هايه ام الأربعه الوفايه
تحضر ابكل تعزيه وقرايه
تحجي عن طف كربلاء
......
١؛؛؛؛؛؛؛؛؛؛؛؛

يا خادمهه ... اخلص يمهه
هاي الوفيه الطاهره الخادمهه متعوف

كلشي انطيهه ... الروح اهديهه
تستاهل ام الاربعه المنحر والاجفوف

تستاهل ام الأربعه
تهديهه كَـد المشرعه
دمعات عين اموزعه
ودم منحر اليصب

لحسينهه امضحيه كَـمر
ياهو المثلهه ابهل بشر
وثوبث للماي بنهر
هذا الأمر صعب 

سوت الما وحده المسويته
خادمه ادكَـول العلي وذريته
لوحه رسمت بالولاء
..........
٢؛؛؛؛؛؛؛؛؛؛؛؛؛؛؛

أم الأربع .... تنطي امربع
لليكَـصدلهه بحاجه عنده وكلبه مهموم

روح اتكَـله .... ما اتخله
الحاجه يمي تنكَـضي بالساعه مو يوم

تشهد عليهه كربله
كلمن ندبهه ابمسأله
تكَـضيهه باللحضه اله
ما ينتظر شهر

معروفه توكَـف بالشدد
للي كَـصد والما كَـصد
بالفاتحه اتحل العكَـد
ام الكمر فخر

إقره الهه الفاتحه وانخاها
حاضره اتحل شدتك تلكَـاها
اي وحق راعي اللواء
.....
٣؛؛؛،،،،،،،،،،،،

ام الكافل .... مترد سائل
ليل وصبح باب الهه من الجنه مفتوح

ترفع قدره .... الحَب الزهره
متعوفه وحده بحيرته اويه الدمعه والنوح

كل البشر بيهه اتحلف
بالغيرة رايتهه ترف
الغربه تشهد والعرف
أعظم مره العلي

بعد الزجيه فاطمه
اتحبهه ملائكة السمه
أي وحق حماي الحمه
هالصيحه تعتلي

جان اسمهه فاطمه البدويه
وهسه صارت فاطمة العلويه
بيهه تحجي ارض وسماء

......
٤؛؛؛؛؛،،،،،،،،،

البدويه .... ابكل لطميه
تلكاهه تلطم عالصدر  واعله الضلع حيل

يم المنبر ... تحضر تحضر
تبجي لبنهه المنسحك بحوافر  الخيل

لحسين حبهه من صدكَـ
بي سولفو اهل العشكَـ
ميته وكلبهه محتركَـ
سلطانة الوفه

مابيهه كل ذرة عتب
تاريخهه انخط ابذهب
شايل عجب يابو عجب 
خاتمته عاطفه

حارت اشتكتب عليهه اقلامنا
بيهه تحجي الهسه هاي ايامنا
فاطمه ام الوفاء

..............
٥؛؛؛؛؛؛؛،؛؛؛؛؛؛

بيهه اتباهه ... من سواهه
باب الحوائج تكَـصدلهه سائر الناس

أعظم نعمه .... الهاي الأُمه
أم البنين الخلفت عباس عباس

كل خير من عدهه نَعم
الله جعلها افضل نِعم
بوجودهه الكون ابتسم
وتناثر الضوه

عنوان مدرسة الصبر
ترتيل قرآن الفجر
مفتاح تسهيل الامر
أم حامل اللوه

الله رازقهه بجميع الطافه
ابذكر اسمهه كل علل تتشافه
احروف اسمهه اعظم دواء
.......

