Reklama uchun toʻgʻri auditoriya tanlash

Lamborghini hech qachon televizor orqali reklama bermaydi. Chunki, bu mashinani sotib oladiganlar televizor koʻrishmaydi!

Ular reklama uchun toʻgʻri auditoriya sifatida motoshoular, avtopoygalar, har-xil ijtimoiy tarmoqlarni tanlashadi. Lamborghini sotib olish ehtimoli boʻlgan odamlar aynan ushbu joylarda albatta boʻlishadi.

P.S: Siz nafaqat yaratgan mahsulotingiz uchun, balki oʻz auditoriyangizni shakllantirishda ham reklama uchun toʻgʻri joy tanlashni oʻrganing.

👉 @ITmavzu

Sen ham frilanser bo'la olasan

Bu gapni aytish oson, shunaqa emasmi? Frilans, IT'da biznes qilish, uyda o'tirib pul topish — keng tarqalgan gaplardan biri. Xo'sh, frilanser bo'lish qiyinmi? Yo'q!

Yana osongina javob berdim. Keling, unda qiyin savolga o'tamiz — Frilanser bo'lish uchun nima qilish kerak?

1. Biror IT-sohasini o'rganing.
IT'da biznes qilish uchun IT-sohasini o'rganing. Masalan, dasturlash, grafik dizayn, 3D model yaratish, kopirayting & marketing shular jumlasidan. Sohangiz uchun kamida 3 oy ajratsangiz, ushbu sohada mayda buyurtmalar olib, bajarsangiz bo'ladi.

2. Portfolio yarating
Xohlagan mijozga yozsangiz, birinchi o'rinda sizdan portfolio so'raydi. Portfolio — sizning qilgan ishlaringiz jamlanmasi. Odatda bular kichik sayt yoki telegram-kanal bo'lishadi. Uning ichiga ishlaringizdan eng saralarini tashlang va mijozga ko'rsating. Portfolio mijozning ishonchini oqlashda katta ahamiyatga ega.

3. Frilans-birjalardan ro'yxatdan o'ting
Biror IT-sohani o'rgandik, portfolio yaratdik, ammo yana bir narsa bor — frilans birjalardan ro'yxatdan o'tish. Frilans-birjalar — mijozlar va bajaruvchilar bitta joyga yig'ilgan platforma. Ko'p hollarda bu sayt bo'ladi.

Frilans-platformalar — fl.ru, upwork.com, kwork.com, weblancer.net, freelance.ru

Bor-yo'g'i 3 qadam orqali frilansga kirishimiz mumkin. Hali ham o'ylayapsizmi? O'ylashga vaqt yo'q, frilanserlik tomon harakat qiling!

👉 @ITmavzu

Shaxsiy sayt orqali pul ishlash haqida qisqacha

Ko'p kishi internet sayti bor odamga pul to'laydi deb o'ylaydi. Bu xato, internet sayt egasiga 1 so'm ham bermaydi. Barchasi Google Adsense'ga bog'liq. Saytingizning 1 kunlik tashrif buyuruvchilari ko'p bo'lishi kerak, aks holda Adsense sizdan reklama sotib olmaydi.

Saytdan daromad qilish uchun sayt mukammal va chiroyli dizaynga ega bo'lish kerak, aks holda bugun kirgan odam ertaga kirmasligi mumkin. Siz o'zingizni tashrif buyuruvchidek tuting — saytda sizga nima yoqmadi? (Bilaman sizga hammasi yoqadi 😅)

👉 @ITmavzu

Oltin olma, IT biznesmendan maslahat ol

Tajribali IT-biznesmenlar aytishadi: Potensial mijoz — eng yaxshi qurol.

Potensial mijoz — 2 va undan ko'p marta sizga ishi tushgan buyurtma beruvchi.

Eng birinchi va eng tezkor xaridor — potensial mijozlar.

Ular sizga ishonishadi, chunki qo'lingizdan nimalar kelishini bilishadi va yana bir bor sizga yuzlanishgan. Demak sizning xizmat ko'rsatishingiz unga qiziq. Iloji boricha potensial mijozlar bilan yaxshi munosabatda va aloqada bo'lib turing.

Potensial mijoz topish uchun uning 1-buyurtmasini a'lo darajada bajaring.

