حصريا 🔥
فزاعي جنوبي حماسي ،، بقفلة هوسه،،
لشجاعة السيده زينب عليها السلام
ع عندما سارو بيها الى الشام
ودخلت الى ديوان الطاغيه يزيد لعنةالله عليه
وعند رجوعها الى كربلاء يوم الاربعين جلست عند قبر اخاها العباس دكله 👇
〰️〰️〰️〰️〰️〰️〰️〰️〰️

ماذليت وانه اختك يعبــــــــــاس
يخسه الكال زينب طخـت الراس

يخسه الكال زينب طخت الهــام
انثايه اوداعتك مابيهــــــم ازلام
بالديوان اختك هانت الشــــــــام

خليته والشام امدنـــــــــــــــــــــك

〰️〰️〰️〰️〰️〰️〰️〰️〰️
بالديوان اختك هانت ايزيــــــــد
كتله انته وهلك عند اهلي اعبـيد
تره هيه المراجل موش تقليــــــد

من ساسه الزلمه امبيــــــــــــــــن

〰️〰️〰️〰️〰️〰️〰️〰️〰️
ماتمحو ذكرنه اشما تكولــــــــون
تاج اعليكم اخواني يضلــــــــون
وانه اخت السبع كلكم تعرفــــون

وي امثالي اشجابك تحچــــــــي
〰️〰️〰️〰️〰️〰️〰️〰️〰️
حجيت بزودي انه وماهتميـــت
وكتله اسمع يزيد الماالك صيت
اضلن شامخه اشما تحديـــــــت

ماهزاني كل هذا المــــــــــــــــــر

〰️〰️〰️〰️〰️〰️〰️〰️〰️
جبل عالي اضل مايهوه ويمـيـل
يخسه انته وامثالك بيه يعيــــل
انه اخت السباع الراهبه الخيـــل

اتحداني کونك رجــــــــــــــــــــال
〰️〰️〰️〰️〰️〰️〰️〰️〰️

بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره
https://www.tg-me.com/kEc5VGVP81k2Nzgy

عذراااااا ياعباااااس 😔

جديد 👇
ندبه لمولاتي شريفه بت الحسن ع
خصوصا لشفاء المرضى،،، 😔،،،،، تجليبه،،،
〰️〰️〰️〰️〰️〰️〰️〰️〰️

اريد العافيه منج يعلويــــــــــــــه
تره انه من المرض ماشيل رجليه
〰️〰️〰️〰️〰️〰️〰️〰️〰️

اجيت اليوم والبابج تعنيتــــــــــه
وبحركة كلب مولاتي دكيتـــــــــه
عليج المجتبى وحسين مشيتــــه

والهم اعله بابج انه ذبيتـــــــــــــه

〰️〰️〰️〰️〰️〰️〰️〰️〰️
مهموم واجيتج لاتردينــــــــــــــي
يابت الحسن كونج تضيفينـــــــي
من جفج اريد الوصفه تنطينـــــي

وريدج ياشريفه تمني اعليـــــــــه

〰️〰️〰️〰️〰️〰️〰️〰️〰️
انه الغير شخصج همي ماكلتـــــه
مضيفج یاشريفه اليوم ضايفتـــه
اجيت انه ادخيل ولايذ بختــــــه

بس انتي تعرفين المرض بيـــــــه

〰️〰️〰️〰️〰️〰️〰️〰️〰️
ماخاب الكصدلج والطرق بابــــج
مثل اهلج كريمه تضيفي لحبابـج
ومتردينه يوم الينخه طلابـــــــج

ودكليله ابشر هاي مكضيـــــــــــه

〰️〰️〰️〰️〰️〰️〰️〰️〰️
كفو ونعمين منج كلـــــــج امروه
مثل عمج نعرفج صاحبة نخــوه
ماخاب الكصدلج وعتنه عنـــــوه

وابوج المجتبى معروف ماضيه

يكاضوها اهلج والكلفه

〰️〰️〰️〰️〰️〰️〰️〰️〰️
بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره
https://www.tg-me.com/kEc5VGVP81k2Nzgy

