#ليالي_أم_الوفاء_والبنين ١
___
ام اربعة انطت ولد وفايه
أولهم إلي سلمتله الرايه
من هذا الإحساس تتعلم الناس
انطت ولد وفايه
____
أربع كواكب سلمت و تكول خاف امقصره
لحسين لو عندي الف يرحون فدوه النحره
بلكي يصيرولي حرز و ترضى عليه الزهره
مو مهم مات شچم ولد المهم اوفي العشره
تسولف ولكن مستحاها هوايه
بس لا يقصرون الولد من هايه
تتراجف أنفاس تتعلم الناس
انطت ولد وفايه
__
ماكو مثلها اعله الأرض بالوفه ما إلها أحد
مرت أبو تصبح خادمه الولده گلبها يمتد
تفديه شبان أربعه و منها الجفن ما يرتد
عدها بصيره و عالمه بالطف تعرفه استشهد
دوم تلهج بالطفوف و بالبين
تكللهم انتو قدمتكم لحسين
واحدها نبراس تتعلم الناس
انطت ولد وفايه
____
گالت يولدي من مشوا أتذبحوا دون حسين
ماريدن اتردون الي ياخذكم اوياه البين
كون اربعتكم عالنهر توفيلي طيحتكم دين
عباس منك رايده عزب سهم وسط العين
انطي جفوفك بعد وانطي عينك
كل ذني سهله ولا يطيح حسينك
صوب بعد رأس تتعلم الناس
انطت ولد وفايه
__
تشهد عليها أم الحسن قدمتهم و محتاره
ظلت تناشد عن ولد واحد تريد اخباره
ما همها كل الاربعه بالگلب شبت ناره
تلهج يربي حسين إلي سالم يعود الداره
هذا الوفه ماله شبه لا والله
حته ما صاحت عليهم ويلاه
شده و عظم باس تتعلم الناس
انطت ولد وفايه
___
اتلگاها هاليوم السبط واكف يرحب بيها
يا هلا بأمي الغاليه بـ ام الوفه يسميها
مشتاگة جانتله اشكثر والخاطر ايأذيها
يمسح دمعها بيمنته و الزهره گصدت ليها
مشكوره يم الأربعة و تسلمين
و حيدر اجه يبارك تعبها لحسين
وگاصدها عباس تتعلم الناس
انطت ولد وفايه
حسين الأمين
___
ام اربعة انطت ولد وفايه
أولهم إلي سلمتله الرايه
من هذا الإحساس تتعلم الناس
انطت ولد وفايه
____
أربع كواكب سلمت و تكول خاف امقصره
لحسين لو عندي الف يرحون فدوه النحره
بلكي يصيرولي حرز و ترضى عليه الزهره
مو مهم مات شچم ولد المهم اوفي العشره
تسولف ولكن مستحاها هوايه
بس لا يقصرون الولد من هايه
تتراجف أنفاس تتعلم الناس
انطت ولد وفايه
__
ماكو مثلها اعله الأرض بالوفه ما إلها أحد
مرت أبو تصبح خادمه الولده گلبها يمتد
تفديه شبان أربعه و منها الجفن ما يرتد
عدها بصيره و عالمه بالطف تعرفه استشهد
دوم تلهج بالطفوف و بالبين
تكللهم انتو قدمتكم لحسين
واحدها نبراس تتعلم الناس
انطت ولد وفايه
____
گالت يولدي من مشوا أتذبحوا دون حسين
ماريدن اتردون الي ياخذكم اوياه البين
كون اربعتكم عالنهر توفيلي طيحتكم دين
عباس منك رايده عزب سهم وسط العين
انطي جفوفك بعد وانطي عينك
كل ذني سهله ولا يطيح حسينك
صوب بعد رأس تتعلم الناس
انطت ولد وفايه
__
تشهد عليها أم الحسن قدمتهم و محتاره
ظلت تناشد عن ولد واحد تريد اخباره
ما همها كل الاربعه بالگلب شبت ناره
تلهج يربي حسين إلي سالم يعود الداره
هذا الوفه ماله شبه لا والله
حته ما صاحت عليهم ويلاه
شده و عظم باس تتعلم الناس
انطت ولد وفايه
___
اتلگاها هاليوم السبط واكف يرحب بيها
يا هلا بأمي الغاليه بـ ام الوفه يسميها
مشتاگة جانتله اشكثر والخاطر ايأذيها
يمسح دمعها بيمنته و الزهره گصدت ليها
مشكوره يم الأربعة و تسلمين
و حيدر اجه يبارك تعبها لحسين
وگاصدها عباس تتعلم الناس
انطت ولد وفايه
حسين الأمين
#ليالي_ام_الوفاء_والبنين ٢
___
بعد الطف بتلث اسنين
انفجعت آيه ... عالوفايه لمن ماتت
شگد مشتاگه اتشوف حسين
آخر مره ... بـليل السفره اهواي اشتاگت
و بهذا الإحساس ماتت ام عباس
___
اعتنه الموت و تشهدت عليمن دمع هلت
عجيبه
چبيره دمعه طاحت الولدها چنها ناحت
مصيبه
هاي ام البنين الضاله من دون البنين
مصيبه و الوحدها من اجه البين
چانت عدها اربع مو زلم چنهم كواكب
نطتهم فدوه راحوا دون الحسين
بلحظه لن وحدها اتصير
و تربايتها ... ما بخلتها لأبن الزهره
حگها ابهاي الساعه اتحير
ام الاربع ... منها المدمع عالخد يجره
و بهذا الإحساس ماتت ام عباس
_
حچت شفتها كلمه و لكن ما أفهمه
بالانفاس
اظن عبدالله گالت الابنها چا اشتاگت
يهالناس
ما تدرون بالطف جسمه متوسد التربان
وگع وبصف اخوته منذبح والراس عالزان
شلون امه تريده تدري أبنها هناك مقتول
يم حسين اخيه مندفن عبدالله عطشان
عبدالله بالطف مذبوح
ياهو صاحت ... المن نادت هاي الحيره
يفهم كلمتها المجروح
شنهو نطقت ... ياهو ندبت ايحل تفسيره
و بهذا الإحساس ماتت ام عباس
_
شفتها ادير العيون يمكن رايده عون
أبنها
لو جعفر تريده يجي ايوسدها بيده
أظنها
يا جعفر يجيها الموت أخذ من عدها الاولاد
و يا عون التريده بكربله بالروح هم جاد
يا وسفه تموت ام البنين ابعازة ابنين
يكفي لو فقط واحد حضر والفاطمه عاد
لا جعفر جاها لا عون
بهاي اللحظه ... آخر نبضه اتريد اموادع
راح اتموت امهم يدرون
چا ما حضروا ... ليش اتأخروا محد سامع
و بهذا الإحساس ماتت ام عباس
____
گرّب كلش الموت حچت بس خافت الصوت
سمعته
حرف واضح يهل الناس اكيد اتصيح عباس
ندهته
يبو فاضل الليله أم البنين اتريدك اتعود
ارجع يالوفي وفيت يم الشاطي العهود
آخر لحظه لمّك ارجعلها اتشوفك اتريد
ارجع يابو فاضل حتى لو من دون الزنود
آخر لحظه إلها اليوم
يابو الغيره ... بهاي الحيره وانته اتشاهد
يا عباس أرجع بدموم
أنظر لمّك ... چا متهظمك ابلايه واحد
و بهذا الإحساس ماتت ام عباس
_
بده يثگل حچيها و ارتفعت اديها
بونيني
گلت شنهو تطلبين گالت رايده حسين
يجيني
لحظه لن شفتها ابتسمت و فتحت الايدين
هلا يبني تگول و ماتت و آخر چلمتين
شكثر مشتاگه گالت لنها منها فاضت الروح
اكيد من الطفوف الها المسيه اتعنى الحسين
نادت يا يمه يحسين
يا أنفاسي ... هجرك قاسي شگد اذاني
مرتاحه بسد الجفنين
لا متبالي ... جاها الغالي كافي أتاني
و بهذا الإحساس ماتت ام عباس
حسين الأمين
___
بعد الطف بتلث اسنين
انفجعت آيه ... عالوفايه لمن ماتت
شگد مشتاگه اتشوف حسين
آخر مره ... بـليل السفره اهواي اشتاگت
و بهذا الإحساس ماتت ام عباس
___
اعتنه الموت و تشهدت عليمن دمع هلت
عجيبه
چبيره دمعه طاحت الولدها چنها ناحت
مصيبه
هاي ام البنين الضاله من دون البنين
مصيبه و الوحدها من اجه البين
چانت عدها اربع مو زلم چنهم كواكب
نطتهم فدوه راحوا دون الحسين
بلحظه لن وحدها اتصير
و تربايتها ... ما بخلتها لأبن الزهره
حگها ابهاي الساعه اتحير
ام الاربع ... منها المدمع عالخد يجره
و بهذا الإحساس ماتت ام عباس
_
حچت شفتها كلمه و لكن ما أفهمه
بالانفاس
اظن عبدالله گالت الابنها چا اشتاگت
يهالناس
ما تدرون بالطف جسمه متوسد التربان
وگع وبصف اخوته منذبح والراس عالزان
شلون امه تريده تدري أبنها هناك مقتول
يم حسين اخيه مندفن عبدالله عطشان
عبدالله بالطف مذبوح
ياهو صاحت ... المن نادت هاي الحيره
يفهم كلمتها المجروح
شنهو نطقت ... ياهو ندبت ايحل تفسيره
و بهذا الإحساس ماتت ام عباس
_
شفتها ادير العيون يمكن رايده عون
أبنها
لو جعفر تريده يجي ايوسدها بيده
أظنها
يا جعفر يجيها الموت أخذ من عدها الاولاد
و يا عون التريده بكربله بالروح هم جاد
يا وسفه تموت ام البنين ابعازة ابنين
يكفي لو فقط واحد حضر والفاطمه عاد
لا جعفر جاها لا عون
بهاي اللحظه ... آخر نبضه اتريد اموادع
راح اتموت امهم يدرون
چا ما حضروا ... ليش اتأخروا محد سامع
و بهذا الإحساس ماتت ام عباس
____
گرّب كلش الموت حچت بس خافت الصوت
سمعته
حرف واضح يهل الناس اكيد اتصيح عباس
ندهته
يبو فاضل الليله أم البنين اتريدك اتعود
ارجع يالوفي وفيت يم الشاطي العهود
آخر لحظه لمّك ارجعلها اتشوفك اتريد
ارجع يابو فاضل حتى لو من دون الزنود
آخر لحظه إلها اليوم
يابو الغيره ... بهاي الحيره وانته اتشاهد
يا عباس أرجع بدموم
أنظر لمّك ... چا متهظمك ابلايه واحد
و بهذا الإحساس ماتت ام عباس
_
بده يثگل حچيها و ارتفعت اديها
بونيني
گلت شنهو تطلبين گالت رايده حسين
يجيني
لحظه لن شفتها ابتسمت و فتحت الايدين
هلا يبني تگول و ماتت و آخر چلمتين
شكثر مشتاگه گالت لنها منها فاضت الروح
اكيد من الطفوف الها المسيه اتعنى الحسين
نادت يا يمه يحسين
يا أنفاسي ... هجرك قاسي شگد اذاني
مرتاحه بسد الجفنين
لا متبالي ... جاها الغالي كافي أتاني
و بهذا الإحساس ماتت ام عباس
حسين الأمين
#ليالي_أم_الوفاء_والبنين ٣
على لحن قصيدة سدوا الماي الماي
_____
تلهج حسين حسين بموتي طمني
