Matematika orqali ham frilans qilsa bo'ladimi?

Ushbu holat yoshligingizda yoki aynan shu paytlar bo'lgan. Biror misol, masala, yoki testlar to'plamini yechgingiz kelmaydi va uni kimga yechtirishni ham bilmaysiz. Shunda qo'shnining o'g'li 10000 so'mga yechib beradi, 2 tomon ham ko'ngli to'q.

Frilans-birjalarda ham shunaqa bo'lim bor. U yerda shunaqa topshiriqlar beriladi va siz ularni bajarib, yechib berib, pul ishlashingiz mumkin. Har xolda, bo'sh o'tirgancha, 3-4 so'm ortiqchalik qilmaydi 🙃

P.S. Agar matematikani chuqur o'rgangan va a'lo bilsangiz, uyda o'tirib, repetitorlik bilan shug'ullansangiz bo'ladi.

👉 @ITmavzu

Hech qanaqa hunarsiz qanday pul ishlash mumkin?

Ushbu savol bizga juda ko'p keladi, chunki biror narsani bilmay turib pul ishlash — qiyin masala.

Bu hech qanaqa stavka yoki kapperlik emas, halol yo'l bilan topish ham mumkin. Buning uchun bizga freepik.com sayti yordam beradi.

1. Buyurtma izlaymiz
Grafik dizayner uchun maydaroq buyurtma izlaymiz. Deylik, poyabzal ishlab chiqaruvchi firmaga vizitka kerak. Agar sizning qo'lingizdan vizitka tayyorlash kelmasa, freepik.com dan izlaymiz. So'rovnoma «business card» quyidagicha bo'ladi. Biror yaxshirog'ini tanlab, yuklab olamiz.

2. Montaj
Ularni o'zgartirish uchun sizga Adobe Photoshop va Adobe Illustrator kerak bo'ladi. Tekstlarni, ayrim rasmlarni firmaga moslaysiz, ma'lumotlarni kiritasiz — tamom!

3. Uni mijozga ko'rsatasiz va portfolioga qo'shasiz
Iloji boricha 2-3 xil variant tayyorlang va portfolioga qo'shib qo'ying

P.S. Eng yaxshi maslahat — siz ularni 0 dan yasashni o'rganing, shunda ishingiz qimmat turadi.

👉 @ITmavzu

Telegramdan daromad qilish

Telegramda kanal ochib, yaxshi daromad qilish mumkin. Ammo bu hammaning ham qo'lidan kelmaydi. Bugun shu haqida gaplashamiz.

1. Kanal uchun to'g'ri tematika tanlang
Shunday tematika toping-ki, hali u tematika bo'yicha kanallar kam bo'lsin va odamlar uchun u boshqacha narsa bo'lsin. Yangiliklar, musiqalar, kino va multfilmlar to'g'ri kelmaydi, chunki bu tematikada kanallar juda ko'p. Asosiysi, o'sha sohada sizda yetarlicha bilim bo'lsin.

2. Chiroyli nom va logotip
Shunday nom toping-ki, u brend bo'lsin. Chunki oddiy, kundalik hayotda ishlatiladigan so'zlar zerikarli. O'zgacha, ingliz yoki ruscha aralash nomlar chiroyli va esda qolarli bo'ladi. Undan tashqari, dizaynerga logotip buyurtma bering, chunki logotip kanalning yuzi

3. Reklama
Barchasi tayyor bo'lgandan so'ng, reklama uchun ma'lum byudjet ajrating. Chunki reklamasiz kanal uzoqqa borolmaydi. mingta ham bo'lmasdan «o'lib» ketishi mumkin.

P.S. Asosiysi yarim yo'lda tashlab ketmang!

👉 @ITmavzu

IT'da yo'nalishni qanday tanlash kerak?

1. Mehnat bozoridagi vaziyat:
O'zingiz uchun qaysi sohani va dasturlash tilini tanlamasligingizdan qat'i nazar, kelajakda sizni nima kutayotganini tushunish muhimdir.

