‏ هذا الرابط للانضمام إلى مجموعتي للقصائد الحسينيه كل جديد: https://chat.whatsapp.com/CGzf47HqTCKK57sfaBExLQ

الولاده الميمونه للرسول الكريم (ص)




مولاي مولاي  يارسول  الله
مولاي مولاي يا حبيب الله

1

ياسوره بقرآني واقراها بميلادك
والدنيه ياطه تتشرف بمجادك

قـرآني واقــره يوميه
بميلادك عـاقـد النيــه
بالمحفل من تصد ليه
يمولاي

تلگاني عاشگ وهايم
خل تعرف قصتي الوادم
اتشرف انه الك خادم
يمولاي

مولاي مولاي يارسول الله
مولاي مولاي ياحبيب الله

2

يامعدن وجداني وبروحي واليتك
عالفطره ياعمري من زغري حبيتك

ياروحي واغله كل غالي
تبقـه انته سلوة أمــالي
يالحــبـك سكــن دلالـي
يمولاي

حبيتك خـل يلــوموني
يالساكن انته بعــيـوني
مجنونك خل يسمـوني
يمولاي

مولاي مولاي يارسول الله
مولاي مولاي ياحبيب الله

3

بميلادك يا طه من احضر عالفطره
اقرالك واتأمل بالمولد فد نظره

من احضر ارتجي نظره
تنظـرلي بداعت الزهره
واحسبني انه عـالفقره
يمولاي

بعيوني شلتك احچايه
ميلادك غـايــة الغايـه
يالروحي ألك وفــايـه
يمولاي

مولاي مولاي يارسول الله
مولاي مولاي ياحبيب الله

4

بعيوني وحساسي حبيتك وضنوني
والوادم معشوگك يا طه عرفوني

احچيلك والسمه شاهد
بالمولد احضر وگاعــد
تتقـبــل خــادمك رايد
يمولاي

احساسي يسبگ دموعي
بالمولد اعلگ اشموعي
بالفرحه انته موضوعي
يمولاي

مولاي مولاي يارسول الله
مولاي مولاي ياحبيب الله


5
اختملك اشواگي بالمولد احچيها
بس انته معشوگي اولها وتاليها

تبقه انته شهگـت انفاسي
محبوبي وساكن احساسي
خـلـيـتــك تاج الـبــراسي
يمولاي

ميلادك احله كل فرحه
عالدنيه اشرق بصبحه
يالروحك يالنبي سمحه
يمولاي

مولاي مولاي يارسول الله
مولاي مولاي ياحبيب الله






لاتنسون والدي وابني عباس من الرحمه والمغفره
خادمكم رياض الرسل الجابري

ولادة الامام الصادق (ع)




تفرح الليله الزچيه
بالولاده الجعفريه

١

اسبوطعش اول ربيع وياهله
لبو الكاظم خصصه الباري أله
نور عالشيعه وفخرنا جاعله
بنوره وبعلمه عبرنه مرحله

أله ولهله الأوليه
بالولاده الجعفريه
٢

سادس الاقمار هالليله انولد
وگلب أمه الزهره بالفرحه انسعد
اله وقعنه ونوقعله بعد
الجعفريه بالدمه كتبت عهد

انهني كل هاي البريه
بالولاده الجعفريه

٣

بالسمه الأملاك طشت هالخبر
الليله ميلادك يصادقنه الأغر
بهذا محفلنه ننادي بكل فخر
الف هنياله الموالي لو حضر

ويفرح بهاي المسيه
بالولاده الجعفريه
٤

الليله جنات الخلد تستقبلك
لأن يم عرش الجلاله انته ملك
كل تهانينه بفرح نبعث الك
المايحبك خسر وبدنياه هلك

نفرح الليله سويه
بالولاده الجعفريه

٥

الماسمع بالخبر هالليله سمع
نور من نور العرش هل وسطع
صادق الأمه على الأمه طلع
ابو الكاظم حبه بالروح انطبع