بكربله بيوم الخطر ابنيني ضحوا بالنحر
خوفي ولدي امقصرين بموتي طمني
_______
بآخر انفاس العمر .. على افراش الموت .. تهل دمعتها
فقط كلمات العذر .. تصدح ابهالصوت .. يامصيبتها
والگلب يلهب جمر .. والهوه امن ايفوت .. ايزيد خنگتها
صاحت امقصره هواي الظنوة الزهره
اربعه اشويه الولد كون اضحيله الچبد
و تجري دمعات العين بموتي طمني
_____
سدت اجفون الحزن .. وسبلت الچفين .. الموت تانيها
اندگت الباب وتظن .. هذا چف البين .. معتني ليها
لن تفگ منها الجفن .. هذا صوت حسين .. اجه ايحاچيها
گعد يمها المذبوح و مسح دمعتها
ايگلها يمه و تبتسم شافته ما منهشم
اتگله وفيت الدين بموتي طمني
_______
صاحت بحسره وقهر .. هله ياضنواي .. يانظر عيني
ولدي يم شاطي النهر .. احچي يارجواي .. وفوا ابديني
رفع راس امه الگمر .. انه گتله بهاي .. وگلت لبنيني
لون ما طحتوا ارگاب يحرم اعليكم
صدري يحرم واللبن لو عدل ردلي ابن
ابهايه ولدي اموصين بموتي طمني
______
حچه حسين ابمدمعه .. وگلها ياتقصير .. يمه يالحره
الولد واحدهم سعه .. وللشهاده ايسير .. روحه مبتشره
يمه اسألي المشرعه .. من وفائه اتحير .. كافل الكبره
شوفي اشسوه العباس امن اعتنه الشاطي
شال بيمينه العذب وگبلي يمه ما شرب
و چان ضامي ابهالحين بموتي طمني
________
ابتشرت وگالت إله .. يالمتت عطشان .. الك مشتاگه
من مشيت الكربله .. والگلب ذبلان .. يمتى نتلاگه
صاح هاي المسأله .. ملتقانه حان .. وخلص افراگه
بالجنه يمه اهناك ننتظر جيتچ
ينتظر يم الوفه جدي طه المصطفى
الجيتچ منتظرين بموتي طمني
_____
ماتت وجنة السمه .. فتحت الابواب .. واهلاً اتگلها
واعتنتها فاطمه .. وعلي داحي الباب .. اتشكروا الها
شكراً السيل الدمه .. الولدچ الاطياب .. وكل مراجلها
يا مرة ابو و هيهات مثلچ اتعزب
رخصت كلشي غله لجل ابن عقد الوله
فدوه صاحت لحسين بموتي طمني
حسين الأمين
على لحن قصيدة سدوا الماي الماي
_____
تلهج حسين حسين بموتي طمني
بكربله بيوم الخطر ابنيني ضحوا بالنحر
خوفي ولدي امقصرين بموتي طمني
_______
بآخر انفاس العمر .. على افراش الموت .. تهل دمعتها
فقط كلمات العذر .. تصدح ابهالصوت .. يامصيبتها
والگلب يلهب جمر .. والهوه امن ايفوت .. ايزيد خنگتها
صاحت امقصره هواي الظنوة الزهره
اربعه اشويه الولد كون اضحيله الچبد
و تجري دمعات العين بموتي طمني
_____
سدت اجفون الحزن .. وسبلت الچفين .. الموت تانيها
اندگت الباب وتظن .. هذا چف البين .. معتني ليها
لن تفگ منها الجفن .. هذا صوت حسين .. اجه ايحاچيها
گعد يمها المذبوح و مسح دمعتها
ايگلها يمه و تبتسم شافته ما منهشم
اتگله وفيت الدين بموتي طمني
_______
صاحت بحسره وقهر .. هله ياضنواي .. يانظر عيني
ولدي يم شاطي النهر .. احچي يارجواي .. وفوا ابديني
رفع راس امه الگمر .. انه گتله بهاي .. وگلت لبنيني
لون ما طحتوا ارگاب يحرم اعليكم
صدري يحرم واللبن لو عدل ردلي ابن
ابهايه ولدي اموصين بموتي طمني
______
حچه حسين ابمدمعه .. وگلها ياتقصير .. يمه يالحره
الولد واحدهم سعه .. وللشهاده ايسير .. روحه مبتشره
يمه اسألي المشرعه .. من وفائه اتحير .. كافل الكبره
شوفي اشسوه العباس امن اعتنه الشاطي
شال بيمينه العذب وگبلي يمه ما شرب
و چان ضامي ابهالحين بموتي طمني
________
ابتشرت وگالت إله .. يالمتت عطشان .. الك مشتاگه
من مشيت الكربله .. والگلب ذبلان .. يمتى نتلاگه
صاح هاي المسأله .. ملتقانه حان .. وخلص افراگه
بالجنه يمه اهناك ننتظر جيتچ
ينتظر يم الوفه جدي طه المصطفى
الجيتچ منتظرين بموتي طمني
_____
ماتت وجنة السمه .. فتحت الابواب .. واهلاً اتگلها
واعتنتها فاطمه .. وعلي داحي الباب .. اتشكروا الها
شكراً السيل الدمه .. الولدچ الاطياب .. وكل مراجلها
يا مرة ابو و هيهات مثلچ اتعزب
رخصت كلشي غله لجل ابن عقد الوله
فدوه صاحت لحسين بموتي طمني
حسين الأمين
#الليالي_الزينبيه ١
__
يبت حيدر امنيه عندي بزماني
كون اشاهد گبتچ بضعت ثواني
____
للمناره اشتاگ گلبي والحضرتچ والضريح
كون اجيچ اركاض زينب لحدما عالعتبه اطيح
الف هنياله الگصدلچ وحدر فيچ يستريح
روحي ملهوفه اعله كبتچ يشهد اعليها الذبيح
بداعت العباس سهليها الاماني
كون اشاهد گبتچ بضعت ثواني
__
و توصلچ زينب مواكب للحرم مشتاگه
و ركضة اطويريچ يمچ كون هم تتلاگه
اي و حگ خدرچ يحره و محنتچ عالناگه
نار شوگ ازيارتچ وسط الگلب حراگه
ازحوف اجيلچ مو جدم فدواتچ اني
كون اشاهد گبتچ بضعت ثواني
____
شنو موكب يالعقيله لعد گبرچ واصل
مثل يوم الاربعين ايكون يمچ حاصل
الزاير اليوصل ضريحچ امسهل امره الكافل
واحنه سهلها الزياره صحنه يابو فاضل
و النعم من ابو فاضل ماله ثاني
كون اشاهد گبتچ بضعت ثواني
__
خاف اموت وما اشاهد كبتچ كل هالسنين
الچ من عندي تحيه ودمعة واحزان و ونين
راح عنچ بالنيابه زاير اگصد للحسين
و تعزيه انصب يالعقيله الچ بين الحرمين
فدوه لسمچ مهجتي و روحي و كياني
كون اشاهد گبتچ بضعت ثواني
____
امنيه عندي بزماني بدمعة اطلب حمره
وانتي هم باب الحوائج مثل باقي العتره
عدنه غايب يالعقيله المهدي طول أمره
إندعي من الله بلكي ايعجلنه بنصره
الهجر طال و شعيته الثاره تتاني
كون اشاهد گبتچ بضعت ثواني
حسين الأمين
__
يبت حيدر امنيه عندي بزماني
كون اشاهد گبتچ بضعت ثواني
____
للمناره اشتاگ گلبي والحضرتچ والضريح
كون اجيچ اركاض زينب لحدما عالعتبه اطيح
الف هنياله الگصدلچ وحدر فيچ يستريح
روحي ملهوفه اعله كبتچ يشهد اعليها الذبيح
بداعت العباس سهليها الاماني
كون اشاهد گبتچ بضعت ثواني
__
و توصلچ زينب مواكب للحرم مشتاگه
و ركضة اطويريچ يمچ كون هم تتلاگه
اي و حگ خدرچ يحره و محنتچ عالناگه
نار شوگ ازيارتچ وسط الگلب حراگه
ازحوف اجيلچ مو جدم فدواتچ اني
كون اشاهد گبتچ بضعت ثواني
____
شنو موكب يالعقيله لعد گبرچ واصل
مثل يوم الاربعين ايكون يمچ حاصل
الزاير اليوصل ضريحچ امسهل امره الكافل
واحنه سهلها الزياره صحنه يابو فاضل
و النعم من ابو فاضل ماله ثاني
كون اشاهد گبتچ بضعت ثواني
__
خاف اموت وما اشاهد كبتچ كل هالسنين
الچ من عندي تحيه ودمعة واحزان و ونين
راح عنچ بالنيابه زاير اگصد للحسين
و تعزيه انصب يالعقيله الچ بين الحرمين
فدوه لسمچ مهجتي و روحي و كياني
كون اشاهد گبتچ بضعت ثواني
____
امنيه عندي بزماني بدمعة اطلب حمره
وانتي هم باب الحوائج مثل باقي العتره
عدنه غايب يالعقيله المهدي طول أمره
إندعي من الله بلكي ايعجلنه بنصره
الهجر طال و شعيته الثاره تتاني
كون اشاهد گبتچ بضعت ثواني
حسين الأمين
#الليالي_الموسويه
--------------------
يا حمامه يم عمامه گصدي هاليوم
صيحي حيهم موسى ابنهم مات مسموم
الميت ادفنه هله تقره يمه البسمله
____
للمدينه انطي خبر ... للنبي سيد البشر
بالسجن موسى انغدر... من سم هارون
تاسع أنوار العرش ... بسجنه ظل خمسطعش
تالي طلعوا بس نعش ... وغربه يشيعون
يا محمد ... ماكو احد ... هالمسيه
لو تحضره ... خلص عمره ... بالرزيه
يا نبينه أحضر إله تقره يمه البسمله
___
للنجف ثاني سفر ... يم علي فارس مضر
ابنك بسم انغدر يا داحي الباب
فزعة رايد يالاسد ... موسى باقي بس جسد
ما وصل منكم احد ايتاني الغياب
يالغضنفر ... بسيفك أحضر ... اسد بغداد
بسمه حاير ... ماكو ناصر ... و شكثر راد
يا علي ما توصله تقره يمه البسمله
__
للبقيع أرض المحن ... گصدي حشمي بالحسن
خل يشد بيده الرسن ... و يطويها الگاع
و نادي سجاد العباد ... و باقر اعلوم الرشاد
خل تسل سيف الجهاد ... ثار الهم ضاع
الصادق الآل ... وصلي مرسال ... ابنه مغدور
مثله بالسم ... شاهد الهم ... لازم ايثور
ثار هاشم زلزله تقره يمه البسمله
___
يا حمامه بالدمع ... گصدي راس المنگطع
سوليفيله بالوضع ... ما يسكت لا
ينهض الموسى نحر ... حتى لو صدره انكسر
بركضته حسين و عثر ... آ واويلا
خايف حسين ... بصدره سهمين ... ينهض اشلون
جسمه مسحوگ ... ظهره مطبوگ ... بدمه مدفون
حشمي بطف كربله تقره يمه البسمله
___
طولي يم المشرعه ... و زيدي حجم الفاجعه
جفوفه صح امگطعه ... و ينهض عباس
غيرته لو تشتعل ... عالارض ما ينحمل
الموسى يگصد بوالفضل ... راعي النوماس
هوسي يمه ... بعصبة امه ... ينسه الزنود
الجسر ينهد ... گنطره ايرد ... إلها مريود
نعش موسى يكفله تقره يمه البسمله
