يروحي    دمع الحزن هويته
يروحي    طف وخيــم لكيته
يروحي    للهادي دم جـريته
يروحي
...................................
الهادي ياروحي الدمـــع شاهد عذابه
راسم الطف والخيـــــــم مطلع كتابه
عاش كـــــل عمره الهظم ذابح شبابه
بكل عزه ومجلس تره حاضر مصابه
بدمعه جريه    ينعى الرزيه
خلص حياته
صبح ومسيه
يروحي    من يحضر المآتم
يروحي.    يواسي الزجيه فاطم
يروحي.    لاخر نفس نعيته
يروحي

...................................................
عاش عمره الهادي مذبوحه أمنياته
من كثر نوحه الدمــــــع يبس لهاته
محني يمشي وحتى لو قام الصلاته
هدم جرح حسين حيـله وشل حياته
نار الفجيعه     لابن الوديعه
يا دمعه سيلي
لحسين ورضيعه
يروحي.    عالخد جرن دموعه
يروحي.    الهادي وحنت ضلوعه
يروحي.    وضل ينتضر منيته
يروحي
...............................................
صور من الطف بدت ترسم حدوده
وراد من عباس ياخذ ســـــر خلوده
رفع راية جــــــده وبعزمه وجهوده
وكف وبعلمه سحك خصمه وجنوده
نور الأمامه    بوجه علامه
صفوة محمد
بقدره ومقامه
يروحي    أبابه تجي الحياره
يروحي    من تعتني الزياره
يروحي.   الكل تحتمي بثنيته
يروحي

...................................................
عاشر أفروع الأمامه وجــــل قدرته
وارث آل المصطفى الهادي وعترته
النقــــــــــــــي الناصح ألقابه ورتبته
ونعمة من الباري يا شيــــــعه خدمته
محرابه آيه    ونور الهدايه
جاعله سباحن
رب البرايه
يروحي    موكب خدم أنصبي
يروحي    للهادي فوكه كتبي
يروحي    أنصاره معتنيته
يروحي

.................................................
ختم عمره الهادي وأنفاسه ألأخيره
وأنذبح بالســــــــم لمن حدد مسيره
مثل جده او والــــــده شيخ العشيره
والعجيبه أجنازته ضلت أسيــــــره
شيل الجنازة   عازتها عازة
وادم غريبة
بيمن تجازه
يروحي     بداره صفت دفنته
يروحي     كسرة كلب وحدته
يروحي     بدمع الحزن أجيته
يروحي
..............................................

خادم خدمة الحسين
الشاعر محمد الموالي

الله اليعينك يالحسن وايعضم أجرك
بدارك دفنته والدك واحزام ضهرك
واه ويلاه يا علي الهادي
....................................
ألأبـو خيمة وسند وافراكة موت
أنفاسه تسبيح وحرز طلسم قنوت
ألفجر وجهـــا ألفجر عجبة يموت
شلت نعشك لو شلت نعشه سكوت
يا حيرة الفاكد أبـــــو ألله اليصبرك
بدارك دفنته والدك واحزام ضهرك
......................................................
يا دمـــع بعيونك أيشافي الجروح
وانته تنضر والـــــدك منك يروح
فــرحة اسنينك طفت ما بيها روح
شيسوه عمره الينكضي بالهم ينوح
حيــــرة والله حيرتك محتار بامرك
بدارك دفنته والدك واحزام ضهرك
...............................................
ألجان يشفي الــوادم بعازة طبيب
يالحسن والسم أكـــل جبده عجيب
ايساعد الله كلبـــــــك أبفكد الحبيب
يالبديت اسنيــــــن عمرك بالمشيب
كل صباح وكل مسه ينذبح عمرك
بدارك دفنته والدك واحزام ضهرك
...............................................
والدك بيـــــــــــن البشر ماله مثيل
جــــــان نعمة ورحمة للوادم خليل
نـــــذر عمره ودمعه لحسينه سبيل
حتى وي موته دمــــــع عينه يسيل
لو نبجي كل هذا العمر مانطفي جمرك
بيدك دفنته والدك واحزام ضهرك
......................................................
يالحسن بدموعنه اتعنينه ليــــك
راية راية عالعهد نمشي ونجيك
نبجي عالهادي لون نبجي عليك
بدارك وكبره حفرته بهاي اديك
ويلي كلبك يالحسن ما يشفي كسرك
بدارك دفنته والدك واحزام ضهرك
.......................................................
خادم خدمة الحسين
الشاعر
محمد الموالي