نصاري جديد
للعلويه شريفه بنت الحسن
〰️〰️〰️〰️〰️〰️〰️〰️〰️

تعال وياي خل انكابل ام عــــون
ماتت بدرب بت اليرهبـــــــــــون
〰️〰️〰️〰️〰️〰️〰️〰️〰️
ماتت بدرب بت المياميــــــــــــن
وللعلويه زینب هلت العيــــــــــن
مايدري السبع عباس وحسيـــــن

من حکهه العقیله تعمي العيــون
〰️〰️〰️〰️〰️〰️〰️〰️〰️
من حکهه العقیله ادك علی الراس
على الماتت غريبه ابين هالنـــاس
وسفه ماحضر عمهه العبـــــــــاس

وجاشيع شريفه فوك المتــــــــون

〰️〰️〰️〰️〰️〰️〰️〰️〰️
تبچي ام عون وتحشم يالحنــــان
واتريد الشريفه الیوم دفــــــــــان
صدك عازاتهم عازات الخـــــــوان

شحلاهم لو اجو ويه اليدفــــــون

〰️〰️〰️〰️〰️〰️〰️〰️〰️
صدك والله الاخو عازات عازات
شحلاته لو طلع ويه الجنـــازات
على اجتافه يشيعهه النجيبــات

ویهیل التراب ویه الیهیلـــــــون
〰️〰️〰️〰️〰️〰️〰️〰️〰️

هاليوم العقيله تريد الاحبـــــاب
ماتت بت اخوها بين الاجنـــاب
تريد الي يهیل اعلیهه التـــــراب

يجوهه ولدفن ليهه يحضـرون
〰️〰️〰️〰️〰️〰️〰️〰️〰️
بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره
https://www.tg-me.com/kEc5VGVP81k2Nzgy

جديد هوسات لطلب الحاجه
من مولاتي شريفه بنت الحسن،،

تفزع شريفه ابساع للينتخوهــــــا
بت ابو ادلال السود معروف ابوها
〰️〰️〰️〰️〰️〰️〰️〰️〰️

الشريفه روح همك ذبه اعليهـــــه
كريمه بالكرم معروف طاريهــــــه
ماخاب النخاها والزمط بيهــــــــه

اتعناها لو جاسك ضیـــــــــــــــــم
〰️〰️〰️〰️〰️〰️〰️〰️〰️

بس اكصدهه وتعنالهه اعنايـــــــــه
وكلهه ياشريفه ضيمي اهوايـــــــه
عليج بعمج العباس والرايـــــــــــــه

تکضیهه والحاجه ابابــــــــــــــــــچ
〰️〰️〰️〰️〰️〰️〰️〰️〰️

اجيت اقسم عليج بداعت العبـاس
یابت الحسن یالبیچ اشیـــل الراس
اريد الحاجه منج موش من النـاس

تضيفينه وانتي الخطــــــــــــــــــار
〰️〰️〰️〰️〰️〰️〰️〰️〰️

يابت الكريم المايسد بابـــــــــــــــه
ابوج المايرد فديوم طلابـــــــــــــه
يعزب لليجي ويضيف احبابـــــــــه

ديوانه لليوم يعـــــــــــــــــــــــــزب
〰️〰️〰️〰️〰️〰️〰️〰️〰️

اجيت اليوم ادك بابج يعلويـــــــــه
ومن ضيم العليه احجيلج اشويــه
وبس انتي تعرفين الشكو بيــــــــه
وكلج ياشريفه عينج اعليـــــــــــــه
الوجه الله والج مديتهه ايديـــــــه
كريمه انتي واهلج اهل العزوبيـــه

ماسد بابه وامضیف اهلچ
〰️〰️〰️〰️〰️〰️〰️〰️〰️
بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره
https://www.tg-me.com/kEc5VGVP81k2Nzgy

دارميات
لسان حال مولاتي زينب ع عند مسيرها
ودخولها الى الشام
〰️〰️〰️〰️〰️〰️〰️〰️〰️

ماردت بين الناس يسري وسباتــي
خاف الهوه من ايميل يدحچ عباتي
〰️〰️〰️〰️〰️〰️〰️〰️〰️

لو حاضر العباس يوم المشينــــــه
چان الشمر ماكام يزمخ علينـــــــه
〰️〰️〰️〰️〰️〰️〰️〰️〰️