✍️🏻 كلمات موسى الخادم

مولد الزهراء ع

مولاتي .. انتي نور ما يشبهچ ثاني
مولاتي .. ظل يفور عطرچ الرباني
مبروكه يزهراء مبروكه يزهراء
اللهم بارك للهادي الهاشمي
*
يالزچيه ابهل ولاده الله وزع نوره
سورة الكوثر بدونچ ما تصح! مبتوره
الدنيا گبلچ يالوديعه امغيمه ومكسوره
إلوحي بشرها صرتي وعكست النه الصوره

دنيانه .. تضوي دوم لجل هاي عيونچ
دنيانه .. بيها عين منها شفناه نورچ
مبروكه يزهراء مبروكه يزهراء
اللهم بارك للهادي الهاشمي
****
انتي دون الناس كلها صوره شغلت بالي
اندلع المولود عدنه بالذهب والغالي
يالزچيه من يثمنچ غير ربنه العالي
انتي من الله هديتچ ابو حسين الوالي

بس حيدر .. كفو صار آيه تشبه آيه
بس حيدر .. ما يلوگ الچ غيره امرايه
مبروكه يزهراء مبروكه يزهراء
اللهم بارك للهادي الهاشمي
****
ابو العتره الهادي احمد ما تصح ابدونچ
انتي ما بين الرساله والامامه اعيونچ
وصل انتي وسلسلتهم گعدت اعله امتونچ
انتي اول مره صرتي ام ابو مضمونچ

يالزهره .. اچبيره دوم رغم زغر اسنينچ
يالزهره .. الله نور ودّع ابچفينچ
مبروكه يزهراء مبروكه يزهراء
اللهم بارك للهادي الهاشمي
****
بسمة الهادي اشحلاها بيها ضوه الديره
ابمولدچ يالزهره يدري اكتابه حل تفسيره
لوله انتي واهل بيتچ چا فلكنه ابحيره
لا شمس لا بحر يجري الهوه منهو ايديره

بارينه .. سوه كون چي يحبكم ثاري
بارينه .. سوه نور والعرش والذاري
مبروكه يزهراء مبروكه يزهراء
اللهم بارك للهادي الهاشمي
****

الشاعر اياد الديراوي



@HxzEU1

#قناه_نشر_القصائد_المنبريه

ابوذيه

ابـحـفـلـنـه ينكشـف حـبـنـه .. وسِـرنـه
ومـولــد فــاطــمــة لَــمـنــه .. وسَـرنـه
عــشَـگــنـــه هـالـدرب هـذا  .. وسـرنـه

ابـمـحـبـت فـاطـمـة الـحـد الـمـنـيـه

*-----------------------*-------------------*

✍خادم الزهراء(ع)
الشاعر رعد الجريخي

بسم الزهراء القدسية
بسم الحوراء الأنسية

نبدي نسولف عن الزهرة
وبيها انشنف كل امسية

و نستفتحها بأجمل آية
إنا اعطيناك الكوثر
خليها ابالك يا ابتر

هاي الكوثر هيه الزهرة
وبيها الدين گدار مگدر

من نوره انطاها الله لطه
وصارت قطب الكون اليفتر

و بأنواره القدسية انعجنت
مخلوقة تكافئ بس حيدر

و من اشجار الجنة انقطفت
وانزرعت بأصلاب الطهر

تفاحة وبيد الله اندارت
غير عثوگ الخير تخضر

مشكاة النور الما يطفه
بيها الباري مخلي اچم سر

يكبر كلمن يخدم فاطم
و الما يخدم فاطم يزغر



عباس حسن السوداني

لو كلها مجموعه عله امحبت علي
چا ما خلق ربنا جحيم وتصطلي

ــــــــــــــــــــــــــــــــــــــــــــــــــــــ

لو ڪــلها چـــانت للأمير اتبــايع علي علي علي علي
چا ما خلق ناره الـقدير الواســع
چان ابجهنم اي بشر ما سـامـع
چا آدم امن الجنه ابد ما طــالع
ارد اسأل واني ابجوابك طــامع
ياهو التصدق خاتم ايده وراكــع
ياهو ابيمينه لحصن خيبر قـــالع
ياهو لرگب مرحب وبن ود گاطع
ياهوه من سيفه عُمرهُم نـــازع
ياهو الـمُـشَـفَّع بالقيامه وشــافع
ياهو النزوره ابڪل غدير انبايـع
ياهو اول ابكلشي وابد مو رابـع
من بت أسد ياهو التغذه وراضع