👉 @ITmavzu

Matnlar qiroli — kopirayterlar: Ular kim?

Matnlari qiroli bejizga emas, chunki kopirayterlar faqat matn bilan ishlashadi. Kopirayterlar ham yaxshi daromad topishadi va ular uchun ish ko'p

Reklama matnlari
Ular asosan reklama matnlari yozishadi. Kopirayterdan talab — kreativ va so'z boyligi bo'lishi kerak. Ular kanallar, kurslar, mahsulotlar, xullas sotilagidan narsalar uchun matn yozishadi.

Kontent-reja
Kontent-reja salkam muharrir. Chunki u biror kanal yoki sayt bilan kelishgan holda, biror muddat maqola yozadi va shunga qarab rejalashtirib oladi. Odatda kontent rejalar uchun yaxshi to'lashadi.

Mahsulotlar uchun matnlar
Biznes tashkilot internet-do'kon ochsa, unga mahsulot qo'shadi. Tabiiyki, mijoz mahsulot haqida biror narsa o'qishi kerak. Bu ishni kopirayterga qo'yib berishadi, u shunday ta'riflaydiki, mijoz mahsulotni savatga qo'shganini bilmay qoladi.

P.S. Ushbu sohani tez o'rgansa bo'ladi, asosiysi kreativ bo'lish kerak

👉 @ITmavzu

Imkoniyat - qo'lingizda

Siz kun bo'yi nimalar bilan shug'ullanasiz? Asosiy mashg'ulotlaringiz nima? Qaysi mashg'ulot kunning asosiy qismini egallaydi?

Agar savollarga javob "yotish", "bekorchilik", "uxlash" kabi bo'lsa, darhol kuningizni o'zgartiring! Chunki har bir o'tayotgan daqiqa - g'animat. Kuniga 2 soat biror narsani o'rganish uchun ajrating. Shunda natijaga erishasiz.

👉 @ITmavzu

«Frilanser ham kitob o'qishi kerakmi?» Ha, kerak!

Bugungi post IT sohasida biznes qilish emas. Keling, biroz lirik chekinish qilamiz.

1. So'z boyligingiz oshadi
Mijoz bilan gaplashganda yaxshi muomalada bo'lish kerak. Chunki muomala o'sha mijozning frilanserga yana murojaat qilishini ta'minlaydi. Sizning so'z boyligingiz qanchalik boy bo'lsa, shuncha chiroyli gapirasiz va mahsulotdagi so'zlarni to'g'ri va aniq yozasiz

2. Orfografiya
Mijoz frilanserga yozsa, 1-o'rinda uning portfoliosi va yozish madaniyatiga e'tibor beradi. Chunki qaysi ahmoq hatto yozishni ham bilmagan frilanserga buyurtma beradi? Siz so'zlarni to'g'ri yozsangiz, sizga ishonch kuchayadi.

3. Dunyoqarash
Grafik dizayner, dasturchi, kopirayter va boshqa kasblar uchun eng kerakli narsalardan biri — dunyoqarash, ya'ni fantaziya. Sizning dunyoqarashingiz, fikrlash doirangiz qanchalik katta bo'lsa, mahsulot shuncha bejirim, sifatli va ko'rkam bo'ladi.

P.S. Frilanser bo'lmasangiz ham kitob o'qishni kanda qilmang!

👉 @ITmavzu

Matematika orqali ham frilans qilsa bo'ladimi?

Ushbu holat yoshligingizda yoki aynan shu paytlar bo'lgan. Biror misol, masala, yoki testlar to'plamini yechgingiz kelmaydi va uni kimga yechtirishni ham bilmaysiz. Shunda qo'shnining o'g'li 10000 so'mga yechib beradi, 2 tomon ham ko'ngli to'q.

Frilans-birjalarda ham shunaqa bo'lim bor. U yerda shunaqa topshiriqlar beriladi va siz ularni bajarib, yechib berib, pul ishlashingiz mumkin. Har xolda, bo'sh o'tirgancha, 3-4 so'm ortiqchalik qilmaydi 🙃

P.S. Agar matematikani chuqur o'rgangan va a'lo bilsangiz, uyda o'tirib, repetitorlik bilan shug'ullansangiz bo'ladi.

👉 @ITmavzu

Hech qanaqa hunarsiz qanday pul ishlash mumkin?

