الاجل دك بابي... وبعيدة احبابي ... اشيصبرني
ردت عباسي  ... بخير انفاسي ... اليودعني
.....
زينب انه الما بقتلي كل عشيرة
بامر موتي ودفنتي محتارة حيرة
امنين اجيب اخوان الي امصيبه جبيرة
اميسرة بدنياي وبموتي اسيرة

فرح بسنيني ... مشافت عيني .... يرب خذني
.....
جنت احسّب من توافيني المنية
بيده ابو فاضل يجي ايشربني مية
والحسين ايشيل تابوت الالية
وصلو هالاخبار لارض الغاضرية

عجب ما جوني ... اخوتي وعوني ... تشيعني
.....
اليموت ايريد كون احبابه يمه
تجري دمعه اعليه وبحركه تضمه
حالي حال الضيم اشكيلج ييمه
اهلي ما تحضر دفنتي والله هضمه


اغص بالعبرة ... انوح بحسرة ... ثكل وني
.....
اه يا لوعت عذابي يا بلوتي
منهو يسمع قصتي ويسمع شكوتي
جانت الخوان تحسدني اعله خوتي
هسه بين اغراب راح يصير موتي

دمعتي ابخدي .... امل ماعندي ... يجي المني
.....
عازت الخوان يا هالناس عازه
محله لمتهم وكت شيل الجنازة
حيل حاربني زماني اعلي توازة
بالغدر والحيله بين امتيازة

اخذ عافيتي ... واهل كل بيتي ... غصب عني

......

.....
الحمد الله رب العالمين
اللهم صل على محمد وال محمد
موسى الخادم


@HxzEU1

#قناه_نشر_القصائد_المنبريه

(ميمر)

نـار الـسـبـي     »»»        نـار الـعِـبـي
عـنـدك عِلـم     »»»       يالـطـالـبـي

محتاره بين النارين يابو الفضل ترضاهه

*-------------------------*----------------------*

أنـتـه الـجـبـتـنـي الـكـربـلـه اتـبـاريـني
تـدريـنـي امـوت ابـغـيـبـتـك تـدرينـي
مـاتــســوه ايــام الــعــمــر وسـنـيـنـي

مـاضـل امـل      »»»»      كلشي ارتـحـل
يـگـرب الـي       »»»»       ريـت الاجــل

تـالـي العمر يـا عبـاس اخـتـك شمر وياهه

*-----------------------*---------------------*

مــا اگــدر بـدونـك تــره مــا اگــدر
عـگـبك احـامـي لـلـخـيـم والـخـدّر
يا مـن خـذيت الغانـمـه من حـيـدر

دمـعي الـيـسـح       »»»»     تــارك جــرح
  مــوتـي ردت        »»»»     بـس مـا يصح

المثلي تموت وترتاح اشعدهه بـقـه بدنياهه

*-----------------------*---------------------*

تـرضـه الشماته امـيسـره شـافـتـني
ونـار الـمـصايـب والـمـحـن چـوّتـني
اشـگــف بـديـه لـلـسـيـاط ومـتـنـي

مـوقـف صـعـب      »»»»     مـن انـضـرب
حـيـلـي انـهـدم       »»»»     وانـه بـغـرب

هيچي تعيش بنيران المنهه يروح أحماهه

*----------------------*----------------------*

الـمـن اعيش بدنيتي ومـا شـوفـك
فـدوه اروح الـرايـتـك وچـفــوفـك
ما ترضه روحي اتـفـارگك وتعوفـك

مـثـل الـحـلـم       »»»»    بــيــن الــزلــم
ويـنـك صحت     »»»»     خـويـه الـشـهـم

اتيسّرت بين أجناب وسفه الدهر سواهه

*-----------------------*------------------------*

عايفني لـيـش امـسـلـبـه يالـهـيـبـه
يالعلمتــني اعـلـه الخـدر والـطـيـبـه
يـاهـو الـيـبـاري الهودجي ويـجيـبـه

جـفـني يـهـل       »»»»      شـفـت الـهـزل
بُـعـدك عَـلّـي        »»»»     يـكـتـل كـتـل

يحلالك شلون النوم يالچنت بيك اتباهه

*-----------------------*---------------------*

ريـت الـعـيـون بـغيـبـتـك مـعـمـيـه
انـه الـعـقـيلـه وصـبـحـت مـسـبـيـه
نــار الاعــادي بــالــخــيـّـام وبــيّــه

عـنـدك عـهـد      »»»»    ويـن الـوعـد
راح الـخـدر      »»»»      شـنـطـر بـعـد

اسمع يخويه ايگولون هاي الگمر جاباهه

*----------------------*----------------------*

✍خـادم زينب(ع)
الشاعر رعد الجريخي



@HxzEU1

#قناه_نشر_القصائد_المنبريه

اشلون زينب گالو اميسرينهه
ما نهض عباس ينشد وينهه
***
ما فزع عباس حامي اضعونهه
ايشوف زينب بالمحن يسبونهه
الليل زينب بس دمع ابعيونهه