___
بسفرتچ آخر مقر ... للرضا بونه و قهر
الوالده خلي ايحظر ... ايوسده بكبره
عظمي ليه الاجر ... خلي يگصد للجسر
بيده يحفرله الگبر ... و ايوادع عمره
و الوصيه ... الكاظمية ... راهب الآل
الرضا ابنه ... وصه النه ... نتبعه و گال
هوه للعتره صله تقره يمه البسمله
حسين الأمين
--------------------
يا حمامه يم عمامه گصدي هاليوم
صيحي حيهم موسى ابنهم مات مسموم
الميت ادفنه هله تقره يمه البسمله
____
للمدينه انطي خبر ... للنبي سيد البشر
بالسجن موسى انغدر... من سم هارون
تاسع أنوار العرش ... بسجنه ظل خمسطعش
تالي طلعوا بس نعش ... وغربه يشيعون
يا محمد ... ماكو احد ... هالمسيه
لو تحضره ... خلص عمره ... بالرزيه
يا نبينه أحضر إله تقره يمه البسمله
___
للنجف ثاني سفر ... يم علي فارس مضر
ابنك بسم انغدر يا داحي الباب
فزعة رايد يالاسد ... موسى باقي بس جسد
ما وصل منكم احد ايتاني الغياب
يالغضنفر ... بسيفك أحضر ... اسد بغداد
بسمه حاير ... ماكو ناصر ... و شكثر راد
يا علي ما توصله تقره يمه البسمله
__
للبقيع أرض المحن ... گصدي حشمي بالحسن
خل يشد بيده الرسن ... و يطويها الگاع
و نادي سجاد العباد ... و باقر اعلوم الرشاد
خل تسل سيف الجهاد ... ثار الهم ضاع
الصادق الآل ... وصلي مرسال ... ابنه مغدور
مثله بالسم ... شاهد الهم ... لازم ايثور
ثار هاشم زلزله تقره يمه البسمله
___
يا حمامه بالدمع ... گصدي راس المنگطع
سوليفيله بالوضع ... ما يسكت لا
ينهض الموسى نحر ... حتى لو صدره انكسر
بركضته حسين و عثر ... آ واويلا
خايف حسين ... بصدره سهمين ... ينهض اشلون
جسمه مسحوگ ... ظهره مطبوگ ... بدمه مدفون
حشمي بطف كربله تقره يمه البسمله
___
طولي يم المشرعه ... و زيدي حجم الفاجعه
جفوفه صح امگطعه ... و ينهض عباس
غيرته لو تشتعل ... عالارض ما ينحمل
الموسى يگصد بوالفضل ... راعي النوماس
هوسي يمه ... بعصبة امه ... ينسه الزنود
الجسر ينهد ... گنطره ايرد ... إلها مريود
نعش موسى يكفله تقره يمه البسمله
___
بسفرتچ آخر مقر ... للرضا بونه و قهر
الوالده خلي ايحظر ... ايوسده بكبره
عظمي ليه الاجر ... خلي يگصد للجسر
بيده يحفرله الگبر ... و ايوادع عمره
و الوصيه ... الكاظمية ... راهب الآل
الرضا ابنه ... وصه النه ... نتبعه و گال
هوه للعتره صله تقره يمه البسمله
حسين الأمين
#صاحب_الأمر
_____
عايش ابروحي هوه ما فارگ الريه
ما شفت وجهك ولكن منرسم بيه
حبيبي يا مهدي حبيبي يا مهدي
_______
خلصت مواعيد السفر ما بقت بس چم جمعه
يالواعدتني برجعتك خلصت ايامي دمعه
دورتك ابين النجم ماكو أثر للرجعه
ما بين الوجوه التفت يا ناس امامي امضيعه
فارش ادموعي اعله دربك أنتظر جيه
ما شفت وجهك و لكن منرسم بيه
____
يالتارس بروحي عشگ ارحم بهجرك حالي
ما نايم الليل ابرغد امساهر بگلبي و بالي
كل يوم اعد الجيتك يمتى ترد يالغالي
مرسوم بالعين الحچي و الدمع ما يبرالي
ضاگت الوسعه بغيابك كلش اعليه
ما شفت وجهك ولكن منرسم بيه
_____
مو هوه لكن مستقر بيه و صرت انفاسي
مالكني وانته ديرتك مجهوله ياعز ناسي
حالف لون ترجع الي احني لجدامك راسي
اي والله يا آخر دوه مر جرح هجرك قاسي
اليفگد الشخص اليحبه ايلچمه طاريه
ما شفت وجهك و لكن منرسم بيه
______
كل اليسافر تنتظر يمته يعود احبابه
گلبي بغيابك هم خله و محد يدگن بابه
يا هظمة الليل اليمر و الهجر كله اطلابه
گلي انته وين ابيا درب شنهو البُعد و اسبابه
حيره تاخذني اعله حيره و روحي مسبيه
ما شفت وجهك و لكن منرسم بيه
_______
بجناح چم طير ابعثت مرسال دمعي و همي
بسرداب سامره اكتبت لوعة غربتي و هظمي
اغفه اعله طاريك و افز و بنومي ساكن حلمي
چا يمتى للكوفه تجي من فدوه لاسمك امي
و بمسجد الكوفه تصلي و خلفك النيه
ما شفت وجهك و لكن منرسم بيه
حسين الأمين
_____
عايش ابروحي هوه ما فارگ الريه
ما شفت وجهك ولكن منرسم بيه
حبيبي يا مهدي حبيبي يا مهدي
_______
خلصت مواعيد السفر ما بقت بس چم جمعه
يالواعدتني برجعتك خلصت ايامي دمعه
دورتك ابين النجم ماكو أثر للرجعه
ما بين الوجوه التفت يا ناس امامي امضيعه
فارش ادموعي اعله دربك أنتظر جيه
ما شفت وجهك و لكن منرسم بيه
____
يالتارس بروحي عشگ ارحم بهجرك حالي
ما نايم الليل ابرغد امساهر بگلبي و بالي
كل يوم اعد الجيتك يمتى ترد يالغالي
مرسوم بالعين الحچي و الدمع ما يبرالي
ضاگت الوسعه بغيابك كلش اعليه
ما شفت وجهك ولكن منرسم بيه
_____
مو هوه لكن مستقر بيه و صرت انفاسي
مالكني وانته ديرتك مجهوله ياعز ناسي
حالف لون ترجع الي احني لجدامك راسي
اي والله يا آخر دوه مر جرح هجرك قاسي
اليفگد الشخص اليحبه ايلچمه طاريه
ما شفت وجهك و لكن منرسم بيه
______
كل اليسافر تنتظر يمته يعود احبابه
گلبي بغيابك هم خله و محد يدگن بابه
يا هظمة الليل اليمر و الهجر كله اطلابه
گلي انته وين ابيا درب شنهو البُعد و اسبابه
حيره تاخذني اعله حيره و روحي مسبيه
ما شفت وجهك و لكن منرسم بيه
_______
بجناح چم طير ابعثت مرسال دمعي و همي
بسرداب سامره اكتبت لوعة غربتي و هظمي
اغفه اعله طاريك و افز و بنومي ساكن حلمي
چا يمتى للكوفه تجي من فدوه لاسمك امي
و بمسجد الكوفه تصلي و خلفك النيه
ما شفت وجهك و لكن منرسم بيه
حسين الأمين
#ابو_طالب_عليه_السلام
__
حگهم يبو طالب يكرهون اسمك
هيبتهم و عزهم سحگته بچدمك
كسّرت الاصنام علّيت الاسلام
_
شيخ العرب و بوگتك اشيوخ اهواي
من تجي الكعبه اتگلك اهلاً مولاي
و بحكمتك لقمان وصه ابنه بهاي
موش انه يبني ابو طالب حچاي
كلمن على احدودك تجاوز حده
سطرت اچفوفك اثر تبقى بخده
يا شيخ الازلام علّيت الاسلام
___
انته النبع و الناس چانت صحره
اعظم صَدَف و اتكفل اعظم دره
السيرة حياتك هالمثل بي عبره
الما عرف حجمك لا تظن ايقدره
تاريخك الخطه اظن چان اعمه
ما فرّق ابين الذهب و الفحمه
اعمه و مينلام علّيت الاسلام
__
يم اسمك احلوگ التسولف تخرس
يا شذره انته و كل قريش المحبس
انته الامان الطه لو ضُر بي مس
الأول محمد قبله ما تتنفس
كهف اليتيم و چنت الها و گدها
و منك علي هاي الصفه ماخذها
يا حصن الايتام عليت الاسلام
__
شككو باسلامك و دوروا زله
و الغايه منها ابلا شرف تتجله
حتى علي ابنك بعد ما يتعله
و لا بالخلافه ايصير هوه الاوله
ايبيضون بيه الچان تاريخه اسود
خاطر اويه آباء الثلاثه تنعد
ما نصفت اقلام عليت الاسلام
حسين الامين
__
حگهم يبو طالب يكرهون اسمك
هيبتهم و عزهم سحگته بچدمك
كسّرت الاصنام علّيت الاسلام
_
شيخ العرب و بوگتك اشيوخ اهواي
من تجي الكعبه اتگلك اهلاً مولاي
و بحكمتك لقمان وصه ابنه بهاي
موش انه يبني ابو طالب حچاي
كلمن على احدودك تجاوز حده
سطرت اچفوفك اثر تبقى بخده
يا شيخ الازلام علّيت الاسلام
___
انته النبع و الناس چانت صحره
اعظم صَدَف و اتكفل اعظم دره
السيرة حياتك هالمثل بي عبره
الما عرف حجمك لا تظن ايقدره
تاريخك الخطه اظن چان اعمه
ما فرّق ابين الذهب و الفحمه
اعمه و مينلام علّيت الاسلام
__
يم اسمك احلوگ التسولف تخرس
يا شذره انته و كل قريش المحبس
انته الامان الطه لو ضُر بي مس
الأول محمد قبله ما تتنفس
كهف اليتيم و چنت الها و گدها
و منك علي هاي الصفه ماخذها
يا حصن الايتام عليت الاسلام
__
شككو باسلامك و دوروا زله
و الغايه منها ابلا شرف تتجله
حتى علي ابنك بعد ما يتعله
و لا بالخلافه ايصير هوه الاوله
ايبيضون بيه الچان تاريخه اسود
خاطر اويه آباء الثلاثه تنعد
ما نصفت اقلام عليت الاسلام
حسين الامين
#ليالي_امير_المؤمنين_ع ١
__
دم راسك لمن شفته يلالي
قريت الفاتحه العزي و دلالي
بعيني من نظرته آنه اوياك ميته
_
مظلم كل صباح الما اشوفك بيه
يوجه الله الضوه من ضيك اتضويه
ألك يومين ساكت و الگلب تاذيه
واحس هالبيت طير اليتم حط اعليه
انهض بويه غطيني بأمانك
عطشانه تره الكوثر حنانك
دمعتي اطيح سكته آنه اوياك ميته
___
الجرح راسك لمن صديت بالهظمه
خطت فوگ خدي دمعتي كلمه
البگه براسچ يزينب هالمسه لچمه
راح ايروح حيدر وانتي متيتمه
دمعتي اتگول بويه فرگه و احزان
و عن دفع البلاء اقريت قرآن
الشفه جرحك ختمته آنه اوياك ميته
____
لا تنهي حياتك و ابتدي اتألم
يبو الايتام بنتك صعبه تتيتم
ابلا وجهك بعد ما ارتوي بزمزم
أخذ روحي دوه هلبت علي تسلم
يمن يفداك هذا الكون و اهله
