ولادة الامام محمد الجواد عليه السلام

ابوذيه ( من جاه )

الرضا هاليله يا مولود من جاه؟
الجواد وشله عند الله من جاه
الموالي يطلب بهل يوم منجاه
بحب تاسع العتره الاحمديه

هوسات :

إذا جارت الدنيا عليك واتحس الگلب مهموم
اتعنه لأرض بغداد وخل گلبك هناك يحوم
الجواد ايجود بالحاجات عنده ما يرد مظلوم

( ميرجع حاير من بابه)


إذا مو من أهلها إياك تمشي وتطلب الحاجات
واهل الكرم معروفين عدهم ماكو حاجه اتبات
إذا يدعون للباري حتماً يرجعون المات

( انخاهم بس انخاهم    كلهم غيره وباب امراد)

#مصطفى_الشافعي



@HxzEU1

#قناه_نشر_القصائد_المنبريه

(مولد الإمام الجواد عليه السلام)

ليل الفرح ليل الفرح والعاطفه
تاسع بدر شع بالسمه للمصطفه
____
١
هليله مو ظلمه السمه بالتاسع امنوره
هذا الجواد ومولده ضد الظلم ثوره
علّاه خلاق السمه وهوه الرفع قدره
بتاج الامامه توجه وثمانيه عمره

راح الحزن راح الحزن كله اختفه
تاسع بدر شع بالسمه للمصطفه
__
٢
اسمه مثل اسم النبي ويشبها بوصافه
وجهه صبح كعبة وفه ونور العرش طافه
ملجأ ملاذ من الخطر هجي المحب شافه
بسمة الهادي المصطفى مرسومه بشفافه

اسم النبي اسم النبي ونفس الصفه
تاسع بدر شع بالسمه للمصطفه
_
٣
مسرور هاليله الرضا والفرح دگ بابه
دعبل كتب مولد إله ويهني بصحابه
اعتقد بگماطه اعتنه ولكربله جابه
غسله ابماي العلگمي وزوره عله احبابه

زار الگمر زار الگمر رمز الوفه
تاسع بدر شع بالسمه للمصطفه
__
٤
هليله فرحان الگلب ويودع احزانه
باب المراد ابن الرضا والكرم عنوانه
من عنده اطلب حاجتّك واحسبها خلصانه
للمحب يگظيها قبل ما ينطق السانه

باب الكرم باب الكرم والمعرفه
تاسع بدر شع بالسمه للمصطفه

الشاعر #مصطفى_الشافعي



@HxzEU1

#قناه_نشر_القصائد_المنبريه

انصبو الفاتحه بكل شارع الليله
جنازته الغريبة كلش اثكيله

بالغربه السنه ومحد وصل ليها
لحد زارها ولحد نشد بيها
مهضومه وبقت بين الغرب زوار
غير ام عون حكنه نبچي عليها

ضل تابوت زينب محد يشيله

@@@@@@@@@@@@@

قيمو الفاتحه بنص الكلب خدام
زينبكم تضل وحدها هذا العام
ليش يصير هيج بزينب وترضون
ماتت لابچي وتشيع نص الشام

كون اخوان عدها النعش تبجيله

@@@@@@@@@@@@@@

فزعه نريد كون اليوم من عدكم
مااريد الطم يبرد اب مجلسكم
شدو حزامكم عالطم والدمعه
خدام المجالس زينب تكلكم

كل واحد بچه عباس يدعيله

@@@@@@@@@@@@@

كون بكربله مدفونه يم عباس
حته نزورها بكل وكت ياهلناس
زينب بالغرب ملجومه هاي شلون
محد زارها والكبر ما ينجاس

غير ام الخدر وحسين نشكيله

@@@@@@@@@@@@@@

بلايه يخوان ماتت بلغرب صعبه
لو يمها الكمر جان الدمع صبه
ضلت لاهل مهضومه يالعباس
موش ولام ليها زينب الغربه

صاحت ياابو فاضل ماتت العيله

@@@@@@@@@@@@@@

وداد البخاتري



@HxzEU1

#قناه_نشر_القصائد_المنبريه

ليلة العاشر

طلعت اركض ودور عليك بلكي الله وعدل الكاك
وصلتك بس لكيت الخيل مخربه كل جمالك ذاك
اجيتك والكـــلب محروك وبدمعي كعدت احذاك
تاني ولاتغـــــمض العين يحسين ارد اموت وياك

باوعت طولك وانت مطروح
مجروح من كل كتر مجروح
ياجرح اشــــده وياهو اخلي
لا والمصيبه نــــوب مذبوح

حسين مابيك تكعد ترجع وياي
حسين انت الاريدك ماردت ماي
حسين شبعت ركض بالبر يتاماي

ــــــــــــــــــــــــــــــــــــــــــــــــــــــــــــ

من كثر الوجــــــــــع يحـــــسين ماتكدر تسد العين
المك خويه حرت شلون هواي بجسمك مطشرين
روحه ورده شفت الخيل تدوسك والجرح جرحين
ثكيل الحافر مـــــن ايدوس يترك بيك اثر يحسين

من كثر مامـــديوس شفتك
ابن امي لاجـــن ماعرفتك
جسمك تحرك وانت مذبوح
كمت وطحت لمن وصلتك

حسين متروس صدرك من الاسهام
حسين كل هذا وانت اتصد للخيام
حسين جسمك اكبالي من الألم كام

ــــــــــــــــــــــــــــــــــــــــــــــــــــــــــــ

يخويه اكبالك من بجيت علي كام الشمر يضحك
تريد اتردني لخيامي كمت بس جرحك يطيحك
الشمر فوكك وكف يحسين ويكلي من بعد ذبحك
اتحضري للسبي باجــــر ولو طاري السبي يجرحك