نحلف بالله ونبيه
بالولاده الجعفريه
٦

نختم بحبنه وسعاده الهل جنين
ونشكر الباري آله العالمين
حتى يقبلنه الأمام بكل يقين
خلي نقره الفاتحه لأم البنين

وتعبتر هايه هديه
بالولاده الجعفريه






لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

اهزوجه  لولادة النبي محمد صلى الله عليه واله وسلم

وكلها مچلبه بثوبك  يوم المحشر يلمختار
★★★★★
انته الراسم  بيدك خط الدين وخط الساس
وانته امخلي الصابر  مامذلول ورافع راس
وانته بصاية نورك من الظلمه أمطلع الناس
بنورك ياهادي العتره
دنيا الوادم متغيره
حبك.  باب الجنه وحبك يابوالزهره  مطفي النار
★★★★★★
بذاك اليوم انوارك مغرگه الناس الهذا اليوم
حبك صار اللازم عدنه يابوالقاسم والملزوم
شلون تمسه الدنيا وشر الدنيا عليه ايحوم
من يندب  بسمك طه
درع انوارك يلگاها
ودارك هيه الجنة  وماتطرد  منها الخطار
★★★★★
يلميلادك رحمه  وخير ونعمه لهاي الناس
يوم انوارك هلت ياهو اليوم البيه ينقاس
بيك انباهي العالم  اسمك زود ورفعة راس
الخير وهبت انسامه
والشر راحت ايامه
الكون بنورك جنه ومزهر فوگ الوادم صار
★★★★★
بفضلك يابوالزهره  الناس تعيش براحة بال
من اصعب حال اتغيير  حال الدنيا الاحسن حال
ونورك زاح الظلمه  وذاك العهد المظلم شال
يمغيير الدنيا اعلينه
شفنه الخير امغطينه
وحبك ثابت عدنه حال الدنيا شمايندار

الشاعر حسن لعيبي الحريشاوي

لولادة النبي محمد صلى الله عليه واله وسلم

محله الشهر لوطَوَّل اهلا ربيع الاول
ياشهر خير ونعمه مولد رسول الرحمة
اهلا ربيع الاول
★★★★★
من الماضي حد الحاضر
فضلك علينه داير
بنورك تدَلَّي الحاير
وتجبر بكسر الخاطر
بيه تنجلي كل ظلمه مولد رسول الأمه
اهلا ربيع الاول
★★★★★
شهر الفرح وانسامه
مية هله بايامه
الدين انولد واحكامه
طول العمر خدامه
ونفخر بهاي الخدمه مولد رسول الأمه
اهلا ربيع الاول
★★★★★
ليلة فرح محلاها
ذابت الروح وياها
المولود گالوا طه
أرض وسمه تتباهه
يعني الفخر والعصمه مولد رسول الأمه
اهلا ربيع الاول
★★★★★
سبعطعش يوم الفرحه
ليله ونهاره وصبحه
يطول الكلام وشرحه
عن هلخصال السمحه
الغَيَّرَّ الدنيا بعلمه مولد رسول الأمه
اهلا ربيع الاول
★★★★★
لَمَّن ابنوره ازهر
كل الوجود اتغيير
ابليس اللعين اتحيير
وجه النبي من نَوَّر
بيه انتهت كل أزمه مولد رسول الأمه
اهلا ربيع الاول