خاف هاشم باليسر ناسينهه
***
حييهم انده بالعشيره والعمام
وين هاشم تفزع وتبدي اهتمام
اتكون جيتهم گبل طر الظلام

وين زينب تنشد امضيعنهه
***
شلون هاشم ما لفت نسوانهه
اتشوف زينب حايره بأحزانهه
جروح.......باگت كربله وليانهه

ظلت بونهه تنوح احسينهه
***
وين حماي الدخل....شد الرچاب
واسرج الخيل بعجل بعظم مهاب
هاي زينب حايره بثكل المصاب

اتريد فزعه من الغري وتعينهه
***
عجل ابمسراك من وادي السلام
اكتاب من زينب وصلك بي كلام
گوم يابوحسين بس شد اللثام

عندك الاخبار دمعة عينهه
***
كون وي خيط الفجر ينوي الرحال
يشوف زينب بالغرب يبدي السؤال
يا تره ابيا حال زينب بس خيال

ايشوف زينب ياتره امسلبينهه
***
اجروح زينب تنحچي بمجره الدمع
تشبه الزهره واخذت تحني الظلع
ونهه........ عالعباس بس ما ينسمع

هاي مدرسة الخدر تبينهه
***
اجروح    زينب   بالعذاب   انشوفهه
نار     وخيام    وركض     بطفوفهه
شبچت العشره عله اخوها اچفوفهه

صارت الدمعه فرض بونينهه
***
بيها   لهفه  وحسره  تل   الزينبي
هاي زينب  سولفت جرح  السبي
اشلون مهضومه تظل بنت النبي

عاشت  الحسره  ورجف كونينهه
***
تمت بعون الله تعالى
خادمكم.....يوسف الفتلاوي



@HxzEU1

#قناه_نشر_القصائد_المنبريه

ظلت جنازه بلا اهل زينب
گلب العقيله بس جمر يلهب
غريبه... عجيبه... امرها العقيله
==========
يَمْ الصبر وبيا صبر محد اجه من اخوانج
عشتي جسد عايف هوه صار الحزن عنوانج
يم عون ابد محد حظر من اخوتج دفانج
بعيونج براسج جرح فوك المتن نيشانج

تانيتي دفانج يجي إتاخر
دفانج ابلا راس ابو الاكبر
وحيده... بعيده... امرها العقيله
==========
يازينب الحره شبعد ذكراج بس طف والم
طفله وطفل نار وجمر وكبالج احتركت خيم
واصعب كسر يَمْ الخدر يم النهر طاح العلم
عباسج الفوك النهر مصيوبه عينه بالسهم

محد يشيعچ شيعي اجروحج
خليها تصعد للسمه روحج
المنيه ... اذيه ... امرها العقيله
==========
هذا النعش بي فاجعه ومبينه كلش كبره
مبين نعش نوح وحزن وجروحه كد الصحره
مبينه الإخت شافت اخو حين اللي كطعوا نحره
مخلصه عمرها بس بجي ويلي عليها الحره

هذا النعش ياهوّ جنازه
منهو اليشيعه وميته اعزازه
حزنها ...اوي ونها... امرها العقيله
==========
مو هسه ميته من زمن يَمْ الخدر يم النحر
من شفتي ابو اليمه وكع والخنصر امن ايده انبتر
من شفتي عباس الوكع من راح اخيج للنهر
ساعتها روحج مابقت من خاطرج حيل انكسر

من ذبحوا حسين شبقه بروحج
متيّي يزينب من كثر نوحج
يِحَيِرْ ... يمرمر ... امرها العقيله
==========
مو مره متييّ ولاالف واكثر يزينب عالهزل
تاليها ياوسفه وعجب مجتوفه زينب بالحبل
مامش نفس ظلچ بعد بالهيمه ضايع جم طفل
وحسين عفتي بس جسد مذبوح نايم عالرمل

عفتي الحسين اومااحد يمه
ظل الذبيح امغسل ابدمه
سبيه ... لإميه ... امرها العقيله
==========
حان الاجل بس مااجوا والمنذبح مايرجع
من كبره لتضني ابد من كبره لا مايطلع
موقف اخوج بموتتج شنهو العذر من يسمع
ميشيعج الفاكد نظر وبگبره ظل امگطع

طبع اليشيع يملك اجفوفه
قدري الوضع تتعذر اظروفه
ميحظر ... ميگدر ... امرها العقيله
==========
✍ علي النائلي



@HxzEU1

#قناه_نشر_القصائد_المنبريه

من يصلي الوحشه يازينب عليج
من يغمض إعيونج ويسبل اديج
اخر انفاس العمر. بغربة محفور الگبر
==========
عالگبر تابوت اشوفه منتظر واحد يجي
بهل نعش كُبرى المصايب مايكفيها الحجي
نعش بي غربة ورزيه والم دمعات وبجي
صوت من النعش يطلع ببو فاضل يرتجي