لو من صدگ گالوها ( بخ ٍ ) يلولي
چا ما خلق ربنا جحيم وتصطلي

ـــــــــــــــــــــــــــــــــــــــــــــــــــــــــــ

بالڪعبه صار ومنها شع اهلاله علي علي علي علي
وانشگ جدار البيت لـــــ استقباله
وابجيّــــــــته الهادي انشرح دلاله
يشبه محمد بالـــفعل واقواله
( إلّا علياً لَا فَتَى ) تفصاله
يوم الغدير الهادي شنهو الگاله
تاج الخلافه بس علي يحلاله
والرب عليكم تمـمّـاها افضاله
حيدر ذهب والباقي كلها اوشاله
چف الصميده چف محمد شاله
يلـ تنجا رايد بالحشر واهواله
بايع امير الــــــــــمؤمنين وآله

لو بايع الجمع الغفير الأولي
چا ما خلق ربنا جحيم وتصطلي

ـــــــــــــــــــــــــــــــــــــــــــــــــــــ

عِزنه وسندنه ونفتخر والينه علي علي علي علي
ساكن گلبنه وغيره ما حبينه
شاطي المكارم منبعه ابچفينه
بسمه وصفاته آبائنا امسمينه
شيعة علي وطينتنا اطهر طينه
وي اللبن حب حيدر اتغذينه
أمره نطيعه المصطفى اموصينه
يدرينه وفّــــاية عهد يـدرينه
للمرتضى ارخصنه العمر وسنيـنه
وبكيفه وين ايريدنه ايودينه
اسمه الشريف اعله الگلب خطينه
يابا الحسن كل دگه تنبض بينه

لوله الثلاثه الحاقدين الجُهَّل ِ
چا ما خلق ربنا جحيم وتصطلي
ــــــــــــــــــــــــــــــــــــــــــــــــــــ

يوم الغدير انبايعك مولانه
ننصب محافل وام حسن فرحانه
كل شيعي يثبت عن وجوده اهنانه
مو بن حلال الما فرح ويانه
هليله دين الله تتم ارڪانه
شيعة علي ابضحكه وفرح سهرانه
واهل السقيفه اتهل دمع حزنانه
عطله الغدير ابرغم من عادانه
مسك الختام وخاتمة دعوانه
عجل يرب للمُــــنتظر رجوانه
واجعلنه من انصاره من اعوانه

للمُنتظر لو بايعت چف عاذلي
چا ما خلق ربنا جحيم وتصطلي
ــــــــــــــــــــــــــــــــــــــــــــــــــ
سيد علي عبدالزهره الناجي

مولد الزهراء عليها السلام




طير الــــــفرح صدّاح
بالـــــــبهجه والأفراح
خل ننثر الـــــــــقداح
بسم الزچيه      
بسم الزچيه




كل محب هليله لازم يشعل اشموع الـسعاده
ايبارك لــــــسيد البريه ولخديجه ابهل ولاده
نزلت ابـــــهليله سوره عل سور تملك سياده
چن صلاه محفل ذكرها ، اي نعم ينعد عباده

وبمحفل الزهراء         مريم تجي وحواء
يلگن فرح واضواء        بسم الزچيه








هيه بس دون الخليقه من جنان الباري اصلها
چانت ابــــأحشا خديجه اتنادي يا يمه وتگلها
أزهرت يوم الـــــولاده سبعه وي سبعه لأجلها
واسطه ابين النبوه والأمامه الــــــــرب جعلها

برض المدينه اسرور       يوم انولد هلنور
صار الذنب مغفور           بسم الزچيه






كل مَلك أُمنيته صارت بالـــــــــمهد كون اليهزها
فاطمه ومو بس محمد رب محمد هم يــــــعزها
والدليل ابعرشه اسمها عل عرش كلمه اشيچزها
الله لو يبعث نبيه فاطمه ابلا شك يـــــــــــدزها