لو حاضر العباس يوم السبونــــي
مجتوفه لرض الشام مادخلونـــي
〰️〰️〰️〰️〰️〰️〰️〰️〰️

لو حاضر العباس من دخلونــــــه
جان وعلي بديوان ماوكفونــــــه
〰️〰️〰️〰️〰️〰️〰️〰️〰️

لو حاضر العباس ينطي الخبر هام
زينب علم تبقين غصبا على الشام
〰️〰️〰️〰️〰️〰️〰️〰️〰️

لو حاضر العباس اخته العقيلــــــه
اشحده واحد كال زينب ذليلـــــــه
〰️〰️〰️〰️〰️〰️〰️〰️〰️

لو يسمع العباس چلمة ذليلـــــــــه
چاكاوم اهل الشام واهل القبيلـــه
〰️〰️〰️〰️〰️〰️〰️〰️
〰️
چاكاوم اهل الشام لو يدري بيهــه
زينب اخت عباس تنكاد اديهــــــه
〰️〰️〰️〰️〰️〰️〰️〰️〰️

زينب علم تبقين هيبة وجلالـــــــه
انتي الاميره وتاج روس النذالـــــه
〰️〰️〰️〰️〰️〰️〰️〰️〰️

عاشقة العباس
الشاعره ام عراق الشمري،، البصره

〰️〰️〰️〰️〰️〰️〰️〰️〰️
✍️ حكي افتخر وبزود وتباها ياناس
بالمحشر يكولون خادمة عباس
https://www.tg-me.com/kEc5VGVP81k2Nzgy

موشح جديد
لآاستشهاد الامام السجاد عليه السلام
〰️〰️〰️〰️〰️〰️〰️〰️〰️

مات زين العابدين اليلــــــــــــــــه
ياهو يحضر لنعش ويشيلـــــــــــه
〰️〰️〰️〰️〰️〰️〰️〰️〰️

ياهو يحضر نعش زين العابديــــن
لا حضر عباس لا جاله الحسيــــن
وسفه كلهم بالطفوف منوميــــــن

ومادرو بعليلهم رك حيلـــــــــــــــه
〰️〰️〰️〰️〰️〰️〰️〰️〰️
مادرو سجادهم ماضله حيــــــــــل
كضه عمره ادموع اعله اهله یسیل
امصيبة السجاد اتصوب الدليــــــل

بالآلم کاضي نهاره وليلـــــــــــــــــه

〰️〰️〰️〰️〰️〰️〰️〰️〰️
وبالمرض خلص حياته وبالمحـــــن
ودمعته اعله الاهل ماتستچــــــــن
اضلوعه من السبي متشوف انحـن

وياطريق الشام من يمشيلــــــــــــه

〰️〰️〰️〰️〰️〰️〰️〰️〰️
ويلي عالسجاد قصه قصتـــــــــــــه
ونعلة الله اعله العده السمتـــــــــــه
ماكفاهم موت ابوه وذبحتـــــــــــــه

ذاك الحسين السمه تبجيلــــــــــــــه

〰️〰️〰️〰️〰️〰️〰️〰️〰️
ماكفاهم ليش كل هذا الجــــــــــره
وليش يوميه مصيبه مكـــــــــــرره
الزهره عالسجاد حیل مكــــــــــدره

ولبن ابنهه الیوم حک تنعیلـــــــــه
〰️〰️〰️〰️〰️〰️〰️〰️〰️

بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://www.tg-me.com/kEc5VGVP81k2Nzgy
حك افتخر وبزود وتباها ياناس
بالمحشر يكولون خادمة عبـــاس

فزاعي قصير لأاستشهاد السجاد عليه السلام
〰️〰️〰️〰️〰️〰️〰️〰️〰️

اليوم مغرب السجاد. وعياله يريدونـه

الباقر يصفج بأايــــــــــــده
يكول الوالد انريـــــــــــــده
شال وشيلته امچيـــــــــده.

وسفه غمض اعيونــــــــــه

〰️〰️〰️〰️〰️〰️〰️〰️〰️
شایل اليوم والينــــــــــــــه.
ابونه وغمضت عينــــــــــه
اخلافه بضيم ضلينــــــــــه.

ازغار اکبار ينعونـــــــــــــه

〰️〰️〰️〰️〰️〰️〰️〰️〰️
نون اعلیه ازغار اکبـــــــــار
الوالد شایل من الــــــــــدار
ونعشه للمكابر ســـــــــــــار

وصحنه ماتریضونـــــــــــه

〰️〰️〰️〰️〰️〰️〰️〰️〰️
اليوم مكدره الديــــــــــــره
شايل شيخ العشيـــــــــــره
شال وفيته اجبيــــــــــــره.