يابوفاضل اني اخيتك وانت تدري
ردت بيدك ياعضيدي تحفره گبري
بعد شيفيد الصبر. بغربة محفور الگبر
==========
هالنعش يحمل مصيبه بالنعش بان الالم
صاحبة هاي الجنازه بيه جويه من الخيم
من يصلي عليها بله إلا شَيّال العلم
بس صعوبه من يِكَبّر بعينه مطبوع السهم

وين ابو فاضل يجي زينب تريد
عطر خلي يجيب من گبر الشهيد
الله اللي يعظم الاجر. بغربة محفور الگبر
==========
اختنگت التكبيره الاولى وگابلت هذا النعش
والاحساس البيها ينزف بجرح الاطفوف انخدش
بالنعش لوعة اميرة راكضه بليل اهدعش
بيها نار اخيام لسه وبيها نيران العطش

بيها اثر ليل وسبي جرح واذيه
هالنعش يشبه صفه بالغاضريه
ساحگه حافي بجمر بغربة محفور الگبر
==========
ثاني تكبيره تواسي ظلت تون للعليل
وحده بزينب يشيع من المرض ذاب الدليل
يسند بعوچيته حزنه وعالكبر كلسا يميل
للسمه صوت المناحه ونه واهات وعويل

لسه بجروحه اثر ذيج الليالي
عمه يازينب تره شيبتي حالي
بصوت صاح ومنكسر. بغربة محفور الگبر
==========
ياصلاة الل بس مدامع گَطَعتْ حته النياط
وانحنت كد مامتنها بيه مطبوعه السياط
ثالث التكبيره شاطت گلب زينب بيها شاط
رابع التكبيره دمعه حزن اه ويمها حاط

زينب لوحدها بالغربه وبعيده
ماتت بدار الغرب زينب شهيده
ماكو واحد تنتظر. بغربة محفور الگبر
==========
✍ علي النائلي



