حزين-
‏تجبرني الصدفة
‏وتكسرني السنين.
‏واوقف على اطراف العمر..
‏اترّقب رياح الحياة..
‏يمكن يجي نسناس..
‏شايل معاه الناس..
‏اشهقهم بصدري..
‏لَعلّ، ما ادري.

في داخلي صوتٍ قديم..
صدى، واظن انّه نديم..
بالحيل يشبهني،
لكن عجزت القاه!
مشكلتي اجهلني..
وعندي كثير اشباه..

انا معي ذكرى
تعرف احد نسّاي ؟

وين الطريق ؟ وليه اروح ؟
‏الجاي .. جاي من العدم

‏لو ما تغيّرني الجروح
‏يمكن يغيّرني الندم

ما غيّرك جرح ما حسيت بالوحده ؟
ما ذبّلك صمت والاصوات من حولك ؟

يموت خوفك وتخلق خوف من بعده
والفرق يكبر مابين افعالك وقولك

يهون لو يوعدك من يخلف بوعده
لا اخلفت وعدك لنفسك طحت من طولك

لوين تاخذ حنينك لا وصل حده ؟
وشلون تبكي اذا حنيت .. قالوا لك ؟

لا تفتح الباب للمتباهي بصدّه
ما شالت اعذارهم في حزنك حمولك


خالد الكيادي

مليت احس اني أحب
او انتظر على أمل

بعيد عيا يقترب
قريب لكن ما حصل

مين انت وينك ما تصب ..
صوتك واجاوب وانفعل

لو في الرياح ارجوك هب
اذا ورى الشمس اشتعل

انا ما أذكرك لاني تعبت وصرت محتاجك
ولكني معاك اذكر
متى اخر مره كنت انسان في وعيه
متى اخر مره كنت اشتاق
متى اخر مره كنت اخاف
من ليل و وله وفراق
متى اخر مره كنت اوقف طفل يبكي
وابي ظلي طفل زيه
انا متذكرك لاني
اخاف انسى قبل وش كنت
اخاف اضيع في مرايه
ولا القى اجابه لا انسألت بغفلتي
مين انت ؟
انا مسجون في جرحي
ويدخل نور من شباك ذاكرتي
ومن كثر التعب لونت
باللون الرمادي كل شي ابغاه
انا اعرف طبعه النسيان
ترك حزني واخذ فرحي
ولكن مادرى بانك فرح للموت ما انساه

#الشرقية_تبدع

كلماتي بالمشاركة مع فريق ذات
الحان احمد الهرمي
غناء ماجد المهندس

https://youtu.be/1UCi1JzMR_Y