نعي مفجع


فـوگ الـهِـزل وشلون حـالـه
الـگـضّـن عـمـر عِـز وجـلالـه
اربات الـخِـدر فـخـر الرساله
مــحــد عـلـيـهـن دار بـالــه


مدري الزمان اشـظـام لـيـهـه
ونوگ الهزل يوجع مـشـيـهـه
هـاي الحرم ياهو الـيـجـيـهـه
مـن الـزلــم تـسـتــر بـديـهـه



عـگـب الـگـمـر بـدر العشيـره
بدرب السبي وحيرتهه حيره
يَسره وخـذوهـن غـيـر ديره
وحادي الضعن جَـد ابمسيره

*-------------------------*--------------------*

✍خادم الحسين (ع)
الشاعر رعد الجريخي

خويه خويه    عذرني عفتك عالنهر
      خويه خويه    كلبي والساني عتذر
               يابو الفضل يا عباس
١~~~
     خويه لو بيه اعتنيلك جا اجيك مهروله
    وشكثر مشتاكه اسمع هله بزينب يا هله
     لكن شبيدي وقسمتي فرقتنه كربله

        خوبه خويه    بيدي شديت العبي
       خويه خويه   وصار محتوم السبي
    والظهر مني نكسر   كلبي والساني عتذر
                  يابو الفضل يا عباس
٢~    
     معدل ورافعلي راسي فخري شيال العلم
    شكد غيور ومثله ماكو بدمي قيدها القلم
     واشهد العباس منه سامعه بس النعم

        يبن ابويه     تحقق المنه خفت     
        يبن ابويه     بيدي لامسه وشفت
    عليك شبعانه قهر   كلبي والساني عتذر
                 يابو الفضل يا عباس

٣~~~~
      كافلي وصيوان بيتي كمر دلالي وهلي
     ذخري يالما جان عندك فقط إي وإدللي  
    والنعم تربات حيدر بيك أحس يمي علي

        در حليبك    لبوه راضع مو مره 
        در حليبك    فطمتك عالكنطره

    صيتك الدنيه عبر    كلبي والساني عتذر
                 يابو الفضل يا عباس

٤~~~
صعبه خويه العيشه بعدك وأنت داري ومسندي 
   يا ترس جلمة الخوه البيها منشد ساعدي
   خاليه وجفيني فرغت بيش أرد المعتدي

       كون موتي   لاح كبلك وإنرسم
       كون موتي   حتى ما حس بلألم

    وارحل إبحز النحر   كلبي والساني عتذر
              يابو الفضل يا عباس

٥~~~

     هم اعيدنها وكلك مو بدي عفتك طريح
   وداعتك يا نضر عيني كلبي مذوح وجريح
    حيل ما ضل بيه عكبك بعد ما بيه اصيح

        راح صوتي   طبك وما ينسمع
       راح صوتي   غيابك الما ينجرع

  وبعد ما شوف الكمر   كلبي والساني عتذر
           يابو الفضل يا عباس

                      الخادم
                 عباس الشويلي
             ولله الحمد والشكر

نداء العقيلة زينب سلام الله عليها لأخيها الحسين عليه السلام. (ميمر)

بظعوني شلون ياخويه.    بظعوني شلون
بينه اسوت عدوانك
وجت نار بصيوانك.     بظعوني شلون
★★★★★
مظلم نهاري ودمعتي بعيوني
حرمه وغريبه امحيره بظعوني
لوداعك العدوان. ماخلوني
حر الشمس يحسين غير لوني

ماضل كل لون ياخويه. ماضل كل لون
هاي ضعونك تاليها
ماضل كافل يحميها.  بظعوني شلون
★★★★★
جبال الصبر من لوعتي مصدوعه
اتحملت من هذا الشهر. چم لوعه
ترضه غريبه وبالاسر. مفجوعه
بين الثمر شجره اصبحت مگطوعه

اعيالك يبچون ياخويه.   اعيالك يبچون
ياهو ايحاميها اعيالك
انظر منهوبه ارحالك.  بظعوني شلون
★★★★★
گلت انا اودعك خويه وتودعني
الشمر عنك بالزجر. يمنعني
بدونك زماني ياشهم ضيعني
زينب أسيره الوادم اتسمعني

