أنا بقيت مبصدقش اي مشاعر طالعة ليا مهما كانت

كنت بغرق ومش قادر اتنفس وخلاص حسيت ان دي هي النهاية واني هبقى مخنوق كدا لحد ماموت. فجاة في شخص جي ومدلي ايده ، رجعت اتنفس وضحكت وفضل ماسك ايدي لحد ماوصلت بر الامان، بقى سبب كل حاجه حلوه ف حياتي حبيته وتعلقت فيه بقيت احس ان هو سبب حياتي هو سبب اني لسه عايشه . لحد ما جي ف يوم وجرني من ايدي وخدني لطريق البحر الي كنت بغرق فيه ببطئ وكل خطوه بنتقدم ف الطريق دا كنت بختنق اكتر وبقوله اني خايفه واني بكره الطريق دا عشان بيفكرني بكل لحظة خنئقه وموت شفتها طلبت منه انه يتكلم انه يطمني بس فضل ساكت ومقالش ولا كلمه ، ورغم دا فضلت مكمله معاه عشان واثقه فيه واستحملت المشاعر الي جوايا وفضل ساكته لحد ما وصلنا للنقطة الي كنت بغرق فيها ساب ايدي ورماني ف نفس المكان بالضبط ودار ظهره ومشي من غير حتى ما يبص وراه . ومن يومها وانا بغرق ومش مادد ايدي لحد عشان المره دي يا اخرج انا لوحدي واتنفس تاني يا افضل اغرق واتخنق لحد ما اموت.

خطوبتي يوم ٢٠٢٤/٤/٢٤
حددت المعاد باقي العريس بس

نظرة الحب الحقيقية نلاقيها ف المطارات وقت السفر ،
الدعاء الحقيقي نلاقيه ف المستشفيات،
الدموع الحقيقية تلاقيها وقت الجنازة
الندم الحقيقي نلاقيه ف المقابر ،
لاننا وببساطه منعرفش قيمة بعض الا ف النهايات.

‏النصيحة إللي المفروض تحطها في جيبك وتحتفظ بيها لحد ما تموت هي: اختاروا تعيشوا مع ناس حنيّنة لينة القلب عشان تعرفوا تعاشروهم لإن القسوة وحشة ومُنفّرة والحنّية هي ألطف صفة في العالم.

اغنية مليانة مشاعر فعلاً
تخليك كدا حاسس انك لازم تقدر كل حاجة حواليك دلوقتي عشان بعد فترة هتوحشك كل تفصيلة من اي حاجة مش عاجباك دلوقتي .
قدرت اصالة ترجعنا لكل لحظة حلوة عشناها مع اهلنا وكل حد دخل حياتنا وخرج منها بس لسه بنفتكر تفاصيله الحلوة وأيامنا سوا

خلوا بالكم من بعض ومن الناس الي بتحبوها عشان في حاجات لو راحت مش هترجع

بتحبني ولا الهوى عمره ما زارك …

‏أكتر حاجه ممكن تلفت إنتباهي في حد هى حنيته فعلاً.

‏حتى الخاطر ليه حدود مش بس الصبر

‏تكرار نفس الوجع اكتر من مره بيخلي عقلك اوقات مبيصدقش ان ده حصل ! بتحس عقلك من كتر ما هو مش مستوعب انك هتعيش الوجع ده تاني بيرفض يعيشه ويحسسك انه محصلش .

‏عايز حد يأكدلي إن فيه نور ف نهاية النفق.

‏انا مش بتاع علاقات مؤقته يا جماعه يا هتبقى علاقتي بيك سطحيه اوي يا هتبقى حبيبي اوي انا بحب الامان في علاقتي بأي حد وبحب اكون مطمن دايماً انك هتبقى موجود مهما حصل استحملك وتستحملني ونبهدل بعض بس نفضل انما شغل انك تقرب شويه وتبعد شويه وتخليني خايف اخسرك فى اي وقت دا متعملوش معايا.

يمكن فِ يوم القدر يجمعنا وهتيجي عيني ف عينك وبنظرة هقولك وحشتني

ازاي كل الحب دا يتحول لمجرد ذكرى كل ما افتكرها بتخنق وعيني تغرق بالدموع ؟

مش عارفة مين محتاج يسمع دا …

انك متسبنيش لتفكيري دي افضل لغة حب ممكن تعبرلي فيها …