شهاده اعتز بيهه من اشوف يسولفون عن دواوييني
بالكروبات والقنواة والستوريات الجاي تنشر عن دواوييني

الف شكر لوجة نضركم وأرائكم الجميله حبايب گلبي وخادمه وممنونه 🫡

عيد الغدير
موشح
~~~~~
اليوم عدنه هذا عيد الله الجبير
اتنصب الكرار عالامه اميـــــــــر
🌹🌹🌹
صار امير اعلينه حماي الدخيــل
والخليفه نصبــــــه الله الجليــل
هاذه اخو المختار والدينه سبيل
المايبايع اله يصلـــــــه بالسعيــر

*✍️الشاعر فالح العامري*
🌹🌹🌹
خســـر كلمن مايبايع حيــــــــدره
هذا ابو الحمالات قالع خيبــــــره
علي يحضــر النه دنيا واخـــــــره
لو حضر ويانه باجر مانحيـــــــــر

الشاعرة ام عراق الشمري،، البصره

🌹🌹🌹
فاز كلمن بايع الحامي الحمـــــــه
هوه ساچي شيعته يوم الضمـــه
بيعته وحبه امر من السمــــــــــه
خلي نعلن اله بيعـــــــه بالغديـــر

*✍️الشاعر فالح العامري*
🌹🌹🌹
بالغـــدير اليوم كلنه انبايعـــــــه
عالكلب اسمه ندكه ونطبعـــــــه
المايبايع ترى الحيدر مرجعــــــه
غير حيدر ابد مايلكه نصيــــــــر

الشاعرة ام عراق الشمري،،، البصره
🌹🌹🌹
بيعتـــه وجبت على كل البشــــر
الـــى يرفض بالله اودينه كفــــر
عالصراط ايحير چدمه ماعبــــر
وابصفحته انكتب مواه السقــــر

*✍️الشاعر فالح العامري*
🌹🌹🌹
حيـــدر الكـــرار الله منصـبــــــه
تاج خـــــلاله الجليل ومرتبــــــه
اليوم منه اعداه ضلت مرعـبـــه
صار حيدر هوه الاول والاخيــــر

الشاعرة ام عراق الشمري،، البصره
🌹🌹🌹
حيدره العالي من رب العلــــــــــي
على ساچي العرش مكتوب الولـي
علـــــــــــي ماكو گبله واحد او ولي
والمحمد صارلــــــه عضد واظهيــر

*✍️الشاعر فالح العامري*
🌹🌹🌹🌹🌹🌹🌹🌹🌹

تمت بعون الله تعالى
بقلم
الشاعر. فالح العامــــــــــــــري
الشاعره ام عراق الشمـــــــــــــــري

ولایجوز حذف الاسم شرعا
https://www.tg-me.com/kEc5VGVP81k2Nzgy

ابوذيه مشط زنجيل
في حق امير المؤمنين عليه السلام

💕💕💕💕💕💕💕💕💕

علي * كمره ويلالي يضل. بسماه
علي * ولساني يهلج دوم بسماه
علي * لوكلهه ضدي تصير. بسما
💕

ازل عن دربه لا هيهات. مازال
لساني بحب علي الكرار. مازال
معاهد للمنيه. وياه. مازال
💕

وكلبي ماعشك غيره. ولامال
وماينفعني حب دنيا. ولامال
حيدر هوه احلامي. ولامال
💕
وهويتي ومذهبي حامي الحميه

💕💕💕💕💕💕💕💕💕💕

عاشقة العباس
الشاعره ام عراق الشمري البصره

https://www.tg-me.com/kEc5VGVP81k2Nzgy

دارميات في حق الإمام علي عليه السلام
بمناسبة عيد الغدير الأغر وعيد الله الاكبر
🌹🌹🌹

خل تسمع الشمات واهل النواصب

بس لعلي الكرار تحله المناصب

🌹🌹🌹

مو ياهو كلمن كان خلاله منصب

بس حيدر الكرار حك الله يخطب

🌹🌹🌹

مايصح واحد زين يحجي ابداله

بس حيدر الكرار يحجي بعداله

🌹🌹🌹

✍️بقلمي عاشقه العباس الشاعرة ام عراق الشمري البصره ولايجوز حذف الاسم شرعا وغير مبري الذمه لكل من ينسب الكلام لنفسه

https://www.tg-me.com/kEc5VGVP81k2Nzgy

كل عام وانتم بخير احبتي
مبارك عليكم الولايه 🌺🌺🌺🌺🌺🌺🌺🌺