اصيرن للحزن بعدك القبله
الحزن اصبح قبلته آنه اوياك ميته
_
وي نعشك يبويه شيعت روحي
انفتح باب النوايب للجرح يوحي
بعدك چم نهر عالخد حفر نوحي
تعيش ابطاري موتك يا علي اجروحي
من تگضي العمر و اتروح عني
مصيبه اتجيبني و وحده تردني
حالي اتغيره انته آنه اوياك ميته
_
باچر چم دخيلك يا علي احچيها
و قافلة المصايب احدي اظل بيها
سبي و سم و حوافر دنيتي اگضيها
و قبل الطف يبويه روحي سابيها
كلف جرحك تظل مشتعله ناره
عسن دمي و لا دمك تجاره
الحزن بعدك عرفته آنه اوياك ميته
__
يبويه امودع الله و گلبي يتفطر
بالطف ملتقانه بگطعة المنحر
و بلبل اهدعش من نبقى وسط البر
ابلا حارس اريدك يا علي تحضر
تعال ابكربله و احمي خيمنه
باچر بالغرب بويه وحدنه
بالطف و محنته آنه اوياك ميته
حسين الأمين
__
دم راسك لمن شفته يلالي
قريت الفاتحه العزي و دلالي
بعيني من نظرته آنه اوياك ميته
_
مظلم كل صباح الما اشوفك بيه
يوجه الله الضوه من ضيك اتضويه
ألك يومين ساكت و الگلب تاذيه
واحس هالبيت طير اليتم حط اعليه
انهض بويه غطيني بأمانك
عطشانه تره الكوثر حنانك
دمعتي اطيح سكته آنه اوياك ميته
___
الجرح راسك لمن صديت بالهظمه
خطت فوگ خدي دمعتي كلمه
البگه براسچ يزينب هالمسه لچمه
راح ايروح حيدر وانتي متيتمه
دمعتي اتگول بويه فرگه و احزان
و عن دفع البلاء اقريت قرآن
الشفه جرحك ختمته آنه اوياك ميته
____
لا تنهي حياتك و ابتدي اتألم
يبو الايتام بنتك صعبه تتيتم
ابلا وجهك بعد ما ارتوي بزمزم
أخذ روحي دوه هلبت علي تسلم
يمن يفداك هذا الكون و اهله
اصيرن للحزن بعدك القبله
الحزن اصبح قبلته آنه اوياك ميته
_
وي نعشك يبويه شيعت روحي
انفتح باب النوايب للجرح يوحي
بعدك چم نهر عالخد حفر نوحي
تعيش ابطاري موتك يا علي اجروحي
من تگضي العمر و اتروح عني
مصيبه اتجيبني و وحده تردني
حالي اتغيره انته آنه اوياك ميته
_
باچر چم دخيلك يا علي احچيها
و قافلة المصايب احدي اظل بيها
سبي و سم و حوافر دنيتي اگضيها
و قبل الطف يبويه روحي سابيها
كلف جرحك تظل مشتعله ناره
عسن دمي و لا دمك تجاره
الحزن بعدك عرفته آنه اوياك ميته
__
يبويه امودع الله و گلبي يتفطر
بالطف ملتقانه بگطعة المنحر
و بلبل اهدعش من نبقى وسط البر
ابلا حارس اريدك يا علي تحضر
تعال ابكربله و احمي خيمنه
باچر بالغرب بويه وحدنه
بالطف و محنته آنه اوياك ميته
حسين الأمين
#ليالي_اميرالمؤمنين ٢ (موشح)
_______
اعتنيت الليله يم دار الامير
شفت مهظوم اليتم بي يستجير
___
ناشدت يهل العرب شنو الخبر
گالوا الليله علي راسه انطبر
ما تشوف شلون مخسوف الگمر
شوف چم روح بعلي هسه تحير
__
من وصل للمسجد ايصلي الفجر
چان عالم حيدره بهذا الأمر
والله لو ما بالصلا ما ينطبر
و هوه قتال العرب دون نظير
_
علي واحد بالحرب ماله نظير
واحد و بالموزمه عسكر يصير
السيف و المنجل فرق كلش چبير
فرق بين الداگ صدره و اليدير
__
من وگع و اتخضب الشيب ابدماه
ما صرخ من الالم حيدر حشاه
من اجاه الموت خايف من گفاه
مرتعش لمن وصل يمه اسير
____
من بعد حيدر نظل ابلايه روح
ايتام نبقى و الزمن سيفه يلوح
ياهو للمظلوم يشفيله الجروح
چان ابو كل اليتامه و الفقير
___
الشال خيبر على اچتافاته عجيب
شلون هامات الجبل دمها خضيب
انهدمت أركان الهدى صوت النحيب
و نزلت أملاك السمه الحيدر تسير
_____
الذي ابسيفه أخذ هالموت صيت
ينتچي اعله ابنه ابد ما حسبيت
ريت بمچانه أخذني الموت ريت
هاي ما صارت لچن بلكت تصير
حسين الأمين
_______
اعتنيت الليله يم دار الامير
شفت مهظوم اليتم بي يستجير
___
ناشدت يهل العرب شنو الخبر
گالوا الليله علي راسه انطبر
ما تشوف شلون مخسوف الگمر
شوف چم روح بعلي هسه تحير
__
من وصل للمسجد ايصلي الفجر
چان عالم حيدره بهذا الأمر
والله لو ما بالصلا ما ينطبر
و هوه قتال العرب دون نظير
_
علي واحد بالحرب ماله نظير
واحد و بالموزمه عسكر يصير
السيف و المنجل فرق كلش چبير
فرق بين الداگ صدره و اليدير
__
من وگع و اتخضب الشيب ابدماه
ما صرخ من الالم حيدر حشاه
من اجاه الموت خايف من گفاه
مرتعش لمن وصل يمه اسير
____
من بعد حيدر نظل ابلايه روح
ايتام نبقى و الزمن سيفه يلوح
ياهو للمظلوم يشفيله الجروح
چان ابو كل اليتامه و الفقير
___
الشال خيبر على اچتافاته عجيب
شلون هامات الجبل دمها خضيب
انهدمت أركان الهدى صوت النحيب
و نزلت أملاك السمه الحيدر تسير
_____
الذي ابسيفه أخذ هالموت صيت
ينتچي اعله ابنه ابد ما حسبيت
ريت بمچانه أخذني الموت ريت
هاي ما صارت لچن بلكت تصير
حسين الأمين
#ليالي_اميرالمؤمنين ٣
_
على افراش الممات علي الولده يناظر
سبي و سم و الچفوف وصدر فوگه الحوافر
شاف ضلع و سم
شاف نار و دم
شاف تل و هم
___
الدنيه سكته ودافي صوته خلي ولدي يمي تحضر
حضروا و عاين عليهم كل وجن حافرله كوثر
بده يحچي علي بكلمه
الحسن و حسين اجوا يمه
و زينب تبچي بالهظمه
باچر چنها متيتمه
يحب شفت الحسن و ابو فاضل جفوفه
بمتن زينب مسح و ابو اليمه يشوفه
گال بونيه
كال لحسينه
كال تاذينه
____
للحسن صد ابعيونه و گله امسح يبني خدك
انته هم مثلي بصيامك ينمرد يالغالي جبدك
بالسم تنهتي الايام
و نعشك ينرمي بسهام
و مو يم الرسول اتنام
حتى ابدفنتك تنضام
بطشت چبدك يصير و تنازع تبقى موتك
و يغص نعشك سهام ابوصيه اتگيد اخوتك
هاي تلچمني
هاي بسم يبني
هاي تذبحني
____
على زينب مد يمنته انطيني ايدچ گلها عمري
يابو فاضل هاي امانه خدر زينب يعني خدري
بعينك يبني خليها
و امسح أثر رجليها
الشمس ما عاينت ليها
ماريدك تجافيها
امن الله صوغه هاي دگ صدرك امامي
ليل الظلها صير احفظ كل كلامي
هاگ احساسي
هاگ عباسي
هاگ انفاسي
____
فجئه لن دم راسه يهمل والعطش لشفافه فاطر
صد على حسين و قراله قل أعوذ امن الحوافر
طيف الكربله ايشاهد
شمر فوگ الصدر گاعد
و راس اعله الرمح صاعد
الخيل و صدره متواعد
السيف و من گفاه شافه ايحز وريده
دمع أحمر بچاه و وضع راسه اعله ايده
آه يا ذبحه
آه من رمحه
آه الكل جرحه
__
من وصل سبي و خرابه عينه ما صدها اعله زينب
ما گدر يجرح گلبها امشيب و عالحره شيب
شاف ابنيته ضربوها
و هزلهم يركبوها
و بين الناس يسبوها
و بمجلس يدخلوها
بخرايبهم تبات وحيده ابلا اخوها
و تطب مجلس يزيد بحبلهم گيدوها
شام شتموها
شام غربوها
شام لوعها
حسين الامين
_
على افراش الممات علي الولده يناظر
سبي و سم و الچفوف وصدر فوگه الحوافر
شاف ضلع و سم
شاف نار و دم
شاف تل و هم
___
الدنيه سكته ودافي صوته خلي ولدي يمي تحضر
حضروا و عاين عليهم كل وجن حافرله كوثر
بده يحچي علي بكلمه
الحسن و حسين اجوا يمه
و زينب تبچي بالهظمه
باچر چنها متيتمه
يحب شفت الحسن و ابو فاضل جفوفه
بمتن زينب مسح و ابو اليمه يشوفه
گال بونيه
كال لحسينه
كال تاذينه
____
للحسن صد ابعيونه و گله امسح يبني خدك
انته هم مثلي بصيامك ينمرد يالغالي جبدك
بالسم تنهتي الايام
و نعشك ينرمي بسهام
و مو يم الرسول اتنام
حتى ابدفنتك تنضام
بطشت چبدك يصير و تنازع تبقى موتك
و يغص نعشك سهام ابوصيه اتگيد اخوتك
هاي تلچمني
هاي بسم يبني
هاي تذبحني
____
على زينب مد يمنته انطيني ايدچ گلها عمري
يابو فاضل هاي امانه خدر زينب يعني خدري
بعينك يبني خليها
و امسح أثر رجليها
الشمس ما عاينت ليها
ماريدك تجافيها
امن الله صوغه هاي دگ صدرك امامي
ليل الظلها صير احفظ كل كلامي
هاگ احساسي
هاگ عباسي
هاگ انفاسي
____
فجئه لن دم راسه يهمل والعطش لشفافه فاطر
صد على حسين و قراله قل أعوذ امن الحوافر
طيف الكربله ايشاهد
شمر فوگ الصدر گاعد
و راس اعله الرمح صاعد
الخيل و صدره متواعد
السيف و من گفاه شافه ايحز وريده
دمع أحمر بچاه و وضع راسه اعله ايده
آه يا ذبحه
آه من رمحه
آه الكل جرحه
__
من وصل سبي و خرابه عينه ما صدها اعله زينب
ما گدر يجرح گلبها امشيب و عالحره شيب
شاف ابنيته ضربوها
و هزلهم يركبوها
و بين الناس يسبوها
و بمجلس يدخلوها
بخرايبهم تبات وحيده ابلا اخوها
و تطب مجلس يزيد بحبلهم گيدوها
شام شتموها
شام غربوها
شام لوعها
حسين الامين
#ليالي_اميرالمؤمنين ٤ ( شوط كربلائي )
علي يمشيد الاسلام علي يا حاكم الدارين
ساعة طبرتك مولاي طاح اوياك كل الدين
___
واحد حيد يا أوحد يعدل علمك القرآن
الحدك ما يحد محدود لو تجتمع انس و جان
انته القبل خلق الكون الله جاعلك سلطان