2. O'qish qiyinligi:
Dasturlash tillari juda ko'p va ularning barchasi nafaqat dasturiy mahsulotlarni amalga oshirish qobiliyatlari, balki o'zlashtirishning murakkabligi bilan ham ajralib turadi.

3. Qiziqishlar:
Yo'naltiruvchi talab va o'zingizning qiziqishingiz o'rtasida oqilona muvozanatni topish muhimdir. Oxir oqibat, agar siz chinakam mahoratli mutaxassisga aylansangiz, har qanday sohada yaxshi pul ishlashingiz mumkin.

P.S: Agarda sizlarga manfaatli ma'lumotlar ulashayotgan bo'lsak, reaksiyalar qoldirishni unutmang!

👉 @ITmavzu

Slide Making — serdaromad soha-mi?

Ko'pchiligimiz slayd nimaglini bilamiz. Slayd — biror narsa haqida rasm va matnlar orqali batafsil tushuntirish.

• Biznes-tashkilotlar slaydlarni yaxshi ko'rishadi
Biror biznes-tashkilot yoki startap o'z mahsulotini namoyish qilish uchun slaydlardan foydalanadi. Ularga narxning ahamiyati yo'q, asosiysi sifat va mukammallik.

• O'quv-tashkilotlari, markazlari slaydlardan ko'p foydalanishadi
Maktabda yoki institutda proyektor orqali slayd qo'yishganini hamma bilishadi. Bunday chiroyli slaydlarni o'qituvchilar o'zlari qilishadi deb o'ylaysizmi?

• Ishxona, ofis ishchilari hisobotni slaydda qilishadi
Odatda, boshliq hisobotni talab qilsa, slayd ko'rinishida bo'lishini istaydi (kamdan-kam holatda). Ishchi agar IT sohasidan, balki kompyuter bilimlaridan yiroq bo'lsa, slaydga buyurtma beradi.

P.S. Slayd uchun qimmatbaho kompyuter shart emas, Power Point dasturini hoziroq o'rganishni boshlang!

👉 @ITmavzu

Frilansermisiz? Quyidagi 3 maslahat siz uchun.

1. Kun grafigini tuzib oling
Kunning har bir soatini biror narsa uchun ajrating. Grafik ayni muddao. Besaranjom, tartibsiz kunda ishning mahsuldorligi tushib ketadi. Asosiysi, hobbingiz uchun kamida 2 soat ajrating.

2. Charchadingizmi? Dam oling.
Ko'pchilik frilanserlar buyurtmani olishib, unga ulgurmay qolishsa, tuni bilan ham ishlab chiqadi. Bu nafaqat ishning mahsuldorligiga, balki organizmga ham ta'sir o'tkazadi. Agar ish jarayonida charchasangiz, dam oling! Kuch to'plab, kofe ichib, yana ishga qayting.

3. Deadline (muddat) tugashini kutmang
Siz buyurtma olayotgan payt, byudjet bilan birga, ish muddatini ham kelishasiz. Frilanserlar muddat ko'p bo'lsa, ishni bemalol, xohlasa bugun, xohlasa ertaga bajarishadi. Bu oxirgi kunlar ishning ko'payishiga olib keladi. Siz muddat tugashini kutmang, grafik asosida, ish uchun nechi soat ajratganingizga qarab, ishni bajarib ketavering — oxirida esa natijaga erishasiz!

👉 @ITmavzu

Dasturchi bo'lib, qaysi sohalarda ko'proq buyurtmalar olish mumkin?

Telegram-botlar
Ushbu soha bo'yicha buyurtmalar doimiy ravishda bo'ladi. Chunki botlar o'ta qulay va ular orqali ko'p narsalarni avtomatlashtirish mumkin. Odatda restoranlar uchun botlar talabgir va qimmat turadi. Ularning narxi 200$ dan boshlanadi.

