🔰 Milliy qadriyatlar bilan ma’naviy kamolot sari

🟢 Shu kunlarda Samarqand viloyatining markaziy va aholi gavjum ko‘chalarida joylashgan bilbordlarga mamlakatimizni har tomonlama rivojlantirish yo‘lida amalga oshirishimiz lozim bo‘lgan g‘oyalarni targ‘ib etuvchi shiorlar joylashtirilmoqda.

🔰 Farzandlarimizni milliy qadriyatlarimiz asosida tarbiyalashimiz lozim.

👉 Joriy yilning 30-yanvar kuni Samarqand viloyati pedagoglarni yangi metodikalarga oʻrgatish milliy markazida “Farzandlarimizni milliy qadriyatlarimiz asosida tarbiyalashimiz lozim” mavzusida davra suhbati bo‘lib o‘tdi.
🔵 Unda taniqli navoiyshunos va manbashunos olim, filologiya fanlari doktori, professor, Oʻzbekiston Fanlar Akademiyasi aʼzosi – akademik, Alisher Navoiy nomidagi Toshkent davlat oʻzbek tili va adabiyoti universiteti rektori Shuhrat Sirojiddinov ma’ruza qilib, taʼlim islohotlarini birgalikda amalga oshirish, oʻqituvchilarni yagona kuchga aylantirish hamda mavjud muammolarni muhokama qilish va ularning yechimi boʻyicha aniq takliflarni hayotiy misollar bilan tinglovchilarga tushuntirib berdi.
🟢 Davra suhbatida viloyat hokimining maslahatchisi Sh.Temirov, markaz rahbari A.Ibragimov va professor-oʻqituvchilar ishtirok etishdi.

🇺🇿Jarayon

👉O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasining Samarqand viloyati hududiy boshqarmasi, Samarqand shahar hokimligi bilan hamkorlikda shahar hududidagi savdo va xizmat ko‘rsatish korxonalarida “Davlat tili haqida”gi va “Reklama to‘g‘risida”gi Qonunlarning ijrosi yuzasidan o‘rganish o‘tkazildi.
🔰2024-yilning yanvar oyida o‘tkazilgan o‘rganishda 200 dan ziyod qonun talablariga mos kelmaydigan reklama va axborotlar aniqlanib, joyida bartaraf etilmoqda hamda ularga kelgusida bu kabi kamchiliklarga yo‘l qo‘ymaslik bo‘yicha tushuntirish ishlari olib borildi.

https://www.tg-me.com/SamTvr