عاشر أفروع الأمامة....ألليلة تنعاك اليتامة
يا علي الهادي
...............................
وكفنه اباب بيتك وكفت الفاكـــــــــد أبو
منحنين وكُلشي وحشة والدفو ايشيع دفو
مادخلنه وأنته تدري الدلة مضياف البدو
وانته باب الجنة بابك تكرم البـر والعدو
أمن الحسن جدك علامة...ألليلة تنعاك اليتامة
يا علي الهادي
........................................
لو ذبــــــح لو سم حياته خلصوا أهلك جتل
وانته وارث حتى موتك قسمة الحق والعدل
عزبت يالهادي جبدك من أجــــــاك ألمتكل
مو غريبة وهاي عادة أسسآها أبــــو الفضل
أجفوفه عنوان الكرامة....ألليلة تنعاك اليتامة
يا علي الهادي
.......................................
أجينه وكلنه لهفة وبينة جمرة أمن الخيـم
أجينـــــــة وراية راية تشهد ونــقسم قسم
عالعهد باقين نبقى وهذا عهد امن الخـــدم
باجر اويه المهدي ثارك ينرفع عاشر علم
شرف ألنه بهالخدامة....ألليلة تنعاك اليتامة
يا علي الهادي
.............................................
حيرة يالهادي وسؤال أيدور ما بين الملى
ليش حمرة أعيونك أسأل والدموع امسبله
ناس كالت ينعه جدة لو ذكـــر طف كربله
وناس كالت ينعه أبنه ما بقـــــى واحد أله
ويجرح الشامت كلامة......ألليلة تنعاك اليتامة
يا علي الهادي
...................................
حجيت بصوت عالي وهوست رغـــم الجرح
آنه جدي حسين ضامي وضل صريع ومنذبح
خلًصت عمري بواجي لحـــــــد ما فطَر ملح
آنه لا كطعوا ركبتي ولا حدوني أعله الرمح
وبدري ما كامل تمامة....أللية تنعاك اليتامه
يا علي الهادي
......................................
خادم خدمة الحسين
الشاعر
محمد الموالي

تعنينه بحزن وادموع مدميـــــــه
الكبر الهادي اجينه احنه الحسينيه
واه ويلاه..يا مسموم
واه ويلاه..يا مسموم
..........................................
كل شيعي التعنـه ولابــــس الاســــــود
يدك صدره ودمعتة هامله اعله الخــــد
زحف يكصد ضريح الهادي ابو محمد
ويلكه العسكري وانصاره محنيه
وا ويلاه..يا مسموم
زاه ويلاه..يامسموم
.......................................
هلا وكل الهلا يتلكه زواره
مضيف الزهره عامر باهله وانصاره
كلمن عاف اهله وخالي ضل داره
شفاعه وجاه اله والدار محميه
واه ويلاه..يا مسموم
واه ويلاه..يا مسموم
..................................
كل دمعه التطيح الخاطر العصمه
تسجلها البتول بدفتر الخدمه
شكبرها الخادم امن يموت يلكه اسمه
وعلي بيده يعبره الماهي مكضيه
واه ويلاه..يا مسموم
واه ويلاه..يا مسموم
........................................
شد عزمك يزاير لا تدير العين
الهادي ابن الامامه وعاشر اهل الدين
يا محلى اليجي وبي ريحه من حسين
من ابعيد اشمه وانعش الريه
واه ويلاه..يا مسموم
واه ويلاه..يا مسموم
..........................................
تره الهادي مصابه ألم الزهره
سكوه السم قبل ما ينتهي عمره
مثل عشرة محرم هم اله عشره
يخي عونه الحضر والسوه لطميه
واه ويلاه..يا مسموم
واه ويلاه..يا مسموم
................................
خادم خدمة الحسين
#الشاعر
محمد الموالي

(مولاتي السيده زينب عليها السلام)

الدهر مارحم حالچ ليش يمعون
وگلبچ من مرار الحزن يــــمعون *
مادفنـــوچ يم عباس يـــم عون؟
اظن احـــــسين رادچ يــم رقيـه
~
حيدر بشار الدراجي

*ياما عانى

(راح اموت)