صارت بمر قيوم       أُم لهدعش معصوم
تفخر شمس و انجوم        بسم الزًچيه







اُم ابوها ومنه   ورثت هيبته وعلمه وكماله
هيه بس قدمها طه امن الـــنسا يوم ابتهاله
بيها سـر محد يفسره خصها بي رب الجلاله
بالـــــگبر هيه الشفيعه منكر اتجاوب سؤاله

ابكل شده وابكل عوز      تحضر نجاة وفوز
باچر صراط انجوز          بسم الزچيه







يله خل نرفع  ادينه ونندعي ابجاه الزچيه
ربي قرب ثم عجل صاحب الطلعه البهيه
يضهر وقسطاً وعدلاً تنملي ابجاله الوطيه
غايب وياساعه نحضه ابجيته الـ هي احلى جيه

من يضهر الموعود نفزع خدم واجنود
ننثر عمرنا اورود بسم الزچيه
ــــــــــــــــــــــــــــــــــــــــ
سيد علي عبدالزهره الناجي

(قصيده لمولد السيده الزهراء)

يا زهراء .. يافاطمه
يا زهراء .. يافاطمه
ـــــــــــــــــــــــــــــــ
انقدم الليله التهــــــــاني والسرور 
عالارض ياناس شـــــع للزهره نور
البسمه بانت بالسمه بوجه الطيور
وهبّت الانســــــام ممليه عطــــور

والامـلاك .. متبسّمه
يا زهراء .. يافاطمه
ـــــــــــــــــــــــــــــــ
الليله گلب الشيعي فرحان وسعيد
مولد الزهــــــــراء عدنا اليوم عيد
نشيل ورده بايد والشمعـــــات بيد
الليله من ام الحسن نظـــــره نريد

بينه الروح .. تظل هايمه
يا زهــــراء .. يافــــاطمه
ـــــــــــــــــــــــــــــــ
الليله دمعات الفرح ترست العين
احنه بالزهـــــره أو اهلها هايمين
نلگه مثل الطاهــــره ياناس وين
الفخر يكفيها لأن جــابت حسين

الهه وبس .. هالمكرمه
يا زهـــراء .. يافـاطمه
ـــــــــــــــــــــــــــــــ
غرّد الطير ومله صوته السمه
بمولد الزهـــره الزچيه فاطمه
هالعوالم بيهــــــا ظلت هايمه
والحضر مولـــدها نال الغانمه

الحاضر نال .. هالغانمه
يا زهـــــراء .. يافاطمه
ـــــــــــــــــــــــــــــــ
الغـــايب الليله تره گلبه ابتشر
مولد امه الغــاليه وبيها افتخر
خل يطول الليل محلاته السهر
ريت فرحتنا تظل طـول الدهر

هالميلاد .. مااعظمه
يا زهراء .. يافاطمه
ـــــــــــــــــــــــــــــــ

حيدر بشار الدراجي

البضعه وأم ابيهـــا فاطمتنه
اُمنه اعله عشگـــها فاطمتنه
أنه بيوم القيامه فاطمه اتنه
تجيني ام الحسن تشفع اليه
༺༺༻
حيدر بشار الدراجي