Saytlar
Bir kunda qariyb mingta sayt ochiladi. Sayt ochuvchilarining katta qismi saytni o'zlari taxlay olishmaydi. Bu yerda dasturchi asosiy rolni o'ynaydi — u saytni yozib beradi. Saytlarning o'rtacha narxi 300$-400$ atrofida bo'ladi (TZ ga qarab).

Android va iOS ilovalar
Frilansda ushbu sohaga juda ko'p buyurtma tushmasligi ham mumkin, ammo kompaniyalarda bu dasturchilarga katta maosh to'lashadi. Tajribamdan kelib chiqib aytaman, bir dasturchi Android va iOS uchun ilova yozdi. Ularning narxi 1200$ bo'ldi, bu unga 2-3 oyga yetadi :)


👉 @ITmavzu

Telegramda biznes qilish uchun 3ta yo'l

1. Kanal ochib va reklamadan daromad olish.
2. Gurux ochish va uni kanalga aylantirib, reklamadan daromad olish.
3. Bot yaratib va reklamadan daromad topish.

🔹 O'z kanalizni yo'nalishini zo'r biling. Siz kanalni ochishga qiynalmaysiz. Lekin u kanalni rivojlantirishda jiddiy kamchiliklarga duch kelasiz. Kanalingizni rivojlantirish uchun siz iloji boricha reklama qiling. O'zingiz guruxma-gurux reklama qilganingiz foyda bermaydi. Iloji kanalingiz sohasiga oid kanalda reklama qiling. Obunachilarni saqlab qolish esa o'zingizga bog'liq.

🔹 Gurux boshqarish unchalik qiyin emas. Xohlasangiz guruxga yordamchi admin olishingiz mumkin. Guruxni kanalga aylantirish esa obunachilaringiz ko'paygandan so'ng, daromad qilsangiz bo'ladi.

🔹 Mukammal Botni biror dasturchiga yaratib unga sarmoya kiritib daromad olsangiz bo'ladi yoki o'ziz yaxshilab o'rganib yaratasiz. Yoki o'ziz bot yaratishni o'rganib, oddiy bot yaratib sotsangiz bo'ladi. Bunga ko'p vaqt ketmaydi.

👉 @ITmavzu

Dasturlash tillarini tez va oson o'rganish uchun qulay sayt

Ushbu sayt orqali siz: HTML, CSS, Bootstrap, Java Script, SQL, Python, PHP, Jquery va ko'plab tillarni o'rganishingiz mumkin. Saytning qulay tarafi shundaki ushbu saytni o'zida siz yozgan kodlarni kompilyatsiya qilasiz.

Sayt 👉 w3schools.com

👉 @ITmavzu

Freelance'lik kasbini egallaganingizdan so'ng daromad topish uchun eng kerakli internet saytlar ro'yxati: No_1

- Xorijiy kompaniya uchun ishlashni istaganlar uchun mashhur xorijiy erkin saytlar:
1. Freelanceer.com
2. Upwork.com
3. Guru.com

👉@ITmavzu

Freelance'lik kasbini egallaganingizdan so'ng daromad topish uchun eng kerakli internet saytlar ro'yxati: No_2

- Rassomlar va grafik dizaynerlar uchun fond birjalari:
1. logopod.ru
2. Illustrators.ru
3. Behance.net
4. 99designs.com

👉@ITmavzu

Freelance'lik kasbini egallaganingizdan so'ng daromad topish uchun eng kerakli internet saytlar ro'yxati: No_3

- Eng yirik fond birjalari:
1. Fl.ru
2. Weblancer.net
3. Freelance.ru

👉@ITmavzu

Frilanser-kopirayterlarning asosiy daromadi nimada?

Keling, avval asosiy savolga javob olamiz. Frilans — istiqbolli sohami? Javob - ha, chunki hamma ham matnlar bilan ishlay olmaydi, yoki ularga kreativ yetishmaydi.