ياســـــالفه التــــــــــريح البال
وبجفوفي خويه انشدت احبال
ياحيف وانه اختك يالحسين
يطكني عله متني الماهو رجال

حسين ياخوي شحجيلك عليه
حسين ونوك الهزل جابوها ليه
حسين وجتالك الحــــداي بيه

ــــــــــــــــــــــــــــــــــــــــــــــــــــــــــــ
الهزل جابوها بــــــس تكزل وانا مجتوفه ركبوني
هضيمه انه انسبي تالي وتبين الدمعه بعيوني
وراسك عل رمح يحسين يبجي اشما يضربوني
يخويه الشام مــــايــــراد ناسه اهواي هضموني

هضموني من كامو يشتمون
وبراسك اكبالي يهــــوسون
مجتوفه من طبوني للسوك
الوادم علي كامو يضحكون

حسين شيبت راس الناكه ونتي
حسين ينشدون وجاوب حسرتي
حسين بنص سوكهم فشله وكعتي

ــــــــــــــــــــــــــــــــــــــــــــــــــــــــــــ

ماصارت كبل ويــــــــــاي اطلع وي عرب غربه
جان اخيالي ما ينشاف وهسه بنص زلم صعبه
أسيره مجتفه وعـــــــل نوك وبمتني اثر ضربه
ناس الشام خويه حسين مايسوون ابد عتبه

مايستـــــحون وشدو وياي
كـــــــــدام عيني بدو الماي
وانه انهضمت عله علاوي
لاذن بسدي يريدن افياي


حسين اكبر هضيمه عله الهواشم
حسين من طبن بسوك الفواطم
حسين سمعوهن انواع الشتايم

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي



@HxzEU1

#قناه_نشر_القصائد_المنبريه

حلم عمري اجــــي لصحنچ ويمج اكعد وأنحب
ويم شباجج المـــغرب حلات الدمعه من تنصب
عله مودج كمت احــب الشام وله اشام ماينحب
وتعبيني بخدمتج حيل حلات الخدمه من اتعب


يمـته اجيج وعيني تنظر كبتج
ليش محـــروم انه من ازيارتج
يمته اوصل بابج لبل غربه ذاك
ارد اذب اعيوني كون ابعتبتج


كلبي ابــد ماتطفه ناره
فـــدوه ارزقيني الزياره
انه حالف روحي اشدها
علگ بطــــــراف المناره


مولاتي مشتاك اشم ريحة ضريحج

ــــــــــــــــــــــــــــــــــــــــــــــــــ

مشت لزيارتج كلها وبقيت انه اكسر الخاطر
اروحن ويـــن ما أدري دليني اصبحت حاير
ولو بس مــــره ازرونج عليج الساحكه الحافر
بســـــــجلج يمته مولاتي اسمي ينكتب زاير

ياغريبه وللغـــــــريب انتي وطن
كون مسبي وياج انا بذاك الضعن
انه مــــدري اشمالني مابيه خير
عيوني ليهسه لمـــصابج ماعمن

غير ماحــــــــــس انه بيها
انتي المــــــــــجوايه اديها
زينب انتي بيـــــوم عاشر
اكبالها ذبــــــــــحو وليها


مولاتي مشتاك اشم ريحة ضريحج

ــــــــــــــــــــــــــــــــــــــــــــــــــ

دخيل ادموعج الطاحن بيوم العاشر عله حسين
يروح الزهرة مــــــــوسهله بحبل للغربه تنكادين
اخيالج مانظرله احـــــــد شلون ويل زلم تمشين
مو مالت ركــــــــض انتي عمرج جازي الخمسين

انتي مو مالت ركـــض يم الخدر
ولاسبي ولا مشي بدروب اليسر
مـــــــن بعد ذاك الدلال وهيبتج
ياهضيمه يطكج بسوطه الشمر

مـــــــــن بعد ذيج المهابه
تالي كعــــــــــدوج بخرابه
ودمعـــــــــتج تقره يزينب
اه يحسين ومــــــــــصابه


مولاتي مشتاك اشم ريحة ضريحج

ــــــــــــــــــــــــــــــــــــــــــــــــــ

اديج مــــــن الجمر زينب اثـــــر من الحرك بيها
عله مصابج يمــــسبيه اشتكفي الدمعه البجيها
بحافر كون ادك صـــــدري المثلج هيج اواسيها
انتي عــــــــــل الرماح بليل شالو روس اهاليها

اخ وليـــــــحدي يــــــزينب بالضعن
يضحك مـــــن يشوف دمعاتج جرن
وهوه ميت صاح من نحره الحسين
ياهضيــــــــمتنه العلاوي من انسبن


والله يــــــــازينب هضيمه
تحترك فــــــــــوكاج خيمه
انتي ســــتر الله ومشيتي
وي عرب مــــاعدها شيمه

مولاتي مشتاك اشم ريحة ضريحج

ــــــــــــــــــــــــــــــــــــــــــــــــــ

دخيلج مــن دخلتي الشام وصار بضعنج الماصار
مــــــــو بليا هـــــــلا اتلكوج تلكوج بشتم وحجار
الوادم تضــــــحك وانتي دمعتج تجوي خدج نار
اجروحج مثل اخوج حسين كلها اكبار ماكو ازغار

وكفـــــــتج بين الزلم صعبه تره
انتي اول هاشــــــــــمية ميسره
وســــفه يازينب ابوفاظل اخوج
الخله بالطف بـس جثثها مشمره