بيدك دارت الافلاك
والله اعله الخلگ خلاك
كلشي انخلق من يمناك
يا أول او يا آخر بعدك ماكو شي بعدين
___
يا شاهد يشهد اشهود و ميثاق اعله كل مرسل
لازم بمرك ايبلغ حتى دعوته تقبل
قبل الكاف قبل النون حبك يا علي امنزل
بچفك عيسه صعدته
و آدم للارض جبته
و الفرعون غرگته
ألف و اربعه و عشرين و ميه بأمرك امصدقين
_
اشما دارت رحه هالكون تبقه الآمر الناهي
يمشرفها للتورات و الانجيل متباهي
بيهن اسمك المخطوط و لسمك ياهو اليضاهي
يم ساگ العرش اسمك
الملائك ساجده يمك
كلها انخلقت بعلمك
من ادم لحد عيسى لولايتك متبعيين
__
يا كهف النبي المختار يا صنوه وابن عمه
من قرآنه الك ثلثين و انته باب كل علمه
و انته التفرج الشدات و اسمك يكشف الغمه
يهارون النبي الاحمد
لولاك الله ما يعبد
انته الواحد الاوحد
يالسيفك شبه ميزان يعدل لو شطر نصيين
____
يالتعگد كتيبه بسيف و ارگاب الزلم حلها
من تدخل حرب طوفان تقلع كل مفاصلها
اتخوض و تگلب الحومه عاليها اعله سافلها
من حربك تفر فرسان
و منك ترجف الشجعان
بخنصر قالع البيبان
وسفه شيبتك تالي يخضبوها بصلاة البين
حسين الأمين
علي يمشيد الاسلام علي يا حاكم الدارين
ساعة طبرتك مولاي طاح اوياك كل الدين
___
واحد حيد يا أوحد يعدل علمك القرآن
الحدك ما يحد محدود لو تجتمع انس و جان
انته القبل خلق الكون الله جاعلك سلطان
بيدك دارت الافلاك
والله اعله الخلگ خلاك
كلشي انخلق من يمناك
يا أول او يا آخر بعدك ماكو شي بعدين
___
يا شاهد يشهد اشهود و ميثاق اعله كل مرسل
لازم بمرك ايبلغ حتى دعوته تقبل
قبل الكاف قبل النون حبك يا علي امنزل
بچفك عيسه صعدته
و آدم للارض جبته
و الفرعون غرگته
ألف و اربعه و عشرين و ميه بأمرك امصدقين
_
اشما دارت رحه هالكون تبقه الآمر الناهي
يمشرفها للتورات و الانجيل متباهي
بيهن اسمك المخطوط و لسمك ياهو اليضاهي
يم ساگ العرش اسمك
الملائك ساجده يمك
كلها انخلقت بعلمك
من ادم لحد عيسى لولايتك متبعيين
__
يا كهف النبي المختار يا صنوه وابن عمه
من قرآنه الك ثلثين و انته باب كل علمه
و انته التفرج الشدات و اسمك يكشف الغمه
يهارون النبي الاحمد
لولاك الله ما يعبد
انته الواحد الاوحد
يالسيفك شبه ميزان يعدل لو شطر نصيين
____
يالتعگد كتيبه بسيف و ارگاب الزلم حلها
من تدخل حرب طوفان تقلع كل مفاصلها
اتخوض و تگلب الحومه عاليها اعله سافلها
من حربك تفر فرسان
و منك ترجف الشجعان
بخنصر قالع البيبان
وسفه شيبتك تالي يخضبوها بصلاة البين
حسين الأمين
#يوم_البقيع_العالمي ١
____
ضاع الدين ما عرفوا فروعه من اصوله
ضاع الدين و ابليس الحكمهم صفگوله
تبعوا حبتره بغضوا حيدره
__
إذا شفت اللئيم اتسيد الديوان
و إذا شفت الجبان ايچتف الشجعان
و إذا شفت الرعيه اتأمر العميان
اكيد ابليس يگدر يهدم القرآن
هذا الصار بالامه لمن تركت عليها
هذا الصار ياهو إلي يجي اتأمر عليها
دنيا و اخره بغضوا حيدره
_
الخفاها البسمله وكت الصلا يكتم
و دينه ابكيفه صار ايحلل ايحرم
الترك سنة نبي و بايع ابن ملجم
قبور اربع ائمه شلون ميهدم
بالتحريف الدين ابتله بمله تحرف
بالتحريف تسبيل النبي اتحول تكتف
و اصعب ما جره بغضوا حيدره
___
مو قصة بقيع اتهدم و مهجور
معالم دين الله ذني موش اگبور
اليگول الگبه بدعه و هم حرام انزور
ما قاري الذكر لو يستر المذكور
بالقرآن آيه واحد و عشرين أصلها
بالقرآن و السوره الكهف واضح نقلها
اقره يا تره بغضوا حيدره
__
اليريد ايميز الحق لازم ايحقق
يكذب الكاذب و بالصادق ايصدق
ندگ باب البخاري و الخبر ينطق
النبي ايشم الگبر لو چان بس يرمق
استدلال گبر الحمزه خل نسمع جوابه
استدلال ايطوف و ينتحب و يشم ترابه
بكتبك ذاكره بغضوا حيدره
__
الحكم لبليس و الاسلام بس اسمه
و بچفوف العبيد السلطه عالامه
البقيع ابيا سبب و گبوره متهدمه
و ليش امن الزياره الشيعه منحرمه
هذا الخوف من الشيعه ليبين صدقهم
هذا الخوف لا باچر تصير الكعبه الهم
الله يظهره بغضوا حيدره
_
لازم يوصل اليوم إلي ننتظره
و نمشي للحسن نبني إله گبره
منارات اربعه و من الذهب صفره
و آذان الولايه انردد و نقره
وعد الله ويه المهدي و الشيعه جمعها
وعد الله و لا تشرك بعد ما نستمعها
اگلوب اموجره بغضوا حيدره
حسين الأمين
____
ضاع الدين ما عرفوا فروعه من اصوله
ضاع الدين و ابليس الحكمهم صفگوله
تبعوا حبتره بغضوا حيدره
__
إذا شفت اللئيم اتسيد الديوان
و إذا شفت الجبان ايچتف الشجعان
و إذا شفت الرعيه اتأمر العميان
اكيد ابليس يگدر يهدم القرآن
هذا الصار بالامه لمن تركت عليها
هذا الصار ياهو إلي يجي اتأمر عليها
دنيا و اخره بغضوا حيدره
_
الخفاها البسمله وكت الصلا يكتم
و دينه ابكيفه صار ايحلل ايحرم
الترك سنة نبي و بايع ابن ملجم
قبور اربع ائمه شلون ميهدم
بالتحريف الدين ابتله بمله تحرف
بالتحريف تسبيل النبي اتحول تكتف
و اصعب ما جره بغضوا حيدره
___
مو قصة بقيع اتهدم و مهجور
معالم دين الله ذني موش اگبور
اليگول الگبه بدعه و هم حرام انزور
ما قاري الذكر لو يستر المذكور
بالقرآن آيه واحد و عشرين أصلها
بالقرآن و السوره الكهف واضح نقلها
اقره يا تره بغضوا حيدره
__
اليريد ايميز الحق لازم ايحقق
يكذب الكاذب و بالصادق ايصدق
ندگ باب البخاري و الخبر ينطق
النبي ايشم الگبر لو چان بس يرمق
استدلال گبر الحمزه خل نسمع جوابه
استدلال ايطوف و ينتحب و يشم ترابه
بكتبك ذاكره بغضوا حيدره
__
الحكم لبليس و الاسلام بس اسمه
و بچفوف العبيد السلطه عالامه
البقيع ابيا سبب و گبوره متهدمه
و ليش امن الزياره الشيعه منحرمه
هذا الخوف من الشيعه ليبين صدقهم
هذا الخوف لا باچر تصير الكعبه الهم
الله يظهره بغضوا حيدره
_
لازم يوصل اليوم إلي ننتظره
و نمشي للحسن نبني إله گبره
منارات اربعه و من الذهب صفره
و آذان الولايه انردد و نقره
وعد الله ويه المهدي و الشيعه جمعها
وعد الله و لا تشرك بعد ما نستمعها
اگلوب اموجره بغضوا حيدره
حسين الأمين
#يوم_البقيع_العالمي ٢
___
زوار اربعه أجوا هاليوم بقصص و هموم
گصدوا كربله
صوت الفاجعه نقل أخبار عن الزوار
بدمعه هامله
بالعين دمعة غرب حزينه
و حسين اتلگاهم بونينه زوار اربعه
___
أول زاير و دمعه ايتجاره
لن صوت الحسن يقره الزياره
بحضانه الحسين اتلگه خيه
واحد حاضن الثاني بحراره
گله و ناره مستعره بحسرته
گبري منهدم يا خويه شفته
لا زاير يگصده و لا مناره
و لا ناعي يجي و يجري دمعته
تشبه حضرتك يخي ياريت أنه اتمنيت
تصبح حضرتي
گبتي و گبتك يضوّن كون الي يزورون
تگصد شيعتي
كل حين تتعنه للمدينه
و حسين اتلگاهم بونينه
___
گاصد للزياره بچفه گيده
صد الوالده و قبّلها ايده
گله آنه علي السجاد اجيتك
و رد باس الحسين ابنه ابوريده
گله شتحتمل يبني مصايب
من بعد السبي و ذيچ الخرايب
حقدهم ما شفه بسم المنيه
ساوو مرقدك ويه الترايب
عشت اويه الجرح ومتت مجروح والم بالروح
على امصيبتك
ميت منذبح اعله طاري الشام شفت آلام
و هدموا گبتك
بالبين ما راحت الضغينه
و حسين اتلگاهم بونينه
__
ثالث زاير بهاي المسيه
من زغره حمل اعظم رزيه
هذا الباقر اينادي يجدي
گبري ما سلم هدموا عليه
الرضوا صدرك بخياله عشره
رضوا مرقدي و ضيعوله عطره
نمت اعله التراب اتلث ليالي
و اني البس ترايب باقي گبره
يا جدي الظلم علينه ايحوم گبر مهدوم
بغربه مظلمه
الگصد ينحرم يجي ويطوف دمعته اتشوف
اگبور امهدمه
و اسنين محد گصد علينه
و حسين اتلگاهم بونينه
_
آخر زاير و شيبه يلالي
عاينله الحسين و دمعه هالي
و گله وسفه يا جعفر حفيدي
هيچي جازتك هالأمه تالي
يمأسس علوم الدنيه وسفه
وحدك بالظلامه تالي تغفه
ما راعوا حرمتك و المعارف
و الحق اهله بس إلي تعرفه
يا نور العلم بظلام شلون تظل مدفون
و بغربت وطن
بگبرك تنرسم علوم الآل وتهد اجبال
كل هاي المحن
و الدين اسمك صبح يقينه
و حسين اتلگاهم بونينه
__
من صوت المواجع من بچيهم
لن گاعد شخص يسمع حچيهم
اعتناهم و المدامع منه حمره
لن المهدي هذا المعتنيهم
سلم و السوالف يمتى تظهر
الحسن گله يعمي الحقنه اثأر
و ابأرض البقيع ابني مناير
و گله حسين اطلبك يبني منحر
گلوله بشجن نريد الثار تره الانظار
الك شابحه
ها يبن الحسن ترد يايوم و تشيد اعلوم
لهلك طايحه
بونين نتنطرك تجينه
و حسين اتلگاهم بونينه زوار اربعه
حسين الأمين
___
زوار اربعه أجوا هاليوم بقصص و هموم