@HxzEU1

#قناه_نشر_القصائد_المنبريه

موسى ابن جعفر علجسر
چا وين اليشيعونه
--------------------------------------


الله يا هذا الخبر
أذى الامام المنتظر
مسموم ابن خير البشر

فوگ الجسر شالو نعش
والموت للشيعه غبش
هاي الجروح اربعطعش


جرح النبي وآله اليوم
غمضت وسفه عيونه
موسى ابن جعفر علجسر
چا وين اليشيعونه


--------------------------------------



يهل المجالس والدمع
هالليله چن كسر الضلع
صوت النعاوي الينسمع

مطروحه چثه امدده
يا وسفه ليش امگيده
هذا الجره وهذا السدى

چا وين ناسه وكل هله
علراس ويشيلونه
موسى ابن جعفر علجسر
چا وين اليشيعونه

-------------------------------------------


مسموم امام الرافضه
ظلمه الارض ضاگ الفضى
رايح بعد شيعوضه

يا وسفه هاي جنازته
خل نلطم اعله مصيبته
مهضومه ناس الشافته

جناز ريض بالنعش
خليهم ايحضرونه
موسى ابن جعفر علجسر
چا وين اليشيعونه

---------------------------------------


حشمو الطوايف خل تجي
نوح ولطم دمعه وبچي
خلص بعد كل الحچي


من شفنه مطروح الولي
بغداد صاحت يا هلي
احضر يبو الشده علي

علراس هاي اجنازته
ولحظات مينزلونه
موسى ابن جعفر علجسر
چا وين اليشيعونه

-------------------------------------

هاليوم مهموم الرضا
عن الابو شيعوضه ؟؟
بذاك السجن عمره انگضه

عاش بظلام ولا ضوى
طاموره ميلوحه الهوى
بالسم الف وسفه ارتوى


يا حيف چا وين الاهل
بلا ناصر ايتركونه
موسى ابن جعفر علجسر
چا وين اليشيعونه

-------------------------------------

كل المدامع خل تصب
من كل مدينه وكل درب
خلو المواكب تنصب

نتلگه تشييع السمى
ويلاه يلوعة فاطمه
تحضر لابنهه امحزمه

تبچيله هاي ام الحسن
وتشافي اليزورونه
موسى ابن جعفر علجسر
چا وين اليشيعونه


كلمات الخادم / رعد الفريجي
7 / رجب / 1446
ثوابها الى روح والدتي



@HxzEU1

#قناه_نشر_القصائد_المنبريه

ما شالته اجفوف اخوان ... نعش الغـريبه
من يحـضر ويه الـدفان  ... هـاي المـصيبه
عباس اريدك تحضر ... يا خويه لا تـتــعذر
                     .................
يا ريح وصل هل خبر  لطف كربله لخواني
وكله الكفل ضعن الخدر زينب يخوها اتاني
تحمل نعش بت فاطمه اوماتقبل بحل ثاني
وگله العذر ما يـنقبل وطـيــه كــل عنـواني
ومنيتي يــمي مــوجود ... وكت المنيه
وتجيبه متروس الجود ... تروي السبيه
للحره جيب الكوثر  ...  يا خويه لا تـتــعذر
              ......................
لوح النعش لجلي يون ويصيح وين اخوتها
عافوها ليش ويه الغرب ما تـنحمل غـربتها
الله يـعـيـن البالنـعش مـا تـنـوصف حالـتـها
لاجاها والي ولا عرف ياوحشـت اجـنـازتهـا
جـاويـن شـبـل الـكرار ... حـامـل لـوانــه
وسط الكلب تسعر نار ... خـالـي مـجـانه
دمع الحزن يتفجر ..... يا خويه لا تـتــعذر
               ......................
ياريـت يرجعلي الـنفس والزمـن يرجع بـيه
يمكم اجي لطف كربله وشرح الصـار عـلـيه
كل عمري عشته بلا فرح من كربلـه يـومــيه
غربه حياتي أومن متت عنواني ضل مسبيه
من كربله الحد الشام .... صارت بـعـيده
تتحقق ادري الاحلام .... بس اشتم ايده
بيك الفخر من حيدر... يا خـويـه لا تـتــعذر
             ......................
الجايبلي منكم لو خبر عمري اطشه ابشاره
المشتاك ناره تستعر ما تنطفي اتـشـب نــاره
مـحد يـحـس بوحشـته محـد يعرف اخـباره
داري صـبح خـويه الكبر جـاليش محـد زاره
تابـوتي دمـعـاته اتسـيل ... عـالما اجونه
مـن الخيـم راح الحـيـل ... مـن ودعـونه
صارالوجه لونه اصفر ..يا خـويـه لا تـتــعذر
              ......................
كـاتـبـلك بشوگه الكلب والله يكـون بـعـونك
امنيتي تحضر دفنتي وتشوف خويه اعيونك
غربه اليشيلون النعش وحسابي فوك امتونك
جفينك اشهودك تضـل يالـمـانعيش بـدونـك
ما قصرت خويه وياي ... زينب تشكرك
كل همك تجيب الماي ... وطيته عـمـرك
والناعي صاح اوكبر.... يا خـويـه لا تـتــعذر

الشاعر خالد جودي العارضي



@HxzEU1

#قناه_نشر_القصائد_المنبريه

اهزوجه لمولد الامام علي ع

الكعبه لأم علي الكرار من عدها الجدار انشگ.
وطبت بت أسد بالبيت وعليها البيت رد اطبگ.
ظلت بيه ثلث تيام وي ام الفحل اطلگ.

((يطلگن بيه الكعبه وأمه ))

موسى البديري

لسان حال العقيله زينب .عليهاالسلام..

.........................................

صحت متعيني خويه حسين لّماه..

صاح... وشفت خيل وزلم لّماه..

صعدت التل يوادم ركض لّماه.

تعّذر... صوت اخوي أيمر عليه .

................................................

اذا ... اسمع الكافل كلماني ..

أطمئن والطف احسه كلماني.

مشه الحضن المنايه كلماني.

طلبت الماي لسكينه ورقيه ...

....................... ...............

اخوي اليسد عازه ضليليته.

انذبح والدرب بعده ضليليته.

رغم خوفي بعباتي ضليليته.

وشفت برسومه شمس الغاضريه
.......................................

✍ ابومنتظر الحجامي ..

ولادة الامام محمد الجواد عليه السلام

ابوذيه ( من جاه )

الرضا هاليله يا مولود من جاه؟
الجواد وشله عند الله من جاه
الموالي يطلب بهل يوم منجاه
بحب تاسع العتره الاحمديه

هوسات :

إذا جارت الدنيا عليك واتحس الگلب مهموم
اتعنه لأرض بغداد وخل گلبك هناك يحوم
الجواد ايجود بالحاجات عنده ما يرد مظلوم

( ميرجع حاير من بابه)


إذا مو من أهلها إياك تمشي وتطلب الحاجات
واهل الكرم معروفين عدهم ماكو حاجه اتبات
إذا يدعون للباري حتماً يرجعون المات

( انخاهم بس انخاهم    كلهم غيره وباب امراد)

#مصطفى_الشافعي



@HxzEU1

#قناه_نشر_القصائد_المنبريه

(مولد الإمام الجواد عليه السلام)

ليل الفرح ليل الفرح والعاطفه
تاسع بدر شع بالسمه للمصطفه
____
١
هليله مو ظلمه السمه بالتاسع امنوره
هذا الجواد ومولده ضد الظلم ثوره
علّاه خلاق السمه وهوه الرفع قدره
بتاج الامامه توجه وثمانيه عمره