لمولد مولاتنا الزهراء سلام الله عليها

ضوه العالم ابأسره
مولد فاطمة الزهره
-----------------------------
بسم الّله ابديله ..مولد فاطمة الليله
والمنتظر اهديله...افراح وتهانينه
جيت الليله اتباها...هاي الفرحه محلاها
يامولد بنت طه...كل شيعي يسُر عينه
افارق صبر انتضره
مولد فاطمة الزهره
------------------------------------
خادم للزچيه اني ... اوگال النبي اوصاني
الأذاها أذاني...والي ايحبهه ايحبني
يازهراء ارددهه... اوچلمه اليوم اجددهه
ما اعوفنه اعاهدهه..اومن بعدي اوصي ابني
امضي ليهه بالعشره
مولد فاطمة الزهره
------------------------------------
اتگصر عنهه الحچايه...فاطم معجزه اوأيه
هيه نور الهدايه.... ياتفاحة الباري
رحمه ام الحسن هيه...ادعيهه بخالص النيه
يمهه الحاجه مگضيه .... للكلفه نهر جاري
الليله اطلب النضره
مولد فاطمة الزهره
-----------------------------------------
هاي الناس متعنيه...بس ارضاها متمنيه
ضوه المولد الدنيا...ارض اوسمه فرحانه
الزهره افتخر بيهه...وايسر گلبي طاريهه
وبمولدهه مهديهه ...حاضر يفرح ويانه
جاب الفرحه والبشرى
مولد فاطمة الزهره
------------------------------------
الزهره الساكنه افكاري...نور اضوة بداري
وارفع چفي للباري...كون احضه بشفاعتهه
بهاي الخدمه انه اتأما...عني فاطمة تقبل
بدفترهه انه امسجل...هاي الفرحه ساعتهه
وامشي بمنهج العتره
مولد فاطمة الزهره

لخادم الزهراء
الشاعر
ابو عبد الله الشمري

فدوه عمرنه. للحشد
مرخوص دمنه..للحشد
من على الساتر هتفنه وعلكينه الرايه
غيرة العباس عدنه وللوطن حمايه
..........ّ..............
احنه اهل الغير احنه وللوطن حراسه
اليوصل الحدنه يويله وعلي نكطع رأسه
الورد لومات يذبل بس تضل انفاسه
مثله هيج الحشد عدنه ياعلي بحساسه
الله خلقنه. للحشد
مرخوص دمنه..للحشد
..........................
من فتتنه المرجعية وامرت احنه نجاهد
كلنه صرنه ايد وحدة تحت أمر القائد
ياعلي بسمك هتفنه وبسمك احنه نعاهد
مايضل داعش برضنه لو نضل بس واحد
عزنه وفخرنه.....للحشد
مرخوص دمنه...للحشد
..........................
مثل عابس ألف عابس عدنه فوك الساتر
ضحوا بدمهم لذالك لونه احمر صاير
ياعلي وهذا حشدنه عالمنايه ايكابر
بكل شبر تلكانه نهتف ياعلي بس امر
احنه اولدنه....للحشد
مرخوص دمنه..للحشد
...................
ارجال عدنه ارجال كلفه بالشدد معروفه
وعدنه بعد ارجال واحد اسمه خلي انشوفه
شمره من عباس مآخذ كطعاها اجفوفه
براية العباس جثتة هالاجت ملفوفه
بدمه انتصرنه. للحشد
مرخوص دمنه... للحشد
................................
غيرة اهل الحشد غيرة الله بارك بيها
واحد اعله الثاني طاحوا من أمر راعيها
علي لمن طاح حيدر هوس بسركيها
طاح فوكه وهوه يضحك جنته شاريها
عزنه وفخرنه.... للحشد
مرخوص دمنه.... للحشد
...................................
ياعلي وهذا حشدنه بكل وكت تلكيهم
همه انصار العقيده والله بارك بيهم
مايهابون المنايا حيدر مربيهم
يشترون الموت كاموا خاطر نحنيهم
هذا عزمنه.....للحشد
مرخوص دمنه للحشد
...........
#خادمكم محمد الموالي

مع الحسين الى الله


دعــــوة عشــــــگ للعالم    وينــــه اليلبــــيهه
حسين شوســــع قافلـته    لليلتـــــحق بيــهه
كل الفـــضل مـــن ايــده    من تنتچي اعليهه
بس تصدق اوياه روحك    لو ميته يحيــيهه

رحمه وتهب من كربله وانته ابمكانك
وبيا حسين احچايتك يطـــهر لسانك

ياحــــاء  لليحب
ياسـين   ياسبب
يايــــاء  علة الكـــــون

لــولاك  ماكو حب
عميان   بالگـــلب
شفناك   درب العيون

مع الحسين الى الله

صحوة ضمير انطـــاني    صحره ولگت غيمه
وغيث العطف احــياني    واتبللــت شــــــيمه
واتســــلقت لجــروحه     وماواصــل الضيمه
مارايد اعلى ابجــاهك     بس جرحك اتديمه