گصدوا كربله
صوت الفاجعه نقل أخبار عن الزوار
بدمعه هامله
بالعين دمعة غرب حزينه
و حسين اتلگاهم بونينه زوار اربعه
___
أول زاير و دمعه ايتجاره
لن صوت الحسن يقره الزياره
بحضانه الحسين اتلگه خيه
واحد حاضن الثاني بحراره
گله و ناره مستعره بحسرته
گبري منهدم يا خويه شفته
لا زاير يگصده و لا مناره
و لا ناعي يجي و يجري دمعته
تشبه حضرتك يخي ياريت أنه اتمنيت
تصبح حضرتي
گبتي و گبتك يضوّن كون الي يزورون
تگصد شيعتي
كل حين تتعنه للمدينه
و حسين اتلگاهم بونينه
___
گاصد للزياره بچفه گيده
صد الوالده و قبّلها ايده
گله آنه علي السجاد اجيتك
و رد باس الحسين ابنه ابوريده
گله شتحتمل يبني مصايب
من بعد السبي و ذيچ الخرايب
حقدهم ما شفه بسم المنيه
ساوو مرقدك ويه الترايب
عشت اويه الجرح ومتت مجروح والم بالروح
على امصيبتك
ميت منذبح اعله طاري الشام شفت آلام
و هدموا گبتك
بالبين ما راحت الضغينه
و حسين اتلگاهم بونينه
__
ثالث زاير بهاي المسيه
من زغره حمل اعظم رزيه
هذا الباقر اينادي يجدي
گبري ما سلم هدموا عليه
الرضوا صدرك بخياله عشره
رضوا مرقدي و ضيعوله عطره
نمت اعله التراب اتلث ليالي
و اني البس ترايب باقي گبره
يا جدي الظلم علينه ايحوم گبر مهدوم
بغربه مظلمه
الگصد ينحرم يجي ويطوف دمعته اتشوف
اگبور امهدمه
و اسنين محد گصد علينه
و حسين اتلگاهم بونينه
_
آخر زاير و شيبه يلالي
عاينله الحسين و دمعه هالي
و گله وسفه يا جعفر حفيدي
هيچي جازتك هالأمه تالي
يمأسس علوم الدنيه وسفه
وحدك بالظلامه تالي تغفه
ما راعوا حرمتك و المعارف
و الحق اهله بس إلي تعرفه
يا نور العلم بظلام شلون تظل مدفون
و بغربت وطن
بگبرك تنرسم علوم الآل وتهد اجبال
كل هاي المحن
و الدين اسمك صبح يقينه
و حسين اتلگاهم بونينه
__
من صوت المواجع من بچيهم
لن گاعد شخص يسمع حچيهم
اعتناهم و المدامع منه حمره
لن المهدي هذا المعتنيهم
سلم و السوالف يمتى تظهر
الحسن گله يعمي الحقنه اثأر
و ابأرض البقيع ابني مناير
و گله حسين اطلبك يبني منحر
گلوله بشجن نريد الثار تره الانظار
الك شابحه
ها يبن الحسن ترد يايوم و تشيد اعلوم
لهلك طايحه
بونين نتنطرك تجينه
و حسين اتلگاهم بونينه زوار اربعه
حسين الأمين
#يوم_البقيع_العالمي ٣ ( نزله )
_
لا ولي إلا علي .. على المرقد .. الچ نشهد
بگبتچ ذهب تصير
___
اليوم نتصور و باچر صوره
من ذهب مرقد الچ و نزوره
تظلم الدنيه و يضيع اضواها
و فقط نورچ يضوي هالمعموره
الناس و الاكوان كلها ظلمه بس النضوي احنه
و اليناشدنه نگله هذا نور الزهره امنه
نورها أول ضوه .. بسماواته .. و ملائكته
من نورها تنير
____
قطعه باچر من ذهب مصفوفه
من هنا مرقد الزهره انشوفه
و المناير عابرات السبعه
و الملائك نازلات اتطوفه
انشوف جبرائيل نازل يخدم و مليان فرحه
وفطرس اجناحه يمسحه ابگبتچ و يردله جنحه
انتي حجه اعله الحجج .. يمرضيه .. يحوريه
فضلچ فضل چبير
____
امن العراق افواج اجت مشايه
حمزه قائد كربله ملايه
امن النجف عبود لازم موكب
اوياه عبدالرضا يقره ابهايه
باب من اجذوع يقره و دمعته بعيونه حمره
الها السبب گبرچ يزهره ابلايه باب انسوي حضره
بسمار ماكو ولا جذع .. لأن يكسر .. گلب حيدر
لو شاهده الأمير
____
الچ من الناحيه يتعنه
بلهفته سيد شباب الجنه
يجي سالم منحره و لا مجروح
حتى لا گلبچ يلچمه بونه
حسين ويه الكمر جايچ يحچي وي عباس كلمه
شگد چنت مشتاگ لمي اترابها مشتاگ اشمه
امن الغري گاصد علي .. للزياره .. والبشاره
شفه الضلع الكسير
_
مو بعيده هالقضيه اعلينه
هيه چم يوم و يرد مهدينه
يعتني بچفيه خضره ايزورچ
و ينبني اعظم صرح بيدينه
باچر بحيل الله نوصل ويه ابو صالح تمني
خدم تنصبها المواكب خدم ويه المهدي تبني
ينبني أكبر وطن .. الچ فاطم .. وي القائم
من يبتدي المسير
حسين الأمين
_
لا ولي إلا علي .. على المرقد .. الچ نشهد
بگبتچ ذهب تصير
___
اليوم نتصور و باچر صوره
من ذهب مرقد الچ و نزوره
تظلم الدنيه و يضيع اضواها
و فقط نورچ يضوي هالمعموره
الناس و الاكوان كلها ظلمه بس النضوي احنه
و اليناشدنه نگله هذا نور الزهره امنه
نورها أول ضوه .. بسماواته .. و ملائكته
من نورها تنير
____
قطعه باچر من ذهب مصفوفه
من هنا مرقد الزهره انشوفه
و المناير عابرات السبعه
و الملائك نازلات اتطوفه
انشوف جبرائيل نازل يخدم و مليان فرحه
وفطرس اجناحه يمسحه ابگبتچ و يردله جنحه
انتي حجه اعله الحجج .. يمرضيه .. يحوريه
فضلچ فضل چبير
____
امن العراق افواج اجت مشايه
حمزه قائد كربله ملايه
امن النجف عبود لازم موكب
اوياه عبدالرضا يقره ابهايه
باب من اجذوع يقره و دمعته بعيونه حمره
الها السبب گبرچ يزهره ابلايه باب انسوي حضره
بسمار ماكو ولا جذع .. لأن يكسر .. گلب حيدر
لو شاهده الأمير
____
الچ من الناحيه يتعنه
بلهفته سيد شباب الجنه
يجي سالم منحره و لا مجروح
حتى لا گلبچ يلچمه بونه
حسين ويه الكمر جايچ يحچي وي عباس كلمه
شگد چنت مشتاگ لمي اترابها مشتاگ اشمه
امن الغري گاصد علي .. للزياره .. والبشاره
شفه الضلع الكسير
_
مو بعيده هالقضيه اعلينه
هيه چم يوم و يرد مهدينه
يعتني بچفيه خضره ايزورچ
و ينبني اعظم صرح بيدينه
باچر بحيل الله نوصل ويه ابو صالح تمني
خدم تنصبها المواكب خدم ويه المهدي تبني
ينبني أكبر وطن .. الچ فاطم .. وي القائم
من يبتدي المسير
حسين الأمين
#استشهاد_الصادق_ع ١
______
شفتك بيدك قلم تكتب علمك
وشفتك تجري الدمع بآلام هضمك
ما بين دمعه و علم مضمون فهمك
___
موسى بعصه فجر بحر
و انته ابعصاتك للعلم فجرت چم عين
نورك اصل ما ينطفي
و حوزة علومك زاخره بكل الميادين
بالطب الك صولة علي
بقصر الدوانيقي ثبت هذا الامر زين
من ناظرت ذاك الطبيب
خورسته يم رجلك سجد عانى الأمرين
بالطب تحجي واحس مولاي هضمه
وتكول جدي بقه جرحه ايألمه
و ادواه صار الترب هذا ايلجمك
_______
نهر العلم منك غرف
والله لو ما انته يبقى العلم عطشان
هذا الفلك بيدك رسه
باوسع طريقه قدمت تفصيل الاكوان
للفيزيه انته الاصل
و بالكيميه شاهد الك يبقه ابن حيان
كل علم من اتقدمه
تختتمه مجلس للذي ضل على التربان
مرات تقره عزه مرات تسمع
وبثنينهن دمعتك من دم تطلع
لحسين عمرك گضه بدموع دمك
____
بسيرة حياتك گلبت
شفت البغايا هجموا الدارك يحرگون
عمرك چبير بمحنتك
و حاير صفيت ابجبّتك تطفي الحرگ كون
الله يساعد عمتك
خمسين عام ام الخدر من ركضت شلون
وتشوف اخوها اعله ثره
مگطوع راسه و جسمه من الخيل مطحون
و ايتام متحيره واخيام تلهب
و اسياط بيد العده شتصير زينب
ما بين سوط المتن ما بين عمك
______
شفت السبايه اعله الهزل
لو فقط حرگوا دارك و ما سلبوا اعيال
ابحالة بناتك قارنت
عمتك من الخيمه اطلعت اتحشملها رجال
وصوت الشماته يهد جبل
يله يزينب للسبي و ابلايه كفال
بالطف يبو الكاظم ألم
و فوك السبي روس الأهل برماح تنشال
من نار بابك شفت خيمات وجن
للشام عمات الك بسياط يمشن
نيران عمتك شفت نيران امك
___
بموتك جرح ما يندمل
بساعت مماتك شفّتك تلهج بالحسين
هم شابهت جدك تره
عطشان چبدك ما تروّه ابساعت البين
السم ما اخذ منك نحر
خجلان من جدك زدت حسرات الونين
بس ضل الك وسط الكلب
مشتعله نار امصيبتك و بطول السنين
كل صوت شيعي يضل يصدح بإسمك
هالمذهب جعفري يبقه بعزمك
يضوي الدنيا يضل و الدين نجمك
حسين الأمين
______
شفتك بيدك قلم تكتب علمك
وشفتك تجري الدمع بآلام هضمك
ما بين دمعه و علم مضمون فهمك
___
موسى بعصه فجر بحر
و انته ابعصاتك للعلم فجرت چم عين
نورك اصل ما ينطفي
و حوزة علومك زاخره بكل الميادين
بالطب الك صولة علي
بقصر الدوانيقي ثبت هذا الامر زين
من ناظرت ذاك الطبيب
خورسته يم رجلك سجد عانى الأمرين
بالطب تحجي واحس مولاي هضمه
وتكول جدي بقه جرحه ايألمه
و ادواه صار الترب هذا ايلجمك
_______
نهر العلم منك غرف
والله لو ما انته يبقى العلم عطشان
هذا الفلك بيدك رسه
باوسع طريقه قدمت تفصيل الاكوان
للفيزيه انته الاصل
و بالكيميه شاهد الك يبقه ابن حيان
كل علم من اتقدمه
تختتمه مجلس للذي ضل على التربان
مرات تقره عزه مرات تسمع
وبثنينهن دمعتك من دم تطلع
لحسين عمرك گضه بدموع دمك
____
بسيرة حياتك گلبت
شفت البغايا هجموا الدارك يحرگون
عمرك چبير بمحنتك
و حاير صفيت ابجبّتك تطفي الحرگ كون
الله يساعد عمتك
خمسين عام ام الخدر من ركضت شلون