مذهوله الراي. ياخويه. مذهوله الراي
عيالك راحوا يلغالي
هجوا بليهمه اگبالي. بظعوني شلون
★★★★★
لوبيدي ابقه ابكربله ماعوفك
آخر مسيه اتمر بعد مااشوفك
ياعين تغفه. وحتى اشوف طيوفك
ابساع الخلگ  يلي انكروا معروفك

تكتل فرگاك. ياخوية. تكتل فرگاك
فرت من نار اخيامك
محتاره اجمع بايتامك.  بظعوني شلون
★★★★★
عالي برمح للشام ياضي عيني
والكربله رد راسك. ايباريني
الطيبه ظني باچر اتوديني
خابت ظنوني.  چنك امخليني

بخاطر مكسور ياخويه.  بخاطر مكسور
ضعون وردت منهوبه
الچانت باسمك مهيوبه.   بظعوني شلون

الشاعر حسن لعيبي الحريشاوي

نعي

گبل موته الحسن ودموعه بالعين
بضعيف الصوت گال وزاد الونين
أبد مايوم  مثله يخلف البين؟
مثل يومك  ابد ميصير يحسين
مذبوح وعليك الجيش صوبين
واهل بيتك على الغبره  مطاعين
عيالك تنسبي  وللغرب ماشين
والنسوان توگف بالدواويين

الشاعر حسن لعيبي الحريشاوي

لومازينب  (وزن النصاري )

لومازينب  تاريخ الطف ضل  مكسور
لومازينب   ماواحد يفهم عاشور
لومازينب
،★★★★★
زينب  بَيَّنَت هلطاغي مأثوم
شمايحمل اعلام الحرب مهزوم
ومن بعد الهزيمه  يعيش مذموم
ملعون  وفشل تاريخه للدوم

لومازينب    چان الطاغي اتماده وزاد
لومازينب     سوه ابدين الله شما راد
لومازينب
★★★★★
أنجاز وبطولات وبسالات
مثل حسين ماتنكسر هيهات
ومثل حيدر مضامين وبلاغات
بخطبتها انهدم ركن الضلالات

لومازينب  چاخلطوا حابل بالنابل
لومازينب    چاضل شامخ وجه الباطل
لومازينب
★★★★★
بصبرها والتفاني ومدمع العين
اخت حسين رَوَّتَّ منبع الدين
ابحيره ضل يزيد ويتجه وين
ومن اللوم درب الغانمه منين

لومازينب  گالوا عن الباطل خير
لومازينب  چاگلوا مابيه تقصير
لومازينب
★★★★★
يزيد ابمجلسه ظن السلامات
وظن بكربلا  روح النبي مات
گالت مثل اخوها حسين هيهات
وكتبتله النهاية من البدايات

لومازينب  عن حسين  شگد ينگال
لومازينب  گالوا طالع لأجل المال
لومازينب
★★★★★
صح شافت رزايا وظلم واحزان
وإلها ابدور طاحت على التربان
وگلبها من الهظم والنوح خلصان
بوجه الفشل خلت آل سفيان

لومازينب   يتوقر وجه الطغيان
لومازينب   يتحرف نهج الايمان
لومازينب

الشاعر حسن لعيبي الحريشاوي

نعي   بحق العقيلة زينب عليها السلام

على يامنهن أم الخدر تنحب
رزايا اهواي منها الگلب شَيَّب
على الماشاف گطرة ماي يشرب
وجسمه على الثرى طاح وتسلب
لوحامي الضعن علجيش من طب
گطيع ازنود  وبعينه تصوب
لو  عريس بدمومه تخضب
لو الاكبر هوه على الگاع  كوكب
لوطفل الرضيع ابحال الأصعب
لولضعون بيها الگوم تنهب
لولخيام بيها النار تلهب
لونسوان فوگ الهزل تركب
ها گد مايله  الدنيا وي زينب

الشاعر حسن لعيبي الحريشاوي

سـوط الشـمـر ياخـويـه ..  وير بيچ
وگـدام الـخـلـگ طـگـچ ..  وير بيچ
رجع حد خنجره بنحري .. وير بيچ

نـظـر عيني ونـسيت الـصـار بـيـه

*-----------------------*---------------------*
✍خادم الحسين ع
الشاعر رعد الجريخي

