يسر الباري قط لاشك يسرها.
واسمها اعله الشدد لومر يسرها.
لون تدري شنو الروحي يسرها.
تصير افراحنه بصحن الزجيه .
.....................
✍️ ابو منتظر الحجامي




@HxzEU1

#قناه_نشر_القصائد_المنبريه

افراح. مولد البتول الزهراء عليها السلام
.................................


صوت النوارس .غنّــه.
يا هلا. بعطر. .الجنّــه.
ــــــــ ــــــــ ــــــــ

فاحت نسايم والورد ضل خجلان.
ونتشر عطر الجنه بين الأكوان.
رحمه واجت عالارض من الرحمان.
انولدت الزهره .وفاركينه الاحزان.

ياس. بصواني. وحنه.
ياهلا.. بعطر.. الجنه.
ــــــــ ــــــــ ــــــــ
صوت المشاعر عالگلب يقره انغام.
يتنفس بشهگت عبير الاحــــلام.
من اجت فاطــــم نورت هالايام.
وارتفع وي مولدها سور الاســلام.

حب فاطمه الحزمنه
ياهلا.. بعطر.. الجنه.
ــــــــ ــــــــ ــــــــ.

نورت دنيانه وخجل حتى النور.
عن هالولاده كل محب ضل مسرور.
كلمن هجر صفگت فرح ما معذور.
خلّي الهلاهل تعبر السبع ابحور.

كل محب خل يتغنه.
ياهلا.. بعطر ..الجنه.
ــــــــ ــــــــ ــــــــ.

هاي.. العزيزه الام لبوها انولدت..
وبسر سماوي وحجر طه تربت
بشهگت حنان انفاس امها تغذت
والملك. والحور.بسماهه انسعدت

جن وانس تتهنه
ياهلا بعطر الجنه.
ــــــــ ــــــــ ــــــــ.

حوراء انسيه ابتشر بيها الكون.
ياقوت جمشت. يشم. لؤلؤ مكنون.
آيه احتوت ايات صــار المضمون.
مصحف الشيعه غصب عالمايرضون.

الليله انولد موطنه.
ياهلا بعطر الجنه.
ــــــــ ــــــــ ــــــــ..

هــاي البشاره اتكللت بالافراح.
يم طاري اسمها المرض والهم ينزاح.
الليله البتول اتمركزت بالارواح.
نتبادل ابمحفلنــــه ورد القداح.

اجمل ورد قدمنه.
ياهلا بعطر الجنه.
ــــــــ ــــــــ ــــــــ
✍️ ابو منتظر الحجامي



@HxzEU1

#قناه_نشر_القصائد_المنبريه

يا طارش أيخبــــــرها      أبدور الوفه وتحضرها
نعش الوفه بلا دفان
يا هاشــم ويا عدنان
يا طارش أيخبرها
......................................................
كسرتها مو كسرة ظهر كسر أصفاح
أربــــــع كواكب ودعت ليلتها
التفكـــــــد عزيز أتموت بعده وترتاح
وأم البنين أصعب وأشد حالتها
أبيضت مدامعها وحنت لمن صــــاح
ناعي المصايب يا خلك ساعتها
ركضت ركض محتارة     مثل التدور أبشــــــارة
تعثر تطيح بلا راي
من شافته بلايا أفياي
يا طارش أيخبرها
...........................................
كاللها عبدالله أنذبــــــــــــــح يأم عباس
كالتله أسألك يا بشر عن حسين
كاللها جعفر عون بالخيـــــــــــل أنداس
كالتله أسألك يا بشر عن حسين
كاللها عباس أنذبح وبـــــــــــــــلا راس
وفوك الترب طايح بقه بلا جفين
صبت دمعها  وصاحت    يا بـــــشر لمن طاحت
فدوه المهم نور العين
سالم يرد ليـــه حسين
يا طارش أيخبرها
.................................................
لحسين حنت وأنحنت حــــــــن النوك
ومثـــل الشمع ذابت بقت منكسرة
تنتضر زينب والضعن يمتــــــى أيعود
ومجلس عزه لحسين تنصب ذكرة
أتلاكن أملاكه الليل وأيلاكــــــي الليل
مثـــــل اليرد مكسور لازم ضهره
زينب تخط رجليها      وأم عباس أتلاكيها
منها وبده ملج الموت
ياكل عمرهن بسكوت
يا طارش أيخبرها
..........................................
لام البنين الموت واكـــــــــــــــف محتار
شجم مره مرها يحسب أمضيعها
شابت مـــــــــلامحها وترس ضلها الشيب
وفـــــوك الجفن يابس بقه مدمعها
ضلت وحيـــــــــــــده والعمر مطرة صيف
شما تلًجم جرح المضى أيرجعها
نار الحزن مستعرة     ليلية مجلس تقرة
وما تنطفي نار البين
عالمنذبح والجفيـــن
يا طارش أيخبرها
.................................................
كلشي أنتهى وبيت الحزن موحش صار
من ودعت أم البنيـــــــن الليلة
بديرة غرب لامن ولـــــــــــــد لا وليان
غير الدمع صبح ومسيه أتسيله
لآخــــــــــــــــر نفس للطف تحن وتندار
هلبت يمر طارش نعشها أيشيه
عازتها والله عازه     غربة المشت جنازه
بديرة غرب ياهالناس
أتشيع نعشها أم عباس
يا طارش أيخبرها
............................................
خادم خدمة الحسين
الشاعر
محمد الموالي



