مولد الامام المنتظر
عليه السلام / 5 ___
المنتظر نوره ظهر عم البريه
اسما التهاني والفرح للجعفريه ___
1
بيوم الولاده شعت انوار الامامه
كل الاراضي والسما فيها علامه
حتى الجنان الخالده تشع بمقامه
هذ ا گمر عدنان ويا الهاشميه
____
المنتظر نوره ظهر عم البريه
اسما التهاني والفرح للجعفريه ____
2
نرفع أسامينا الى الهادي اوزيره
بالعشر نبصم بالتهاني للعشيره
نبارك اليكم مولد العدل ونصيره
ونگول مبروكين للزهرا الزچيه ___
المنتظر نوره ظهر عم البريه
اسما التهاني والفرح للجعفريه ___
3
لنوار كلها اشرقت يازين قدسه
ولشجار كلها أينعت ياحلو حسه
العسكري بسر من رأى زايد بأنسه
وخاتون نرجس بالسعاده الابديه ___
المنتظر نوره ظهر عم البريه
اسما التهاني والفرح للجعفريه ___
4
باقة ورد كلها فرح نبعث اليهم
امن المدينه للنجف بغداد بيهم
ومن كربلا وسامرا بالفرحة نجيهم
ومشهدْ وقم والحله بأنوارٍ بهيه ___
المنتظر نوره ظهر عم البريه
اسما التهاني والفرح للجعفريه ___
5
هذا امامي المنتظر وبحبه ولهان
هذا نصير الدينُ ومن آل عدنان
واولادته بالبركه وبنصفْ شعبان
اتبارك على كل البشر بيها وعليه
___
المنتظر نوره ظهر عم البريه
اسما التهاني والفرح للجعفريه ____
6
هذا عهدنا انجدده بيوم الولاده
ويا الايمه سادتي وجملة القاده
كل الْمشى بدربك علي نال السعاده
وگلبي ينبض لبوصالح هالعشيه ___
المنتظر نوره ظهر عم البريه
اسما التهاني والفرح للجعفريه ___
7
والباري ربنا نسأله بجاهك يمهدي
الغمات كلها تنكشف ويزول وجدي
الحج لبيته والزياره ايكون عندي
صك بامانك سيدي وللجعفريه ___
المنتظر نوره ظهر عم البريه
اسما التهاني والفرح للجعفريه ___
تمت بحمد الله وتوفيقه
الاربعاء / 18/4/2018
اول شهر شعبان 1439
الحاج / مكي العريبي
نسألكم الدعاء . ج . أ

مولد الامام المنتظر
عليه السلام / 4 ___
شعلوا البخور وعلگوا الزينه
مولد امامي اليوم يازينه ___
1
هذا المهدي وبن رسول الله
وابوه حيدر حامي دين الله
والزهرا امه وبت رسول الله
جانا نصير العدل في دينه ___
شعلوا البخور وعلقوا الزينه
مولد امامي اليوم يازينه ___
2
فرشوا بساط الفرح والبهجه
في اليوم هذا وصّل الحجه
شرّف الدنيا وللنبي مهجه
ياهلا وسهلا والله امعينه ___
شعلوا البخور وعلقوا الزينه
مولد امامي اليوم يازينه ___
3
بالنور جانا بآخر الازمان
حياك الله ياگمر عدنان
الارض تفخر والسما ولكوان
شعشع سمانا ونوره يروينا ___
شعلوا البخور وعلقوا الزينه
مولد امامي اليوم يازينه ___
4
ابواب الجنه اليوم مفتوحه
ونزلة الحور بنفس مشروحه
جتك تهني بيوت ممدوحه
بآيات في القرءآن ياسينه ___
شعلوا البخور وعلقوا الزينه
مولد امامي اليوم يازينه ___
5
لنهار في الجنه بحلاوتها
ولشجار والاثمار حاطتها
لملاك والولدان ساعتها
وبصوت واحد لك تهانينا ___
شعلوا البخور وعلقوا الزينه
مولد امامي اليوم يازينه ___
6
كل الجمادات انحتْ لجله
هيبه وجلاله وللنبي اسْلِيله
كل سنه ربي نريد هالليله
نحيي حفلنا هذا ابولينا ___
شعلوا البخور وعلقوا الزينه
مولد امامي اليوم يازينه ___
تمت بحمد الله وتوفيقه
الخميس/26/4/2018
الحاج / / مكي العريبي
نسألكم الدعاء