الشاعر حسن لعيبي الحريشاوي

لولادة النبي محمد صلى الله عليه واله وسلم

الفرحه اكبر من شعوري 
شلون اعبر   عن سروري
بمولد الباني حضاره
بياكلام وياعباره   شلون اعبر عن سروري
★★★★★
بمولد الطاهر الصافي
تنسجم احله القوافي
عسل اسمه على اشفافي
وچن نسيم الهوه الغافي
احتار گلبي بأختياره
بياكلام وياعباره  شلون اعبر عن سروري
★★★★★
بمولد الهادي محمد
بلفرح عمري تجدد
مثل هاي الناس وأسعد
وعني طاري الحزن ابعد
ضلت حروفي حيارى
بياكلام وياعباره   شلون اعبر عن سروري
★★★★★
بفضل ابو الزهره أو وجوده
وقمة أخلاقه وجهوده
غرب الماضي وعهوده
بيه ماكو غيمه سوده
لوردت وصفي اختصاره
بياكلام وياعباره  شلون اعبر عن سروري
★★,★★★
شلون ماتحله السعاده
وتكبر ابهاي الولاده
مولد الحق والعباده
والمحنه  والقياده
شحچي عن نهجه ومساره
بياكلام وياعباره  شلون اعبر عن سروري
★★★★★
يافرح يكفي ويناسب
ابهواه الكون ذايب
بمولده امنوره الكواكب
والمشارق والمغارب
من الشعر شلگه استعاره 
بياكلام وياعباره   شلون اعبر عن سروري

الشاعر حسن لعيبي الحريشاوي

لولادة النبي محمد صلى الله عليه واله وسلم

حبيبي المصطفى الطاهر
الكون بمولده زاهر
حبيبي المصطفى الطاهر
★★★★★
الامين الصادق الصفوه
الحكيم وصاحب التقوى
الحليم وشيمته النخوه
العميد   السيد   الصابر
حبيبي المصطفى الطاهر
★★★★★
اله دوم المجد يسعه
حنين على الخلگ طبعه
بكماله تشهد السبعه
الجليل العارف الذاكر
حبيبي المصطفى الطاهر
★★★★★
السديد العالم العابد
بليغ المنطق الراشد
الوجيه الساجد الزاهد
شفيع لكل محب حاير
حبيبي المصطفى الطاهر
★★★★★
المكارم للنبي تشهد 
مناقب مالهن كل حد
لورسمه علينه أبعد
حبه بالگلب حاضر
حبيبي المصطفى الطاهر
★★★★★
وجوده موعظه وحكمه
ونعيم على الخلگ رحمه
مفتاح الفرج أسمه
لوصار الحشر باچر
حبيبي المصطفى الطاهر
★★★★★
بوجوده الدنيا مبتسمه
الچانت  موحشه وظلمه
وجوده على الارض  نعمه
ونوره على الخلگ داير
حبيبي المصطفى الطاهر

الشاعر حسن لعيبي الحريشاوي

لولادة النبي الاكرم محمد
صلى الله عليه وآله وسلم

شافع الامه.    يانبي الرحمه
صفحة للحق تبتدي.
بمولدك ياسيدي
يانبي الرحمه
★★★★★
معبد الأصنام ساعتها تضعضع
بهلولاده كسرى ايوانه. تصدع
ونار فارس خمدت وما الها مطلع
بأرض مكه نورك المهيوب من شع
ربك اختارك.   نزل انوارك
الناس بيها تهتدي.
بمولدك ياسيدي
يانبي الرحمه
★★★★★
هاي اسفار وصحاح الكتب تشهد
عيسى بشر گال من بعدي محمد
بمولدك باب الجهل للدوم ينسد
ولاتظل دمعات للمظلوم علخد
الظالم ابحسره.   ينتهي امره
خاب كل ظالم ردي. . 
بمولدك ياسيدي
يانبي الرحمه
★★★★★
بهليالي الليله ماصاير مثلها
چن الف ليلة قدر وأكثر فضلها
بالكرم رب السمه الوادم شملها
بنور طه غَيَّر  الدنيا بأهلها
الساعة محلاها  روحي تهواها
اليوم احس بمولدي.   
بمولدك ياسيدي
يانبي الرحمه
★★★★★
نزل ضَيَّك شاغل الوادم جماله
رحمه انته ارسلك رب الجلاله
لاظلام    ولاعبوديه.  وظلاله
الأرض عگب الجور تمليها عداله
بوجهك البسمه.  زاحت الظلمه
بالفرح تحدي حدي.  
بمولدك ياسيدي
يانبي الرحمه
★★★★★
ياعطوف بزود حنيه ولطافه
بعطفك المعلول من جرحه تشافه
لا بعد موئوده. بچفوف الصلافه
ولابلال بسوط. تتجرح اچتافه
الدنيا مختلفه.     ابفرح وبلهفه
ثوب الابيض ترتدي.   
بمولدك ياسيدي
يانبي الرحمه