تـطـب اشـلـون زيـنـب لـلـدواويـن
تـطـب اشـلـون زيـنـب لـلـدواويـن

*---------------------------*-------------------*

مــن جــرح الـزمـن ضـلـت تـجـر ونـه
عـگب عبـاس اخوهه أنگطعت الضنـه
صـبـح خـدهـه نـهـر ودمـوع حـفـرنـه

مـالـومـچ بــعــد يـا دمـعـه تـجـريـن

*--------------------------*----------------------*

دولاب الـوگـت يـفـتـر عگـس بـيـهـه
تـالـي الشـيـب فـگـدت كـل أهـاليـهـه
راح الچـان طـولـه ايـضـلـل اعـليـهـه

ضـلـت بـالـمنـاحـه وتـهـمـل الـعـيـن

*---------------------------*------------------*

بـنـت اشـيـوخ زيـنـب زيـن مـعـروفـه
عمت عين الـوگـت خلاهه مـچـتـوفـه
وطول ام عون صعبه الشامت ايشوفه

غـيــر الـنــوح مـايـحـلـه يـطـيـبـيـن

*-------------------------*--------------------*

حيـف اهـل الشيـم خلـوهـه مـحـتـاره
وجـاهـه الـشـام كـلـه اكـبـاره وزغـاره
اشـگـد يحـمـل گلبهه الـمـاطـفـت نـاره

عـليـهـه أجـمّـعـت هالـنـاس صـوبـيـن

*--------------------------*-------------------*

بنص الـسـوگ وكـفـت زيـنـب الحـره
بـت حامي الـدخيـل وفاطمه الـزهـره
عـالـبـاب الـقـصـر ياحـيـف مـنـتـظـره

بأصعب حـال شـافـتـهـه الـسـلاطـيـن

*----------------------------*--------------------*

هـاي الـچـان مـحـد يـنـظـر الضلـهـه
امــيـره ام الـخـدر عـبـاس كـافـلـهـه
على الديوان وسـفـه أيـزيـد دخلـهـه

يـنـاشـدهـه اخـوتـچ والـگـمـر ويـن

*---------------------------*---------------------*

✍خـادم زيـنـب ع
الشاعر رعد الجريخي

السيده زينب ع اتخطاب الأمام الحسين ع


مثل حيرت ام عون اعليك .. من حار
تلوج من العطش يحسيـن .. من حار
لــو بـيـدي بـوادي الـشــام .. من حار

اضـل يـــمـــك وافـيّـلـك بـديــه

*------------------------*--------------------*
✍خادم الحسين (ع)
الشاعر رعد الجريخي

السلام على الجسد السليب



               أحسيني    گطعـــوا منحــره
               أحسيني    مرمي اعله الثره

                              *---------------*---------------*

گطعوا منحره    فوگ الثره   دمـه جـره   خلّوه 
فدوه لشيّبته   ودم لحيّته   وهـم عِمته   سلبوه
بگصته لْجرح  وجه الْصبح  فوگ الرمح   شالوه
الـحــر الابـي   سبط النبي   يرفض سبي  عرفوه

                ينزف    ظل بكربلـــــه
                ينزف    والراس اعتله

                              *---------------*---------------*

بچّـه السمـه  الينزف دمـه    نـار الضمـه   كبره
ابليل هْدعش  جسمه نْفرش  بيه اثنعش طبره
حيلي انهدم  ودموعي دم   عمري نْعدم  صبره
بين الـغـرب  كـسـر الگلب    كلش صعب  كسره

                صدره    حافر هشّمـــه
                صدره    يسعر بالضمه

                              *---------------*---------------*

شفت لْعَجب  شيبه نخضب  وسفه نْسلب   جسمه
صـايـر وصـل    هذا الحصل   محد وصل  لـمّـه
بـيـن اخـوتـه    خط موتته   ابـدم رگبته   امدمّه
گلبي اجرحت   لـمـن رحـت  يَمه وصحت  بسمه

                  وسفه    بالگاع انچوه
                  وسفه    اشتم الهـــوه

                              *---------------*---------------*

راعي المجد    لـيّـه يـصــد   مـن يـبتـعـد  راسه
الچان امس  خدري ايْحَرّس  حـر الشمس  جاسه
بطف كربله   رمحـه اعـتلـه   لسيد الـمـلـه   باسـه
حـرت بأمر    تـالـي العـمـر   صدره الشمر   داسه

