هلا…بگصاي المنايه
هلا...حامي بلا حمايه…. هلا طب بعناده

هلا … .صاحتله يليلئ
هلا… ثنه عله الكحيلئ.. هلا وجاب مراده

من زوده…. مبين بميدانه
من زوده…تحيرت عدوانه
من زوده…فرض بطف شانه

قائد.. قائد.. علزلم
بيهم.. بيهم.. مايهم
هيبه ..هيبه .وبي عزم


هلا.....بزود ابن الزجيه
هلا ...طب للغاظريه ....هلا وشد حزامه

هلا… يبسهه وحصدهه
هلا..عن خيامه ردهه… هلا.وشال الهامه

وبسيفه.. گام يحصد بيهه
وبسيفه.. واصل التاليهه
وبسيفه ..عطوه مايطيهه

موته… موته.. الاكته
فارض ..فارض.. هيبه
هيجي ..هيجي.. نخوته


هلا ..ليلئ تكول طبهم
هلا.. وبني هل وصلهم… هلا ياخذ ثاره

هلا.. جاب الراس بيده
هلا.. هذ ابن الصميده… هلا حلوه اخباره

ياغانم… جاب راسه وبيده
ياغانم…اخذ كلشي يريده
ياغانم ..بجفه صاير صيده

جابه… .جابه.... للخيم
راسه ..راسه.. وكله دم
بيهم… بيهم… هل ثلم

هلا.. بلشايخ بطبعه
هلا.. هيبه بين ربعه… هلا. هاي علومه

هلا ..هوس هيج هوسه
هلا… والعايل يدوسه.. هلا. شمحله رسومه

وبيومه… تحيرت عدوانه
وبيومه… تركض وفحطانه
وبيومه..ثابت بميدانه

ثابت… ثابت.. بلحرب
وينه.. وينه… الي طب
بيهم… بيهم.. حل رعب


ابو سلام الجابري


https://www.tg-me.com/jjdicjcsk

مسودن عشك بحسين ويلموني
ونته الهوه ونور وسط عيوني

بس انته حبك يختلف بدمعه
ومن اسمع اسمك ابجي وحدي وانعه
بليل اكعد ظلمه وشعل شمعه

وذكر مصابك هيج صار جنوني

اذكر مصابك بلعمر يوميه
وبس السواد يلوگ صار عليه
وبجي بجي الراحت مشت مسبيه

وياريت اموت بمجلسك خلوني

ياريت اشوفك بلحم وتمنه
عطشان لو راوي الظمه منلجنه
جسام بدل دمه حط الحنه

هم كال خلصت والحرب زفوني

مرات احيرن وصفن نشل حالي
لو لحضه اغفل ماتمر بالي
الناس عدهه وسهله كلمت غالي

غيرك ابد ماعايش ويظنوني

الحاب غيرك ينذل بمحبوبه
ونته اليحبك سهليت دروبه
تاج وتحطله الخادم من سلوبه

اتمنه خادم للخدم ترظوني

ابو سلام الجابري

https://www.tg-me.com/jjdicjcsk

خليني بدرب زينب والحسين
اكعد بدمع وتغورك العين
اكعد وبجي بهداي
راحو محد وياي… .
&*&&&****&&
يم الاربعه خليني بلباب
انطر بلكت يردون الحباب
عافوني ومشو جاشنهو السباب
اعاتبمن بعد ماينفع عتاب

راحو ما يردون
وخل تروح العيون
وحشه خلافهم وتصير السنين
*&&**
وحشه خلافهم ظلمه وحزينه
راح حسين عنه ومايجينه
نبجي الناس ماتدري بجينه
يم الاربعه وحنه شبدينه

بس دموع العيون
حيره بحالي يدرون
وصرنه خلافهم حال المساچين

&&&&*&&**
خليني اظل ونطر وتاني
عليله وياه حسين وماخذاني
يم عباس حيرني بزماني
ولا طارش وصل منهم لفاني

