🥰 Bu gün münasibətilə başda Zamanın İmamını (əc) olmaqla, bütün ailələri, xüsusən də müsəlman cütlükləri təbrik edirik. 💐

T.me/SYH_XEMSENAME

Bayramınız mübarək 💙♥️

🔶️İmam Əlinin (ə) ailədə rəftarı necə idi?

Ruhiyyə Qədiyeva
Doğrudanmı İslam qılınc dinidir?
www.tg-me.com/audio_maarif_2016
____
www.almahdi.az
www.misbah.az
«ƏL-MƏHDİ (əc)» İSLAM MAARİF MƏRKƏZİ

Əlləri hər şeydən üzülmüş çarəsiz xəstələr var, hansı ki, həyatdan ümidlərini üzüblər. Onlar haqqında biraz söhbət edək..

Deməli elə xəstəliklər var ki, o xəstəliyin adını eşidən hər bir insan bir xəyal qırıqlığına uğrayır, yəni həyatdan ümidini üzür, çox çarəsizləşir, insanlardan küskünləşir. Məsələn, xərçəng xəstəliyi, bəzi sistem xəstəlikləri, bəzi xəstəliklərin çox ağırlaşması və s. Ümumiyyətlə bu kimi xəstəliklərdə xəstələr uzun illər müalicə alır və müalicələrin effektinin olmadığını görəndə bundan sonra həyatdan küskün bir vəziyyətə düşürlər. Bu xəstələr üçün məsləhət vermək isəyərdim və bu məsləhət onların həyatda yaşaması üçün çox önəmli bir məsləhətdir. Ümumiyyətlə Qurani Kərim özü başdan-başa bir şəfadır. Hər bir Quran oxuyan, Qurana inanan insan onun şəfasından xəbərdardır.

Peyğəmbərimiz sallallahu aləyhi və alihi və səlləm özü "Fatihə" surəsini "Quranın anası" adlandırmışdır və eyni zamanda "kitabı açan" bir surə kimi də tanınır. Hər bir müsəlman namazlarının bütün rükətlərini "Fatihə" surəsi ilə başlayır. "Fatihə" surəsinin ayələri şəfa ayələridir. Peyğəmbərimiz sallallahu aləyhi və alihi və səlləmin dövründə Onun səhabələrindən bir qrup bir qəbilədən yatmağa bir yer istəyir və qəbilə bunlara yatmağa yer vermir. Ama axşam həmin o qəbilədən bir nəfər qaça-qaça, ağlayaraq gəlir ki, bizim qəbilə başçısının halı pisdir, sizin içinizdə həkim varmı bizim başçımıza müalicə etsin. Və bunların içindən bir nəfər kömək etməyə razılaşır. Bu adam gəlir xəstəyə nələrsə oxuyur və qəbilə başçısı sağalır və qarşılığında da ona bir neçə qoyun verirlər. Bu xəbər bizim Peyğəmbərimiz sallallahu aleyhi və səlləmə çatdırılır və Peyğəmbərimiz sallallahu aləyhi və alihi və səlləm həmin insandan soruşur ki, "sən xəstəyə nə etdin?". O da cavabında "mən əlimi qoydum həmin xəstənin üstünə və bir neçə dəfə Fatihə surəsi oxudum". Və bundan sonra Peyğəmbərimiz sallallahu aləyhi və alihi və səlləm deyir ki, "bəli Fatihə surəsi ən böyük şəfadır".