عيشني بس الخاطرك وانطيني جرعه
كون ابذكر زينب اصيــــرن كلي دمعه

ماريــــد   انكسر
وابســاع  انجبـر
ياريــــت  مزمن اجروح
ينــــــراد  مودمع
عالصــار   ينسمع
ياكــــون   تطلع الروح

مع الحسين الى الله

يامعــــــشر الحــــــنيه   وامغير اطـــــــباعي
من ضـــــايع امغـيرني    للخادم الـــــــواعي
عبدك طهاره انطـــيته    وصار الذنب ساعي
من عندي يطلع تايـب    ويمك يجـــي ناعي

يمروض اذنوب المحب يمك طلبتي
اعزلني الك من البشـــر يابو دمعتي

بس بيك   انعزل
ماريــــد   هم ازل
مليـــــت   معشر الناس
المابيــك    ينلجم
انـــــسان   بالاسم
ينـــــگال  فاقد احساس

مع الحسين الى الله

طبع العمر لـــــو فاتك   شيعوض اسنـينه
بس عنــده كلما تكبر    هم تكبر ابعــــينه
نتـــــشـرد امن الدنيا    وبخيامه يؤويـنه
نوفي شكـــــــو ديانه   بس مانسـد دينه

يوميه افز وانه على حــبه اشكره
يانضرتك يابو علي مامنـهه نضره

كل يــوم   انخلق
ويــــــاك  واعتنق
ممــــلوك دين ابو الخير
مولــــود   بس اله
وانفـاس   كربــله
مادام بيه ماحيـــــــــر


مع الحسين الى الله

شاكر الصيمري

مولد بحق السيدة فاطمة الزهراء عليها السلام


فاطمة يا فاطمة أنتي نعمة من السمة
========================
باب للرحمة نزلتي تنجى بيچ الوادم.. فاطمة يا فاطمة
ملجأ الملهوف انتي واليگصدچ غانم
الف هنيالة بحياتة الالچ يصبح خادم
انتي للشيعة نجاة وسور عن الحاطمة
فاطمة يا فاطمة
========================
بيچ يا بضعة محمد نورت دنيانة .. فاطمة يا فاطمة
السما بمولدچ فرحت والارض فرحانة
الليلة الاملاك ابسمانة استبشرت ويانة
ندعي يارب الجلالة الفرحة هاية دائمة
فاطمة يا فاطمة
========================
ما بشر يوصل درجتچ سيدة لكل النسة.. فاطمة يا فاطمة
كل گلب حار بهمومة يصير حبچ مؤنسة
رحمة الله البيها نطمع انتي كل صبح ومسة
نفوز وياچ انتمنى وانتي بينا عالمة
فاطمة يا فاطمة
========================
من بعد طه او وصية فاطمة نورچ زهر.. فاطمة يا فاطمة
بالعرش جل جلاله فاطمة اسمچ حفر
امتداد العترة منچ للإمام المنتضر
ندعي الله ابهالمسية ايعجل النة بقائمة
فاطمة يا فاطمة
=======================
أسألكم الدعاء رائد الاسدي

هوسات بمناسبة مولد الزهراء عليها السلام


بيچ كل الدنيا زهرت وانتشر بيها الضوة
انتي وي النبي وحيدر بالعرش اسمچ سوة
فاطمة من الهج باسمچ اشعر بگلبي ارتوة
وباسمچ... تنزاح همومي
=================
بضعة امن النبي يفرح اذا اتفرحين
هدية من الله انتي وبيچ مسرورين
الليلة بمولدچ يالزهرة محتفلين
نفرحلچ.... يالزهرة الليلة
===================
فرحان النبي من صرتي يالزهرة
ثمرة من الجنان وطيبة الثمرة
بيدة اختارچ انتي صاحب القدرة
وبنورچ.... شعيتي اعلينة
===================
اسالكم الدعاء رائد الاسدي