راح اموت     ومحد من اخوآني شـفـتـه
راح اموت    اجـنـازتـي تـنـشـال سـكـتـه

           راح اموت       راح اموت

*----------------------*---------------------*

چانت أمنيتي الوحيده بكربله ايصير الدفن
وتنتهي رحلـت عذابي وينتهي هذا الحزن
چنهم اخوآني نسوني وآنـه بالـغـربـه أحـن
سـاعـه مايبرد ونيني مِـثـل وَن الـمـنطـعـن

حالي هاذ والاهل ما منهه جَيه
حالي هاذ ماتت بروحي الوصيّه

*------------------------*-------------------*

چـنـهـه نـيـران الثوانـي مـن تـمـر للينتظر
ياصـبـر يلحگ عـلـيّـه والله تـعـبـتـه الصبر
خاطري المكسور باقي چنت اضنن ينجبر
وبالطفوف ايصير موتي وبيهه يتشيد گبر

صعبه حيل زينب التدفنهه غربه
صعبه حيل حالتي ياناس صعبه

*-------------------------*------------------*


ياهو اليوصل كـفـيلـي أيـگـلـه عذبهه الـغـرب
بحسرتي بالشام اموتن وذايب بشوگه الگلب
وينه أليشيّعني وينه الوحدي وبموقف صعب
لا أخـو الـيـحـزن عَـلـيّـه ولا مـجـالس تنصّب

من بعيد رفرفت مثل الحمامه
من بعيد اشكي لخواني الظلامه

*--------------------------*--------------------*

تـنـزف اجـروح بدليلـي جـيّـه مـا منـهـم بـعـد
سـلّـمـت بالـحـالـه هـايـه أمـري للواحـد أحـد
اعـرف الـصـار بكـفيلي واعـرف بـذاك الـعـمـد
لاكـن الـشـوگ الـجـبـرنـي بـأسـمـه أردّد للأبـد

بس عذاب تجرح ايام العشتهه
بس عذاب دنيا بالهَم خلصتهه

*-------------------------*--------------------*

اليحتضر بأخر وصيته تسأل الناس أشكتب
يا خَـلـگ هايه وصـيـتـي آنـه موتني الـتـعب
خلصت عمري مناحه وگلبي بالغربه الـتـهـب
اعـتـب بناري عـلـيـمـن راحوا الـگـد الـعـتـب

هسه وين گلبي ما يحچي بعتابه
هسه وين الحزن ما سَده بابه

*------------------------*-------------------*

✍خادم  زينب (ع)
الشاعر رعد الجريخي

الفين وخمسه وعشرين ابديها وياك
واخذ العهد يا مولاي لا ما انساك
يالضحه الي بوريده
هاي السنه الجديده
ابديها وياك
****
بسم اللطمه والدمعه .. ابدي وروحي منفجعه
على مصابك يبو كل المشاعر
گلبي بحزنك اتعبد.. وكل ايامي ثوب اسود
نبض گلبي مصيبه وحزني عاشر

يحسين فدوه الزمني بيدك
خليني واحد من عبيدك
من اذكر العيد اذكر الشام
عيدو من شافو وريدك

راس السنه شعندي وياه مادام وياك
راسك ينكط دم وشوگ برماح اعداك
يالغربتك فريده
هاي السنه الجديده
ابديها وياك
****
الوادم تلبس الاحمر… واذكر دمك مطشر
ويترسني الحزن من جدمي للهام
الوادم جوهم كرسمس.. وآنه اجوائي بالمجلس
واجددلك ولائي بكل الاعوام

يحسين موبيدي وغلاتك
وي دمي تجري نايباتك
الوادم تخيم كلها بذنوب
بس انه خيمت بعباتك

وقررت بخمسه وعشرين يانبض الروح
ما انجر الهذا وذاك واهديك الروح
الماضي ما اعيده
هاي السنه الجديده
ابديها وياك
****
وبراس السنه الحالي .. اذكر راسك العالي
لمن حضنته وماتت رقيه
وانطيك العهد وامشي .. انت بدنيتي كل شي
وكل ايامي عاشور ورزيه

انت التهمني اهواي يحسين
واليستحق تبچيله كل عين
الما عنده مثلك ينطم اذنوب
لا وين ينطي وجهه لا وين

يا نعمه وجهلوك الناس صدرك مسحوگ
كل عمري دموعك يحسين وانت المعشوگ
ياجرحي بس اريده
هاي السنه الجديده
ابديها وياك
****
اغلق ماضي اوهامي .. وافتح صفحة احلامي
وامسح مني ايام الندامه
خادم خادم وخادم .. بس لحسين ابن فاطم
واگضي عمري كله بس خدامه

