فلا تتشفه
جوه الترب يم الحسن يا وسفه
كل ضني ترجع سالمه
كتلتني فرگت فاطمه
-----------
طفلچ من الرفس طاح ومنكسر ضهره
جويت  البسمار خلت بل گلب جمره
ضيعيتي الهوه وطحتي ابشدت العصره
ودمچ اعللگاع طايح والارض حمره

بل محسن البسمار دم ماخله
جوه الضلوع وراحله واندله
سفرتهه هاي الحاسمه
كتلتني فرگت فاطمه
-----------------
سلام البهادلي

ملا عمار الديباجي الحسيني

بالبيت ادور جلمات //ماصدك ابصوتج مات
وينج صحت يمبيتي //صوتج اسمعه امنيتي
==========================
الباب جم خاطر كسرلي وحومر عيوني
ابطيحته عالزهره احسه طيح امتوني
ضيعتها وضاع كلشي لا تلوموني
الشيب خضركبل وكته يل تنشدوني

ايامي مابيه افراح // الضيع محب مايرتاح
يل رحتي مارديتي // صوتج اسمعه امنيتي
==========================
ابد مو سهله عليه كلمت العشره
بوجه المفارك تبين حسرت الكسره
اليضيع وجه غالي يشتهي النضره
وانه كلماردت شوفج اذكر الصطره

ياكمرت الله اشتاكيت //وياج اموت اتمنيت
للملكه ماحنيتي // صوتج اسمعه امنيتي
==========================
بينج وبيني المسافه صارت ابعيده
مثل ذاك الصام عمره وينتضرعيده
انه هم رافكني جرحج يادوه يفيده
وعمري بعدج يل حنينه كله ماريده

كل ساعه تكضي بلياج// ماتخله ابد من ذكراج
بكليبي اشسويتي // صوتج اسمعه امنيتي
==========================
انتي بعيوني قصيده وكل حرف غالي
وانه كايلج يزهره دومج ابالي
هسه منهو يزيح همي وينضر الحالي
صار هجرج درب اول مااله تالي

الدنيه غدرتني ابساع // ظيعتج وكلشي ظاع
فاكد صحت عافيتي // صوتج اسمعه امنيتي
==========================
هواي طولتي عليه من الهجركافي
بارده حيطان كبرج وبيتج الدافي
الدنيه بردت ونه اجيتج للكبرحافي
ادري بضلوعج يصلن ياجرح غافي

كل ما اشوفن بسمار // اظلوعي يشتعلن نار
وبلحدج اتغطيتي //صوتج اسمعه امنيتي
==========================
خلصيت اسنين عمري الشوفج متاني
البيت سويته اعلمودج بيت لحزاني
وكل شبر اعثر بجرحي ودمعي يلكاني
وين رحتي ضل يردد كلبي والساني

ادري عليه تخفين // مجروحه بس ماتحجين
اخفي الكبر وصيتي // صوتج اسمعه امنيتي

==========================
تمت_ سلام البهادلي

ملا عمار الديباجي الحسيني

*لوعات ام البنين عليها السلام*

         🚩🚩🚩

*دمعاتي جرت وحرگت اجفوني*
    *وسهام الـمصيبه عمين اعيوني*

&&&
انه ام المحنه حزني ماينقاس
   ربـيت الـولد يفدي ابـوالـنوماس
ينطيه الچفوف ومنه يحني الراس
*راعي الزود ابد ماخيب اظنوني*
&&&
روحـي بـالمآسي تـلتهب نـيران
اندب كل وكت يحسين ياعطشان
شلون اهل الغدر خـلوك بالتربان
  *وانا انحب ونوحن بيك فجعوني*

&&&
يمه الكون لجلك انطفى نـوره
    بالحمره سماها ترسم الصوره
جثه مطشره وعظامه مكسوره
   *بالونه اصيحن والله صابوني*

&&&
اعتب عالزمن اعتب عله الايام
    ظهري منحني وضاعت الاحلام
من گـالو عـزيزچ داسـتـه الظلام
  *وانا بالبواچي زادت اشجوني*

&&&
صوت الفاجعه ونات مسموعه
     لبنيلك گـبر ونـوحك ابلوعه
اه يحسين يبني والله مفجوعه
  *من گـالو الشمر علصدر اذوني*



*عاشقه الولايه*

              *نسألكم الدعاء*

بهذا الطور👇🏻👇🏻👇🏻

https://youtu.be/Wg_e7Oibx3g




https://www.tg-me.com/khdmat