                    شيبه    دمه خضّبه 
                    شيبه    الذاري ترّبه

                              *---------------*---------------*

جسمه انتثر  صدره انحفر  للخيل اثر   شفته
هـذا الـولـي   قـربـان الـي   لرب العلي   شلته
رديت احـن   وانزف حزن   وبـلا دفن   عفته
گلبي انمـرد  والصبري حد   أشضل بعد  كتله

                 اجروحه    ذاري امترّسه
                 اجروحه    ما اظن تنسـه

                              *---------------*---------------*

ظهري ألتوه  مـاصح دوه   حتى الـهـوه   ايجرحه
راسه اليشع  مـثـل الشمع   وسط الجمع   رمـحـه
بالدم غـفـه   مسرح صفه   نوره انطفه   وصبحه
ابـن الخـنـا   شفته أشجنه   اگبالي أَنـه   أيلوّحـه

                اگبالي   صارت طيحته
                اگبالي    سلبو عِمّتـــــه

                              *---------------*---------------*

✍ خادم الحسين ع
الشاعر رعد الچريخي

(شلون الحال)


شـلـون الـحـال زيـنـب يـخـت الحسين

                                     *---------------*---------------*

ادري الــشــام مـا لــچ بـيـهــه عـوانــه
مــدري شـلـون گـلبـچ حـامـل احـزانـه
يـخــت حـسـيـن والـلـه الدنيا خَــوانـه

مــن راح الـخـدر صـــرتـــي بـدواويـن

                                     *---------------*---------------*

كـلهـه الناس غـربـه وغيـره مـعـدومـه
زيـن وضـل صـبـر عـنـدچ يمـظـلـومـه
مـالـومـه الـدمـع مـن يـجـري مـالـومـه

مـوتــچ يـــم أخـوتـــچ ادري تـــرديــن

                                     *---------------*---------------*

الشامـت مـن نشد عـن حالـچ شـلـونـه
وشـافـچ بالسبي وهـدمـچ گـلب لـونـه
يـزيـنب هـاي كـلـفـه وانتي مـصـيـونـه

يـبـت حـامــي الـحــمــه ومشيّد الـدين

                                     *---------------*---------------*

وسفـه النـاس كـلـهـه اعـليـچ مـلـتـمـه
وتـنـشـاف الـمـره عـنـد العـرب زحـمـه
سـبــيـه أم الـخـدر يـا مصعب الـكلـمـه

حملتي اشــگـد حچي عـگـب الميامين

                                     *---------------*---------------*

طبيـتي الـقـصــر والـبـي زلــم كـلـهـه
بـصـعـب حــال حــره وراح كـافـلـهـه
الـمـثـلـچ كــون واحـد مـايـصـد ألـهـه

حـيـف اعــلـــه الــزلــم مجلس تطبين

                                     *---------------*---------------*

يـربـات الـخـدر تــالـي الــخــدر هـايــه
كــفـيلـچ حـيـف  راح وراحـت الــرايـه
عليچ اشگد ثكيله وصـعبـه الـحـچـايـه

صـعـبـه شلون شامت مـن تــسـمـعـيـن

                                     *---------------*---------------*

✍خـادم زينب ع
الشاعر رعد الجريخي

نعي مفجع


فـوگ الـهِـزل وشلون حـالـه
الـگـضّـن عـمـر عِـز وجـلالـه
اربات الـخِـدر فـخـر الرساله
مــحــد عـلـيـهـن دار بـالــه


مدري الزمان اشـظـام لـيـهـه
ونوگ الهزل يوجع مـشـيـهـه
هـاي الحرم ياهو الـيـجـيـهـه
مـن الـزلــم تـسـتــر بـديـهـه



عـگـب الـگـمـر بـدر العشيـره
بدرب السبي وحيرتهه حيره
يَسره وخـذوهـن غـيـر ديره
وحادي الضعن جَـد ابمسيره

*-------------------------*--------------------*

✍خادم الحسين (ع)
الشاعر رعد الجريخي

(نعي مفجع

مـو بـيـدي الامـر تـدريـه يحسين
زجــر وخــولــه الـبـيّــه مـاشـيـن
خـلـي انـتـوّادع يـا ضـوه الـعـيـن
بـاچــر اروح وحـصـتـي الأونـيـن