بيك ابدي يومي وبيك انهي
خلافك يبو اليمه آنه شنهي
واعليك امشي اچفوف عباس
ردني الخدمتك وين وجهي

هالمره إن شاء الله هالموقف غير
ما اخلف وعدي الوياك ياراعي الخير
يالخيري كله بيده
هاي السنه الجديده
ابديها وياك
****
بالدنيا رحت زايد .. ذنبي بخدمتي ايباعد
شايف نفسي واتكبر عله الناس
بس هسه ارجعت نادم .. ميهمني حچي الوادم
وغيرك ما اخلي يشغل الراس

براسي الحسين شلون مذبوح
واگباله گعدت زينب تنوح
وبعينها من تشوف الخيول
تسحگ بصدره وتطلع الروح

معناها حزنك بالروح لا ماينعاف
والما شايف رحمة گلبك من عمره اشاف
من اختم القصيده
هاي السنه الجديده
ابديها وياك
****
هشام الشيباني

نعي مفجع
الى مولاتي زينب ع


ويـنـه الـيـجـي ياخـذ رسـالـه
مـنـي لــعِــد راعـي الـكـفــالـه
ايـگـلـه بغرب حالـتـهـه حـالـه
گـرّب يـومـهـه وذكـرت دلالــه

ويـنـه اليروح الـوادي لطفوف
ويكتب عـلـيّـه بـهـاي معروف
يگصـد اخـوي الشهم ويشوف
يوصّل سلامي بگـلـب ملهوف

ويــنـــه الـدره بـالـصـار بــيــه
مـهـتـم اريــده ايـمـــر عـلـيــه
اوصّـيـه بـس هــاي الـوصـيـه
ايـذكّــر هـلـي عـدهـم سـبـيـه

ويـنـه الـيگـلـهـم زيـنـب اتـريـد
تحضر نـعـشـهـه نـاس اجـاويـد
بـلـكـت اخوتـي تـگـطـع الـبِـيـد
وتطوي الفيافي ودرب البـعـيـد

*----------------------------*-------------------*

✍خادم السيده زينب (ع)
الشاعر رعد الجريخي

ستشهاد الأمام علي الهادي

لجمتني السنين    مومثل الحسين
محد حركَ خيماتي   ولاركَضن ابنياتي
مومثل الحسين
،،،،،،،،،،،،،،،،،،،،،،
انه علي الهادي عشت كل هاي الاحزان
لوماتت الشجره بعد   شيضل بالغصان
انه طحت بس موذبح  لاجسمي عريان
ومعروف ماعنده اهل   الماعنده دفان

انه جدي      طاح عاري    وراسه مكَطوع
فوكَ صدره   شكَد حوافر  تهشم الضلوع

من المكَفه مذبوح  . وبجسمه الجروح
وفوك الضعن عماتي   ولاركَضن بنياتي
مومثل الحسين
،،،،،،،،،،،،،،،،،،،،،،،،،
مايعرف الضحكه تره   الكل عمره ملجوم
اللاچمني موسم الجبد    ولا هاي الهموم
لاجمني جدي بنينوى    فوكَه العده تحوم
لو ذنبه لازم  ينذبح      شمسويه الهدوم

شنهي ذنبه  الثوب بالله  وهيج ينباكَ
هاي لچمه   شكَد ثكَيله   بطعم الفراكَ

يذبحونه عطشان  .  وفوكَاها عريان
صار الدمع طعناتي   ولاركَضن بنياتي
مومثل الحسين
،،،،،،،،،،،،،،،،،،،،،،،،،،،
انه ابن ذيج الخيم   ويالتسمع الصوت
يغسلونه ويلفه الجفن  معروفه اليموت
بس  اليطيح  ابكربله   مايلكَه  تابوت
وطفاله بين اهل القرى  متجتفه تفوت

بيه حسرات   عالسبيات   بدمعي الهواي
انه عمتي    ليش ضلت    ابعازت  الماي

اتذكر اجروح  . من كَلبي متروح
بروحي اطلعت شيباتي   ولاركَضن بنياتي
مومثل الحسين
،،،،،،،،،،،،،،،،،،،،،،،،،
حسراتي وحزان  الكَلب  ماتكَضي بشلون
وشيباتي المغطيه الرمش   تاكل بالعيون
جسمي انه من سم الجبد  ازركَ يشوفون
جن عمتي من ذاك الحجر  الزوركَها المتون