هاي عل الساده جبيره
طبتج للــــسوك اسيره
انتي محد شاف طولج
انتي بت شيخ العشيره

مولاتي مشتاك اشم ريحة ضريحج
ــــــــــــــــــــــــــــــــــــــــــــــــــ


حسين عبد الزهرة الدراجي



@HxzEU1

#قناه_نشر_القصائد_المنبريه

يابو المحنه الحب حرام الغيرك
ياحلم زينب يالصــعب تفسيرك
ياهـــــــو المــــثلك عزب ابولاده
من موتك الحد هسه فايض خيرك

انت خيرك مـــــايشح
انت ياعــــــظم جرح
هاذا مو راسك حسين
كلب زينب عـــل رمح

حسين عزبت بعيونك
حسين لأجل اليحبونك
حسين ارد اصيرن جونك

حسين يادخيل احروفك

000000

مو حكه عابس من صبح مجنونك
جي يدري مــايكدر يعيش ابدونك
اتبره مـــن كلبي اذا يعشك عليك
وانه الله خالقني عله مود اعيونك

انت يالـــون الفجر
بيه عايش من زغر
ويالهوه انه اتنفسك
ياعــــــزيز ام الخدر

حسين يالعــــطائك دايم
حسين ماكو مثلك حاكم
حسين ماتـــنذل الخادم

حسين يادخيل احروفك

0000000

باوعـــــت بيك وكلبي يسل حاير
من مثلك مطشر الضلوعه الحافر
يالمنذبح بس عينك عله اخيامك
الله يـــحــــــيرت زينبك بالعاشر

ذابحك طاري السبي
ونهضملك جم نبي
انت كلبك ياحسين
احترك وي حرك العبي

خيام احتركت عله اطفالك
خيام ثكـــــــبت بــــدلالك
خيام مـــــــا بقـــت لعيالك

حسين يادخيل احروفك
00000000


ماشفت مثلك بشر يابو الشيمه
تبجي عله لي حرك منك خيمه
وانطيت حته اهدومك السلابك
وعيالك مطــــشره بذيج الهيمه

انت عاري عله الارض
وكلبك مضيع النبض
ابهيمه نسوانك يحيد
ماتت وشبعت ركض

حرام تنسبي نسوانك
حرام ياعجيد اخوانك
حرام يحترك صيوانك

حسين يادخيل احروفك
0000000

كلشي سهل لاجن افراكك صعبه
العافك وحك زينب يتيه دربه
انت الحنين الماكو من حنيتك
والمايحبك هاذه ميت كلبه

المايحبك من صدك
ماعرف معنا العشك
مثل خيماتك اريد
عليك كلبي يحترك

اريد بس لك ايامي
اريد ياحبيبي الضامي
اريد لك شد احزامي

حسين يادخيل احروفك

0000000
حسين عبد الزهرة الدراجي



@HxzEU1

#قناه_نشر_القصائد_المنبريه

يا ابا عبدالله يابا عبدالله



الخادم مـــــــن يموت حسين يتعنا لعد كبره
بيده يغمض عيـــــونه ويمسحله على صدره
هله بالخادم يكـــــــله الجان ابمجلسي يقره
انه عليك راضي هـــواي وداعت امي الزهره

ياباعبد الله ياباعبد الله


جنت ابمئتمي يــــلان تبجي وتلطم ابحركه
للمجلس تجي ملهوف ابكلبك خيمه محتركه
وهسه الكبرك اتعنيت ارد الوحشه والخنكه
انت العــــاشك الولهان الوايايه صدك عشكه

ياباعبد الله ياباعبد الله


شلون أتريد مـــــــاجيلك وما اتعنه يم كبرك
وانت الخاطـــري يفلان ناذر روحك وعمرك
ما انســـــــاهه لا والله هاي الطمه البصدرك
هنيالك يخـــــــادمنه عند الله اشعظم قدرك


ياباعبد الله ياباعبد الله



يالـــــــمادورت ويـــــــاي لا جاه ولا سمعه
ادموعك ذني حاسبهن يضون بالكبر شمعه
تدعي ابمجلسي وتريد ربي ارزقني الدمعه
وعل منبر لمــــــن تقره صوتك امي اتسمعه


ياباعبد الله ياباعبد الله


00000000
حسين عبد الزهرة الدراجي



@HxzEU1

#قناه_نشر_القصائد_المنبريه

مقدمه الحجه ع

يامهدي ياسيدي
0000000
يالتـــــــندل ابروحي وتعرف اشبيه
رايـــــد تطـــــــهر كلــــــبي بيدك ليه
ارزقني مـــــــن حزنك يمهدي اشويه
وخليني اموت من البجي عله ارقيه

ياسيدي /ارزقني البجي/ وفقني اشوفك
تسوه العمر / يبن الحسن/ لمست جفوفك

يامهدي ياسيدي
0000000
مو كبر شيب افراك هـــــــذا ابراسك
يالشايف ابعـــــــينك ذبح كل ناسك
صاير ابكبر حسين جـــرح احساسك
ودخان خيمه تشـــــــتم وي انفاسك

دمعك جمر / تبجي العمر/ للسحكته الخيل
جفنك ذبل /همك جبل /ومهدم الحيل

يامهدي ياسيدي
0000000
شخـــــــصك قليل الــــوادم اليدعوله
أعقول البـــــــشر ياسيدي معـــــلوله
بفلان وفلان الخــــــلك مشـــــــغوله
ولرحمه مـــــــن اكلـــــــوبهم مشيوله