راح الحزن راح الحزن كله اختفه
تاسع بدر شع بالسمه للمصطفه
__
٢
اسمه مثل اسم النبي ويشبها بوصافه
وجهه صبح كعبة وفه ونور العرش طافه
ملجأ ملاذ من الخطر هجي المحب شافه
بسمة الهادي المصطفى مرسومه بشفافه

اسم النبي اسم النبي ونفس الصفه
تاسع بدر شع بالسمه للمصطفه
_
٣
مسرور هاليله الرضا والفرح دگ بابه
دعبل كتب مولد إله ويهني بصحابه
اعتقد بگماطه اعتنه ولكربله جابه
غسله ابماي العلگمي وزوره عله احبابه

زار الگمر زار الگمر رمز الوفه
تاسع بدر شع بالسمه للمصطفه
__
٤
هليله فرحان الگلب ويودع احزانه
باب المراد ابن الرضا والكرم عنوانه
من عنده اطلب حاجتّك واحسبها خلصانه
للمحب يگظيها قبل ما ينطق السانه

باب الكرم باب الكرم والمعرفه
تاسع بدر شع بالسمه للمصطفه

الشاعر #مصطفى_الشافعي



@HxzEU1

#قناه_نشر_القصائد_المنبريه

انصبو الفاتحه بكل شارع الليله
جنازته الغريبة كلش اثكيله

بالغربه السنه ومحد وصل ليها
لحد زارها ولحد نشد بيها
مهضومه وبقت بين الغرب زوار
غير ام عون حكنه نبچي عليها

ضل تابوت زينب محد يشيله

@@@@@@@@@@@@@

قيمو الفاتحه بنص الكلب خدام
زينبكم تضل وحدها هذا العام
ليش يصير هيج بزينب وترضون
ماتت لابچي وتشيع نص الشام

كون اخوان عدها النعش تبجيله

@@@@@@@@@@@@@@

فزعه نريد كون اليوم من عدكم
مااريد الطم يبرد اب مجلسكم
شدو حزامكم عالطم والدمعه
خدام المجالس زينب تكلكم

كل واحد بچه عباس يدعيله

@@@@@@@@@@@@@

كون بكربله مدفونه يم عباس
حته نزورها بكل وكت ياهلناس
زينب بالغرب ملجومه هاي شلون
محد زارها والكبر ما ينجاس

غير ام الخدر وحسين نشكيله

@@@@@@@@@@@@@@

بلايه يخوان ماتت بلغرب صعبه
لو يمها الكمر جان الدمع صبه
ضلت لاهل مهضومه يالعباس
موش ولام ليها زينب الغربه

صاحت ياابو فاضل ماتت العيله

@@@@@@@@@@@@@@

وداد البخاتري



@HxzEU1

#قناه_نشر_القصائد_المنبريه

ليلة العاشر

طلعت اركض ودور عليك بلكي الله وعدل الكاك
وصلتك بس لكيت الخيل مخربه كل جمالك ذاك
اجيتك والكـــلب محروك وبدمعي كعدت احذاك
تاني ولاتغـــــمض العين يحسين ارد اموت وياك

باوعت طولك وانت مطروح
مجروح من كل كتر مجروح
ياجرح اشــــده وياهو اخلي
لا والمصيبه نــــوب مذبوح

حسين مابيك تكعد ترجع وياي
حسين انت الاريدك ماردت ماي
حسين شبعت ركض بالبر يتاماي

ــــــــــــــــــــــــــــــــــــــــــــــــــــــــــــ

من كثر الوجــــــــــع يحـــــسين ماتكدر تسد العين
المك خويه حرت شلون هواي بجسمك مطشرين
روحه ورده شفت الخيل تدوسك والجرح جرحين
ثكيل الحافر مـــــن ايدوس يترك بيك اثر يحسين

من كثر مامـــديوس شفتك
ابن امي لاجـــن ماعرفتك
جسمك تحرك وانت مذبوح
كمت وطحت لمن وصلتك

حسين متروس صدرك من الاسهام
حسين كل هذا وانت اتصد للخيام
حسين جسمك اكبالي من الألم كام

ــــــــــــــــــــــــــــــــــــــــــــــــــــــــــــ

يخويه اكبالك من بجيت علي كام الشمر يضحك
تريد اتردني لخيامي كمت بس جرحك يطيحك
الشمر فوكك وكف يحسين ويكلي من بعد ذبحك
اتحضري للسبي باجــــر ولو طاري السبي يجرحك


ياســـــالفه التــــــــــريح البال
وبجفوفي خويه انشدت احبال
ياحيف وانه اختك يالحسين
يطكني عله متني الماهو رجال

حسين ياخوي شحجيلك عليه
حسين ونوك الهزل جابوها ليه
حسين وجتالك الحــــداي بيه

ــــــــــــــــــــــــــــــــــــــــــــــــــــــــــــ
الهزل جابوها بــــــس تكزل وانا مجتوفه ركبوني
هضيمه انه انسبي تالي وتبين الدمعه بعيوني
وراسك عل رمح يحسين يبجي اشما يضربوني
يخويه الشام مــــايــــراد ناسه اهواي هضموني