شلون عمتي   الشام دخلت   وذيج الحجار
شلون تشكف   وجان جفها   منجوي ابنار

ياحسرت النوكَ  .  ويالخدها محروكَ
ماتنحصي حسراتي  ولاركَضن بنياتي
مومثل الحسين
،،،،،،،،،،،،،،،،،،،،،،،،،،،،
بفراشي متوسد اسف   وعرف بالحسين
عريان  ومغطي  الجسم   أرماد الصواوين
والصوط بمتون الحرم    تارك  نياشين
وبعيونهن صارن دمه    مو دمعه بالعين

شاب كَلبي   وراح صبري    وانه ملجوم
العاش عمره  يسيل دمعه   يضييع النوم

عميانه العيون . بالغربه تدرون
تعجز بعد جلماتي   ولاركَضن بنياتي
مومثل الحسين

ابوفايز الرافضي
الفاتحه على روح والدي

الابوذيات
((السيده زينب عليها السلام))

الزمن من ريحة الاحباب خـــلاچ
ورحل عنج بطف ابعاشور خلاچ
وحـــــيده ابولية الشمات خـــلاچ
وصارت حــــــــظرتج مثلج سبيه
~



الدهر مارحم حالچ ليش يمعون
وگلبچ من مرار الحزن يــــمعون
مادفنـــوچ يم عباس يـــم عون؟
اظن احـــــسين رادچ يــم رقيـه
~


أنه زينب وچـــم حـسره ترابي
ومتت وعيوني لخــواني ترابي
غريبه وبالغرب هـــــــالو ترابي
اولا واحد من اهلي مــــر عليه

~

يــــوم حـــسين للدلال وياه
على امصابه لجــر الاه وياه
يــاخذني يريت الموت وياه
ولا عيش ابغرب واشبع أذيه
~
حيدر بشار الدراجي

نعم عـــــــمرج مراحل مرحله الشام
وهتف صوت النواصب مرحى للشام
يزينب ردت انشدج مرّ ؟ حلا الشام

وشفت طف وسبايا وغاضريه





شفت طف وسبايـــــــــــــا بالمعـاني
جبـير الحزن يــــــــــــزغر بالمعاني
فكد عباس زيــــــــــــنب بألمه عاني

ولو انتــــي الالم عندج هويه






ولو انــــــــــتي الالم عندج بالايـام
كضيتي سنيــــــــــنج بلوعه بليا أم
بلوتـج مو فقط ساعه بلى أيــــــــام

ابتدت بالباب واحزان الزجيه





ابتدت بالباب واحزان اليــهلكون
وشجاك وحيل خانكني يهل كون
ابوي الغاب من عيني يهل كون

يجيني يشوف ضيم الغاضريه






يجيني يـــشوف ضيم المااخـــولها
كلـــب من المواجع ما خوى الـــها
اخوها انطاها رايـــــــه ما خولها

تـــــــــــــرد لوما تـهد طغيان أميه



تمت ،، رعـــد  الفريــــجي



@HxzEU1

#قناه_نشر_القصائد_المنبريه

تعبنه هواي بالدنيا وصبرنه
امانة موسى ابن جعفر عمرنه
------------------------------------------

على الشباچ نحچي وياك مولاي
ضاگت يابو طلبه وما يصح راي
ندري بچفك الدمعتنه شراي
يمك وانته بيدك هاي وي هاي

كلهن يا ضريح ايلم كسرنه
آمانة موسى ابن جعفر عمرنه

-----------------------------------------

جبنه هموم دنيانه ولفيناك
مالت يابو طلبه وهلگصدناك
بحماك وبعد مولانه بحماك
خلصنه العمر لوعه وندبناك

الدهر چيمنه بالموگد شمرنه
امانة موسى ابن جعفر عمرنه


------------------------------------------

يم باب الضريح ارواحنه تهيد
مولانه ونعم يا مدت الايد
چلمة هاك تنطي بدون تحديد
فوگ الحاجه تكرم والله ويزيد

ربينه بخدمتك والله وكبرنه
امانة موسى ابن جعفر عمرنه

------------------------------------------

دنيا تغيرت مدري السبب ناس
مو نفس المحنه اشبيه الاحساس ؟
اخو ما هَمّ بخوه يموت ينداس
بمحرم كلهه تبچي تصيح عباس !!!

