انه فصلت العمر كله على گدك..

اللهم انك عفوًا تحب العفو فأعفُ عنا

جرف ماصير اتاني فضاله الروج
ريح بكيفي اجيب بكيفي اودي..

واتحدى البرد بالچله افوت الماي
اذا حس الجسر من اعبر يذلني..

مرات انطرك ثلج واني الشمس خصمني..

درب حبك ضياع وامشي والتاف
تره اليسمع سمع مو مثل اليشوف..

الساعه ما تستحي !
تغار من نلتقي تمشي اسرع من الضوه..

عشت مطلوب عمري لشوفتك دين
وهسه بشوفتك وفيت ديني
اذا تشعل حبيبي لجيتي شموع !
الك كلي اشتعل لمن تجيني..

المطر من ينزل من الغيم مرغم..

عاونتك عليه من شفت عذرك خاب !
وقنعت النفس كتلهه يتغير..

بنفس القصيده يكول :

الحبل من خيط واحد لكن اشكال
لو تلگا مشانق لو مراجيح..

والزم جفني خاف من ارمش يزعلون
واتناسه الحچايه الأبأذني محچيه..

انا بخصر السنابل جم حلم ضميت
وطعم شبگت المنجل من رحت ضگته..

وصو انه وتد ع ردته اثبت بعد لو كثر فوگي الدگ..

مدري ياهو يسد فراغك وحشة فراكك جبيره..

وكفت الزلم تك رجل من طبيت
ومن طرف الشوارب گمت اجر بيها..

اسكت لا تظل تشكي بهاماك
وتلوم الروح وتعضعض بهاماك
اخذ طبع النخل وارفع بهاماك
واذا بالطين عرگك هاي هي..

سابع جار الكم بيدة محبس چان
صايغ محبسة من نشوفة نذكركم..