@HxzEU1

#قناه_نشر_القصائد_المنبريه

عيوني من ذيج المشاهد لسه ماشافت نوم
والله يافراك الحبهم خله ب كليبي اهموم
حسين مرسوم بعيوني بكل وكت ضل مرسوم
مكسور ضلي من جفاهم والكلب ضل ملجوم

بعيوني مرسومه المشاهد
يحسين مثلك ماكو واحد
مذبوح وعيونه الخواته
والشمر فوك الصدر كاعد

ماودي اروحن ودي اموت انا وياك
وبكربله كون اندفن هسه حذاك
مااريد اصيرن بالغرب انا هناك

@@@@@@@@@@@@@@@

ريت ميته ولادخلنه بالهزل خويه السوگ
وعلي من گـد مستحانه نلبد بسد النوگ
نستحي چـنه من اهلنه هسه كاتلنه الشوگ
بس عليل ويانه يمشي بالسلاسل متلوگ


وحنه نسوان وغرايب
كعدونه بنص خرايب
وينكم يهل العمايم
ماكو واحد خل يطالب

الشام جمره بروحي ماتطفه اسنين
الناس تضحك وانا ابجي ع حسين
اخ يكلبي التحبهم دمه بچوا العين

@@@@@@@@@@@@@@@

جدامنه جانت روايه والكمر هم موجود
هسه بس ارماح صارت فوكها روس حيود
هواي مهضومه الهواشم والبجي ع المفكود
طاحت الرايه الجبيره وحلت ايام السود

الله اكبر من مشينه
ماكو رايه ونسبينه
شفنه راسك هايخويه
فوك الرمح وحنه بجينه

كون البجي يردك صدك ابجي عيون
الموته وياي وعلي اتفز يبجون
الضيم تارسني ترس وانا ام عون

@@@@@@@@@@@@@@@

الشام مابيها اليحبنه كلها تكرهنه الشام
منين ماباوع شماته والحجي علينه اسهام
الغربه تابوت الغريبه حسين صارتلي ولام
انا فوك الهزل وحدي وبالضعن ماكو ازلام

بالشام مهضومه الغريبه
عباس هسه منين اجيبه
خلي تحضرلي الهواشم
وتبجي الهاي المصيبه

يخوان زينب وينكم سمعوا الصوت
زينب غريبه بالغرب راح اتموت
يعزاز كلبي الغربه صارت تابوت

@@@@@@@@@@@@@@@
وداد البخاتري

هوسات لمولد مولاتنا الزهراء عليها السلام.

ملائكة السماء انزلت مبتشره
من رخصت خديجه انگمط الزهره
تفاحة الباري وصارت ام حسين
نور الباري هيه وعالم ابكبره
و مخلوقه من نور الباري

ولادة فاطمه جينه نجددهه
خدام اوعله الخدمه نعاهدهه
رفعنه اچفوفنه للباري نتوسل
نحضه اليوم كون بنضرة من عدهه
هنياله الينعم برضاها

الشاعر
ابو عبد الله الشمري




@HxzEU1

#قناه_نشر_القصائد_المنبريه

بهاذ اليوم يامحـــــــــــــــلاها فرحتنه

ــــــــــــــــــــــــــــــــــــــــــــــــــــــــــــــــــــــ

بهاذ اليوم يامحـــــــــــــــله فرحنه
بجيت فاطـــــــــمه اتشافه جرحنه
دنيه وآخـــــــــــــــره وياها ربحنه

المحــــــــــفلها أنعم الله عليها جابتنه
بهاذ اليوم يامحـــــــــــــــلاها فرحتنه

ــــــــــــــــــــــــــــــــــــــــــــــــــــــــــــــــــــــ

فرحه مـــــــــــن العمر هاليله هيه
نبارك للنبي بهاي المـــــــــــــــسيه
مـــــــــــولد فاطمه الزهرة الزجيه

على حب الزهرة تضوي اليوم شمعتنه
بهاذ اليوم يامحـــــــــــــــلاها فرحتنه
ــــــــــــــــــــــــــــــــــــــــــــــــــــــــــــــــــــــ

جـــــــــــــبرائيل زف الطاها بشره
الله يكـــــــــــــــول اعطيناك زهره
هنياله اليحــــــــــــصل منها نضره

فــــــــــرحانين وبمـــــــــــولدها لمتنه
بهاذ اليوم يامحـــــــــــــــلاها فرحتنه
ــــــــــــــــــــــــــــــــــــــــــــــــــــــــــــــــــــــ

مبارك مـــــــــن كلب والسان كلنه
بمــــــــــــولد فاطمه يخبل حفلنه
نتـــــــــــــــطشر وهيه تلم شملنه