كلام بلا فعل يا وسفه صرنه
امانة موسى ابن جعفر عمرنه

-----------------------------------------


باچر ما درينه وخفنه شيصير ؟
نفگد ناس نرحل ننتهي انحير
بگلبنه اسرار وانته النخوه والبير
الراحه ابابنه وعلوادم اتطير

يظل ضيم الدهر خانگ صدرنه
امانة موسى ابن جعفر عمرنه



كلمات الخادم / رعد الفريجي
25 / جمادي الاخرة / 1446
ثوابها الى روح والدتي



@HxzEU1

#قناه_نشر_القصائد_المنبريه

كربلائي

نتعنه العلي الهادي ...زوار بدموع العين
ما تمنعنه كل اسباب ... نوصل مرقده امعزين
.....
قرينه الفاتحه تسهيل ... واتعنينه مشاية
ثوب اسود لبسنه اليوم ... واتحزمنه بالراية
يا ويلي على المسموم ... سويناهه القراية

للهادي نضحي الروح 
نحي امصيبته بالنوح
جرحه البينه اشد الجروح

اه يا لوعت امصابه ... نصيح ونندبه ابكل حين
......
مثل ما نحي عاشوراء .... نحي امصيبت الهادي
مواكبنه تظل تنعاه ... بصوت المرتضى اتنادي
يبقى ابكل زمان حسين ... شوكه ابوجه اليعادي

مايرجع زمان يزيد
شما جارو علينه نزيد
وحك الحمد والتوحيد

شعائرنه تظل للدوم ... متخلدة اويه اسم حسين
.....

نواسي العسكري ابهاليوم ... واجب يالخدم كلنه
خل نلطمله حيل اصدور  .... من اخرنه لاولنه
مأتم بالضريح انقيم ....  يحضره معشر الجنه

يهنياله الوصل يمه
تسجل فاطمه اسمه
جن زاير  لبو اليمه

يشم كبة ضريح حسين ...زاير ينحسب الاثنين

....

ندعي الله يوفقنه ... كل عام ونجي نزورة
غالي الهادي عدنه هواي.. نبجي الفكدة بحرورة
ما تمنعنه كل اظروف ... نتعنه لعاشورة

نشيع نعشه بالحسرة
ونطوف بكتر كبرة
ونندب فاطمه الزهرة

على الهادي نظل باجين.. .شما عشنه ونعيش سنين
....

عظيمه امصيبت الهادي ... بجاها المصطفى واله
سموات وارض حزنت ... على  الصار وجره بحاله
مثل ما تعتيني الاملاك  ... بمصابه انتعنالة

لا داعش ولا غيرة
يرهبنه ابتدابيرة
شيمتنه امن ابو الغيرة

عباس النطه الهل الدين ... روحه وعينه والجفين
......
تحت راية ابو صالح ... باجر كلنه  نجمع
نحارب كل ظلم كل جور ... للذله فلا نركع
ثار الزهرة اول ثار ... خلي الما سمع يسمع

قسم  بالحمد والكوثر
ما نترك اثر منكر ٠
نعيد الطف بسم حيدر

ما يبقى ظلم لا جور ... ابدولة حجة الطيبن
.....

الحمد الله رب العالمين
اللهم صل على محمد وال محمد
موسى الخادم

قصيده تشييع مولاتي زينب ع


زينب هاي انشيع جنازتها
هذا اليوم والخدام عازتها
٠٠٠٠ ٠٠ ٠٠٠٠
هاي ام الخدر الرابيه عله الهم
اخت حسين ميته وليش تتشتم
زينب من حجي الشمات ماتسلم

أشكال الضيم اهل الشام راوتها
زينب هاي انشيع  جنازتها
٠٠٠٠ ٠٠ ٠٠٠٠
عليها مابچت لاخاله  لاعمه
بس شمات من كل صوب ملتمه
يانعمت الزهره وراحت النعمه

يل ماتنطفي جمرت مصيبتها
زينب هاي انشيع جنازتها
٠٠٠٠ ٠٠ ٠٠٠٠
خلهه دمعتك اليوم تنزل دم
شد عله الحزن حزام وتحزم
ابكل بيت انصب فاتحه ومئتم

اليوم تبين الوفايه وگفتها
زينب هاي انشيع جنازتها
٠٠٠٠ ٠٠ ٠٠٠٠
شماشفنه مصيبه انكول يمهه تهون
عميه العين كون المابچت ل أم عون
أمنيه كون اهله بموتها يحضرون