مولد الامام المنتظر/ 3 ___
تهانينا تهانينا
بميلادك تهانينا ___
1
سبحان ربي ال صوّرك
يا منتظر
سبحان ربي ال عطرّك
يا منتظر
سبحان ربي ال نوّرك
يا منتظر ___
2
وياكم دنيا وآخره
يا منتظر
لقلوب بيكم عامره
يا منتظر
اهل الشرف والمفخره
يا منتظر ___
تهانينا تهانينا
بميلادك تهانينا ___
3
سبحان ربي الكملك
يا منتظر
سبحان ربي ال أمّلك
يامنتظر
سبحان ربي ال جمّلك
يامنتظر ___
4
إبكل جلاله ومرتبه
يا منتظر
وبكل جمال ومهيبه
يا منتظر
ما اكرمه ما اطيبه
يامنتظر __
تهانينا تهانينا
بميلادك تهانينا ___
5
سبحان ربي الأوجدك
يا منتظر
ما أجملك ما أرشدك
يا منتظر
ما اخشعك ما اعبدك
يا منتظر ___
6
سبحان ربي الغافر
يامنتظر
من يبعد عنك خاسر
يا منتظر
والشيعي ليكم ناطر
يامنتظر ___
تهانينا تهانينا
بميلادك تهانينا ___
7
سبحان ربي الْجابه
يا منتظر
وخلاه ربي الْ بابه
يا منتظر
رحمه على أحبابه
يا منتظر ___
8
نطلب من الله العجل
يامنتظر
نطلب من الله الامل
يامنتظر
ونقيم كل سنه الحفل
يامنتظر ___
تهانينا تهانينا
بميلادك تهانينا ___
9
سلامي ليكم حاضرين
صفوا الاكل والمآئده
وحطو له كل شيء رايده
وشيلو اللي مافيه فايده
وشوفو اللي عنده سكري
ليقص عليكم بس كذي
ياكل حلاوه وبستكي
ويقول مايضره إشي
ياربي تشمل هالحفل
من مره ورجال وطفل
ابكل زياده والمثل ___
تهانينا تهانينا
بميلادك تهانينا ___
تمت بحمد الله وتوفيقه
الجمعه / /5/5/2017
الحاج / / مكي العريبي
نسألكم الدعاء

مولد الامام المنتظر
عليه السلام / 2 ___
ياگمر/ياگمر/ضوى الليالي
نفدي لك .. ندعي لك
طول الليالي
يامهدي / يامهدي / يامهدي ___
1
اهلا وسهلا سيدي بقدومك
يمهدي
نفرش لك الريحان هذا يومك
يمهدي
ننشد اناشيد الفرح وانجومك
يمهدي
ونعلنها صرخه للولا ايهنونك
يمهدي
وانزين الاكوان لجل اعيونك
يمهدي
ونفديك بالارواح والله دونك
يمهدي
والشيعة في البحرين ينادونك
يمهدي
اشملنا بدعاءك ياوقت اسحارك
يمهدي
____
ياگمر/ياگمر/ضوى الليالي
نفدي لك .. ندعي لك
طول الليالي
يامهدي / يامهدي / يامهدي ____
2
اظهر يسيف الله يثار اجدادك
يمهدي
ارفع شعار الله وشعار امجادك
يمهدي
كسر اصنام الما يطيع امرادك
يمهدي
حطم اجيوش الكافرين اللرادك
يمهدي
زعزع جذور الشرك وأبمنهاجك
يمهدي
اصنع صنايع للعدل نفدآ لك
يمهدي
___
ياگمر/ياگمر/ضوى الليالي
نفدي لك .. ندعي لك
طول الليالي
يامهدي / يامهدي / يامهدي ___
3
انته الذخر وانته الرجا والحامي
يمهدي
وانته الخلف والمنتظر و وامامي
يمهدي
وانته البقيه وسيف الله الهامي
يمهدي
وانته المعين وصاحب القرآني
يمهدي
وانته القائم صاحب الازماني
يمهدي
وانته المنقذ والحياه والباني
يمهدي
وانته الامل وانته الماي الهاني
يمهدي
وانته الغايب والرجا والحاني
يمهدي
___
ياگمر/ياگمر/ضوى الليالي
نفدي لك .. ندعي لك
طول الليالي
يامهدي / يامهدي / يامهدي __
تمت بحمد الله وتوفيقه
السبت/ 13/5/2017
الحاج / مكي العريبي
نسألكم الدعاء