Biz bu surəni və hədisi əlimizdə rəhbər tutaraq onlardan xəstəliklərin müalicəsində istifadə etməliyik. Və xəstələrimiz bu surəni daimi şəkildə özləri üçün oxumalıdırlar. Məsələn tutaq ki, başında bir xərçəng xəstəliyi, şiş xəstəliyi olan xəstə özü-özünü də müalicə edə bilər və ətrafındakı insanlar da bu xəstəliyə təsir edə bilər. Bunun üçün əlini həmən hissəyə qoyur və gündə 5 dəfə, hər dəfə 5 oxunuş olmaqla ümumi gün ərzində 25 dəfə "Fatihə" surəsini oxusun. Bunun üçün elə ən gözəl vaxtlar namaz vaxtlarıdır. Beş vaxt namazda namaz girən kimi əlini qoyur ağrı olan hissəyə və beş dəfə "Fatihə" surəsini oxuyur. Və yaxud özü oxumur, yanında bir adam oxuyur və ya telefonda oxutmaqla da edə bilərlər. Mən hətta məsləhət görərdim ki, bu insanlar yanlarına bir stəkan su qoysunlar, bu Fatihə surəsini suya oxusunlar və sonra "Bismilləh" də deyib bu suyu içsinlər. Çünki suyun özünə də "Fatihə" surəsi oxunduqda suyun molekulları çox nizamlı bir şəkildə düzülür və suyun da yaddaşı olduğundan su hüceyrələri də Quran oxunduğunda həddindən artıq nizamlı bir düzülüşə malik olur və bu suyun içilməsi çox faydalıdır.

Mən deyərdim hər bir insan ümidsizliyə düşməkdənsə bu kimi üsullardan istifadə etsin və hər günündən gün keçdikcə özünə inamı da artacaq. Xəstəliyə qalib gəlmək üçün özündə qüvvə tapacaq, özündə bir ruh yüksəkliyi əmələ gələcək, özü ilə Allah arasında bir körpü yaranacaq inşəAllah. Ona görə biz bu kimi müalicələrdən həmişə istifadə etməliyik.

Allah hər bir xəstəmizə şifa versin. Amin.

Qondarma "İran işi" ilə bağlı şərlənərək həbs edilən ruhani Kərbəlayi Qədir Məmmədovun növbəti məhkəməsi keçirilib.

Qondarma "İran işi" ilə bağlı şərlənərək həbs edilən ruhani Kərbəlayi Qədir Məmmədovun növbəti məhkəməsi keçirilib.

Maide.Az xəbər verir ki, 12 iyun tarixində Sumqayıt Ağır Cinayətlər Məhkəməsində hakim Nurəddin Hüseynlinin sədrliyi ilə keçirilən məhkəmə iclasında şahidlər dindirilib.(Bu barədə vəkil Zibeydə Sadıqovanın açıqlaması olacaq).

Yaxınlarının verdiyi məlumata görə, məhkəmə iclasında 4 şahid dindirilib, bəzi şahidlərin bilməyərəkdən ruhani Qədir Məmmədovun xeyirinə verdiyi ifadələri məhkəmə hakimləri ruhaninin əleyihinə düzəliş etməyə çalışıb.
Yaxınları bildirib ki, şahid kimi 4 nəfər çağrılsa da məhkəmə iclasında 7 nəfər ruhaninin əleyinə çıxış edib. “Hakimlər sifarişə uyqun olaraq şahidlərin "nöqsanlarına" xüsusi həyacanla düzəliş verməyə çalışırdılar.Sanki yalançı şahidlərə drijorluğu onlara tapşırmışdılar. Onlar ruhaninin xeyrinə olan "nöqsanlara" düzəliş vermək üçün dəridən - qabıqdan çıxırdılar.” -deyə yaxınları bildirib.

Qeyd edək ki, Məhkəmədəki haqsızlığa etiraz etdiyi üçün ruhanin ata əvəzi 60 yaşlı böyük qardaşını hakimlər məhkəmə zalından çıxarıb.
Xatırladaq ki, Maide.az saytının redaktoru və siyasi məhbus Şeyx Sərdarın dostu ruhani Qədir Məmmədov son vaxtlar Azərbaycan və İran arasında gərginləşən münasibətdən dolayı şiə ruhanilərinə və inanclılara qarşı başladılan represiya dalğasının ardınca sentyabrın 15-də evlərinin qarşısında azyaşlı oğlunun gözü önündə saxta ittihamla - narkotika istifadəetmə (234.1-1) maddəsi ilə şərlənərək həbs edilib. Ruhani ilk andan ittihamı qəbul etməyib və heç bir sənədə imza atmayıb.
https://www.tg-me.com/MaideTV