Ushbu savol bizga juda ko'p keladi, chunki biror narsani bilmay turib pul ishlash — qiyin masala.

Bu hech qanaqa stavka yoki kapperlik emas, halol yo'l bilan topish ham mumkin. Buning uchun bizga freepik.com sayti yordam beradi.

1. Buyurtma izlaymiz
Grafik dizayner uchun maydaroq buyurtma izlaymiz. Deylik, poyabzal ishlab chiqaruvchi firmaga vizitka kerak. Agar sizning qo'lingizdan vizitka tayyorlash kelmasa, freepik.com dan izlaymiz. So'rovnoma «business card» quyidagicha bo'ladi. Biror yaxshirog'ini tanlab, yuklab olamiz.

2. Montaj
Ularni o'zgartirish uchun sizga Adobe Photoshop va Adobe Illustrator kerak bo'ladi. Tekstlarni, ayrim rasmlarni firmaga moslaysiz, ma'lumotlarni kiritasiz — tamom!

3. Uni mijozga ko'rsatasiz va portfolioga qo'shasiz
Iloji boricha 2-3 xil variant tayyorlang va portfolioga qo'shib qo'ying

P.S. Eng yaxshi maslahat — siz ularni 0 dan yasashni o'rganing, shunda ishingiz qimmat turadi.

👉 @ITmavzu

Telegramdan daromad qilish

Telegramda kanal ochib, yaxshi daromad qilish mumkin. Ammo bu hammaning ham qo'lidan kelmaydi. Bugun shu haqida gaplashamiz.

1. Kanal uchun to'g'ri tematika tanlang
Shunday tematika toping-ki, hali u tematika bo'yicha kanallar kam bo'lsin va odamlar uchun u boshqacha narsa bo'lsin. Yangiliklar, musiqalar, kino va multfilmlar to'g'ri kelmaydi, chunki bu tematikada kanallar juda ko'p. Asosiysi, o'sha sohada sizda yetarlicha bilim bo'lsin.

2. Chiroyli nom va logotip
Shunday nom toping-ki, u brend bo'lsin. Chunki oddiy, kundalik hayotda ishlatiladigan so'zlar zerikarli. O'zgacha, ingliz yoki ruscha aralash nomlar chiroyli va esda qolarli bo'ladi. Undan tashqari, dizaynerga logotip buyurtma bering, chunki logotip kanalning yuzi

3. Reklama
Barchasi tayyor bo'lgandan so'ng, reklama uchun ma'lum byudjet ajrating. Chunki reklamasiz kanal uzoqqa borolmaydi. mingta ham bo'lmasdan «o'lib» ketishi mumkin.

P.S. Asosiysi yarim yo'lda tashlab ketmang!

👉 @ITmavzu

IT'da yo'nalishni qanday tanlash kerak?

1. Mehnat bozoridagi vaziyat:
O'zingiz uchun qaysi sohani va dasturlash tilini tanlamasligingizdan qat'i nazar, kelajakda sizni nima kutayotganini tushunish muhimdir.

2. O'qish qiyinligi:
Dasturlash tillari juda ko'p va ularning barchasi nafaqat dasturiy mahsulotlarni amalga oshirish qobiliyatlari, balki o'zlashtirishning murakkabligi bilan ham ajralib turadi.

3. Qiziqishlar:
Yo'naltiruvchi talab va o'zingizning qiziqishingiz o'rtasida oqilona muvozanatni topish muhimdir. Oxir oqibat, agar siz chinakam mahoratli mutaxassisga aylansangiz, har qanday sohada yaxshi pul ishlashingiz mumkin.

P.S: Agarda sizlarga manfaatli ma'lumotlar ulashayotgan bo'lsak, reaksiyalar qoldirishni unutmang!