مولد الامام المنتظر
عليه السلام / 1 __
1
هلا والله هلا . وبمولده هلا
هلا والله هلا . وبمولده هلا
خامس عشر شعبان
اتنورت لكوان .واتزينت لجنان
واتحلّت الولدان. باللولو والمرجان
وانخمدت النيران.مولد شبل عدنان
يازهره البستان .ياريحة الريحان
آيٍ من الرحمن . برهاني القرآن
انته لنا عنوان .وانته لنا سلطان ___
2
خامس عشر شعبان
هلا والله هلا . وبمولده هلا
هلا والله هلا . وبمولده هلا
ياشمس دنيتنا .وامن الله آيتنا
وانته وسيلتنا .وامن الله غايتنا
وانته درايتنا . وللعدل رايتنا
واحلا حكايتنا.وراعي ولايتنا
وانتوا بدايتنا .وانتوا نهايتنا ___
3
خامس عشر شعبان
هلا والله هلا . وبمولده هلا
هلا والله هلا . وبمولده هلا
يابهجة المختار .ياوارث الاطهار
ياسيّد الاخيار. ياسيد الابرار
ياجامع الاسرار. يامتعة الابصار
يامنوّر الانوار .ياأعذب الانهار
ياعسل الاثمار . ياجنة الازهار
خامس عشر شعبان
هلا والله هلا .وبمولده هلا
هلا والله هلا .وبمولده هلا ___
تمت بحمد الله وتوفيقه
الاربعاء // 9/5/2017
الحاج ///مكي العريبي
نسالكم الدعاء

صلوات صلوات .. عالهادي والباقر سوه
@@@
نور نورين الزچيه
ضوت الارض وثريه
من لعد طه اوصيه .. نور جانه امن السمه
الليل بهمومه تبده
هلا بالهادي اويه جده
نور نيشان اعله خده .. امن الزچيه فاطمه
@@@
بلنوار بلنوار .. يتعطر اهبوب الهوى
صلوات صلوات .. عالهادي والباقر سوه
@@@
جاي جبريل ابكرامه 
امن النبي وصل سلامه
على بدرين الامام .. نور بنوار الحياة
هلهلت حور العوالي
وانشرح گلب الموالي
بيوم ميلاد الغوالي .. عليهم امن الله الصلاة
…
ذكرهم ذكرهم .. للروح بالوادم دوه
صلوات صلوات .. عالهادي والباقر سوه
@@@
باقر علوم المصطفى
والهادي من بيه الشفى
الخير عالوادم لفه .. والجود من الله نزل
ميلاد ما مثله فرح
كلشي بمدايحهم صدح
وباب الله بالخير انفتح .. للي سأل والما سأل
..
بلجواد بلجواد .. كل جود من بحره ارتوه
صلوات صلوات .. عالهادي والباقر سوه
@@@
طيبه ويسامره المسه
گشعت نجوم الناحسه
والخير بفلاكه رسه .. عند الايمه الطاهره
حجة الى العتره القلوب
وكلشي ابمحبتهم يذوب
ولا من محبتهم نتوب .. امن الدنيه حتى الاخره
…
نحبهم نحبهم .. وماهمنه كل غاوي غوه
صلوات صلوات .. عالهادي والباقر سوه
@@@
علي أحمد الحمود
٨-١-٢٠٢٤

مولد الامام المهدي

مريم العذره والزجيه
بميلادك حضرن سويه

-------------------
من نولد راعي العهد بيام شعبان
الدنيه كله نورت والكون فرخان
الزهره حضرت فاطمه وحنت البيبان
ومريم العذره شالته والكلب لهفان

جابن الك احله هديه
بميلادك حضرن سويه

--------------------
حنه بصواني والشمع وعياد وفراح
جابن اله كماط ومهد وورود قداح
من وجه يشع الضوه ياناس مصباح
بكتاره يتناثر عطر المهدي فواح

شاع الخبر بين البريه
بميلادك حضرن سويه

-----------------------
جبريل هنه فاطمه من شاف مهده
وتزهي بساتين الورد ورده عله ورده
بالسمه نوره ضل يشع من نور خده
والخير كله بجيتك فاض وتبده