نكـــــــلها اليوم مشكوره على جمعتنه
بهاذ اليوم يامحـــــــــــــــلاها فرحتنه

ــــــــــــــــــــــــــــــــــــــــــــــــــــــــــــــــــــــ

الزهـــــــــــــرة اليوم نورنه ضواها
بيش انوصــــــــــف اليعشكها طاها
هيه الربنه يــــــــــــرضه من رضاها


والمـــــــــــــولدها فرحت كلها ديرتنه
بهاذ اليوم يامحـــــــــــــــلاها فرحتنه

ــــــــــــــــــــــــــــــــــــــــــــــــــــــــــــــــــــــ

خـــــــــــــن ذب السواد ونفرحلها
هـــــــــــــــاي الماخلق الله مثلها
سوه الكــــــــــــون كله من اجلها

ملوك انعـــــــــيش في خدمتها خلتنه
بهاذ اليوم يامحـــــــــــــــلاها فرحتنه

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي




@HxzEU1

#قناه_نشر_القصائد_المنبريه

الكره الارضيه كلها اليوم فرحانه
وشغلنه اشموعنه بمولد السلطانه
واجب كــــــل موالي يفرح ويانه
انولــــــدت فاطمه والنور ضوانه
ريحانة محـــــــمد وأغله ريحانه
نبينه للـــــــــفرح شرعها بيبانه
اذا ننــــــسه الزجيه الله ينسانه
نهوه الزهــــرة احنه وهيه تهوانه
عشكنه الفاطــــمه للحفل جابانه

المحـــــــفل رتل رادوده
يقره اليوم احله انشوده
غير الزهـــــــراء مولوده
ليله الفرحه مريـــــــوده
للبألمـــــــــحفل موجوده
الزهراء هيه المقـــصوده

محلاها
ها ها
محلاها
ها ها

محلاها من فرحه ليله




حسين عبد الزهرة الدراجي



@HxzEU1

#قناه_نشر_القصائد_المنبريه

رب الخوه  والقتال
عابر ذروت  الكمال
ساقي الخيمه والدلال  .  ابالفضل

كافل  زينب العظيم
الذباح هوه والرحيم
مكتوب اسمه عالرقيم . ابالفضل

ابحنان اعيونه الخيم منصوبه
اعله جرف الشاطي ترك جم حوبه
ابعمود الرايه الربه ويه جفوفه
ثنعش معصوم وخيم مكتوبه

الساقي ... ورث من حيدر قدسيته
الساقي ... النهر  يتروه  ابحنيته
الساقي ... شهم والكافل علويته
السلام على ساقي عطاشى كربلاء
،،،،،،،،،،،،،،،،،،،،،،،،،،،،،،،،،،،،،
الكافل عابر الزمان
بجفه تواجد الأمان
ناصب خيمة الحنان . ابالفضل

ينطي وهوه ماله أيد
اسمه يمشي بالوريد
هوه الساتر العبيد  . ابالفضل

ابد مايخلص نبع معروفه
الزم شباجه نبوس اجفوفه
اذى بالصوره وعشگنه عيونه
بحقيقه شلون الكفيل انشوفه

الساقي ... نخلق وي عرش الله بيومه
الساقي ... ابكثر مايرعب بالحومه
الساقي ... النهر ضل يابس زردومه
السلام على ساقي عطاشى كربلاء
،،،،،،،،،،،،،،،،،،،،،،،،،،،،،،،،،،،،،
جف الرحمه والنجات
وحي الخيمه والحيات
طوله امخوف الفرات . ابالفضل

صارت بيده كربلاء
لوشاء يعني الله شاء
الصيف عيونه والشتاء . ابالفضل

اليرسمه ايذوب ابحنانه ونوره
الحواجب كسرة نهر مكسوره
الرمش عباس الحبر مايكفي
الشوارب تاخذ قرن بالصوره

الساقي ... قمر ويتعب الرسامه
الساقي ... دخيل الحاجب والشامه
الساقي ... ورث من الحمزه حزامه
السلام على ساقي عطاشى كربلاء
،،،،،،،،،،،،،،،،،،،،،،،،،،،،،،،،،،،،،
يگدر يخسف الوجود
طب الحومه بيده جود
زود الغيره كله زود . ابالفضل

رغم الغيره كلها هاي
تبده اگبال اخيته ماي
يدنگ يمها ماله راي . اباافضل

طلع من ضهر الفحل والقاتل
وهو ابطن امه وتسمه الكافل
طلع والحومه تصيح ادخيلك
العرش لو بيرغ تحير اشايل

الساقي ... بخيت اليشرد من ايده
الساقي ... رغم هاي الشرده بعيده
الساقي ... يصير اليتمنه ايريده
السلام على ساقي عطاشى كربلاء
العبد . ابوفايز الرافضي