وكلهه الناس محزونــــــــه

〰️〰️〰️〰️〰️〰️〰️〰️〰️
كلهه تنعه المصابــــــــــــــه.
تون وتنعه احبابــــــــــــــه
علیه انصيح يايابـــــــــــــه

بموتك حيل فجعونـــــــــــه

〰️〰️〰️〰️〰️〰️〰️〰️〰️
بويه يوجع امصابــــــــــــك
ومانتحمل اغيابـــــــــــــــك
ماشي وعايف احبابـــــــــك.

وشخصك بویه یردونــــــه

〰️〰️〰️〰️〰️〰️〰️〰️〰️
نعشك من مشه عنـــــــــــه
بواجينه غدت حنـــــــــــه
ومنك خابت الضنــــــــــــه.

هوسه
حزنانه الدار الفکــــــــدك

〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://www.tg-me.com/kEc5VGVP81k2Nzgy
حكي افتخر وبزود وتباها ياناس
بالمحشر يكولون خادمة عبـــاس

قصيده ثكيله
لسان حال الامام السجاد عليه السلام
〰️〰️〰️〰️〰️〰️〰️〰️〰️
برض الغاضريـــــــــه. عفت اهل الحمــيــــــه
ااه يفراك العـــــــــزاز. اوجر حيل بيــــــــــــه
〰️〰️〰️〰️〰️〰️〰️〰️〰️

اه يفراك العـــــــــــزاز. هد حيلي وكضانــــــي
وبسهام الغدر لـــــیش . صد دهري رمانـــــــي
بعد شتريد منــــــــــي. خايب يازمانـــــــــــــي

مني راحو اسبـــــــاع. عفتهم نومه عالكــاع
دفنت اهلي سويـــــــه. برض الغاضريـــــــــه

〰️〰️〰️〰️〰️〰️〰️〰️〰️
عفت اهلي امنوميــــــن. وانه امشيت لشـــام
عمتي زينب ويــــــــــاي. والاطفال وايتـــــام
وروس اهلي على ارماح. تمشي اکبالي جـــدام

يمشي ويه الضعينــــــه. الراس الكاطعينـــــه
وجسمه اعله الوطيـــــه. برض الغاضريـــــــه
〰️〰️〰️〰️〰️〰️〰️〰️〰️
مشينه ادروب الابعـــــاد. من غصبا مشينـــــــه
سبايه والسلاســــــــــــل. مطبوعه بدينــــــــــه
وعمتي اعله البكو غــــاد. مهضومه وحزينــــــه

تبجي اعله المرحليـــــن. العباس وحسيــــــــــن
عافتهم رميــــــــــــــــــه. برض الغاضريــــــــــه
〰️〰️〰️〰️〰️〰️〰️〰️〰️
سبایه رحنه عالنـــــــوك. خذونه الغير بلـــــــدان
مكلوف بحرايـــــــــــــم. وانه الحيل ركـــــــدان
كضاني وهدم الحيــــــل يوم المات عطشـــــان

دم ادموعي اتسيـــــــــل. اعله الداسته الخيــــل
ماضاك الميـــــــــــــــــــه. برض الغاضريـــــــــــه
〰️〰️〰️〰️〰️〰️〰️〰️〰️
يوم احسين جتـــــــــــال بالكوه حملتــــــــــــــه
وموذر على الكــــــــــــاع اوصال اوصال جثتــه
لملمته بحصيـــــــــــــــره. يوم الي دفنتــــــــــــه

لسه جرحه ماطــــــــــاب. وناره بكلبي عطــــــاب
دهري خان بيــــــــــــــه. برض الغاضريــــــــــــه

〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://www.tg-me.com/kEc5VGVP81k2Nzgy
حكي افتخر وبزود وتباها ياناس
بالمحشر يكولون خادمة عبـــاس

طلب خاص
نعي في حق خادم الحسين ،،، المتوفي 😔
رحمك الله،، شفيعك الحسين ان شاءلله
〰️〰️〰️〰️〰️〰️〰️〰️〰️

ضيعناك يمعدل يالحنيــــــــــن
يالبصيتك حجت كل الدوايـــن
كضاي الكلافه وخادم احسيـن