والكون الك ياخذ تحيه
بميلادك حضرن سويه

--------------------
لبست الدنيه بجيتك ثوب احله من ثوب
عيد وفرح يبن الحسن ياغله محبوب
نحتفل جينه بمولدك ياعشك الكلوب
حنه وشمع يضوي الك ونور الدروب

ياامل كل الجعفريه
بميلادك حضرن سويه

-------------------
الليله فرحان الموالي وناسي الحزان
والشيعه كله بجيتك فتحت البيبان
طيور السعد غنت الك مابين الغصان
كلب الزجيه بمولدك هل الليله فرحان

ونهني حماي الحميه
بميلادك فرحن سويه

---------------------

الخادم
رحيم الصالحي

قصيدة في ولادة الإمام المهدي عجل الله فرجه الشريف  ….
ـــــــــــــــــــــــــــــــــــــــــــــــــــــــــــــــ


إجَتنا  أخبار         سَعِيدة وسِمَعناها
بشَعبان الٱنوار      ولادة ٱنتظَرناها

المَايِفرَح ٱويانَه    مَرفوضَة ٱعذارَه
والمُنتَظَر جَانَه     وتِتلالَة   أنوارَه

ـــــــــــــــــــــــــــــــــــــــــــــــــــــــــــــــ

أهلاً  وسَهلاً  شَعبان      صَاحَت ٱجروحِي
إرحَم  دِلِيلِي  الوَلهَان      نَادِتَك    روحي
مِنّ الفَرَح طَگ بُركان    بجَيّتَك    بوحِي

أطيار  السّعَد  غَنّت   بالسّمَه
والكون إبتِشَر يِضحَك مَبسَمَه

مِن فَرحِتي ٱعلَلخَد    أهمِل دَمعاتِي
وَلِلمَهدي ٱبِن أحمَد    أبعَث وردَاتِي

ـــــــــــــــــــــــــــــــــــــــــــــــــــــــــــــــ

هَالليلة  لِيلَة  أنوار     بفَرحة نِحييها
وَارِث نَبينا المُختار     يِنوِلِد   بيها
باچِر يِزيحِ الأكدَار     الغُمّة  يِجلِيها

بمِيزانِ العَدِل     يِحكُم قَبضِتَه
بالحَق والقِسِط    ٱيشَيّد  دَولِتَه

ما يُبقىٰ  بِن  آدَم     مَسلوبَة أحگوگه
خَل  يِفهَم  العالَم     حَالَة   مَعشوگه     
    
ـــــــــــــــــــــــــــــــــــــــــــــــــــــــــــــــ

مِيّة   هَلَا   بهذا  اليوم    نَادَت الشيعَة
تِگصِد ضَريح المظلوم    تجَدّد  البِيعَة
رَبها   العزيز   القَيّوم    الخالِق ٱطّيعَه

بأنشودة  أمَل     تِحيِي المُنتصَف
بأهزوجَة خَجَل   دَلّالي  ٱعتَرَف

هَالليلة  لِيلَتنا      ونِتسامَر بِيهَا
يارَبّي دَعوَتنا     يِظهَر رَاعِيهَا

ـــــــــــــــــــــــــــــــــــــــــــــــــــــــــــــــ

مَحلاهَه  لِيلَة  أفراح     وكِلهَا  سَهرَانَة
والصّندَل ٱويَ القِدّاح    موَرّدَة أغصَانَه
دَمعِ  المَشاعِر سَيّاح     ورَدّد   ٱويانَه

يا  فُلكِ  وحِمَل   آمَالِ  البَشَر
يا سورَة شَمِس   يا سورَة قَمَر

غايِب  يتانونَك    مولانَه الهَيبَة
شِيعة ويِسألونَك   طَالَت هَالغَيبَة

ـــــــــــــــــــــــــــــــــــــــــــــــــــــــــــــــ

بيوم النّصِف أنسَى الآه    وَأنسَى أحزَاني
لِيلَة  إنِس   مَا   أحلاه    وجَوهَا رَوحاني
وباچِر  يِجِي  الأتمَنّاه     ويُبقَى  عِنواني