"İran işi" ilə bağlı şərlənərək həbs edilən ruhani Qədir Məmmədovun məhkəməsi ilə bağlı vəkil Zibeydə Sadıqovanın açıqlaması. (AUDİO)

https://www.tg-me.com/MaideTV

Bismilləh🌸




🍃http://T.me/zikrler_ve_dualar_SYH_313

#İmamBaqir #şəhadət

İmam Baqirin (ə) həyatına qısa bir baxış

14 iyun - 7 zilhiccə - İmam Məhəmməd Baqirin (ə) şəhadət günüdür. Bu münasibətlə hər birinizə başsağlığı deyir və o həzrət haqqında məlumatı təqdim edirik.

Beşinci imam “Baqir” ləqəbilə tanınan Muhəmməd ibn Əli ibn Hüseyn (ə) 57-ci (və yaxud 58-ci) hicri-qəməri ilində dünyaya göz açmışdır. Yəqubi o həzrətdən belə nəql edir: “Cəddim Hüseynin (ə) şəhadəti zamanı mən dörd yaşında idim və o həzrətin necə şəhid edildiyini və başımıza gələnlərin hamısını xatırlayıram.” (“Tarixi-Yəqubi”, c. 2, s. 320.)

Atası imam Zeynəlabidinin (ə) şəhadəti zamanı imam Baqirin (ə) 37-38 yaşı var idi. Anası isə imam Həsənin (ə) qızı Ümmü-Əbdüllahdır. Buna görə də, imam Baqir (ə) həm ata, həm də ana tərəfdən imam Əli (ə) və xanım Zəhraya (s) çatan ilk şəxsdir. İmam Baqir (ə) 114-cü hicri-qəməri ilində İbrahim ibn Vəlid ibn Əbdülməlik tərəfindən zəhərlənərək şəhadətə yetmiş və “Bəqi” qəbiristanlığında atası imam Zeynəlabidin (ə) və babası imam Həsənin (ə) qəbirləri kənarında dəfn olunmuşdur. O həzrətin imamət dövrü on doqquz və ya iyirmi il olmuşdur.

O həzrət “elmi yaran” və “elmin dərinliyinə varan” mənasını verən “Baqir” ləqəbi ilə məşhurdur. Bu ləqəbin izahında Cabir ibn Yezid Cöfi belə demişdir: “O həzrət elmin incəliklərinə toxunaraq onun sirr və incəliklərinə aydınlıq gətirirdi.”

Yəqubi yazır: “Elmin dərinliyinə vardığından o həzrəti “Baqir” adlandırmışlar.”

İbn Mənzur yazır: “Məhəmməd ibn Əli ibn Hüseyn ibn Əli (ə) elmi yardığı, onun əsaslarını bildiyi və onun kökünü budaqlarından ayırmaq qabiliyyətinə sahib olduğu üçün “Baqir” adlandırılmışdır. (“Lisanul-ərəb”, “Baqir” sözünün izahında.)

Cabir ibn Abdullah Ənsari deyir: “Bir gün Rəsulullah (s) mənə buyurdu: Sən məndən sonra bir müddət yaşayacaq, adı mənim addımla eyni və mənə çox bənzəyən övladımı ziyarət edəcəksən. Onu gördükdə, salamımı çatdır və bu sifarişimi mütləq yerinə yetir!” Cabir ömrünün sonlarında ölümünün yaxınlaşdığını gördükdə, dayanmadan: “Ey Baqir! Ey Baqir! Haradasan?” – deyirdi. Bir gün o həzrəti görüb özünü ona çatdırdı və Həzrətin üz-gözündən öpərək “atası Rəsulullaha (s) bənzəyənə atam-anam fəda olsun, Rəsulullah (s) sənə salam göndərmişdir!” – deyirdi. (“Biharul-ənvar”, Əllamə Məclisi, c. 46, s. 294.)