هاي البشر / يالمنتضر / غرگت بالذنوب
هاي ألخلك / ماتدعي الك/ ياغلى محبوب

يامهدي ياسيدي
0000000
يالمثل ليلك صـــــــار ظلم صبحك
سامحني خافـــــن بل ذنب أجرحك
مالحضه أذكـــــــر مره أنه أمفرحك
أشكبر بخته سيدي لـــــــي يلمحك

أبيض كـــــــلب/ اليمشي بدرب / ويتلاكه وياك
أبخيت وعلي / الشافك صدك /وبالوجنه باساك
0000000
ليليه شـــــــوكي يهزني لـــــــك ليليه
وســـــــهر وضـــــــل مناطرك يوميه
خلـــــصـــــت عمري انتضر منك جيه
كل يـــــــوم اكـــــــولن باجر يمر بيه

ليلليه احن/ وشتاك الك / وتمنه الاكيك
يبن الحسن/ أنه الصدك / ميت عشك بيك

يامهدي ياسيدي
0000000
سولفلي ويـــــــن اتــــروح لمن أتحير
هــــم مثل حيدر تشـــــكي همك للبير
جرحك سبي وهل جرح مولاي أجبير
المسبيه عمته اشتضن بي جرحه ازغير

زينب وسف / رگبت هزل / وطبت دواوين
بعينك شفت /ذاك الشمر / من طك الحسين

يامهدي ياسيدي
0000000
مـــــــو نزوه حزنـــــك لا عمر يالمهدي
واليليه ونـــــــك بيك للـــــطف يحدي
اوصل الكـــــــلبك يابـــــــو صالح ودي
غير الله وانـــــــت بهل حياة اشنعدي

ماعندي ابد/ غيرك سند/ ياوجه الحسين
وجهك إذا/ عني درت/ انطي الوجه ين

يامهدي ياسيدي
0000000
حسين عبد الزهرة الدراجي



@HxzEU1

#قناه_نشر_القصائد_المنبريه

ماظلت اعيون اشوفج بيهن
لا ظلت اجفوف اشيلج بيهن
يزينب   .... يزينب ... سامحيني
......
يعز من روحي وسنيني وحياتي.. وشوف العيون
تعذريني اذا ماجيت الج  هل ... ساعه يم عون
الجنازه ابحاجه جفين اتحملها .. فوك المتون
وانه شوفت عيونج كلشي ما ظل ... مني تدرون

صعبه اعله عباس اذا تنخينه
ميردلج جواب يكل سنينه
امانه .. امانه ... اعذريني
.....
وحكج خوية لو بيدية اجيلج ... اني والجود
لجن ما اريد اشوفج هامي خوية  ... الصابه عامود
الاخو وكت الدفن يحضر اخيته ... هذا معهود
ينزلها الكبرها ابيده ويظل ... يمها موجود

من كبري بدموع يخي ناديتيج
عذريني يمعون اذا ما جيتج
يخيتي  ... يخيتي .... تسمعنيني
.......

يزينب خوية مو هين مصابج ... يكسر ظهور
الج راح انصب بدمع النواظر ... عزه مشهور  
يظل حزني بعزائج دومه عامر ... مثل عاشور
ولحد يوم القيامه اعليج أبجي ... اهل الاكبور

جنت اسمع اونينج ابنص ليلج
كد ما بجيتي علية ابجيلج
امانه... امانه ... صبّريني

......
عليج الفاتحه اقراها بدمعتي  . ... يالحبيبه
بلاي  اجفوفي الج الطم يخيتي .... ياغريبه
مصابج هيج اعليه يزينب .... جم مصيبه
شسولف ما اوصف جرح كلبي ... لا نحيبه

خلص بالالام يزينب عمرج
مكسورت اجناح مشيتي الكبرج
بالجروح ... بالجروح ... قاسميني
.......

الج من كبري اوديلج سلامي .... واعتذاري
وداعج ما حضرت ولا دفنتج ... اه يناري
خبر موتج يزينب زاد همي ... وانكساري
على ارسومج ادور يالحبيبه ... بعز نهاري

من كربله الشامج اسأل وينج
بعيده المسافه الي بيني وبينج
يروحي .... يروحي .... كلميني

.....
الحمدالله رب العالمين
اللهم صل على محمد وآل محمد
موسى الخادم



@HxzEU1

#قناه_نشر_القصائد_المنبريه

اليوم حسين ما سير علينه
منتظرينه وتأخر ولينه
هسه شلون لو ينظر بدينه
حبلهم  حبلهم
***
اليوم ما سير علي راعي المحنه
يدري زينب شوف ما شبعانه منه
وانه من حسين اتاني دگت الباب
الهوه ظل يصيح زينب گطعي ظنه
يدري اليوم زينب وين ما وين
گلت شعجب ما سيرلي الحسين
يدري شكثر بنار انچوينه
هسه شلون لو ينظر بدينه
حبلهم  حبلهم
***
اليوم ما سير علي ما شافته العين
گلبي ظل ايگلي ما مر بيچ الحسين
گتله عاذرته يجي واعرفها الاسباب
المهم بيناتنه ما يدخل البين
المهم حسين سالم كلشي ايهون
اباب الخيمه يدري متانيه ام عون
تأخر مدري احنه تأخرينه
***
خلصت العصريه والمغرب لفاني
لا حسين ولا ابو فاضل اجاني
فارشه الخيمه واتاني وانتظرهم
من كثر ما تاني ملتني الثواني
اباوع للخيم والطم عله الراس
حسين هنا گعد وهنانه عباس
زينب حيل مشتاگه لحنينه
***
شگد لذيذه الگعده چانت يم اخوتي
الگمر يلزم بالهوه ويگلي فوتي
هاي راحت يا ابو فاضل من مشيتو
كلها يا عباس سمعت هسه صوتي
چنت محميه حتى من الهوه الهاب
جبرائيل يستأذن عله الباب
اليوم بسوگ كله احنه نسبينه
***
هاي اخر شوفه من گعدتنه هايه
هاي هيه حسين معناها النهايه
بعد ما نرجع سوه ويلتم شملنه
ابد ما نرجع بعد مثل البدايه
صباح الخير ما اسمعها هيهات
خويه حسين كلشي بروحتك مات
ايس يعني شخصك ما يجينه
***
علي جبار الكعبي
الفاتحه لوالدي