خـاف اتـگـول زيـنـب ما أجتـنـي
وخـاف اتـگــول زيـنـب ضيعـنـي
جـيـت وبــعــدهــه آثـــار مـتـنـي
اشّــر عَــلّــي كـونــك شـفــتــنـي

نـعـمـه واجـيـت ابـلـيـل شـفـتـك
وتـدري العساچر حـاطـت اخـتـك
يحسين حـاچـيني اعـلـه بـخـتـك
نـشــد عــلـيـك ارقــيــه بــنــتــك

                                        *---------------*---------------*

✍خادم الحسين ع
الشاعر رعد الجريخي

مجموعة نواعي بشان
زينب عليها السلام والسبي

🚩🚩🚩🚩

ابوذيات

الف موته اموت ابليل ونصاب
ماتم بالگلب كل حين  ونصاب
لذبح حسين جار الزمن ونصاب
ظهـري بـالكسـر بـعد الـشفيـه

___

دموع العين بالاحزان هاجن
نـوگ الهزل لينه ابساع هاجن
بلارحمه سياط العدو هاجن
عله المتنين والونه خفيه

___



*نعي للسيده زينب ع والسبي *

          🚩🚩🚩🚩

حرگوالخيمه وطاح العمد يناس
شمتت العدوان بيه وشيب الراس
تگول هاي مدللـة حسين وعباس
بالهظم ظلت غريبه ابليه حراس
____

بالشماته تگول زينب خارجيه
أمچتفه بحبال صارت ها سبيه
فوگ ناگه تنوح اباعظم  رزيه
عافت المذبوح عالرمضى رميه
__

الروح ذابحها الهظم الگلب ذايب
امشي بين ازلام  وانتم بالترايب
صعبه والله حالتي ابهل مصايب
بگوه اخذوني اسيره يالحبايب

___

وكاني بلسان حال زينب
  وهي تخرج من كربلا

🚩🚩🚩🚩

بالغاضريه… ذاب الگلب  بالغاضريه

ناري سريه… انحب هلي ناري سريه

گلي شبيدي…ابلا والي گلي شبيدي

ينغر عليه… وين الاخوه  ينغر عليه

استر بيديه…وجهي بحيى استر بيديه

فوگ المطيه… يقلي اركبي فوگ المطيه

يصعب عليه… درب اليسر يصعب عليه

شفت الاذيه… سب وشتم شفت الاذيه

ابن الدعيه… مجلس نطب ابن الدعيه

راس الشفيه…بيد الرجس راس الشفيه

بكسر الثنيه…اني انظرها  بكسر الثنيه

ونتي خفيه  … ابچي بقهر  ونتي خفيه


الخلود الحسيني
نسألكم الدعاء
https://www.tg-me.com/khdmat

شور على طور *يخيمات* القصيدة التي القاها الرادود عمار الكناني لشهادة الإمام السجاد عليه السلام


يسجاد .. جسمك بالمرض ناحل يسجاد
ابعنقك جامِعَه وابچـفكْ اقياد
سيدهم عجب عالناقه تنقاد
ــــــــــــ
يالراكب اظهور الهزل وامربط ابسلاسل
فوق الوجن دمع الحزن مثل المطر يهاطل
ابدرب السبي رغم المرض وابذمتك ارامل
راس الولي عن يمنتك وابيسرتك بو فاضل

يضربوك .. كـلـمـا تدمع اعيونك يضربوك
عـلـيـل ابدال ما هُمَّا يراعوك
ابشماته وابحقد والغل يشتموك
ــــــــــــ
يالعاينت كـل الأهل فوق الترب ضحايه
يـسـالـك ادروب الـسـبـي يشايف الرزايه
شِفْتْ الهضم عِشْتْ الآلم واحْكَايِتَكْ حكايه
ابْرِجْلَكْ حبل بِيدَكْ حبل وامكفَّل ابسبايه

من الناس .. شِفْتْ الضيم والذِّلَّه من الناس
عـمـاتـك سـبـايـه ابغير حراس
خواتك تنضرب بسياط عالراس
ــــــــــــ
يَـالْـرِقْـبِـتَـكْ بالجَامِعَه تنزف دِمَه دَمِعْهَا
لَمَّنْ مسامير الـحـقـد تِطْعَنْ على نِطِعْهَا
أرد اَنْشِدَكْ يا سيدي شالتِذْكِرَه ابوجعها
تِذْكِرْ ونين أم الحسن حين انكسر ضلعها