Bu rəvayətin Rəsulullahdan (s) nəql edilməsi o həzrətin bu ləqəblə məşhurlaşmasına səbəb oldu.

İMAM BAQİRİN (Ə) ƏXLAQI

İmam Baqir (ə) kamillik pillələrini fəth etməsi və yüksək əxlaqi səciyyələrə malik olması ilə bəşəriyyət tarixində təkrarolunmaz bir şəxsiyyətdir:

1. O həzrətin əxlaqi keyfiyyətlərindən biri uşaqlıq çağlarından gördüyü çətin və böyük hadisələr müqabilində səbirli, dözümlü olması idi. O həzrət Kərbəlada cənnət gənclərinin sərvəri imam Hüseynin (ə), onun əhli-əyalının və qəhrəman səhabələrinin qətlə yetirildiyini görmüş, Əhli-beytin (ə) çəkdiyi müsibət və bəlaların şahidi olmuşdur. Buna görə də, o həzrət həmin müsibətləri və Kərbəla faciəsini təfərrüatı ilə rəvayət edənlərdən biridir.

2. Səxavət imam Baqirin (ə) ən bariz xüsusiyyətlərindən biri idi. O həzrət həmişə yoxsullara və məhrumlara yaxşılıq edər və onları sevindirərdi. İbn Səbbağ deyir: “İmam Baqir (ə) elm, fəzilət, rəyasət və imamlığı ilə bərabər, şiə və sünnilərin nəzərində səxavətli olması ilə yad edilmiş, ailə üzvlərinin çox və imkanının ortasəviyyəli olmasına baxmayaraq, fəzilət, ehsan və yaxşılıqda şöhrət qazanmışdı.” (“Sifatus-səfvə”, 2-ci cild, səh.62.)

3. İmam Baqirin (ə) gözəl əxlaqi nümunələrindən biri də yoxsullara böyük ehtiram və qayğı göstərməsi idi. O həzrət öz əhli-əyalına tapşırmışdı ki, evə bir dilənçi gəldikdə, ona “ey dilənçi, bunu götür” deməsin. Desin ki, “Ey Allahın bəndəsi, bu, sənin üçün hazırlanıb.” O həzrət buyurub: “Yoxsulları gözəl sözlərlə çağırın.” İmam Baqir (ə) Mədinə yoxsullarına həmişə kömək edər və onlara sədəqə verərdi. O həzrət hər cümə günü Mədinə yoxsullarına bir dinar sədəqə verib buyurardı: “Cümə günü sədəqə verməyin fəziləti başqa günlərdə verilən sədəqənin fəzilətindən çoxdur.” (“Əyanuş-şiə”, 4-cü cild, səh.471, 1-ci hissə.)

4. İmam Baqir (ə) yalnız Allah-Taalaya ümid bəsləyər, yalnız Ona təvəkkül edər və layiqincə ibadət edərdi. Namaza durduğu zaman Onun xofundan rəngi saralardı. O həzrətin qulamı Əfləh deyir: “Mən imam Baqirlə (ə) birlikdə həcc ziyarətinə getmişdim. Həzrət (ə) məscidə daxil olarkən hönkürtü ilə ağlamağa başladı. Mən dedim: “Atam-anam sənə fəda olsun, insanlar sənə baxırlar. Bəlkə səsini bir az azaldasan?” İmam (ə) mənə buyurdu: “Ey Əfləh! Mən ona görə hönkürtü ilə ağlayıram ki, Allah-Taala mərhəmət nəzəri ilə mənə baxsın və bununla sabah (qiyamətdə) nicat tapanlardan olum.” Bundan sonra İmam (ə) Kəbəni təvaf edib, “məqam” arxasında namaz qıldı. Namazı qurtardıqda, səcdə etdiyi yer göz yaşları ilə islanmışdı.” (Nurul-əbsar”, səh.130.)

Maide.Az - Maarif bölümü
https://www.tg-me.com/MaideTV