وتشوف اخوها اعله ثره
مگطوع راسه و جسمه من الخيل مطحون
و ايتام متحيره واخيام تلهب
و اسياط بيد العده شتصير زينب
ما بين سوط المتن ما بين عمك
______
شفت السبايه اعله الهزل
لو فقط حرگوا دارك و ما سلبوا اعيال
ابحالة بناتك قارنت
عمتك من الخيمه اطلعت اتحشملها رجال
وصوت الشماته يهد جبل
يله يزينب للسبي و ابلايه كفال
بالطف يبو الكاظم ألم
و فوك السبي روس الأهل برماح تنشال
من نار بابك شفت خيمات وجن
للشام عمات الك بسياط يمشن
نيران عمتك شفت نيران امك
___
بموتك جرح ما يندمل
بساعت مماتك شفّتك تلهج بالحسين
هم شابهت جدك تره
عطشان چبدك ما تروّه ابساعت البين
السم ما اخذ منك نحر
خجلان من جدك زدت حسرات الونين
بس ضل الك وسط الكلب
مشتعله نار امصيبتك و بطول السنين
كل صوت شيعي يضل يصدح بإسمك
هالمذهب جعفري يبقه بعزمك
يضوي الدنيا يضل و الدين نجمك
حسين الأمين
#استشهاد_الصادق_ع ٢ ( تجليبه )
___
سلامي للبقيع الجعفر الاحزان
سلامي و الگلب لزيارته لهفان
__
سلامي للبقيع الجعفر الصادق
نور الله الذي بي وصه كل سابق
مثل جده علي قران هم ناطق
العلوم الدنيا جعفر أصبح العنوان
____
سلامي للبقيع التربته الخضره
الما نشفت لهسه دمعة الزهره
تون للصادق و مخنوگه بالعبره
تنحب و الدمع فوگ الوجن نيران
____
سلامي للبقيع الگبته الطاحت
و عطر آل النبي من تربته فاحت
من هظم المصيبه احجارته صاحت
يا راعي الأمر عجل يبن عدنان
_
سلامي للبقيع و ناري مشتعله
شوكت يم گبره اگعد و احچي بالعله
و انظر يمه أبو صالح وگف صله
و رايات الثأر ترفع على الطغيان
____
سلامي للبقيع انروح زواره
و ننصبها المواكب و احنه بجواره
و نسمع بالصحن صيحات البشاره
كمل گبر الزجيه و إنتهى البنيان
حسين الأمين
___
سلامي للبقيع الجعفر الاحزان
سلامي و الگلب لزيارته لهفان
__
سلامي للبقيع الجعفر الصادق
نور الله الذي بي وصه كل سابق
مثل جده علي قران هم ناطق
العلوم الدنيا جعفر أصبح العنوان
____
سلامي للبقيع التربته الخضره
الما نشفت لهسه دمعة الزهره
تون للصادق و مخنوگه بالعبره
تنحب و الدمع فوگ الوجن نيران
____
سلامي للبقيع الگبته الطاحت
و عطر آل النبي من تربته فاحت
من هظم المصيبه احجارته صاحت
يا راعي الأمر عجل يبن عدنان
_
سلامي للبقيع و ناري مشتعله
شوكت يم گبره اگعد و احچي بالعله
و انظر يمه أبو صالح وگف صله
و رايات الثأر ترفع على الطغيان
____
سلامي للبقيع انروح زواره
و ننصبها المواكب و احنه بجواره
و نسمع بالصحن صيحات البشاره
كمل گبر الزجيه و إنتهى البنيان
حسين الأمين
#ليالي_جواد_الائمه_ع ١
____
يحيى النبي عالرمح ويحيى علي عالسطح
وآويلاه وآويلاه
من فاطمه بسم غدر تاسع ضلع منكسر
وآويلاه وآويلاه
______
يشبه يحيى علمه چان
من الله
بثمن اسنين علم الكون
آتيناه
رحمه للناس أنا قد
ارسلناه
و من القران كل تبيان
اعطيناه
و آتينا الحكم يحيى صبيا
و مثل يحيى الجواد اصبح وصيا
بعمر الصبه فضله الله و رفع منزله
وآويلاه واويلاه
آيه ثبت بالذكر تاسع ضلع منكسر
واويلاه واويلاه
_______
بجوده وعلمه ثبت دين
للإنسان
ثبت رايه و هدم راي
للتيجان
ولمن ناظر بن اكثم
حيدر چان
خورس خصمه ومن يحچي
صنته الديوان
مثل حيدر لچن سيفه لسانه
خضع كلمن نوه ايواجه بيانه
وارث صفات النبي وبالحكمه اصل طالبي
واويلاه واويلاه
اتسيد على اهل القصر تاسع ضلع منكسر
واويلاه واويلاه
____
من يدخل چان تسجدله
هامات الناس
ثالث معصوم محمد
اسمه ينباس
الصد لعيونه ظل محتار
بالاحساس
الرهبه امن حسين و الخزره
من العباس
و اخذ من الرضا هاي المهابه
تضيع أهل الخلافه يم خطابه
نهج البلاغه اله مستورثه من هله
واويلاه واويلاه
سجل ملاحم نصر تاسع ضلع منكسر
واويلاه واويلاه
______
يحيى مصلوب والجواد
فوگ الدار
واحد مذبوح والثاني
بالسم محتار
يحيى برمحه اتلث تيام
ظل يندار
و اتلث تيام ما مدفون
إبن الكرار
شباب الانبيا فوگ الرمح نام
و شباب اليمه فوگ الدار ايام
بين النبي و الولي خيط النوايب جلي
وآويلاه واويلاه
بنفس الألم و الصبر تاسع ضلع منكسر
واويلاه واويلاه
____
ياويلي اعليه امن اقرب ناس
سم البين
بنت المأمون و المأمون
ذبحوا دين
الرضا و أبنه سمووهم
هالملعونين
طوس و بغداد بالغربه
هم متلوعين
أظن مو بس بني العباس أصلها
يعود الجعده هالمرأة نسلها
هذا الفعل متصل من جعده لـ ام الفضل
واويلاه واويلاه
تربايت أهل المكر تاسع ضلع منكسر
واويلاه واويلاه
حسين الأمين
____
يحيى النبي عالرمح ويحيى علي عالسطح
وآويلاه وآويلاه
من فاطمه بسم غدر تاسع ضلع منكسر
وآويلاه وآويلاه
______
يشبه يحيى علمه چان
من الله
بثمن اسنين علم الكون
آتيناه
رحمه للناس أنا قد
ارسلناه
و من القران كل تبيان
اعطيناه
و آتينا الحكم يحيى صبيا
و مثل يحيى الجواد اصبح وصيا
بعمر الصبه فضله الله و رفع منزله
وآويلاه واويلاه
آيه ثبت بالذكر تاسع ضلع منكسر
واويلاه واويلاه
_______
بجوده وعلمه ثبت دين
للإنسان
ثبت رايه و هدم راي
للتيجان
ولمن ناظر بن اكثم
حيدر چان
خورس خصمه ومن يحچي
صنته الديوان
مثل حيدر لچن سيفه لسانه
خضع كلمن نوه ايواجه بيانه
وارث صفات النبي وبالحكمه اصل طالبي
واويلاه واويلاه
اتسيد على اهل القصر تاسع ضلع منكسر
واويلاه واويلاه
____
من يدخل چان تسجدله
هامات الناس
ثالث معصوم محمد
اسمه ينباس
الصد لعيونه ظل محتار
بالاحساس
الرهبه امن حسين و الخزره
من العباس
و اخذ من الرضا هاي المهابه
تضيع أهل الخلافه يم خطابه
نهج البلاغه اله مستورثه من هله
واويلاه واويلاه
سجل ملاحم نصر تاسع ضلع منكسر
واويلاه واويلاه
______
يحيى مصلوب والجواد
فوگ الدار
واحد مذبوح والثاني
بالسم محتار
يحيى برمحه اتلث تيام
ظل يندار
و اتلث تيام ما مدفون
إبن الكرار
شباب الانبيا فوگ الرمح نام
و شباب اليمه فوگ الدار ايام
بين النبي و الولي خيط النوايب جلي
وآويلاه واويلاه
بنفس الألم و الصبر تاسع ضلع منكسر
واويلاه واويلاه
____
ياويلي اعليه امن اقرب ناس
سم البين
بنت المأمون و المأمون
ذبحوا دين
الرضا و أبنه سمووهم
هالملعونين
طوس و بغداد بالغربه
هم متلوعين
أظن مو بس بني العباس أصلها
يعود الجعده هالمرأة نسلها
هذا الفعل متصل من جعده لـ ام الفضل
واويلاه واويلاه
تربايت أهل المكر تاسع ضلع منكسر
واويلاه واويلاه
حسين الأمين
#ليالي_جواد_الائمه_ع ٢
_
على الجواد وآويلاه
على الجواد وآويلاه
_____
شيعوا نعش ابن الرضا بصوت الفجيعه
و صيحوا ويه فاطمه و هزوا الوسيعه
طاح عرش الله و بچت لجله الشريعه
تاسع اليمه گضه بالسم يشيعه
باب المراد وآويلاه
على الجواد وآويلاه
_______
مات مسموم و بقت جثته غريبه
اتلث ليالي ابلا دفن ظل يا مصيبه
مثل ابو اليمه لچن ماهي سليبه
چثّته و لا رگبته بدمه خضيبه
مثل الحسين وآويلاه
على الجواد وآويلاه
______
بعد من الطف أخذ اعظم رزيه
هم گضه عطشان ساعات المنيه
بس وسط داره بقه مو عالوطيه
و لا تهشم صدره بخيول اعوجيه
نار الفؤاد وآويلاه
على الجواد وآويلاه
________
عمره بالعشرين يا لوعة مصابه
و غدرته بسم المنيه هالعصابه
بالعمر يشبه علي الأكبر شبابه
بعز شبابه هم مشه الحفرة ترابه
على الشباب وآويلاه
على الجواد وآويلاه
_______
ويلي من السم صبح منفطر چبده
و نايم و حر الشمس ويلي يمرده
عافته أم الفضل بالدار وحده
مثل ما عمه الحسن سمته جعده
ميت غريب وآويلاه
على الجواد وآويلاه
________
ابو الهادي يا عظم رفعة مقامه
سيفه چان السانه من يوكف امامه
ابن اكثم من سمع شدة كلامه
اتخورس اگباله و خجل دنگ الهامه
سيفه الكلام وآويلاه
على الجواد وآويلاه
______
ثبت اركان الهدى بعلمه و يقينه
اتسيد المذهب وهو تسعة سنينه
بني هاشم كل علم ما دارسينه
واحد الواحد تره متوارثينه
ناح الجماد وآويلاه
على الجواد وآويلاه
حسين الأمين
_
على الجواد وآويلاه
على الجواد وآويلاه
_____
شيعوا نعش ابن الرضا بصوت الفجيعه
و صيحوا ويه فاطمه و هزوا الوسيعه
طاح عرش الله و بچت لجله الشريعه
تاسع اليمه گضه بالسم يشيعه
باب المراد وآويلاه
على الجواد وآويلاه
_______
مات مسموم و بقت جثته غريبه
اتلث ليالي ابلا دفن ظل يا مصيبه
مثل ابو اليمه لچن ماهي سليبه
چثّته و لا رگبته بدمه خضيبه
مثل الحسين وآويلاه
على الجواد وآويلاه
______
بعد من الطف أخذ اعظم رزيه
هم گضه عطشان ساعات المنيه
