‏"العلاقة التي دائمًا يسعى طرف من

أطرافها جاهدًا إلى توهجها ..

سيأتي يومًا ومن شدة تعبه

" سَيُطفئها دفعة واحدة "

ادرّي مَليت وعُرفتك
مِن ثگل وجهك وحَچيك

مِن كثر وياي زعلك
مِن برد حتى سلامك

مِن إختفت لذه كلامك
مِن گطعَت الزاد لأجلك

وانتَ إجيت بَگلب بارد گتلي
"الله يتقبل صيَامك"

.
.
مدري إلمن

عيد وملاگه الحبايب بي صعب
وبين گلبي وعقلي أحسنها حرب

لا اريدن گُربه واشتاگ لضوواه
والمصيبه عيّوُنه ونبض الگلب

الما يريد عيّوُنه يخسرها دوم
احنه ناس اندور اليهوه الگُرب

واحنه من نعشگ نخاف الله وتكون
گلوبنا الطيبه وعلي متروسه حُب

.
.

أمير الخفاجي

چنت شايل دنيا بايدي، بيوم شفتك صفگت

.
.
ضاعت الدنيا وضعت

واكو تبچي عليي وهوَّ موجود
واكو بفاتحته ميكلفك جگاره

ترا الماعنده شي ينخسر ويعيش
هذا اكثر شخص ضاگ الخساره


.
مدري المن

الحافظني عـدل يقراني لو ممسوح
مـَيدور عـذر ويـگـول مــــــا واضح
.
.
مدري ليا صدگي

جزعنا ولا صبرنا الفاد
حزن روحي عليّ ينعاد

يشبه كل حزن مر بسمه بغداد
شكبرررني إبذكرياتي أنگاد
.
.
#أمير_الخفاجي

العوض بـ الله نگول بهيئة أنسـان
يجبر خاطرك ورده بسنادين

اكو بدرب العشگ لو موت لو كان
اسمك بالخساير ينحفظ زين

.
.
#أمير_الخفاجي

عيش ولا تِضل تمشي وره جروحك
وأذا مَوجوع دَبّرها

تَره شما سولفت عَ البيك
تُبقى التوجعَك روحك
.
.
مدري الـ يا مصگوع

رغم كل الجره الـ هالساعه ادعيلك
وگضت ذيج الايام البيهن أبجيلك

بعتني وضيعت عشرة سنين هواي
وآنه بكل وكت تدريني باقيلك

بعد ما اريد منك لا هلا ومرسال
ساعه العشره جانت وانكسر ميلك
.
.

#أمير_الخفاجي

كل عام وعيون التحبهم يمك
اعزازك وخوُّانك وضحكات امك

والوالد الما يسوه بيت ابلياه
يزيدك فخر ينجاب اسمه ويَـ اسمك

وكل عام وياك الصدك يفتهمك

واليـسوه گـلـبـك والتأمن ويـاه
اليسـتاهلك وبروحه هو يضمك

وكون التحبه العين تتعايد بي
ذاك الرسم كل حلمه من لّب حلمك

وكل عام ربعك ضحكتك كل ليله
اعزاز وعلي وللضيج صاروا چيله

المن تنذكر يمهم يذكروك بطيّب
رفعة الراس اليعدلون الميله
.
.
#أمير_الخفاجي

١٨ ذو الحجة ١٤٤٤ هـ

رضيتُ بكَ يامولاي إماماً هادياً ولياً مُرشداً
لا أبتغي عنك بدلاً ولا أتّخذ من دونكَ وليّا ..


#شوصفنك_حرت_ياابو_الحسن_حيل
حبر أقلامنه يم أسمك إيجِف

نجي إمحملين هَم وخوف مولاي
وبنص حضرتك ينزاح وإيخِف

ياثالث شهاده تعيش بالروح
على طاري الإسم وگلوبنه إترِف

يا ريحة محمد يا أمام الدين
يا أبو الحسن ذاك الخيره يلصِف

يَـ الـ بكل شده حاضر حضرتك خير
السبع لو شاف سيفك حيل يرجِف

يالمرجفها خيبر قالع الباب
يالمقسم الجنان وعِلِم تخلِف

يا أول نده إمخضر بالگلوب
ب أرواح اليتامه تعيش مُنصِف

يالمعليّك ربك من گبل نوح
إسمك بالسمه يا سيدي إيرِف
.
.

#أمير_الخفاجي

غفله وي ماي السواجي الشوگ أجاني

وبس على عيونك توديني الاغاني
.
.
مدري المن
⁩