@HxzEU1

#قناه_نشر_القصائد_المنبريه

انه موديلك مرسال بمجرى الماي
ماكو مثلك أذنب بس واگف وياي
هذا العالم كله شويه وانت هواي
يا مهدي
&&&&
وين الگه مثلك عطوف   يقبلني بصعب ظروف
وانه أذنب مره ومرتين
ما ناجح بأمتحان   يالمهدي انت الامان
خلص عمري بالبعدين
ساعه أذنب وساعه انوب تايب
وي ذنوبي صاير چن گرايب
ما عايز واچملك انه بجروح
لمثلك ليش يتجازه بمصايب
  يلفينه الخطار نحطله أشكال ألوان
واحنه نحطلك يا مولاي شگد احزان
اسأل عنك يالمهدي الرايح والجاي
&&&
رد الجميل بجميل   چا انه شگد بخيل
تنطيني وانه شمنطيك
اضحك بمجلس عزاء   هكذا يكون الجزاء
بهالوضعيه احنه نجازيك
اذا ما تقبل انه انطي الوجه وين
يوم لما ذكرك حالي مو زين
غلطان واجيت اقبلني مولاي
يا مهدي عليك اقسم بالحسين
غرگان ومديت اچفوف تمدلي الايد
ماكو عيد وشوفة وجهك اكبر عيد
ما خايف من شيطان اسمك حرز وياي
&&&&
كاتلتي حيل الغرور   عايش بهذا الشعور
امشي وتكبر عالناس
منك اريد السماح   ما ضگت طعم النجاح
حلفتك انه بعباس
بريد الساعي ما اذكر قريته
بدعاء الندبه البگلبي حچيته
بيه الخلل ما رديت مكتوب
دمع العين الك كله بچيته
ذنوبي مأخرتك اعرف كلش زين
تدمع لحظه وتذنب اكثر من مرتين 
وانه بدونك يا مهدي ما املك راي
&&&&
عايش وكاتلني خوف   مديت الك هالچفوف
الزم چفيني اترجاك
مذنب واجيت انكسار   تقبلها مني اعتذار
مولاي بكل ليله انخاك
اجيتك مالي احد منكسر حيل
مثل سعفه ويهزني الريح وتميل
هو لما اندبك اخسر هواي
تفرني الدنيا ظلت فرة الميل
مكتوب موديلك واترجاك اقره
خل تنساه الدنيا ولا شخصك ينساه
انت بگلبي والكل يا مهدي بمكفاي
&&&&
جمعه انتظر ما اجيت   انتظرك شگد بچيت
ابقه متاني شهور أعوام
ما اندل بيا طريق   انت الحبيب وصديق
انت الخاص وانت العام
گلبي يا ابو صالح كاتله الشوگ
بنار الهجر انه هواي محروگ
أتاني جمعه جمعه والعمر ضاع
مثل شجره وخلصت منها العثوگ
يعقوب اندل يوسف رد اعليه الشوف
تعرف انه هواي اعليك شگد ملهوف
ما تنقص تتكاثر تعرف بيها اعداي
&&&&
علي جبار الكعبي
الفاتحه لوالدي


@HxzEU1

#قناه_نشر_القصائد_المنبريه

وينكم جنازتي ظلت وحيده
وينكم زينب وعنكم بعيده
انتظر تلفوني خاطر تشيعوني وينكم
&&&&
امنيتي يجمعني الشمل بيكم ورد محميه
كلمة اميرة تغيرت صارت بعد مسبيه

اتانيكم لو اخر نفس يبقة بوسط ريتي
ابجيكم عله حالي وبعد هم حال ذريتي

انتظار وانه مليت الصبر حد ما جرعته
انتظار كلت رايح يلتقي اخ اويه اخيته
اخوتي يحملوني خاطر تشيعوني
&&&&
من تصب ماي اعله الجسم صب علي ماي القربه
جفين ما عندك بعد وشلون فوكي اتصبه

ولا ضگته ماي النهر حاضر جان وبوكته
بس ردته غسل بي جسمي وحتى لو ميته

رايتك خاف ما شوفك بعد تبقالي ذكره
رايتك وياي خليها بعد داخل الحفره
يمي ويسمعوني خاطر يشيعوني وينكم
&&&&
يحسين ما ريد الجفن خاطر بعد ما لومك
لفني بثيابكم سيدي حتى ابقه اشم بهدومك

تره اثيابك اعرف ما يصيرن بس ردت وصله
عله احبابك مو مثل الجفن وبيدك تفصله

امنيات جان عود ابالي يمكم اكضي عمري
امنيات خلصت وتاليها ظل بشام كبري
يمي ويسمعوني خاطر يشيعوني وينكم
&&&&
بالكبر نزلي وبعد خاف الترب يلجمني
طشرني يحسين الوكت بيدك اريد تلمني