〰️〰️〰️〰️〰️〰️〰️〰️〰️
وحشه امچانكم وحشه يخـدام
وين الجوادر مال كل عــــــــام
و وين الي يدك بالجادر اعـــلام

〰️〰️〰️〰️〰️〰️〰️〰️〰️
اعله اهل المواكب كلبي شاجـر
وين الكل سنه ينصب الجـــادر
مشه وخله الدليل اليوم حايــر
〰️〰️〰️〰️〰️〰️〰️〰️〰️

وينه الخدم كل عام وينــــــــــه
خل ينصب جوادر للحزينــــــــه
وتبجي دمه اعله حسين عينـــه

〰️〰️〰️〰️〰️〰️〰️〰️〰️
جاوين اليدك لحسين صــــــدره
ولخادم ابنهه اتنوح زهــــــــــره
وخل يفرشله للزوار سفــــــــــره

〰️〰️〰️〰️〰️〰️〰️〰️〰️

وينه اليخدر الجاي عالنــــــــــار
وهلا ميت هلا ايصيــــــح يزوار
وكل الهلا بشيعة الكـــــــــــــــرار
〰️〰️〰️〰️〰️〰️〰️〰️〰️

شال وفيته كلش جبيـــــــــــــره
على افراكه تون كل العشيــــره
وحزنانه وتون اعليه الديـــــــره
〰️〰️〰️〰️〰️〰️〰️〰️〰️

خير ماحجه فديوم موزيـــــــــن
وابد ماعنده ويه الناس وجهيـن
والناس اعله فكده الكل محزنين
〰️〰️〰️〰️〰️〰️〰️〰️〰️

يمشي وبالعدل يكضي الكلافات
ويندهونه دوم اعله المهمـــــات
صدك هيج زلم عازتهه عـــــازات
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://www.tg-me.com/kEc5VGVP81k2Nzgy
حكي افتخر وبزود وتباها ياناس
بالمحشر يكولون خادمة عبـــاس

فزاعيه جنوبيه للأربعين،،،،،،، تجليبه
عندما رجعت زينب من الشام الى كربلاء في يوم الأربعين جلست عند قبر اخاها ابا الفضل العباس تكله لسان حالهه،،👇

〰️〰️〰️〰️〰️〰️〰️〰️〰️
اختك من مشت مادنكت هامـه
وماهمني يزيد النذل وزلامـــــه

〰️〰️〰️〰️〰️〰️〰️〰️〰️
ضلت شامخه زينب المهيوبــــه
وماهمني طريج الشام ودروبــه
وشكتله ليزيد اسمعني النوبـــه

كتله. . اخت القاده كدامك هاي
〰️〰️〰️〰️〰️〰️〰️〰️〰️
اخوي القائد وانه القياديــــــــــه
وماطخ راسهه زينب النشميـــــه
مو حسبالكم صحتولي مسبيـــه

تاج اعليكم الحره اتضــــــــــــــل
〰️〰️〰️〰️〰️〰️〰️〰️〰️
تاج انه عليكم هايالحثالــــــــــه
ويخسه النذل لو ضلي تدنالـــــه
انه شامخه اعله الشام ورجالــــه

ذليته جم واحد بيهــــــــــــــــــم
〰️〰️〰️〰️〰️〰️〰️〰️〰️

جم واحد بواحد انه ذليتـــــــــــه
الشمر عن الرجوله اهناك حاجيته
مدنك راسه اعله الكاع خليتــــــه

دنك راسه من شاف الحــــــــــــك
〰️〰️〰️〰️〰️〰️〰️〰️〰️
ضل الراس عالي ومانزل راســـي
وكتله انه السبع معروف عباســي
وانه حيدريه منبعي وساســـــــي

تعرفوني بت داحي البــــــــــــــاب
〰️〰️〰️〰️〰️〰️〰️〰️〰️
بقلمي عاشقه العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره

https://www.tg-me.com/kEc5VGVP81k2Nzgy

فزاعيه جنوبيه بقفلة هوسه
لشجاعة السيده زينب عليها السلام
حصريا 🔥🔥🔥 قصيدة. الشيله 🔥