الشاعر حسن لعيبي الحريشاوي

نحب من بيه رب الكون أسره
من افضل عشيره وخير أسره
ابحبه گلوبنه للموت أسره
الحبيب المصطفى سيد البريه

الشاعر حسن لعيبي الحريشاوي

هوسات لولادة الامام جعفر
الصادق عليه السلام

يامعنى يغني الوصف ياچلمة التناسب
لصادق العترة مدح. متحير. الكاتب
واجب محبته وبعد طول الوكت واجب

(( دگ ساس الدين واركانه ))
★★★★★★
أجت آلاف تدرس سيدي يمك
ومشت آلاف كثره تسولف بعلمك
ياطالب الراح وماذكر اسمك

(( من الصادق ماخذها ادروسي))
★★★★★★
ينور من النبوة ومن علي سرك
ومن ربك العالي شگد علو قدرك
يبو الكاظم نذرت الشيعتك عمرك

(( لليوم افضالك مشهوده ))

الشاعر حسن لعيبي الحريشاوي

في مدح الإمام جعفر الصادق عليه السلام (فصحى)

سلاما ايها الصادق. بعلم المصطفى ناطق
صراط الخالق الاقوم
ونهج المصطفى الاكرم
سلاما ايها الصادق

سلاما ايها الطاهر تقي هاديا صابر
حكيم عالم ذاكر. بنهج المرتضى سائر
لدين المصطفى ناصر. سديد الرأي كالباقر
ايانور الهدى الأزهر
وفقه المرتضى حيدر
سلاما ايها الصادق

سلاما من جوى قلبي الى ايمانك الرحب
سليل الكوثر العذب. ايامجدا من الرب
تنير الكون بالحب. من الشرق إلى الغرب
ايانور المدى الاجمل
ايامجد الهدى الأكمل
سلاما ايها الصادق

سلاما سادس المجد. وفيا صادق العهد
تقيا هاديا مهدي. . من المهد الى اللحد
دعيت الناس للرشد لفعل الخير والزهد
فيالق علمك الاقوى
من الايمان والتقوى
سلاما ايها الصادق

تقي عارف عامل. بحكم الخالق العادل
بعلم وافر كامل شديدا تقمع الباطل.
روؤفا تنصح الجاهل كريما تطعم السائل.
فعلم للمدى اسبق
له أبواب لاتغلق
سلاما ايها الصادق

ايادنيا من الفكر. على طول المدى تجري
مضيئا كوكب دري جليل الشأن والقدر
فلا (النعمان) و(الثوري) كذكراك من الذكر
ك(طه)سرت في الخلق
بعذب القول والرفق
سلاما ايها الصادق

الشاعر حسن لعيبي الحريشاوي

بمناسبة مولد فخر الكائنات النبي
محمد صلى الله عليه واله وسلم
(وزن تجليبه)