👉 @ITmavzu

Freelance'lik kasbini egallaganingizdan so'ng daromad topish uchun eng kerakli internet saytlar ro'yxati:

- Xorijiy kompaniya uchun ishlashni istaganlar uchun mashhur xorijiy erkin saytlari:
1. Freelanceer.com
2. Upwork.com
3. Guru.com

- Eng yirik fond birjalari:
1. Fl.ru
2. Weblancer.net
3. Freelance.ru

- Copywriters uchun saytlari ro'yxati:
1. Etxt.ru
2. Text.ru
3. Textsale.ru
4. Advegi.ru
5. Textbroker.com

- Rassomlar va grafik dizaynerlar uchun fond birjalari:
1. logopod.ru
2. Illustrators.ru
3. mrussiancreators.ru
4. Behance.net
5. 99designs.com

- Dasturchilar va mutaxassislar uchun saytlar.
1. Clancer.ru
2. Modber.ru

- Mahalliy Freelance lik internet saytlari ro'yxati:
1. Frilanser.uz
2. Giglancer.uz
3. Hirelancer.uz
4. Dowork.uz
5. Eskiz.uz

P.S: Agarda sizlarga manfaatli ma'lumotlar ulashayotgan bo'lsak, reaksiyalar qoldirishni unutmang!

👉 @ITmavzu

Taniqli IT - Biznesmen Ilon Mask 30 yoshgacha qanday ish bilan shug'ullangan?

Ilon Mask dasturlashni 10 yoshida o‘rgangan, 12 yoshida esa o‘zi yaratgan Blast Star o‘yinini 500 dollarga sotgan. Mask 1995-yilda birinchi kompaniyasi — Zip2 startapini ishga tushirdi, u yangiliklar nashrlariga kontentni internetga joylash imkonini berar edi.

1999-yilda startapni Compaq tashkiloti 304 million dollarga xarid qildi, Ilon Maskka shuning 20 millioni tegdi va 28 yoshida u millionerga aylandi.

Siz hali 30 yoshga to'lmagan bo'lsangiz, hoziroq biror-bir kasbni o'rganing. Albatta bu natija beradi. Kelajakda foydasi tegadi.

P.S. 30 ga to'lgan bo'lsangiz ham kech emas!

👉 @ITmavzu

Mutlaqo bepul kriptotreyding asosida daromad qilish bo’yicha video darslar

20-dekabrdan boshlab O’zbekistonliklar tomonidan tashkil qilingan Dubaydagi HBS Trading kompaniyasi tomonidan bepul darslar boshlanadi.

Darslar, faqatgina kanaldagi ishtirokchilarga taqdim qilinadi va barcha bilimlar Islom moliyasi bo'yicha o'rgatiladi.

Kanalga o’tib, darslar haqida batafsil ma’lumot oling. Tez orada qabul yopiladi!

Kanal - @hbstrading

Eng ko'p ish haqi to'lanadigan TOP-5 dasturlash tillari

1. Perl — $84 ming/yiliga
2. Scala — $77,1 ming/yiliga
3. Go — $72,6 ming/yiliga
4. Ruby — $72,1 ming/yiliga
5. Objective-C — $66,6 ming/yiliga

P.S. Siz ushbu tillardan xohlagan birini o'rganishga kirishing. Agar siz o'rganayotgan til ro'yxatda bo'lmasa, uni o'rganish kerak emas degani emas bu. Siz o'z dasturlash tilingizda mutaxassis bo'lsangiz doimo ish topiladi.

👉 @ITmavzu

Slide Making — serdaromad soha-mi?

Ko'pchiligimiz slayd nimaglini bilamiz. Slayd — biror narsa haqida rasm va matnlar orqali batafsil tushuntirish.

• Biznes-tashkilotlar slaydlarni yaxshi ko'rishadi
Biror biznes-tashkilot yoki startap o'z mahsulotini namoyish qilish uchun slaydlardan foydalanadi. Ularga narxning ahamiyati yo'q, asosiysi sifat va mukammallik.

• O'quv-tashkilotlari, markazlari slaydlardan ko'p foydalanishadi
Maktabda yoki institutda proyektor orqali slayd qo'yishganini hamma bilishadi. Bunday chiroyli slaydlarni o'qituvchilar o'zlari qilishadi deb o'ylaysizmi?

• Ishxona, ofis ishchilari hisobotni slaydda qilishadi
Odatda, boshliq hisobotni talab qilsa, slayd ko'rinishida bo'lishini istaydi (kamdan-kam holatda). Ishchi agar IT sohasidan, balki kompyuter bilimlaridan yiroq bo'lsa, slaydga buyurtma beradi.

P.S. Slayd uchun qimmatbaho kompyuter shart emas, Power Point dasturini hoziroq o'rganishni boshlang!