اريدنك تكعد يمي لن هواي مشتاكه
رحت عنك جنت منتضره موتي حتى نتلاكه

هسه اجيت منتضرتك يا حبيبي لحضه لحضه
هسه اجيت كاتبتلك من اشوفك انه ومضه
غمضولي عيوني خاطر يشيعوني وينكم
&&&&
تعبانه من درب السبي غير الواني هوايه
ارجع مثل اول سنه لمن اشم الريه

اوصيكم اقرو الفاتحه يم كبري ليليه
احلفكم بعدالله الرضيع وانحره وارقيه

وحشه حيل ليل من دون اخوتي يكثر ضلامه
وحشه حيل بالممات وعمري ما شفت السلامه

هذا كل مضموني خاطر يشيعوني وينكم
&&&&
ما ردت نتفارك ابد بس هسه زايد همي
لا انه يمكم باقيه وانتم بعد مو يمي

ازورنكم وكت الاربعين تعنه مشايه
اريدنكم مشتاكه انه منكم اسمع احجايه

ما تجون ماصخه حتى السوالف من مشيتو
ما تجون وين زينب تمشي انتم ما دريتو

غمضولي عيوني خاطر يشيعوني وينكم
&&&&
علي جبار الكعبي
الفاتحه لوالدي



@HxzEU1

#قناه_نشر_القصائد_المنبريه

((جَبلوني))


حنيــــتلك .. من جبلوني گمت احن
مشتاگه بـس مابيه أون
غـــــربةّ أهل غربةّ متن

حنيتــــلك .. والـموت يـم راسـي دِنه
والفرگه اكثر مـــن سَنه
مو خوه اذا اعيـشن أنه

لفني بثـــوبك المســـلوب .. لفني
تراهو الموت خويه حسين .. لفني
عگبك من دموعي أعـليك .. لفني
وألطم بالحجر صبح ومسيه

لطمت أعليك بحجار
ومن فوگ السطح نار
والشمــات والســــوگـ
وشمرونه بشـــكو حار

متت خويه متت ..

"""""""""""""""""""""""""""""""""""''''''''''

اشتاگيتلك .. مشتاگه بنفاسي البقن
يـــاديرةّ اهلي والوطن
أقسملك بچبد الحسن

اشتاگيتلك .. ماتگضي يحسين وتفض
جبت العمـــر نار وركض
وصّيـــاح وخيول الترض

موش الصوت بَــــح يحسين .. بحبال
عليك وگلي شنهــو الصــــار .. بح بالـ
الهضيمه .. وآنه اگلك صرت .. بحبال
ولعيونك حجر تشگف اديه

اصيح ورايح الصوت
أخيتك رايده تمــوت
واهل الشام مـو ناس
تعال الحگلي زاتـوت

متت خويه متت ...

"""""""""""""""""""""""""""""""""""''''''''''

وديتلك .. بيد الحمــــامه الزايره
وشالت دمعتي وطايره
گليـــله مـــاتت صابره

وديتلك .. لوعةّ غــــريبه أمّجـبله
وبيـها جمر مـــن كربله
وچم صيحه من العايله

الك وي الحمــــامه دمـوع .. وديت
وسلام البي نفس مخنوگ .. وديت
تمنيت شـــكثــر يحســـين .. وديت
بساعةّ موتي يمي تكض اديه

يمي وتمسح الراس
وكـون وياك عباس
وتشيعوني بالدمـوع
لا شمــــات لا الناس

متت خويه متت ..

"""""""""""""""""""""""""""""""""""''''''''''

بديتلك .. كــل مغــربيه بدمعتي
جمــره بغيابك شوغتي
والطاري جيتك دمعتي

بديتلك .. حسرةّ گلب شــابع ألـم
ودخان من ذيچ الخـيم
ولوعةّ اخو إيجر السهم

عيوني مـــن المّتانه أعـليك .. بديت
معـــزتك خــويه يالتــدريش .. بديت
عليه .. وعمري الك يحسين .. بديت
الجيتك لو تجيني بهل المسيه

تمـنيت وفــلا جـيت
الك يحسين حنيــت
الطولك يبن الاجـواد
يخامس شمعةّ البيت

متت خويه متت ...

عبد زينب
محمد الابراهيمي


@HxzEU1

#قناه_نشر_القصائد_المنبريه

لحن (جَبلوني)
بصوت
ملا حسن الزينبي
الشطره

لهلنه امشينه ذوله مو أهلنه اهل الشام مابيهم محنه
ظلينه غريبات خاف انرد سبيات
**
دارت الايام بيه ورجعت محد الي
الياوكت ابقى غريبه وماكو واحد من هلي
امس كتبو يلا زينب فوگ جدراني ارحلي
صحت من رجعو اليه منين اجيبك ياعلي

اخذني وياك شلي بديرة الشام من زينب علي شتريد الايام
اريد بحضرتي اتبات خاف انرد سبيات
****
من زمان الشام غربه وناس تكره من زمان
خير لا تترجي منهم ذوله ما ألهم أمان
بعد وي گوم آل اميه عمه ما النه مكان
گومي خل نمشي لهلنه الكربله آن الأوان

اظل المن وشنهي ظلتي اهنا ويوميه اتهدد شيلي منا
اهواي بگلبي لجمات خاف انرد سبيات
****
بغربتي والصحن خالي اوين زواري اصيح
مرقدي اظلم او وحشه وخايفه الگبه تطيح
الأمس بالطف سلباني سلب اليوم الضريح
الشام واهل الشام عمه گلبي من عدهم جريح