يمسمار .. مـنـهـم يوجعك أكثر يمسمار
ذاك البصدر مـن هجموا الدار
لو ذاك الـتـرك بِـالْـرِّقْـبَـه أثار
ــــــــــــ
يالَ العجب صَبْرَكْ صَبرْ حيدر علي ابحياته
ما تِحْمِلَه أَرْضْ اوسِمَه حق النبي اوصفاته
من مثلك ابدار الغُرُبْ عاين هضم خواته
وعمَّاته بين أهل الغدر شِبْعَتْ وِسَفْ شَمَاتَه

يعمات .. صاح ابـدمـعـة اعـيـونـه يعمات
شاء الله يـشـوفـنـكـن سَبِيَّات
صِـبْـرَنْ عَـالْـتِـشُـوفَـنَّـه يَلِخْواتْ
ــــــــــــ
لمصابك اَبْچِي سيـدي يالماحصل مثيله
ضيم اوقهر عِلَّه اوثَكِلْ والسلسله الثقيله
يالمدمعك مثل الجمر فوق الوجن تِسِيلَه
لـمـن تـمـر بالذاكرة قـصـة سبي العقيله

مع اجناب .. صعبه من مشت زينب مع اجناب
تصـيح ابْوَنِّتَكْ وابقلبك اعتاب
يا أهـل الـشـيـم فِزْعُو يلحباب
ــــــــــــ
هَزَّتْ عروش أهل الظِلِمْ يبن النبي صفاتك
يالناقِتَكْ سَجَّادِتَكْ يَالْمِنْبَرَكْ عَصَاتَكْ
موسى الكليم ابْهِيبِتَكْ والمُعْجِزَه حَياتَكْ
رُغْمْ الحبل والسلسله مـا فَوَّتِتْ صلاتك

على اجمال .. صلاتك ياعلي صارت على اجمال
تـوضـيـت ابـدمـع زينب والعيال
هَـزِّيـت الـكـفـر وابـچـفَّك احبال




عبدالله الفقير وخادم تراب الإمام السجاد عليه السلام
السيد موسى السلمان الأحسائي

محرم 1440 هـ
سبتمبر ٢٠١٨م

نخوه بشان السجاد عليه السلام

🚩🚩🚩🚩🚩

نخوه نخيتك سيدي يازين العباد
اقسم عليك بعمتك تنطيني المراد

بداعت حميتك
نخوه نخيتك
____
نخوه نخيتك بالدمع يبن الاجاويد
مهموم جيتك ماكو عدي حيله بالايد
يا أبن زمزم والصفا يالراعب ايزيد
سائل على بابگ انوح وماد لك أيد

بدعوه رجيتك
نخوه نخيتك
______
الابواب كلها اتسكرت وهامت الروح
بس انته بابك بالكرم كل وقت مفتوح
اليشكي سره للخلايگ دوم مفضوح
الشكوه بس الله والك يابلسم الروح

بلهفه اجيتك
نخوه نخيتك
____
داخل عليك بحضرتك يابوالحميه
واقسم عليك ابدمعة الطفله رقيه
اتزيح همي والمرض تشفيه البيه
وتسر دليلي ووفي بالنذر العليه

تفزع حميتك
نخوه نخيتك
______
ابعيني ضاگت سيدي الدنيا الوسيعه
حلفتك بنحر الحسين حامي الشريعه
وذيچ العبي المحروگه ابنار الفجيعه
مولاي اسلمك حاجتي بيدك وديعه

معروف صيتك
نخوه نخيتك
____
جيتك يبو الباقر ومني القلب ضاج
وانته طبيب ألعلتي وبچفك اعلاج
بجاهك تقبله للمحب ولكلِ محتاج
الي نسجن قهر وظلم ايحصل افراج

بحزن اعتنيتك
نخوه نخيتك


ام اباذر السكيني
نسالكم الدعاء

نعي الى الامام زين العابدين عليه السلام



خلص نهاره وكظى ليله
ممرود بالحسره دليله
بطف كربلا منهدم حيله
على حسين مابطلها الدموع