نگطعت كل الاخبار
بگلبي وتلهب نار
ونتي وياي احس والحالي تبجين
&*&&
اطب للبيت وتذكر صورهم
مايخلص علي طول سفرهم
وخاف الموت ياخذني بهجرهم
راحو ماشبعت وشوف منهم

راحو ولسفر طال
وانه الحال ياحال
وين الكه الصبر كليلي ومنين
*&*&&**&&&
وين الكه الصبر وذكر رقيه
جنه نسولف ونكعد سويه
اخاف هناك تلفيهه المنيه
وگلبي يكلي راحت ماكو جيه

راحت ماترد دوم
بيه تزيد الهموم
بس وياي اكعدي ولا تطلعين


ابو سلام الجابري

https://www.tg-me.com/jjdicjcsk

الساده زعلو والحرب طبوهه
حدر الحوافر والجثث خلوهه

الساده زعلو وبزعلهم شاره
وعباس طبهم  يحصد بتاره
خلاهه غاره ماتوجد غاره
من الموت كلهم ماتصح كل جاره

وبساط ياروس الزلم فرشوهه

زعلو الساده وطبو بيرغهم
ياجيش هذا اليوصل ويم حدهم
تذبح زلم بطف صفت هيبتهم
زلمه وشجاع اليشرد ومن عدهم

وخشوم جيش اهل الغدر كسروهه

فرگو خشوم العاندوهم بطف
وجسام يلگط سيفه بيهم ماكف
الاكبر خزرهم هيج صفاهم صف
وعرج الهواشم بلهواشم هل رف

وعطوه بهذاك اليوم ماطوهه

طبو سويه ونارهم لهابه
والموت فرع علكفر فك بابه
الزامطتهم مو زلم جذابه
وحتار ويه الجيش كلمن جابه

والمعركه سباع بعقل درسوهه

زعلو زعل لاينوصف لاينعد
وعباس سيفه من الرگب مايبرد
اكلهم اريدن جيش ودولي شكد
الشعلهه نار الطف وبد ماتخمد

ولليوم ظلت تنذكر خلوهه

ابو سلام الجابري


https://www.tg-me.com/jjdicjcsk

خويه اليوم زينب عايشه وياك
وباجر هلوكت جا وين تلكاك

باجر هلوكت دم تهمل العين
ولاخيمه التلمهه ولا دواوين
شلون تعيش كلي خلاف الحسين

يظل دوم الگلب ياخويه برجاك

بس اليوم اشوفك ونته وياي
وباجر ونتي عله حسين بهداي
ظماي يصير الك ماريدن الماي

شمصعب هل عمر لوظل بلياك

شمصعب هل عمر وخلافك يصير
وزينبكم وحيده وباجر تحير
تظل تذكر حجيكم والتصاوير

حد الموت ابد مايوم تنساك

حد الموت تترجه وتردون
ومن كثر الدمع وتروح العيون
ياهي تعوف اخوهه وماهو مدفون

بكل خطوه وتون تذكر اظماك

بكل نگله جدم والحسره والاه
كون حسين اكولن ميته وياه
موذر بلمعاره شلون عفناه

وهذا يصير باجر كون عفناك


ابو سلام الجابري


https://www.tg-me.com/jjdicjcsk

حي الله جسام…. حي الله جسام

حي الله جاسم من برز للحومه
خله الجثث فوك الارض مرسومه
يم الحسين بزود وده علومه
وكلهم يفوت ابفاله والطف يومه

كلهم يسوي الراده
جسام يحيد الساده
عاند وهو عله عناده
حي الله جسام.. حي الله جسام

شد الحزام وكام يحصد بيهه
يلكله غيره الغيره اهو راعيهه
جسام حالف كال كون اكضيهه
وهوه المراجل شيخيهه وراعيهه