ظلينه غرايب احنه الاثنين ورجعنه محد النه وتهمل العين
عدهم صرنه اسيرات خاف انرد سبيات
****
آه ياغربة رقيه الها گلبي ينعصر
سنين صار الها وحيده وبيها ما واحد يمر
مثل هالايام جانت ايمرها زاير تنتظر
يكسر الخاطر گبرها ويفتر عليها الشمر

گبرها هالسنه بيد آل أميه وتهد الحيل غربتها رقيه
محد الها هيهات خاف انرد سبيات
****
ليش هاي السنه گبري يختلف عن السنين
جانت الزوار يمي وبيها ريحه من الحسين
كل سنه تگصدني جانت مثل يوم الاربعين
هالسنه محد اجاني والمواكب ذيجه وين

يحيون الزياره بگبري كل عام جا ليش السنه مايمي خدام
عافوني حرامات خاف انرد سبيات
****
الكربله خلينه نمشي ونترك اديار الغرب
اهناك نسكن بين اهلنه عمه وعزاز الگلب
بالعراق الناس طيبه علينه دمعتهم تصب
مشي كلهم يعتنونه وحنه نوگف عالدرب

من كل الدول تگصدنه زوار وتخدمنه المواكب ليل ونهار
اهناك انرد عزيزات خاف انرد سبيات
****
تمت
ميثم العمري


@HxzEU1

#قناه_نشر_القصائد_المنبريه

دنيا الطلعت زينب سبيه
دنيا اليتمت بالطف رقيه
دنيا حسين نايم علوطيه
هاي شلون دنيا

***

المن ظاله روحي شتريدين
هم عندچ امل باچر تظلين
دنيا الطشرت بالطف الحسين
هاي شلون بيهه ؟

ازاعل ناس واركض واجمع المال
وانسى واختلف كل ساعه انه بحال
واظل فلاح ناثر تعبه برمال
آخيرآ للگبر بس چفن وحبال

سكته وبس تراب تروح ناسي
دفنو ضحكتي وذبحو انفاسي
اظلن باللحد شيشيل راسي ؟
هاي شلون دنيا

***

يا خير اليجي من الدنيا يا ناس
دنيا الفارگت زينب وعباس
دنيا چفوف كافل بيها تنداس
وسهام ابعيونه

بيها حسين نايم فوگ التراب
المن نركض الهه ونحسب احساب
على الاكبر تطشر علرمل ذاب
كلشي بهالحياة يروح چذاب


ما يبقى الفرح دايم بچيهه
ما تسوى العتب نعتب عليهه
آخيرا باللحد ما نبقى بيهه
هاي شلون دنيا

*

لا يا دنيا سويتي الچبيره
زينب بت علي تمشي اسيره
تظل بلا محامي ولا عشيره
بدروب البعيده

ليش ايزيد يضرب راس الحسين
زينب يا وكت تدخل دواوين
دنيا أم الخساره شلون الچ عين
بعدچ عايشه وريتچ تموتين

يصلفه وشايفه السوط بيمينه
وكل ساع وتصد لام عون عينه
رقيه اتيتمت بيهه وسكينه
هاي شلون دنيا

****


يا اكبر حلم لا مو حقيقه
ونتوقع يزول بأي دقيقه
البشر بالازمنه الميته السحيقه
وينه اوين داره ؟

وين العاشو اويانه ونحبهم
جوه اتراب هسه بنص گبرهم
غير تصير عبره ومن نمرهم
باچر هم نموت ونرجع الهم


عليمن هالحسد والكره كافي
نرجع للحسين بگلب صافي
باچر كل بشر مدفون طافي
هاي شلون دنيا



****


راحه منين لا ما بيهه راحه
أذا المهدي يون ليله وصباحه
الدنيا السببت همه وجراحه
لا خير بعمرهه


هذا الما يريدك هذا مغتاض
كبر سوء التفاهم والزعل فاض
سنين اتطول بس بالهم والامراض
ومسيرك للگبر وهواي الاعراض


تعوف المال والاولاد وانته
تروح بنص گبر وشلون سكته
عمرك وين راح شلون عفته ؟
هاي شلون دنيا

****

كلمات الخادم / رعد الفريجي



@HxzEU1

#قناه_نشر_القصائد_المنبريه

بدينه الماي والبر
الكواكب النه تفتر
هلي القربان الاكبر
ستسأل من أنا ؟؟

-------------------------------------

ابوي الطوع الجان
ابوي امحلي الاذان
قبل كل البشر چان
كبير المنزله

تعرفه الفقره عالباب
اذا صاحو يبو تراب
تصير الدنيا محراب
كلامه البسمله

سلام الله عليه سبحانه من آوجد
ابد ما ينوصف بالفضل ما ينعد
محمد من يحشمه بساعة التشتد
لا مرحب يظل لا عمر لا احد


نهاية حرب چفه
تدنگ ناس صلفه
على الشدات اكلفه
ستسأل من انا ؟؟

----------------------------------------

أمي الكون اديهه
الهوى ايسلم عليهه
تسمى أم ابيها
وابوهه الخاتمه

لجلهه الدنيا صارت
الكواكب ليها دارت
العوالم بيها حارت
العظيمه العالمه


يسموهه الزكيه الطاهره البضعه
الجنان اتحن عليهه السبعه والسبعه
بكسر ذاك الضلع حتى الشجر ينعه
الغريب الگال اسمهه بشده مترجعه