حان الوعد ياعلي السجاد
تلبي الامر يا زين العباد
للموت لحظه واله ميعاد
يالخلصيت العمر موجوع

شاف الهظم بأيام عاشور
أهله كظت ومكطعه نحور
وإخوانه راحو مثل البدور
ومن السبي دلاله مصدوع

ويه عمته صاحو سبي بيهم
بعيالهم وبلا وليهم
عدوان وتولو عليهم
والقيد ضل بجفه مطبوع

عمرك كظى بالهم والونين
والعين تدمع من دما العين
من ينذكر عطشان الحسين
السجاد ينحب لجله ويلوع


وينوح لجله.....
  يتذكر العطشان وينوح لجله
وبروحه عله وبروحه عله
   من طف عاشور وبروحه عله
شافه ويكله شافه ويكله
  خبرني يالجزار شافه ويكله
خبرني بلله خبرني بلله
هالشاة تسكيه ماي خبرني بلله

معلوم نسكيه معلوم نسكيه
      شاة النذبحه نريد معلوم نسكيه
واتوجه عليه واتوجه اعليه
         يبن رسول الله واتوجه اعليه
بمدمع يحاجيه بمدمع يحاجيه
    ذبحوك شو عطشان بمدمع يحاجيه


محمد دعبل النوري

شسولف والحچي هواي
والطف عايش وياي
رَكضت عمتي من الخيمه للتل
هاي بروحها تريدلها مقتل
ــــــــــــــــــــــــــــــــــــــ
گالولي الصبر ممدوح واترك دمعتك والآه
اهو الشايف ظهر عاشور يا صبر اليفيد وياه

آنه بدمعتي ما چنت استعرض
والطف سالفه ما تنسّي واتفض
شفت زينب ابين اخيولهم تركض
وعشره من الخيول بصدر ابوي اترض

موقف يهدم الحيل
بزينب تعثر الخيل
اعله مصرع والدي من الگوم تسأل
هاي بروحها تريدلها مقتل
ــــــــــــــــــــــــــــــــــــــ
احترگت خيمتي فوگاي بذاك الحال شافتني
زينب سحگت اعله النار ومن الخيمه جرتني

علوياتي صاحن ها يبو الشيمه
شنهو الراي ما ظلت بعد خيمه
گلتلهن يعماتي عله الهيمه
يتيمه من الرعب طاحت عله ايتيمه

دريتو بزينب شصار
دنت لثيابها النار

لحظه ولو غيور الها ايتأمل
هاي بروحها تريدلها مقتل
ــــــــــــــــــــــــــــــــــــــ
اجانه الليل بس يا ليل ليل اهدعش شيبني
إسمعت صوت الرباب اتصيح ودوني لعد إبني

گالت علي يُمه لبني خلنه انروح
دَر اللبن بلچي ألگه برضيعي روح
گلتلها الولد يآم الولد مذبوح
وخفت زينب تموت اعليها من النوح

وقريت بروحها إحساس
تعاتب عمي عباس
تريد اتروح بس اشلون تندل
هاي بروحها تريدلها مقتل
ــــــــــــــــــــــــــــــــــــــ
صبح يوم اهدعش بيّن وشفنه الضيم بنفاسه
روس وحته عبد الله شفنه اعله الرمح راسه

وزينب شافت النوگ وتناشدني
يعمه منهو عالناگه يصعدني
سجدت وگلت عمه بخدمتچ متني
گالت انته منهو ايصعدّك يبني

اعله زينب مدمعي سال
شمر يجتفها بحبال
بضرب السوط صعدت نوگ هزّل
هاي بروحها تريدلها مقتل
ــــــــــــــــــــــــــــــــــــــ
مشينه وعمتي زينب مرّوها اعله ابو اليمه
رادت تهوه بس ناديت ارحمي بحالي يا عمه

حده الحادي وضعنه الشامت ايشوفه
اشكثر زينب بچت من طبت الكوفه
الشام الشام جرحي المحد ايروفه
طبت عمتي اعله ايزيد مچتوفه

بيا دستور يا دين
تطب زينب دواوين
بت فاطمه عنها ايزيد يسأل
هاي بروحها تريدلها مقتل




خادم الحسين ( عليه السلام)
كرار حسين الكربلائي
( ابو كميل)