بس وسط داره بقه مو عالوطيه
و لا تهشم صدره بخيول اعوجيه
نار الفؤاد وآويلاه
على الجواد وآويلاه
________
عمره بالعشرين يا لوعة مصابه
و غدرته بسم المنيه هالعصابه
بالعمر يشبه علي الأكبر شبابه
بعز شبابه هم مشه الحفرة ترابه
على الشباب وآويلاه
على الجواد وآويلاه
_______
ويلي من السم صبح منفطر چبده
و نايم و حر الشمس ويلي يمرده
عافته أم الفضل بالدار وحده
مثل ما عمه الحسن سمته جعده
ميت غريب وآويلاه
على الجواد وآويلاه
________
ابو الهادي يا عظم رفعة مقامه
سيفه چان السانه من يوكف امامه
ابن اكثم من سمع شدة كلامه
اتخورس اگباله و خجل دنگ الهامه
سيفه الكلام وآويلاه
على الجواد وآويلاه
______
ثبت اركان الهدى بعلمه و يقينه
اتسيد المذهب وهو تسعة سنينه
بني هاشم كل علم ما دارسينه
واحد الواحد تره متوارثينه
ناح الجماد وآويلاه
على الجواد وآويلاه
حسين الأمين
#ليالي_جواد_الائمه_ع ٣
____
جيتك ينزف همي
ما متوذر جسمي
موتي صار بسمي يا جدي
______
اجيتك و الخجل منك يجدي واصل الهامي
بالسم منچتل مو سيف من نحري صبح دامي
اواسي اجروحك بجرحي چانت هايه احلامي
بس نعمه يبو السجاد مثلك من متت ضامي
خجلان امن اجروحي
ما وافيت بنوحي
بالسم صعدت روحي يا جدي
_____
وحدي بموتتي يا جد بقيت بغربة احزاني
تكطّع چبدي من السم و محد يمي وآساني
مثلك موتي بس يفرق ما مذبوحه خواني
بكتري وواحد امتاني اموت ويشب صيواني
بوحدي و انته بوحدك
دمعه اطوف بخدك
يلي اسهام ابچبدك يا جدي
____
حيره و باقي أگطرلك دمعه ومستحه وحسره
ما مدفون هم ظليت ثلث ايام عالغبره
بس فوگاي اجتي اطيور تظللي بجنح فتره
وانته الخيل ظل فوگاك يالنايم بلا نحره
انته بحر الذاري
و آنه الباقي ابداري
و ما متوذره اكتاري يا جدي
____
اشما ونيت ما يكفي مصابك للحزن مرقد
اطوف بكربله بدمعي ونار الخيمه ما تخمد
أعذرني يبو اليمه ما مني تعفر خد
و لا متصوب ابگلبي ولا راسي برمح يصعد
طفك لوعه اهمومه
يالما سلمت گومه
جرحك يصعب يومه يا جدي
____
بعد الموت شيعوني ما ظل للسحگ عظمي
صح ظليت عالغبره بس ماكو اخت يمي
اجت بالليل شافتني نايم سابح ابدمي
ولاوسط الحصيره انشال گد ما منطحن جسمي
حالي شوفه و حالك
سالم جسمي جالك
يالمتگطعه اوصالك يا جدي
حسين الأمين
____
جيتك ينزف همي
ما متوذر جسمي
موتي صار بسمي يا جدي
______
اجيتك و الخجل منك يجدي واصل الهامي
بالسم منچتل مو سيف من نحري صبح دامي
اواسي اجروحك بجرحي چانت هايه احلامي
بس نعمه يبو السجاد مثلك من متت ضامي
خجلان امن اجروحي
ما وافيت بنوحي
بالسم صعدت روحي يا جدي
_____
وحدي بموتتي يا جد بقيت بغربة احزاني
تكطّع چبدي من السم و محد يمي وآساني
مثلك موتي بس يفرق ما مذبوحه خواني
بكتري وواحد امتاني اموت ويشب صيواني
بوحدي و انته بوحدك
دمعه اطوف بخدك
يلي اسهام ابچبدك يا جدي
____
حيره و باقي أگطرلك دمعه ومستحه وحسره
ما مدفون هم ظليت ثلث ايام عالغبره
بس فوگاي اجتي اطيور تظللي بجنح فتره
وانته الخيل ظل فوگاك يالنايم بلا نحره
انته بحر الذاري
و آنه الباقي ابداري
و ما متوذره اكتاري يا جدي
____
اشما ونيت ما يكفي مصابك للحزن مرقد
اطوف بكربله بدمعي ونار الخيمه ما تخمد
أعذرني يبو اليمه ما مني تعفر خد
و لا متصوب ابگلبي ولا راسي برمح يصعد
طفك لوعه اهمومه
يالما سلمت گومه
جرحك يصعب يومه يا جدي
____
بعد الموت شيعوني ما ظل للسحگ عظمي
صح ظليت عالغبره بس ماكو اخت يمي
اجت بالليل شافتني نايم سابح ابدمي
ولاوسط الحصيره انشال گد ما منطحن جسمي
حالي شوفه و حالك
سالم جسمي جالك
يالمتگطعه اوصالك يا جدي
حسين الأمين
#استشهاد_الباقر_ع
____
بعيون الباقر لچمه .. وكلمه
مرسومه بشجن
جده بالعاشر صدره .. اينظره
بالخيل انطحن
كلمات عيونه حسين
ضامي ايذبحونه حسين مرسومه بشجن
____
دمع المنيه يروي الرزيه
من عين ابو جعفر لمن گرّب مماته
شاهد مصايب و اعظم نوايب
و اخذت كربله أكبر حزن من ذكرياته
سجل ظهوره بالطف حضوره
بسنين اربعه و الفاجعه بأول حياته
بالحومه جده من شافه وحده
و ينظر كل هله صرعه صفوا يا نايباته
محد يبراله جده .. بشده
مكسور الظهر
ينظر احواله غربه .. بحربه
و دمعاته نهر
متغير لونه حسين
ضامي ايذبحونه حسين
_____
نار و عساكر ارماح و مناحر
رسمت دمعته بخده جرح للغاضريه
خيمه و جمرها عمته و خدرها
ركضت على التل اوچبت بنت الزجيه
صاحت يخونه بعدك ولونه
يبن امي إذا بعدك عدل لحگ عليه
الباقر نظرها تنادي و ذخرها
نايم و الصدر منه ترضه الاعوجيه
شاهدها العمته ركضت .. ندبت
وجده عالارض
ينظر صوب اخته بدمه .. اتحشمه
بلكت ينتفض
شاف ايسحگونه حسين
ضامي ايذبحونه حسين
______
اتحتم مصيره ايكمل مسيره
ويه والده زين العباد امگيدينه
مسبي و تعذب وي عمته زينب
و للكوفه سبايه دخّلوا اشرف ضعينه
بچفه سويه وي چف رقيه
نفس الحبل مچتوفه بي چتفوا ادينه
اسياط اعله متنه ونه اعله ونه
الساعة منيته ظل أثر ضربه اعله عينه
ومطبوع بظهره ناره .. آثاره
لسياط السبي
وحسين اينظره جرحه .. برمحه
راس ابن النبي
حامي اعله ظعونه حسين
ضامي ايذبحونه حسين
________
بذيچ الخرايب شاف المصايب
نظرات الغرب تذبح اشد من كل مصيبه
الشام و قهرها يذبح يسرها
فوگ السبي و ضيمه الفرح ماخذ نصيبه
اطبول و هلاهل وعيد و محافل
و الباقر يشوف و حزن يشرح نحيبه
كل نايباته من الشماته
و اليبست گصصهم تنظر العتره النجيبه
كلمات الشامت تجرح .. تذبح
ما ترحم ابد
ونظرات الساكت تهظم .. تلچم
من عدها انمرد
بگلبه ايصوبونه حسين
ضامي ايذبحونه حسين
_____
آخر دموعه بدلاله لوعه
بالسم منچتل ما منگطع من عنده نحره
چان امنياته ساعة مماته
عالغبره مثل جده وحيد و ضامي ثغره
محد يعينه مو يم بنينه
ايواسي الحسين ابمقتله محد يحضره
خلصت حسرته ذابت مهجته
و چنها فاطمه حضرت لبو جعفر تصبره
غمضت بيديها بعبره .. الزهره
سدتله جفن
ياويلي اعليها صاحت .. ناحت
و الـ سمّه تون
طبگتله اجفونه حسين
ضامي ايذبحونه حسين
حسين الأمين
____
بعيون الباقر لچمه .. وكلمه
مرسومه بشجن
جده بالعاشر صدره .. اينظره
بالخيل انطحن
كلمات عيونه حسين
ضامي ايذبحونه حسين مرسومه بشجن
____
دمع المنيه يروي الرزيه
من عين ابو جعفر لمن گرّب مماته
شاهد مصايب و اعظم نوايب
و اخذت كربله أكبر حزن من ذكرياته
سجل ظهوره بالطف حضوره
بسنين اربعه و الفاجعه بأول حياته
بالحومه جده من شافه وحده
و ينظر كل هله صرعه صفوا يا نايباته
محد يبراله جده .. بشده
مكسور الظهر
ينظر احواله غربه .. بحربه
و دمعاته نهر
متغير لونه حسين
ضامي ايذبحونه حسين
_____
نار و عساكر ارماح و مناحر
رسمت دمعته بخده جرح للغاضريه
خيمه و جمرها عمته و خدرها
ركضت على التل اوچبت بنت الزجيه
صاحت يخونه بعدك ولونه
يبن امي إذا بعدك عدل لحگ عليه
الباقر نظرها تنادي و ذخرها
نايم و الصدر منه ترضه الاعوجيه
شاهدها العمته ركضت .. ندبت
وجده عالارض
ينظر صوب اخته بدمه .. اتحشمه
بلكت ينتفض
شاف ايسحگونه حسين
ضامي ايذبحونه حسين
______
اتحتم مصيره ايكمل مسيره
ويه والده زين العباد امگيدينه
مسبي و تعذب وي عمته زينب
و للكوفه سبايه دخّلوا اشرف ضعينه
بچفه سويه وي چف رقيه
نفس الحبل مچتوفه بي چتفوا ادينه
اسياط اعله متنه ونه اعله ونه
الساعة منيته ظل أثر ضربه اعله عينه
ومطبوع بظهره ناره .. آثاره
لسياط السبي
وحسين اينظره جرحه .. برمحه
راس ابن النبي
حامي اعله ظعونه حسين
ضامي ايذبحونه حسين
________
بذيچ الخرايب شاف المصايب
نظرات الغرب تذبح اشد من كل مصيبه
الشام و قهرها يذبح يسرها
فوگ السبي و ضيمه الفرح ماخذ نصيبه
اطبول و هلاهل وعيد و محافل
و الباقر يشوف و حزن يشرح نحيبه
كل نايباته من الشماته
و اليبست گصصهم تنظر العتره النجيبه
كلمات الشامت تجرح .. تذبح
ما ترحم ابد
ونظرات الساكت تهظم .. تلچم
من عدها انمرد
بگلبه ايصوبونه حسين
ضامي ايذبحونه حسين
_____
آخر دموعه بدلاله لوعه
بالسم منچتل ما منگطع من عنده نحره
چان امنياته ساعة مماته
عالغبره مثل جده وحيد و ضامي ثغره
محد يعينه مو يم بنينه
ايواسي الحسين ابمقتله محد يحضره
خلصت حسرته ذابت مهجته
و چنها فاطمه حضرت لبو جعفر تصبره
غمضت بيديها بعبره .. الزهره
سدتله جفن
ياويلي اعليها صاحت .. ناحت
و الـ سمّه تون
طبگتله اجفونه حسين
ضامي ايذبحونه حسين
حسين الأمين