الكره الارضيه كلها اليوم فرحانه
وشغلنه اشموعنه بمولد السلطانه
واجب كــــــل موالي يفرح ويانه
انولــــــدت فاطمه والنور ضوانه
ريحانة محـــــــمد وأغله ريحانه
نبينه للـــــــــفرح شرعها بيبانه
اذا ننــــــسه الزجيه الله ينسانه
نهوه الزهــــرة احنه وهيه تهوانه
عشكنه الفاطــــمه للحفل جابانه

المحـــــــفل رتل رادوده
يقره اليوم احله انشوده
غير الزهـــــــراء مولوده
ليله الفرحه مريـــــــوده
للبألمـــــــــحفل موجوده
الزهراء هيه المقـــصوده

محلاها
ها ها
محلاها
ها ها

محلاها من فرحه ليله




حسين عبد الزهرة الدراجي



@HxzEU1

#قناه_نشر_القصائد_المنبريه

((اسئلوها السنه))


ماترهم فـــرح وآنــــه البــديه دموع
ماينسه الجرح هـــــذا الغده موجوع
اسئلوها السنه هم عدها كسر ضلوع
هم راس السنه ظل عالرمح مـرفوع

السنه هم يوم مختنگه
هم شافت ألـــم فــرگه
بس حسين ابــو الـيمه
عنده خــيام محــترگه

عنده اخيام
عنده ايتــام
العفو من راسك العالي
عنـــده النار
عنده ازغــار
عنده الصوت يعــــيالي

حبيبي ياحسين ...

"""""""""""""""""""""""""""""""""""''''''''''

نــسينه الــنار ذيــچه و كــربله دخان
نبَديّ الــماي ليش بـحضرةّ العطشان
المايشمر حــــياته بمـــجلس الزهـراء
المفروض اعله كصته ينكتب غلطان

اخــلص دنـيتي بحيره
على العباس ابو الغيره
على المسبيه و بـغــربه
على مــولاتي الــزغيره

ليش ارتــاح
هاي ارمــاح
صعبه ارماح بضعونك
ضعـنك راح
ضعنك طاح
ضعنك فـاگد بمتوتك


حبيبي ياحسين ...

"""""""""""""""""""""""""""""""""""''''''''''

ضحكنه بلا شعور ومادرينه شبيك
ولاشفنه الجرح المّسهرك وماذيك
جرح الاكبر العباس خــــدر الياس
لو جرح الرضيع اليادمع يحــــديك

انــت التــبچي لاتذنب
غير حسين ليش تحب
ياهو الــحدب بـجرحه
بــس المــهدي محدب

بس مـولاي
دمعه هواي
احمر دمعه بخــدوده
يصرخ ماي
رايح جــاي
وماكو چفوف وتگوده

حبيبي ياحسين ...

"""""""""""""""""""""""""""""""""""''''''''''

بصدري هواي بس شلون وحچيهن
فرحانيــن مـــو ســـلبــو تــراچـيهن
يــــا رآس الـــسنه زينـــب يســبوها
بــــنص ديوان و الــشامت يخليـهن

بـــلا رحــمه و لا ذمه
چفوف زغار ومورمه
وصاحن عمه يازينب
تركض تشـگف العمه

تشگف ذيـچ
طاحت هاي
هاي العمه وبحيره
هاي تموت
ماتت مــاي
ديره والدفن ديــره

حبيبي ياحسين ...

عبد زينب
محمد الابراهيمي



@HxzEU1

#قناه_نشر_القصائد_المنبريه

لحن (اسئلوها السنه)
بصوت
ملا يحيى النبداوي
بغداد

#هوسات

أنولدت فاطمة ومطرت وفة ألليلة
وعلى هز المهد جبريل شد حيلة
أنولدت نور الله بكل تفاصيلة
(والجنة أتطش جوري أعليهة)

أنولدت عفة الله وسورة الكوثر
وتبين شانئك يالمصطفى أبتر
لون الصحرة صاربهل ولادة أخضر
(والكمرة توضت بنوارج)

فرحانه السمة وتزف البشارة
وأجت هاجر ومريم أسيا وسارة
كلهن يم خديجة سوون زيارة
(والجنة تهلهل فرحانة)

الحوريات أجن ترسن البيت أنذور
ألف مبروك صاحن والنبي مسرور
خذن للجنة من فاطم حرز وعطور
(يازهرة ربنا الفواحة )

✍حسين حمدان الدلفي

أسعد الله قلوبكم يامحبي فاطمه صلوات الله عليها

متباركين ❤

من زمان ،، من الطفوله مشيبه آني
من زمان ،، ميته مو عدله تراني
نوحو يا عالم عليه
هم غريبه وهم سبيه من زمان

--------------------------------------

مذبوحه من يوم الضلع ،، طفله وشفت أمي بوضع ،، تتشاهد من العصره

كسر الضلع والله سمعت ،، ساعتهه يا عالم صحت ،، ويلاه يمه الزهره

طاحت رفسهه وعل وجه يسطرهه
وگبال عيني أمي الحنينه يجرهه
شنهلمصيبه اعله الكسر يكسرهه
الله اكبر ما گدرت انظرهه