♛٭♛٭♛٭♛٭♛٭♛٭♛٭♛٭♛

شجاعه ومثل اخوها رافضه العيله
ويخسه الكال منهه طاحت الشيله

♛٭♛٭♛٭♛٭♛٭♛٭♛٭♛٭♛

من زينب ابد ماطاحت اعبايـــــــه
وهاي ابالكم خلوها الحجايــــــه
مثل شمرة اخوها صاحب الرايــــه

اخت الهيبــــــــــــــه ماطخت راس

♛٭♛٭♛٭♛٭♛٭♛٭♛٭♛٭♛

ذلت مانذلت بت. الهيابـــــــــــــه
بس الي كضاها احسين ومصابـــه
بت حيدر علي ذاك القلع بابــــــــه

مشهوده، الخطبه الزيــــــــــــــنب

♛٭♛٭♛٭♛٭♛٭♛٭♛٭♛٭♛

قياده مو مره زينب النشميـــــــه
ذلته يزيد اهوه وطواغيـــــــــــه
تحجي بزودهه ماجنهه مسبيــــه

بديوانه هانته ايزيــــــــــــــــــــــد

♛٭♛٭♛٭♛٭♛٭♛٭♛٭♛٭♛

وشتسواله بلا ابيوم ذلتــــــــــه
كد كيدك يزيد اهناك كلتلـــــــــه
وبهاي الحجايه الحره كتلتـــــــه

زينب قاده عالشام تضـــــــــــــل

♛٭♛٭♛٭♛٭♛٭♛٭♛٭♛٭♛

زينب شامخه رغم الجره اعليهه
وكل هذا الهضم مابينت بيهــــه
بالمجلس حجت واحبال بيديهه

المهيوبه ماهمهه الصــــــــــــوط

❀•┈•🕊•✵✵•🕊•┈•❀•┈•🕊•✵✵•🕊•┈•❀

بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره

https://www.tg-me.com/kEc5VGVP81k2Nzgy

ترند الماي طالع واحنه ابونه يموت 😔
ونريد نلم جروحه ويزيدون الشك 💔

گبل فطروا جبينه وذبحو الاوداج 😭
وترب بعيونه شمروا والضلع هم طك

وهسه اولاد هند يجملونه سهام 🏹
ماعايز دكافي الگصص ما تعرك

وابن راعية المعزى يعلق وفرحان
وفوك دموع زينب عالوضع صفك 😢

نداء لكل حسيني وافهم المضمون 🛑
ويرن بذنك كلامي وكون ما يتعتك 🖐️

كونك بيك غيره هسه وكتك حان
ثور لأجل امامك لا تبيعه الحك 🏴💔

✍️ سجاد الكربلائي

- مدير مؤسسة بني هاشم عليهم السلام

عمموها اخوتي النشامه ⭕

فزاعيه للمشايه لهل الجنوب
تقره رجالي نسائي
♕♕♕♕♕♕♕♕♕♕♕♕♕♕♕
اجت اهل الجنوب ازحوف

يالكافل تلكاهــــــــــــــــــــا
♕♕♕♕♕♕♕♕♕♕♕♕♕♕♕

البصره أجت مشايه. يالكافل تلكاها
طلعت شايله الرايه. يالكافل تلكاها
وليكم جايه عنايه. ياالكافل تلكاها

طلعو سوه ومشيتهم اشمحلاهـــــــــــــــا
اجت اهل الجنوب ازحوف يالكافل تلكاها
♕♕♕♕♕♕♕♕♕♕♕♕♕♕
اجت العماره ابهمـــه. يالكافل تلكاها
ومتعنيه لبو اليمـــه. يالكافل تلكاها
فدت ارواحهه لأسمه. يالكافل تلكاها

تكول ارواحنه الكم نذرناهــــــــــــــــــــا
اجت اهل الجنوب ازحوف.يالكافل تلكاها
♕♕♕♕♕♕♕♕♕♕♕♕♕♕
متعنيه اجت ذي قار. يالكافل تلكاها
تمشي حافي ليل نهار. يالكافل تلكاها
وماهمهه الجو الحـار. يالكافل تلكاها

وابن ذيقار ست ايام سواهـــــــــــــــــــــا
اجت اهل الجنوب ازحوف يالكافل تلكاها
♕♕♕♕♕_♕♕♕♕♕♕♕♕♕♕
بعد اهل السماوه اشلون. يالكافل تلكاها
لبو السجاد مايمشـــون. يالكافل تلكاها
ولو نتكطع يكولـــــــون. يالكافل تلكاها