باب الحاجه أمي
بوكت الضيج تحمي
بسمها اقترن اسمي
ستسأل من انا ؟؟

-----------------------------------------


اخوي الماله ثاني
اخو السبع المثاني
كريم الآل واني
احبن هيبته

شجاع وبيه محنه
اخذ كل طيب اهلنه
الاسم اسمه وطنه
المهيب بطلعته

يعرفونه الكريم الما طفت ناره
اليحط بالزاد لير ويسر خطاره
اخت حلال كل المالهن چاره
اخوي اهل السمى تتناقل اخباره


اله تلوگ الامامه
وجه خير وسلامه
ولكن كالقيامه
ستسأل من انا ؟؟

----------------------------------------


اخوي الثاني موصوف
اخوي امأمن الخوف
جسد بس كعبة سيوف
سلام المنحره

عطش حد ما صبح ماي
ذبيح وينطي الهواي
انسحگ بس يرجع فياي
تمام ابمنظره

توزع ناس جسمه وبالعكس يكبر
يدوسون اعله صدره وينگلب منبر
يحرگون الخيم وتصير لون اخضر
السبايا مو سبايا اتسير كالعسكر


فتح نصر وشهاده
زرع بينه القياده
فقط النه السياده
ستسأل من انا ؟؟

---------------------------------------

انه الجيش الفدائي
فكد كيدك ندائي
وجوبي اومو كفائي
الجهاد الحيدري

اطب قصر الاسارى
واهد عرش الاماره
السلام اعله الغياري
البيان العسكري

تدنگ روسهم من تنذكر زينب
علي بالشام يخطب يستمع مرحب
آنه الگالو وحيده وخضرت مذهب
حسين الباقي اسمه وقاتله اليشطب


اذا تسمع عقيله
الشجاعه المستحيله
بعد الطف كفيله
ستسأل من انا !!!



كلمات الخادم / رعد الفريجي
5 / رجب / 1446
ثوابها الى روح والدتي


@HxzEU1

#قناه_نشر_القصائد_المنبريه

الجرح الأول من ع الناكَه  .. وانعى اخواني
بلا  جناز  يضل  تابوتي .. الجرح الثاني
لبغربه  اتموت
وحشه التابوت
الجرح الثاني

*

كل ما اتنفس اتحسر
كل ما تطلع شمس اتحير
اذكر ممشه بذاك البر
واموت
لسه وكل سا تدور عيوني
لسه انده بلكت يلفوني
الكلفين اخواني ايشيعوني
من اموت

وجهتي وجهي لكربلا  ودموعي  نار
نعش اختكم ياهلي  بنص غربه صار
بااااارد التشيع اخافن  بس كلبي حار
عدله  ميته  أيامي خلصت  انتظار



شتحمل شصبر  شتجرع  .. كلهن بيه
طلعت روح الماكو اخوتها  .. والمسبيه


نعشي  المطروح

متروس اجروح

الجرح الثاني

**

مرتين الشاااام اكصد ليها
ومسبيه  ديااااار  افتر بيها
مرتين اخواني  امتانيها

الكَلُب  

مسبيه اكصد روحه ورجعه
دورت اخوان بكل دمعه
مرتين امشي وجني مضيعه

الدرب


و هو مرتين السبي رااايدله  روووح
طويل دربي  عله اخوتي خلصته انوح
لشام ارجع والهوه  من يهب جروح
وعدله ميته  لكربلا اتمنى ارووح


محد يعرف معنى الحركَه  .. العاااشت بيه
مذبوح ابن امي وهاي اني  .. هم مسبيه

مرتين النوك
فرتني بسوك


الجرح الثاني


*

وهاي الايام الي مرت
بيه النوك شكد افترت
لسوكَ الشام اليكتل وصلت
عذاب

وكفت سوك الاخذت روحي
مجتوفه وعيني لمذبوحي
ع الناس افترو بجروحي

عذاب


وجان محد بالمدينه سامعلي صوت
فوك عرجه النوكَ تالي  لشام  افوت
السبي الأول مامتت بس كَلبي مات
السبي ثاني بغربتي من نوحي اموت


اخر لحظه واخر حسره  .. مرت روحي
يمته اتلاكه حت لو ميته  .. وي مذبوحي


غربه الاياااام
بس هي الشام

الجرح الثاني



*

لأخر ساعات من أيامي
ما متروي كَلبي الضامي
وين الله ويطلع    كدامي

الحنين

وتغمض عيني وهو كبالي
واصرخ ها يحسين الغالي
جاي تشيع نعشي الخالي

حسين


ها يروحي بدمعتج ترسميين  اخوج
بلكي  بالتشيع  كون اهلج  يجوووج
وعله باب الساعة  كون  ايوكَفوووج
حتى أهل الشام  هيج ينااااظروج




عله متون اخواني يحملونه  .. نعشي بهيده
يكض خشبت تابوتي ويمشي.. الكافل  بيده

يمشووون وياي
يصيرون فياي

الجرح الثاني


**


وحشه جنازه وماكو اخوتها
هاي الهضمه  وياهو يزتها
جرحتني    الروح بطلعتها

يجوووون

رديت  بفكري  عله المذبح
رديت لكل ذاك اليجرح
جا هم جنازه وحدي أصبح


يهوووون ؟؟؟


من الغريبه الحايره  بشااام المصااااب
من العقيله  الجلبت  بس  بالحجاب
من اختكم يخوتي  الشبعت عذاب
ياااا لهااااشم  شيعو اختكم كَلبي شاب



ومن المغتربه المقهورة  .. بشام الغربه
من تشييع غربه الوادم  .. هاي الصعبه


غربه التشييع
غربه التوديع


الجرح الثاني




الحمد لله رب العالمين

خالد عبد الساده البديري



@HxzEU1

#قناه_نشر_القصائد_المنبريه