هضموني من كامو يشتمون
وبراسك اكبالي يهــــوسون
مجتوفه من طبوني للسوك
الوادم علي كامو يضحكون

حسين شيبت راس الناكه ونتي
حسين ينشدون وجاوب حسرتي
حسين بنص سوكهم فشله وكعتي

ــــــــــــــــــــــــــــــــــــــــــــــــــــــــــــ

ماصارت كبل ويــــــــــاي اطلع وي عرب غربه
جان اخيالي ما ينشاف وهسه بنص زلم صعبه
أسيره مجتفه وعـــــــل نوك وبمتني اثر ضربه
ناس الشام خويه حسين مايسوون ابد عتبه

مايستـــــحون وشدو وياي
كـــــــــدام عيني بدو الماي
وانه انهضمت عله علاوي
لاذن بسدي يريدن افياي


حسين اكبر هضيمه عله الهواشم
حسين من طبن بسوك الفواطم
حسين سمعوهن انواع الشتايم

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي



@HxzEU1

#قناه_نشر_القصائد_المنبريه

حلم عمري اجــــي لصحنچ ويمج اكعد وأنحب
ويم شباجج المـــغرب حلات الدمعه من تنصب
عله مودج كمت احــب الشام وله اشام ماينحب
وتعبيني بخدمتج حيل حلات الخدمه من اتعب


يمـته اجيج وعيني تنظر كبتج
ليش محـــروم انه من ازيارتج
يمته اوصل بابج لبل غربه ذاك
ارد اذب اعيوني كون ابعتبتج


كلبي ابــد ماتطفه ناره
فـــدوه ارزقيني الزياره
انه حالف روحي اشدها
علگ بطــــــراف المناره


مولاتي مشتاك اشم ريحة ضريحج

ــــــــــــــــــــــــــــــــــــــــــــــــــ

مشت لزيارتج كلها وبقيت انه اكسر الخاطر
اروحن ويـــن ما أدري دليني اصبحت حاير
ولو بس مــــره ازرونج عليج الساحكه الحافر
بســـــــجلج يمته مولاتي اسمي ينكتب زاير

ياغريبه وللغـــــــريب انتي وطن
كون مسبي وياج انا بذاك الضعن
انه مــــدري اشمالني مابيه خير
عيوني ليهسه لمـــصابج ماعمن

غير ماحــــــــــس انه بيها
انتي المــــــــــجوايه اديها
زينب انتي بيـــــوم عاشر
اكبالها ذبــــــــــحو وليها


مولاتي مشتاك اشم ريحة ضريحج

ــــــــــــــــــــــــــــــــــــــــــــــــــ

دخيل ادموعج الطاحن بيوم العاشر عله حسين
يروح الزهرة مــــــــوسهله بحبل للغربه تنكادين
اخيالج مانظرله احـــــــد شلون ويل زلم تمشين
مو مالت ركــــــــض انتي عمرج جازي الخمسين

انتي مو مالت ركـــض يم الخدر
ولاسبي ولا مشي بدروب اليسر
مـــــــن بعد ذاك الدلال وهيبتج
ياهضيمه يطكج بسوطه الشمر

مـــــــــن بعد ذيج المهابه
تالي كعــــــــــدوج بخرابه
ودمعـــــــــتج تقره يزينب
اه يحسين ومــــــــــصابه


مولاتي مشتاك اشم ريحة ضريحج

ــــــــــــــــــــــــــــــــــــــــــــــــــ

اديج مــــــن الجمر زينب اثـــــر من الحرك بيها
عله مصابج يمــــسبيه اشتكفي الدمعه البجيها
بحافر كون ادك صـــــدري المثلج هيج اواسيها
انتي عــــــــــل الرماح بليل شالو روس اهاليها

اخ وليـــــــحدي يــــــزينب بالضعن
يضحك مـــــن يشوف دمعاتج جرن
وهوه ميت صاح من نحره الحسين
ياهضيــــــــمتنه العلاوي من انسبن


والله يــــــــازينب هضيمه
تحترك فــــــــــوكاج خيمه
انتي ســــتر الله ومشيتي
وي عرب مــــاعدها شيمه

مولاتي مشتاك اشم ريحة ضريحج

ــــــــــــــــــــــــــــــــــــــــــــــــــ

دخيلج مــن دخلتي الشام وصار بضعنج الماصار
مــــــــو بليا هـــــــلا اتلكوج تلكوج بشتم وحجار
الوادم تضــــــحك وانتي دمعتج تجوي خدج نار
اجروحج مثل اخوج حسين كلها اكبار ماكو ازغار

وكفـــــــتج بين الزلم صعبه تره
انتي اول هاشــــــــــمية ميسره
وســــفه يازينب ابوفاظل اخوج
الخله بالطف بـس جثثها مشمره