يلدارك محط للخير      هاي الدار
سبحان البعث نورك   يبو الانوار
بيها الرحمة للوادم
بيها املاك تتزاحم
سبحان البعث نورك   يبو الانوار
★★★★★
اجيت الهم ضوه ورحمة يبو الزهره
لگيت الناس     عن العلم   متاخره
يلشلت الجهل     وكطعته من جذره
وانطيت البشر    كل قيمته  وقدره
بوجودك يبو الرحمة
الوادم عاشت بنعمه
سبحان البعث نورك   يبو الانوار
★★★★★
ابوجود من العدم هلدنيا من عطرك
اغنيت الناس   وانته عايش بفقرك
بلساني مناحل       من عسل ذكرك
نص قطره البحر  مايوصل البحرك
بچفك واهب الخيرات
من مثلك يطيب الذات
سبحان البعث نورك   يبو الانوار
★★★★★
الوصف خجلان لوما يحمل الدقه
يمطوع الحجر    بالعطف والرقه
جمعت الناس  چانت گبل متفرقه
يذوب وينصهر بيك اليحب حقه
غيرت الامر  كله
لگيت الوادم بغفله
سبحان البعث نورك   يبو الانوار
★★★★★
ابليس الماركع لادم اجه اتعثر
شافك منه اشد    وبالعزم اكثر
شافك تكبر بعينه  وغده يصغر
أحباله شمايمدها  بحضرتك تگصر
افضل مجتمع سويت
مفاهيم وقيم خليت
سبحان البعث نورك   يبو الانوار
★★★★★
مهيوب القدر محبوبه اوصافك
لاقبلك وبعدك     يشهد الشافك
ذكر الله وكلام    الخير بشفافك
يأمن بيك حتى  الضدك وخافك
والباري   باابو الرحمه
اسمك ضافه وي اسمه
سبحان البعث نورك   يبو الانوار
★★★★★
الارض حاچت     سماها تريد تتباها
لان بترابها.         حط الجدم طه
السمه اعترضت وهيه ادره بمزاياها
تگول انواره مني    الارض  ضواها
اقمار ثلاثه  وعشره
من نورك يبو الزهره
سبحان البعث نورك   يبو الانوار

الشاعر حسن لعيبي الحريشاوي

هوسات بمناسبة ولادة الامام
جعفر الصادق عليه السلام

السلام اعليك يبن العلم والبرهان
وبن الفقه والتوحيد. والايمان
ياعطر البلاغة.  ونسمة  القرآن

((وعلمك شال الظلمه وحط النور ابدرب الناس ))
★★★★★★
السلام اعليك يبن العلم والتقوى
ياحجة وأمام وسيد وصفوه
كل عالم رجع من علمك أترَوَّه

((وعلمك يابوالكاظم ردت كلها اتسولف بيه )

الشاعر حسن لعيبي الحريشاوي

گال من تهوه وتوده  اهواي بلسانك تردد
گتله من خله حياتي من نعيم الجنه ارغد
گالي حبيته يمته.    گتله گبل المهد وابعد
گالي شنهي صفاته     گتله ابكلشي  تفرد
گالي وشنهي اليميزه  گتله بأسمه النار تبرد
گالي شحدود حبه      گتله الحب المؤبد
گالي وشگد تحبه.    گتله گد الكون وازيد
گال شنهو عليك فضله  گتله صعبه فضاله تنعد
گال منهو الي تحبه. گال رايد اسمع الرد
گتله احب خير البريه.   والد الزهره.( محمد)

الشاعر حسن لعيبي الحريشاوي

لولادة النبي الاكرم محمد صلى الله عليه وآله وسلم. (وزن الحدي )

هذا الشهر أجمل شهر. . بيه انولد سيد البشر
★★★★★
اجمل شهر بيه انولد. نور السطع فوگ المهد
من بيت توحيد وعهد.  للصنم ماواحد عبد
الكون بافلاكه ازدهر
هذا الشهر أجمل شهر
★★★★★
من السمه  نور انرسل  أحيا المحبه والامل
بموت الظلاله والجهل   نور النبوه من نزل
هدد معالم كل حجر. 
هذا الشهر أجمل شهر
★★★★★
بمكه سطع نور الوفه.  ابوجه الحبيب المصطفى
بيش الشعور ايوصفه.          نورالعلم والمعرفه
للجهل يمحي كل أثر.  
اجمل شهر هذا الشهر
★★★★★
كل معنى غَيَّرْ  للزمن      وأيامه السود انتهن
لا بعد معبد للوثن.         حتما نهاياته بدن
ابمولده اجمل  خبر.  
هذا الشهر أجمل شهر
★★★★★
يامن قبل آدم چنت.    وقبل المعالم والوكت
من نور أنته اتكونت.    يامصدر الجنه صرت
يافخر عدنان ومضر. 
هذا الشهر أجمل شهر
★★★★★
ارض وسمه جوها ابتسم.  نور وفرح بيها انرسم
يوم نولد هادي الأمم.      بسم النبي خط القلم
جد الإمام المنتظر.  
هذا الشهر أجمل شهر

