لا اله الا الله وحده لا شريك له،
له الملك وله الحمد وهو على كل شيء قدير.
- الدعاء في يوم عرفه مستجاب بأذنه تعالى لحوا بطلبكم فبالدعاء ترد الاقدار.

البيتي ضدي شحال جاري !
يذب فوگه حطب وتزيد ناري..

انت يم عيونهم ما وچدوك
فلها كورة مغزلك شوف شطوه..

شسويت شوف شسويت ما گدرتهه وغصيت بالحطب غطيت النار ردت اليصير وماصار
النوبه جبتلهه جروح حطيت فوگ جروحي
شوف شلعبت بروحي..

شضمن بيك سري وانت شفاف!
وشجلب بيك وانت الرايد تعوف..

لگينا الدنيا ماتنحب
حزن ودروب ماتنطب
درب مكتوب بي نبچي
ودرب مكتوب بي نتعب..

انه الخواف يا دنيا انه الخواف من كلشي
اذا احلم حلم موزين اني ارمش قبل رمشي..

حلفوني بعيني وما كلت الصحيح
حلفوني بعينك وماجذبت..

واني جنحك لو رحت بيمن تطير
ليش بجناحك تحط بعدك شكال..

طگني ورضيت بهاي من يرضى بالطگ
‏هسه المصيبة يريد حگ وانا ابو الحگ..

وين الصبح ما بينت من علمك هذا الصد؟
تنساني واني الجنت اطگ سن على سن من تبرد..

- الرساله ؛ يا چف سطر عقل الوفى
الما چان عند كل احد
هسة ظروفك عرست وياي والباب انسد ؟
هسة جزر شطنا وطلع
ماي الحچولك ازود

انت علمت الرسايل تنكتب وسفه وحسافه
وانت زاعلت المحابس والاصابع
وانت حطيت المسافه..

حنيت كمت اكتب شعر! ديوان كامل بس غزل،
كملته وانطيته لشخص لا يكتب ولايقره..

حتى الورد جذاب هم عنده وجهين!
مره بعرس تلگاه مره اعلى ميتين..

ارخاص ارخاص ربينه كبروا مارضوا بينه
هاي الناس مال اوداع محد يوكف ابعينه..

مثل هرش الشجر واشربلك الماي
وكل هذا الخضار البيك مني
وانه ابنص الملح وامشابك الطين
وبلابلنه على اغصانك تغني
وتمر الريح بيك واحضن الكاع
وتريد اتروح ويه الريح عني

اضربلك مثل وحكم عليه بهاي
اكل جدمي الرمل وادري المسافة اطول
كمت اوكف واطيح وكلت اكملهة
لان دزوا امانة بجفي حفنة ماي
نكضني العطش مادنت نفسي علي
كمت ابلع بريجي وكلت اوصلهة

گلبك شالني وكلساع يعثر چان
هسه هواي شايل شو عدل ممشا..!