ويلي يمه ،، طاحت وصدت علينه
ويلي يمه ،، الله يدري الصار بينه
چانت النظره منيه
هم غريبه وهم سبيه من زمان

--------------------------------------

ثاني سهم وسط الگلب ،، طبرت علي موقف صعب ،، شمسوي حيدر بيه

صوت السمى الدين انهدم ،، چن اسمع الكون انعدم ،، وانذبحت الروحيه

بويه اعله بختك تاني لتفارگني
شابگته انوح وهوه هم شابگني
چلمة يبويه بيا وكت تخنگني
حرگ الحطب موت الابو يحرگني

ها يبويه ،، تارك ابنيتك علامه
ها يبويه ،، بدنيا ما بيها سلامه

چنهه خنگة مغربيه
هم غريبه وهم سبيه من زمان

------------------------------------

وگبالي منظر مو سهل ،، وضع الحسن ما ينحمل ،، چبد بطشت حاچوني

مرت عليكم نايبه ؟ ،، نعش ابسهم ومصوبه ،، من ريت عميه عيوني

يا حقد هذا ويا جريمه وشده
مات الحسن يا ناس مو حي بعده
شنهي التريده اسهامكم من عنده
مو كافي طايح بالطشت ظل چبده


ويلي خويه ،، مرت اعله اختك مصايب
ويلي خويه ،، يلحسن دلالي شايب

كل مصاب الدنيا بيه
هم غريبه وهم سبيه من زمان

------------------------------------

وبكربله الموت الصدگ ،، من منذبح للمحترگ ،، للمحد ايحاميهه

ينطبگ صدر اعله الظهر ،، وسيوف تركض عالنحر ،، يا زينب اواليهه

ميته منهد چفين طاحن بالبر
طيحة كفيلي ابعيد عن المنحر
كل لحظه بالطف عام زينب تكبر
اتلم باليتامى وعلاخو تتطشر


يا تعبهه ،، تكتب الطف بدماهه
يا تعبهه ،، وبعد يا ضيم الوراهه
ضيم اصيرن خارجيه
هم غريبه وهم سبيه من زمان

------------------------------------------

درب السبي الما ينوصف ،، كلهم غرب مامش عرف ،، شمات ما رحمونه

اذانه حاديهم ترى ،، من بعد سبع الگنطره ،، وبعد السهم بعيونه

تعبانه حيل من السبي وآيامه
كل خطوه بارض الشام سيف بهامه
تاج اعله راسه ايزيد وشگدامه ؟
راس الحسين الغالي دون اعمامه

والله وسفه ،، من هوان الدنيا هايه
والله وسفه ،، لشامهم ندخل سبايه

زينب ام نفس الابيه
هم غريبه وهم سبيه من زمان


كلمات الخادم / رعد الفريجي
21 /جمادي الاخرة / 1446
ثوابها الى روح والدتي

تانيتكم يهل المحنة شكــــــــثر تانيتكم
تانيتكم لاخر نفس جنت أنتضر تانيتكم
زينب أنه اليحجون عني
ما واحد المنكم حضرني
تانيتــــــــــــــكم
.....................................................
يهلــــــــي يخوتي يامن تسمعوني
ذبحني الشوك جا يمته تحضروني
من كثــــر الدمع ما شوف بعيوني
صوفر شيب راسي وأختلف لونـي
ناديتكم بدمعي وصحت وكت الفجر ناديتكم
تانيتكم لاخــــــــر نفس جنت أنتضر تانيتكم
بجى الحجر يا ويلي وني
زينب أنه اليحجون عنــي
تانيتــــــــــــــــكم
............................................
زينب آنه زينب حيرتـي حيرة
أي لا أم لا أبـــو لامن عشيرة
أخوتي مذبحه بديره وانه بديرة
غريبة أبين وادم باعت الغيـرة
فركاكم بضهري بقى تارك أثر فركاكم
تانيتكم لاخـر نفس جنت أنتضر تانيتكم
ما أدري عدله ميته جني
زينب أنه اليحجون عني
تانيتـــــــــــــكم
...................................................
وي كـــــــل مغربية أشتعل شمعه
وتجي أم عباس يمي وننحب وننعه
أكلـــــها أعله النهر جفينه متكطعه
وتكلي حسين بيده العشرة شو تسعه
طاريكم رد بيه لسياط الشمر طاريكم
تانيتكم لاخر نفس جنت أنتضر تانيتكم
شما ألتفت يوجعني متني
زينب أنه اليحجون عني
تانيتـــــــــــكم
.................................................
عشت عمري جرح ما ينجبر كسرة
شما أخطـــي يرد بيه الوكت عشرة
آه أعله السحك خيــــل العده صدره
وآه أعله الوكــــــع لا يمنه لا يسرة
ياذيكم وضعي وتعب درب اليسر ياذيكم
تانيتكم لاخـــر نفس جنت أنتضر تانيتكم
شيريد دهري وحزني مني
زينب أنه اليحجون عنيي
تانيتــــــــــــكم
......................................................
بعدكم يا هلـــــي ما ينفع أعتابي
ملك الموت جـــم مره يدك بابي
شما عاين عليه وعاين أمصابي
يشم ريحة حرك خيمة على أثيابي
ياريتكم تحاجونه ماريد العمر ياريتكم
تانيتكم لاخر نفس جنت أنتضر تانيتكم
كلولي شيب راس حزني
زينب أنه اليحجون عني
تانيتـــــــــــــــــكم
....................................
خادم خدمة الحسين
الشاعر
محمد الموالي