• Ularning daromadi nimada?
Ular asosan reklama matnlari yozishadi. Mahsulotlar, kanallar, va boshqa narsalar uchun kreativ reklama muhim omil sanaladi, chunki reklamaga sarflangan pul effekt berishi kerak. Odatda mahsulot turiga qarab, reklama matnlari 80.000 so'mdan boshlanadi.

P.S. Kopiraytingni o'rganish uchun texterra.ru saytidan har-xil foydali maqolalarni o'qishni tavsiya qilaman.

👉 @ITmavzu

Foydali linklar ro'yxati

Remove.bg - rasmdagi orqa fonni olib tashlash uchun ajoyib sayt. Yuklagan rasmingizni bir necha soniya ichida, orqa foni shaffof bo'lgan holda qo'lga kiritasiz.

Kiril-lotin.uz - Kirill yoki lotin alifbosidagi matnlarni kirilldan-lotinga, lotindan-kirillga o'giradigan sayt.

Lingvist.io - 200 soatda xorijiy tillarni mukammal o’rganish uchun interaktiv bepul sayt.

👉 @ITmavzu

Muvaffaqiyat

Kunlarning birida qurbaqalarning toʼdasidan ikki qurbaqa chuqurlikka tushib ketibdi. Barcha qurbaqalar chuqurlik tepasida jamlanib olib - «Boʼldi endi, shu yerda oʼlib ketasizlar.. hadib sakrayverishdan foyda yoʼq" der edilar. Uzoqqa bormay, ikki qurbaqaning biri qoʼrquv va qattiq tushkunlik oqibatida nobud boʼldi. Ikkinchi qurbaqa esa, tinmay sakrashda davom etar edi. Har safar sakraganda, ilgargisidan balandroq sakrar edi. Аmmo, yuqoridagi qurbaqalar hamon : "Boʼldi qil endi.! Foydasi yoʼq" deyaverar edilar. Koʼp oʼtmay, boyagi qurbaqa chuqurdan chiqishga muvaffaq boʼldi. Tepadagi qurbaqalar qattiq taajjubda edilar. Soʼng undan soʼrashdi: "Qanday buni uddalay olding ?!" U jim turardi. Keyin bilsalar, uning quloqlari eshitmas ekan. Har safar uni sakrashdan qaytarganlarida, qoʼllab-quvvatlamoqdalar deb oʼylab, bu mushkul ishni uddasidan chiqqan ekan.

«Balki, eng zoʼri boʼlishingizga insonlarning Siz haqingizdagi gaplari toʼsqinlik qilayotgandir?»

👉 @ITmavzu

Frilanser uchun eng yaxshi kasblardan biri — grafik dizayner

Logotip
Logotip — bu brend. Brend mahsulotning yuzi. Logotip qanchalik kreativ va chiroyli chiqsa, shuncha esda qolarli va obro'li brend bo'ladi. Odatda logotiplar Adobe Illustrator, Photoshop dasturlarida yaratiladi va ularning o'rtacha narxi 100.000-150.000 so'm.

Vizitkalar
Biznes-tashkilotlar uchun eng kerakli narsalardan biri, bular vizitka, banner, flayerlar. Stiliga moslab chizilgan vizitkalar odamni o'ziga jalb qiladi, mijozni tashkilotga bo'lgan ishonchini oshiradi. Vizitkalar o'rtacha narxi 150.000 so'm.

Sayt dizayni
Sayt dizayni ko'proq veb-dizaynerga xos, ammo grafik dizayner saytdagi elementlar, fon rasmlari kabi narsalarni chizadi. Saytning dizayni qanchalik mukammal bo'lsa, foydalanuvchi shuncha saytda uzoq qoladi. O'rtacha narx (o'zimdan kelib chiqqan holda) 250.000-300.000 so'm

P.S. Vaqtni ketkizmang, siz 3 oyda ushbu sohani o'rganishingiz mumkin.