جدم موتها وماحظرو اخوتها
زينب هاي نشيع جنازتها
٠٠٠٠ ٠٠ ٠٠٠٠
يهضمتها الجبيره وعالخدر صعبه
نعش زينب تشيله الوادم الغربه
ولاواحد بچه وعليها حن گلبه

غريبه والغريبه صعبه موتتها
زينب هاي نشيع جنازتها
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

هل سنه يحباب گلبي لاتجوني
خايفه أشگد عليكم  لا تجوني
عليكم المدمع يصب
ماكو امان بهل درب
لاتجوني  لاتجوني
٠٠٠٠٠٠٠٠٠٠٠٠٠٠٠
زيارتي بهذه الوكت صعبه
متعوّده عله الضيم والغربه
جانت سياط التضرب متوني
وهسه الأصوات عتلت عالگبه

يشوفتكم ترد عليه عافيتي
يجنكم ولدي وهذا الصحن بيتي
مواكبكم ترد الروح للميتين
انتم الهوه العايش  بريتي

الشام غربه من بعدكم لاتجوني
عليكم العباس اصبرو لاتجوني
والله مليت الغرب
عليكم المدمع يصب
لا تجوني    لاتجوني
٠٠٠٠٠٠٠٠٠٠٠٠٠٠٠
شمحلاهه بالشباچ لمتكم
يل ترعب العدوان هيبتكم
هاي السنه اگضيهه مدري شلون
ماتنحمل يحبابي غيبتكم

چني بين اخوتي من تزوروني
يحباب الكلب يل مانسيتوني
شمامر طاري زينب والسبي تبچون
اعذركم هالسنه وانتم اعذروني

حچايه صعبه لوكلتها لاتجوني
هالسنه زينب غريب لاتجوني
بيش اهودنه الگلب
عليكم المدمع يصب
لاتجوني لا تجوني
٠٠٠٠٠٠٠٠٠٠٠٠٠٠٠
يانور عيني ونبض دلالي
الشام ابد مايرحم بحالي
ماكو فواتح تنصب لأم عون
الشباج خالي والصحن خالي

تلتمون يمي جنتوا بكل عام
ماعفتوني وحدي بين اهل الشام
بهاي السنه  ماكو بشر يبچون
لامنصوب موكب يمي لاخدام

والله صعبه ايام موتي لاتجوني
شكثر مشتاكًه لخوتي لاتجوني
حته لو كون انضرب
عليكم المدمع يصب
لاتجوني لا تجوني
٠٠٠٠٠٠٠٠٠٠٠٠٠٠٠
كل يوم تفتر بالصحن روحي
هاي السنه شيضمد جروحي
باب الضريح ابكل وكت مسدود
صاحو غريبه ولهلچ روحي

ياچلمه غريبه الشيبت  گلبي
چندوب الصبر چندوب ياربي
هاي انه السبيه المرمراني الشام
يزواري بعيد عله اخوتي دربي

كون غربه يشيعوني لاتجوني
زوروا اخوتي وذكروني لا تجوني
موقفي كلش صعب
عليكم المدمع يصب
لاتجوني لا تجوني
...؟.
خادم اهل البيت ع
فلاح طالب الماجدي

بعدچ غريبه بت علي
بعدچ غريبه
ردو عليچ اهل الغدر
هاي المصيبه

******

دورنه كافل مايصح
مدفون وبكلبه جرح
وينه ليسمونه علي
عباس يا وجه الصبح

زينب وحيده بين الاجناب
حاطوهه كوم وكلهم اذياب
وين الاهل والحامي عباس
ياوسفه صارو جوه التراب

يا غربتچ ودموع تنصب
وسط الگبر يا ناس تنحب
بس عندي يا خدام مطلب
صيح وعلي مظلومه زينب


بلگلب شيبه بت علي
بلگلب شيبه
بعدچ غريبه بت علي
بعدچ غريبه

***

وينك يحماي الضعن
انهض وردهه للوطن
اختك وحيده بلغرب
عيونهه ترضه بچن


نادت يخويه انهض ولوني
بغربه يبو فاضل سبوني
شلون ترضه بهاي الأوضاع
بحجار خويه استقبلوني


تدري ولا رحت اعله بالي
شكد عندي يا عباس غالي
يضربوني وصرخ ها يكفال
وحسيت تمشي وي خيالي