هاي عل الساده جبيره
طبتج للــــسوك اسيره
انتي محد شاف طولج
انتي بت شيخ العشيره

مولاتي مشتاك اشم ريحة ضريحج
ــــــــــــــــــــــــــــــــــــــــــــــــــ


حسين عبد الزهرة الدراجي



@HxzEU1

#قناه_نشر_القصائد_المنبريه

يابو المحنه الحب حرام الغيرك
ياحلم زينب يالصــعب تفسيرك
ياهـــــــو المــــثلك عزب ابولاده
من موتك الحد هسه فايض خيرك

انت خيرك مـــــايشح
انت ياعــــــظم جرح
هاذا مو راسك حسين
كلب زينب عـــل رمح

حسين عزبت بعيونك
حسين لأجل اليحبونك
حسين ارد اصيرن جونك

حسين يادخيل احروفك

000000

مو حكه عابس من صبح مجنونك
جي يدري مــايكدر يعيش ابدونك
اتبره مـــن كلبي اذا يعشك عليك
وانه الله خالقني عله مود اعيونك

انت يالـــون الفجر
بيه عايش من زغر
ويالهوه انه اتنفسك
ياعــــــزيز ام الخدر

حسين يالعــــطائك دايم
حسين ماكو مثلك حاكم
حسين ماتـــنذل الخادم

حسين يادخيل احروفك

0000000

باوعـــــت بيك وكلبي يسل حاير
من مثلك مطشر الضلوعه الحافر
يالمنذبح بس عينك عله اخيامك
الله يـــحــــــيرت زينبك بالعاشر

ذابحك طاري السبي
ونهضملك جم نبي
انت كلبك ياحسين
احترك وي حرك العبي

خيام احتركت عله اطفالك
خيام ثكـــــــبت بــــدلالك
خيام مـــــــا بقـــت لعيالك

حسين يادخيل احروفك
00000000


ماشفت مثلك بشر يابو الشيمه
تبجي عله لي حرك منك خيمه
وانطيت حته اهدومك السلابك
وعيالك مطــــشره بذيج الهيمه

انت عاري عله الارض
وكلبك مضيع النبض
ابهيمه نسوانك يحيد
ماتت وشبعت ركض

حرام تنسبي نسوانك
حرام ياعجيد اخوانك
حرام يحترك صيوانك

حسين يادخيل احروفك
0000000

كلشي سهل لاجن افراكك صعبه
العافك وحك زينب يتيه دربه
انت الحنين الماكو من حنيتك
والمايحبك هاذه ميت كلبه

المايحبك من صدك
ماعرف معنا العشك
مثل خيماتك اريد
عليك كلبي يحترك

اريد بس لك ايامي
اريد ياحبيبي الضامي
اريد لك شد احزامي

حسين يادخيل احروفك

0000000
حسين عبد الزهرة الدراجي



@HxzEU1

#قناه_نشر_القصائد_المنبريه

يا ابا عبدالله يابا عبدالله



الخادم مـــــــن يموت حسين يتعنا لعد كبره
بيده يغمض عيـــــونه ويمسحله على صدره
هله بالخادم يكـــــــله الجان ابمجلسي يقره
انه عليك راضي هـــواي وداعت امي الزهره

ياباعبد الله ياباعبد الله


جنت ابمئتمي يــــلان تبجي وتلطم ابحركه
للمجلس تجي ملهوف ابكلبك خيمه محتركه
وهسه الكبرك اتعنيت ارد الوحشه والخنكه
انت العــــاشك الولهان الوايايه صدك عشكه

ياباعبد الله ياباعبد الله


شلون أتريد مـــــــاجيلك وما اتعنه يم كبرك
وانت الخاطـــري يفلان ناذر روحك وعمرك
ما انســـــــاهه لا والله هاي الطمه البصدرك
هنيالك يخـــــــادمنه عند الله اشعظم قدرك


ياباعبد الله ياباعبد الله



يالـــــــمادورت ويـــــــاي لا جاه ولا سمعه
ادموعك ذني حاسبهن يضون بالكبر شمعه
تدعي ابمجلسي وتريد ربي ارزقني الدمعه
وعل منبر لمــــــن تقره صوتك امي اتسمعه


ياباعبد الله ياباعبد الله


00000000
حسين عبد الزهرة الدراجي



@HxzEU1

#قناه_نشر_القصائد_المنبريه

مقدمه الحجه ع

يامهدي ياسيدي
0000000
يالتـــــــندل ابروحي وتعرف اشبيه
رايـــــد تطـــــــهر كلــــــبي بيدك ليه
ارزقني مـــــــن حزنك يمهدي اشويه
وخليني اموت من البجي عله ارقيه

ياسيدي /ارزقني البجي/ وفقني اشوفك
تسوه العمر / يبن الحسن/ لمست جفوفك

يامهدي ياسيدي
0000000
مو كبر شيب افراك هـــــــذا ابراسك
يالشايف ابعـــــــينك ذبح كل ناسك
صاير ابكبر حسين جـــرح احساسك
ودخان خيمه تشـــــــتم وي انفاسك