تمنيتك عدل عباس تحضرني
تشيل أجنازتـي وبيدك تنزلني
غريبة     غريبة
زينب عاشت وماتت غريبة
.................................................
شح حتــــــى الهوى من شحت أخبارك
ويبس غصن الوفه وموحش صفه دارك
لا أب لا أخـــــــــــــــو جا بيمن أتبارك
خلص عمري نواعــــــي وشوك ذابحني
تمنيتك عـــــــــــــــــدل عباس تحضرني
غريبة     غريبة
زينب عاشت وماتت غريبة
.....................................................
حفر خدي الدمـــــــــــــــع يا نبعة الخوة
وحنى ضهري الحزن كمت أمشي بالكوه
ويلي لــــــــــــــــو دريت أفاراكك شسوه
الما يعرفني زينب عنـــــــــــــــي يسألني
تمنيتك عــــــــــــــــــدل عباس تحضرني
غريبة     غريبة
زينب عاشت وماتت غريبة
.....................................................
من أيبان ليلــــــــــي وتنذبح شمسي
أوي الحيطان أسولف واكعد وأمسي
أرسم صورتك يا عزوتـــــي ونفسي
وأثوبلك دمـــــــــــع هلبت تصبحني
تمنيتك عــــــــــدل عباس تحضرني
غريبة     غريبة
زينب عاشت وماتت غريبة
.....................................................
وصل حـده النفس والموت شاريته
واحســـــب ليلة ليلة وأنتضر جيته
عشت مدري بغيابــك عدله لو ميته
غريبة بديرة غربة ودهري دولبنـي
تمنيتك عــــــــدل عباس تحضرني
غريبة     غريبة
زينب عاشت وماتت غريبة
.......................................................
بين الها أجه لا مـــــــا أجه وينه
يحضر كون عباس ويجي حسينه
سوالف طيـــف فاكد دمعته بعينه
لحد آخــــــر نفس طيفك يراودني
تمنيتك عـــــــدل عباس تحضرني
غريبة    غريبة
زينب عاشت وماتت غريبة
.......................................................
صدك عازتها عازة الخوة مريوده
وكت شيل الجنازة أحيود مشهوده
ويلــــــي وعالنهر عباس وأزنوده
عفتك خويه بيمن بعد تدفنـــــــــي
تمنيتك عـــــــدل عباس تحضرني
غريبة      غريبة
زينب عاشت وماتت غريبة
...................................................
خادم خدمة الحسين
الشاعر
محمد الموالي

جيبولي عباس      جيبولي عباس
خل يحضر أيشيل النعش
جيبولي عباس
..................................................
زينب يخــو زينب تره ضلت غريبة
حرمة او وحيده بلا أهل والله مصيبة
تنعى وتون عباس أخوي أمنين أجيبه
صبح ومسه تهل الدمــع حالة رهيبة
موتها الفراك     لخوتها تشتاك
خل يحضر أيشيل النعش
جيبولي عباس    
.....................................................
ألــــــــــف هنيال التموت أبين أهلها
تحضر أخوتها الجنـــــازة وتفزعلها
هذا ينعاها اللـــــــــــي يتولى غسلها
لجن زينب لمن ماتت ياهــــــــو ألها
أخوتها يا ويل     كلهم مجاتيل
خل يحضر أيشيل النعش
جيبولي عباس     
.................................................
عدله زينب يا خلك هــا مدري ميته
رادت يجــــــي كافلها وتلوذ بحميته
لآخر نفس ويلي بقت منتضره جيته
ريته يجيها لـــــــو حلم عباس ريته
آخر حلم جان    أيصيرلها دفان
خل يحضر أيشيل النعش
جيبولي عباس
...............................................
صورة خيم محتركه شابت وي عمرها
ميته وآثار اليــــــــسر كسرت ضهرها
ماتت غريبه والغرب حفروا كبرهــــــا
بديرة غرب يا ناس مـــا واحد حضرها
أمن الشام للشام     ضلمتها الايــــــام
خل يحضر أيشيل النعش
جيبولي عباس
..............................................
ماتت ولا واحد حضر شيل الجنازة
ثاري التموت بلا أهل عازتها عازة
وادم غريبة يا خلــــــك بيمن تجازه
أيبين الدافن هلـــــــه ودافن أعزازه
من يشتري الموت     بلا نايحه وصوت
خل يحضر أيشيل النعش
جيبولي عباس
..................................................
خادم خدمة الحسين
الشاعر
محمد الموالي