ها يل حبيبه بت علي
ها يل حبيبه
بعدچ غريبه بت علي
بعدچ غريبه

*****

تمنيتك انته بهل وكت
مرتين يا خويه متت
طبو عل كبري وصحت
عباس خويه لحگ طحت

بيا حال هسه ام عون يا حال
بلايه اخو والعتب جتال
اخت الكمر بغربه يحسين
تعتب عله العافاهه وشال
يم النهر ودعت خيال

خلص عمرهه كله شده
وايامهه حزن اتبده
شراد الزمن منه شعنده
ماخذ اخوهه واخذ ولده


قصه عجيبه بت علي
قصه عجيبه
بعدچ غريبه بت علي
بعدچ غريبه

*****

عباس تسمع شكوتي
تمنيت تحضر موتتي
مدفونه وي مصيبتي
ردت مثلهه حالتي


تمنيته يحضر كافلي اليوم
مهموم كلبي خويه مهموم
حسبالي ويه النعش جناز
وتبچي عليه تشگ الهدوم


رحت انه وحدي بلايه زاتوت
امشي وحيده انه والموت
لا خبر منكم خويه لا صوت
ضليت حسره بوسط تابوت

تبقين هيبه بت علي
تبقين هيبه
بعدچ غريبه بت علي
بعدچ غريبه

*****

مجروحه زينب يا علي
يوم الدفن ماكو ولي
ميتين اخوتي وكل هلي
وين ألي كلي ادللي



حسره بگلب كل خادم هواي
ودم الغريب الما شرب ماي
هذا الحزن ميوفي يم عون
لوعت مصابچ تمشي وياي


افدي النظر وفديلچ الروح
ويومچ اخلصه بونه وبنوح
طبت الشام ابالي متروح
مجروح كلبي اعليچ مجروح

كلبي ونحيبه بت علي
گلبي ونحيبه
بعدچ غريبه بت علي
بعدچ غريبه


الخادم/ حيدر ناجي الدراجي

اشمالهه الدنيه ويه زينب

*******

اعتب عله الدنيه عتب ماانصفت وياهه
خلت الحره بلا اخو والبعد اذاهه
طبت الشام اكبر بعد ياهو التلكاهه


هسه الضعن زينب ذكرنا
بعد الكفل من يمشي ويا
شكد صعب هل الشام ممشا


درب اليسر وشخله بيهه
راحت وحيده بلا وليهه


فراگ الاهل خلاهه تنحب
شمالهه الدنيه ويه زينب

***

متعوبه زينب يا خلگ من طبت الشام
ضلت وحدهه بلا كمر وياهه ليتام
ضلت غريبه بت علي وليل متنام


صعبه عليهه بدون عباس
حمره العبايه وشيب الراس
اعله ام الخدر تتفرج الناس


الشام تعبهه وهضمهه
ياهو ليجي منهم شتمهه

بس الدمع يا ناس ينصب
اشمالهه الدنيه ويه زينب

*****

دنيه التحارب بت ولي وبچت رقيه
وخلت حسين لبس جسد فوگ الوطيه
وعباس ضل بلا نظر وجثته رميه


سهم المثلث يذبح زغير
شلون دنيه سولف تحير
دنيه ابد ما أله تفسير


ام عون هايه التعبت هواي
وياهه يا دنيانه بهداي

دلال كل شيعي تصوب
اشمالهه الدنيه ويه زينب

*****

ويلي عليه ام الخدر محد حضرهه
طيحت ابو فاضل صدگ كسرت ظهرهه
بطف ترى الحره انتهت خلص عمرهه


شلون دنيه ويه العقيله
وي زينب الوعه ثگيله
قصته قصه مستحيله

شلون العقيله اطب دواوين
اعليهه مو هينه اخت الحسين


بشام حتى الراس شيب
شمالهه الدنيه ويه زينب

***

اليوم مو زينب علي ودعنه يا ناس
هايه عزيزت حيدره وكافلهه عباس
كون لجل عيونهه نلطم عله الراس


انوح يحله اعله الحنينه
نذكر الشام اويه الضعينه
يمشي الحزن يا ناس بينه


مكسور خاطركم يخدام
عل صار وي الحره بلشام

بس الوجع بگلوبكم طب
شمالهه الدنيه ويه زينب


الخادم/ حيدر ناجي الدراجي