الشاعر حسن لعيبي الحريشاوي

في مدح الإمام جعفر الصادق عليه السلام

اتعلمت من الامام الصادق.
اتبع العتره وكتاب الخالق

علماني دوم اوفي بالعهد 
ومنهجه تقويم للروح وسند
والتزم درب الفضيله للابد
ولا انانيه ابحياتي ولاحسد
لساني بالحق والمعارف ناطق
تعلمت من الإمام الصادق

اتعلمت منه نصايح من ذهب
لافخر بالروح ابدي ولاعجب
راحة الانسان تبدي من التعب
لوعرف بين الوجب والماوجب
ودوم ما امشي  وره كل ناعق
اتعلمت من الإمام الصادق

علماني اتوكل بيوم الصعاب
بخالقي لوصارت الدنيا عذاب
صارت أيامه مثل لون السراب
الماتمسك بالامامه  وبالكتاب
عزمي ثابت  وبكلامي واثق
اتعلمت من الامام الصادق

علماني بسيرته ونهجه الصحيح
انهض شمارادت الدنيا اطيح
مااجامل ظالم و قولي صريح
وبوجه مذموم ماعندي مديح
ارفض الشر وعليه ماوافق
اتعلمت من الامام الصادق

أعبد الخالق.   واسلمله الامر
وبرضا الخالق اگضيه العمر
من أمامي تعلمت أنا اشكثر
فدوه إله ايامي والعمر اليمر
الدوم فضله بالمعارف سابق
اتعلمت من الامام الصادق

هو من نهج الحبيب المصطفى
الشرح أحكامه بدرايه ومعرفه
رجع بالخسران كلمن خالفه
دوم مايهتز حكيم ابموقفه
الرَّجْع الباطل ذليل وزاهق
اتعلمت من الامام الصادق

الشاعر حسن لعيبي الحريشاوي

لبيك ياحسين ع
ابوذيات بحق النّبي وحفيده الامام الصادق عليهما السلام:

حـكــم كــل الأرض طــه       والاطراف
شهـدله بـهايه كل جسمي      والاطراف
طـريفـه ابأسمه هـالحفله      والاطراف
ذكر صادق حفيده بهل المسيه
           …… ..
نشـــر دينــه عـلى مـهلـه        ورسـله
ختــم كــل انـبيــا ربـنــه        ورسـله
تــحايا امعطـره ابعـثهــا        ورسـله
لبو الزهره وخو حامي الحميه
          ……… .
محــبتك نابـت بلحمــي         والاعظام
شــغف يحمل الك گلـبي        والاعظام
يعـالـي بـالـقــدر شـانـك         والاعظام
اخلاقك يبو الزهره الزچيه
         ……… 
حضـرنا بـمــولـد الصّادق        وأحمــد
لـــذلـك أشــــكــر الــبـاري        وأحمــد
كتبت اشعاري بيها امـدح        وأحمــد
أفعـال النّبي وابنـه سـويه
           …… ..

بقلم :خادم الرسول أبــو دريـد الشبكي

أّلََّسلَأّمَ عٌلَيِّګمَ خَدّأّمَ أّلَحٌَّسيِّنِ (عٌ)
نرحٌبِ بِګمَ فی قناة الثورةالزینبیه
(خَدِمَةّ أّلَحٌَّسيِّنِ شٍرفِّ لَنِأٌّ