حيرهه بطف حارت
مثل الغنم شو صارت
نار وعليهم دارت
حي الله جسام

ابيوم عرسه وحنته البجفوفه
جسام طبهه وخله بيها الخوفه
كلهم السوي فتوك ما مريوفه
وحسين عمي وحيد ابد ماعوفه

طباهه راعي الغيره
خلاهه كلهه بحيره
ديره وتخبر ديره
حي الله جسام

بعيونه غيض ومن يهز صمصامه
تموت العساكر خوف اهي جدامه
سواهه تله وداسهم بجدامه
من عوده ماخذ سيف لف عمامه

شبل الحسن شلاهه
تلال الزلم سوهه
كل عطوه ماطاهه
حي الله جسام

جسام ياشبل الحسن وهلاله
ويفور سيفه شلون فور دلاله
خلهه ماتت  وترجف الخياله
هذا العزم والزود زود افعاله

حيد وحكمهم سيفه
ويلگط زلم وبكيفه
منهم اخذ كل حيفه
حي الله جسام


ابو سلام الجابري


https://www.tg-me.com/jjdicjcsk

دليني يابو سكينه دليني
لجفوف اخيي من عمت عيني

كلولي فاگد جفين
وسهم نابت بلعين

دليني خويه وخل اشوفنه
يم راسه اكعد وجذب الونه
عباس اخيي شلون اعوفنه
وفوك التراب وما اودعنه

اريد اكعد براضه انعاه
ونحب واموتن وياه
للهم يغالي ولا تخليني
***
دليني خل اسحب سهم عينه
ونكعد سويه ونسمع ونينه
عباس راح ومايرد لينه
خلافه الكفر يحسين تولينه

اخلافه احير بدنياي
لو راح ماريد وياي
فدوه رحتلك خويه حاجيني
****
فدوه رحتلك كلي بجروحه
گبله انه اخيي وروحي مذبوحه
ياگلبي لجله الما بطل نوحه
من فدوه روحي راحت الروحه

لو راح ياضي عيناي
ومنين اجيبنه ادواي
نار الهجر ياخويه تجويني
****
وديني يم جف الكمر غالي
فدوه رحتلك ورحم بحالي
عشت العمر عباس يبرالي
من بعده احيرن مالي وتالي

غير الدمع والحسرات
واحتار بين الشمات
ودموع عيني الهيه تعميني
*
طاحت الرايه وطاح صيواني
وخلافه تكثر بسبي احزاني
اشلون هيجي بغربه خلاني
هوه الكفلني وهوه جاباني

كلالي انتم بحماي
عافني شو لجل الماي
ومحد بعدكم خويه يحميني


ابو سلام الجابري

https://www.tg-me.com/jjdicjcsk

تحزم بطف عباس
ثنه وماطخ الراس
بدر الهواشم

عباس متحزم دخل بلحومه شد حزامه
ياليث ماهاب الزلم محد وكف جدامه
خلاهه طفحت بدمه والدم وصل للهامه
وبرگاب عدوانه يحد يجرد جرد صمصامه

ياليث يمحير عداه
ويموت كلمن لاكاه

ومن ملكاه حتارو بطف

اتنخه بخته ومن فزع كال الكفر وكظيهه
وشتات سواهه وزعل يخبطهه ويصفيهه
مشراد ماصح لا درب وبسيفه يخبط بيهه
موت احمر وحنضل صبر يعصرهه ويرويهه

يگلبهه لو هز يمناه
عباس وطف شلاه

ما لاگو تنخه بزينب

للطف ابو فاظل دخل شمس الظهر راواهه
يبس عروگ العادته ومثل الكصب خلاهه
يكسرهه ويحش برگب بسيف طب لاواهه
يتونس بسوح الحرب يتنومس بملاكاهه