( قصيدة السيدة زينب وأهل الشام )
-----------------------------------

كافي غربه ،، كافي وحدي ،، شامهم ما بيه أمان
ها  يخوتي ،،  سمعو صوتي ،، هذا حالي بكل زمان
كافي غربه ،،، كافي غربه


------------------------------------


منهد  حرگ خيامي وآني لهسه مكسورة  گلب
الناس كلهه بعيني غربه وحتى گبري بنص غرب
حيل  مختنگه بضريحي  وبارد  اهنانه  الترب
الشام ظل  ايعيد  اليه الموقف الكلش صعب


رجعو    وطبو  ضريحي
مثل    طبت      خيمتي
محد اليسمعني اصيحن
وينكم    وين    اخوتي

يابو فاضل  ،،  ها يخويه ،،  هوسو يم الضريح
آنه  ميته  ،،  شلون اموتن ؟ ،، ثاني مره واستريح
كافي غربه  ،،  كافي غربه


------------------------------------------


شباقي مو ذَبًحتو اخوتي شنهي رجعتكم آلي ؟
خاف عدكم رمح زايد  أني خلصو كل هلي
لهسه عبد الله بونينه شابگ حسين الولي
شعدكم هنانه بضريحي  والله ما يقبل  علي

راح اصيحن يا  كفيلي
الهاشميه    بلا    كفيل
ذوله اهل القصر  ذوله
الما  سلم   منهم  عليل

ايزيد نفسه  ،، بوجه ثاني  ،، راجع لهاي الديار
ما  يريد  ،، حسين واسمه ،، ولا مجالس لا مزار

كافي غربه  ،،  كافي  غربه


---------------------------------------


ناس  تمدح  قاتل  أمي  گبال  شباچ الونين
وبلوجوه الصفره كلمه انتي لازم ترحلين
حسين منريده بارضنه وانتي مشروع الحسين
الارض مالتنه عجيبه  وننحسب عل لاجئين !!!


احنه  جدنه الماله  ثاني
وانتم   احفاد    الرَجيم 
الدنيا كلهه بچف  ادينه
وين   ما  نرغب    نقيم

وسفه  تالي ،،  ذيول مرحب ،، تدخل بهذا المقام
لا  حميه   ،،  وناصبيه  ،، ولا زياره ولا سلام

كافي غربه  ،، كافي غربه

---------------------------------------


رجع بيه الضيم  والله السالفه الما تنحمل
من بقينه بغير حامي ومن هجم سوط وحبل
هالزمن  بس  التغير  هسه اصعب من قَبّل
هسه تاذيني الشماته لو صحت يابا الفضل

ما يجيچ الصوت اسمعه
تنسبين           وتنسبين
زينب   وبعدچ     اسيره
واحنه هسه    الحاكمين


والله  بلوى  ،،  يا كفيلي  ،، بالحرم طب الغريب
سمعت واحد  ،، شمت بيه   ،،  صاح الحسين السليب

كافي غربه  ،، كافي غربه

---------------------------------------


احنه  باب  الله الگصدنه  ما نسد بوجهه باب
كلنه واحد من محمد  شُبه الهم مو  تراب
دنيا   خلتني   ابلدكم   آنه المحجبه الحجاب
العدهه والد اسمه حيدر  تگدر  تنزل العذاب 


بالارض   محد      عرفنه
خارج     حدود    العقول   
بفاطمه   السر       الالهي
وياهو  يفهم   ما   البتول ؟


من  محمد  ،، والمحمد ،،  نبتدي وننهي الجدال
احنه ناس  ،، يحبنه ربنه ،، وهوه رازقنا الكمال
كافي غربه  ،،، كافي غربه


كلمات الخادم /   رعد الفريجي
  جمادي الاخرة /  1446
    ثوابها الى روح والدتي

(بين المدامع)


بـيـن الــمـدامـع والـحـزن
         والـدنـيـا أحـسـنهـه سـجـن

    أتـنطـر ومـاجـانـي    أشـمـنـتـظـر دفانـي

*-------------------*---------------*

بساعة الفاركت أخوتي   واني لليوم احتضر
الـوادم يشوفوني عدله   ودنيتي صارت گبر
أتـأخـرت عـني المنيه    لشوكت ابقه أنتظر
يخلص الليل بحسرتي   هيچي شيفيد العمر

            أسـهـر وأكـابــر لـلـصـبـح
            شـيصـبّـر الـصـايـر جـرح

   أتـذكـر الـولـيانـي     أشـمنـتـظـر دفـاني

*-------------------*---------------*

ماتت احلامي بعيوني  وكلشي بالدنيه أنعـدم
أشعـر الليل اليجيني   يـشـبـه الـجـيّـت سهـم
اذكـر امصاب الغوالي   ويجـرح بـروحـي الألم
والله يوميه ابـكيانـي   تـشـتـعـل نــار الـخـيـم

           تـچـويـنـي نـسمات الـهـوه
           ومـايـنـفــع الـروحـي دوه

      امـعـلـعلـه خلاني    أشـمنـتـظـر دفانـي

*-----------------*---------------*

أشـبـه الـميت تـراني   أنـتـظــر بـس الـلـحـد
أيّست محـد يجينـي   الروحي أقريت الحمد
چانت أمنيتي كفيلي   يطبـگ عيـوني أويسد
تـالي خـلانـي زمـاني   لا كــفــيـل ولا وِلـــد