لازم كون اخت عباس نفداهـــــــــــــــــــا
اجت اهل الجنوب ازحوف.يالكافل تلكاها
♕♕♕♕♕♕♕♕♕♕♕♕♕♕♕♕♕
وصلوا للديوانيــــــــه. يالكافل تلكاها
وبهوسات الحربيـــــه ياالكافل تلكاها
وي زينب النشميــــــه. يالكافل تلكاها

نضل طول لعمر نمشي اعله ممشاهـــــــــا
اجت اهل الجنوب ازحوف يالكافل تلكاها
♕♕♕♕♕♕♕♕♕♕♕♕♕♕♕♕♕
وتلكتهم الحلـــــــــــه. يالكافل تلكاها
هلا بزاير دكلــــــــــه. يالكافل تلكاها
تقده يمنه وتسلــــــه يالكافل تلكاها

باجر كربله كدام تلكاهـــــــــــــــــــــــــــا
اجت اهل الجنوب ازحوف يالكافل تلكاها
♕♕♕♕♕♕♕♕♕♕♕♕♕♕♕♕♕
طبوا كربله النوبـــــــه. يالكافل تلكاها
واحدهم درع ثوبـــــه. يالكافل تلكاها
حبيب وشاف محبوبه يالكافل تلكاها

ومن الشاف الحبيب ادموعه صباهـــــــــا
اجت اهل الجنوب ازحوف يالكافل تلكاها
♕♕♕♕♕♕♕♕♕♕♕♕♕♕♕♕♕♕♕
وصلو يم ابو اسجــاد. يالكافل تلكاهـــا
تلاكو ويه اهل بغـداد. يالكافل تلكاهــا
واهل النجف صبو زاد. يالكافل تلكاهــــا

كام ابن النجف و السفره مداهــــــــــــــــــا
اجت اهل الجنوب ازحوف يالكافل تلكاهــا
♕♕♕♕♕♕♕♕♕♕♕♕♕♕♕♕♕♕♕
هوسه، هوسه ♕ المشايه عباس اتلكه♕
♕♕♕♕♕♕♕♕♕♕♕♕♕♕♕♕♕♕♕♕

بقلمي ✍️عاشقه العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الأسم شرعا وغير مبري الذمه لكل من ينسب الكلام لنفسه او يتلاعب بالمفردات

صاحبة الحسچه الجنوبيه
ام عراق الشمري البصره

https://www.tg-me.com/kEc5VGVP81k2Nzgy

جدید👇
رباطات جنوبيه للزوار
〰️〰️〰️〰️〰️〰️〰️〰️〰️

احسين،، احضر زوارك جولك مشايـــــــــــــــــه
〰️〰️〰️〰️〰️〰️〰️〰️〰️

احسين،، الماتشيلك هاي الوادم خسرانـــــــــه
〰️〰️〰️〰️〰️〰️〰️〰️〰️

احسين،، المات بدربك هايه الموته اشمحـــلاها
〰️〰️〰️〰️〰️〰️〰️〰️〰️

احسين،، نموت بدربك مانتنازل منك عيـــــــب
〰️〰️〰️〰️〰️〰️〰️〰️〰️

احسين،، انضل انصارك لأاخر يوم بدنيانـــــــه
〰️〰️〰️〰️〰️〰️〰️〰️〰️

احسين،، وياك مقصر ماوفييك اشما ضحيــــت
〰️〰️〰️〰️〰️〰️〰️〰️〰️

احسين،، افديك بروحي وادري بروحي ومافيك

〰️〰️〰️〰️〰️〰️〰️〰️〰️
احسين،، الطف لو يرجع جاضحينه ازغار اكبار

〰️〰️〰️〰️〰️〰️〰️〰️〰️
احسين،، اقبلهه الخدمه بداعت زينب والعباس

〰️〰️〰️〰️〰️〰️〰️〰️〰️
احسين،، بداعت زينب سجل اسمي من الخدام
〰️〰️〰️〰️〰️〰️〰️〰️〰️

بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://www.tg-me.com/kEc5VGVP81k2Nzgy
حكي افتخر وبزود وتباها ياناس
بالمحشر يكولون خادمة عبـــاس