QADRING KO‘KKA YETSIN -ONA TILIM

Maʼlumki, milliy til har bir madaniy xalqning tarixi va o‘zligini, ruhiy-maʼnaviy dunyosini o‘zida aks ettiradigan tengsiz boylikdir.

Bugun, 21 oktyabr - O‘zbek tiliga davlat tili maqomi berilganiga 35 yil bo‘ldi.

Yurtimizning barcha hududlari qatori tumanimizda ham milliy tilimizning qadri, nufuzi va mavqei yana-da yuksalgan kun munosabati bilan turli tadbirlar o‘tkazildi.

Markaziy ko‘chalarimizga o‘rnatilgan atoqli arboblarning o‘zbek tiliga bergan taʼriflari tushirilgan peshlavhalar tumanimizda bu kunning keng miqyosda nishonlanayotganidan darak berib turibdi.

Taʼlim dargohlari va davlat korxona hamda tashkilotlarida tashkil etilgan bayram tadbirlari o‘zgacha tarzda o‘tkazildi.

Tadbirlar davomida, ona tilimizning qadr-qimmatini madh etuvchi turli chiqishlar, qiziqarli o‘yinlar va konsert dasturlari barcha ishtirokchilarga ko‘tarinki kayfiyat baxsh etdi.

O‘zbek tilining boyligi, kuch-qudrati va qadr-qimmati yana-da ziyoda bo‘lishini tilagan holda, barchangizga ushbu ulug‘ kun muborak bo‘lsin deb qolamiz!