دمعك جمر / تبجي العمر/ للسحكته الخيل
جفنك ذبل /همك جبل /ومهدم الحيل

يامهدي ياسيدي
0000000
شخـــــــصك قليل الــــوادم اليدعوله
أعقول البـــــــشر ياسيدي معـــــلوله
بفلان وفلان الخــــــلك مشـــــــغوله
ولرحمه مـــــــن اكلـــــــوبهم مشيوله

هاي البشر / يالمنتضر / غرگت بالذنوب
هاي ألخلك / ماتدعي الك/ ياغلى محبوب

يامهدي ياسيدي
0000000
يالمثل ليلك صـــــــار ظلم صبحك
سامحني خافـــــن بل ذنب أجرحك
مالحضه أذكـــــــر مره أنه أمفرحك
أشكبر بخته سيدي لـــــــي يلمحك

أبيض كـــــــلب/ اليمشي بدرب / ويتلاكه وياك
أبخيت وعلي / الشافك صدك /وبالوجنه باساك
0000000
ليليه شـــــــوكي يهزني لـــــــك ليليه
وســـــــهر وضـــــــل مناطرك يوميه
خلـــــصـــــت عمري انتضر منك جيه
كل يـــــــوم اكـــــــولن باجر يمر بيه

ليلليه احن/ وشتاك الك / وتمنه الاكيك
يبن الحسن/ أنه الصدك / ميت عشك بيك

يامهدي ياسيدي
0000000
سولفلي ويـــــــن اتــــروح لمن أتحير
هــــم مثل حيدر تشـــــكي همك للبير
جرحك سبي وهل جرح مولاي أجبير
المسبيه عمته اشتضن بي جرحه ازغير

زينب وسف / رگبت هزل / وطبت دواوين
بعينك شفت /ذاك الشمر / من طك الحسين

يامهدي ياسيدي
0000000
مـــــــو نزوه حزنـــــك لا عمر يالمهدي
واليليه ونـــــــك بيك للـــــطف يحدي
اوصل الكـــــــلبك يابـــــــو صالح ودي
غير الله وانـــــــت بهل حياة اشنعدي

ماعندي ابد/ غيرك سند/ ياوجه الحسين
وجهك إذا/ عني درت/ انطي الوجه ين

يامهدي ياسيدي
0000000
حسين عبد الزهرة الدراجي



@HxzEU1

#قناه_نشر_القصائد_المنبريه

ماظلت اعيون اشوفج بيهن
لا ظلت اجفوف اشيلج بيهن
يزينب   .... يزينب ... سامحيني
......
يعز من روحي وسنيني وحياتي.. وشوف العيون
تعذريني اذا ماجيت الج  هل ... ساعه يم عون
الجنازه ابحاجه جفين اتحملها .. فوك المتون
وانه شوفت عيونج كلشي ما ظل ... مني تدرون

صعبه اعله عباس اذا تنخينه
ميردلج جواب يكل سنينه
امانه .. امانه ... اعذريني
.....
وحكج خوية لو بيدية اجيلج ... اني والجود
لجن ما اريد اشوفج هامي خوية  ... الصابه عامود
الاخو وكت الدفن يحضر اخيته ... هذا معهود
ينزلها الكبرها ابيده ويظل ... يمها موجود

من كبري بدموع يخي ناديتيج
عذريني يمعون اذا ما جيتج
يخيتي  ... يخيتي .... تسمعنيني
.......

يزينب خوية مو هين مصابج ... يكسر ظهور
الج راح انصب بدمع النواظر ... عزه مشهور  
يظل حزني بعزائج دومه عامر ... مثل عاشور
ولحد يوم القيامه اعليج أبجي ... اهل الاكبور

جنت اسمع اونينج ابنص ليلج
كد ما بجيتي علية ابجيلج
امانه... امانه ... صبّريني

......
عليج الفاتحه اقراها بدمعتي  . ... يالحبيبه
بلاي  اجفوفي الج الطم يخيتي .... ياغريبه
مصابج هيج اعليه يزينب .... جم مصيبه
شسولف ما اوصف جرح كلبي ... لا نحيبه

خلص بالالام يزينب عمرج
مكسورت اجناح مشيتي الكبرج
بالجروح ... بالجروح ... قاسميني
.......

الج من كبري اوديلج سلامي .... واعتذاري
وداعج ما حضرت ولا دفنتج ... اه يناري
خبر موتج يزينب زاد همي ... وانكساري
على ارسومج ادور يالحبيبه ... بعز نهاري

من كربله الشامج اسأل وينج
بعيده المسافه الي بيني وبينج
يروحي .... يروحي .... كلميني

.....
الحمدالله رب العالمين
اللهم صل على محمد وآل محمد
موسى الخادم



@HxzEU1

#قناه_نشر_القصائد_المنبريه