👉 @ITmavzu

Frilansermisiz? Quyidagi 3 maslahat siz uchun.

1. Kun grafigini tuzib oling
Kunning har bir soatini biror narsa uchun ajrating. Grafik ayni muddao. Besaranjom, tartibsiz kunda ishning mahsuldorligi tushib ketadi. Asosiysi, hobbingiz uchun kamida 2 soat ajrating.

2. Charchadingizmi? Dam oling.
Ko'pchilik frilanserlar buyurtmani olishib, unga ulgurmay qolishsa, tuni bilan ham ishlab chiqadi. Bu nafaqat ishning mahsuldorligiga, balki organizmga ham ta'sir o'tkazadi. Agar ish jarayonida charchasangiz, dam oling! Kuch to'plab, kofe ichib, yana ishga qayting.

3. Deadline (muddat) tugashini kutmang
Siz buyurtma olayotgan payt, byudjet bilan birga, ish muddatini ham kelishasiz. Frilanserlar muddat ko'p bo'lsa, ishni bemalol, xohlasa bugun, xohlasa ertaga bajarishadi. Bu oxirgi kunlar ishning ko'payishiga olib keladi. Siz muddat tugashini kutmang, grafik asosida, ish uchun nechi soat ajratganingizga qarab, ishni bajarib ketavering — oxirida esa natijaga erishasiz!

👉 @ITmavzu

​Telegram akkauntlarini ommaviy oʻgʻirlash holatlari koʻpaydi

Firibgarlar soxta havola orqali foydalanuvchi profilini qoʻlga kiritmoqda.

17-dekabr kuni Telegram foydalanuvchilari profillarini noqonuniy egallab olishga urinishlar koʻpaygani kuzatildi.

Firibgarlar ishlatayotgan usul taxminan quyidagicha: foydalanuvchi oʻz kontaktlaridan biridan sovgʻa – Telegram Premium’ga obuna boʻlish haqida xabar olishi mumkin. Akkaunt egasi xabardagi tugmani (yoki havolani) bosadi, shundan soʻng u Premium obunani «faollashtirish» uchun avtorizatsiya kodini oladi. Foydalanuvchi kodni kiritadi, oqibatda firibgar uning akkauntini oʻz kompyuterida ochadi. Shundan soʻng, oʻgʻirlangan akkauntdan bu xabar kontaktlar roʻyxatidagilarga joʻnatiladi. Oqibatda, akkauntlarning ommaviy oʻgʻirlanishiga yoʻl ochiladi.

Mutaxassislar Telegram foydalanuvchilarini ikki faktorli autentifikatsiyadan foydalanishga chaqirmoqda, bunda hatto kodni kiritgandan keyin ham tajovuzkorlar faqat akkaunt egasi biladigan parolni kiritishi kerak boʻladi.

Avvalroq firibgarlar Telegram akkauntlarini oʻgʻirlash uchun turli tanlovlarda ishtirok etish taklif qilingan havolalar joʻnatayotgani haqida xabarlar tarqalgan edi.

Yaqinlaringizni ham ogohlantiring!

👉 @ITmavzu

Dasturchi bo'lib, qaysi sohalarda ko'proq buyurtmalar olish mumkin?

Telegram-botlar
Ushbu soha bo'yicha buyurtmalar doimiy ravishda bo'ladi. Chunki botlar o'ta qulay va ular orqali ko'p narsalarni avtomatlashtirish mumkin. Odatda restoranlar uchun botlar talabgir va qimmat turadi. Ularning narxi 200$ dan boshlanadi.

Saytlar
Bir kunda qariyb mingta sayt ochiladi. Sayt ochuvchilarining katta qismi saytni o'zlari taxlay olishmaydi. Bu yerda dasturchi asosiy rolni o'ynaydi — u saytni yozib beradi. Saytlarning o'rtacha narxi 300$-400$ atrofida bo'ladi (TZ ga qarab).

Android va iOS ilovalar
Frilansda ushbu sohaga juda ko'p buyurtma tushmasligi ham mumkin, ammo kompaniyalarda bu dasturchilarga katta maosh to'lashadi. Tajribamdan kelib chiqib aytaman, bir dasturchi Android va iOS uchun ilova yozdi. Ularning narxi 1200$ bo'ldi, bu unga 2-3 oyga yetadi :)


👉 @ITmavzu