يتنومس بملكه السيف
عباس ياخذ كل حيف

ويلهب نار سيفه بجفه

بحسين يتنخه الگمر والموت كلهم وياي
ماكصد الاجل الحرب عباس كاصد للماي
لو طابهه بصيغه غضب ماكفته الكوفه شواي
ويرد من عدهم عدد بلكت يوجدون الراي

شويه وذوله يخافون
العباس لا ميگربون

ما لاكاه الجيش تخلخل

يراد فوگ من العدد هذا وبعد وبكده
والجيش لحظه ولو زعل عباس كله يحصده
الماشايف فنون الحرب هليوم طاح بشده
متعني طب للمشرعه ويازلمه يوكف ظده

يازلمه كلي الاواه
وعباس عايش خلاه

والملك الموت صاير سيفه



ابو سلام الجابري



https://www.tg-me.com/jjdicjcsk

ياهو اليكل لسكينه
عباس طايح علنهر

عباس لا جربه وعلم
ياهو اليكل لسكينه
ووحيد ظل بين الزلم
ياهو اليكل لسكينه
ومكطعه جفوف الشهم
ياهو اليكل لسكينه
وبجثته يحير اليلم
ياهو يلكل لسكينه

والسهم ماخذ عينه
عباس طايح علنهر
ياهو اليكل لسكينه

راح وبعد ماظن يرد
ياهو اليكل لسكينه
وبجروحه يحتار اليعد
ياهو اليكل لسكينه
والخيل مارته مرد
ياهو اليكل لسكينه
مايرهم طماد ونشد
ياهو اليكل لسكينه

وبلكاع يا جفينه
عباس طايح علنهر
ياهو اليكل لسكنيه

علنهر طاحت جربته
ياهو اليكل لسكينه
وسفه الحوافر سحكته
ياهو اليكل لسكينه
گطعو يمينه ورگبرته
ياهو اليكل لسكينه
وعلكاع طشو جثته
ياهو اليكل لسكينه

من دونه هل ظلينه
وعباس طايح عنهر
ياهو اليكل لسكينه

راح الحسين ومدده
ياهو اليكل لسكينه
حطاه بحضنه وسده
ياهو اليكل لسكينه
وشمتت بينه العده
ياهو اليكل لسكينه
من دونه رد بوحده
ياهو اليكل لسكينه

وظل يصفج بجفينه
عباس طايح علنهر
ياهو اليكل لسكينه

من راح حظرنهه العبي
ياهو اليكل لسكينه
من بعده رايح ننسبي
ياهو اليكل لسكينه
وتشوفنه عيون اجنبي
ياهو اليكل لسكينه
وتروح يابت النبي
ياهو اليكل سكينه

بدموعنه متانينه
عباس طايح عنهر
ياهو اليكل السكينه


ابو سلام الجابري



https://www.tg-me.com/jjdicjcsk

ظلو ليش اهل ازينب .علئ الكاع

ظلو ليش اهل زينب بلا جفان
ولا جناز يمشي ولا كو دفان
وزينب حايره وتريد الاخوان

((ونت من شافت واليهه))

ونت حيل زينب وخت الحسين
من شافت اخيهه صوابه بلعين
وجثته مطشره بوسط الميادين

((شلون تلمهم محتاره))

شلون تلم اهلهه تفك الحبال
اديهه مجتفه وتمشي ويچتال
ياعباس صاحت والحمل مال

((مسلوبه هاي اخت الكافل))

صاحو. هاي خت كفال الظعون
ظل علكاع ينزف ماهو مدفون
اخذوهه هناك يمه ولا تكربون

((دم تبجي گباله وخلوهه))

دم تبجي عليهم تعمي العيون
والشمات صاحو ما يردون
گبالج ذول كلهم هل يسمعون

((گبال اخوتهه وشتموهه))

ابو سلام الجابري


https://www.tg-me.com/jjdicjcsk

ابنج تحزم للحرب ياليلئ كومي دعيله

ابنج كصدهه بهمته
ياليلئ كومي دعليه
هل راح مر بعمته
ياليلئ كومي دعيله
نشفت وذبلت شفته
ياليلئ كومي دعيله
وميه جانت طلبته
ياليلئ كومي دعيله