           مجـروحه والمدمـع يـصـب
           شـتـئــمـل وشـاب الــگـلـب

      أتـحيـرت بحـزانـي   أشـمـنـتـظـر دفانـي

*--------------------*-----------------*

أشـبـقـه بـالـدنيـه ألـيـه   أنـدفـن حـتى الأمـل
ضلت الذكره وحسرتي  وكلشي حسيته ارتحل
مساهره وأحسب ليالي  يمته يـوصلني الأجـل
تنزف أجروحي بدليلي  والـصبـر شاب وذبـل

          أمـكـابـر وحصتـي الـدمـع
          بـالـراحـو أتـمـنـه أنـجـمـع

    وعباسي يـتلـگـانـي    أشـمـنـتظـر دفانـي

*------------------*----------------*

تحضر بعيني صورهه  كـربله بـوكت الغرب
العايش بنار أنتضاره   وينتظر موتـه صعب
الهوه يچويني أحسه   بـظـامري لمن يـطب
أتعذبت والله بحياتي   ارّوح اهـواي التـرب

          مـاتــرجـع احـبـابـي بـعـد
           أدريــهـه راحــت لـلأبــد

    مـاتـنطفي نيـرانـي   أشـمنـتـظـر دفانـي

*-------------------*----------------*

كسرت الخاطر عشتهه   دنيه راوتـني العجب
الـمـغـرب الدمعه أهلهه   وأدري الفراك السبب
يـمتـه دفـانـي يجـيني   عمـري خلصته تـعب
أتـأخـر بـدفـنـه عـليـه   أعتب وحـگـي العتب

           مـا أدري شـيـريـد الـدهــر
           عـذبـنـي والـخـاطـر كسـر

   أتـعـمـد  وأذانـي        أشـمنـتـظـر دفانـي

*-------------------*---------------*


✍خادم السيده زينب ع
الشاعر رعـد الجريخي

((مشكوله))


مشكــــوله ذمــــتك ياشام
صرت احسب اللحضه ايام
محتـــــام مــــن ذاك العام .. للزياره

مسهـــرني بــــــدروبك ليل
مراويني چــم ويـــــل بويل
مشتاگ بس ويـــــن الحيل .. للزياره

بســناين كــــل عشـــايرنه يفزعون
اذا شيخ العشـــيره ايغمض العيون
ويــــذبون العگـــل كلــــــهم يونون
چا شو سكته احنه وراحت ام عون

شيختنه الحـــبيبه
هـم ردت غــــريبه
وممنــــوعه الزياره
هاي اعظم مصيبه

يازينب غريبه غريبه ...

"""""""""""""""""""""""""""""""""""''''''''''

يادمعةّ الحــب جروح
وبلايه دم بس مذبوح
معقوله اضلن مـاروح .. للزياره

هــا يالعقيـــله وتدرين
بــــــالبر غدينه متيهين
ومدري الدروب ولاوين .. للزياره

ماترضاش روحي بساعه وتهيد
سهـــرانه ومدامع مدري شتريد
أگـــله شبيچ هيدي تگلي بعيد
حــياةّ بدون زينب گلي شتفيد

واگضـيها ملامه
واشواگ وندامه
واتمنالي اجـناح
هنياله الحـمامه

يازينب غريبه غريبه ...

"""""""""""""""""""""""""""""""""""''''''''''

من بعيد اوديلـــچ آه
هاي السنه چم ويلاه
بابچ بعد ويـــن الگاه .. للزياره

مايهب عطره الفواح
هاي السنــه مامرتاح
ويموت حگه الماراح .. للزياره

المتعـود يروح اتمـــوته الاشواگ
وتذبل عيــنه من ادمـوع الفراگ
الهوى هذا اليشمه يصير خــناگ
وترجف إيده من الحرگه والساگ

وبروحه الحزينه
وبزينــــب ونينه
مگطوعه دروبچ
يا أمنه الحــنينه

يازينب غريبه غريبه ...

"""""""""""""""""""""""""""""""""""''''''''''

وبحــالي مــولاتي شلون
حاچيني مولاتي ام عون
گلبي اعله بابچ محـزون .. للزياره

ضميــــــت عود آنه دموع
وبصـــدري ضميت ضلوع
وثاري الدرب شو مگطوع .. للزياره

ياجرح الأّهـوّده وياهو يسكت
گلبي مـن ضلوعي يريد يفلت
گوه امچلب ويـــازينب يصيح
يعـت بيـه يـــوادم حيل ويّعت

ياشـــــام انته موتي
يموشـــــلي صــوتي
اصـــــــرخ ياغــريبه
وهيه اتصيح اخوتي

يازينب غريبه غريبه ...

عبد زينب
محمد الابراهيمي



@HxzEU1

#قناه_نشر_القصائد_المنبريه