ظامي  و أنتِظِر    وَنطِر   جَيّتَه
وكِل هاي البَشَر   تِحچي بسِيرِتَه

وَينك  يَبو صَالِح   يا نور ٱعيوني
بيك الفِكِر سَارِح   ذَبلانَة  ٱجفوني

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

قصيدة في مولد الإمام المهدي عجل الله فرجه الشريف  ،،،،

ـــــــــــــــــــــــــــــــــــــــــــــــــــــــــــــــ


طيور السعادة غَرّدت      وُصلَت أخبارَه

وكِلّ الملائِك رَدّدَت           شَعّت أنوارَه

مهدي الأُمَم جانه           والدنيا فَرحانة

والدنيا فَرحانة              مهدي الأُمَم جانه

ـــــــــــــــــــــــــــــــــــــــــــــــــــــــــــــــ

يا روحي حَلّ المُنتَصف
بانَت أفراحه

مِنتَظرَة هَالشيعة بشَغف
يِضوِي مِصباحَه

وأهدَتلَه هالليلة ألِف
وردة فَوّاحة

مِتعَنية كِلها لكربله
بنَبرَة صدّاحَة

تِهتِف يمولانه                والروح وَلهانه

والروح وَلهانه                تِهتف يمولانه
 

ــــــــــــــــــــــــــــــــــــــــــــــــــــــ


فاضت ينابيع الفرح
والگلب هايم

وخِنياب امجاده طفح
بالسعد دايم

بآمَالَه عالوَجنَة ٱنسِفَح
مَدمَع الوَادم

ومَن أحيَا هالليلة رُبَح
نصرة القائم

حُبّه الرُّوَى ٱظمانه        عاش ورُبَى ٱويانه

عاش ورُبَى ٱويانه        حُبّه الرُوَى ٱظمانه

ـــــــــــــــــــــــــــــــــــــــــــــــــــــــ


وارث العترة الطاهرة 
جده أبو القاسم

أهل العلوم الباهرة
حيدر وفاطم

أحبابه كلهه ناطرة
والدمع ساجم

يَمتى الفجر يبزغ يبن
نبع المكارم  ؟

جِبريل هَنّانه               وِبجِنحه ضَمّانه

وبِجنحَه ضمانه             جِبريل هَنّانه 

ـــــــــــــــــــــــــــــــــــــــــــــــــــــــ


بمولد إبن حامي الحِمى
ٱنوِلدَت آمالي

والكون يضحك مَبسَمه
بطَلعة الوالي

هالليلة كوكب بالسمَه
ضَيّه ٱيلالي

مِشتاقه كِلها لمَقدَمه
والدمع هالي 

وِالطير بَغصانه            ظَل يِشدي بَلحانه

ظَل يِشدي بَلحانه         والطير بَغصانه

ـــــــــــــــــــــــــــــــــــــــــــــــــــــــــــ


يا نَسمة بَلغِي المُصطفى
أجمل تهاني

وحَيدر وَريثِ المعرفة
أحلى الأماني

وِلفَاطمة خَيرِ النّسَا
الحُبهه نجّاني

وحسين غيره الماصُفَه
بالگلب ثاني

يَالحبهم ٱنجانَه      ولِلجَنّة مَسرانه

ولِلجنة مَسرَانَه          يالحُبهُم ٱنجانَه


ـــــــــــــــــــــــــــــــــــــــــــــــــــــــــــــ

بقلم الأستاذ  ،،،  ستار عذاب الحچامي

قصيدة في مولد الإمام المهدي عجل الله فرجه الشريف  ،،،،

ـــــــــــــــــــــــــــــــــــــــــــــــــــــــــــــــ


طيور السعادة غَرّدت      وُصلَت أخبارَه

وكِلّ الملائِك رَدّدَت           شَعّت أنوارَه

مهدي الأُمَم جانه           والدنيا فَرحانة

والدنيا فَرحانة              مهدي الأُمَم جانه

ـــــــــــــــــــــــــــــــــــــــــــــــــــــــــــــــ

يا روحي حَلّ المُنتَصف
بانَت أفراحه

مِنتَظرَة هَالشيعة بشَغف
يِضوِي مِصباحَه

وأهدَتلَه هالليلة ألِف
وردة فَوّاحة

مِتعَنية كِلها لكربله
بنَبرَة صدّاحَة