يبعد عليج بهل درب
ياليلئ كومي دعيله

ابنج تره وحيد ويهد
ياليلئ كومي دعيله
بلكت الج سالم يرد
ياليلئ كومي دعيله
والعطش ذبله الجبد
ياليلئ كومي دعيله
وشلون منج ينفكد
باليلئ كومي دعيله

وخلافه بس دمعج يصب
ياليلئ كومي دعيله

حير الجيش بفزعته
ياليلئ كومي دعيله
والافهم ما لاكته
ياليلئ كومي دعيله
وتكول حيدر شمرته
ياليلئ كومي دعيله
وفه الحسين بركبته
ياليلئ كومي دعيله

نار وعليهم من يطب
ياليلئ كومي دعيله

طبهم ولا همه العدد
كومي ياليلئ دعيله
وفاي الاكبر للوعد
كومي ياليلئ دعيله
مايلحگ البهم شرد
كومي ياليلئ ادعيه
خلاهه ماتندل ابد
كومي ياليلئ ادعيله

خلاهه ماخذهه الرعب
كومي ياليلئ ادعيله


ابو سلام الجابري


https://www.tg-me.com/jjdicjcsk

رمله تعنت الجاسم… تحئني
ومن حر الشمس رادت تغطي


اجت رمله الابنها وهوه مذبوح
وجابت حنته وتحني الجروح
تكله شلون تترك امك اتروح

ونيشان العرس جا وين اودي

جابت حنته وجابتله الهدوم
بت عمك تكله تريدك تكوم
لتخليهه يبني تظل للهموم

وتبجي شما يمر جسام طاري

عجنت حنته من دمه وتكول
هسه يكوم ابني وماهو مكتول
واعدني يرد جا هيجي معقول

مايخلف وعد ياجاسم دري

مايخلف وعد وفاي العهود
مايرظه ابدل هدومي بسود
عريس الولد وياي موجود

عرسه اليوم مايمشي ويخلي

شلون يعوف عرسه ويبقه علكاع
هذا ربات نيبه وضنوت سباع
اموت وياه كون يصير الوداع

من عمري عمر والجاسم اطي


ابو سلام الجابري


https://www.tg-me.com/jjdicjcsk

البگه يحسين من گلبي… بعد بيت
عله ناگه وماظن يلمنه… بعد بيت
مشيه وراسك يگلي.. بعد بيت

شكلك بسبي ظاعت رقيه

ابو سلام الجابري

وين زينب سوتلهم فاتــــــــــحه
عله الهزيله هنـــاك صارت نايحه

عله الهزيله وصار جادرهه الحبل
تعازي بلمجتوف مدري المنچتل
عيون ماترظه تكف ساعه وتمل

تعوفهم علـــــــــكاع عنهم رايحه

تثوب الهـــــــــم بلدمع لو بلعويل
تميل ويه الــــناكه هيه شما تميل
تحير بظــــعون المشت لو بلعليل

والحديد يكــــص رگبته وجارحه

ماكو ماي تثـــــــــــوب الهم بلدمع
تبجي سكــــته تخاف بلون تنسمع
عله الهزيله وذكــرت مصاب الظلع

جروح صـــــارن گلبي هذ الذابحه

وصـــــــلت الذيج الخرابه المظلمه
وعدهه طــــــفله عله الدلال معلمه
شلون من شافت طشت يگطر دمه

تحاجي ابوها تريد تســـمع صايحه

هناك وبذيـــــــــــج الخرابه وبلغرب
ولعد راس حـــــسين والمدمع يصب
گالن  عــــــــــــــلينه بعد لحد يطيب

اليوم يمـــــه بنيته ظلت طايحه


ابو سلام الجابري


https://www.tg-me.com/jjdicjcsk