سهليها ليه امروتج
هاي السنه لزيارتج
اوصل واعيشن غربتج مولاتي مولاتي

مخنوكه روحي وارد اجي
يم باب الاخضر انتجي
وابجي الج ذاك البجي مولاتي مولاتي


يم عون تسوين التعب خليني اتعبلج عمر
مشلوع كلبي لحضرتج سهليها ها يم الخدر
هاي السنه اشبع بجي عيوني اسويهن حمر

هاي الزياره
سويلي جاره
مثل حمامه
فوك المناره

@@@@@@@@@@@@@@

يم بابج الطملج لطم
مثل الثكاله التنهضم
من صدري واكسرلج عضم مولاتي مولاتي

رايد زياره ومن صدك
مو زين كلبي وهل يدك
مثل البخور المحترك مولاتي مولاتي


ماريد مرتاح من اجي كون من اجي تعبيني.
عيشيني كون بغربتج ارد انكسر خليني
محروكه روحي والبعد كلساعه ويبجيني

زادن جروحي
اذتني روحي
كلساعه يمج
يوديني نوحي

@@@@@@@@@@@@@@@

ومحضر دموعي ترا
فرجيها روحي محيرا
جايمته يوصلني السرا مولاتي مولاتي


يايمه مكسور الكلب
ولشوك موتني وصعب
كون الضريحج انا اطب مولاتي مولاتي


بالنوك اتمنه اجي ومجتوفه اديه بالصحن
مولاتي والغربه الصدك عيشيني فدوه والمحن
انه الج ناذر نذر ابجي لحد ما ينعمن

دمعي اصبه
عيشيني غربه
انه الخطيه
من ابقه صعبه

@@@@@@@@@@@@@@@@

مانايم واحسب كمت
لزيارتج والله متت
يا زينب انا تعذبت مولاتي مولاتي

ها يالعقيله ودمعتي
ترخص الج بزيارتي
مو زينه كلش حالتي مولاتي مولاتي

بعيوني عازلج دمع يجويها الخدود وعلي
يم الدلال بكافلج فرجيها هل مره الي
مهموم بس ازيارتج كل ضيمي بيها ينجلي

ها يالاميره
انتي الجبيره
فرجيها فدوه
روحي الاسيره

@@@@@@@@@@@@@@@@

وداد البخاتري

🌷هوسات 🌷
مولد السيده الزهراء ع

وي طير السعد يا سامعي أتغنه
وحضّر ياس هاي الليله والحنه
نـزلـت لـلأرض تـفـاحت الـجـنـه

(( ويـّاهـه والخير أتنزّل ويّـاهـه ))

*---------------------*----------------*

الما يفرح اكيداً يـنـدم ويخسر
الليله الـفـرح مـطلـوب للكوثـر
اليتعـذر أتـركـه وخلـه يـتـعـذر

(( والـزهـره اتـريـد الـوفّـايـه ))

*--------------------*----------------*

أحچيلك يسامـع وسـمـع الكلمه
الليله الـمـحـمـد تـمّـت الـنـعـمـه
وأمـلاك السمه أتهنيه مزدحمه

(( وتـيـصـح امـبـارك يـالـهـادي ))

*------------------------*------------------*

ابـمـيـلاد الـزچـيه الـروح فـرحانـه
الحزن شنهي الحزن سدّينه بيبانه
فـرحـنـه والـيـحبـنـه يـفـرح اويانه

(( انواليهه للموت الزهره انواليهه ))

✍خادم الزهراء🌷 ع
الشاعر رعد الجريخي

اسعد الله ايامكم

قمه واعلى قمه
حُجَّه اعله الائمه
جبريل ابجيتها استبشر وينادي
انا اعطيناك الــــكوثر يلهادي

ــــــــــــــــــــــــــــــــــــــــــــــــــــ

اشهد واقر اشما حچو عن البتول البضعه
كل الوصف دون الثره والزهره فوگ السبعه
من آدم ليوم الحشر لو كل ثواب انجمعه
ونـوَزْنَـه ويَ ام الحسن يطلع اخف من ركعه