تِهتِف يمولانه                والروح وَلهانه

والروح وَلهانه                تِهتف يمولانه
 

ــــــــــــــــــــــــــــــــــــــــــــــــــــــ


فاضت ينابيع الفرح
والگلب هايم

وخِنياب امجاده طفح
بالسعد دايم

بآمَالَه عالوَجنَة ٱنسِفَح
مَدمَع الوَادم

ومَن أحيَا هالليلة رُبَح
نصرة القائم

حُبّه الرُّوَى ٱظمانه        عاش ورُبَى ٱويانه

عاش ورُبَى ٱويانه        حُبّه الرُوَى ٱظمانه

ـــــــــــــــــــــــــــــــــــــــــــــــــــــــ


وارث العترة الطاهرة 
جده أبو القاسم

أهل العلوم الباهرة
حيدر وفاطم

أحبابه كلهه ناطرة
والدمع ساجم

يَمتى الفجر يبزغ يبن
نبع المكارم  ؟

جِبريل هَنّانه               وِبجِنحه ضَمّانه

وبِجنحَه ضمانه             جِبريل هَنّانه 

ـــــــــــــــــــــــــــــــــــــــــــــــــــــــ


بمولد إبن حامي الحِمى
ٱنوِلدَت آمالي

والكون يضحك مَبسَمه
بطَلعة الوالي

هالليلة كوكب بالسمَه
ضَيّه ٱيلالي

مِشتاقه كِلها لمَقدَمه
والدمع هالي 

وِالطير بَغصانه            ظَل يِشدي بَلحانه

ظَل يِشدي بَلحانه         والطير بَغصانه

ـــــــــــــــــــــــــــــــــــــــــــــــــــــــــــ


يا نَسمة بَلغِي المُصطفى
أجمل تهاني

وحَيدر وَريثِ المعرفة
أحلى الأماني

وِلفَاطمة خَيرِ النّسَا
الحُبهه نجّاني

وحسين غيره الماصُفَه
بالگلب ثاني

يَالحبهم ٱنجانَه      ولِلجَنّة مَسرانه

ولِلجنة مَسرَانَه          يالحُبهُم ٱنجانَه


ـــــــــــــــــــــــــــــــــــــــــــــــــــــــــــــ

بقلم الأستاذ  ،،،  ستار عذاب الحچامي

الك يل مهدي شعلنه اشموعنه
وصحنه الك مشتاگين بدموعنه
جفن الحبك سهر
يل مهدي المنتضر
اليله الكون ابتشر
ياهيبت الساده

الكون ابحضرتك
وبخت اعمامتك
كلنا احنه ابعازتك

ياقائد القاده


انته الابوو انته المحب
اسمك حرزمن ينكتب
حته القلم بي ينعجب
يابسمت الوادم

حبك نده يفرح الشجر
منجي الارض من الخطر
نرسم الك اية وصور
بيك الگلب هايم

الناده باسمك وكت اتهون وما يتحير
انته السرالمامطروق المثلك مايتفسر


،//////////////////////////////////////

ياحسين نورت دنيانه
ياحسين ارض وسمه فرحانه

يبن الزهره وعلي
بيك الهم ينجلي
صرخت حب تعتلي
يا محله ايامك

اليمشي ابدربك نجح
بل جنه اشگد فرح
نورك فاض وصدح
خلينه خدامك
عشگك فرق عن كل عشگ
حگه الگلب من يحترگ
انته النسيم التنشهگ

يمحلي دنيانه

كلشي انخلق لجلك تره
خبر الدره والمادره
املاك السمع وگفت سره
بل فرحه ويانه

انته ابحضن امك قرأن الزهره ابنورك تقره
شمس الله الوگفت عل باب ادور منك نضره
////////////////////////////////////////

مولد العباس بي نتباهه
راية احسين ابفخرشالاهه

الكافل منه ونعم
منه اتخاف الزلم
شايل غيره وعلم

رايته علاهه

خط اسمه عله السمه
فرحت بي فاطمه
يامحله الخاتمه
ويحسين گضاهه

منه الزلم وتكف بعد
هيه الزلم موبل عدد
شايل اسم راعي الشدد

يستاهل الهيبه


نركض اله ابوكت العسر
يجبر خواطر تنكسر
اسمه صبح سراعله سر

من الله تنصيبه

ياهنيال احسينك بيك انته الوفيت الخوه
شاهد چفك ويه الجود وياهو المثلك سوه


سلام البهادلي