👉 @ITmavzu

Dasturlash yoki 3D modellashtirish: Qaysi birini tanlash kerak?

Ko'p kishida, ayniqsa bizning obunachilarimizda bunday holat juda ko'p bo'lgan. Ular qaysi sohani tanlashni bilolmay qoladilar. Dasturlash ham, 3D modellashtirish ham zo'r soha. Ammo qaysi birinidir tanlash kerak-ku?

👨🏻‍💻 Dasturlash
Bir vaqtlar dasturchi odamlarning hayolida kompyuter ustasidek bo'lgan. Dasturchi bo'laman degan bolalarni aksariyat ota-onalar qaytarishga harakat qilgan, qaytargan ham. Hozir esa ushbu soha IT-ning eng rivojlangan sohasidir. Maosh bo'yicha ham, ish o'rinlari bo'yicha ham yuqori pog'onalarda turadi. Ushbu soha juda qiziq, ammo u qiyin tuyilishi mumkin, aslida ekspert uchun barchasi oson

🌐 3D modellashtirish
Ajoyib soha, O'zbekiston sharoitida endi-endi rivojlanayotgan soha. Ushbu sohani O'zbekistonda rivojlanishiga Abdusattor Abduraximovning hissalari juda katta. Chunki ilgari ushbu sohani eshitganlarning hayoliga 3d-kinolar kelardi, hozir esa mo'may pul keladi :) Bu soha ham zo'r, ish o'rinlari bo'yicha ham, frilansda ham talab katta. 3D dizayn hali yosh soha bo'lgani uchun unga talab borgan sari oshmoqda.

📌 Xulosa
O'zingizga quloq soling. Siz qaysi sohada o'zingizni yaxshi his etasiz, qaysi biri ko'proq yoqadi. Pul haqida o'ylamay turing, chunki mutaxassislar uchun doimo ish topiladi. O'zingizga yoqqan sohani tanlang.

👉 @ITmavzu

Neyromarketing nima?

Neyromarketing – haridor mahsulotni sotib olmasa qanday foydani qoʻldan chiqarishi mumkinligini koʻrsatish orqali uni aynan hozir harid qilishga undash.

Masalan: « Faqat bugun siz ushbu kursimizni 30% chegirma bilan harid qilishingiz mumkin» yoki « Birinchi bogʻlangan 10 kishiga 40% chegirma mavjud» kabi soʻzlar orqali haridorni tezroq xarid qilishga chorlasangiz boʻladi.

P.s: Neyromarketing haridorni tezroq qaror chiqarishga undaydi. Baʼzilarning fikricha, ushbu usul deyarli haridorni mahsulotni sotib olishga majbur qiladi deb hisoblashadi.

👉 @ITmavzu

Coursera.org – eng yaxshi kurslarni tekinga oʻrganing

Coursera'dagi har bir kurs jahon miqyosidagi universitetlar va kompaniyalarning yuqori darajali o'qituvchilari tomonidan o'qitiladi, shuning uchun siz istalgan vaqtda va istalgan joyda yangi narsalarni o'rganishingiz mumkin.

👉 @ITmavzu

30 daqiqada biror ishga ulgurish mumkin(mi)?

— Ba'zida shunday holatlar bo'ladi-ki, biror ishni qilishga bor yo'g'i 30 daqiqa yoki undan ham kam vaqt bo'ladi. Bunday paytda ko'p kishi sarosimaga tushib, ha deb vaqtga qarayverib, ishining produktivligini tushiradi.

— Bunday holatda esa sizga Pomodoro yordam beradi! Pomodoro'ning foydali tomonlari ko'p:
• Ishning produktivligini oshiradi;
• Vaqtni sezilarli tejaydi;
• Va hokazolar;

— Siz ham hozir sinab ko'rishingiz mumkin. LINK — pomofocus.io.

P.S. Ushbu post ham Pomodoro orqali yozildi.

👉 @ITmavzu