گال ابحگها طه :
يرضى الله لرضاها
واعله اليغضبها الله اليغضب وايعادي
أنا اعطيناك الـــــــــــكوثر يلــهادي

ـــــــــــــــــــــــــــــــــــــــــــــــ

امن الجنه اصلها وللنبي ربك هداها ابعطفه
وللجنه چان اشما يحن يشتمهه طه ابلهفه
علـ عفه سئلنها النسه والرد يقيناً وفَّه
( أنْ لا تَرى رَجُلاً ولا رَجُلاً يراهــــــا ) العفه

بالــــــعفه البتوله
چانت هي الاولى
مبدأ كل خدر ولولاها ما بادي
أنا اعطيناك الــــكوثر يلهادي

ـــــــــــــــــــــــــــــــــــــــــــــــ

چانت لبو القاسم دوه تتشافه بيها اجروحه
عاش الحياة ابلا طعم والزهره اجته املوحه
گرَّة اعيونه ومُهجته وروحه واعز من روحه
بـفضالها الرايد يعد ما تكفي الف اطروحه

سر الله ونبيه
راضِيَةٌ رَضِيَّه
على فاطم ياويله الباچر متمادي
انا اعطيناك الــــــكوثر يلهادي

ــــــــــــــــــــــــــــــــــــــــــــــــــــ

ام الحسن اطهر حسب واشرف نسب من عدها
والدها سيد علــــــــــــرسل يا اب مثل والدها
امها العظيمة منزله علو النجم سؤددها
زوجاته كثره المصطفى بس ما يحبهن گدها

فاطم وي خديجه
عطر الحب واريجه
كل الناس بوادي وفاطم في وادي
انا اعطيناك الــــكوثر يلـــهادي

ــــــــــــــــــــــــــــــــــــــــــــــــــــ
سيد علي عبدالزهره الناجي

الچ يلـــــــــزهره خالص ياهوانه
وعمرنا ابلا هواڪــــــم ياهوانه
شنو ٱنه ابلا خدمتچ ياهوانه

شرف عندچ عبد ترضــــــــين بيه
ــــــــــــــــــــــــــــــــــــــــ

سيد علي عبدالزهره الناجي

ياصلوات اجت مولوده
طه بالبيت يطش وروده
__
گالو ابتر عن نبيهم والخبر هذا انتشر
الله گل الوحيه تهبط ع النبي تفرحه بخبر
راح اخلقله الزجيه واحله من ضي الگمر
والنبي من گد فرحته باس حيدر بضهر


الله من گال ينفذ وعوده
طه بالبيت يطش وروده
__
من الأرض غارت كواكب من جت بنت نبي
وكوكب الزهره يگلهم كون هيه بكوكبي
هذي أعظم من عضيمه من نسل طاهر أبي
ايروح فدوه الحرف اسمها كل حقود وناصبي

كل الأملاك اجت موجوده
طه بالبيت يطش وروده
___
اليله فرحتنه الجبيره اليله مولد فاطمه
يالله وصلوها الهلال كون لاطراف السمه
والله من نوره خلقها وهاي اكبر مكرمه
شگد عضيمه الزهره هيه وهم ابوها شمعضمه

تحله هاليوم تره الانشوده
طه بالبيت يطش وروده
__
هذي ام العتره هذي وهاي باء البسمله
الكون كله وي محمد صاح يامية هله
هيه عندي الباري هيه حيل حيل مدلله
واليتيه بدينه گلهم بنتي هيه البوصله

من حجاها تره مقصوده
طه بالبيت يطش وروده
____
فاطمه العاصمها الله من خطيئه او كل غلط
ما يحبني الما يحبها الله عل امه اشترط
ثلاثه همه للهدايه او ماكو بس همه فقط
عدنه طه وعدنه حيدر عدنا فاطم بالوسط

بيها الاوصاف فلا محدوده
طه بالبيت يطش وروده
__
تمت بعونه تعالى
احمد فلاح البديري



@HxzEU1

#قناه_نشر_القصائد_المنبريه